فانتازيا كمان وكمان

ينصر دينك يا وحيد يا حامد

2010-08-12T00:54:00.005+01:00

أيوة بأعترف إني في لحظة انهزام تملك اليأس مني تماما وأقلعت عن الكتابة. والبوست ده مش بالضرورة يكون معناه إني هأرجع للتدوين تاني. أنا حاسة إني نسيت الكتابة أصلا. حتى الشاشة بتاعة البلوجر دي شكلها بقى غريب في عينيا بالرغم من علاقة الألفة اللي جمعتنا لمدة طويلة لما كانت نافذتي للفضفضة واللقاء مع اصدقاء القلم

تعبت.. آه.. بني آدمة طبيعية ومن حقي أتعب

وقرفت.. ودا حق دستوري لكل مواطن يتعرض للي أنا اتعرضتله في الفترة القصيرة اللي مارست فيها التدوين

المهم رمضان كريم وكل سنة وانتم طيبين يا غاليين. وحشتوني بجد. وما بعدنيش عنكم غير الشديد القوي
بس إياكش هي حلاوة الروح اللي جرتني تاني لغاية هنا. جت منين حلاوة الروح دي في عز القهرة والاكتئاب النشط اللي عندي؟

وقعت للمرة اللي مش عارفة هي كام بالظبط في غرام وحيد حامد. لأ بلاش دماغكم تروح لبعيد.. أنا بس بأعبر عن اعجابي مش أكتر
بس المرادي غير الاعجاب أنا مدينة له إنه وراني بصيص نور كان غاب عن عيني من زمان وكان بمثابة تهديد حقيقي بالعمى الكامل

يادي النيلة بايني هأقلب البوست غم ونكد وإحنا في أيام مفترجة. معلش، اعذروني. خلوني أسد الدين اللي ف رقبتي. أصلي حاسة إني مديونة لشوشتي، وأنا ما شوفتش غير هما يا دوب حلقتين بس من مسلسل "الجماعة". ولولا إني مش عايزة أقلبها فرح بلدي كنت قعدت أحيي كل اللي اشتركوا في العمل العظيم دا نفر نفر، لغاية لما أوصل لعمال النضافة اللي في الاستديو. بس لازم أحيي المبدع وحيد حامد، ألف مرة.. لأ ألف مرة إيه؟ مليون ألف مرة. أحمدك يا رب إني عشت وشوفت المسلسل ده. كدة بقى الكورة في ملعب الجمهور. محدش له حجة يقول "أصلي ما كنتش عارف.. أصلي ما كنتش فاهم.. طب هما مالهم الاخوان؟ " والحجج إياها دي اللي كلها نابع من الكسل، والتغييب، وعدم الاهتمام بمصير البلد، وإياكش تولع... أهو جالكم لغاية عندكم

وصيتي ليكم تتابعوا المسلسل ده في وسط العشروميت مسلسل بتوع رمضان. قولوا لكل الناس يتابعوه لأنه فعلا يستحق المتابعة وكل التقدير لصناعه ومبدعيه

بس كفاية كدة.. كدة رضا.. تتمسوا بالخير

مترو في العصور الوسطى

2009-04-01T00:28:00.007+01:00

بعد أن صادرتها شرطة الآداب
محاكمة مؤلف وناشر رواية مترو
القاهرة فى 27/3/2009

في الوقت الذي نتطلع فيه جميعاً الي المزيد من الحريات وسقف أعلي لممارسة حقيقية في التعبير وبحرية عن كل ما يجول بخاطرنا لمصلحة هذا الوطن..
تنظر محكمة جنح قصر النيل السبت القادم 28 مارس،القضية رقم 4732 لسنة 2008 جنح قصر النيل، والمتهم فيها كلا من"مجدى الشافعى" مؤلف رواية "مترو"،و"محمد الشرقاوى" ناشر الرواية،بعد أن احالتهم نيابة حوادث القاهرة للمحاكمة بعد أن اتهمتهم بأنهم" صنعا وحازا بقصد الاتجار والتوزيع مطبوعات منافية للآداب العامة بأن قام المتهم الأول(مجدى الشافعى) بتأليف كتاب"مترو" وضمنه عبارات منافية للآداب العامة وقدمه المتهم الثانى(محمد الشرقاوى) الذى قام بطباعته ونشره وتوزيعه.."،وطالبت النيابة بمعاقبة المبدعين بموجب المواد30 و171 و178 و198 من قانون العقوبات.
وكانت الإدارة العامة لحماية الآداب(وهى إدارة تابعة لوزارة الداخلية) قد قامت بضبط مئات النسخ من رواية "مترو" فى ابريل الماضى(2008) بعد أن اقتحمت دار "ملامح" للنشر،وبعض المكتبات منها مكتبة الشروق،ومكتبة الديوان،وحررت محضراً وعرضته على النيابة العامة والتى استدعت كلا من"مجدى الشافعى" و"الشرقاوى"،للتحقيق معهم،ثم صدر قرار رئيس محكمة جنوب القاهرة بتأييد ضبط ومصادرة الرواية.
وفى يونيه الماضى(2008) تقدم أحد محامو الحسبة،ببلاغ للنائب العام ضد مؤلف الرواية وناشرها،وقد أرفق البلاغ بالتحقيقات،ثم قررت النيابة العامة تقديم"مجدى الشافعى"،و"الشرقاوى" للمحاكمة أمام محكمة جنح قصر النيل.
أن دار"ملامح" للنشر،والمبدع"مجدى الشافعى"و"مركز هشام مبارك للقانون"،يعلنوا عن حاجتهم لدعم كافة المهمومين بحرية التعبير،للدفاع عن حرية التعبير والإبداع،وخاصة أن الرواية يتربص بها بعض المحتسبين،كما يعلنوا بأن محاكمة رواية "مترو" لن يزعزع ايمانهم بحرية الإبداع كما وردت بالدستور المصري بالمادة 49 وكذلك بالمواثيق الدولية لحقوق الإنسان.
للاستفسار يمكنمكم الاتصال
0106888331
0107920678
0120624003
0225758908

نقلا عن مدونة ايجيبشن فيميل

تحديث: تم تأجيل النظر في القضية إلى الرابع من ابريل 2009

..........................................

أنا مش عارفة إلى متى سيستمر هذا المسلسل المخزي المسمى بالحسبة؟؟؟ بقى فيه دولة مدنية محترمة في القرن الحادي والعشرين يسمح قانونها بهذا الانتهاك السافر لحرية المفكرين والمبدعين؟ لماذا نتفنن في الاساءة إلى سمعة مصر عالميا؟ لماذا نصر أن نكون نكتة يتندر بها العالم الحديث؟ لماذا نرتضي أن نكون مثارا لسخرية المجتمعات المتقدمة ثم ندعي زورا وبهتانا أننا نسعى للحاق بركاب الحضارة ونتجه نحو التقدم وتكريس احترام الحريات وحقوق الانسان؟

يعني إيه الدولة تسمح إن أديب يتجرجر على القسم زي المجرمين لمجرد إنه كتب رواية؟؟؟

يعني إيه ندعي إن مصر دولة مدنية لها دستور مدني وبعدين نسمح بوجود محتسب؟؟ محتسب!! هو إحنا عايشين في أي زمن؟ ولو إحنا راضيين إننا نعيش في العصور الوسطى، بنضحك على نفسنا ولا بنضحك على العالم لما بنلبس بدل وكرافتات وتايورات ونركب عربيات آخر موديل ونتعامل مع اجهزة كمبيوتر ونطالب العالم المتقدم بمعاملتنا معاملة الأنداد؟ ما نخلينا واضحين مع نفسنا بقى ونبطل موضوع الرقص ع السلم ده، وبلاش قشور الحضارة والكلام الكبير بتاع الديمقراطية والتحديث والتطوير. دا أي حد عندنا بيفكر -لا سمح الله- بيكون ارتكب ذنب لا يغتفر! وأي واحد يتجنن ويعبر عن أفكاره يبقى مارق يستوجب الملاحقة والتأديب! ويا سلام لو صدق إنه عايش في دولة حديثة بجد بقى وقالك يعمل عمل فني أو ثقافي! خد عندك بقى يا حلو.. تعالى ياللي عامللي فيها فنان. إنت صدقت نفسك ياخويا؟ عيب يا بابا دي قلة أدب. ويلا يا محتسب إحمي المجتمع من شرور هذا الزنديق اللي اتجنن في نافوخه وافتكر نفسه عايش في بلد بتحترم أصحاب العقول والموهوبين.. شكله صدق الكلمتين اللي بيتقالوا في الجرايد والتليفزيون. قال ثقافة قال! هي سايبة؟

للأسف.. إحنا عايشين في واقع كابوسي. قال وأنا محموقة أوي وبادافع عن الدستور وسيادة القانون، وزعلانة أوي من اللي عايز الخلافة ترجع تاني! طب هي الخلافة هتعمل إيه اسوأ من كدة؟ هو الشكل يعني؟ أعتقد وقتها هيكون شكلنا أكثر اتساقا مع واقعنا، بدل الازدواجية اللي مالهاش معنى ولا طعم دي. واحد صاحب دار نشر يلاقي نفسه متهم في قضية أخلاقية عشان نشر رواية؟؟ لأ وإيه بعد ما اطبعت ونزلت السوق واتعرضت في معرض الكتاب واتباعت واتقرت.. فجأة المحتسب قرر إنها رواية خارجة وقليلة الأدب! لأ والأجهزة الأمنية النشيطة ما شاء الله راحت قلبت دار النشر وطربقتها على راس أصحابها واقتحموا المكتبات عشان يصادروا الممنوعات.. قصدي الرواية!! يا عيني يا عيني!! يا ترى كام جريمة تم ارتكابها اثناء ما كان هؤلاء "العسس" بيقوموا بهذه المهمة الأمنية الباسلة؟ والباشا مقدم الدرك اللي حقق مع الشرقاوي والشافعي، يا ترى كان احساسه إيه وهو بيقوم بهذه الخدمة الجليلة للأمن؟ يا سلااااااام. أكيد كان كله زهو وافتخار بعد ما تم القبض عليهم متلبسين بهذا الفعل الفاضح وبعد ما لم جريمتهم الشنعاء من خمارات.. قصدي مكتبات المحروسة. متخيلة كدا وهو بيفكر في السنوات اللي امضاها في كلية الشرطة وهو بيدرس القانون وبيحلم باليوم اللي يستلم فيه عمله عشان يحمي المجتمع من مثل هؤلاء المجرمين الأوغاد. فعلا حاجة تشرف

آه يا بلدي.. وآه يا شباب بلدي.. وآه يا عقول بلدي. يا من آمنتم بوهم وسراب. يا من خدعتم باكذوبة حرية الفكر والابداع. يا من لم تدركوا أننا مازلنا نقبع في ظلمات العصور الوسطى حيث المحتسب والعسس ومحاكم التفتيش! ستدفعون ثمن ايمانكم وسندفع جميعا ثمن الصمت والرضوخ وستدفعه أجيالا قادمة ستنمو في حضن القهر والكبت وتعقيم العقول

الحرية لمحمد الشرقاوي ومجدي الشافعي

لنثبت أننا شعبا يستحق الحرية ولنقضي على بعبع الحسبة وزمن العمائم والعسس
انقذوا العقل والأبداع.. أملنا الوحيد.. الذي إن أحييناه أحيانا، وإن قتلناه حكمنا على مستقلبل مصر بالموت

The Heikal Syndrome

2009-01-08T01:21:00.003Z

موضوع غزة ده تحول إلى صفعة على وجه العرب كلهم. وأعني صفعة
Slap on the face
أنا اتكلمت كتير عن غزة وعن ما صحب الهجوم الغاشم على غزة من متاجرة بدم الضحايا واستغلال للموقف لاستهداف مصر اعلاميا وشحن الشعوب العربية ضد الموقف المصري لممارسة الضغط على النظام السياسي لصالح أطراف أخرى.. وخاصة إيران

المرة دي اسمحولي اكتب عن شيء آخر.. لكن في نفس السياق.. فالشيء بالشيء يذكر

اخترت العنوان بالانجليزي لمقال بالعربي عشان هتكلم عن اللورد.. لورد الاعلام العربي من وجهة نظري.. وكان لازم العنوان يبقى شيك برضه عشان يناسب مقال عن الاستاذ.. ولما نقول الاستاذ في عالمنا العربي، معروف مين.. الاستاذ محمد حسنين هيكل. اللي رغم كل شيء أصر اني احفظله لقبه، لاعجابي الشديد بشخصه وباسلوبه مهما اختلفت معاه ومهما كان انتقادي لمواقفه

فيه ناس ممكن تلاقي ده شيء مثير للسخرية أو حتى الشفقة.. مين انتي با حتة مدونة بنت امبارح عشان تكتبي تنتقدي الاستاذ؟؟.. أصل الاستاذ له دراويش مخلصين لا يطيقون انتقاده أبدا.. ودراويش بمعنى الكلمة.. يعتبرونه المرجعية العليا التي لا يمكن المساس بها.. دراويش فاق اخلاصهم حدود الاعجاب والتأثر بآراء الاستاذ ليتحول إلى وله واتباع اعمى وترديد لكل كلامه وتحليلاته وآراءه. فيه ناس شغلتها انها بغبغنات لهيكل بمعنى الكلمة. ولا اعتقد ان في هذا ما يعظم من شأنه، ولا أعتقد ان هذا يسعده هو شخصيا أو يرضيه، لأن أي استاذ يتمنى أن يعلم الآخرين ويلهمهم، لا أن يصنع اتباع من فاقدين الشخصية والرؤية الذاتية، أو يتحول إلى طوطم للعميان ومدعي الثقافة السياسية. لكن دراويش الاستاذ لا يعرفون ذلك. بل ويعتقدون أنهم قد وصلوا إلى قمة المعرفة والحنكة والفتاكة السياسية لمجرد انهم يرددون كلامه دون وعي، واذا ناقشت احدهم فيما يقوله، ينفش ريشه ويقولك بكل فخر "دا نفس رأي الاستاذ"!!! كأنه كلام الاستاذ قد منح نوعا من القداسة لأن الاستاذ هو اللي قاله.. أو كأن لا قول يعلو فوق قول الاستاذ.. أو كأن دا رأيهم هما وقال إيه اتفاق الاستاذ معاهم قد اعطى هذه الآراء علامة الجودة

العبدة الفقيرة لله لا تدعي أي معرفة لوذعية بالعلوم السياسية.. أنا مجرد بحب التاريخ وباتابع اللي بيحصل زي أي حد مهتم بالشأن العام. بأستخدم عقلي في ربط ما أراه حتى أخرج برأي ما أو تحليل ما، والحمد لله اني حتة مدونة لا راحت ولا جت، وإلا كان زماني بجد في هذا الزمن بقيت استاذة أنا كمان وليا دراويش ماسكين في ديلي. أنا بقول كدا ليس لثقة زيادة في قدراتي، لكن لوجود واقع مؤسف في عالمنا العربي ومجتمعنا المصري تحديدا يسهل فيه جدا صناعة الرموز والشيوخ والاساتذة والقادة

خلونا في الموضوع

الاستاذ اتكلم انهاردة على القناة اياها اللي كلنا عارفينها في لقاء خاص يعقب فيه عما يحدث في غزة. طبعا اجندة القناة في استضافة الاستاذ لاجراء هذه المقابلة الاستثنائية معروفة، ومش محتاجة ان حد يشوف الحلقة أصلا.. هما عايزين واحد بثقل الاستاذ يدعم الموقف اللي واخداه الجزيرة ضد مصر. وهو طبعا كان واعي لده جدا، وماطل وراوغ كتير في انه يناولهم مرادهم، وكاد أن يفلت، وكان ممكن جدا يفلت لو ان من ادار هذا الحوار هو محاوره المعهود محمد كريشان، لكن من حاوره هذه المرة هو حسين عبد الغني، مدير مكتب الجزيرة في مصر.. وقد استطاع ان يحاصر الاستاذ ويزنقه في خانة اليك عشان يطلع منه أي ادانة واضحة للموقف المصري، ومع ذلك فشل برضه

سر اعجابي بهيكل واحترامي الشديد له هو انه بيحترمني وبيحترم عقلي.. مش أنا شخصيا كفانتازيا، لكنه بيحترم عقلية جمهوره وفعلا بيعمل مجهود في تحليلاته ومحاولة اقناع الرأي العام بوجهة نظره.. فعلا استاذ.. تحس انه داخل المحاضرة ومحضر نفسه.. مراجع ووثائق وكلام مدورس واسلوب رصين وقلم في ايده.. ودا أنا اقدره الصراحة. رغم انه ف الآخر بيلبسني الطاسة، لكني بلبسها وأنا سعيدة ومنشكحة والابتسامة من الودن للودن، لأنه لبسهالي بذكاء، ماضربنيش بيها على دماغي زي العيال بتوع أولى سياسة وأولى صحافة. مش أي حد يعرف يلبس النخبة المصرية السلطانية.. الاستاذ بس هو اللي يقدر يقلوظ السلطانية كويس
وأعني بالنخبة المصرية، الايليت
Elite
وأنا مش بقول النخبة على اعتبار اني منهم، لكن لأن ده التعريف الصحيح للفئة اللي بيخاطبها الاستاذ واللي بيأثر فيها، وعن طريق تأثيره فيها بيزيد تأثيره هو الشخصي وثقله وقيمته

أنا أشجع اللعبة الحلوة.. اشجعها حتى لو كان فريقي مهزوم.. بس كل أملي هو ان فريقي يتعلم اللعب

نرجع لحوار الاستاذ.. قال إيه؟
أولا ضرب كرسي في الكلوب بشياكة وممكن بشكل مفاجيء للناس الموهومة بيه وبمواقفه القومية العروبية الصريحة وانتقاده واعتراضه الشديد على النظام المصري الحالي، اللي هو بالمناسبة مجرد امتداد لنظام عبد الناصر اللي هو كان المايسترو فيه.. ما علينا دا مش موضوعنا

أول كرسي في الكلوب انه قال ان حماس غلطت وقال بالحرف انهم اوقفوا الهدنة عشان كام صاروخ مابيعملوش حاجة، ودا خطأ ومكانش ليه داعي.. وقال ان سر انهم بيقعوا في الخطأ هو عدم وعيهم بما يحدث في العالم.. قصده ان تفكيرهم سطحي ولا يهتمون بتحليل المشهد السياسي.. وقال نفس اللي أنا قلته في مقالي الأول عن جهل حماس بسوء توقيت وقف التهدئة بسبب انتقال السلطة في امريكا وما احدثه هذا من فراغ.. واعترف ان الفاعل الوحيد حاليا في الموقف الراهن هو امريكا اللي مع غيابها أي طرف تاني مش هيكون مؤثر! الاستاذ اللي كان من أشد المعارضين لموقف السادات لأنه قال أن 99% من أوراق اللعبة في ايد امريكا دلوقتي بيقول ان مفيش حد يقدر يعمل حاجة غير امريكا!! ياللهول

تاني كرسي كان انه قال ان السيد حسن نصر الله أخطأ في الخطاب اللي وجهه للشعب المصري! وقال ما معناه برضه ان نصر الله جاهل ومش عارف بيكلم مين، فهو لا يعي طبيعة الشعب المصري ومدى تعلقه التاريخي بوطنه

وبعدين رفض ان قضية فلسطين تعامل على انها قضية دينية ورفض استخدام الدين في التسويق ليها، وقال طبعا انها قضية قومية وليست اسلامية.. ورغم استخدامه تعبير "قومية" فهو لم يدلل على ذلك واختص مصر وأمن مصر القومي بعلاقته وتشابكه مع هذه القضية ومصلحة مصر في تمسكها بوجودها الفاعل داخل كيان أكبر

طب يا استاذ كدا تمام.. انت كدا بتعارض التيار الراديكالي وشايف ان من يقودون ما يسمى بتيار المقاومة هم عبارة عن جهلة، خارج الزمن والتاريخ، لا يعرفون شيء عن العالم ولا تعقيدات السياسة ولا يعنيهم حتى ان المقاومة تكون فعالة، بيضربوا صواريخ في الهوا وخلاص. وكمان رافض التشابك الحالي بين القومية والتيار الديني.. وبعدين بتصور القومية دي على انها قدر مصر ومسؤولية مصر، ومصر وحدها! طب هي دي القومية يعني؟

كل ما كان حسين عبد الغني يسأله سؤال مباشر عن تقصير مصر تجاه ما يحدث في غزة، كان الاستاذ بيتوه الموضوع.. ابتدا الأول بجملة اكلاشيه من جمله المعهودة الظريفة.. رجع في كرسيه كدا وبرق وقال "أنا مش قادر أفهم موقف مصر. حاولت ومش فاهم."! طيب إيه اللي حضرتك مش فاهمه؟ قعد يتكلم عن ضعف الدور المصري.. بس الدور المصرى كقوة ناعمة، مش كقوة عسكرية زي ما الاخوة في الجزيرة ومن يعملون لحسابهم والقومجيين بيتكلموا
Soft Power
من الآخر معناها ان يبقالك دور خارجي من خلال ادوات تانية غير التدخل الفعلي.. طبعا التجربة الناصرية الاعلامية اللي هو صنعها هي المقياس الوحيد اللي بيقيس عليه.. لكني أويده جدا في هذا الكلام

بس إيه علاقة غياب السوفت باور المصري في موضوع تقصير مصر تجاه القضية الفلسطينية؟

وهنا تتجلى عبقرية هيكل، وعشان كدا بحبه وبحترمه، وهأفضل رغم كل شيء أشجع اللعبة الحلوة.. فبدل من أن تستخدمه قناة الجزيرة لخدمة اهدافها، استخدمها هو كوسيلة مسموعة ومرئية لتوجيه رسايل واسئلة مباشرة للنظام المصري

الحوار محتاج ان اللي ماشافوش يشوفه، عشان كدا هأكتفي بالاجزاء اللي قلتها عشان ما احرقوش.. لازم تشوفوه في الاعادة، اللي للاسف ما اعرفش ميعادها

لكن الرسايل والاسئلة واضحة وأنا أدعمها جميعا ويا ريت نشوف استجابة ليها ولا يتم اغفالها عشان كلام عابر فيه ثمة انتقاد للنظام المصري، مع انه مش انتقاد أبدا.. أنا شايفه انه عتاب ومحاولة للفت الانتباه للسقطات اللي بيقع فيها النظام وبتخسره كتير برغم سلامة موقفه في هذه القضية. أنا هلخص محتوى الرسايل بعد فك الشفرة من كلام الاستاذ.. الرسايل والاسئلة ببساطة هي

1- لماذا هذا الفراغ الاعلامي والاخفاق في صنع رأي عام مؤيد لمصر؟ م الآخر ازاي نسيب غيرنا يزايد علينا ونتعالى عن مجرد تفسير ما يحدث حتى تكون الصورة واضحة للعامة ولا يتم استغلال هذا التعتيم ضد مصر؟

2- لماذا لا يتم شرح الرؤية المصرية كاملة وواضحة مثلما تم تقديم الطرح الراديكالي أو المعارض؟ لماذا الاصرار على ابقاء الكل في الظلام، حتى أن أفضل المحللين يعجزون عن الدفاع عن مصر كما ينبغي لغياب الحقائق المطلوبة ول"ترفع؟" النظام المصري عن توضيح وجهة نظره وتصوره بشكل واضح؟

3- لا يجب ان تترك مصر هكذا مكشوفة في وجه أي تيار مضاد. لابد ان تتحصن مصر بدفاعات تقوي من دورها الاقليمي وتعيد لها هيبتها. وتستطيع مصر فعل هذا بكل بساطة عن طريق استخدام القوة الناعمة وهي الاكثر فاعلية من ردود الفعل العنيفة والمتشنجة، التي تنم عن ضعف لا عن قوة

أنا معاك في كل ده يا استاذ.. بس نصيحتك المخلصة في اننا ننضم لحلف ايران.. لأ.. لأ وألف لأ. اعتقد لو النظام المصري وصلته الرسالة واتعلم الدرس وعمل على تصحيح اخطاؤه مش محتاجين حلف ايران اللي هيودينا في داهية ده. يعني ايران بتعمل لمصلحتها، وتركيا بتعمل لمصلحتها، احنا هيبقى دورنا إيه في الحلف ده؟ تابع؟ ولا دراع زي الكام صباع اللي ايران بتلعب بيهم؟ الله يخليك بلاش سكة ايران دي، لأن انت لاعب في دماغ ناس كتير وممكن واحد ملحوس منهم -ربنا لا يقدر - يبقى في موقع صانع قرار بكرة ويعمل بنصيحتك دي ونلاقي نفسنا ورا الشمس

المشكلة يا استاذ ان النخبة المصرية مستهدفة من جهات كتير، مش حضرتك بس اللي بتعرف تلعب لعبة حلوة.. والجيل الجديد بتاع الفكر الجديد كله ع الزيرو وهينهار قدام أي لعيب منهم زي ما فيه ناس كتير منهارين قدام تأثير حضرتك. النخبة المسوسة دي هي السبب في الفشل اللي احنا فيه، مالهمش هوية ولا شخصية ولا صوت.. اغلبهم عجينة طرية، وفيه منهم المؤدلجين ودي مصيبة تانية. ومشكلة النظام انه في ظل هذا التسوس والتآكل (اللي هو متسبب فيه مع عوامل أخرى) مفيش حد يعتمد عليه غير مجموعة من الاغبياء المخلصين والاذكياء الفاسدين. مشكلة كبيرة، ومش من السهل ايجاد الحل لها. فيه تقصير، لكنه غير متعمد بالشكل اللي الناس فاكراه أو اللي حضرتك بتحاول تصوره، وفي أي حال، إيران ليست حلا.. أبدا ليست حلا يا أستاذ.. بل هي نوع من النهاية

وتتوه القضية.. كالعادة

2008-12-28T21:58:00.007Z

أكبر تحدي بيواجه المدونين المصريين هو محاولة مواكبة الاحداث الكثيرة والمتلاحقة اللي بتحصل. الهم العام والسياسة بياخدوا مساحة كبيرة من مجمل المدونات المصرية ودا لأسباب كتير. المهم أننا قررنا بدون سابق تنسيق من أي نوع، وفي حالة عشوائية بحتة اننا كشباب بيعبر عن افكاره باستخدام الوسائط الحديثة اننا نتكلم عن أمور عامة، اجتماعية وسياسية في اغلبها، ودا بيعكس احساس بالمسؤولية ووعي، حتى لو كان مشوش وغير ناضج في معظم الأحيان لصغر سن المدونين، لكن ما لا شك فيه هو انه أيا كان نوع هذا الاجتهاد التدويني فهو يعكس نوع من الوعي والاهتمام بمجريات الامور

بداية غريبة للموضوع.. بس كان لازم اكتبها

موضوعي هو مأساة انسانية بكل المقاييس.. تتلخص في ثلاث حروف.. غزة

غزة ليست كلمة
غزة أرض وبشر وقضية لا تسقط بالتقادم
قضية انسانية.. قضية حق في الوجود.. حق في الحياة.. وهذه هي أول حقوق الانسان

أطلقت العنان لدموعي بالامس.. أطلقت العنان لغضبي.. أطلقت العنان لمشاعري البدائية تستحوذ وتنفس عما فاض به قلب اعتصر من الألم

بس أنا كمدونة، دوري هو الكتابة ومخاطبة العقل وليس لعب دور المعددة الذي لا اجيده.. وهي مهنة لها احترامها من تراثنا الشعبي.. وقد تساعد من فقدوا عزيزا في التعبير عن حزنهم واخراج كل شحنة مشاعرهم بشكل مكثف وقوي في نوع من العلاج النفسي.. زي الزار مثلا، كتفريغ لشحنة عاطفية في شكل صاخب يؤدي بعد بلوغ ذروة الانفعال إلى حالة من الهدوء والراحة. ودا اللي بيخلي ناس كتير متعلمة وفاهمة تلجأ لاساليب بدائية للتعامل مع مشاكلهم النفسية والعصبية، لأن احساس الراحة اللي بيتبع هذه الهيستيريا الجماعية بيخدع صاحب المشكلة بايحائة ان المشكلة اتحلت واتبخرت. ولأنه مجرد ايحاء، فسرعان ما يزول أثره وتجد الزار منصوب مرة اخرى بعد فترة، وهكذا

المشهد الذي نراه الآن في غزة هو مشهد متكرر، واسلوب علاجنا له هو ذاته لا يتغير. الشهداء يتساقطون والهيستيريا الجماعية تشتعل في زار من الولولة يصل إلى الذروة ثم يخمد فجأة مثلما انفجر فجأة، وكأن المشكلة قد حلت.. وكأن فلسطين لم تعد محتلة.. وكأن الضحايا لا يتساقطون كل يوم

هل من السماجة ان اكتب مقالا عاقلا في هذا التوقيت السيء؟ هل من الجنون أن اخاطب العقول في وقت جلسة المعددة وتولي كودية الزار لزمام الامور؟ هل من قلة الأدب ألا اساير الهوجة و أن اصدم الناس بكلام قد يكون فارغ في نظر البعض اللي فاكر ان الصريخ والشتيمة هما العمل الفعال وان أي ادعاء لاستخدام العقل هو مجرد سفسطة فارغة أو حتى تخاذل؟ جايز.. وممكن جدا.. واللي يقول كدا عنده حق. بس أنا كمدونة، أولا وأخيرا بأعبر عن آرائي الشخصية، من غير ما افرضها على حد ومن غير ما احاول الايحاء بان كلامي دا هو الصح وهو السليم وكل ما عاداه غلط ويذهب للجحيم

استحملوني شوية عشان اعرف اوضح وجهة نظري. هأحاول أكون منظمة واتكلم على 3 محاور

1- قضية غزة بالنسبالي هي جزء من قضية شعب فلسطين، وليست قضية التيارات والفصائل المختلفة التي تتحدث باسمه والتي تتصارع على زعامة دولة لا وجود لها حتى الآن. أنا انظر لهذه القضية الانسانية من منظور اخلاقي بحت، لا أفرق فيه بين فلسطيني مسلم وفلسطيني مسيحي.. لا أفرق فيه بين اماكن مقدسة اسلامية أو مسيحية.. فلسطين ارض مسلوبة وشعب تمت ابادته ونفيه وسرقة اراضيه واملاكه ودياره لزرع كيان شاذ، لا وجود لمثله في العالم

2- موضوع اني انسى ان اللي بيحصل في فلسطين بيقوم به هذا الكيان الصهيوني المتمثل في دولة اسرائيل واحط اللوم على مصر واقول كلام اهطل سمعته في قناة الجزيرة دا أنا اعتبره يصب في خانة الخيانة العظمى. بس مضطرة اناقشه في ظل المهزلة اللي أنا شفتها في التجني على مصر واتهامها علنيا بالعمالة بعد كل ما قدمته وتقدمه للقضية الفلسطينية. بلدي هزيلة، ضعيفة، مريضة، لكنها شريفة ولا أسمح بتلطيخ شرفها مهما كان.

3- رؤيتي الخاصة للدور الفاعل اللي ممكن تقوم بيه الشعوب العربية بعيدا عن اسلوبها العاجز في التعامل مع ما تقابله من مشاكل وازمات مختلفة بالنواح والاتهامات المتبادلة فيما بينهم بالعمالة والتخوين

واحدة واحدة كدا

أولا: هل حد عنده شك ان الكيان الصهيوني دا كيان اجرامي منعدم الضمير؟ حد يقدر يقول ان اللي تم دا ممكن يكون له أي تبرير من أي نوع؟.. لأ طبعا. دا اجرام منظم بتقوم بيه اسرائيل منذ يوم زرعها في المنطقة، وليست قضية اليوم ولا الامس ولكنها قضية وجود كما قلت في البداية. نحن نريد لفلسطين أن تكون، والكيان الصهيوني المتحامي في القوة الامريكية المتغطرسة يريد ألا تكون.. اذن فقضية الوجود هذه قد تجسدت في صراع بين إرادتين متضادتين. والقضية هي فلسطين.. أقول فلسطين ولا أقول غزة، فمن يريدون ان يستفردوا بغزة ويفصلوها عن الضفة يعملون وفق اجندا لا تمت بصلة للقضية الفلسطينية، بل إن هذا هو نوع من تصفية للقضية الفلسطينية من الداخل، وهنا تكمن الخطورة، فلا يمكن لأي قوى خارجية أن تقوم بتصفية هذه القضية من الخارج. تقسيم فلسطين إلى مناطق خاضعة لسلطات مختلفة ومحاولة تقسيم الشعب الفلسطيني حسب انتماءاته الدينية أو السياسية هو الطريق إلى تحقيق الارادة الاسرائيلية وليس العكس، مهما كانت النوايا

ثانيا: ما تم من زج باسم مصر وتوجيه الاتهامات لها بالعمالة لحساب امريكيا واسرائيل بشكل حقير، لدرجة ان يقول البعض ان ليفني جائت تأخذ ضوءا اخضر من مصر لبدء الاجتياح، هو جريمة أخرى.. المستفيد الوحيد فيها هو من يقوم بعمل هذه الاوركسترا لاستغلال الظرف بكل خسة لاستهداف مصر والضغط عليها.. المستفيد الوحيد هو إيران. ومن المحزن ان ترى الشعوب العربية مغيبة لدرجة تقترب من السذاجة لتتصور ان ايران ممكن ان تكون نصيرة للقضايا العربية! معلش يعني، هو مين اللي عمل الفتنة بين السنة والشيعة في المنطقة؟ مين اللي انهاردة بيقود ويمول الفتنة السنية\الشيعية في العراق؟ هو دا الدفاع عن مصالح العرب والمسلمين؟ الناس عقولها راحت فين؟.. بس أنا مش هأعتمد على موضوع مخاطبة العقول والبناء على معرفة دور ايران في المنطقة، خليني اتلكم بالبلدي زي ما دايما بتكلم

شوفت في مظاهرة كلها على بعضها تلاتين نفر، واحدة واقفة بتكلم مراسل الجزيرة (طبعا) وبتقول بكل فخر "احنا كمصريين بنعتذر لشعب غزة لأن النظام العميل هو اللي تسبب في اللي حصل واحنا ضد ده وجينا نقول كدا".. يا فرحة مامتها بيها بجد
إيه الهبل ده؟ هي مصر بقت دولة عظمى واحنا مش داريانين ولا إيه؟ وفي المدابح اللي قبل كدا ماكانوش بياخدوا الأوكي مننا ليه؟ ولو ما وافقناش، هنعملهم إيه يعني؟ ولا ممكن عايزين يشتروا مننا سلاح متقدم مثلا؟ ولا عايزين يستلفوا قرشين عشان الموضوع مزنق معاهم؟ معقولة يعني التخريف ونظرية المؤامرة الهابلة اللي مسيطرة على دماغنا توصل للدرجة دي؟
وطبعا بقى الناس دي متخيلة مبارك قاعد يتفرج على القتلى والاطفال اللي بتموت وهو فرحان وبيضحك نيااااااااهاااااااهاااااااا
إيه ده؟ الناس دي مش متخيلة هي بتقول إيه وهي عمالة تعيد كلام ورا قناة الحصيرة بتاعتهم من غير ما حتى يفكروا جزء من الثانية مصر هتستفيد إيه لو عملت كدا؟

أهو ظابط مصري اتقتل ع الحدود عشان استباحة دمه، لأنه طبعا مصري خاين وعميل وهو اللي موت الناس في غزة مش الاسرائيلين!

ساعات بحس اننا كعرب مشكلتنا الاساسية هي اننا مش طايقين بعض.. سيبك بقى من اسرائيل دي مجرد تلكيكة.. كله مصر واقفاله في زوره بالعرض، وكله مش طايق اللي جنبه وعايز يهبش فيه وخلاص. ويحضرني دلوقتي المشاهد الخالدة من اجتماعات جامعة الدول العربية، والخناقة الفتاكة بين الرئيس الليبي والملك السعودي وكل واحد منهم بيتهم التاني بالعمالة والخيانة على مرأى ومسمع من العالم. اختشوا يعني.. دا لولا مصر مصدرة نفسها في مشروع الوحدة العربية المنيل اللي مش باينله أي معالم ده كان زمانكم قاعدين تدبحوا في بعض، ولكم في غزو العراق للكويت عبرة

مش هأعيد كلام قلته عن دور مصر وتضحيات مصر.. لكن غريب قوي ان خالد مشعل يطلع يقول قصايد مدح في مصر وأبو مازن انهاردة بيشيد بالدور المصري قدام العالم كله، ويجي كام واحد لا لهم في الطور ولا الطحين يقولوا مصر هي السبب! وبعدين حسن نصر الله كمان عايز يعمل فيها زعيم عربي وقاعد يدي أوامر للمصريين انهم يروحوا يطربقوا الحدود عشان "الأحياء" اللي هما حماس.. يدخلوا يضربوا صواريخهم الصفيح من مصر ويدخلونا في حرب! طب بالذمة فيه حد في مصر يقدر يروح يحرض شعب في أي بلد عربي على النظام بتاعه؟ بلاش الانظمة السياسية.. حد يقدر يحرض اللبنانيين ضد حسن نصر الله اللي فعلا بقى تسبب في حرب وابادة وحشية للشعب اللبناني بسبب عملية غير محسوبة باعترافه هو نفسه؟ ولما هو جدع أوي كدا وعنده صواريخ فتاكة، ما يتفضل يضرب.. هو مش على حدود اسرائيل هو كمان ولا إيه؟ طب يا سيدي احنا خونة وعملا ومنيلين بنيلة، اتفضل حضرتك يا غضنفر انصر اخوتك في فلسطين. ولا إيران ما ادتكش الاذن زي المرة اللي فاتت لما كانت عايزة تهدي الهوجة الدولية اللي قامت ضد برنامجها النووي، وكالعادة بتحارب خارج ارضها وصدرت الشعب اللبناني في وش المدفع عشان يدفع التمن وتستعرض هي نفوذها في المنطقة عشان تكسب كارت في المفاوضات

خلاصة الكلام.. النظام المصري فيه كل العبر.. ومشاكلنا كمصريين مع النظام السياسي مش معناها ابدا اننا نستخدم أي شيء ضده حتى لو اتهمناه بالعمالة والخيانة. احنا عارفين من جوانا ان الكلام ده غير صحيح على الاطلاق وعشان كدا النظام ده مستمر. احنا ممكن نستحمل كتير، ودي طبيعة المصري، انه حمول، ممكن زيادة عن اللزوم ودا السلبي، لكن لا يمكن يستمر تحت نظام يشك في ولائه أبدا. دا احنا أول من قال يا ثورة، واصحاب تاريخ طويل في المقاومة لا يعرفه شعب آخر

ثالثا: أنا مش ضد المظاهرات.. بالعكس.. التظاهر والتعبير عن الرأي دا اسلوب حضاري بينم عن وجود درجة عالية من الوعي والاحساس بالمسؤولية.. لما شعب يتظاهر لادانة العنف والتنديد بالظلم فدا سلوك راقي.. لما نهتم بشؤون شعوب أخرى وندافع عن حقهم في الحياة دا تصرف نبيل.. لكن الوقوف عند ده معناه ان احنا أخدنا شكل التظاهر لعمل نوع من الزار وكل واحد يرجع بيته من المظاهرة مرتاح وحاسس انه عمل اللي عليه، مع انه معملش حاجة. هو عبر عن موقف، لكنه لم يساهم في عمل شيء يدعم هذا الموقف... طب نعمل إيه؟ وقت الكوراث بتكون الاولوية هي التخفيف عن من اصابتهم هذه الكوارث. وبالفعل بيتم نقل للمصابين في رفح وارسال اطباء في مستشفيات غزة لمساعدة الفرق الطبية هناك. ومعتقدش انتم محتاجين اقولكم إزاي ممكن تساعدوا. أنا عارفة ان كتير منكم بيتبرع للاغاثة، لكن ما تجربوا التواجد جنب الناس دي؟ يعني اللي عايز يروح يحارب أكيد مش صعب عليه يروح رفح ويتطوع لخدمة المصابين هناك، ياخد معاه ملابس وأغطية وأكل ويروح بنفسه يكون جنب الناس دي، يحسسهم انهم مش لوحدهم. الامكانيات في رفح مهما كانت أكيد محدودة، وأكيد دوركم هناك هيكون مهم. لكن الأهم هو ما بعد هدوء العاصفة، مش ممكن ننسى اللي حصل كأن شيئا لم يكن وننام بقى لغاية الكارثة الجاية. أعتقد من المهم ان يكون هناك نوع من الدعم المستمر للقضية الفلسطينية واننا نفوق من محاولات بعض الجماعات السياسية للتلاعب بالرأي العام واختزال القضية في ملفات محددة لمصالح لا تخدم الشعب الفلسطيني. لازم يكون فيه جماعات شعبية غير مسيسة، هدفها هو تقديم الدعم بكل أشكاله للقضية الفلسطينية، مش استغلالها والاتجار بمعاناة الشعب الفلسطيني لأهدافها الخاصة. لازم نرجع القضية الفلسطينية لمسارها الصحيح كقضية مصير شعب له الحق في وطنه، وكقضية انسانية بالمقام الأول، وليست حرب دين ضد آخر أو فصيل ضد آخر. طول ما القضية الفلسطينية مخنوقة لأن من يدافعون عنها يدافعون عن اجندات جانبية هتفضل معلقة ومفتتة. الدور الشعبي المصري الحقيقي هو اننا نكون جبهة تعيد القضية لمسارها الصحيح. لكن المجتمع المدني عندنا للاسف ضعيف جدا، فلماذا لا يتم استثمار هذه الشحنة الحماسية لتقوية هذا الاتجاه والبدء بملف القضية الفلسطينية التي تشغلنا جميعا؟

دا مجرد تصور بسيط، لكن أرجو ان الرؤية كلها تكون واضحة بغض النظر عن تفاصيل المقترحات اللي أكيد منكم كتير ممكن يكون عنده افضل منها. لكن المذهب الراديكالي المدمر اللي عايز دم وخلاص، دم مين مش مهم، دا لن ينتج عنه أي شيء سوى الدمار والخراب. مشكلة حماس وحزب الله هي ان المقاومة عندهم معناها اننا نقاتل وخلاص، زي ما تيجي تيجي. مفيش أي نوع من التحرك المدروس أو استطلاع الظروف او دراسة متأنية للوضع، والنتيجة بتكون دايما كارثية لأن الحسابات بتكون غلط. أنا لا أحملهم مسؤولية ان عدونا مجرم، لكن القليل من العقل ممكن أن يفيد. يعني رفض حماس لتجديد التهدئة كان غير محسوب لأن ببساطة الصراع الداخلي في اسرائيل بيخلي كل تيار فيها يتنافس في تصوير نفسه على انه الاقدر على حماية أمن اسرائيل، والولايات المتحدة فيها انتقال سلطة ومش ممكن تتدخل. حماس عايزة تكسب بنط في ظل قرب انتهاء فترة محمود عباس، ودا طبيعي في ظل التناحر السياسي الفلسطيني للاسف، لكن لابد من مراعاة اعتبارات اخرى، ما ينفعش اكون قصير الرؤية لدرجة اني أدمر كل اللي حواليا عشان مكسب سياسي محدود، وبعد كدا أحاول أصور ان اللي عايز يهدي الوضع ويحقن الدماء عميل، وان اللي عايز كل الناس تموت هو اللي وطني ومقاوم! لو المقاومة هي اني الغي الواقع والغي المنطق واحارب لغاية آخر روح ما تطلع، تبقى دي مش مقاومة، دا انتحار جماعي، بس المصيبة ان اللي بيروح فيه ناس مالهمش ذنب، مش بس المنتحرين

وأخيرا.. كلمات الدنيا لا يمكنها تقديم العزاء الواجب، ومهما كثرت الدموع وعظم الألم فلن يكفي للتعبير عن فداحة الجريمة. يبقى الأمل في قلوب عامرة بالخير وعقول واعية وشباب صاحب ارادة يمكنه أن يغير المستقبل

القاتل ذكر والقتيلة انثى

2008-12-03T01:47:00.002Z

طبعا كلنا تابعنا الحوادث المثيرة اللي حصلت في الفترة الأخيرة، وقصدي جريمتي قتل سوزان تميم اللي اتهم فيها رجل الاعمال هشام طلعت مصطفى ومقتل ابنة الفنانة ليلى غفران وصديقتها.. وطبعا الدنيا زاطت والجرايد والمجلات ومحطات التليفزيون كانت بتتصارع وتتنافس وتلهث في صراع شرس مع الزمن لارضاء نهم الرأي العام المصري والعربي وسعيه الدءوب للبحث عن فضيحة

ولأن شعور هذه الشعوب تبلد من كتر الهموم والمشاكل وحرق الدم طول اليوم ومشاهدة احداث العنف والقتل وسفك الدماء بجرعات مكثفة على الاخبار يوميا وعلى مدار 24 ساعة، فاصبح من الصعب جدا ارضاء هذا الجمهور.. واعتقد ان لو كان عندنا في مصر مسابقات لمصارعة الثيران مثلا مكانش هيبقالها جمهور، وكان ممكن نعتبرها رياضة فافي

وبجانب كل ده، فإن مجتمعات بتعاني من الكبت والنفاق والخواء الذهني وغياب أي أهداف جادة في الحياة وانعدام لقيمة العمل، بتحصر كل اهتمامها في المظاهر وادعاء الفضيلة والاخلاق اللي بيتكلموا عنها طول الوقت لمداراة حقيقتهم المخجلة، وبيكون عندهم هوس غير طبيعي بشيء اسمه الفضيحة

الفضيحة في مجتمع مريض زي مجتمعنا ده ليها مواصفات خاصة جدا.. مش أي عمل اجرامي أو فعل مخجل بيعتبر فضيحة.. لأ.. بلادة الاحاسيس اللي عندهم دي بتخلي استجابتهم للحدث فاترة ويقابلوها بلا مبالاة شديدة.. إيه يعني لما كل يوم صفحة الحوادث مليانة قتل وسرقة بالاكراه واغتصاب وغيره وغيره؟؟ عادي.. ايه الجديد؟ وإيه يعني تفجيرات في الهند مات فيها 200 واحد؟ وإيه يعني اللي بيموتوا في تفجيرات في العراق كل يوم؟ خلاص.. اتعودنا وبنتفرج وننسى.. وبعدين دي لا تصنف عندنا تحت بند الفضايح لأسباب كتير

مواصفات الفضيحة على الطريقة المصرية

1- ليست فضيحة انهيار منظومة الاخلاق في هذه المجتمعات التي يتغنون بتدينها وفضيلتها ومنظومة القيم فيها.. فالتفجيرات الارهابية على سبيل المثال تفضح التشوه العقلي والنفسي الذي نمت في حضنه هذه الجماعات الارهابية والتي تستخدم نفس الشعار الذي يرفعه المجتمع المحترم جدا في تبرير كل ما يشوبه من عيوب ألقته خارج ركب الحضارة وخارج حركة التاريخ.. تطرف المجتمع دينيا ينم عن جهل بهذا الدين وبما اتت من اجله الاديان بالاساس.. والمغالاة في المظهر الديني ليست سوى ستار يخفي ما بداخل هذا المجتمع من بعد عن أي روحانيات أو قيم حقيقية راسخة في وجدانه

2- الفضيحة يجب ان تكون فردية، فمجتمعنا يرفع الجماعة فوق الفرد، ويستغل سطوته لكبت الحريات الفردية وممارسة شذوذه بشكل علني لأنه يتمتع بالتأييد والمباركة من الجماهير المذعورة اللي عايزة تتحامى في ضل المجتمع ومستعدة تمشي مع القطيع لأنها بتشوف المجتمع بيذل الفرد اللي يخرج من تحت عبايته قد إيه، لأن هذا المجتمع لا يعترف بالاختلاف ولا يحتمل فكرة تمرد الفرد على سطوته التي فرضها عليه بالحديد والنار والتهديد بالفضيحة

3- الفضيحة لازم تكون صارخة وفجة ومشعللة ومثيرة بدرجة تخليها تُشبع نهم المجتمع للتشفي في الشخص المفضوح وتشجع العامة للاجهاز عليه عشان تنهش فيه براحتها.. يعني فضيحة بجلاجل زي ما بنقول.. والجلاجل دي استمديناها من تراثنا الشعبي، اللي كان فيه زمان ايام المماليك اللي يثور على الظلم أو يرفض دفع الجباية أو الضرايب يتحكم عليه انه يركب حمار بالمقلوب أو يتسحل في شوارع المحروسة والمنادي جنبه بيجلجل بجرس عشان الناس تطلع وتتفرج على مصير المجرم.. لكن الجلاجل الحديثة بتاعة احفاد الفراعنة هي عبارة عن التفاصيل المثيرة اللي بتشعلل الموضوع واللي غالبيتها العظمى، ان لم يكن كلها، هي من خيال محرر الحوادث، .. ومن شروط محرر الحوادث في مصر انه يتمتع بخيال خصب جدا ودراية بسيكولوجية الشعب المصري عشان يقدر يقدمله الأكلة المحبشة الدسمة اللي ترضي جوعه للفضيحة

4- الجنس هو عنصر اساسي في الفضيحة.. ماهي الفضيحة ماتبقاش فضيحة من غير جنس.. امال الاثارة هتيجي منين؟ مجتمع غير منتج واغلبه بيعيش حالة من البدائية بعيدا عن الفكر والثقافة والفنون التي تسمو بالروح الانسانية، عايش عشان يرضي غرايزه وشكرا.. ويا ريته عارف يرضيها كمان.. لأ دا مكبوت جنسيا بدرجة شاذة، وعلاجه الوحيد للكبت هو المزيد من الكبت. حتى المتجوزين عندهم كبت، يمكن اكتر من اللي مش متجوزين.. لأن اللي مش متجوز ومكبوت عنده خيال وعنده أمل انه يحققه بعد الجواز، لكن المتجوز عرف اللي فيها، وأمله الوحيد هو انه يخبط في واحدة أويلمس حاجة في الزحمة،أو يشوف فيلم بورنو، ودا آخره.. يا إما يستغل الرخصة اللي مديهاله المجتمع المحترم جدا جدا بتاع احلى من الشرف مفيش ويخون مراته مع واحدة من ادنى المستويات عشان يقدر يعمل معاها اللي خجلان منه مع زوجته المتربية، لأن الحائط النفسي اللي جعل من الجنس تابوه محرم وربطه بمفاهيم كلها بتحط من هذه الغريزة باعتبارها دنس وقرف وفحش وفجر، بيخليه مش قادر يتخلص من العقده دي مع مراته، اللي هي كمان شايفة العملية الجنسية كواجب عليها لغرض معين وان الاستمتاع بالجنس دا شيء مشين واللي عايزة تستمتع بالجنس دي لازم تكون ست من اياهم، لكن المتربية دي بتعمل كدا عشان جوزها وانجاب الاطفال وبس.. يعني بنات وولاد وستات ورجالة وكبار السن كمان عندهم مشاكل جنسية، والهوس الجنسي بيشغل مساحة كبيرة من تفكيرهم فبيبحثوا عنه في كل شيء وأي شيء

5- الفضيحة انثى.. لأننا مجتمع ذكوري، يتمتع فيه الذكور بمساحة من الحرية الجنسية، بتعتبر الزنا والتحرش شقاوة.. والخيانة الزوجية فحولة وأكيد أكيد الزوجة هي الل غلطانة وهي السبب ان جوزها بص برة، لأن زي ما احنا عارفين الراجل مش ممكن يغلط ابدا ولا يكون عديم الاخلاق ولا خسيس ولا أي حاجة من دي. دا يا عيني بيخونها مضطر وهو الدمعة هتفر من عينه.. فطبعا في ظل هذا الترخيص الذي منحه المجتمع للذكر ليتخطى به اسوار اكذوبة التقاليد والفضيلة والاخلاق، حتى انه جعله يتخطى الاوامر الالهية والاديان في هذا الخصوص، فقد تم اخراج الذكر من مفهوم الفضيحة.. مش مهم.. الرجل معندوش غشاء بكارة يبقى مين هيعرف؟ ربنا غفور رحيم يعني وعادي وف اللذيذ، المهم البنت.. هي دي الفاجرة اللي عندها غشاء بكارة ولازم تتكفن وهي عايشة وتتدبح لو مجرد حد اتكلم عليها، مش مهم بقى مظلومة مش مظلومة مش شغلنا.. دي عرض الراجل، وهو دا المهم.. الراجل يعني يمشي من غير عرض؟؟ معقولة؟ دا حتى ما يصحش.. الناس تقول عليه إيه؟.. يعني الراجل عديم الشرف اللي داير زي الكلب يتحرش في دي ويعاكس دي ويبصبص لدي ويزني مع دي مالوش شرف، فلازم يدورله على كيان يسقط عليه كل قرفه ومرضه النفسي واحساسه بالعار عشان يشييله الدلعدي شرفه، وطبعا هيلاقي مين يعمل فيه كدا غيرالحيطة المايلة، الدرجة عاشرة في المجتمع؟.. الانثى.. مصدر الفضيحة والعار.. هو فيه غيرها؟ هي دي اس البلاوي كلها

6- الطبقة العليا والمشاهير هم صناع الفضايح.. لأن طبعا اغلبية المجتمع عندنا بتتدرج بين الطبقة الوسطى للفقرا والمعدمين، فلازم تتم مجاملة هؤلاء.. وتبقى كل المسلسلات والافلام بيلعب فيها الغني أو حتى مجرد الميسور ماديا دور الشرير والمجرم والفاسد والحرامي والنصاب والمنحل اخلاقيا، والستات من هذه الطبقة طبعا كلهم هشك بشك ومفتريين وفاسدين وطماعين وانتهازيين وفيهم كل البلاوي.. لكن الفقير دا الملاك.. النسمة.. المتدين اللي عارف ربنا.. الطيب الغلبان.. اللي عنده كرامة وكبرياء وشهامة.. مش فافي ومهيس وقليل الرباية زي ابن الراجل الغني الحرامي. هذا النفاق المجتمعي اللي للأسف اصبح سمة في حياتنا لن ينفي ابدا العلاقة بين الفقر والجهل والجريمة. أنا اتكلمت عن مجتمع الاحياء الشعبية قبل كدا وما افرزته ثقافتهم من تشوهات في المجتمع وانحطاط اصاب الذوق العام.. وطبعا اغلب الجرايم بيرتكبها هؤلاء ومن ينتمون إلى الشرائح الدنيا في المجتمع.. لكن التصريح بده بيزعل.. مش بس لأننا بنحب النفاق ولازم نمشي في ركاب الاغلبية، لكن لاسباب سياسية كمان خلت الفقر دا سمة من سمات المجتمع وعايزاه يتعايش مع حالته دي لأنها لا تملك تحسين وضعه ولن تستطيع فعل ذلك في الوقت الحاضر ولا المستقبل القريب، ويصبح الحل هو استغلال حالة النفاق اللي موجودة في المجتمع لإلهاءه عن واقعه وعن البحث وراء الاسباب الحقيقية التي ادت به إلى هذا الحال، ومن أحسن الاسلحة التي يمكن الاعتماد عليها هي حواديت الغني الحرامي والفقير الطيب، وفضائح اصحاب المال والمشاهير

7- أكل لحم الموتى.. ولأن الموتى مسالمون لا يتكلمون فإنهم اختيار مثالي لصنع الفضيحة أم جلاجل.. ما بالكم لو كان الميت دا هو واحدة مشهورة وماتت مقتولة؟؟ ماهي بدل واحدة ست واتقتلت يبقى لازم تستاهل القتل والدبح، ولازم طبعا تبقى ماشية على حل شعرها، ولازم تتقطع حتت وراسها تنفصل عن جسمها ولسانها يتقطع وتتفرتك وتتنشر صورها عشان المجتمع الطيب البريء اللي ما يعرفش الحاجات الأياه دي ياخد عبرة ويعرف يشكم البنات اللي فيه كويس. القتيلة الانثى دي تبقى فرخة بكشك بالنسبة للصحافة والاعلام المرئي وقعدات النميمة، خصوصا في ساعات العمل.. أصل احنا شعب بيحب شغله أوي ومتفاني في عمله وفي اتقانه زي ما كلنا عارفين.. شعب منتج منتج يعني.. فتلاقي قعدات النميمة دي ما تحلاش إلا لتضيع ساعات العمل المملة اللي بيقعد فيها الموظفين متيسين في وش بعض، والموظفات يبصوا في الساعة ويغنولها يا ساعة الوقت اجري خليني اروح بيتي بدري.. ويا سلام بقى لما واحدة تكون جايبة معاها جرنال ولا مجلة عشان ياخد الدورة بتاعته ع الحبايب ويتباحثوا ويتناقشوا ويتحاوروا ويبدعوا ويتألقوا في التعليق على التفاصيل واضفاء المزيد من المحسنات البديعية عليها والأحكام على شرف الضحية اللي بتطلع زي الرصاص، "وأدي أخرة المسخرة وقلة الأدب".. الحمد لله احنا فلة.. احنا مفيش احسن مننا، دا احنا ملايكة ناقصلهم جناحات.. انما بنات اليومين دول عايزين الحرق يا اوختشي

منكم لله.. منكم لله يا مجتمع مريض.. ياللي بتخوضوا في اعراض الناس وانتم بيتكم من ازاز.. ياللي اكبر هواية عندكم هي انكم تنهشوا ف لحم بعض.. ياللي بتفرحوا في مصايب الناس وتزعلوا في فرحتهم وتحقدوا عليهم.. ياللي ما تمسكوش جرنال غير عشان تشوفوا اخبار الفضايح وتبقوا ساعاتها مثقفين أوي وكل واحد شايل جرنال ماشي بيه كأنه سلاح التلميذ.. إيه ده؟ إيه القرف ده؟

اللي نشرته الجرايد عن هبة ونادين دا قمة السفالة والحقارة والقذارة والخيال المريض.. لكن العيب مش عليهم، العيب على مجتمع أكل لحم الموتى.. مجتمع مقزز في عنفه وفجاجته وفساده والدمامل المتقيحة اللي طالعة منه في كل حتة ومع ذلك بيدور على فسفوسة يعمل منها فضيحة

مش متخيلة ازاي اللي علقوا على الكلام دا بكلام كله شماتة وتشفي يبقوا بني آدمين؟ وسلالة الكلاب من نباحين الصحف اللي يبيعوا شرفهم وانسانيتهم ويستغلوا هذا السعار العام لتحقيق ارباح وزيادة توزيع زبالاتهم، دول إيه دول؟ إيه ده؟ إيه القرف اللي احنا عايشين فيه ده؟

حصلت ناكل في بعض بالشكل ده؟ اخلاق إيه ومجتمع محافظ إيه وتقاليد إيه وزفت إيه على دماغكم؟ وبتنهشوا ف مين يا متخلفين؟ إيه يعني بنت فنانة؟ ويا ريتها مثلا فنانة بتاعة فن هابط عشان تكون عندكم شحنة الكره دي ضدها!! بنات بين ايدين الله تعملوا فيهم كدا ليه؟ وإيه آدي اخرة الانحلال والبعد عن الدين؟.. اسم الله عليكم وعلى تدينكم اللي مقطع بعضه!! دول بناتكم يا متخلفين!! لحمكم ودمكم.. البنت اللي انتم هريتم نفسكم في الحقد والتشفي فيها لمجرد ان قالوا عليها في الجرايد انها ثرية وعايشة في فيللا لوحدها وجابت عربية ب40000 للبوي فريند بتاعها طلعت بنت عادية، زي بناتكم اللي انتم كرهتوهم في عيشتهم. عايشة حياة عادية من شقى اهلها اللي راحوا يدوروا على لقمة العيش زي ملايين من الغلابة في البلد دي.. اجرمت في إيه؟ انها عايزة تتعلم؟ انها مصاحبة بنت مطربة؟ انها اتقتلت على ايد حرامي خاف من صريخها يفضحه؟؟

لأ وياريت صريخها واستغاثتها عملت حاجة.. دي الجارة اللي افتكرت نفسها هتبقى نجمة في الاعلام وقالوا انها هي اللي كشفت المستور واللي كان بيحصل من حفلات وسهرات في الشقة اللي تمت فيها الجريمة، بتقولك قال خير اللهم اجعله خير، قال صاحية تصلي الفجر سمعت صوت خناقة.. يا عيني على التدين والورع!.. سامعة استغاثة جارتها وقعدت تسمع كدا كأنها مزيكا ولما الاصوات سكتت قال راحت تصلي وتنام.. يا عيني!! اللهم قوي ايمانك يا شيخة!!.. لأ صحيح مصر بخير يعني. وأبو زميلتهم في الجامعة، اللي كمان راح يصلي الفجر في نفس اليوم، سبحان الله ولا حول ولا قوة إلا بالله، إيمان وتقوى يقطعوا القلب. قال برضه للصحافة انه لما رجع من صلاة الفجر عرف باللي حصل من زوجته، اللي أكيد كانت صاحية هي كمان عشان تصلي الفجر، وان بنته كانت مع هبة ونادين في نفس الليلة لكنه كلمها في التليفون الساعة 11 وقالها ارجعي يا حبيبتي من الشقة البطالة بقى الوقت اتأخر

مش ممكن اللي أنا شفته دا؟؟ كمية سادية وتفاصيل مقززة وخيال مريض ما يطلعش غير من حثالة معدومين الضمير، مش شايفين في القتل بالطريقة البشعة دي أي جريمة أو فضيحة، وراحوا يلفقوا الفضيحة للمجني عليهم لمجرد انهم بنات وكانوا قاعدين لوحدهم!! يعني لو كان اللي اتقتلوا دول شابين، كان خبر قتلهم دا اتحول لفضيحة؟ أو لو كانوا حتى شابين بيعملوا حفلات وبيجيبوا بنات وبيعربدوا ويضربوا مخدرات وخمرة وكل اللي ممكن يخطر على بال حد، كان حد اعتبر دي فضيحة؟ كان حد شمت فيهم وقعد يكتب درس في الاخلاق والتربية وهو اصلا آخر واحد يتكلم في الامور دي؟

والد البنت المسكين اللي اتكوى بنار الغربة عشان يعيش ولاده ويعلمهم احسن تعليم يرجع يلاقي بنته جثة، ومع ذلك محدش رحمه.. معقولة أب يطلع في التليفزيون عشان يقول بنته بكر؟؟؟ مش عارف ياخد واجب العزاء فيها؟؟ وتبقى مصيبته في شرف بنته اكبر من مصيبة قتلها.. والمفروض انه يعيش بالعار عشان المجتمع والصحافة القذرة اصدروا حكمهم عليها بالاعدام بعد ما اتقتلت!! أنا مش مصدقة

أنا احترمت الراجل لأنه طلع في التليفزيون يدافع عن شرف بنته اللي نهش فيه الكلاب.. ما استخباش وقال يا حيطة داريني كفاية فضايح.. راح وهو واثق من براءة بنته لأنه عارف رباها ازاي، وانها حتى لو عايشة في قصر وحدها هتفضل هي بنته باخلاقها وتربيتها. لكن مين يرحمه في وسط مجتمع تحول إلى وحوش غير آدمية؟.. تاني يوم يطلع كلام أقذر من اللي اتقال قبل كدا وكأنهم خايفين دموع الأب المكلوم تصحي ذرة انسانية وسط الناس وتخليهم يبطلوا يشتروا ورق التواليتات بتاعهم

نفترض ان الحرامي دا ماكانش اتمسك، ودا وارد جدا.. كان الوضع هيكون إيه؟ العيلة دي تعيش ازاي وهي سمعتها على كل لسان؟ يترحموا على بنتهم ازاي بعد ما كانت سبب في عارهم وفضيحتهم؟ كانوا هيفضلوا موصومين طول حياتهم؟

لو المجتمع هيموت على واحدة مومس يرميها باحجار قبحه وفساده واحقاده وعنفه وازدواجيته، فإليكم الموامس الحقيقيين وهم الصحفيين اللي قعدتم تريللوا على الكلام اللي كانوا بيسرحوا عليكم بيه.. وإليكم القوادين اللي اداروا هذه الدعارة الجماعية باقتدار من رؤساء تحرير هذه الصحف اللي مش هاممهم ينشروا فكر ولا ثقافة ولا وعي لهذا المجتمع الجاهل، وكل همهم هو التربح من الاثارة ولو على حساب تفشي المزيد من المرض والقبح واللاانسانية في هذا المجتمع. بجد كان استعراض عضلات واستعراض لرجولة هذا المجتمع الذكوري.. والجايزة مناصفة بين الصحافة وزباينها بتوع جلسات النميمة

الفضيحة اللي بجد هي فضيحتكم انتم .. انتم صناعها وانتم نجومها

يا من تمجدون القاتل لأنه ذكر وتلعنون القتيلة لأنها انثى

انتم ابشع فضيحة

شر البلية ما يضحك، ويفطس م الضحك كمان

2008-11-28T12:16:00.001Z

رأس الأفعى

2008-11-24T14:42:00.005Z

شهدت منطقه عين شمس تجمع مئات المسلمين بعد صلاة العشاء، أمام أحد المنازل التى حولها أقباط المنطقة من مصنع ملابس داخلية إلى مكان يقام به شعائر مسيحية باسم الكنيسة، وهتف المتجمعون أمام المنزل "الله أكبر" "الله أكبر"، حتى تجمع الأمن حولهم وقاموا بتفريقهم بالقنابل المسيلة للدموع، مما دفع المتظاهرين إلى إضرام النار فى سيارة "دوجان" لأحد المسيحيين.

وحضر إلى مكان التجمهر اللواء إسماعيل الشاعر مدير أمن القاهرة، كما حضر إلى المنطقة 50 عربة أمن مركزى، و3 عربات مطافئ، و10 عربات مصفحة حاصرت المنطقة.

وأكد مصدر أمنى لليوم السابع، أن الفتنة التى حدثت مساء اليوم الأحد، بمنطقة عين شمس، كان سببها محمد يوسف أبو حسين، وينتمى لجماعة الإخوان المسلمين، حيث تجمع مئات المصلين أمام عقار تحت الإنشاء، بعد أن أشاع هذا الشخص بأن الأقباط سيقومون ببناء كنيسة بدلاً من العقار.

وأكد المصدر، أن قيادات الشرطة انتقلت إلى موقع الحادث، وتمت السيطرة على الموقف تماماً، مضيفاً أن محافظة القاهرة هى الجهة التى يمكنها أن تحدد أن الأرض مخصصة لبناء منزل أو كنيسة وفقاً لتراخيص البناء

نقلا عن جريدة اليوم السابع

............................

أظن من الصعب تقييد قضية الفتنة الطائفية في مصر ضد مجهول.. لأن كلنا عارفين المجهول ده يطلع مين.. مش محمد يوسف ابو حسين.. دا مجرد دمية مش أكتر، بتحركه الأفعى اللي بتبث سمومها في مصر من ساعة الصفقة المشؤومة اللي عقدها معاهم النظام السياسي في يوم اسود على هذا الشعب الطيب، الشعب العظيم الذي كان مضربا للامثال في التسامح والتعايش.. الذي طالما حسده الحاقدين على وحدته وصلابته في مواجهة الفتن

نظرية فرق تسد مش جديدة.. والاستعمار حاول يلعبها علينا كتير وماعرفش.. يمكن عشان المصري الفتك الفهلوي عارف ان الخواجة مش ممكن يكون عايز مصلحته، وانه لما يوزه على جاره ويحاول يقلبه ضده يبقى أكيد الموضوع فيه انة.. لكن يا عيني الفتك دا مش عارف ان الشجرة اللي طرحته طرحت نبت شيطاني، بينفذ انهاردة نفس المخطط اللي فشل فيه المحتل على مر تاريخ مصر

الفتنة دي صناعة محلية 100%.. محدش يقولي الفيلم الهابط بتاع الصهيونية واستهداف مصر.. مصر طول عمرها مستهدفة، ودا قدرها.. لكن الاستهداف شيء والخيانة شيء تاني.. الطعن في الضهر شيء تاني.. الغدر شيء تاني.. بيع الوطن شيء تاني.. واللي شعاره طظ ف مصر دا مش صهيوني ولا تبع الامبريالية الغربية.. دول للاسف من أهل البلد دي.. وشايلين جنسيتها

أنا اتكلمت عن موضوع الفتنة الطائفية وشرحت المخطط الاخواني الوضيع ده بشكل مبسط للي عايز يفهم.. مش عارفة هنفوق امتي؟؟ هنصحى ونتحرك عشان ننقذ بلدنا من النفق المظلم اللي بيدفعوها ناحيته امتى؟؟ هننتشل وطنا من المستنقع اللي وقع فيه دا امتى؟

الفاعل مش مجهول

الفاعل ملء السمع والبصر ومحاصرنا ف كل حتة

يا ترى هنفضل نتفرج عليه وهو بيدمر بلدنا؟

يا ترى هنفضل خايفين من ارهابه ومستحملين اكاذيبه وادعاءاته وخيانته؟

امتى هنطهر بلدنا من المرض ده؟ امتى هنتصدى للوباء ده ونعمل حاجة ولو صغيرة أوي عشان نقول اننا بنحب البلد دي؟

امتى هنمتلك الشجاعة اننا ننقذ الاسلام من ايديهم بعد ما شوهوه بألف شكل وألف لون وألف جريمة بينسبوها ليه؟

.............

فيها إيه لو اتبنت كنيسة ولا عشرة ولا مية ولا ألف؟؟
مش دي بيوت للعبادة وذكر اسم الله؟

حصلت نتهجم على الناس في بيوتها وهي بتتعبد لله؟؟ وازاي يتم ترديد اسمه اثناء القيام بجريمة بهذه الخسة والوضاعة؟
أين ذهبت عقول المصريين؟؟ أين ذهبت اخلاقهم؟؟
نفترض ان التعبان الاخوانجي دخل يوسوس.. فين عقولنا؟؟ فين ضميرنا؟؟ فين قلوبنا اللي كانت دايما عمرانة بالخير والحب والايمان؟؟

بعتوا الاسلام يا مسلمين؟
بعتوه بالرخيص.. رخيص أوي
واستحقيتم ما وصلتم إليه
مجرمين.. سفاحين.. ارهابيين

لكن ذنب الاسلام إيه تلطخوا اسمه معاكم؟؟

روحوا ادبحوا واحرقوا وخربوا واكرهوا واعملوا كل الافعال الاجرامية.. بس بلاش تجيبوا اسم ربنا على لسانكم.. بلاش تدنسوا دينكم
...........

أما اللي لا هما اخوان ولا هما مسلمين.. فده المتوقع من حثالة امثالكم
يا احقر من انجبت مصر

لستم اخواننا في شيء.. جاري المسيحي الخلوق التقي هو أخي.. معه اتقاسم هموم هذا الوطن.. وقلبنا على نبض واحد وأمل واحد ورجاء ان يزيح الله عنا كابوسكم القميء

مصر بتتجلد

2008-11-17T09:52:00.008Z

من ساعة ما قريت خبر الحكم على الطبيب المصري بالسجن 7 سنين والجلد 1500 جلدة وأنا عندي اكتئاب واحساس فظيع بالاهانة.. حاسة ان كل جلدة بتنزل على ضهري أنا

نشرت مقال الدكتور علاء الأسواني لأنه قال كل اللي كنت عايزة أقوله ومش قادرة.. مش قادرة اكتب عن مصيبة وكارثة انسانية بالبشاعة دي.. كل ما كنت احاول اعبر عن الألم اللي جوايا كانت ايدي بتقف واحس بنفسي بيضيق واني مش عارفة ألاقي كلام. مقال الدكتور الأسواني، ومقالات تانية كتير الحقيقة كلها ممتازة، تناولت الموضوع من زوايا عديدة

انما اللافت للانتباه ان اللي بالك بالك، جماعة الشوم والندامة، عرة البشر، اللي قاعدين وسطينا وعاملين نفسهم مصريين وهما عرر وواطيين.. حاطين جزمة وسخة في بقهم ولا حد فيهم جاب سيرة الموضوع ده لا من قريب ولا من بعيد!! خير اللهم اجعله خير! فين الجاعورة اللي مفتوحة على آخرها على اتفه وابسط الامور؟؟ فين الاستجوابات بتاعة الكلكيعة البرلمانية الذرية المكوكية اللي فالحة بس في الهيافة وعمل استجوابات على افلام السينما اللي مش على ذوق الجماعة!! مفيش استجواب ليه؟ مفيش تنديد ليه؟ مفيش مظاهرات في الجامعات ليه؟ دول طلاب المحظورة كل يوم بيعملوا مظاهرة على اهيف حاجة.. دا لو حد مسك صوباع أخ فيهم الدنيا بتقوم.. دول بيتنشقوا على أي حاجة يعملوا عليها مناحة وجنازة يشبعوا فيها لطم.. وشعارات م اللي قبلك يحبها.. ويا أمة الاسلام قومي وانتفضي عشان الاخوان مش عارفين يعلقوا بوسترات في الجامعة!! وجيش صامدون يعلن الحرب عشان كام صايع م العيال بتوعهم اترفد. لكن لما الموضوع يمس اولياء نعمتهم اللي بيقبضوا منهم، يحطوا ف بقهم صرمة قديمة ولا حد يسمعلهم حس

جاتكم القرف.. ربنا يخصلنا من نفاقكم وعمالتكم وسمومكم يا جماعة الطابور الخامس. طبعا حبيبكم تبلعوله الزلط وتعملوله خدكم مداس كمان، ولو على حساب كرامة بلدكم ودم واحد من اهلكم.. اخص.. اتفووووو.. مستحيل تكونوا مصريين.. مستحيل تكونوا بني آدمين أصلا. يا عرر!.. اللي بيحصل في الدكتور اللي راح يشتغل بشرف في بلد ما تعرفش حاجة عن الشرف دا ممكن يحصل لأي حقير فيكم.. ساعتها للأسف هيلاقي كل مصري بيدافع عنه وحاسس بالظلم والاهانة كأنه هو اللي مسجون وهو اللي بيتجلد.. هيلاقي كل مصري بيضغط على الحكومة عشان تنقذه وتردله كرامته.. يالي ما تعرفوش حاجة عن الكرامة.. يا لاحسين الاحذية يا حثالة.. كان يوم اسود يوم ما اتزرعتم وسطينا.. نبتة قذرة وعايزة الحش من جدورها

إلهي تتكتموا كدا إلى أبد الآبدين.. خلاص القطة بلعت لسانكم دلوقتي؟؟.. مش عارفين يا متدينين بالقوي، يا بتوع قال الله وقال الرسول، ان الساكت عن الحق شيطان أخرس؟؟.. بس هأقول إيه؟ ما انتم عارفين حقيقة نفسكم.. دا الشيطان انضف منكم.. عمركم شفتم شيطان ندل بيبيع أهله؟.. عمركم شفتم شيطان بيلحس الجزم زي الكلب لحسن السبوبة تنقطع عنه؟؟.. انتم مرض.. سرطان.. عايشين وسطنا ليه؟ احنا كلنا زي ما انتم شايفين ضالين ومنيلين بستين نيلة.. روحوا لحبايبكم اقعدوا ف حضنهم وفارقونا.. قولولهم الشرع مافيهوش حاجة اسمها 1500 جلدة.. علموهم من علمكم الواسع با جهابذة.. قولولهم ان حتى الجاهلية ماكانش بيحصل فيها كدا.. قولولهم ان ربنا أمر ان الحكم بين الناس يكون بالعدل.. ولا انتم شايفين ان كلام الاسياد اللي بيمولوكم فوق كلام ربنا كمان؟.. فارقونا لو عندكم ذرة ضمير.. كفاية بقى

جلدة ورا جلدة نازلة على جسدك النحيل يا مصر.. جلدة ورا جلدة بتقطع في لحمك.. وكل نقطة دم بتصرخ وتبكي على كرامة وطن عظيم، شاء القدر انه يعاني من كبوات كتير، لكن لأنه عظيم كان دايما بيقف تاني ويرفع راسه بكل فخر.. إنما المصيبة لما الضربة تيجي من جوا.. ضربة جبانة وقذرة.. والمصيبة انها لابسة عباية الدين عشان تداري على قذارتها وتعفنها وخيانتها ليكي

خيرك يا مصر كان دايما لغيرك.. كان الأول بالغصب والاحتلال والاستعمار.. وأول ما استقليتي جريتي توزعي خيرك على اللي حواليكي، لكن الواطي هيفضل واطي.. هي دي طريقته في رد الجميل.. (ولا أقصد هنا الشعب السعودي المغلوب على أمره، بل أقصد نظام آل سعود) مش كفاية انه زارع عصابة عشان يقضي على حضارتك، عديم الأصل هيفضل يحقد عليكي.. فاكر ان فلوسه هتشتريله أصل.. لكن ولا فلوس الدنيا هتنضف الجلخ اللي جواه.. قلبه اسود سواد الزيت اللي منقوع فيه. لكن حقك هيرجع.. والله هيرجع.. وهنطهرك من كل قراضة عمالة تمص في دمك.. وساعتها هنقدر نعمل تغيير حقيقي واحنا مش خايفين.. وهنعمل تطوير وتحديث وعلم وثقافة وفن وتاخدي حقك يا غالية.. ياللي الزمن جار عليكي كتير

إلى كل الحثالة المتخاذلين.. انتم وجهين لعملة واحدة.. عملة مزيفة.. وزي الطفليات ودودة البلهارسيا كل واحد فيكم ماسك ف غيره عشان يطول عمره وينهش ف البلد دي.. كل واحد فيكم واخد رئة صناعية عشان يفضل كاتم على نفسنا.. واحد رئته هما المحظورة اللي عاملها فزاعة عشان يمنع الديمقراطية وتداول السلطة، والتاني رئته هي فلوس الجاز.. القضاء على هذه الجماعة المسمومة هو السبيل لتحرير مصر.. لازم نحرر مصر من الخطر الداخلي اللي بيعمل على هدمها بالغزو الثقافي وضربها بجرثومة الرجعية.. وفي نفس الوقت نكون بنقضي على حجة النظام في عدم تطبيق الديمقراطية، ونحرمه من الفزاعة اللي ماسكها للشعب وللقوى الخارجية

فمتى نتخلص من هذا الكابوس الجاثم على صدورنا؟

آخر ضحايا التدين البديل

2008-11-05T22:09:00.005Z

مقال هام للدكتور علاء الأسواني
جريدة الدستور
5 نوفمبر 2008

حدث ذلك فى العام الماضى ..

كنت فى لندن عندما ثارت ضجة كبرى حول أحد المسلمين من أصل باكستانى وهو مولود فى إنجلترا ويحمل الجنسية الإنجليزية .. فقد ألقى هذا الشخص خطبة الجمعة فى أحد مساجد لندن فأعلن على المصلين أن إنجلترا ليست إلا واحدة من بلاد الكفار , وأن المواطن الإنجليزى المسلم يجب أن يرفض أداء الخدمة العسكرية فى الجيش الإنجليزى الكافر ...

وأن عقوبة المسلم الإنجليزى الذى يقبل التجنيد أن يتم ذبحه بمقتضى الشريعة الإسلامية .

وقد إستعمل الخطيب كلمة يذبح بدلا من يقتل ليؤكد أن حكم الشرع هنا هو قطع الرقبة ...

بالطبع تم القبض على هذا الخطيب وتصدرت كلماته الصحف الإنجليزية جميعا ..

وكانت هذه الواقعة بمثابة هدية العيد إلى الكتاب الصهيونيين والمعادين للإسلام فإنهمرت التعليقات حول دموية الإسلام وتشجيعه للإرهاب.

وقلت لنفسى أن هذا الخطيب المتطرف الجاهل سوف يلقى أقصى عقوبة فى القانون البريطانى وهو يستحقها بالتأكيد , فهو يعلن إحتقاره لبلاده التى يحمل جنسيتها ويحرض الشباب على رفض الخدمة العسكرية ثم يحرض الناس على ذبح الجنود البريطانيين المسلمين , وهذه الدعوة العلنية للقتل تأتى بعد أن تعرضت إنجلترا إلى هجمات إرهابية أدت إلى مقتل العشرات من الأبرياء ..

كل هذه العوامل جعلت عقاب هذا الخطيب مؤكدا ومفهوما بالنسبة إلىّ , لكننى بينما كنت أشاهد نشرة أخبار الساعة الخامسة فى التليفزيون , فوجئت بخبر الإفراج عن الخطيب المتطرف دون توجيه تهمة .! وقد صرح القاضى الإنجليزي الذى أفرج عنه بأن ما دعا إليه الخطيب من قتل المجندين المسلمين لايشكل تهمة تحريض على القتل , لأنه لم يدع إلى قتل شخص بعينه ... ومن ثم فإن دعوته العلنية إلى القتل , برغم وحشيتها ، لا تخرج عن كونها مجرد أفكار والقانون البريطانى لا يعاقب الناس على أفكارهم .

تذكرت هذه الواقعة وأنا أقرأ عن المأساة التى يتعرض لها الآن الطبيبان المصريان شوقى عبد ربه ورءوف أمين، فقد إتهمتهما السلطات السعودية بإعطاء بعض الأدوية المهدئة إلى أميرة سعودية مما تسبب فى إدمانها المخدرات . والتهمة غائمة غير محددة وتحتاج إلى تحقيق طبى متخصص ومحايد ، خصوصا أن الأميرة كانت مدمنة للمخدرات قبل أن تبدأ العلاج مع الطبيبين ...

وفى كل الأحوال فإن من حق أى متهم أن يحظى بمحاكمة عادلة ...

لكن السلطات السعودية إعتبرت أن بلاغ الأميرة عنوان الحقيقة ، فالأميرة السعودية عندهم منزهة عن الكذب .وبالتالى تم القبض على الطبيبين المصريين وضربهما وتعذيبهما حتى يعترفا بما إتهمتهما به سمو الأميرة ، ولما إعترفا تحت وطأة التعذيب البشع صدر الحكم عليهما بالحبس 7 سنوات وألف خمسمائة جلدة لكل منهما ... ولما إستأنف أحدهما ، الدكتور رءوف أمين ، الحكم الصادر ضده ، صدر عليه حكم جديد بالحبس 15 عاما بدلا من سبع سنوات .... عقابا له ، فيما يبدو ، على إستئناف الحكم الأول والإعتراض على مشيئة سمو الأميرة فى التنكيل به ...

ونحن هنا نتساءل : لو كان هذان الطبيبان إنجليزيين أو أمريكيين هل كانت السلطة السعودية تجرؤ على جلدهما وحبسهما ؟

بل وهل كان بمقدور السلطة السعودية أن تقبض عليهما من الأساس ؟؟

الإجابة طبعا معروفة فالغربيون فى السعودية معاملتهم تختلف تماما عن معاملة العرب المسلمين ... ولقد قالت زوجة الدكتور رءوف أمين لجريدة الوفد : (( إن الأمر كله فى يد الأميرة السعودية فهى تستطيع أن تظلم وأن تعفو بالتليفون )) ..

والمعنى هنا أن القانون فى السعودية يتفاوت تطبيقه على الناس تماما ، بإختلاف الجنسيات والنفوذ والمكانة الإجتماعية ....وفى هذا إنتفاء لفكرة العدالة من أساسها .. إن الظلم الذى يتعرض له مئات الألوف من المصريين فى السعودية ، وهذا الإحتقار من السلطات السعودية للمصريين ، وهذا التخاذل المشين من قبل الحكومة المصرية عن حماية المصريين فى السعودية .. كل هذا ليس بجديد .. لكن ما يستحق التأمل أن هذا الظلم الفاحش الذى وقع على الطبيبين المصريين .... إعتبرته السلطات السعودية تنفيذا لشريعة الإسلام ....

وهنا تصدمنا ظاهرة التدين البديل التى كتبت عنها من قبل ، عندما يستبدل الناس بجوهر الإسلام ومبادئه الحقيقية ، الطقوس والمظاهر ... عندما لا نرى فى الإسلام دفاعا عن الحق والعدل والحرية وإنما نقصره على الحجاب وأداء صلاة الجماعة ..

إن ظاهرة التدين البديل قد نشأت أصلا فى المملكة السعودية ثم إنتشرت منها إلى أنحاء المعمورة .

فالسلطات السعودية التى تمنع الإختلاط فى المدارس وتحرم التمثيل ونحت التماثيل والتى تجبر الناس عنوة على أداء الصلاة وتمنع المرأة من قيادة السيارة وتنهرها وتضربها إذا كشفت شعرها أو جزءا من قدمها . هذه السلطة المتشددة فى المظاهر لا تجد غضاضة فى إقامة قواعد للجنود الأمريكيين فى السعودية ليشنوا منها حروب إبادة ضد المسلمين فى البلاد المجاورة , ولا تجد حرجا فى أن تضع الثروات الطائلة التى تقدر بتريليونات الدولارات فى البنوك الأمريكية "" الكافرة "" بينما تحرم البنوك فى العالم الإسلامى من الإنتفاع بها .. وهذه السلطة السعودية المتشددة فى المظاهر لا تتورع عن إرتكاب أكبر أشكال الظلم الفاحش ضد المقيمين غير السعوديين ....

بدءا من الإستيلاء على أجورهم لصالح الكفيل وحتى إذلالهم وضربهم وحبسهم لو خالفوا أوامر سيدهم السعودى ..

ولنقارن هنا بين القاضى الإنجليزى والقاضى السعودى .. فالقاضى الإنجليزى ، غير المسلم ، الذى لم يزعم أبدا إنه ينفذ شريعة الله، إحتكم إلى ضميره الإنسانى والمهنى وإلى قانون ديمقراطى يحرم تجريم الناس على أفكارهم فأطلق سراح شخص دعا إلى تكفير الآخرين وذبحهم .. أما القاضى السعودى فهو يزعم أنه يمثل الإسلام لكنه يصدر أحكاما ظالمة إرضاء لسمو الأميرة ...

إن القاضى الإنجليزى فى رأيى أكثر إسلاما من الشيخ السعودى، لأنه ينفذ العدل وهو الأساس الأول للإسلام .. ولقد قال رسول الله صلى الله عليه وسلم : (( إنما أهلك الذين من قبلكم أنهم كانوا إذا سرق فيهم الشريف تركوه وإذا سرق فيهم الفقير أقاموا عليه الحد , والله لو أن فاطمة بنت محمد سرقت لقطعت يدها ..)) .

إن مأساة الطبيبين المصريين تدل على مدى الهوان الذى وصل إليه المصريون فى الخارج والداخل بسبب النظام الفاسد الظالم الذى يحكم مصر .. لكنها أيضا تقدم لنا نموذجا عمليا على بشاعة التدين البديل ونفاقه وأكاذيبه ...

إن الدين يتحول دائما إلى طاقة إنسانية إصلاحية عظيمة عندما يفهم على أساس دفاعه عن حقوق الإنسان وكرامته .. لكننا فى اللحظة التى نقصر فيها رؤيتنا للدين على المظاهر والطقوس نصبح مؤهلين لإرتكاب أسوأ أنواع الرزائل .. لأننا بفهمنا القاصر للدين نعطل إحساسنا الفطرى بالضمير، وبالتالى نطلق لأنفسنا العنان فى إرضاء مصالحنا ونزواتنا ونحن مطمئنون إننا قد أدينا الصلوات فى أوقاتها .

إن الإسلام قد أبدع حضارته العظمى عندما دافع عن الحق والعدل والحرية والمساواة ...

أما فى أزمنة الإنحطاط فقد إنفصلت العقيدة عن السلوك عند المسلمين فتخلفوا حتى صاروا فى مؤخرة الأمم .

ولن ينهض العرب والمسلمون إلا عندما يستعيدون فهمهم الصحيح للإسلام , وما لم يحدث ذلك ... فسوف نظل مشغولين بالتشاجر حول الحجاب والنقاب وإعفاء اللحية وإرتداء الدبلة الذهبية , بينما نحن نظلم أنفسنا ونظلم الآخرين

السردية الأولى

2008-10-31T14:45:00.001Z

الآن يمكنكم قراءة الجزء الأول من "سردية الخصيان" على الموقع الجديد

http://fantasianovel.blogspot.com/

في انتظار مشاركاتكم وآرائكم

يا حظك الاسود يا ليلى

2008-10-19T00:03:00.002+01:00

كمشاركة متواضعة من هذه المدونة في فاعليات كلنا ليلى، أهدي هذه التدوينة إلى المرأة المصرية.. أجمل نساء الأرض

وأدعو القراء الأعزاء وجميع مدوني مصر للمشاركة بالكتابة دفاعا عن ليلى وحقها في الحياة الكريمة والمساواة
.................

طبعا هتقولولي هو انتي بتكتبي غير عن ليلى؟ ما انتي عندك مدونتين خصوصي عشان عيونها
وهقول: ما أنا عشان كدة اخترت اشارك من خلال مساحة مختلفة ومن وجهة نظر مختلفة
أنا مش هتكلم المرادي عن ملف معين خاص بحقوق المرأة.. أنا هتكلم عن وضع ليلى الحالي في المجتمع، واللي في رأيي لن ينتج عنه شيء غير المزيد من القهر والظلم اللي هتدفع تمنه ليلى لأجيال

لما قولت يا حظك الاسود يا ليلى ما كانش قصدي أندب ولا أعدد ولا أولول.. ما كانش قصدي أقول "يا عيني على ميلة بختك يا ليلى" وأمصمص شفافي وأسح دمعتين واشحت من الناس العطف والشفقة على ليلى.. أنا مابحبش نظام التسول ده وانتو عارفين.. وفي رأيي ما حدش هيحرر ليلى غير ليلى نفسها.. ما ينفعش انها تستنى حقوقها تجيلها ع الجاهز في شكل منة أو احسان.. ببساطة لأني شايفة ان مشكلة ليلى هي مشكلة وطن كامل.. مشكلة حقوق الانسان المهدرة في وطنه ومجتمعه. يعني زي ما الشعب ما ينفعش يستنى النظام السياسي هو اللي يمن عليه بالحرية والديموقراطية والعدل والمساواة، ليلى كمان لازم تكافح في معركتها وتخوضها بنفسها وتسعى ورا حقوقها

أمال كان قصدك إيه يا فانتا من العنوان؟.. أقولكم

الحكاية هي ان ليلى كمواطنة وكفرد من أفراد هذا المجتمع بتعاني من نفس المشاكل والظلم واللي بيعاني منها كل المصريين.. لكن مصيبة ليلى تكمن في انها ليلى، مش حسنين ولا محمدين
يعني إيه الكلام ده؟

يعني ان أنا، بصفتي ليلى، بعاني زيك يا حسنين بالظبط.. عندي نفس مشاكلك.. الفقر والبطالة وانعدام تكافؤ الفرص وكبت الحريات وغيره وغيره.. لكن تخيل بقى ان فوق كل المصايب دي كمان بتعامل على اني مواطنة درجة عاشرة.. بتعامل على اني نص انسان!.. وقبل ما تقولي دا كان زمان والكلام الفاضي اللي انت سمعته في التليفزيون ولا عند الحلاق يا حسنين، عايزاك لو سمحت تنزل معايا على ارض الواقع وتشوف بنفسك. هل انت شايف وضعي بيتحسن ولا بيتدهور؟ هل كل القوانين اللي انت باصصلي فيها واللي عدت بطلوع الروح عشان ترجعلي ابسط حقوقي كبني آدمة خلت وضعي مختلف؟ انت شايف إيه؟

أنا يا حسنين لما بيطلع قانون في صفي ما بيطلعش عشان سواد عيوني، ولا لأن دي أبسط حقوقي واني المفروض مواطنة وان الدستور المصري ما بيفرقش بين المواطنين بناءا على جنسهم. أنا القوانين بتطلعلي لأهداف تانية خالص.. اهداف تخدم اللي وضعوها بالمقام الأول عشان تحفظ ماء وجههم، مش تخدمني أنا. عشان كدا القوانين دي اتأخرت أوي يا حسنين.. القوانين دي كانت المفروض تكون اتوضعت من أكتر من 50 سنة. والداهية ان القوانين دي كمان بتطلع بالعافية وبعد ما تتقصقص وتتشوه عشان تنول رضى التيارات المشؤمة اللي بتنصب وتاكل عيش بإسم الدين

تخيل الضلالية عايزين يجوزوني وأنا حتى عيلة! تخيل انهم عايزين يقطعوا من لحمي زي الجزارين من غير ما حد يعاقبهم؟ تخيل انهم دايما بيكونوا أول ناس تعارض أي قانون في صفي؟ تخيل ان المرأة بالنسبالهم هي عبارة عن عاهرة، وانها لو خدت حريتها أكيد هتسيء استخدامها بشكل مشين وأول حاجة هتجري تدور عليها هي الجنس!!

أنا مش عارفة هما بيكرهوا الستات كدا ليه.. معقولة ولا واحد منهم كان له أم محترمة؟ أم علمته احترام المرأة لدرجة انه يتمنى يرفع الظلم عنها بدل ما يقهرها ويعاملها كأنها مجرد عورة وملهاش أي حقوق.. معقولة ولا واحد فيهم عنده أخت شريفة وعفيفة؟ أخت علمته ان البنت اللي عندها اخلاق مش محتاجة تتحاصر أويتقطع من لحمها عشان تفضل بشرفها.. معقولة ولا واحد فيهم عنده زوجة مخلصة وعلى خلق؟ زوجة قدرت تثبتله ان لو رجالة الدنيا كلها ركعوا تحت رجليها عمرها ما هتبص لواحد فيهم.. معقولة ولا واحد فيهم أحسن تربية بنته عشان يثق فيها! معقولة ولا واحد فيهم حب بنته وشاف انها تستاهل مستقبل أفضل وان واجبه كأب انه يساعدها في تحقيق طموحها!
الناس دي يا ترى طلعت من بيوت شكلها إيه؟

شوفوا أي قانون خاص بحقوق المرأة وافتكروا موقف الاخوان منه.. هتكتشفوا زيي انهم كانوا أول ناس يهبشوا فيه ويعارضوه ويشوهوه. من وجهة نظري، أعتقد ان ده بالاضافة إلى كونه اجرام وكره غير مبرر للمرأة، فإنه أيضا نوع من الغباء السياسي.. يعني انت لما تعارض حقوق المرأة اللي الحكومة أصلا اتأخرت في الاعتراف بيها ف إنت كدا بتجمل وجه النظام! هي المعارضة انك تعارض أي قانون بصرف النظر هو صح ولا غلط؟ ولا المعارضة هي انك تثبت قد إيه انت رجعي ورافض للتغيير حتى لو للأفضل؟ وهل من الحكمة انك بدل ما تحرج النظام وتسأله هو اتأخر كل ده ليه في اقرار هذه الحقوق أنك تديله فرصة يهرب من مواجهة تقصيره؟ مش بس كدا، ان انت كمان بتخدمه وبتديله الفرصة انه يبان في موقف التقدمي وان انت السبب في التخلف والرجعية؟ سياسة إيه دي؟ دي سياسة الدبة اللي قتلت صاحبها

ثم ان الجماعة اياها المفروض بتقدم نفسها على انها تيار سياسي، مش ديني فقط.. يعني المفروض انها تكون عايزة انصارها يزيدوا.. ده المنطق وده اللي افهمه.. يعني من مصلحة الجماعة المنيلة دي ان نصفها المعطل، اللي هما الأخوات اللي عايزين يدخلوا بيت العدل دول، انهم يشاركوا في الحياة العامة وما يكونش فيه قيود تمنعهم من تولي مناصب في الدولة.. بالعكس، المفروض يتم تشجيعهم على التعليم والعمل في وظائف مرموقة.. دا لو فيه أي دماغ من أي نوع يعني.. لكن زي ما قولت ان فيه غباء سياسي يضاف إلى انعدام الضمير والمرض النفسي اللي بتعاني منه هذه الجماعة المناخوليا

نيجي بقى يا صاحبي لأهم جزئية، وهي اللي مخلياني كليلى في وضع لا أحسد عليه.. وهي المزايدات اللي بيقوم بيها كل فريق على التاني واللي بأدفع أنا تمنها ف الآخر.. يعني إيه؟ يعني الاخوان عايزين يزايدوا على الحكومة، ودا مفهوم من الناحية السياسية.. لكنهم في نفس الوقت بيزايدوا على التيار الأكثر تطرفا داخلهم من الناحية الايديولوجية.. يقوم يجي السلفيين يزايدوا على الاخوان.. يقوم الاخوان يزايدوا ع السلفيين.. وكل واحد فيهم بيتبارى في اثبات انه الأكثر تطرفا وتشددا والأكثر شذوذا في تفسير النص الديني!! تقوم الحكومة اللي عايزة تنفي عن نفسها تهمة الفسق والفجور تتنازل، وتعدل في صيغة القانون عشان يعدي.. ويخرج في الآخر قانون مكسح وأعرج.. وأطلع أنا م المولد بلا حمص وأفضل محلك سر

عشان حال ليلى يتصلح لازم ليلى تركز في انها تتولى مناصب صنع القرار وتعمل على تطهير الحياة السياسية من جماعات المصالح والمزايدات المناخوليا.. لازم ليلى تتسلح بالعلم والثقافة والوعي.. لازم ليلى اللي عمر ما كان ينقصها الشجاعة تكون برضه عندها روح مبادرة وعندها طموح وحس وطني يخلصها ويخلص البلد كلها من الكوابيس اللي طابقة على نفسها

هي دي نصيحتي لليلى.. وهو دا مفتاح الحرية اللي اتمنى انها تسعى للحصول عليه
كلنا ليلى.. كلنا في مركب واحد

البحث العلمي عند الاخوان

2008-09-29T15:38:00.009+01:00

قبل ما أدخل في الموضوع.. عايزة أقول وحشتوني وحشتوني وحشتوني يا أصدقاء التدوين الغالين. آسفة على الغياب الطويل.. وأشكر كل من سأل عني اثناء غيابي

بصوا بقى.. من حريق لحريق يا قلبي لازم تحزن.. ومن انهيار لانهيار (والانهيار عندنا أشكال وألوان ما تتعدش) يا قلبي لازم تحزن.. من كتر المصايب مش عارفة أبدأ منين الصراحة.. لكن أعتقد ان الأولوية هي للمصايب المستخبية اللي بتتم من غير ما حد يحس ومن غير تسليط الضوء عليها في الوقت المناسب قبل وقوع المزيد من الكوارث

عايزة أحذر الجميع من محاولة الاخوان المستميتة للسيطرة على القطاع الطبي في مصر.. طبعا كلنا عارف ان كليات الطب ونقابة الأطباء أصبحوا مرتعا للجماعة المحظورة لممارسة نشاطها ونشر سمومها في المجتمع ككل. الدكتور بما يحمله من احترام وتوقير من قبل المجتمع لعلمه ومهنته الانسانية، بيكون قدوة لناس كتير.. خاصة البسطاء ومن لم ينالوا القسط الكافي من التعليم.. عشان كدة كانت كليات الطب من أول الكليات اللي نابها م الحب جانب في خريطة الانتشار الاخواني وفي قلب خطتهم للامساك بعنق المجتمع

مش عايزة أعيد وأزيد في كلام معروف عن تحرك الاخوان بين الاطباء وفرض سيطرتهم على النقابة.. إللي انتهى بالمهزلة والفضيحة التي لم ترى مصر مثلها في تاريخها الطبي من أيام الفراعنة -مخترعي الطب- وحتى أن دنس شرف المهنة الانسانية الجليلة نقيب الأطباء بقراره الطائفي بحظر نقل الأعضاء البشرية بين المسلمين والمسيحيين

كل ده -بالرغم من فداحته- كوم، وتأميم مناهج كلية الطب لصالح الاخوان المتأسلمين كوم تاني. يعني لما نصحى في يوم نلاقي عصابة الجماعة هي اللي بتحط المناهج المقررة على طلبة الطب يبقى ما ينفعش نسكت لغاية لما المصيبة تقع واحنا مش دريانين

كل ما تتكلم مع أخ صايع من عصابة المحظورة يقولك بكل انشكاح، " احنا معانا دكاترة ومهندسين واساتذة جامعة لمؤاخذة".. كأن يعني دا معناه انه خد عضوية الروتاري يا خي! طب دا هيفيده هو في إيه يعني مش عارفة؟ هيحسن حاله مثلا؟ ما هو هيفضل صايع ومتخلف

ما علينا.. المهم اني كذا مرة أقولهم الموضوع مالوش دعوة بالمهن، المهنة مش هي اللي بتدي القيمة لصاحبها، انما الشخص هو اللي بيدي قيمة للمنصب اللي هو فيه. فين بقى أبحاث العلماء الجهابذ الاخوانجية اللي هتطلعنا الفضاء في ركاب الصين كدة عن قريب؟ ولا حاجة.. ولا أي شيء له أي قيمة تذكر.. مش فالحين غير في الفتي والنصب على البسطاء والسذج

خد عندك عينة من بحوثهم المكوكية الطبية الفقهية السياسية التكتيكية المهلبية الاخوانجية.. بيقولك إيه يا سيدي؟.. قال "رسالة ماجستير: لا يجوز فرض الفحص الطبي قبل الزواج".. شوفتوا الحلاوة؟ مش بقولكم مهلبية ياخواتي

الباحث -اسم النبي حارسه- ساب كل المشاكل اللي في الدنيا والمصايب اللي المصريين غرقانين فيها من ساسهم لراسهم وراح اختار يعمل البحث بتاعه عن عدم جواز فرض الفحوصات الطبية قبل الجواز عشان يا عيني التحاليل غالية!! شوفتوا الابحاث العلمية يا بشر؟ مش تقولي اللي هاريين نفسهم عايزين يكتشفوا علاج للأمراض المزمنة واللي ضيعوا عمرهم في البحث الاجتماعي والاقتصادي.. هو دا اللي هيحل مشاكل مصر يا جدعان.. ليه تدفع أكتر لما ممكن تدفع أقل؟.. شيل العروسة يا عريس بأمراضها يلا بالشفى.. وانتي يا عروسة خدي العريس عمياني كدة ع البركة.. مش بيقولك الجواز زي البطيخة.. والامراض كمان زي البطيخة.. والأطفال يدفعوا التمن ومالوا؟ قدر الله وما شاء فعل يعني.. خلينا ماشيين ع البركة كدة عشان البركة تعم علينا والفيروسات برضه تسترزق

طبعا الأخ الباحث أول واحد البركة حلت عليه.. البحث متمول تمويل متين ونزل في كتاب طباعة فاخرة كمان.. بركاتك يا محظورة!.. ولسة.. ممكن يعملوا منه كتيبات تتوزع مجانا قدام الجوامع بعد صلاة الجمعة.. وأهو الغلابة يوفروا القرشين اللي كانوا هيروحوا للمعمل ويدعوا للأخ الباحث.. وكله بالعلم يا هندسة.. شغل على مية بيضا.. رسالة ماجيستير مش أي كلام.. يعني تقنع التخين

يا انجازاتك العلمية والبحثية يا مصر! ولسة ياما هنشوف بلاوي على ايد اللي ما يتسموش

المهم بقى ان اللي يقرا الموضوع كما ورد على موقع الجماعة يكتشف انه اتكتب بعناية بحيث ان اللي يقرا أي حاجة بعد العنوان ما يفهمش حاجة.. ازاي؟ اقولك

أولا اللي مكتوب في نص الموضوع يتناقض تماما مع العنوان ومقدمة الموضوع
العنوان بيقول "لا يجوز فرض الفحص الطبي قبل الزواج".. والمقدمة بتقول "أكدت دراسة فقهية حديثة عدمَ جواز إجبار الحكومة أو ولي الأمر أي شخص على إجراء الفحص الطبي قبل الزواج من أي مرض، موضحةً أن ذلك افتئاتٌ على الحرية الشخصية، ويسبِّب عدة مشاكل مادية ونفسية تتمثَّل في التكاليف المالية، وكذا خوف المقبلين على الزواج من نتائج الفحوصات وعواقبها على حياتهم؛ مما يدفعهم إلى اجتناب الزواج أو التحايل عليه بالزواج السري أو بشراء الشهادات الطبية التي تثبت سلامة الشخص من العيوب الوراثية أو الصحية بالمال؛ مما يفتح بابًا للمخالفات الأخلاقية التي يرفضها الشرع، ومن ثم تكون هذه الفحوصات اختيارية وليس إجبارية.

طيب انزل شوية بقى، هتلاقي الأخ الباحث بيقولك ان الفحوصات دي خير وبركة ويا ريت تتعمل.. مش كدة وبس، دا الدين الاسلامي بيشجعها ويحث عليها

"وأجازت الدراسة التي جاءت تحت عنوان "الفحص الطبي قبل الزواج والأحكام الفقهية المتعلقة به" إجراء الفحص الطبي قبل الزوج، مع اشتراط الوسيلة الآمنة المباحة؛ وذلك اعتمادًا على التكييف الفقهي والشرعي؛ لأن إجراء الفحص يحقِّق مصالحَ شرعيةً راجحةً، ويدرأ مفسدةً متوقعةً، وليس في هذا مضادٌّ لقضاء الله وقدره.

وينفع الفحص الطبي قبل الزوج، خاصةً في العائلات التي لها تاريخ وراثي لبعض الأمراض ويتوقع الإصابة بها يقينًا أو غالبًا، والمتوقع كالواقع، والشرع يحتاط لما يكثر وقوعه احتياطًا لما تحقق وقوعه.

وأشارت الدراسة إلى أن الفحص الطبي لا يتعارض مع مقاصد الشريعة الإسلامية ولا مع الزواج؛ لأن الزواج من الأصحَّاء يدوم ويستمر أكثر من زواج المرضى، والشرع أوصى باختيار الأصلح والأحسن لتحقيق مقصود الزواج والمحافظة على النسل، خاصةً أن النسل الصحيح لا المريض هو مقصود الشريعة.

وأكد الباحث أن الحكم بالجواز جاء متوافقًا مع القواعد الشرعية الأصولية والفقهية؛ لأنه إن أمكن رفع وإزالة الضرر قبل وقوعه تجنُّبًا للمفاسد فهذا أولى من إزالته بعد الوقوع، خاصةً أن الفحص الطبي قبل الزواج يُعد من العلاجات الوقائية، وقد أمر الشرع الحنيف بالوقاية من الأمراض، وفيه رعايةٌ لمصالح المسلمين، وحرصٌ على أرواحهم ونسلهم.

واستدلَّ الباحث بفتوى المجلس الأوروبي للإفتاء بالجواز في بيانه الصادر في 27 فبراير 2005م.

الله الله الله.. استنوا بقى.. يعني إيه الكلام ده؟ أمال العنوان لزمته إيه؟ والمقدمة اللوزعية دي هدفها إيه؟ والاعتراض أصلا على إيه؟ حد فاهم حاجة؟

اقرا بقى آخر فقرة في الموضوع تحت عنوان "تدريس الفقه للأطباء" عشان تفهم

"وأوصت الدراسة بتضمين مقرّرات ومناهج كليات الطب بالجامعات مادة "قضايا فقهية معاصرة"؛ تهتم بقضايا الطب وعلاقتها بالشريعة الإسلامية؛ حتى يكون الطبيب على علم بأمور دينه ورأي الدين في المستجدات في علم الطب

هو دا يا حبيبي الهدف من البحث.. لا تقولي فحوصات ولا تحاليل ولا معامل ولا عينات.. الحكاية م الآخر فرض وصاية واللبيب بالأشارة يفهم.. عايزين يتدخلوا كمان في المناهج اللي بتتم تدريسها جوة كليات الطب.. حد يقولي إيه علاقة الطب بالشريعة الاسلامية؟.. عايزين يعملوا فلتر يعني م الآخر عشان نتخلف في الطب ونمرض ومانلاقيش حد يعالجنا.. ف الآخر ما نلاقيش غير الدجالين والمعالجين بالرقية الشرعية وبول الإبل.. عايزين يتحكموا في صحتنا ويدمروا التعليم والبحث العلمي عشان يخنقونا أكتر وأكتر ونتخلف وننعزل عن العالم

يا رب نفوق قبل فوات الآوان

فرحة ما تمت

2008-06-29T23:24:00.006+01:00

دا تحديث على التحديث اللي نشرته بخصوص البوست اللي فات

بركولنا يا حبايب
لولولولولولولولولولولييييييييييي

المنتدى بتاع عمرو خالد كله اتقفل بالضبة والمفتاح

قال إيه يا سيدي

السلام عليكم و رحمة الله و بركاته .
نعتذر المنتديات مغلقة للصيانة و التطوير .
سوف نعود قريباً إن شاء الله
مع تحيات إدارة المنتديات

والله زي ما بقولكم كدا، وشوفوا بنفسكم هنا

أشكر صديقتي العزيزة المدونة حنين خالص الشكر على جهودها المتواصلة في الاتصال بادارة موقع عمرو خالد
والتي أجزم بأنها كانت السبب الأساسي وراء "الصيانة والتطوير"

طبعا اللي مستني تفسير ولا اعتذار ولا حتى أي اشارة للموضوع.. احب اهديله أغنية "في المشمش يا سي مشمش"

لكن كفاية علينا هذا الانتصار الكبير.. وانتظروا المزيد من الانتصارات على خفافيش التطرف والفتن بإذن الله

-----------------

تحديث رقم 3

يا فرحة ما تمت
معلش.. الظاهر الموضوع أصعب مما كنا نتخيل

دلوقتي احنا اتأكدنا بما لا يدع مجالا للشك إن الرسالة إياها مش مدسوسة على موقع المدعي عمرو خالد
بعد يوم كامل من "الصيانة والتطوير"، يعود المنتدى لتطل علينا نفس الرسالة الحقيرة التي كانت قد اختفت مع كل المنتدى بالأمس

مازلنا نبعث الرسائل للباشا وادارة موقعه اللي مطنشين ع الآخر
ويوجد تحت أيدينا الآن ما يثبت علم الموقع بما هو مكتوب على المنتدى

مش هنستسلم .. وهنفضح الداعية المدعي ده وموقعه الذي تديره عصابة من مشعلي الفتن الطائفية
همتكم معانا.. اللي يعرف محامي يا ريت يقولنا الاجراء القانوني اللي ممكن يتاخد
ويا ريت اللي يعرف يحذر بريطانيا قبل ما عمرو باشا يروح هناك هو والكام عيل اللي لاممهم عشان يعملوا مخيم صيفي في بلاد الكفار يقولهم موقع الأستاذ بيروج لأفكار عاملة ازاي

والتحديثات مازالت مستمرة

هكذا تصنع الفتن الطائفية

2008-06-27T16:50:00.006+01:00

من موقع الداعية المدعي عمرو خالد تحت عنوان: "للأهمية: ثلاثة فتاوي عن بناء الكنائس وتجنيس الكفار وإزالة أماكن شعائر الأهواء والبدع".. مختصر

ثلاث فتاوي عن
1-موقف الإسلام من بناء الكنائس
2-تجنيس الكفار
3-هل يجوز إزالة أماكن شعائر الأهواء والبدع

بسم الله الرحمن الرحيم

{الْحَمْدُ للّهِ رَبِّ الْعَالَمِينَ{2} الرَّحْمـنِ الرَّحِيمِ{3} مَالِكِ يَوْمِ الدِّينِ{4} إِيَّاكَ نَعْبُدُ وإِيَّاكَ نَسْتَعِينُ{5} اهدِنَــــا الصِّرَاطَ المُستَقِيمَ{6} صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ}

والصلاة والسلام على نبينا محمد خاتم الأنبياء محمد صلى الله عليه وعلى آله وصحبه الكرام.

أما بعد:
هذه رسالة صغيرة في حجمها، ولكن أرجو من الله سبحانه وتعالى أن تكون نافعة للمسلمين وهي تشمل أسئلة عن:
أولاً: بناء الكنائس وموقف الإسلام منها.
ثانيًا: تجنيس الكفار.
ثالثًا: هل يجوز إزالة أماكن شعائر الأهواء والبدع.

السؤال الأول:
نرجو من فضيلتكم بيان حكم الشرع في إحداث الكنائس والبيع والأماكن التي تقام فيها شعائر أهل الأهواء والبدع المضللة في بلاد الإسلام، هل هو جائز أم لا؟!

أفتونا مأجورين فإن ذلك مما عمت به البلوى في جميع بلاد المسلمين حتى ألفوه من غير تكبر كبناء المساجد والسلام ختام.

تلميذكم أحمد الحصين

الجواب:
الحمدلله رب العالمين ناصر الحق المبين إلى يوم الدين، وصلى الله وسلم على نبينا محمد خاتم النبيين وعلى آله وصحبه أجمعين.

الذي أجمع عليه الصحابة في خلافة عمر رضي الله عنهم، واتفق عليه المسلمون ومنهم أئمة المذاهب الأربعة هو أنه لا يجوز في دار الإسلام إحداث الكنائس ولا بيع ولا صوامع رهبان ولا معبد نار لمجوس ولا مجمع لصلاتهم، ولا يجاورونا في موتاهم، وجعلوا ذلك من أهم الشروط التي لا يصح عقد الذمة إلا بها.

وسواء ما مصره المسلمون كبغداد والبصرة والكوفة وواسط والقاهرة وكذلك الكويت، أو ما فتح عنوة كمصر والشام والعراق، ولا يصح صلحهم على إحداث شيء من ذلك في أرض المسلمين لأنها ملك لهم، فلا يجوز فيها إحداث مجامع للكفر، فإن فعلوا بأن أحدثوا شيئًا من ذلك، وجب هدمه، وإزالته لعدوانهم لحديث عمر بن الخطاب رضي الله عنه مرفوعًا: "لا تبنى كنيسة في الإسلام ولا يجدد ما خرب منها".

وقال ابن عباس رضي الله عنهما: "أيما مصر مصرته العرب يعني المسلمين فليس للعجم يعني أهل الذمة أن يبنوا فيه كنيسة ولا يضربوا فيه ناقوسًا ولا يشربوا فيه خمرًا ولا يتخذوا خنزيرًا".

ويحرم بيعهم وإجارتهم ما يعملونه كنيسة، أو تمثالاً كالذي يعملونه صليبًا لأنه إعانة لهم على كفرهم قال الله تعالى: {وَلاَ تَعَاوَنُواْ عَلَى الإِثْمِ وَالْعُدْوَانِ} [المائدة: 2]

ومع هذا فإنه لا يخفى على ذي بصيرة أن هذه الكنائس في هذه الأزمنة قد جعلوها أوكارًا لتضليل الناس بالنصرانية وذم الإسلام والطعن في القرآن، وفي الرسول صلى الله عليه وسلم بما يفترونه من تحريف الكلم عن مواضعه، فكنائسهم قد صارت أكبر خطر، وأعظم ضرر على المسلمين من مسجد الضرار الذي أمر النبي صلى الله عليه وسلم بهدمه وإحراقه بأمر من ربه حفاظًا للمسلمين من مقاصدهم الردية.

فلو كان بأرض القاهرة ونحوها كنيسة قبل بنائها لكان للمسلمين أخذها لأن الأرض عنوة فكيف وهذه الكنائس محدثة، أحدثها النصارى؟

وبعدما ذكر من الآثار في ذلك مستدلاً بها، قال رحمه الله وملخص الجواب:
"أن كل كنيسة في مصر أو القاهرة أو الكوفة أو البصرة وواسط وبغداد ونحوها من الأمصار التي مصرها المسلمون بأرض العنوة فإنه يجب إزالتها إما بالهدم أو غيره بحيث لا يبقى لهم معبد في مصر مصَّره المسلمون بأرض العنوة وسواء كانت تلك المعابد قديمة قبل الفتح أو محدثة لأن القديم منها يجوز أخذه ويجب عند المفسدة".

وقد نهى النبي صلى الله عليه وسلم أن تجتمع قبلتان بأرض، فلا يجوز للمسلمين أن يمكنوا أن تكون بمدائن الإسلام قبلتان إلا للضرورة كالعهد القديم لاسيما وهذه الكنائس التي بهذه الأمصار محدثة يظهر حدوثها بدلائل فتأخذه والمحدث يهدم باتفاق الأئمة.

ومازال من يوفقه الله من ولاة المسلمين ينفذ ذلك، ويعمل به مثل عمر بن عبدالعزيز الذي اتفق المسلمون على أنه إمام هدى فروى الإمام أحمد عنه أنه كتب إلى نائبه على اليمن أن يهدم الكنائس التي فيها أمصار المسلمين فهدمها بصنعاء وغيرها، وروى الإمام أحمد عن الحسن البصري أنه قال: "من السنة أن تهدم الكنائس التي في الأمصار القديمة والحديثة".

وقال شيخ الإسلام ابن تيمية رحمه الله: "اتفق المسلمون على أن ما بناه المسلمون من المدائن لم يكن لأهل الذمة، أن يحدثوا فيه كنيسة مثل ما فتحه المسلمون صلحًا، وأبقوا لهم كنائسهم القديمة بعد أن شرط عليهم عمر بن الخطاب أن لا يحدثوا كنيسة في أرض الصلح، فكيف في بلاد المسلمين؟!

بل إذا كان لهم كنيسة بأرض العنوة كالعراق ومصر، ونحو ذلك فبنى المسلمون مدينة عليها فإن لهم أخذ تلك الكنيسة لئلا تترك في مدائن المسلمين كنيسة بعد عهد"

فإن في سنن أبي داود بإسناد جيد عن ابن عباس عن النبي صلى الله عليه وسلم أنه قال: «لا تصلح قبلتان بأرض ولا جزية على مسلم».

والمدينة التي يسكنها المسلمون والقرية التي يسكنها المسلمون وفيها مساجد المسلمين لا يجوز أن يظهر فيها شيء من شعائر الكفرة لا كنائس ولا غيرها إلا أن يكون لهم عهد فيوفى لهم بعهدهم.

وكذلك هارون الرشيد بخلافته أمر بهدم ما كان في سواد بغداد، وكذلك المتوكل لما ألزم أهل الكتاب بشروط عمر استفتى علماء وقته في هدم الكنائس والبيع فأجابوه فبعث بأجوبتهم إلى الإمام أحمد فأجابه، كما أجابوه بهدم كنائس سواد العراق وذكر الآثار عن الصحابة والتابعين ومضى الإمام ابن تيمية إلى أن قال: "ولما كان المسلمون متمسكين بالسياسة الشرعية التي منها ألا تجتمع قبلتان بأرض أولا يجتمع بيت رحمة وبيت عذاب"

ولهذا كانوا مؤيدين منصورين على الأعداء مع قلة المال والعدد ونالوا كل خير ولا يلتفت في ذلك إلى مرجف أو مخذل يقول: إن لنا عندهم مساجد وأسرى نخاف عليها، فإن الله تعالى يقول: {وَلِيَعْلَمَ اللَّهُ مَن يَنصُرُهُ وَرُسُلَهُ بِالْغَيْبِ إِنَّ اللَّهَ قَوِيٌّ عَزِيزٌ} [الحديد: 25]

وإذا كان نوروز في مملكة التتار قد قام بهدم الكنائس على رغم أعداء الله، فحزبه المنصور وجنده الموعود بالنصر إلى قيام الساعة أولى بذلك وأحق... إلى آخره، مختصرًا من رسالتين لابن تيمية جوابًا على استفتاء ورد إليه في أمر الكنائس في القاهرة وغيرها، إحدى الرسالتين أوردها ابن القيم في أحكام أهل الذمة والثانية وردت في مجموعة الرسائل والمسائل.

أمير المؤمنين هارون الرشيد قد استفتى أبا يوسف في أمر الكنائس والبيع، ففصل له في فتواه جميع أحكامها فهدم ما كان في السواد كانت تمام سعادتها، فلم ينظم بعدها الأمر لهم.

وقسم العلامة ابن القيم البلاد التي تفرق فيه أهل الذمة والعهد إلى ثلاثة أقسام:

أحدها بلاد أنشأها المسلمون في الإسلام مثل البصرة والكوفة وبغداد والقاهرة وغيرها مما مصره المسلمون قلت: ومثل الكويت.

فهذه البلاد وما فيها خاصة للإمام إن أراد الإمام أن يقر أهل الذمة فيها ببذل الجزية جاز، فلو أقرهم الإمام على أن يحدثوا فيها بيعة أو كنيسة أو نارًا لمجوس أو يظهروا فيها خمرًا أو خنزيرًا أو ناقوسًا لم يجز، وإن شرط ذلك وعقد عليه الذمة كان العقد والشرط فاسدين، وهو اتفاق من الأئمة لا يعلم بينهم فيه نزاع.

القسم الثاني: البلاد التي أنشأها المشركون ومصروها ثم فتحها المسلمون عنوة وقهرًا بالسيف، فهذه كذلك لا يجوز أن يحدث فيها شيء من البيع والكنائس وأما ما كان من ذلك قبل الفتح فهل يجوز إبقاؤه أو يجب هدمه؟

فيه قولان في مذهب أحمد: ولهما وجهان لأصحاب الشافعي وغيره:
أحدهما: تجب إزالته وتحرم تبقيته لأن البلاد قد صارت ملكًا للمسلمين فلم يجز أن يقر فيها أمكنة شعائر الكفر كالبلاد التي مصرها المسلمون لقول النبي صلى الله عليه وسلم: «لا تصلح قبلتان ببلد».

ولأنه لايجوز إبقاء الأمكنة التي هي شعائر الفسوق كالخمارات والمواخير، لأن أمكنة البيع والكنائس قد صارت ملكًا للمسلمين.

فتمكين الكفار من إقامة شعائر الكفر لها فيها يحرم، كبيعهم وإجازتهم إياها كذلك، ولأن الله تعالى أمر بالجهاد حتى يكون الدين كله لله، وتمكينهم من إظهار شعائر الكفر في تلك المواطن جعل الدين لغيره وهذا القول هو الصحيح.

القسم الثالث من البلاد: ما أنشئت قبل الإسلام وفتحت صلحًا وهذا نوعان:
أحدهما أن يصالحهم على أن الأرض لهم ولنا الخراج عليها، أو يصالحهم على ما يبذلونه وهي الهدنة فلا يمنعون من إحداث ما يختارونه فيها لأن الدار لهم كما صالح رسول الله صلى الله عليه وسلم ولم يشترط ألا يحدثوا كنيسة ولا ديرًا.

فلو وقع الصلح مطلقًا من غير شرط حمل ما وقع عليه صلح عمر، وأخذوا بشروطه لأنها صارت كالشرع فيحمل مطلق صلح الأئمة بعده عليها.

السؤال الثاني:
هل يجوز تجنيس النصارى أو اليهود بجنسية البلاد كسائر المسلمين؟!

الجواب:
وأما السؤال عن تجنيس النصارى أو اليهود بجنسية البلاد كسائر المسلمين:
فهذا بلا شك داخل في عموم ما حرمه الله تعالى على المؤمنين من موالاة أهل الكفر قال تعالى:
{يَا أَيُّهَا الَّذِينَ آمَنُواْ لاَ تَتَّخِذُواْ الْيَهُودَ وَالنَّصَارَى أَوْلِيَاء بَعْضُهُمْ أَوْلِيَاء بَعْضٍ وَمَن يَتَوَلَّهُم مِّنكُمْ فَإِنَّهُ مِنْهُمْ} [المائدة: 51]

وقال تعالى: {يَا أَيُّهَا الَّذِينَ آمَنُواْ لاَ تَتَّخِذُواْ الَّذِينَ اتَّخَذُواْ دِينَكُمْ هُزُواً وَلَعِباً مِّنَ الَّذِينَ أُوتُواْ الْكِتَابَ مِن قَبْلِكُمْ وَالْكُفَّارَ أَوْلِيَاء وَاتَّقُواْ اللّهَ إِن كُنتُم مُّؤْمِنِينَ} [المائدة: 57]

وقال تعالى: {يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاء تُلْقُونَ إِلَيْهِم بِالْمَوَدَّةِ وَقَدْ كَفَرُوا بِمَا جَاءكُم مِّنَ الْحَقِّ} [الممتحنة: 1]

وقال تعالى: {يَا أَيُّهَا الَّذِينَ آمَنُوا لَا تَتَوَلَّوْا قَوْماً غَضِبَ اللَّهُ عَلَيْهِمْ قَدْ يَئِسُوا مِنَ الْآخِرَةِ كَمَا يَئِسَ الْكُفَّارُ مِنْ أَصْحَابِ الْقُبُورِ} [الممتحنة: 13]

إلى غير ذلك من الآيات التي يحذر الله بها عباده المؤمنين من موالاة أهل الكفر التي هي أخص صفات المنافقين.

ولاشك أن منحهم الجنسية وتمتعهم بها كسائر المسلمين غاية في موالتهم ومحبتهم وذريعة لنفوذ كلمتهم بما فيه ضرر على الإسلام والمسلمين فإنهم خونة وجواسيس لأهل ملتهم على عورات المسلمين وأسرارهم.

ولهذا وغيره ما كان المسلمون في القرون المفضلة يوالون اليهود والنصارى ولا أهل البدع المضلة، بل يرون ذلك من صفات المنافقين ولم يكونوا يستعملون منهم أحدًا في أمور المسلمين أصلاً.

وتحرم الاستعانة بهم في شيء من ذلك، كعمالة وجباية خراج وكتابة وقسمة فيء وغنيمة ولا يكون أحدهم بوابًا ولا جلادًا ولا جهبذًا وهو النقاد الخبير.

وكتب خالد بن الوليد إلى عمر بن الخطاب رضي الله عنه يقول: "إن بالشام كاتبًا نصرانيًا لا يقوم خراج الشام إلا به."
فكتب إليه لا تستعمله!
فكتب: إنه لا غناء عنه
فكتب إليه: لا تستعمله!
فكتب إليه: إذا لم نوله ضاع المال.
فكتب عمر رضي الله عنه: "مات النصراني والسلام".

يعني افرض أنه مات فهل يضيع المال، وتختل أمور الدولة.

ودخل أبو موسى الأشعري على عمر بن الخطاب رضي الله عنه معرض عليه حساب العراق فأعجبه ذلك وقال: "ادع كاتبك يقرأه علي
فقال: إنه لا يدخل المسجد؟
قال: ولم؟
قال: لأنه نصراني!"

فضربه عمر رضي الله عنه بالدواة فلو أصابته لأوجعته
ثم قال: "لا تعزوهم بعد أن أذلهم الله ولا تأمنوهم بعد أن خونهم الله ولا تصدقوهم بعد أن أكذبهم الله".

ولا يستشار كافر، ولا يؤخذ برأيه لأنه غير مأمون، قال تعالى: {قَدْ بَدَتِ الْبَغْضَاء مِنْ أَفْوَاهِهِمْ وَمَا تُخْفِي صُدُورُهُمْ أَكْبَرُ قَدْ بَيَّنَّا لَكُمُ الآيَاتِ إِن كُنتُمْ تَعْقِلُونَ} [آل عمران: 118]

كل العداوات قد ترجى مودتها
إلا عداوة من عاداك في الدين

وفي الصحيحين من حديث عائشة رضي الله عنها أن النبي صلى الله عليه وسلم خرج إلى بدر، فتبعه رجل من المشركين فقال له: «مؤمن بالله ورسوله».
قال: لا
قال: «فارجع فلن أستعين بمشرك لأن الكافر لا تؤمن غائلته ومكره والحرب تقتضي المناصحة والكافر ليس من أهلها»
قال ابن المنذر: "والذي ذكر أنه استعان بهم غير ثابت".

ويحرم القيام لهم ولا لمبتدع يجب هجره ويحرم تصديرهم بالمجالس عند المسلمين، لأنه تعظيم لهم، ويحرم بداءتهم بالسلام ولا يوقرون كمسلم لانحطاط رتبتهم، وتحرم تهنئتهم وتعزيتهم وشهادة أعيادهم.

وقال عمر رضي الله عنه: لا تدخلوا على المشركين في كنائسهم يوم عيدهم فإن السخطة تنزل عليهم ولا يأذن المسلم لزوجته النصرانية أو أمته أن تخرج إلى عيد من أعيادهم أو تذهب إلى كنيسة وله أن يمنعها ذلك ولا تخرج نصرانية لشراء زنار، ولا يشتريه مسلم لأنه من علامات الكفر.

ويمنعون من تعلية ينيان على مسلم ولو رضي، لقوله صلى الله عليه وسلم: «الإسلام يعلو ولا يعلا عليه».

فإن علا هدمه، ويمنعون من رفع صوت على ميت، ومن قراءة القرآن، وضرب ناقوس، وجهر بكتابتهم، وأن لا يذكروا دين الإسلام إلا بخير ويمنعون من إظهار منكر، وأكل وشرب برمضان وإظهار خمر وخنزير وصليب، فإن فعلوا أتلف.

ويمنعون من دخول حرم مكة، ولو بذلوا مالاً حتى غير مكلف وحتى رسولهم، ويعزر من دخل منهم الحرم ويخرج ولو مريضًا أو ميتًا وينبش إن دفن به.

ويمنعون من الإقامة بالحجاز، كالمدينة واليمامة وخيبر وينبع وفدك وقراها، ولا يدخلونها إلا بإذن الإمام فإن دخلوها لتجارة لا يقيمون في موضع واحد أكثر من ثلاثة أيام، فإن فعل عزر.

فإن آخر ما تكلم به النبي صلى الله عليه وسلم قال: «أخرجوا اليهود والنصارى من الحجاز». رواه الإمام أحمد وقال عمر رضي الله عنه: سمعت النبي صلى الله عليه وسلم يقول: «لأخرجن اليهود والنصارى من جزيرة العرب حتى لا أترك فيها إلا مسلمًا».

والمراد الحجاز بدليل أنه ليس أحد من الخلفاء أخرج أحدًا من اليمن وتيماء.

قال الإمام أحمد: "جزيرة العرب: المدينة وما والاها"

يعني أن الممنوع من سكنى الكفار به المدينة وما والاها، وهو مكة وخيبر وينبع وفدك، وليس لكافر دخول مسجد من مساجد المسلمين، لأن عليًا رضي الله عنه بصر بمجوسي وهو على المنبر فنزل وضربه وأخرجه وهو قول عمر بن الخطاب رضي الله عنه، ولأن حدث الجنابة والحيض يمنع من دخول المسجد فالشرك أولى.

تلك بعض أحكام أهل الذمة، فكيف والسؤال الوارد عن أعداء أوجب الله علينا جهادهم، حتى يكون الدين كله لله، وتكون كلمة الله هي العليا، ويرجعوا عن دينهم الباطل إلى الهدى ودين الحق الذي بعث به خاتم المرسلين صلوات الله وسلامه عليه، أو يعطوا الجزية عن يد وهم صاغرون.

فإن قيل إن صاروا من أهل الذمة وجبت علينا حمايتهم في دمائهم وأموالهم وأعراضهم، فهل يستحقون الجنسية حينئذ لندفع بها عنهم من اعتدى عليهم، أو ظلمهم أو لنعرف بها من حل دمه وماله إذا انتقض عهده، قلنا تكون لهم جنسية خاصة بهم تميزهم لما ذكر فقط غير جنسية المسلم، وهذا كما يلزمهم التميز عنها يلبسهم وإبعاد موتاهم لنعرفهم.

السؤال الثالث:
هل يجوز إزالة أماكن شعائر البدع والأهواء أي الكنائس والمعابد اليهودية والهندوسية وغيرها؟

أما السؤال الثالث:
عن الأماكن التي تقام فيها شعائر أهل الأهواء والبدع المضلة، فهذه لاشك إزالتها إزالة للمنكر، وفي تركها خطر عظيم وفتنة وخيمة، فدسائس أهل هذه البدع معروفة وخياناتهم مشهورة وكيدهم وخداعهم قديم، وغير خاف ما فعله زعماؤهم من استدعاء التتار وتمهيد السبيل لهم لإهلاك المسلمين في بغداد 656 هجرية والتاريخ خير شاهد.

ولكني أكتفي من الجواب على ذلك بقوله صلى الله عليه وسلم: «من أحدث في أمرنا هذا ما ليس منه فهو رد».

وفي رواية لمسلم: «من عمل عملاً ليس عليه أمرنا فهو رد».

أي من أحدث في ديننا ما ليس فيه مما لا يوجد في كتاب ولا سنة ولا إجماع ولا أصل فيه، فهو مردود على فاعله لبطلانه غير معتد به لفساده.

وهذا الحديث الشريف العظيم معدود من أصول الإسلام وقاعدة من قواعده قال الإمام النووي رحمه الله: "مما ينبغي حفظه واستعماله في إبطال المنكرات وإشاعة الاستدلال به لذلك".

والله هو الموفق، وبه يستعان ولا حول ولا قوة إلا بالله وحسبنا الله ونعم الوكيل.

اللهم إنا نعوذ بك من الفتن، من ما ظهر منها وما بطن، ونسألك أن تحفظنا من البلايا والمحن، ونسألك باسمك العظيم، ونور وجهك الكريم أن تميتنا على ملة نبينا غير مبدلين، ولا محرفين، ولا فاتنين، ولا مفتونين، آمين يارب العالمين، وصلى الله وسلم على نبينا محمد وعلى آله وصحبه أجمعين.

محمد بن سليمان الجراح رحمه الله

إعداد وتقديم د.أحمد بن عبدالعزيز الحصين

-----------------------------------

ترددت في نشر هذا الكلام، ولكن نشره في موقع يزوره ملايين المسلمين قد حسم الأمر بالنسبة لي

أعتذر لجميع اخوتي واخواتي المسيحيين
بل وأعتذر لكل مسلم حق يعلم مقدار الكذب والتدليس والتلفيق في هذا الكلام المسيء أبلغ الاساءة للمسلمين وللدين الاسلامي

مش عارفة أقول إيه.. أقول آدي موقع عمرو خالد اللي كتير زعلوا مني عشان بأنتقده؟
أقول آدي عمرو خالد اللي بيتكرم في الغرب الكافر وبياخد منه تبرعات لجمعيته؟
أقول أنا اتبرأ من هذا التفسير المهين والتحريف المسف لآيات الله البينات؟
أقول لعنة الله على هذا الخطاب المليء بالحقد والكراهية والتحريض والارهاب؟

أنا ممكن أرد على كل كلمة وأوضح حجم التشويه والكذب وخلط الأمور اللي تم استخدامه في هذه الرسالة التحريضية الدنيئة.. انما أخشى أن أضفى على هذا العار أي قيمة من أي نوع.. فهو بالفعل لا يرقى لمستوى النقد والتحليل

لكن أقوى دليل على كذب هذه الادعاءات على الاسلام والمسلمين هي الكنائس الشامخة التي تزخر بها الدول الاسلامية حتى يومنا هذا
تكفي شهادة التاريخ لصلاح الدين الايوبي الذي تعرضت القدس في عهده لغزو الحملات الصليبية، وبالرغم من ذلك لم تمس أي كنيسة في هذه الأرض الطاهرة التي يدنسها الصهاينة اليوم، وكانت تقام الشعائر المسيحية فيها بمنتهى الحرية وفي ظل مناخ من الود والاحترام
يكفي أن كل هذا الخرف لن يبدل عميق الود والأخوة بين ابناء هذا الوطن مهما تأثر به القلة من ضعاف النفوس والدين

أنا وغيري كتير.. احنا الاغلبية صدقوني.. ندين مثل هذه الادعاءات ونقف لها بالمرصاد
يمكن يكون صوتنا مش عالي زي عمرو خالد والمتطرفين والارهابيين
بس أنا أهه بفضح الكلام ده.. اللي للأسف بيصدر عن بعض المسلمين، عشان أمحي أي شك ممكن يساور عقول المسيحيين، وليهم حق
المساجد في بلاد الغرب هي أبلغ دليل على اننا احنا الأغلبية.. لأننا انتزعنا احترام العالم لدينا الحقيقي فاستحققنا أن نمارس شعائرنا في الدول المسيحية بكل حرية
ولم يظهر العالم لنا عكس هذا الاحترام إلا أن بدد بعض السفهاء مثل هؤلاء ما بنته أجيالا عديدة من المسلمين الحقيقيين بالعنف والارهاب والتعصب الأعمى والخطاب التحريضي المليء بالكراهية

التطرف موجود في كل مكان وفي كل دين.. دا حتى موجود في تشجيع الكورة

أنا مش بحاول أخفف من المصيبة اللي مكتوبة فوق دي
بالعكس، دي مش أول مرة أقرا فيها الكلام ده (للأسف).. إنما المصيبة هي المصدر اللي بينشرها انهاردة
واللي شباب كتير مخدوعين فيه وفاكرين ان هو دا الاعتدال وهو دا اللي هيوديهم الجنة

لكن بالرغم من فداحة المصيبة، عندي أمل اننا نقدر نحتويها مع بعض، بالثقة والحب اللي جمع بين المصريين على مر تاريخهم

أنا بتأسف، ودموعي شاهدة عليا.. والله ما هنسكت بعد انهاردة ع الناس دي
نفسي يكون الكل عنده ثقة ف ده.. ساعتها هنقدر نغير حاجات كتير

----------------

تحديث

لأني حريصة على ان القرف ده لا ينتشر ولا يقرأه الشباب المغيب.. وليس همي هو التشفي في الأخ عمرو خالد والسلام
فقد حاولت ليومين على التوالي أن اراسله بخصوص الاستفسار عن سر نشر هذه الرسالة الارهابية على موقعه
ولكني لم استطع بسبب غلق صفحة الرسايل التي تقول الآتي

الأخ الكريم/الأخت االكريمة :

أحبائى :أستقبل بإذن الله رسائلكم يوميا . مع مراعاة انه اذا بلغ العدد 1500(ألف وخمسمائة رسالة) يتم اغلاق العداد اوتوماتيكي

مما يعني أن الموقع يريد الايحاء لزواره بان الرسايل نازلة ترف وهما مش ملاحقين.. ودي طبعا حيلة تسويقية معروفة لتعزيز السلع لا تخفى على واحد استاذ ماركتنج زي الاستاذ وفريقه

لم افقد الأمل.. وحاولت الاتصال بادارة الموقع، ففوجئت أن الصفحة المخصصة لذلك لا تعمل

فياريت لو حد اتفحتله طاقة القدر وعرف يوصل لأي وسيلة لمراسلة الاستاذ عمرو أو ادارة موقعه إنه يبلغني وله الأجر والثواب عند الله

استشارة عاطفية اخوانجية طحن

2008-06-20T02:40:00.007+01:00

بعد طول غياب للشديد الأوي أعود إليكم يا قرائي واصدقائي الأعزاء بفاصل فكاهي وبعده نعاود تجرع هموم الوطن مع بعضينا

الفاصل الفكاهي دا عبارة عن استشارة عاطفية اخوانجية طحن
بطل قصتنا عايز يتأهل، أي يتجوز، بس بخته الأسود خلى الشيطان يوزه ويخلي قلبه القليل الأدب يزوغ على واحدة من برا الجماعة.. مش من الأخوات
وياللهول!! الواد بقى محتاس مش عارف يعمل إيه.. يقطع الحب وسنينه

الواد أمله كان في ربنا كبير، صلى صلاة استخارة وخير اللهم أجعله خير شاف منام مفيش أجمل من كدة.. لكن برضه قال يتأكد ان الشيطان مالعبش في المنام كدا ولا كدا عشان يخليه يعمل العملة السودة دي. راح لواحد من المشايخ وحكى ليه الحلم وقاله إيه رأيك يا سيدنا الشيخ؟ الشيخ قاله على بركة الله يا ابني دا منام زي الفل ومعناه ان الجوازة هتمشي عال العال

الواد طبعا لأنه متكلكع ومتعقد في عيشته بسبب انضمامه للي بالي بالك، مصدقش ان الدنيا هتضحك في وشه بالساهل كدة. قعد يفكر في الفروق اللي بينه وبينها وانه ازاي مستواه الاجتماعي أقل منها وازاي يتجوز من برا الجماعة؟ أصل يعني بنات الجماعة دول هيتجوزهم مين لو هو كت وراح اتجوز من برا؟ مصيبة لباقي الأخوة يستندلوا زيه، يبقى كدا الأخوات مالهمش أي أمل في الجواز

المهم الواد قعد يعقد في روحه وضميره يعذب فيه، فقالك أنا استشير حد من الجماعة وأرسيه ع الدور لعل وعسى يطلع انسان ويزيح الهم من على قلبه ويقوله روح يا ابني اتجوز بالرفاء والبنين

وبعت لإخوانجية أون لاين الرسالة الآتية

أنا طالب في آخر سنة طب بشري، ومع الإخوة والحمد لله، لكنني معجب بطالبة، وأريد التقدم لخطبتها رغم وجود عوائق في الأمر؛ أنها ليست أختًا لكنها محترمة، وأنا معجبٌ بها كثيرًا، كما أنني استخرت الله ورأيت رؤيا جميلة في الأمر، وفسَّرها لي أحد المشايخ أنها تيسيرٌ لأمر زواجي، المشكلة الكبرى أنها أعلى مني اجتماعيًّا وماديًّا، أرجو النصيحة، وجزاكم الله خيرًا

شوفتوا حتة "ليست اختا لكنها محترمة " دي؟ البعدا مفهمينه ان الأخوات بس هما اللي محترمات! يادي النيلة.. يعني إيه "لكن" دي والنبي؟ حد يفهمهالي.. أصل اللي الواحد بيشوفه اليومين دول يودي المرستان! نهار اسود! ولكنها محترمة؟؟ إيه؟ هما واخدين توكيل الاحترام ولا إيه؟
ع العموم كويس ان الواد ده عرف ان ممكن تكون واحدة مش من الأخوات ومحترمة برضه.. مفيش حاجة تمنع يعني

كل دا كوم ورد الشيخ عليه كوم تاني.. شوفوا المسخرة اللي جاية دي بقى

الابن العزيز، السلام عليكم ورحمة الله وبركاته..

فلنكن صرحاء مع أنفسنا؛ فإن نفسك تدلِّس عليك الأمور، وأصعب ما في الموقف هو تغطية الأمر بغطاء الدين، رغم أنه لا يوجد حرَج شرعي فيما تفعله، ولكنك تركت الأَولى، والخيار لك، وسأناقش معك الحديث ".. مالها وجمالها وحسبها ودينها تربت يداك":

أولاً: بالنسبة للدين: فأنا أرى أنه توجد أمور يجب استيفاؤها:

1- الالتزام بالزي الشرعي الذي لا يصف ولا يكشف ولا يشفّ؛ فهل هي كذلك أم لا؟ أجب أنت ولا ترسل لي الإجابة.

2- احترام الإسلام وحبه والاستعداد للتضحية من أجله خلال مسيرة الحياة؛ فهل ناقشتَها في ذلك واطلعت على أفكارها وعواطفها؟ هذا أمر لا بد من فعله.

3- الأخلاق العامة ومراعاة الأعراف؛ من حيث الحشمة والحياء وعدم الاختلاط بدون سبب وترك الابتذال والإسفاف.

4- يجب أن تقيس دينها على أمور محددة وليست عامة، وسؤال لا أجد له إجابة: لماذا لم تتوجه بعواطفك تجاه الملتزمات ومن سيتزوج بناتنا وأخواتنا إذا تركهم الإخوة؟!

ثانيًا: بالنسبة للجمال: الجمال ومقاييسه هي أمور نسبية تختلف من شخص لآخر ومن بيئة لأخرى، والجمال والقبح بعد طول العشرة يتقاربان وتبقى أخلاقها وطباعها وروحها، ويحك ماذا تفعل إذا كانت جميلة وسيئة الأخلاق والطباع أو ليست سيئة لكنها لا تتوافق معك؟ لحظتها ستتنازل عن جزء من شخصيتك وكرامتك حتى تستمر الحياة!!.

اسمع يا بني.. إذا التزم الطرفان بالسكن والمودة والرحمة فسيولد الحب وينمو؛ سواءٌ كانت جميلة أم غير جميلة.

ثالثًا ورابعًا: الحسب والمال.. وأنت تقول إنها أعلى منك في المستوى الاجتماعي والمالي، والفقهاء في جميع المذاهب اشترطوا التقارب والكفاءة؛ فكيف سيكون موقفك مع أهلها؟ ألم تفكر في هذا؟!!

تعليق أخير:
الحلم الذي رأيته هو حديث نفس محض، ولا دخل أبدًا لكونه رؤيا شرعية أو بشير، لماذا لم تضع الاحتمال الأول وتسارع إلى الاحتمال الثاني؟ وكما جاء في حديث الرؤيا "أنها إما حديث نفس وإما من الشيطان وإما من عند الله"، فسارعت للاختيار الثالث لأنه يناسب هواك.

نصيحة أخيرة.. أطلب منك تأجيل التفكير في هذا الأمر والالتفات في هذه اللحظة إلى ما هو أهم منه؛ ألا وهو الانتهاء من دراسة الطب بإتقان.. حضرتك تارك الجراحة والنسا وملتفت إلى الحب والغرام، أرجوك يا ولدي الحبيب اخلص من الدراسة وبعدين نتكلم، والسلام عليكم ورحمة الله

اللي تعرف واحدة مش عارفة تتجوز عليها وع الراجل ده..

شوفتوا بقى الآنسات الاخوانجيات بينضموا للجماعة ليه؟ هو دا طريقك لبيت العدل يا أوختشي.. هتطلعي بعريس مية المية. مش مهم الجمال ولا الفكر ولا العلم ولا الثقافة ولا التدين العام.. تدين عام دا إيه؟ حد فاضي يبقى متدين بجد؟ هما كلمتين في حاجات محددة وتبقي تمام التمام.. تاخدي لقب "أخت" من هنا ومعاه العريس طوالي

الأخوة دول بدل سلموا دقنهم للجماعة يبقوا يستاهلوا اللي يجرالهم.. أوعي ضميرك يأنبك ولا تقولي دا مش متجوزني عن حب ولا الكلام الفاضي دا.. عينك على الهدف يا أوختشي.. دي جماعة بتاعة مصالح، وكل واحد يشوف مصلحته

وبعدين الواد الاخوانجي دا المفروض يزهد في الدنيا ويتلهي على عينه.. احترام إيه وجمال إيه وحب إيه ونيلة إيه على دماغه؟ ما يروح يتلهي في خيبته ويخليه في جماعته و خدمة اهدافها المهلبية.. والجواز من الأخوات دا فرض عين عليه لمؤاخذة.. هو دخول الحمام زي خروجه ولا إيه؟ هنهزر؟ الجماعة والعروسة شروة واحدة ومفيش نقاوة لمؤاخذة.. أهو الراجل قالهاله أهه بالفم المليان.. مين هيتجوز بناتهم لو محدش قام بالعمل الانتحاري ده؟ لازم رجالة الجماعة يفدوها بالروح والدم.. فين الانتماء؟ لا لا لا.. الجماعة باظت يا رجالة وفيه ناس بيتمردوا على التضحية في سبيلها

شوفت بقى يا فتك؟ مبروم على مبروم ما يلفش.. انت عقدتها على نفسك وهما جابولك ضلفها خالص عشان تستريح يا موكوس. عامللي فتك بسلامتك ورايح تقول للراجل صليت صلاة استخارة وسألت شيخ؟ اديك طلعت انت والشيخ بتاعك ما بتفهموش حاجة.. وصلاة الاستخارة بتاعتك أي كلام و"نفسك بتدلس عليك".. خد بالك انه مااستجراش يقول للناس إن صلاة الاستخارة ممكن يتدخل فيها الشيطان.. صلاتك انت بس لوحدك يا فاسق يا ابو عين زايغة ياللي اتجننت في مخك وعايز تتجوز واحدة من برا الجماعة هي اللي فاسدة زيك.. اتلموا بقى عيب عليكم. عامللي روميو ياخويا وعايز تحب وتتجوز زي الناس؟ أهو قفلهالك من كل ناحية يا خفيف.. صلاتك غلط، وتفسير منامك غلط، وانت أصلا كلك على بعضك غلط، وحتى لو شروط التدين والاحترام والاحتشام كلها موجودة في البنت لازم شروط محددة مش موجودة غير في الاخوات الشمبنزيهات.. يا ابني الجمال فاني يا ابني.. انت عايز الجمال تهبب بيه إيه في حياتك السودة؟ ما تاخد واحدة موكوسة زيك بدل ما توكس بنات الناس معاك.. تصدق أنا فرحانة فيك.. اللهم لا شماتة يعني.. لكن بجد تستاهل

صحيح رزق الأخوات ع المجانين

لا نستحق الانتماء إلى العالم الثالث

2008-06-05T02:22:00.005+01:00

وقائع موت ٤ أطفال في مستشفي حكومي بسبب انقطاع «الكهرباء»

كتب طارق أمين
٤/٦/٢٠٠٨

تكشف «المصري اليوم» وقائع وتفاصيل وفاة ٤ أطفال حديثي الولادة، وتعرض أطفال آخرين للخطر في مستشفي المطرية التعليمي فجر يوم الخميس الماضي،

إثر تعرض المستشفي وأقسام العناية المركزة والحضانات لانقطاع التيار الكهربائي، وهي الواقعة التي نفتها هيئة المستشفيات والمعاهد التعليمية في بيان صحفي صدر يوم الأحد الماضي.

حصلت «المصري اليوم» علي مشاهد مصورة بكاميرا محمول، تؤكد وفاة الأطفال أثناء انقطاع التيار الكهربائي، وتظهر محاولات الأطباء والممرضين لإنقاذ الأطفال داخل الحضانات وسط الظلام التام.

كان ٤ أطفال قد توفوا من جراء انقطاع الكهرباء فجر الخميس قبل الماضي عن المستشفي، استمر قرابة الساعتين بدءاً من الساعة الثالثة والنصف، وفور وقوع الحادث، بدأت الصحيفة في تحقيقه،

وحصلت أمس علي «كليبات» تم تصويرها لوفاة الأطفال، ومحاولات الإنقاذ، بينما أصدر الدكتور مرتجي نجم، أمين عام الهيئة العامة للمستشفيات والمعاهد التعليمية، بياناً قال فيه: «إن حالة انقطاع التيار الكهربائي عن المستشفي، استمرت قرابة الساعتين، ولكن العنايات المركزة والحضانات، استمر العمل بها بشكل طبيعي عن طريق المولدات الاحتياطية بالمستشفي، إضافة إلي أن مواصفات جميع أجهزة التنفس الصناعي المستخدمة حالياً مجهزة ببطاريات ذاتية التشغيل، وتعمل بكفاءة عالية لمدة ساعتين. (فيديو)
يحتوى الفيديو المرفق على مشاهد مؤثرة للغاية. لاينصح بالمشاهدة إذا كنت من أصحاب القلوب "الضعيفة"

وأشار إلي أن حالتي الوفاة بين الأطفال - حسب تقرير الوفيات الصادر من وحدة المبتسرين بالمستشفي للمريض رقم ٧٧٤١ - والذي دخل المستشفي مصاباً بتشوهات وعيوب خلقية بالقلب، مع زرقة وعدم اكتمال الرئتين ووزنه كيلو و٦٠٠ جرام، يوم ٢٢ مايو ٢٠٠٨،

وتوفي في اليوم نفسه، نتيجة هبوط حاد بالدورة الدموية في حوالي الساعة الثانية صباحاً، أي قبل انقطاع التيار، والطفل الثاني رقم ٥٩٤٢ مبتسر، ويعاني من عدم اكتمال الرئتين ووزنه كيلو و٣٠٠ جرام، والذي دخل المستشفي يوم ١٦ مايو ٢٠٠٨، وتوفي الساعة الثانية ونصف صباحاً.

وأضاف البيان الرسمي: هذا وقد ثبت من التقارير الرسمية وجود ١٥ طفلاً بالعناية المركزية بالمستشفي أثناء الواقعة، منهم ٥ أطفال علي أجهزة التنفس الصناعي، ولم يتأثر أي منهم بالواقعة».

غير أن ما تكشف عنه «المصري اليوم»، يثبت عدم صحة بيان الهيئة، ويؤكد بالأدلة أن وفاة الأطفال، وتعرض الأطفال الآخرين للخطر، تم أثناء انقطاع التيار الكهربائي، وليس قبله، كما تؤكد هذه المشاهد أن مشكلة كبيرة واجهت فريق الأطباء بعد انقطاع الكهرباء، والصحيفة تقدم هذه الوقائع التفصيلية للسيد النائب العام، لفتح تحقيق في ملابسات الحادث وإظهار الحقيقة كاملة.

وتنشر الصحيفة مشاهد «الجريمة» بالتفصيل من خلال شريط فيديو تم تصويره من داخل المستشفي:

المكان: وحدة الأطفال المبتسرين - مستشفي المطرية التعليمي، التابع لهيئة المستشفيات والمعاهد التعليمية بوزارة الصحة والسكان.

الزمان: فجر الخميس قبل الماضي «٢٢/٥/٢٠٠٨»

الساعة كانت تشير إلي الثالثة والنصف فجراً، التيار الكهربائي ينقطع فجأة عن المستشفي بالكامل، لكن المأساة أن التيار ظل معطلاً «مقطوعاً» لمدة ساعتين كاملتين تقريباً، ليغطي ظلام دامس المستشفي الكبير بالكامل في جميع الأدوار والغرف وغرف العمليات والعناية المركزة وغيرها.. غير أن المشهد الذي كان الأكثر قسوة وإيلاماً، في وحدة الأطفال المبتسرين،

والتي كان يرقد فيها أطفال رضع داخل حضاناتهم.. بعضهم كانوا بحضانات متصلة بأجهزة التنفس الصناعي.. الوحدة أو الغرفة يلفها ظلام وسكون بسبب الظلام الحالك.. كما تبدو في الشريط.. كئيبة وموحشة، لا يقطع ظلامها الدامس، سوي ضوء خافت صادر من هاتف محمول وصوت أحد الأطباء - غالباً «نائب الوحدة» - وهو يحاول إنقاذ الأطفال، ويظهر في الخلفية صوت ممرضة،

ثم يلحقهما طبيبان آخران، ويحاولون جميعاً إخراج الأطفال الرضع من حضاناتهم في محاولة لإنقاذهم يدويا من الموت بعد تعطل أجهزة التنفس الصناعي والرعاية، وفي الخلفية أصوات الأطفال الرضع وهم يبكون ويصرخون.

الطبيب يسأل: أمبول الأدرينالين مع حد؟ ويكرر سؤاله.. ويطلب سرنجة.. ولا يجد إجابة، فالكل يحاول البحث في الظلام.. يتحرك ضوء الهاتف في كل الاتجاهات في محاولة لإضاءة بعض جوانب الغرفة للبحث عن الأمبول أو السرنجة.. وفي الخلفية أصوات الأطفال.. ثم يجدها أخيرا.. يحاول الطبيب حقن أحد الأطفال الرضع بأمبول الأدرينالين في صدره،

لكن كان واضحا أن لون جلد الطفل قد تغير إلي اللون الأزرق، بعدها يحاول الطبيب إنعاش قلبه الصغير بالضرب علي صدره عدة مرات في محاولات يائسة، ثم يضع السماعة علي صدره الصغير قبل أن يقول «ده مات»، ثم يرتفع صوت سيدة غالبا الممرضة قائلة: يا دكتور محمد.. هو الدكتور رياض قالك إيه؟

يرد الدكتور محمد: قال إنه هيبعت دكاترة وأمبولات؟

فتقول الممرضة «هو النور هييجي ولاّ إيه؟

ثم يقول له رد علي د. رياض.. يتلقي الطبيب اتصالا عبر الهاتف، ويرد «مين معايا، نعم، النور لسه ماجاش يا جماعة، بسرعة يا جماعة»، أحد الأطباء الموجودين معه بالوحدة يقول للنائب «خليهم يطّلعوا حد من تحت يا دكتور بسرعة ـ غالبا يقصد الصيانة ـ يرد «دول مش فاهمين حاجة» يقول الطبيب «علي الأقل يعملوا أي حاجة» بعدها يتصل نفس الطبيب بالدكتور رياض ويطلب منه العون بسرعة، بإرسال شيء للحضانات».

ممرضة تنادي علي زميلتها واسمها فاطمة.. تسألها عن شيء آخر، وتطلبه بسرعة ثم يطلب النائب الأدرينالين، لحظات ويقول «كده هنا حالتين تأكد أنهم ضاعوا».. تسأل الممرضة: مين؟

فيرد «سحر حمادة ونيفين»، ثم تسأله عن اسم سيدة فيقول لها «لأ»، بعدها تجري محاولات لإنقاذ الأطفال الآخرين، ممرضة تسأل زميلتها «اتأكدي كده يا أسماء» بعدها تقول «كده اتنين باي باي.. ده ـ تقصد طفل ذكر ـ وسحر» ممرضة تتلقي اتصالا وتتحدث لشخص اسمه سيد «هو النور مارجعش ليه يا سيد.. والمصحف حرام دم العيال دول في رقبة المسؤول عن الكهربا».

ملاحظة: في كل هذه المشاهد نسمع أصوات صراخ الأطفال وبكائهم المتواصل، وأصوات صافرات الأجهزة التي ينفد منها التيار الكهربائي الـ(UBS) تدريجيا، من خلال كلام المتحدثين نعرف أن تيار الطوارئ قد بدأ في العمل بعد وقت طويل،

كما يبدو من خلال الحركة السريعة للكاميرا والمحاولات المستميتة أنه تم إنقاذ بعض الأطفال يدويا، ومن خلال الأمبولات المنشطة، والأطباء يتحدثون إلي بعضهم البعض، ويطلب النائب من الممرضة «أسماء» السماعة، وكما يبدو من المشاهد فإن بعض الأجهزة بدأت تعمل علي الطوارئ، حيث إن أصواتها بدأت تعلو.

ممرضة تطلب من زميلتها الذهاب للتأكد من أن الكهرباء موجودة في الرعاية المركزة، وترد الممرضة الأخري: «معندهمش كهرباء وإحنا وهما المفروض شغالين علي الطوارئ»، النائب يسأل زميله الطبيب: «أخبار النبض إيه»..

ويحاولون مراجعة عمل الأجهزة التي بدأت تعمل ببطء، ويتحدث الطبيبان في تفاصيل طبية بحتة.. ويطلب النائب من الممرضات تقليده بالضرب علي صدر الأطفال في محاولة لإنعاش قلوبهم الصغيرة، وتقول الممرضة: «المدير المناوب تحت.. والمصحف ما ينفعش كده».

صوت طبيب آخر يقول: «مدير المستشفي أهم حاجة عنده في مروره الصبح إن الملايات في الاستقبال تكون نظيفة».. وتقول ممرضة: «مافيش حد بيوصله إن الكهرباء بتتقطع»، يرد الطبيب «قلنا له المرة اللي فاتت».

الممرضة تقول: «أنا هاتصل بيهم ما ينفعش كده».

ثم يقول النائب لزميله: «خمسة في وقت واحد.. إحنا كبيرنا هنا واحد».. غالبًا كان يقصد عدد الأطفال المتوفين.. يرد زميله: «ده طبيعي يا دكتور دي ساعة ونصف». بعدها يتلقي الطبيب اتصالا من شخص يسأله عن الوضع فيرد: «الكهرباء انقطعت مرة ثانية..

وثلاثة ماتوا والرابع حالته حرجة».. وتظهر في المشاهد محاولات إنقاذ أحد الأطفال بإدخال شيء في فمه والضرب علي صدره.. لكنه كان لا يتحرك بالمرة.. كما وضحت المحاولات الحثيثة لإنقاذ الأطفال الآخرين.. المثير أن الكهرباء انقطعت مرة ثانية.. بحسب ما كان يقول الأطباء.
نقلا عن المصري اليوم
..........................

مأساة بكل المقاييس.. معلش هوجع قلبكم أكتر وأقولكم روحوا شوفوا الفيديو من على موقع المصري اليوم

المأساة اللي احنا شايفنها دي مش الأولى وللأسف ودا الأفظع مش هتكون الأخيرة.. لكن المأساة من نوع خاص لأن الضحايا رضع, لم يلبثوا أن يدخلوا الحياة حتى خرجوا منها

المأساة التانية واللي هتؤدي لتكرار المصايب في مصر, هي فشل المصريين في قراءة ما بين السطور وتحديد الجاني في كل مشاكلهم وهول ما يلقوه

أنا قريت التعليقات على الموضوع من موقع المصري اليوم, وكنت متوقعة اللي شوفته.. للأسف, التعليقات كلها عبارة عن مندبة.. واضح ان الناس عايزة تحيي مهنة أصيلة من تراثنا وهي مهنة المعددة.. بينما الباقيين شايفين اللي حصل هو فرصة للشماتة في الحكومة والنظام السياسي ومسح السيدة على المسؤولين.. والعاملين في المستشفى منتهزين الفرصة للهجوم على المدير اللي واضح انه مسك الادارة عن طريق الكوسة وله ناس متربصين بيه, والفريق التاني بيدافع عن المدير وبيقول ان الموضوع دا تحديدا مش مسؤوليته.. وهكذا

خلاص مش عارفين نطلع من مصيبة من الشكل دا بأي درس مستفاد ولا حتى عظة ولا حتى نتنحرر ونتحرك بدل ما احنا عمالين نندب زي الولايا الموكوسين ونشد في شعرنا ونقطع في هدومنا

لا أراكم الله أي مكروه في عزيز لديكم.. لكن دا مش هيحصل طول ما احنا قاعدين حاطين ايد على خدنا وايد بندعي بيها ربنا يسترها من عنده. ونعم بالله بس اسعى يا عبد وأنا أسعى معاك.. لازم احنا نبقى عايزين حالنا يتغير عشان نستحق رحمة ربنا وستره.. ولا إيه؟

خلينا أجيب من الآخر ورزقي على الله. أنا بعد ما انقهرت وعيطت واكتئبت, قلت عشان أقدر أنام لازم أكشف المجرمين الحقيقيين في كل المصائب اللي بترف على راسنا. أصلي ما بعرفش أمصمص شفايفي وأدعي على أي حد له صلة مباشرة بالموضوع وأقول أنا كدة برأت ذمتي. معرفش ليه؟ هو أنا السيستم بتاعي بيخليني ما اعرفش أقول وأنا مالي ولا طب أنا في إيدي إيه.. معرفش ليه دايما حاسة إن في إيدي حاجة! ومخبيش عليكم, الموضوع زاد عندي بعد ما دخلت عالم التدوين

أنا هلخص الموضوع في نقاط عشان اسهلها للي عايز يفهم ويعرف آخرة المصايب دي إيه

الديكتاتورية والتجمد السياسي

الحكاية مش وزير الصحة ولا وزير الكهربا ولا يستقيلوا ولا يعدموا حتى.. الكلام دا يحصل في الدول المتقدمة والغنية, اللي عندها كل الامكانيات وعندها نظم ادارة ورقابة ومعايير جودة وتكنولوجيا حديثة, فبالتالي أي تقصير يحصل بيحمل نتيجته أكبر مسؤول في الدولة, باعتباره فشل في ادارة ما يخضع لمسؤوليته. وهناك استقالة وزير دي حدث مهم, لأن فيه ديمقراطية والوزير بيكون في منصبه بناءا على رغبة المواطن اللي اختار حزبه عشان يشكل الحكومة.. دا غير ان استقالته هي اعتراف بالتقصير في أداء مهام منصبه, وبتحط مسؤولية كبيرة على من يخلفه.. لأن في الدول دي في حاجة اسمها احساس الفرد بمسؤوليته تجاه الكل

سيبنا من الكلام عن الدول المتقدمة بقى, تعالوا لدول العالم التالت اللي احنا مجرشين فيها, ودا لأسباب واقعية أولها وتانيها وتالتها وعاشرها الفقر

الفقر

الفقر هو اللي بيخلي حال المستشفيات الحكومية, بتاعة الفقرا, بالمنظر ده. لأن ميزانية القطاع الصحي في بلد تعدادها 78 مليون, محتاجة أضعاف اللي بينفق على هذا القطاع في مصر. والنبي ما حدش يجي يقولي النهب والفساد.. أنا بقول أضعاف, مش بقول عشرة ولا عشرين مليون!.. ثم انكم لازم تكونوا عارفين ان الفساد لا يستشري إلا في الدول الفقيرة. الدول الغنية عندها فساد, لكن حجمه أقل وتأثيره على الاقتصاد العام أقل, لأن مافيش جوع.. مافيش واحد بيخطف اللقمة من بق غيره عشان خايف مايلاقيش لقمة غيرها.. فيه وفرة في الموارد, وبالتالي مافيش زحمة ولا ناس بتتخانق في طوابير العيش

ضحايا الفقر حول العالم أكتر بكتير من ضحايا الحروب.. لكن الحسرة والألم اللي بيصيبوا من فقدوا عزيز بسبب الفقر أكتر بكتير من اللي بيقد حد في الحرب. لأن ببساطة اسرة فقيرة كل مناها في الدنيا إنها ترزق بإبن أو بنت, وفي عز فرحتها بقدوم هذا المولود تحرم منه لمجرد انقطاع الكهرباء عن المستشفى! فهذا أمر لا يحدث إلا في الدول الفقيرة والمتخلفة, الدول التي لا تنتج ما يكفيها من الكهرباء, فتلجأ لقطع التيار الكهربي عن بعض المناطق لتقليل الحمل على الكابلات المتهالكة أساسا, أو يحدث عطل مفاجيء (وهو دايما مفاجيء رغم أنه متوقع في ظل تدهور حالة الخدمة وانتهاء عمر الكابلات الافتراضي من زمن) يؤدي إلى قطع التيار الكهربائي عن حي بأكمله ولساعات, لأن خدمة الاصلاح سيئة, وهذا أيضا بسبب الفقر.. لا يوجد عمال مهرة ومدربين.. لا يوجد وسائل انتقال جاهزة وسريعة.. لا يوجد معدات حديثة.. لا يوجد قطع غيار.. إلخ

البيروقراطية والمركزية

وهذه سمة أخرى من سمات الدول المتخلفة. فالقطاع الحكومي المترهل والمركزية في صنع القرار, تعني أن أتفه الأمور يستعصي التعامل معها إلا إذا وصلت لأعلى المستويات وبعد سلسلة طويلة من الاجراءات. وصانع القرار دائما مكبل بضعف الموارد, فيعتمد في توزيعها على الأولويات.. وبما أنه لا توجد دراسات متخصصة أو بيانات واضحة يمكن على اساسها تحديد ما يعد أولوية وما يعد ثانوي, فهذا يترك للتقدير الشخصي لصانع القرار, الذي غالبا يكون غير مؤهل.. مجرد موظف تدرج في وظيفته حتى أعتلى درجة ادارية.. لا يملك مؤهلات الإدارة أو صنع القرار أو ارساء نظام فعال للعمل

وفي تعليق على هذا الموضوع من نفس الموقع نرى ما قاله أحد الموظفين "انا شغال فى الحكومة و عارف يعنى اية مدير و مسؤل عن قرار و اية القرارات اللى بيتاخذها و حدود امكانياتة . العيب فى النظام ككل . هو المدير حييغير وحدة ups على حسابة او حيجيب واحدة غيرها من مخازن الوزارة بالساهل كدة ؟ دة حيطلع عين اللى جابوة . على ما يتحايل على الادارة الهندسية و يجيبوا ناس تكشف عليها و شركة من برة تيجى ترشى الموظفين اللى على المكاتب و تاخد الشئ الفلانى و يلصمم الجهاز و يقولوا بقى زى الفل و هو حالتة خراب . حرام حرام و الله ان اللى يشيل اليلة مدير المستشفى مهما كان . وزير الصحة : هو دة بقى اللى لازم يتحاسب فى موضوع زى دة . هو اللى عندة الاجهزة فى مخازن الوزارة و هو المظلة اللى بيتجمع عندها الفحص الفنى للجهزة و من ثم تعاملة مع وزارة الكهرباء و غيرها اللى كانت السبب
حين يصل الأمر إلى هذا الكم من البيروقراطية والمركزية في صنع القرار, فتوقعوا المزيد من الضحايا

الزحام

لأ مش قصدي زحمة الطريق, قصدي الزحام بشكل عام. عدوية قال إيه؟ "زحمة ولا عدش رحمة, مولد وصاحبه غايب".. هي كدة فعلا بمنتهى الدقة والبساطة.. في مجتمع الزحمة تختفي الرحمة ويختفي الاحساس بالمسؤولية.. يعني الناس اللي بتقف بالساعات في طابور العيش ولا في الشارع اللي عامل زي متحف الشمع ولاالناس اللي قاعدة مستنية دورها بالساعات في عيادة الدكتور, دي ناس احساسها بالوقت معدوم.. عشان كدة مفيش حاجة في البلاد المتخلفة اسمها مواعيد بالساعة.. الناس تقولك هفوت عليك المغرب, والمغرب دا يعني قدامه ساعتين يجي فيهم براحته. لكن في البلاد المتقدمة الناس بتقول هأكون عندك الساعة ستة وخمسة.. الدقيقة هناك لها تمن والوقت ليه قيمة كبيرة
إنما عندنا لو استعجلت حد يقولك "إيييييه هي الدنيا طارت؟" كأن طالما ان الدنيا مش هتطير يبقى مافيش داعي انه يستعجل, وهي طبعا عمرها ما هتطير, يبقى خلينا للصبح. تخيل انك عشان تجدد رخصة ولا تعمل أي حاجة في مصلحة حكومية لازم تاخد يوم اجازة من شغلك! يعني ما ينفعش مصالحك تمشي من غير ما تعطل مصالح الناس, لازم الدنيا تقف عشان الكعب الداير اللي سببه البيروقراطية وعدم تقدير قيمة الوقت. فتلاقي طبعا احساس الناس بالمسؤولية عن الغير معدوم. إذا كان محدش سائل فيا في المولد اللي صاحبه غايب ده, يبقى أنا هدور على مصلحة غيري؟ ياخي اياكش تولع, وأنا مالي؟

التسيب والإهمال

طالما فكرة الكل في خدمة الفرد مش موجودة, فالطبيعي ان فكرة الفرد في خدمة الكل تبقى مستحيلة. الفردية والانانية هم أسياد الموقف في مجتمع يعاني من الفقر والديكتاتورية والبيروقراطية والزحمة. الآخر دا مالوش مكان في حساباتي طالما محدش هيحاسبني ولا يعاقبني.. هما هيلاقوني فين عشان يحاسبوني في المولد اللي صاحبه غايب ده؟ مفيش تحديد مسؤوليات, أي حد بيعمل أي حاجة.. مفيش رقابة, هو الواحد هيراقب مين ولا مين؟ ما كله بايظ .. مافيش اتقان في العمل, هو حد هيفتش عليا؟ وبعدين هما بيدفعوا كام أصلا؟.. ومافيش تقدير لتبعات الأفعال أو ما قد ينتج عنها. وأنا مالي؟ أنا مش مسؤول.. البلد بلدهم وهما يتصرفوا فيها بقى

عمرك شوفت حاجة في الدنيا اسمها مستشفى تنقطع عنها الكهربا؟؟ عمرك شوفت مستشفى تشتغل على مولد واحد يتيم؟ عمرك شوفت مستشفى تنقطع عنها الكهربا ساعتين حتى لو المولدات شغالة وبكفاءة؟

لكن هنحاسب مين؟ هل هنعرف نشاور على حد ونقول هو ده القاتل؟ بالرغم من ان الفاعل مش مجهول.. بصوا حواليكم وشوفوا بنفسكم كام فاعل عايش وسطنا.. بصوا حواليكم وشوفوا كام واحد اتسبب في موت كام واحد غيره.. قطر الصعيد.. قصر ثقافة بني سويف.. عبارة السلام.. حضانة المطرية .. ومصر.. مصر اللي كانت منورة بأهلها.. خلوها ضلمة

الإخوان حبايب الأمريكان

2008-05-31T04:35:00.002+01:00

الخارجية الأمريكية تدعو إلي فتح حوار سياسي مع الجماعة المحظورة

القاهرة ـ أحمد موسي‏:
‏
قالت مصادر دبلوماسية إن وزارة الخارجية الأمريكية اعتمدت مذكرة تدعو إلي فتح حوار سياسي ومباشر مع جماعة الإخوان المحظورة‏,‏ وأكدت الخارجية الأمريكية أن هذه المرحلة تتطلب الاقتراب أكثر من الإخوان‏,‏ الذين ـ حسب زعمهم ـ يحظون بشعبية واسعة في مصر‏,‏ وأن جلسات الحوار مع القيادات الإخوانية يجب أن تكون منتظمة ودائمة‏,‏

وطالبت بعدم سماع التحذيرات التي تصدر عن الحكومة المصرية حول هذه العلاقات‏,‏ وساقت واشنطن المبررات بأنها لن تكرر أخطاءها في إيران‏,‏ مما يدفعها للتحاور والاستماع والتوجيه لجماعة يمكن أن تشكل حكومة في المستقبل‏,‏ وقد رفضت السلطات المصرية اللقاءات الأمريكية مع الجماعة المحظورة‏.‏

-----------------

أسرار الحوار بين الولايات المتحدة والإخوان

من المفاجآت المثيرة التي نكشف عنها بالتفاصيل‏,‏ الدور الخطير الذي لعبته جماعة الإخوان في مناطق الصراعات سواء في أفغانستان أو العراق ودعم الوجود الأمريكي في تلك الأماكن والتعاون مع الحكم العسكري الأمريكي للعراق الشقيق عقب الغزو‏,‏ ولعب الإخوان لمصلحة مستقبلهم السياسي وأداروا اللقاءات مع مختلف الإدارات الأمريكية‏,‏ وقبل ثلاث سنوات رفضت مصر صيغة اللقاءات الأمريكية مع رموز المحظورة‏,‏ لكن واشنطن اعتبرت أنها لن تكرر أخطاءها في إيران مما يدفعها للتحاور والاستماع وإرسال التوجيهات إلي جماعة يمكن أن تشكل حكومة في المستقبل‏,‏ وهذا الرد الأمريكي قابلته متابعة أمنية دقيقة استهدفت قيادات ورموز الإخوان‏,‏ ولم تنجح الضغوط والتصريحات الأمريكية حاليا ومستقبلا في تقويض حركة جهاز الأمن‏,‏ والذي أظهر أن هناك من يلعب في الداخل لخدمة مصالح الدولة الكبري‏,‏ واستمرت الضربات للجماعة ولن تتوقف‏,‏ ولايمكن السماح للولايات المتحدة بأن تتدخل فيما يتعلق بأمن ومصلحة وطن يعرف من يلعبون في السر والعلن‏.‏

في عام‏1982‏ أصبح عاكف مستشارا للندوة العالمية للشباب الإسلامي ومسئولا عن المخيمات الدولية‏,‏ وتعرف في ذلك الوقت علي الشيخ عبد الله عزام‏(‏ فلسطيني الأصل‏)‏ الذي ارتبط بجماعة الإخوان وتوثقت صلته بعائلة سيد قطب وتأثر بفكره وحصل علي الماجستير في الشريعة ثم الدكتوراه في الفقه من جامعة الأزهر‏,‏ ومن خلال عاكف تعرف علي الزعماء المجاهدين عبد الرسول سياف‏,‏ وقلب الدين حكمتيار‏,‏ ورباني وشارك بعد ذلك في صحيفة المجاهد واستقر به المقام مع أسرته وأولاده في بيشاور ليكون قريبا من مسرح العمليات في أفغانستان‏,‏ وتولي مسئولية توفير الدعم المالي الوارد من جماعة الإخوان لمصلحة المجاهدين العرب واستثمارها في إقامة المشروعات التجارية لتوفير مستلزمات الجهاد تحت مظلة الإغاثة الإسلامية‏,‏ وازداد التعاون بين الشيخ عبد الله عزام وأمراء الحرب‏,‏ ودخل مناطق الحدود الجبلية من خلال شركات مقاولات بن لادن لإقامة المعسكرات والإنشاءات اللازمة وكان عزام أول من استقبل المهندس الشاب أسامة بن لادن الذي وفد علي باكستان للمشاركة في الجهاد الأفغاني الذي انجذب لأفكار عزام الإخوانية وتأثر من قوته لتكوين قوة منظمة لتغيير أوضاع الأمة‏.‏

حصل عزام علي موافقة الإخوان لقيامه وأسامة بن لادن بإبرام صفقة الأسلحة مع مسئولي جهاز المخابرات الأمريكي عام‏1986,‏ وبعد أسبوعين تسلم أخطر وأهم الأسلحة الثقيلة وخرج من بين ثنايا اللعبة الأمريكية وحش التطرف‏,‏ وفجأة تم اغتيال الشيخ عبد الله عزام وأبنائه في نوفمبر عام‏1989‏ علي أثر تفجير سيارة كانت تقله‏..‏ ودبت الخلافات بين المجاهدين نتيجة تصارعهم علي حصيلة أموال المساعدات التي قدمتها لهم المخابرات الأمريكية وجهات عربية أخري‏.‏

نجح الإخوان من خلال الشيخ عزام برغم أن رحلته في أفغانستان لم تزد علي ست سنوات في مد فصائل المجاهدين بأفكار ومؤلفات سيد قطب‏,‏ والتي كان يعتنقها‏,‏ والتي شكلت فيما بعد المنظومة الفكرية لمختلف التنظيمات الإرهابية علي الساحة العربية‏,‏ ومن عباءته وأفكاره وكتبه تولدت حركة طالبان وعلي نهجه أسس أسامة بن لادن تنظيم القاعدة بمعاونة أيمن الظواهري والذي كان متشبعا بالأفكار المشبوهة والهدامة لسيد قطب‏..‏ وتمرد بن لادن علي تبعيته للإدارة الأمريكية ودخل الأمريكان في مواجهات مع الإرهاب في عدة دول‏.‏

حرب الخليج

عقب نجاح المخطط الأمريكي بفضل الإخوان في إضفاء الصبغة الدينية علي منطقة الصراع في أفغانستان لاصطياد الدب الروسي والقضاء عليه بسكاكين الإسلام‏,‏ عاودت المخابرات الأمريكية الاستعانة بالإخوان في تهيئة الأجواء بمنطقة الخليج من خلال إظهار دعمهم للرئيس المعدم صدام حسين ومباركتهم قيامه بغزو الكويت حيث أوفدت مجموعة من قياداتها من بينهم الأعضاء البارزون بنقابة المحامين بمصر لمقابلة صدام حسين وأقنعوه بوضع لفظ الجلالة‏(‏ الله أكبر‏)‏ علي العلم العراقي وأهمية إضفاء الصبغة الدينية علي خطابه السياسي وإطلاق مسمي الحرب المقدسة علي غزوه الغادر للكويت التي استقبلت أعدادا كبيرة من الإخوان الهاربين والمفرج عنهم من سجون ناصر واستقروا فيها وأكلوا من خيرها والتي أصبحت فيما بعد بمثابة بيت المال للتنظيم الدولي للإخوان‏,‏ فكان رد الجميل هو مساندتهم ومباركتهم ودعمهم لصدام في نهب ثرواتها‏,‏

كما أوفوا بعهودهم مع السعودية بمساندة إيران في حربها ضد العراق والتي كانت تساندها في ذلك الوقت السعودية‏..‏ إنها الميكافيلية في أبهي صورها وصدق الأمير نايف بن عبد العزيز وزير الداخلية السعودي حينما صرح عقب أحداث‏11‏ سبتمبر بأن أساس البلاء في المملكة هم الإخوان المسلمون‏.‏

ووفقا للسيناريو المتفق عليه احتلت القوات العراقية الكويت لإيجاد مبرر لأمريكا للتدخل بدعوي مساندة الكويت وطرد المحتل العراقي وترتب عليها لجوء إخوان الكويت لتجميد عضويتهم في التنظيم الدولي للإخوان وقيام الدكتور إسماعيل الشطي‏(‏ المتحدث الرسمي بإسم إخوان الكويت‏)‏ بإجراء محاكمة صورية لمرشده الأعلي في ذلك الوقت محمد حامد أبو النصر ردا علي تأييد التنظيم لغزو صدام للكويت‏,‏ وحرصا من الإدارة الأمريكية علي استمرار استغلال الجماعة وتحريكها بما يخدم مخططاتها في المنطقة أوفدت السفارة الأمريكية أعضاء السلك الدبلوماسي لمتابعة محاكمات الإخوان عام‏95‏ وأرسلت هيلاري كلينتون برقيات تأييد للإخوان مسجلة اعتراضها علي محاكمتهم عسكريا وهو ما نشرته في صحيفة تابعة للإخوان في ذلك الوقت‏.‏

أحداث‏11‏ سبتمبر

عقب أحداث‏11‏ سبتمبر الدامية أعدت المجموعة التي ترسم سياسة الجماعة دراسة أكدت ضرورة توطيد اتصالاتها بالإدارة الأمريكية خشية قيامها بإدراجها ضمن المنظمات الإرهابية‏.‏

وبعد حصول الجماعة علي عدد‏17‏ مقعدا في انتخابات مجلس الشعب عام‏2000‏ وهدوء موجه الغليان التي أعقبت أحداث‏11‏ سبتمبر لجأت الإدارة الأمريكية إلي تحسين صورتها داخل العالم العربي والإسلامي‏,‏ ومن هنا جاءت اللقاءات التي جمعت بين ثلاثة من رموز الإخوان من أبرزهم عصام العريان ودبلوماسيين أوروبيين في النادي السويسري كان الوسيط فيها سعد الدين إبراهيم‏(‏ مدير مركز ابن خلدون ـ والعارف لايعرف‏)‏ ورفضت الجماعة الافصاح عن أسبابها ـ إن بعض الظن إثم‏..‏ يمكن كانت محاولة من الإخوان لهداية الأمريكان إلي الإيمان‏.‏

كانت هذه اللقاءات بداية لتنفيذ سيناريو وضعته الجماعة من أجل توثيق صلاتها بالإدارة الأمريكية والانفتاح علي دول الاتحاد الأوروبي وإقناعها بمدي ثقلها وسيطرتها علي الحركات الإسلامية في دول المنطقة علي غرار ماحدث بين الأحزاب الإسلامية بتركيا وباكستان والذين سبق لعاكف خلال عام‏1986‏ ضمها للتنظيم الدولي الإخواني وشكل منها مثلثا إخوانيا يتخذ مواقف محددة إزاء القضايا والأحداث‏,‏ هذا بالإضافة للحصول علي الدعم السياسي الأمريكي في حالة الوصول للحكم والضغط علي الحكومة في مصر للاعتراف بشرعية الكيان الإخواني‏.‏

لقاء بوش
لم تكتف الجماعة بمثل تلك اللقاءات لتوطيد صلتها بالأمريكان بل استعانت بجناح التنظيم الدولي بأمريكا ومن أبرزهم الدكتور حسان حتحوت‏(‏ رئيس أكبر المنظمات الإسلامية بأمريكا‏)‏ وهو أول من استقبل الرئيس بوش بالمركز الإسلامي التابع لهم عقب أحداث‏11‏ سبتمبر مباشرة‏..‏ ووجهت الجماعة من خلاله رسالة إلي الإدارة الأمريكية بأن الجماعة تبدي تفهمها لما يحدث في العراق وأن معارضتها للعمليات العسكرية الأمريكية بالعراق سوف تكون محدودة ذرا للرماد في عيون الآخرين‏.‏

وإظهارا لحسن النوايا مع أمريكا قام عاكف بإقناع جناح التنظيم في العراق بالتعاون مع الحاكم الأمريكي السابق بول بريمر من خلال المشاركة في الحكومة الانتقالية التي شكلها عقب سقوط النظام العراقي مباشرة وهو ماتسبب في إيجاد أزمة داخل التنظيم الإخواني بالعراق وتدخل عاكف بوصفه المرشد العام للتنظيم الدولي للإخوان لاحتواء تلك الأزمة وأصدر قرارا عنتريا كعادته بأن‏(‏ مشاركة الإخوان في الحكومة الانتقالية يمثل شأنا داخليا للجماعة في العراق‏)‏ الأمر الذي ترتب عليه إستقالة عدد من إخوان العراق المعارضين لتلك المشاركة وتشكيلهم جيش الخلاص الإسلامي بينما قام بعضهم بتكوين جبهة علماء المسلمين برئاسة حارث الضاري الذي التقي بعاكف مرتين بالقاهرة وطالبه بضرورة التدخل لإنهاء علاقة الحزب الإسلامي بحكومة بريمر الذي سعي من جانبه لإقناع الإدارة الأمريكية بمنح أعضاء الحزب المشاركين في الحكومة رواتب تصل إلي‏40‏ ألف دولار وخصص لهم سيارات فارهة لكل منهم وقوات لتأمينهم الشخصي‏.‏

كما رفض إخوان الأردن توجهات المرشد ونشر السيد ياسر الزعاترة‏(‏ عضو مجلس شوري الجماعة بالأردن‏)‏ مقالا بعنوان الإخوان المسلمين بالعراق مع بريمر ضد المقاومة في الفلوجة قال فيه شكلت مشاركة الحزب الإسلامي في مجلس الحكم صدمة نفسية لجميع المنتمين إلي المدرسة الإخوانية الأمر الذي دفع جميع القادة في الحركة بمختلف أقطارها إلي التنصل مما جري ومعارضته من حيث المبدأ ويؤكد أن قرار الإخوان المسلمين بالانضمام إلي مجلس الحكم الانتقالي لم يلتزم بالشوري بدليل أن الغالبية الساحقة من كوادر الحزب تعارضه معارضة واضحة ويوجه أصابع الاتهام لأحد كبار حركة الإخوان بالعراق‏(‏ حاجم الحسني‏)‏ بأن له علاقة مميزة مع بريمر‏,‏ وطالب الزعاترة جماعة الإخوان بمصر علي وجه التحديد أن يكون لها موقفها الحاسم من هذه القضية ويختتم مقاله قائلا‏(‏ إن أحدا لن يجر أحدا إلي الجنة بالسلاسل‏)‏ في إشارة إلي الثمن الذي يدفعه التنظيم الإخواني بالعراق نتيجة تقارب إخوان مصر مع أمريكا‏,‏ وفي ذات الوقت تعاني الحركة الإخوانية بالأردن من خلافات داخلية حادة لذات الأسباب نظرا للتقارب الملحوظ لقيادتها مع السفارة الأمريكية بعمان‏.‏

وقد استمرت الاتصالات الإخوانية الأمريكية بشهادة السفير الأمريكي الذي إنتهي عمله أخيرا بمصر واتخذ عدة صور‏:‏

ـ توجه الدكتور محمد مرسي العياط‏(‏ عضو مكتب الارشاد‏)‏ للسفارة عقب أحداث‏11‏ سبتمبر عام‏2001‏ لابلاغ السفير برفض الجماعة للعمليات الإرهابية وأن علاقتهم بأسامة بن لادن أنتهت منذ حرب أفغانستان‏.‏

ـ اتفاق صحفي إخواني معروف مع الأمريكية ديان كيلي‏(‏ سكرتيرة القسم السياسي بالسفارة الأمريكية والمسئولة عن ملف جماعة الإخوان بمصر‏)‏ عام‏2002‏ علي توجيه الدعوة لقيادات الجماعة لاستعراض توجهاتهم أمام الكونجرس الأمريكي‏.‏

ـ مشاركة نواب الإخوان في الأحتفال الضخم الذي أقامه نائب السفير الأمريكي بمنزله في‏2003/3/29‏ بمناسبة زيارة مدير إدارة إفريقيا والشرق الأوسط بوزارة الخارجية الأمريكية‏.‏

ـ دعوة الجامعة الأمريكية بالقاهرة للرموز الإخوانية من أبرزهم عصام العريان‏,‏ وجمال حشمت لإلقاء المحاضرات والمشاركة في مؤتمرها السنوي والندوات التي تنظمها‏.‏

ـ مشاركة كل من عبد المنعم أبو الفتوح‏,‏ عصام العريان في غالبية المؤتمرات التي عقدتها المؤسسات الأمريكية ببعض الدول العربية خلال عام‏2004(‏ الكويت ـ اليمن ـ لبنان ـ الأردن ـ البحرين‏)‏ والذين انتقدوا خلالها النظام المصري‏.‏

إرسال السيناتور هيلاري كلينتون‏(‏ زوجة الرئيس الأمريكي السابق‏)‏ خطابا للحكومة المصرية تستفسر عن ملابسات وفاة أحد العناصر الإخوانية بالسجون المصرية وهو مايؤكد إمكانية وصول الإخوان للبيت الأبيض وهو ماكشف عنه أيضا يوسف ندا خلال الحلقات التي أذاعتها قناة الجزيرة حيث صرح قائلا‏(‏ أنه قابل الرئيس بوش الأب وكلينتون خلال التسعينيات وعرض توسط الإخوان للأمريكان في بعض القضايا المثارة في دول العالم الإسلامي‏)‏ الأمر الذي أوجد وقتها صدمة للقاعدة الإخوانية خاصة عقب تصديق مأمون الهضيبي المرشد في ذلك الوقت علي تصريح يوسف ندا لتعارضه مع أدبيات الجماعة‏.‏

عندما أعلنت السلطات المصرية عن رفضها لصيغة اللقاءات الأمريكية مع ممثلي ورموز جماعة الإخوان المحظورة والذي أصبح دوريا ومنتظما جاءت تأكيدات واشنطن أنها لاتستطيع تكرار أخطائها في إيران ولهذا يجب عليها أن تتحاور وتستمع وترسل توجيهاتها وتصوراتها للجماعة التي يمكن أن تشكل حكومة في المستقبل وأصبحت هذه اللقاءات أكثر جدية وأدق تنظيما وقابلتها متابعة مصرية أمنية دقيقة وضربات للجماعة ولرموزها وسلسلة من الاعتقالات والمحاكمات لهم‏.‏

كما بادرت بعض وسائل الإعلام الأمريكية بالدفاع عن الجماعة حيث أعتبرت مجلة‏
FOREIGAFFAIRS
‏ أن جماعة الإخوان بوليصة تأمين ضد التطرف والإرهاب وأن التحاور معها يحقق المصالح الأمريكية لتلاقي مصالح الطرفين في مجالات متعددة ومطالبة المسئولين عن صنع القرار الأمريكي بإقامة الحوار مع الجماعة من خلال ممثليها المقيمين في الغرب‏,‏ والتأكيد علي إعتدال الجماعة‏(‏ من وجهة نظرهم‏)‏ تجاه القضية الفلسطينية بدعوي أن الجماعة تري أن الصراع مع إسرائيل ليس دينيا بل هو نزاع علي الأراضي المحتلة وأن الإخوان علي استعداد للاعتراف بدولة إسرائيل بمجرد قيام منظمة حماس بذلك‏.‏

كما نشرت مجلة‏
HARBERS
‏ مقالا بعنوان‏(‏ أحزاب الله الديمقراطية الإسلامية ومذهب بوش‏)‏ أكد المقال أن الرفض الأمريكي المطلق للجماعات الإسلامية لايخدمهم علي المدي البعيد وأوضح بأن علي الرغم من أيدلوجيتها السياسية فد لاتروق للأذن الغربية فإن ذلك لايمنع من أن المستقبل الديمقراطي في الشرق الأوسط سيعتمد بصورة كبيرة علي تفهم هذه الأيديلوجيات والأفكار والتعامل معهما‏,‏ وعلي الرغم من اعتراف كاتب المقال بعدم صدق التصريحات العلنية للجماعة باحتضانها الديمقراطية‏,‏ وأنها قد تعمل علي فرض أعمال الشريعة علي المجتمع المصري في حالة وصولها للحكم ـ فإن ذلك لاينفي أن الجماعة بدأت في تغيير منهجها المتشدد نتيجة مشاركتها في الحياة السياسية‏,‏ والغريب في الأمر أن وسائل الإعلام الأمريكية التي تدافع عن الجماعة الأم هي نفسها التي تهاجم جناحها العسكري في غزة والمتمثل في حماس وتصفه بالإرهاب‏,‏ وهو علي القوائم الأمريكية وجميع قيادات حماس‏,‏ ممنوعون من دخول الولايات المتحدة‏.‏

ويبدو هذا التناقض‏,‏ لأن الأمر يتعلق بدعم أمريكي لقوي معارضة ومحظورة في مصر وتوفير الغطاء لها‏,‏ لكن مصر لديها متابعات لتلك التطورات‏,‏ وتدفع الدولة الثمن لعدم تجاوبها مع المطالب الأمريكية خاصة إرسال قوات مصرية إلي العراق‏,‏ مما جعل الرئيس الأمريكي يتعرض للانتقادات نتيجة لآلاف القتلي والمصابين من القوات الأمريكية‏,‏ فالدولة لن تضحي بقواتنا لخدمة المصالح الأمريكية‏,‏ لأن مهمة القوات المسلحة الدفاع عن تراب الوطن‏.‏

فتح الحوار

وقد كشفت مصادر دبلوماسية غربية بالقاهرة عن أن وزارة الخارجية الأمريكية اعتمدت مذكرة تدعو إلي فتح حوار سياسي ومباشر مع جماعة الإخوان المحظورة‏,‏ كما أن المذكرة أكدت أن هذه المرحلة تتطلب الاقتراب أكثر من جماعة الإخوان الذين يحظون بشعبية واسعة بمصر‏,‏ وأن جلسات الحوار مع قيادات الإخوان يجب أن تكون منتظمة ودائمة ولاتسمع كثيرا لتحذيرات الحكومة المصرية بعدم التعاون مع هذا التيار‏,‏ ورأت أن علاقتها بالإخوان خلال السنوات الماضية كان لها بعض النتائج الايجابية‏,‏ ويتسق هذا تماما مع تصريح لكوندوليزا رايس التي قالت فيه إنه يجب ألا يكون الخوف من وصول التيارات الإسلامية إلي السلطة عائقا أمام الإصلاحات العربية‏,‏ وأيضا يتفق مع ماجاء بتقرير مادلين أولبرايت بعد زيارتها للقاهرة عام‏2005‏ والذي جاء فيه‏(‏ أنه إذا كان التخوف الأمريكي قد بني علي إجراء الانتخابات الحرة سيؤدي حتما إلي وصول الأصوليين تقصد الإخوان إلي مقاعد السلطة بسبب هوان الأحزاب الشرعية‏,‏

فإن التجارب السابقة تشير إلي أنهم جماعات براجماتية يمكن التعامل معها بشكل ممتاز‏,‏ وقد ساهمت تلك التصريحات في إعطاء الإخوان الجرأة السياسية حتي وصل الأمر بمرشدها عاكف أن يعلن في‏2005/3/2‏ أن الإخوان ليس لديهم المانع من أن يكون الرئيس مبارك رئيسا لمصر لفترة خامسة‏,‏ وأن يكون ذلك بناء علي اتفاق بينه وبين جماعة الإخوان المسلمين‏.‏

وقد أعدت الجماعة دراسة حول استراتيجية تعاملها مع الولايات المتحدة الأمريكية تحمل عنوان‏(‏ رؤية الإخوان للسياسة الأمريكية وكيفية التعامل معها‏)‏ انتهت إلي وجود استمرارية الإعلان عن معارضة الجماعة لسياسة الإدارة الأمريكية مع استمرار السعي لفتح قنوات اتصال معها‏..‏ كما عقد التنظيم الدولي للإخوان إجتماعا في العاصمة التركية اسطنبول شارك فيه ممثلو الأجنحة الإخوانية بكل من‏(‏ مصر ـ فلسطين ـ الأردن ـ الجزائر‏)‏ تمت خلاله مناقشة الانفتاح علي الإدارة الأمريكية إنطلاقا من العلاقة القديمة والمستمرة بينهم‏.‏

كما استغلت الجماعة سماح السلطات للدكتور عبد المنعم أبو الفتوح للسفر خارج البلاد بالنظر لموقعه كأمين اتحاد الأطباء العرب للمشاركة في حضور المؤتمرات التي يشارك فيها مسئولون أمريكيون ومن بينها مؤتمر عقد بدولة تركيا خلال نهاية شهر أبريل عام‏2005‏ تحت عنوان‏(‏ الجمعيات الأهلية ومؤسسات المجتمع المدني‏)‏ والتي شارك فيها ريتشارد ميرفي‏(‏ المساعد السابق لوزير الخارجية الأمريكي لشئون الشرق الأوسط‏)‏ وجورج تينت‏(‏ الرئيس السابق للمخابرات الأمريكية‏)‏ كما التقي أيضا الدكتور عبد المنعم أبو الفتوح وعاكف بالأمريكي جون شانك وهو شخصية بارزة بالكونجرس الأمريكي خلال شهر سبتمبر عام‏2004‏ والذي أبلغهما استعداد السفير الأمريكي بالبلاد لاستقبال قيادات الجماعة والاستماع لوجهة نظرهم واقتراحه بتشكيل وفد إخواني لزيارة أمريكا والالتقاء بالمسئولين بوزارة الخارجية‏,‏

كما عقد ممثلو الحكومة الأمريكية عدة لقاءات مع العديد من الرموز الإخوانية ونوابها بمجلس الشعب من بينها التقاء عضو مجلس الشعب محمد سعد الكتاتني‏(‏ مسئول الكتلة البرلمانية لجماعة الإخوان‏)‏ بزعيم الأغلبية الديمقراطية بمجلس النواب الأمريكي ستاني هويد بمنزل السفير الأمريكي بالقاهرة في‏2007/4/4‏ خلال حفل الاستقبال الذي أقامه السفير الأمريكي بالبلاد بمناسبة زيارة وفد الكونجرس للقاهرة‏,‏ وسبق وأن التقي عضو مجلس الشعب سعد الكتاتني بالمستشار السياسي بالسفارة الأمريكية بالقاهرة للحصول علي تأشيرة دخول للولايات المتحدة الأمريكية خلال شهر مارس‏2007,‏ حيث أبلغه الدبلوماسي بأنه تم إختياره كمندوب اتصال بين جماعة الإخوان والإدارة الأمريكية‏.‏

وفي النهاية يتضح أن تلك الجماعة قدمت نفسها منذ بدايتها في أسوأ صور الانتهازية كرافعين لراية الديمقراطية والإصلاح ولديهم برنامج هولامي بدون أيدلوجية يتسع لألف وجه ووجه أملا في أن تكون البديل الإسلامي المعتدل الذي يقنع الغرب بأحقيتها في الوثوب علي السلطة

نقلا عن جريدة الأهرام
‏

بلاوي الفتاوي

2008-05-27T16:21:00.006+01:00

نص المكتوب أعلاه من الموقع الأصلي والجواب قبل وبعد تعديله

السؤال
انا فتاة ابلغ من العمر15عام ابى رجل متدين جدا وانا البس الحجاب الكامل خارج المنزل والحمد لله ولكن ابى يقبلنى كثيرا بين ثديى او فى فمى او يأتى من خلفى ويحتضنى ويقبلنى فى نحرى فأقول له أليست هذة الأفعال حرام فيقول لى انها حرام اذا كانت بشهوة لكن انا افعل معك ذلك بعاطفة الأبوة وان الرسول محمد كان يقبل ابنته السيدة فاطمة من نحرها وبين ثدييها وفى فمها ويمص لسانها فهل الرسول كان يفحش فى ابنته لا واذا الرسول فعل ذلك فهذة رخصة لأى اب ان يفعل مع ابنته ذلك ويقول لى اننى لا المس العورة وهى القبل والدبر وكل ما ليس بعورة مصرح برؤيته او لمسه او تقبيله وانه يفعل هذا أيضا من خوفه على من اغراءات الشباب فالفتاة التى تسلم نفسها لأى شاب تكون مفتقدة لمشاعر الحب والحنان داخل المنزل فهل ما يفعله ابى معى حلال ام حرام واذا كان حرام كيف كان الرسول يفعل هذا مع ابنتة السيدة فاطمة الزهراء وشكرا على هذا الموقع المفيد

الجواب قبل التعديل

وعليكم السلام ورحمة الله وبركاته. إن فعل والدك جائز بالشرط الذي هو يقوله وذلك في قلبه ولا تظني به السوء. أهلا بكم

الجواب بعد التعديل

راجعي الي مرجع تقليدك و استفتيه

...................................................

هو فيه إيه؟ أهلا بيك انت يا بابا.. ما تظنش به السوء؟؟ وتستفتي مرجع تقليدها؟ هو إيه النظام بالظبط؟

دي مصيبة إيه السودا دي؟ البت أبوها بيتحرش بيها يا شيخ!.. يا شيخ ياللي بتفتي في الدين

إيه هو اللي في قلبه وفي رجله وما تظنيش فيه سوء يا بنتي وسيبيه يلعب زي ما هو عايز؟
وبعدين ما هي بتستفتي جنابك.. لما جنابك مكسوف من نفسك وغيرت الفتوى.. بتقولها تستفتي حد تاني ليه؟ ما البركة فيك يا مفتي يا عظيم .. يا عالم يا علامة.. ياللي فاتح دكان فتاوي ببلاش كدا ع النت
وإيه السبب يا ترى في نشر هذه الفتوى العبقرية على النت؟ هل هي محاولة لتحليل زنا المحارم مثلا؟ هل هي رخصة للتحرش بالبنات؟
بجد أنا هأطق.. مش فاهمة حاجة!.. هي الناس دي بتعمل في الاسلام كدا ليه؟ ولمصلحة مين؟
إيه التشوهات النفسية والاخلاقية اللي عندهم وعايزين يعمموها ع الناس باسم الدين دي؟
حد يفهمني قبل ما اتجنن يا ناس.. إللي أنا شايفاه دا اسمه إيه؟

وجون وجون وجووووووووووون

2008-05-25T23:06:00.006+01:00

أعزائي زملاء الكفاح الكروي

إنه لمن دواعي سروري وابتهاجي وفرحتي واندهاشي وازبهلالي وظقططتي و احتفالي
أن أشارككم جميعا الفرحة بأول بطولة يبل بيها هذا الفريق البائس ريقنا بعد 4 سنوات عجاف

يااااااااااااااه.. أخيرا النحس اتفك يا جدعان!.. إيه ده؟ يا لهوي

يا جمهور الزمالك العظيم الصبور المهاود.. يا أيها الزملكاوية في الأرض

مبرووووووووووك كاس مصر

مبروك علينا بجد

شكل الاستاد كان يفرح وهو كله أبيض ف أبيض.. اللهم أجعله خير

يا جماعة احنا استحملنا كتير أوي وكلنا جالنا الضغط والسكر والقلب والقاولون العصبي, دا غير المرارة اللي اتفقعت من زمان

بس الحمد لله , طولة البال تهد الجبال

كفارة يا زملكاوية

وأحب أسمع بهذه المناسبة أغنية ياسمين الخيام.. يا رب كتر أفراحنا وعلى قد نيتنا ادينا

آه والنبي دا أحنا غلابة

يا فرحة ما تمت, خدها البرطمان وطار

2008-05-23T01:45:00.007+01:00

رغم موافقة شيخ الأزهر ودار الافتاء عليها.. حذف مواد النسب للأم والختان وسن الزواج من قانون بمصر

الغى مجلس الشعب المصري مواد مثيرة للجدل في مشروع قانون الطفل الذي وافق عليه في وقت سابق مجلس الشورى، وهي المواد الخاصة بحق الأم في نسب الطفل لها، ورفع سن الزواج للفتاة لـ18 عاما، وتجريم الختان بالنسبة للأبوين.

واعتبر هذا الإلغاء المفاجئ الذي اتخذه البرلمان المصري الخميس 15-5-2008 بمثابة انتصار للتيار المحافظ الذي عارض هذه المواد بشدة واعتبرها مخالفة للشريعة الاسلامية ولتقاليد وقيم المجتمع المصري.

وكان معارضة شديدة لقيها تمرير القانون من مجلس الشورى الذي يمثل الشعبة الثانية من البرلمان، حيث اعتبرت هذه المواد التي حظيت بموافقة شيخ الأزهر د.محمد سيد طنطاوي بمثابة استجابة لأجندة دولية مفروضة على مصر.

فقد فاجئ قطبا الحزب الوطني الحاكم، وهما رئيس ديوان رئيس الجمهورية والنائب زكريا عزمي، والوزير السابق كمال الشاذلي، أعضاء المجلس بالاقتراح إلى لجنة الشؤون الدستورية، وبحضور 30 عضواً من اللجنة، بحذف هذه المواد، على اعتبار انها لا تلقى قبولاً لدى الرأي العام المصري، وتخالف الشريعة الإسلامية.

وبشأن مادة تجريم الأب أو الأم اللذين يقومان بختان ابنتهما، أبقت اللجنة على جزئية تجريم الطبيب الذي يجري هذه العملية، كما رفضت المادة الخاصة بابلاغ الجيران للشرطة ضد الأب أو الأم اللذين يقومان بضرب ابنيهما لتعارض هذا الأمر مع الأعراف والقيم السائدة فى المجتمع المصرى.

وحذفت اللجنة من مشروع القانون حق الأم في نسب الطفل لها، مع الابقاء على حقها فى استخراج شهادة ميلاد لابنها ووضع اسم الوالد.

وأثناء المناقشات، اعترض النائب مصطفى بكرى على هذه المادة بمجملها معتبرا أنه ترويج للزنا.

واعتبر النائب الإخواني علي لبن أن المواد "الملغاة" تتعارض مع المادة الثانية من الدستور التى تنص على أن الشريعة الاسلامية هى مصدر السلطات. وأضاف: اذا تعارضت مواد أى قانون مع الشريعة الاسلامية فتعتبر باطلة قانوناً. وهذه المواد تتعارض مع القانون 103 لسنة 1961 الذى ينص فى احدى مواده على مرجعية مجمع البحوث الاسلامية لبيان الرأي، في ما يستجد من مشكلات اجتماعية ومذهبية ذات صلة بالعقيدة، مشيرا إلى أن معظم المواد التى تم الاعتراض عليها رفضها مجمع البحوث الاسلامية.

وقال النائب محمد العمدة أن رفع سن زواج الفتاة لـ18 عاما كان سيفتح الباب للزواج العرفي ، وأن تجريم الختان "كارثة كبير".

المصدر: العربية

تعليق: جتنا نيلة في حظنا الهباب

......................

التعليقات

a.samir said..
اللذيذ في الموضوع ان شيخ الازهر وافق ع الكلام دة
بس الحزب الوطني فقعه المهموز المتين
هكذا يعامل الحزب رجاله الاوفياء
حسبي الله ونعم الوكيل

عم مينا
فعلاً الي حصل مش فهموم و يبين أد ايه فيه خلافات داخلية في الحزب
يعني منين راحوا لشيخ الأزهر علشان ينزل بيان موافقة الأزهر علي التعديلات، و منين هم رفضوه في الإخر

دروبس
متتخيلش كمية الاحباط اللى جاتلى لما قريت البوست ده
فعلا "جتنا نيلة ف حظنا الهباب" ، يالهوى هنلاقيها منين ولا منين .. والله انا كنت فخورة بالمواد دى وقولت اهو يبقى فى حاجة ف الدستور عدلة بدل الوكسة اللى احنا فيها ، احسن نستاهل .. هو يدوبك قانون الارهاب هو اللى متوافق مع "قيم" المجتمع المصرى و تعاليم الشريعة... آآآآآه ياقيم وآآآآآآآآآه ياشريعة
ياعينى عليكى حقوق الانسان و ياحريات .. شكلنا مش مكتوب لنا نصيب مع بعض ف البلد دى

سيبنى والنبى ياعم مينا اصلى مكبوتة اوى وقلبى واجعنى:(
الاقيها م الاخوان ولا م الامتحانات:((
ادعيلى بقى يمكن انفع .. اهى تبقى حاجة نفعت

تحياتى
دروبس

عم مينا
للأسف هو ده الواقع الي احنا عايشينه
نعمل ايه اما يكون بيحكمنا شوية فاسدين و بيعارضهم اخوان و مصطفي بكري و طلعت السادات
حاجة تقرف

فانتازيا
بجد مش عارفة أوصف اللي حصل دا غير بانه مقرف! الله يخرب بيت زكريا عزمي على بيت كمال الشاذلي اللي بيتكلموا ع القيم والشريعة بروح أمهم

دول بقى زعماء التيار الاخواني جوا الحزب الوطني المغوار.. كمال الفولي بيحافظ ع القيم يا جدعان.. شوفتوا مسخرة أكتر من كدة؟

هو مش حظنا اللي هباب, هما حكومتنا وبرلماننا ودجاليننا السياسيين اللي هباب ومليون هباب.. مش هباب وبس, دول لعنة ع البلد

منكم لله يا بعدا.. كل ما نمشي خطوة لقدام بالزق وشق الأنفس ترجعونا عشرة لورا

اسمحلي يا عم مينا أستعير الخبر من عندك بالتعليقات اللي عليه واستضيفكم كلكم في المدونة عندي عشان الاحباط يبقى جماعي
.............................

نقلا عن مدونة صوت مصر

دا مش برطمان.. دا بلاص
البرلمان المصري: قلعة الظلام والنفاق والفساد.. والنوم في العسل

متعة تعذيب الإناث وتشويه الدين

2008-05-13T12:51:00.007+01:00

.. الختان مكرمة للنساء".. تخيلوا؟

تقطيع لحم البنات الصغيرة بقى شيء أخلاقي وديني وعظيم, واللي يقول غير كدة يبقى يا فاجر يا كافر يا عميل للغرب, اللي هو طبعا الغرب الفاجر الكافر .. حد يقدر يقول ان الغرب مش كافر ولا فاجر؟

الختان, اللي هو أبشع جريمة في حق الأنثى, بقى مكرمة! شوفتوا الهنا اللي احنا فيه؟
اللي يجرم الختان يبقى ابن كلب عميل.. عايز البنات تمشي على حل شعرها.. عايز ينشر الفاحشة والرذيلة
ازاي صحيح ولاد الكلب عايزينا نبطل المجزرة اللي احنا عملنها للبنات عشان يتأدبوا؟ انه الجهاد الاخواني للحرب على كل من يجرم الختان

أول ما وافق مجلس الشورى على قانون تجريم الختان, البعدا اتجننوا وقعدوا يشتموا ويتوعدوا ويتهموا أي حد يقول ان الختان جريمة بالعمالة.. وأكيد مش هيغلبوا في تلفيق التهم والحجج عشان يوهموا الناس ان تجريم الختان دا المفروض انه بيثبت نظرية المؤامرة اللي بيقودها الغرب الكافرلتدمير المجتمع الاسلامي, وان الحكومة الفاسدة غرضها هو انها تنشر الفسق والرذيلة والانحلال الاخلاقي.. وهاتك يا نظريات مؤامرة لتغييب وعي الناس.. "أصل المؤتمرات الدولية هي اللي قالت, أصل التمويل الأجنبي هو اللي بيدفع, أصل الشيطان هو اللي بيقول ان الختان غلط".. وقال ايه خير اللهم اجعله خير طلع تجريم الختان باطل, زي جواز عتريس من فؤادة كدة

الله يخرب بيوتكم يا بعدا ولا يوريكم يوم عدل في حياتكم السودة قادر يا كريم

قال إيه.. "خلاص المشاكل خلصت ومش فاضل غير ختان البنات اللي نتكلم عليه"! دا على اساس ان البنات دول مش بشر يعني, وتقطيع لحمهم دا مش مشكلة.. مش مشكلة دا ايه؟ دا طلع حاجة جميلة وعظيمة ولازم نمسك فيها بادينا وسناننا.. يا سلام.. دا احنا المفروض نضرب البنات بالكرابيج كل يوم ع الريق, لحسن يتجننوا ويفتكروا انهم بني آدمين ولا حاجة.. لازم نكسرلهم كل يوم ضلع ونبشر جلدهم بالمبشرة عشان نعيش في مجتمع فاضل واسلامي وعظيم وننول رضا الاخوان الجزارين

عارفين والله انكم عندكم ميول سادية ناحية الستات وبتتلذذوا بتعذيبهم واذلالهم وقمعهم ومنعهم من حقهم في الحياة
وعارفين كمان ان اللعبة السياسية المهلبية بتاعتكم بتحتم انكم تطلعوا أي قرار للحكومة بيصب في خانة الكفر والعمالة
أصل يعني لو الحكومة مش كافرة يبقى انتوا لازمتكم ايه يا ملايكة ناقصين جناحات؟
لكن انكم تشوهوا الدين وتوهموا الناس ان الختان دا عمل اخلاقي والدين بيشجع عليه, لأ بقى.. اقف عندك يا روح مامتك منك له

مش ممكن الوضاعة دي! اتقوا الله يا ظلمة يا معدومين الدين والانسانية. اذا كان الرسول نفسه لم يختن بناته!؟؟

بقى عشان تخسفوا الأرض بالمرأة وتطلعوا نظام الحكم كافر وعميل, تقوموا تشجعوا الختان اللي مالوش أي علاقة بالدين لا من قريب ولا بعيد؟
يعني تخلوا الناس يختنوا بناتهم في القرن الواحد والعشرين بعد ما الختان دا اتمنع من العالم كله, عشان تلموا نقط في اللعبة القذرة بتاعتكم؟
مش هاممكم ان الناس البسيطة تروح تقطع في لحم بناتها وهما فاكرين أن دا عمل اسلامي وان اللي ما يعملهوش بنته هتبقى منحلة وفاجرة وغريزتها الجنسية مشتعلة؟ دا على اساس انها يا عيني لو ما اتعملهاش ختان هتقعد تهرش في جتتها طول اليوم وتدور على أي راجل تنام معاه, مش كدة؟.. شوف ازاي؟.. دا ايه الخيال المريض دا؟

حسبي الله ونعم الوكيل فيكم

ما تروحوا يا خويا منك ليه لبلد الجاز اللي بتقبضوا منها وتختنوا بناتكم هناك لو تقدروا
ورونا كدا هتعرفوا تختنوهم هناك ازاي؟ ورونا أنهي محل جزارة هناك هيوافق يعمل كدا؟
ولا هي مصر يعني اللي مكتوب عليها تفضل في ديل الجهل والتخلف اللي انتوا عايزينه ينهش فيها؟

شوفوا بقى.. تقولوا كفرة, تقولوا فجرة, تقولوا عملا.. قولوا اللي تقولوه

الختان جريمة

وعمر الجريمة ما كانت تكريم للضحية اللي بترتكب في حقها

بنات مصر أشرف من انكم تجيبوا اسمهم على لسانكم اللي متعاص جاز وكره وحقد وبلا أزرق
مش انتوا اللي تتكلموا عن الشرف والفضيلة
مش انتوا ابدا اللي تتكلموا عن خوفكم على الأخلاق والعفة

اللي بيحلل جريمة يبقى مجرم
واللي يحلل جريمة باسم الدين يبقى عديم الدين

الواجب على كل مسلم حق هو تبريء الاسلام من محاولات الصاق هذه العادة الوحشية به ومكافحة ممارستها بين الناس وازالة أي التباس في عقول البسطاء يوهمهم ان هذه العادة تحافظ على شرف بناتهن أو تقلل من الغريزة الجنسية, ف الغريزة يحركها العقل وليست الأعضاء الجسدية التي هي فقط ادوات لإشباع هذه الغريزة ولا دخل لها بوجودها أو تحفيزها. وهذه حقيقة علمية ثابتة. وحيث أننا لا نستطيع استئصال العقل أو الجزء المحرك للغريزة الجنسية بداخله, فلا مفر للإنسان سوى تقبل ذاته كما خلقها الله واحترام حرمة الجسد الانساني.
العفة هي مسؤولية عقل وروح , ولم تكن يوما مسؤولية قطعة من اللحم

وفي تفسير موقف الاخوان من هذه القضية, لا أجد أبلغ من مقولة حسن البنا في الجماعة التي قام هو نفسه بتأسيسها: "هم ليسوا اخوانا ولا مسلمين". والله صدقت

في ذكرى قاسم أمين

2008-04-30T02:29:00.003+01:00

في ذكرى قاسم أمين: تدخل سافرة.. وتخرج منتقبة!

بقلم أحمد عبدالمعطي حجازي

٢٩/٤/٢٠٠٨

كنت أهيئ نفسي للكتابة عن درية شفيق في الذكري المئوية الأولي لميلادها حين انتبهت إلي أن هذا العام الذي ولدت فيه هذه السيدة العظيمة هو العام الذي رحل فيه قاسم أمين. قاسم أمين رحل في أبريل من عام ١٩٠٨، ودرية شفيق ولدت في ديسمبر من ذلك العام. فالذي انقطع برحيل محرر المرأة اتصل بميلاد بنت النيل. لهذا سأبدأ من البداية التي يبدو أنها صارت منسية مثلها مثل النهاية!

سأبدأ من قاسم أمين الذي لم نعد نعرفه ولم نعد نتذكره إلا في المناسبات. بل نحن ننساه حتي في المناسبات. وهل هناك أنسب للاحتفال به من الذكري المئوية الأولي لميلاده؟ كيف استقبلنا هذه الذكري التي لا تتكرر إلا كل مائة عام؟ وما الذي أعددناه فيها لنذكر به الذين نسوه، ونعرف به الذي جهلوه، ونرد عنه كيد الذين أفلحوا في إسكات صوته، وإحباط عمله؟ ما الكتب التي صدرت عنه، والندوات التي نظمت للتأريخ له وتقييم جهوده ومناقشة آرائه؟ بل السؤال الذي يسبق اليوم كل سؤال عن قاسم أمين هو: ماذا بقي من قاسم أمين؟

***

ولاشك في أن كثيرين يستطيعون أن يتحدثوا عما بقي في نظرهم من قاسم أمين. يستطيعون أن يقولوا إن المرأة التي لم يكن يسمح لها بأن تتعلم أو تعمل أو تشارك في حياة المجتمع أو تخرج حتي من دارها أصبحت تتعلم وتعمل وتتمتع بحقوقها السياسية، وتكون نائبة، وقاضية، ووزيرة.

وأنا لست غافلاً عن هذه التطورات التي تحققت خلال الأعوام المائة الماضية، ولا عن الجهود التي تبذل حتي الآن لتحسين وضع المرأة والاعتراف بحقها، لكنني حين أقارن بين استجابة المصريات والمصريين لقاسم أمين في النصف الأول من القرن العشرين واستجابتهم له الآن أقول بلا تردد إن قاسم أمين لم يبق منه شيء، أو لم يبق منه إلا بعض المزايا العملية التي حصلت عليها المرأة كأنها صدقة وليست حقًا.

لقد ارتفعت نسبة المتعلمات عما كانت عليه في أول القرن الماضي، وإن ظلت الأمية هي الغالبة علي النساء، وارتفعت بالتالي نسبة المشتغلات بالوظائف الحكومية. لكن التمييز بين الرجل والمرأة مازال قائمًا معمولاً به، وربما زادت حدته مع انتشار العنف والتطرف. من حق أي صعلوك جاهل أن يعتبر نفسه ولي أمر لأخته أو أمه مهما يكن علمها وعملها. ومن حقه حتي الآن أن يحاسبها، ويحدد إقامتها، ويقتلها إذا زين له ذلك جهله وسوء ظنه!

والجهود التي تشارك بها المرأة المصرية في الحياة العامة لاتزال محدودة. وأكثرها تنفيذ شكلي لقرارات علوية. أماالمجتمع نفسه فتسوده الآن روح معادية للمرأة ناقمة عليها. بل إن المرأة نفسها تستجيب الآن لهذه الروح وتتبني ما يقولها الرجعيون عنها وهم كثيرون، وتتهم من بنات جنسها من تجرؤ فتتمسك بحقوقها وتطالب بحريتها.

نعم. حصلت بعض النساء في العقود الأخيرة علي بعض المناصب التي لم تحصل عليها المرأة المصرية من قبل، لكن المرأة المصرية لاتزال محرومة من حقوقها الطبيعية. بل هي الآن تتنازل مضطرة حيناً ومختارة حيناً عما حققته في النصف الأول من القرن العشرين. إنها تتنازل عن حريتها، أي تتنازل عن إنسانيتها.

لم تكن قضية المرأة عند قاسم أمين محصورة في أن تقرأ وتكتب أو تحصل علي شهادة دراسية أو وظيفة حكومية، وإنما كانت قضيتها هي الحرية. أن تكون حرة، ولهذا يجب أن تتعلم وأن تعمل حتي تتحرر من الجهل والحاجة.

العلم يساعد المرأة في معرفة حقوقها واختيار مستقبلها. والوظيفة تمكنها من أن تستقل بنفسها، فلا تتنازل عن كرامتها لتعيش. لكن العلم ليس مجرد معلومات تحشي بها الرؤوس الفارغة كما يوضح قاسم أمين، ولكنه قبل كل شيء بحث عن الحقيقة، وتحرر من الوهم.

ولا قيمة لعلم لا تنتفع به المرأة في تربية عقلها وتربية جسمها. فالتربية «لازمة للمرأة - كما يقول قاسم أمين - في استكمال صحتها وحفظ جمالها». إلي أن العلم والعمل معًا وسيلتان لغاية هي الحرية التي تتحقق بها إنسانية الإنسان، رجلاً كان أو امرأة، فإذا جمع في يده كل الوسائل وخسر الغاية فقد خسر كل شيء. وهذه هي الحال التي انتهت إليها المرأة المصرية في هذه الأيام. لقد دخلت كلية الطب سافرة وخرجت منها منتقبة!

ما الذي جد علي المرأة المصرية إذن حين أتيح لها أن تدخل المدارس وأن تتخرج في الجامعة؟ لم يجد جديد. لأن العلم لم يفك قيودها، ولم يحررها من الوهم، ولم يعطها الحق في أن ترعي صحتها وتحافظ علي جمالها.

***

ونحن نقع في خطأ فادح إذا ظننا أن حرية المرأة يمكن أن تنفصل عن حرية الرجل، أو أن مجتمعًا تكون فيه المرأة مقيدة محرومة من حقوقها الطبيعية يمكن أن يكون فيه الرجل حرًا متمتعًا بحقوقه.

نعم، قد يسمح المجتمع للرجل بأن يقهر المرأة ويغتصب حقها، لأن الظروف جعلته أقوي منها. لكن المجتمع بهذا القانون ذاته الذي يجعل القوة فوق الحق يسمح لرجل آخر بأن يستعيد الأمة كلها رجالها ونساءها. وهذا ما نبهنا له قاسم أمين أيضًا منذ أكثر من مائة عام، حين تحدث عن تلازم الحالة السياسية والحالة العائلية في أي مجتمع «فشكل الحكومة يؤثر في الآداب المنزلية. والآداب المنزلية تؤثر في الهيئة الاجتماعية. وفي الشرق نجد المرأة في رق الرجل، والرجل في رق الحكومة. وحيثما تتمتع النساء بحريتهن الشخصية يتمتع الرجال بحريتهم السياسية».

لهذا نحتاج اليوم لأن نتذكر قاسم أمين، ولأن نقف إلي جانبه في الدعوة إلي تحرير المرأة. لأن تحرير المرأة يعني إبطال القانون الذي تقوم عليه النظم المستبدة. فالحجة واحدة: الرجل يزعم أن المرأة ضعيفة بطبعها، وأنها ناقصة عقل ودين، وأنها أحبولة الشيطان يصيد بها الرجال فلابد من أن يقيد حريتها ويفرض سلطانه عليها.

والحاكم المستبد يستخدم الحجة ذاتها. فالأمة غير مؤهلة لأن تحكم نفسها بنفسها لأي سبب يخترعه أو يتعلل به. أنها تمر بأزمة ما، أو أنها مهددة بالمتطرفين اليساريين أو اليمينيين، أو أن الأعداء يقفون لها بالمرصاد، فلا مفر من تجميع السلطة في يد واحدة!

استعباد المرأة يجر إلي استعباد الأمة، كما أن استعباد الأمة يجر إلي استعباد المرأة. وقد جربنا نحن هذه الأوضاع كلها.

في العهود التي وقعنا خلالها في قبضة الطغاة الشرقيين كان الرق قانونًا سائدًا، وكان تجارة رابحة، وكان النخاسون يملأون الأسواق. وكان سلاطين مصر في أيام المماليك يمنعون النساء «من الخروج إلي الترب (القرافة)، ومن لبس القمصان الواسعة الأكمام». ويروي المؤرخون أن الخليفة الفاطمي المجنون الحاكم بأمر الله أمر في عام ٤٠٥ هجرية بمنع النساء من الخروج من بيوتهن، ومن دخول الحمامات، ومن التطلع من الطاقات والأسطح، ومنع الخفّافين - صناع الأحذية - من عمل الخفاف لهن!

وكما كان استعباد المرأة قانونًا معمولاً به في عصور الطغيان والظلام كانت الدعوة لتحرير المرأة شرطًا من شروط النهضة الحديثة وشعارًا من شعاراتها الأساسية.

الطهطاوي عاد من بعثته في باريس مفتونًا بالمرأة الفرنسية التي وجدها تعمل وتتعلم وترعي بيتها وتربي أطفالها وتستقبل ضيوفها وتشارك في الحياة العامة وفي النشاط الاجتماعي، وتتجمل وتعتز بأنوثتها دون أن تتبذل أو تفرط في شرفها لأنها «لا تشرك في المحبة»، ولأن الشرف لا يرتبط بالحجاب أو بعدم الاختلاط، وإنما هو علي العكس من ذلك تربية تكون بها المرأة حرة مسؤولة عن نفسها.

وقد التزم الطهطاوي في حياته الزوجية ما يلتزمه الرجل الفرنسي فتعهد لزوجته - وهي بنت خاله - بألا يشرك معها زوجة أخري، وألا يخرجها من عصمته. وقد ظل وفيا لهذا العهد طول حياته.

والموقف الذي وقفه الطهطاوي إلي جانب المرأة وحقها في العلم والعمل والحياة الحرة وقفه محمد عبده الذي أعلن «أن الرجل والمرأة متماثلان في الحقوق والأعمال والشعور والعقل. والرجال الذين يحاولون بظلم النساء أن يكونوا سادة في بيوتهم إنما يلدون عبيدًا لغيرهم».

ولقد وجدت المرأة المصرية نفسها وحققت وجودها في ثورة ١٩١٩ التي انتزع فيها المصريون حقهم في الاستقلال والديمقراطية.

في ثورة ١٩١٩ لم يكن سعد زغلول وحده زعيمًا لكل المصريين وإنما كانت صفية زغلول معه أُمًا لكل المصريين. أما هدي شعراوي فلم تكتف بأن تكون زعيمة لنهضة نسائية، بل استطاعت أن تكون زعيمة لنهضة وطنية شاملة.

كانت هدي شعراوي ترسل النوابغ من الرجال والنساء ليكملوا تعليمهم في الخارج علي نفقتها. وهي التي قادت أول مظاهرة للنساء المصريات في ثورة ١٩١٩، مظاهرة لم تكن ضد المحتلين الإنجليز وحدهم، وإنما كانت أيضًا ضد الرجعيين المصريين الذين كانوا يرفضون أن تخرج المرأة من بيتها لتتعلم فإذا بالمرأة تخرج من بيتها لتواجه حراب الجنود الإنجليز وبنادقهم. وقد رأت هدي شعراوي أن تبدأ المتظاهرات مسيرتهن، ومعظمهن مسلمات بالطبع، من الكنيسة القبطية ردًا علي مشاركة رجال الدين الأقباط إخوانهم المسلمين في تأييد الثورة من علي منبر الأزهر، وتأكيدًا لوحدة الهلال والصليب، وتجسيدًا للشعار الذي رفعه الثوار «فالدين لله والوطن للجميع» وأخيرًا فهدي شعراوي التي قادت هذه المظاهرة السياسية هي التي قادت مظاهرة أخري نزعت فيها الحجاب باعتباره رمزًا للعبودية، وكان ذلك في عام ١٩٢٣ عند عودتها من إيطاليا بعد أن رأست أول وفد مصري يشارك في اجتماعات الاتحاد النسائي الدولي.

هكذا ظلت المرأة المصرية تتقدم من وضع إلي وضع أفضل وتنتقل من حال إلي حال أرقي حتي استولي العسكر علي السلطة في يوليو عام ١٩٥٢، وحلوا الأحزاب، وأبطلوا العمل بالدستور فوصلنا إلي ما وصلنا إليه الآن.

ليست المرأة المصرية وحدها التي خسرت الكثير مما حققته وعادت إلي الحجاب والنقاب، بل الأمة المصرية كلها. فالحجاب ليس زيا فقط، وليس غطاء للوجه فحسب، ولكنه قبل كل شيء ثقافة. موقف يقفه الإنسان من نفسه ومن الآخرين، وثقافة تفرض عليه أن يخاف، ويخفي نفسه، ويشك في الآخرين، ويرتاب فيهم، ويتوقع منهم الشر ويبتعد عنهم، وألا يكون واضحًا أو صريحًا.

لقد عدنا إذن إلي ما كنا عليه قبل قاسم أمين، فمن الطبيعي أن ننسي قاسم أمين، وأن ننسي سواه من زعماء النهضة الحديثة.

نحن لا نتحدث الآن عن محمد عبده، ولا ننتفع بعلمه، ولا نرجع إليه. لأن محمد عبده لم يكن شيخًا مقلدًا، وإنما كان مفكرًا مجتهدًا يصالح بين الدين والدنيا، وبين التراث والعصر، فيبشر بالعلم والديمقراطية، ويدافع عن حقوق المرأة وحقوق الإنسان. والمرحلة الراهنة مرحلة ارتداد تحتاج إلي شيوخ يكلمون الناس بلغة المصاطب، ويعودون بهم إلي عصور الخرافة والاستبداد والحريم، وينتفضون خوفًا من العقل والحرية.

وكما تراجع تراث قاسم أمين ومحمد عبده تراجع تراث سعد زغلول، وأحمد لطفي السيد، وتراجع تراث طه حسين، وعلي عبد الرازق، وسلامة موسي. وفي هذا - بالمناسبة - تحل الذكري الخمسون لرحيل سلامة موسي، فما الذي صنعناه له؟ الذي صنعناه لسلامة موسي هو الذي صنعناه لقاسم أمين، ومحمد عبده، وهدي شعراوي، ودرية شفيق. أعني لا شيء، لأنهم لم يعودوا يمثلون لنا في هذه المرحلة من تاريخنا شيئًا. لقد أصبحوا مجرد ماض مقطوع الصلة بالحاضر الذي نعيش فيه أو يكاد.

***

أريد أن أقول في الذكري المئوية الأولي لرحيل قاسم أمين إننا في حاجة إلي نهضة جديدة نستعيد بها ما فقدناه، ونستكمل مالم نستكمله. نهضة لا تتحرر بها المرأة وحدها، بل نتحرر بها جميعًا!

هنشم النسيم رغم انوفكم

2008-04-28T03:19:00.004+01:00

جهنم الحمراء لا تسلق بيض

بقلم حمدى رزق ٢٠/٤/٢٠٠٨

أحب تلوين البيض، أصحو مبكراً مع العصفور، كانت أمي لتوها تنهي التحيات الطيبات، توقد وابور الجاز، تسلق البيض في ماء مالح حتي يتكلس القشر، تتركني غارقاً في صحون الألوان، تخلو الباقة من الأزرق والأسود.. شم النسيم عيد وليس يوم حداد.

خُف الجمل يؤلمه، لو مر علي بيضة مسلوقة واقفة علي حيلها، الجمال لا تكسر البيض، شيوخ الحرام يفقشون البيض، أحدهم علي شبكة "إسلام أون لاين" يحرم تلوين البيض، فتوي البيض تروج علي المواقع الإسلامية، ترسل علي الإيميلات المتاحة والمجموعات البريدية، مع اقتراب الاحتفال بعيد شم النسيم.. كل سنة وأنتم طيبين.

يبغون تحريم شم النسيم، ويتجاوزون في حق المسيحيين، يسمونهم النصاري ويكفّرونهم، ويتغولون في أصل العقيدة المسيحية، يحتالون علي الإنجيل والمسيح (عليه السلام)، و يصدرون المزاعم وصفا لما يعتقدون، لكم دينكم ولي دين.

ويسأل سائل: ببيان حقيقة عيد شم النسيم، وحكم احتفال المسلمين، ولماذا يكون المولد النبوي دائماً يوم الإثنين وعيد شم النسيم دائما يوم الإثنين أيضاً؟.. ويجيب مولانا: لابد من الإشارة إلي أن اليهود المصريين - علي عهد سيدنا موسي عليه السلام - قد أخذوا عن الفراعنة المصريين احتفالهم بهذا العيد، وجعلوه رأساً للسنة العبرية، وأطلقوا عليه اسم "عيد الفصح"، والفصح كلمة عبرية، تعني (الخروج أو العبور)، وعندما دخلت المسيحية مصر عرف ما يسمي بـعيد (يوم القيامة)، والذي يرمز إلي قيام المسيح من قبره - كما يزعمون (نصا من أصل الفتوي).

ويكمل: ويلاحظ أن يوم شم النسيم يعتبر عيداً رسمياً في بعض البلاد الإسلامية، تعطل فيه الدوائر الرسمية! كما يلاحظ أيضاً أن النصاري كانوا ولايزالون يحتفلون بعيد الفصح (عيد القيامة) في يوم الأحد، ويليه مباشرة عيد شم النسيم يوم الإثنين، ومن مظاهر الاحتفال بعيد شم النسيم أكل السمك والبيض، ومن العادات تلوين البيض بالأحمر، وربما كانوا يرمزون بذلك إلي دم المسيح (المصلوب)، حسب اعتقادهم الباطل المناقض للقرآن الكريم، وإجماع المسلمين المنعقد علي عدم قتل المسيح وعدم صلبه، وأنه رفع إلي السماء (نصا من أصل الفتوي).

وعلي أي حال فلا يجوز للمسلم مشاركة النصاري وغيرهم في الاحتفال بشم النسيم، وغيره من الأعياد الخاصة بالكفار(!!!) كما لا يجوز تلوين البيض في أعيادهم، ولا التهنئة للكفار بأعيادهم، وإظهار السرور بها، كما لا يجوز تعطيل الأعمال من أجلها، لأن هذا من مشابهة أعداء الله المحرمة، ومن التعاون معهم علي الباطل.

كما يجدر التنبيه إلي أن اليوم الموافق لميلاد النبي -صلي الله عليه وسلم- لا يأتي دائماً يوم الإثنين بل يختلف باختلاف الأعوام، ولكن يوم شم النسيم يأتي دائماً يوم الإثنين، لأن النصاري يعدلون في موعد صومهم كل عام حتي يتوافق مع مجيء (شم النسيم) يوم الإثنين، وأخيراً: ننصح السائل الكريم بعدم الاحتفال بمثل هذه المناسبات التي ما أنزل الله بها من سلطان.. والله أعلم (صادرة في ٢٨ ربيع الأول ١٤٢٢ - مركز الفتوي بإشراف د.عبدالله الفقيه).

حبل الحرام يخنق المجتمع، أينما تولوا وجوهكم ثمة من يصليكم بالحرام، اللهيب يلفح الوجوه، لهيب الوابور يصطلي تحت حلة البيض، لون اللهب البنفسجي جميل، يشع دفئا، جهنم الحمراء لا تسلق بيضا.. تشوي الوجوه.

...................................

علماء الأزهر يرفضون «منشورات» تحريم الاحتفال بـ«شم النسيم»

كتب أحمد البحيري ـ محمود المنشاوي ٢٧/٤/٢٠٠٨

الاحتفال بـ(شم النسيم) ليس له معني ديني.. إنما هو عادة جميلة للعودة إلي الطبيعة.. والاستمتاع بإبداع الخالق»، بهذه الكلمات أعرب عدد من علماء الأزهر وشيوخه عن رفضهم المنشورات التي وزعها بعض السلفيين، يحرمون فيها مشاركة المسلمين في الاحتفال بشم النسيم، مستندين إلي فتوي منسوبة للشيخ عطية صقر، رئيس لجنة الفتوي الأسبق بالأزهر.

ودعا العلماء المسلمين للخروج إلي المتنزهات غداً، وتهنئة الإخوة الأقباط بعيد القيامة الذي يواكب اليوم، في المقابل مازالت المنشورات الرافضة لشم النسيم توزع في المنوفية.

وقال الدكتور محمد رأفت عثمان، عضو مجمع البحوث الإسلامية ومجمع فقهاء الشريعة بأمريكا: «الاحتفال بشم النسيم - كما هو واضح من التسمية - احتفال بالمناظر الطبيعية الجميلة، التي تجيء بعد فصل الشتاء، فتزهر الأشجار والورود،

وليس لهذا اليوم أي معني ديني إطلاقا، حتي يقول البعض إنه بدعة أو محرم أو مكروه، وإنما هو فكرة اخترعها المصريون القدامي إظهارا للابتهاج والسرور بالطبيعة التي خلقها المولي عز وجل».

وأضاف: القواعد الشرعية تقول إن «الأصل في الأمور الإباحة ما لم يرد نص بالتحريم» ، كما أن الأمور لا تكون من البدع إلا إذا اتخذت صبغة دينية.

كما رفضت الدكتورة سعاد صالح، أستاذ الفقه المقارن بجامعة الأزهر، القول بتحريم الاحتفال بشم النسيم، وقالت: «هذا الرأي يخضع لفكر سلفي متشدد، لأن الرسول صلي الله عليه وسلم،

كان رمزاً للتسامح مع غير المسلمين، فكان يزور جاره النصراني أثناء مرضه، وقام لجنازة يهودي حينما مرت عليه، وكل هذه التصرفات من الرسول تجعلنا نرفض كل الآراء المتشددة، خاصة إذا ترتب عليها إحداث فتنة وشقاق بين طوائف الأمة».

وأضافت: نحن نرحب بكل مناسبة للإخوة الأقباط، ومن باب الإحسان والمروءة أن نجاملهم في مناسباتهم ونتبادل معهم التهنئة في أعيادنا وأعيادهم.

ودعا الشيخ عبدالحميد الأطرش، رئيس لجنة الفتوي بالأزهر، المسلمين إلي الاحتفال بعيد شم النسيم، والخروج للمتنزهات والأماكن العامة غداً، مع الالتزام بآداب الإسلام، وتقديم التهنئة للإخوة الأقباط.

نقلا عن جريدة المصري اليوم

......................................

هو إيه النظام؟.. عيد الحب حرام.. شم النسيم حرام.. حتى المولد النبوي حرام.. حرمت عليكم عيشتكم يا بعدا! سودتوا حياتنا وقرفتونا في عيشتنا.. هو يعني من كتر الفرحة اللي احنا فيها مستكترين علينا شوية أعياد؟ ما تتنيلوا ماتحتفلوش ولا تتهببوا على عينكم, مالكم انتوا ومال الناس اللي عايزة تحتفل وتعيد؟ مالكم ومال اللي بيحبوا أهلهم وصحابهم وجيرانهم وزمايلهم وبيفرحوا لفرحهم ويهنوهم بأعيادهم؟ مالكم انتوا ومال المصريين اللي فخورين بمصريتهم ومتمسكين بأصولهم وحضارتهم وبيحتفلوا بأعياد أجدادهم اللي بنوا أول حضارة في التاريخ؟ مالكم انتوا ومال المسلمين اللي بجد, اللي يعرفوا دينهم بجد, واللي ماشيين على هدى نبيهم الكريم اللي أخلاقه كلها سماحة وبتدعو لحب الناس وحب الحياة؟

خليكم انتم ورا شيوخكم ودجالينكم.. أقعدوا غلوا واحقدوا واكرهوا نفسكم قبل ما تكرهوا غيركم. خليكم في عمى قلوبكم وعمى ضمايركم. امشوا ورا جهلكم وتعصبكم وتخلفكم. لكن سيبونا في حالنا. سيبونا نحب بعض. سيبونا نحب بلدنا وتراثنا واخواتنا. سيبونا نفرح.. سيبونا نشم شوية هوا بدل ما انتوا كاتمين على نفاسنا ومسممين حياتنا. سيبونا نحافظ على وحدة بلادنا. سيبونا نعيش يا أموات

كل سنة وكل المصريين الجدعان ولاد البلد بألف خير

شموا النسيم ولا يهمكم

ادوها فسيخ ورنجة وبصل أخضر وبيض ملون

افرحوا وحبوا واتفسحوا وغنوا واملوا الدنيا أمل يا مصريين

يحيا الهلال مع الصليب

2008-04-20T03:27:00.007+01:00

سيطر على موقع الحزب لساعات ووضع صورة ملثم بمدفع رشاش

هاكر "سعودي" يطالب حزبا مصريا بإزالة "الصليب" من شعاره

القاهرة – محمد المعتصم

تعرض الموقع الإلكتروني لصحيفة "الوفد" المصرية الناطقة بلسان حزب الوفد المعارض لهجوم إلكتروني من هاكرز وصف نفسه بالهاكر السعودي، وقام بإزالة أكثر من نصف الصفحة الرئيسة، ووضع بدلا منها صورة لرجل ملثم يحمل مدفعا رشاشا مطالبا برفع شعار "الصليب" الموجود أعلى الصفحة.

وتمكنت إدارة الموقع من إعادة السيطرة على الموقع بعد ساعتين من الهجوم الذي جرى الخميس 17-4-2008، إلا أن الهاكرز الذي لم يتبين ما إذا كان سعوديا أم لا، عاد وسيطر على الوضع مساء قبل أن تحل المشكلة للمرة الثانية، إلا أن صعوبة بالغة واجهت كل من حاول الدخول إلى الموقع، ومن المقرر أن تجري تحقيقات داخلية في الحزب لمعرفة كيف تم الاختراق وما هي أبعاده، خاصة وأن كثيرين داخل الحزب والصحيفة لم يعلموا بخبر الاختراق الإلكتروني.

وحزب الوفد المصري تشكل سنة 1918م، وكان حزب الأغلبية قبل ثورة 23 يوليو/تموز المصرية، التي أنهت عهد الملكية، وحولت البلاد إلى النظام الجمهوري، ولم يعد الحزب إلى نشاطه السياسي إلا في عهد الرئيس أنور السادات، بعد سماحه للتعددية الحزبية، وقد اتخذ لنفسه اسم حزب الوفد الجديد سنة 1978م، ويعد أحد أكبر أحزاب المعارضة في مصر. ويعبر شعاره "الهلال والصليب" عن مسلمي ومسيحيي البلاد

نقلا عن العربية نت

............................................................

لأ وأنت الصادق, بيعبر عن الوحدة بين مسلمي ومسيحي البلاد.. بس البقر مش بيفهم.. هيجيبوا عقل منين؟ ما هو التعصب لا يصيب سوى المتخلف.. والمتخلف مكانه مستشفى المجانين.. مش الانترنت

لأ وماسك مدفع رشاش! قال يعني هو دا اللي هيخوفهم ويخليهم يغيروا شعار الحزب اللي بقاله 90 سنة! دا فتك فتاكة! زمانه فاكر انه حقق نصر مبين.. فتح عكة بسلامته

هي ايه حكاية موضوع شعار الوحدة اللي مجننهم فجأة كدة؟.. مجاهدين النت أعلنوا الحرب على كل اللي حاطط صورة الصليب يا أخونا.. أديكم شايفين أهوه.. مفيش تفاهم.. اللي هيحط شعار الوحدة الوطنية هيتشنير.. أديكم شايفين.. أنا اتكفرت وطلعت فاسدة العقيدة.. والموقع بتاع الوفد حصل عليه هاك.. والدور على مين؟؟

أقولكم؟؟ ايه رأيكم كلنا نحط شعار الوحدة الوطنية على مدوناتنا؟

يلا كلنا نعمل رد ايجابي.. نقول لأ.. نقول لأ بالفعل.. نتصدى للإرهاب الالكتروني اللي عايز يمسح شعار الوحدة من الوجود

وأنا هأحطه على السايد بار عشان أصدرهلهم في وشهم أول ما يدخلوا

دعوة لكل مصري حريص على وحدة هذا الوطن.. حط شعار الوحدة على السايد بار

وحدتنا محدش هيقدر يفتتها

بلدنا بلد كل المصريين

الدين لله والوطن للجميع

فليحيا الهلال مع الصليب

الوجه الآخر للإرهاب

2008-04-19T00:26:00.003+01:00

المقبوض عليهم في إضراب ٦ أبريل سربوا بياناً من سجن المرج: هو إحنا خونة ولا كفار؟

كتب شيماء البرديني ١٨/٤/٢٠٠٨

«خونة أم كفار؟».. سؤال تصدر بيان موقع من ١٥ شاباً من اتجاهات فكرية وسياسية مختلفة، متحفظ عليهم في سجن المرج علي ذمة قضية واحدة هي المشاركة في إضراب ٦ أبريل الماضي.

«المصري اليوم» حصلت علي نسخة من البيان عن طريق أسر هؤلاء الشباب، حيث سربه أصحابه بطرق بوليسية وبذلوا جهوداً جبارة لتهريب ورقة كشكول وقلم ليستطيعوا كتابته، البيان كتب بأسلوب ساخر قصوا فيه ما تعرضوا له طوال ٩ أيام منذ القبض عليهم يوم الأحد ٦ أبريل، وحتي تاريخ كتابة بيانهم وتهريبه يوم الاثنين ١٤ أبريل.

يقولون في البيان الساخر: «اللي بتقروه ده علي لسان ١٥ إنساناً مصرياً مختلفين عن بعض في أفكارهم واتجاهاتهم السياسية، بس مسجونين علي ذمة قضية واحدة ضمن ٢٥ مسجوناً في سجن المرج بتهمة الاشتراك في إضراب ٦ أبريل.. المهم إن كلنا تقبض علينا قبل ما نوصل إلي أي مكان من أماكن التظاهر.. خطفونا من الشوارع والقهاوي والميادين وفيه اللي اتخطف من بيته ومن قدام مكتبه وشحنونا بعدها في علب صفيح مصدية وحجزونا في معسكرات الأمن المركزي في الدراسة وطرة والجيزة، وبعدها قسمونا وبعتونا، ناس علي قسم قصر النيل صاحب أسوأ سجل في اختطاف وتعذيب المواطنين وناس تانية علي نيابات مختلفة، وفي القسم اتحطت أسامي الناس علي محاضر جاهزة بتهمة التجمهر مع أنهم قابضين علينا في أماكن مختلفة، وشحنونا بعدها علي نيابة قصر النيل المسائية اللي قررت حبسنا نص شهر علي ذمة التحقيق، والإفراج عن بنتين منهم واحدة معاها جنسية أمريكية».

واستكملوا في البيان: «بعتونا في النهاية علي سجن المرج وهناك لقينا في انتظارنا نص مليار ناموسة فانتوم مسعورة وعدد كبير من رتب مصلحة السجون.. منعوا عنا الورق والأقلام والأدوية والشمس والملعب الكبير المفتوح للجنائيين، لدرجة أن كتابتنا للبيان ده احتاجت مننا اللجوء لأساليب يحتاج شرحها فيلم تسجيلي».

المشكلة كما وضحها المعتقلون في بيانهم: «الصحافة ووسائل الإعلام تجاهلتنا ولم يلتفت لنا أحد، وحصروا القضية كلها في إسراء عبدالفتاح وتابع الكل تطور قضيتها ولم يفكر أحد في وضعنا أو تهمتنا التي ألقينا بناء عليها في السجن دون جريمة محددة أو دفاع، ووصفتنا جرايد الحكومة بأننا خونة وعملاء ومخربين وكفار وارتمينا في أحضان الأعداء مع أننا والله العظيم مش احنا اللي رفعنا الأسعار ولا هربنا بفلوس البنوك ولا صدرنا الغاز لإسرائيل ولا احتكرنا الحديد والأسمنت ولا حتي دخلنا البلد أي مسرطنات ولا حرقنا قطارات باللي فيها ولا غرقنا عبارات وقتلنا الناجين منها».

وذيلوا البيان بتوقيعاتهم علي وعد بأنه إذا استمر حبسهم غير المبرر سيواصلون الكتابة بالأسلوب نفسه، لكنهم سيتناولون في المرة الثانية لجنة الإعاشة، وما تتعرض له أسرهم من تجاوزات وتفتيش ذاتي أثناء زيارتهم لهم في السجن، وهو ما لا يتعرض له أسر القتلة وتجار المخدرات والجنائيين

نقلا عن جريدة المصري اليوم
.............................................................

دا كلام صحيح.. ومن يوم القبض على هؤلاء الشباب, وأنا بسأل عن سر التركيز اعلاميا على اسراء عبد الفتاح واغفال الآخرين. أنا مقدرة ان اسراء هي اللي اسست الجروب اللي دعا للاضراب.. ومقدرة ان كونها بنت خلى كل الانظار تتجه ليها, وخلى ناس كتير تعتمد عليها كوجهة لحملة ادانة الاعتقالات اللي حصلت يوم 6 ابريل

وهناك تحديث واجب هنا.. أنه بعد افراج النيابة عن اسراء ونادية.. صدر قرار باعتقالهما. والله أعلم أين هن الآن

رغم رأيي الشخصي في اضراب 6 ابريل.. ورغم عدم رضائي عنه.. ورغم غضبي مما نتج عنه من فوضى وتخريب.. إلا أنه لا يسعني سوى المطالبة بالأفراج عن هؤلاء الشباب من الذين قاموا بالدعوة للإضراب ويتم حاليا تلفيق التهم لهم.. مثل محمد شرقاوي, الذي قام الأمن صباح 6 أبريل باختطافه من أمام منزل خطيبته, ثم تمت بعد ذلك بعدة أيام مهاجمة دار النشر التي يمتلكها ويديرها, ومصادرة رواية كانت تحت الطبع, وتلفيق تهمة له ولكاتبها تحت زعم انها منافية للآداب العامة

الاضراب السلمي حق أصيل للشعوب.. ولا تستطيع أي قوة أن تسلب من الشعب هذا الحق.. ولا يصح القاء القبض على المواطنين بخطفهم من أمام منازلهم ثم تلفيق التهم لهم.. هذا القمع والظلم لا يمكن السكوت عليه. ودورنا جميعا كمدونين على اختلاف توجهاتنا السياسية هو أن نقف بجوار كل من تم اعتقالهم من شباب المدونين والنشطاء السياسيين على شبكة الانترنت. فما يقوم به الأمن هو الوجه الآخر للإرهاب الذي نعيش تحت وطأته في هذا البلد

إباحة دم المصريين

2008-04-15T23:47:00.004+01:00

أساتذة الشريعة يرفضون فتوي «شيخ غزة» بـ«إباحة» قتل الجنود المصريين.. ويعتبرونها «إشعالاً للفتنة»

كتب وفاء بكري ١٥/٤/٢٠٠٨

أثارت فتوي الشيخ عبدالحميد الكُلاب، خطيب مسجد عباد الرحمن بخان يونس في قطاع غزة، بشأن إباحة قتل الجنود المصريين في حال تعرضهم للفلسطينيين، رفضاً من الكثيرين، خاصة أساتذة الشريعة والفتوي بالأزهر الشريف، حيث اعتبروها خارج الفقه والفتوي، وأكدوا أنها افتراء علي القواعد الأخلاقية قبل القواعد الدينية.

وقال الدكتور عبدالمعطي بيومي، عضو مجمع البحوث الإسلامية لـ«المصري اليوم»: «هذه ليست فتوي وإنما (تخريب)، فالحدود الدولية يجب أن تُحترم، كما أن الشعب المصري يبدي تعاطفاً واضحاً مع الشعب الفلسطيني ويقدره ويعمل علي مساعدته باستمرار، فلا يجوز الاعتداء علي الذين يقومون بمد يد المساعدة، ولا يجوز اقتحام الحدود بمثل هذه الفوضي التي حدثت منذ ٣ شهور تقريباً».

وأضاف بيومي: «إذا كان الشعب المصري تحمل الاختراق الأول، فلا يجوز أن تُخترق حدوده باستمرار وتداس كرامته دون رد فعل، فهذا اعتداء يوجب الرد عليه، والدليل من القرآن الكريم: (فمن اعتدي عليكم فاعتدوا عليه بمثل ما اعتدي عليكم)، ففتوي الشيخ عبدالحميد تعد افتراءً علي القواعد الأخلاقية قبل أن تكون افتراءً علي القواعد الدينية».

وأكد بيومي أن حرمة الدم هي واحدة للشعبين المصري والفلسطيني، علي حد سواء، مشدداً علي أن حل المشكلات يجب أن يكون بلا اعتداءات من جانب أي من الطرفين.

وشدد الدكتور محمد رأفت عثمان، عميد كلية الشريعة الأسبق، وعضو مجمع البحوث الإسلامية، علي أن الفتوي تعتبر تحريضاً واضحاً علي قتل النفوس، وبذلك لا تعتبر فتوي بالمعني المعروف، مؤكداً أن الفتاوي السليمة يجب أن تصون النفوس والدماء.

وقال عثمان: «الإسلام يمنع أي أمر يشعل فتنة بين المسلمين، وهذا الخطيب يحاول إشعال الفتنة، وقد تؤدي فتواه إلي فتنة قاتلة بين المصريين والفلسطينيين، خاصة أن الجنود المصريين سيدافعون عن وطنهم في حال اختراق هذه الحدود لأي سبب من الأسباب».

ودعا عثمان السلطة الفلسطينية إلي تسوية الأمور مع نظيرتها المصرية، وعدم ترك الأمور للأفراد بما يشجع أصحاب النفوس الضعيفة لإثارة الفتنة والبلبلة بين الشعوب، مشدداً علي ضرورة أن يكون من يتصدي للفتوي دافعه الحفاظ علي الشريعة وليس الإثارة.

وقال الدكتور علي أبوالحسن، أمين عام مساعد مجمع البحوث الإسلامية ورئيس لجنة الفتوي السابق، إن وضع غزة والشعب الفلسطيني لم يصل إلي حد المجاعة - لا قدر الله - ويجب ألا يبيح هذا الشيخ دم مسلم يدافع عن وطنه ويحافظ عليه، خاصة أن هذا المسلم غير متعاون مع العدو

نقلا عن جريدة المصري اليوم

...............................................

أنا مش هأقول غير حسبي الله ونعم الوكيل

ما حدش يقوللي إن الشيخ دا همه الدين ولا الإسلام ولا أي شيء سوى مصلحة أسياده

دي سياسية.. سياسة بحتة.. سياسة قذرة.. إحتلال.. وتعدي على دولة جوار لم تقدم سوى يد العون والمساعدة بكل ما تملك لشعب شقيق تحت الحصار

ويجب هنا الإشادة بالموقف الشعبي الشهم للشعب الفلسطيني غير المؤدلج, والذي لم يرضى بأفعال حركة حماس وفتاوي شيوخها التي تبيح سفك دماء أشقائهم

الشعب الفلسطيني يرفض أن يجير على مصر, ويسأل حكومة حماس عن سبب دفعهم للتوجه إلى مصر بدلا من السعي للدفاع عن حقوقهم المشروعة وتوجيه النظر نحو إسرائيل, وفتح المعابر التي تحول بينهم وبين أماكن عملهم في الأراضي التي تقع تحت سيطرة الكيان الصهيوني

لكن حماس الآن تنظر لمصر, ولا تعنيها إسرائيل.. تنتظر إشارة البدء من قوى خارجية.. تصدر فتاوي تهدر دمائنا وتستبيح أرضنا لتهيء الساحة للمعركة.. هي السياسة القذرة التي لا تضع مصلحة الشعوب في حساباتها.. فالشعوب بالنسبة لهؤلاء هم أعداد وليسوا بشرا.. فليموت من يموت في سبيل تحقيق أهدافهم في السيطرة التي تصب أولا وأخيرا في خدمة الكيان الصهيوني

حماس كانت يوما تجسيدا للمقاومة.. كانت يوما حركة تدافع عن قضية ضد عدو مغتصب.. كانت يوما أملا في انتفاضة تستعيد الأرض وتسترد الكرامة للشعب الفلسطيني. إلا أن تدخلت لعبة الدين والسياسة لتفسدها وتقضي على أي أمل تم تعليقه عليها في يوم من الأيام. يد التأسلم السياسي تغتال الشعوب بعد أن أغتالت أحلامها وقضت على مستقبلها. ها هي تحرض الأخ ضد أخيه وتعد العدو بنصر عظيم. ها هي تضيع أرواح وتضحيات أبناء فلسطين الأبرار هباءا. ها هي تقطف الأزهار لتزرع مكانها قنابل الفتنة والتمزق والتطرف. ها هي تكشف عن وجهها القبيح.. وجه التأسلم السياسي حين يصل إلى الحكم

ماذا قدمت حكومة حماس للشعب الفلسطيني؟ وما سر إصرارهم على مهاجمة مصر وإقتحامها بالقوة والسلاح؟.. السلاح الذي تعرضنا نحن للعقوبات والإدانات بسبب اتهام إسرائيل لمصر أمام المجتمع الدولي بتهريبه داخل غزة! اليوم يريدون أن يقتلوننا بهذا السلاح.

اليوم تطير رقاب المصريين بفتوى من شيوخ حماس.. شيوخ الفتة.. شيوخ التلاعب بالإسلام.. شيوخ العار الوطني والديني

لك الله يا مصر
لكم الله يا مصريين
و
وا إسلاماااه

العلم والإرهاب

2008-04-09T00:30:00.006+01:00

معهد جالوب‏:‏ المسلمون معجبون بديمقراطية الغرب ويريدون معاملتهم كأنداد

لندن ـ وكالات الأنباء‏

فيما يمكن وصفه بأول استطلاع رأي شامل للعالم الإسلامي‏,‏ وأكثر تعبيرا عما يدور بخلد أكثر من مليار مسلم‏,‏ كشف معهد جالوب الأمريكي عن أن الصراع بين المسلمين والمجتمعات الغربية ليس حتميا‏,‏ لكنه ينبع من إصرار الغرب علي معاملة المسلمين كتابعين وليس كأنداد‏.‏ وجاء الاستطلاع ـ الذي استغرق ست سنوات عقب هجمات الحادي من سبتمبر‏2001‏ ـ ليعبر عن رأي عينة عشوائية من‏50‏ ألف شخص في‏35‏ دولة إسلامية‏,‏ وليكشف عن حجم الفجوة بين العالمين الإسلامي والغربي وأسبابها‏.‏ نشرت نتائج الاستطلاع ـ الذي أعده الباحثان داليا مجاهد‏,‏ وجون اسبوسيتو الأستاذ في جامعة جورج تاون ـ في كتاب عنوانه من يتحدث باسم الإسلام‏..‏ فيما يفكر مليار مسلم فعليا‏,‏ ويعد من أكثر الأبحاث موضوعية حتي الآن في هذا الصدد‏.‏وأكد الكتاب أن الخلاف بين المسلمين والغرب يتعلق بالسياسة أكثر مما يتعلق بالمبادئ‏,‏ فبرغم المشاعر المعادية للولايات المتحدة وبريطانيا‏,‏ فقد قال المسلمون في شتي أنحاء العالم إنهم في واقع الأمر معجبون بكثير مما يميز الغرب مثل حرية التعبير والديمقراطية‏,‏ والتقدم التكنولوجي والوصول إلي المعرفة‏,‏ وإن نظرتهم إليه أساسها الخطوط السياسية‏,‏ وليست الثقافية أو الدينية‏.‏ ودلل البحث علي ذلك بأن أغلبية مسلمي العالم ينظرون إلي الولايات المتحدة‏,‏ وبريطانيا‏,‏ بعد غزو العراق وأفغانستان باعتبارهما معتديتين و غير مرغوب فيهما‏,‏ لكن السواد الأعظم منهم أبدي إعجابا شديدا بأهم ما يميز هاتين الدولتين وهو حرية مواطنيهما‏.‏وفي حين يعجب المسلمون بالقيم الغربية‏,‏ إلا أن كثيرا منهم يشعرون بأن الغرب لا يحترمهم‏,‏ وأن القيم التي يعتنقها الغرب مثل الديمقراطية ليست إلا كلاما مرسلا عند تطبيقها في العالم الإسلامي‏.‏وقالت مجاهد‏:‏ إن أكثر من‏65%‏ من المصريين والأردنيين والإيرانيين يعتقدون أن الولايات المتحدة لن تسمح للشعوب في منطقتهم بتشكيل مستقبلهم السياسي بالطريقة التي يرونها مناسبة دون تأثير أمريكي مباشر‏.‏ وكانت التغطية الإعلامية‏,‏ بحسب الاستطلاع‏,‏ أحد العوامل التي تلقي بظلالها علي رأي كل طرف في الآخر‏,‏ حيث أشار إلي أن معظم التغطيات الإخبارية التليفزيونية في الولايات المتحدة للإسلام كانت شديدة السلبية‏,‏ في حين كانت التغطية محايدة عندما تناقش المسيحية في محطات تليفزيون إسلامية

نقلا عن جريدة الأهرام

....................................

شوفتوا الغرب الفاسق بيعمل إيه؟ استطلاع رأي خد 6 سنين يا بشر! مش الاستطلاعات اللي بتتعمل في اسبوع ويلا طلع تقارير ونتايج! استطلاع عينته 50 ألف من 35 دولة! ناس عايزة توصل لنتايج حقيقية.. عايزين يفهمونا فعلا.. مش عايزين يصدقوا فكرة صراع الحضارات الهبلة ويمشوا وراها وهما مغمضين.. مش بياخدوا بالمظاهر.. مش بيحللوا بسطحية.. مش بيخللوا الخطر اللي بيتعرضوله يعميهم عن الحقيقة وعن الحيادية في تقييم الأمور

طب إيه يجبرهم على ده؟ حد يقوللي. لو كل هدفهم فعلا هو تدميرنا وتشويهنا والقضاء علينا, في الوقت اللي احنا فعلا بندمر فيه نفسنا بنفسنا, بيعملوا بحث زي دا ليه؟ يبعتوا ناس تعمل استطلاعات في 35 دولة ليه؟ يصرفوا المبالغ دي ليه؟ يقضوا 6 سنين في بحث عننا رغم الصورة السلبية اللي بنعكسها عن نفسنا ليه؟ ليه مش بيقولوا ان المسلمين اعداء الغرب وخلاص؟ ليه مش عايزين ينتقموا انتقام أعمى ويكرهونا كلنا على بعض شروة واحدة كدة؟

طب ليه ما عملناش احنا المبادرة دي؟ ليه صوتنا ماوصلش؟ ليه مصممين نقتل أي حاجة جميلة عندنا بالصمت والتواطؤ مع التطرف؟ ليه نستنى لما هما اللي يستنطقونا؟.. ليه وليه وألف ليه؟؟

ليه ما طلعناش في مظاهرات نستنكر اللي حصل في امريكا والصاقه بالجهاد الاسلامي؟.. ليه ما طلعناش نستنكر الأعمال الارهابية اللي بتحصل في العراق والمدابح بين السنة والشيعة؟.. ليه ما طلعناش نستنكر تفجيرات لندن؟.. ليه ما طلعناش نستنكر قتل سفيرنا في العراق؟.. ليه ما طلعناش نستنكر قتل بناظير بوتو؟.. مش كل دا اساءة للإسلام؟.. مش الكلام اللي بيقوله الظواهري وبن لادن اساءة للإسلام؟ طب ماهي شرايطهم مالية قنوات العالم وبتتذاع كل يوم ومحدش فينا بيفتح بقه.. مش دا برضه اسمه تواطؤ؟ مش دا موافقة ضمنية على الجرايم دي؟ ليه مش بنقول ان تفسير الارهابيين للقرآن هو اهانة للإسلام؟ ليه مش بنقول ان تفسيرهم للأحاديث اهانة للرسول؟ اشمعنا هنا لسانا بلعته القطة؟

وأخيرا أقول أن تدوينة طباخ السم كانت بمثابة التوقعات المرئية

وأدي الدليل

جروب على الفيس بوك

حملة الـمليار مسلم لمقاطعة المنتجات الهولندية

هذه دعوة للجميع لمقاطعة المنتجات الهولندية من يوم 10/4/2008 و حتي يوم 25/4/2008 و ذلك ردا علي الفيلم المسئ للاسلام

من أجل نصرة ديننا ونبينا و كتاب ربنا .. ندعوكم لمقاطعة البضائع الهولندية، ردًا على ما قام به رئيس أحد أهم الأحزاب الهولندية من إعداد ونشر فيلم مسيىء للقرآن الكريم ، والذي يصور فيه القرآن الكريم على أنه كتاب إجرامي دموي ، وأسماه بالفتنة .ويبدأ الفيلم بصورة للقرآن الكريم بجانب عنوان الفيلم ( الفتنة ) ، وصورة أخرى يظهر فيها النبي – صلوات الله وسلامه عليه - وفي عمامته قنبلة، وعلى مدار الفيلم يؤكد مؤلفه أن الإسلام والإرهاب وجهان لعملة واحدة ..وفي الوقت الذي يُبث فيه الفيلم المسيىء للإسلام والمسلمين – ليل نهار على شبكة الإنترنت - لم تقدم الحكومة الهولندية أي اعتذار عما بدر من أحد رموز بلادها، ولم توجه له أي كلمة إدانة أو توبيخ .-- - - ولكن ورب الكعبة ،، سيعتذرون لنا على طريقتنا

ومسميين نفسهم إيه الأفندية؟

الغضب الإسلامي

وواحد منهم بيقول"مستمرين في المقاطعه بسبب فيلم فتنه أنصروا رسول الله وهم الأن مرعوبين والله".. تخيلوا الارهاب وصل لفين! شوفتوا احنا بنعمل إيه في نفسنا؟ فيه تخلف أكتر من كدة؟

طبعا مش محتاجة أقول ان كل معلومات الاساتذة بتوع "الغضب الاسلامي" غير صحيحة وكلها تأليف في تأليف وفيها استغلال فاضح لعدم مشاهدة الناس للفيلم اللي بيتكلموا عنه واللي على اساسه بيدعوهم للمقاطعة

الحكومة الهولندية ادانت الفيلم رسميا واعتذرت بعد صدوره وتبرأت منه كمان.. دا غير ان كون المخرج رئيس حزب مالوش أي علاقة بالموضوع. دا مش راجل في الحكومة! ما طلعت السادات كان رئيس حزب الأحرار ومع ذلك اتسجن بتهمة الاساءة للقوات المسلحة! هي الاحزاب بتمثل الحكومات؟

وايه "هيعتذروا على طريقتنا" دي؟ هي ايه طريقتنا؟ الارهاب يعني؟ وإيه "شلت أيديهم" و "هم الآن مرعوبين"؟ هي بلطجة؟ هو دا كل اللي نقدر عليه؟ هي دي الطريقة الوحيدة اللي نعترض بيها؟ ومش عايزينهم يقولوا ان المسلمين ارهابيين؟ طب ازاي؟

أدي الفرق بينا وبين الغرب, بمنتهى الوضوح والصراحة.. وأنا هنا مش بتكلم عن الحكومات.. بتكلم عن الشعوب, وعن ثقافتها وأنماط التفكير والسلوك اللي بتتبعه.. منهجنا ومنهجهم.. اسلوبنا واسلوبهم.. تحركنا وتحركهم.. جهلنا وعلمهم

أنا حاسة اني بأدن في مالطة.. لكن وماله؟.. الله أكبر

هي حقيقي فوضى

2008-04-07T13:56:00.014+01:00

حزر فزر الصورة دي منين؟

لسة ما عرفتش؟

طب ودي؟

طيب دي؟
برضه مش عارف؟
لأ مش العراق
لأ ولا فلسطين
بص كويس
لأ لا فيه اسرائيلين ولا أمريكان
دول بيحدفوا القطر بالطوب
أظن دلوقتي عرفت الصور دي منين
المكان: مصر المحروسة

الزمان: 6 أبريل 2008

هذا هو الإضراب الذي طال انتظاره

ياخي بلا وكسة

طباخ السم

2008-03-29T13:35:00.006Z

طبعا كلكم سمعتم عن الفيلم الهولندي اللي صدر امبارح واللي إعلامنا العربي المغوار وصفه بانه مسيء للإسلام

وأنا آسفة اني أصدم مشاعر ناس كتير وأقوم بعرض الفيلم على مدونتي

اتفرجوا على الفيلم أرجوكم.. , و ادعو القراء من المسلمين لمشاهدته أكتر من مرة , كاملا, قبل قراءة تعليقي عليه

الفيلم من جزئين ومدته 15 دقيقة
تحذير: الفيلم يحتوي على مشاهد غير مناسبة للأطفال وذوي القلوب الضعيفة

شوفتوا الفيلم؟ هل تعتقدوا انه فعلا بيسيء للإسلام؟ هل تعتقدوا انه المفروض يتمنع في البلاد العربية؟ هل تعتقدوا ان المفروض العالم كله يشوفه ماعدا احنا؟ هل تعتقدوا انه موجه للغرب مش لينا؟

معلش.. أنا طول عمري صريحة وعمري ما كدبت لا على نفسي ولا على غيري

الفيلم دا مش مسيء للإسلام.. الفيلم دا مسيء للمسلمين.. عشان كدة هما مش عايزين يشوفوه.. عشان كدة هما مقاطعينه, زي ما هيقاطعوا هولندا بعد الدنمارك, وزي ما هيطلعوا في مظاهرات تندد بالفيلم من غير ما يشوفوه, وزي ما هيطالبوا بمقاطعة بضائع هولندا رغم ان الحكومة الهولندية أعلنت رسميا عدم رضاها عن الفيلم وحاولت منعه من الظهور, وزي ما هيقولوا "الموت لصانع الفيلم عدو الإسلام".. هو دا اللي المسلمين بيعملوه

عايزين رأيي؟ مفيش حد أساء للإسلام أكتر من المسلمين.. اشربوا.. دوقوا اللي عملتوه في دينكم.. شوفوا الاهانة اللي اهانتوها للرسول وللقرآن.. شوفوا وجوهكم الحقيقية.. وبقول الكلام دا للجميع.. بقوله حتى للمسلمين اللي مش راضيين عن الأفعال والأقوال اللي شافوها في الفيلم, لانهم للأسف متواطئين.. مفيش فينا حد بريء... كلنا أيادينا عليها دم .. دم ناس كتير.. قتلناهم بصمتنا واصرارنا على اننا نغمي عنينا وندفن رؤوسنا في الرمل.. قتلنا الإسلام.. أيوة قتلنا الإسلام لما سمحنا لجماعات متطرفة تتحكم فيه وتفرض هي الحلال والحرام.. هما اللي بيفتوا باسم الدين, وبيتكلموا باسم الدين, وبيقتلوا باسم الدين

احنا لو عندنا ذرة عقل, المفروض نعمل ألف فيلم زي الفيلم ده عندنا.. المفروض نتكلم ونقول ان احنا كمان مستنكرين كل اللي بيحصل باسم ديننا.. نقولها بصوت عالي ومانخافش.. نقول مش دا الإسلام.. نقول احنا كمان ضحايا للتطرف والارهاب.. نقول اننا اكتر ناس بندفع تمن اللي المتأسلمين بيعملوه باسم الدين.. نقول ان البلاد الاسلامية تخلفت وتجرعت ذل الديكتاتورية والفقر والجهل والمرض بسببهم.. نقول اننا عايزين نطهر بلادنا من الوباء ده, اللي للأسف صدرناه للعالم بدل ما نصدرله أي شيء مفيد.. نقول ان العيب علينا وفينا واحنا اللي لازم نبدأ باظهار وجه الاسلام الحقيقي لو بنحترمه ولو عايزين العالم يحترمه

انما للأسف.. عمرنا ما هنعمل كدة.. عارفين ليه؟ لان التطرف والتعصب بقوا في دمنا.. دخل تحت الجلد واتسرب للدم.. بقينا فاشيين.. اطبعنا بطباع المتأسلمين اللي ربناهم في حضننا.. وبنعمل اللي هما يقولولنا عليه.. مش بنعمل حاجة غير المنع والشجب والتهديد والترهيب ونقل مشاعر الكره والتعصب والتطرف.. نمنع الفيلم ونطلع نشتم اللي عملوه من غير ما نشوفه حتى.. نقاطع بلد بحالها عشان واحد هولندي عمل فيلم! نقول ان هولندا كلها عدوة الإسلام.. ونخوفها ونتوعدها بالويل.. ويطلعوا الارهابيين يكملوا الشغل ويهددوها بعمليات على أرضها لانها بلد كلها كفر وضلال.. واحنا نقول الله أكبر.. ونقاطع ونجاهد في معركة وهمية ضد جريمة من صنعنا احنا

اوعوا تفتكروا ان اللي رسم الصور اللي بنقول عليها مسيئة للرسول دي رسمها من خياله.. لأ.. الراجل نقل من الصورة اللي احنا صنعناها.. الرسوم مش مسيئة للرسول.. محدش شاف الرسول عشان يرسمه.. اللي رسم مش هو اللي مسك القلم ومشاه على الورقة.. اللي رسمت هي ايدينا احنا.. اللي غذى الخيال هو افعالنا احنا.. اللي حط التفاصيل هي الصورة اللي بيعسكها المسلمين عن دينهم.. واللي رسم بقى, سواءا دنماركي أو هولندي أو كوري أو امريكاني, كان كل دوره انه يوصل النقط ببعض.. زي كلنا واحنا صغيرين لما اتعلمنا الرسم باننا نوصل النقط.. كنا بنبقى عارفين الصورة هيكون شكلها ازاي من قبل ما نرسمها.. لكن بعد ما نخلص نروح نجري نفرج الصورة لاهالينا واحنا فاكرين اننا انجزنا عمل فني

اوعوا تفتكروا ان حكومة هولندا رفضت الفيلم عشان هما مقتنعين انه اساءة للاسلام. او ان دا اخلاقيا لا يصح وانه بيحترموا مشاعر المسلمين.. لأ.. الناس دي ناس عاقلة.. عارفين ان المسلمين حاليا عبارة عن همج وارهابيين.. قالوا يأمنوا نفسهم.. خايفين من العمليات الارهابية اللي ممكن تحصل عندهم.. احنا مجرد فزاعة مش أكتر.. كل هدف العالم دلوقتي انه يأمن شرنا.. زي اللي عندهم جرب

أوعوا تفتكتروا ان حد بيحترمنا.. أوعوا تنسوا اننا فعلا بقينا شوية همج وارهابيين.. أوعوا تقولوا ان الراجل دا غلطان عشان شايف وجه واحد للاسلام.. هو فين الوجه التاني؟ فين الاسلام المعتدل؟ فين الاصوات المعتدلة؟

زعلانين عشان ربط بين القرآن وبين افعال الارهابيين؟ واحد جاي يقتلني, هأقعد أنا أفكر في دوافعه وهل دا الدين الصح ولا لأ؟ وهما الارهابيين مش كلامهم نصه آيات من القرآن؟ عايزين الغرب يفسر القرآن احسن من المسلمين؟

شوفتوا الشيوخ اللي بيمسكوا السيوف جوا الجوامع؟ مش دول الشيوخ اللي المفروض أكتر ناس عارفيين الدين واللي المفروض احنا بناخد الدين منهم ولاغيين عقولنا لحسن نكفر؟

يا ريت أي حد ما شافش الفيلم ما يعلقش

يا ريت أي حد ما قراش تعليقي بعد ما شاف الفيلم ما يعلقش

يا ريت اللي عايز يزايد عليا وخلاص عشان يقول انه مؤمن أكتر مني ما يعلقش

انتوا مش عليكوا ندر يا جماعة

أنا مش عايزة أي تعليقات ع الموضوع ده

أنا عايزة كل واحد يروح يبص لنفسه في المراية

يبص بجد.. ولو لدقيقة واحدة

واذا عرف يواجه نفسه, يبقى يقاطع ويشجب ويستنكر ويطلعني كافرة كمان لو عايز

لو عايزين ندافع عن الاسلام, ندافع عنه من المسلمين الأول وبعدين نتكلم

ملحوظة.. بما أن الفيلم بالانجليزية ولا ولن يوجد منه نسخة عربية.. وجب التنويه عن أن صناع الفيلم يوضحون في نهايته أن الهدف هو صد غزو الأسلمة
"Islamization"
وليس الاسلام

البليد لما يذاكر, يقرا الكتاب م الآخر

2008-03-27T12:15:00.004Z

معلش يا جماعة, أنا عارفة ان فيه ناس كتير متحمسة لموضوع الاضراب بتاع 6 أبريل ده. وأكيد انتوا عارفين اني كاتبة ثورية والمفروض أكون أول واحدة أشجع الناس لما يفوقوا ويقرروا يعملوا اضراب. بس الصراحة الموضوع دا يثير الضحك والشفقة أكثر من انه يدعو للتفاؤل أوالمشاركة

أوعوا حد يزعل مني.. أنا مش بقول لحد ما يضربش.. إللي مقتنع بالفكرة يشارك على بركة الله. بس أنا جاتلي عشرميت دعوة عشان أشارك في الإضراب, وكل مرة أقرا الموضوع أضحك وأضرب كف بكف. مش مصدقة ان الناس عندنا لسة مش عارفة تميز بين الجد والهزل. الفكرة من حيث المبدأ عظيمة ومعنديش أي اعتراض عليها, لكنها بتفكرني بحركة سابقة كانت حصلت من حوالي سنتين في نفس الوقت تقريبا.. فاكرينها؟.. بتاعة "خليك بالبيت" اللي كانت متبنياها جريدة الكرامة وعاملالها اعلانات قاااااااااااااد كدة. ورغم كل ده فشلت فشل ذريع. مش بس عشان ما حدش قعد ف البيت غير 20 واحد, تقريبا هما الناس اللي خططوا للموضوع, لكن عشان الفكرة نفسها كانت تضحك ومالهاش معنى. حتى اللي ظهروا في الاعلام عشان يتكلموا عنها فشلوا في انهم يحددوا أي رؤية واضحة ورا الفكرة

اضراب 6 أبريل, اللي هو مش اضراب أصلا, عامل بالظبط زي مشروع خليك بالبيت. مافيش أي أهداف محددة من وراه ولا ايه اللي متوقع بعده. هل هو تهويش؟ هل هو خطوة لاعلان العصيان المدني؟ هل فيه مطالب محددة ممكن تحصل لها استجابة وعلى هذا الاساس هنضرب؟ ايه المطلوب؟ وليه؟ مفيش أي معالم واضحة. حاجة كدة عاملة زي الاضراب اللي عملوه الطلبة في مسرحية مدرسة المشاغبين, لما منصور (اللي قام بدوره النجم الكوميدي يونس شلبي رحمه الله) قعد يجري ويقول "هيييييه.. اضراب بقى.. هيييييه" كأنها فسحة. لانه مش عارف يعني ايه اضراب ولا ايه الهدف منه. ف يللا, أهي هيصة وخلاص

احنا عايزين نعمل حاجة ايجابية من ورا الاضراب ده ولا عايزين الحكومة تضحك علينا وتقول شوفوا العيال الهبلة؟ احنا كدة بنحرق نفسنا ع الفاضي وقدرتنا على التحرك الشعبي هتبان انها هزيلة وغير منظمة وغير فعالة ولا يمكن تسبب أي قلق للنظام, لانه اضراب عيال مش عارفين أصلا يحددوا هما عايزين ايه

شوفوا والنبي الاعلان اللي اتوزع عشان يدعو الناس للاضراب عامل ازاي

يوم إضراب عام في مصر

يوم 6 إبريل

خليك قاعد في البيت
أوعي تنزل
ماتروحشي الشغل
ماتروحشي الجامعه
ماتروحشي المدرسة
ماتفتحشي المحل
ماتفتحشي الصيدليه
ماتروحشي القسم
ماتروحشي المعسكر

ماشي يا عم هتنيل أقعد ف البيت. أهو الواحد يترحم من الزحمة والحر والقرف. بس ليه؟؟؟
شوفوا بقى المسخرة بتاعة المطالب

عايزين مرتبات تعيشنا
عايزين نشتغل
عايزين تعليم لأولدنا
عايزين مواصلات أدمية
عايزين مستشفيات تعالجنا
عايزين دواء لأطفالنا
عايزين قضاء منصف
عايزين أمن وأمان
عايزين حرية وكرامه
عايزين شقق للعرسان
مش عايزين رفع أسعار
مش عايزين محسوبيه
مش عايزين ظباط بلطجية
مش عايزين تعذيب في الإقسام
مش عايزين أتاوات
مش عايزين فساد
مش عايزين رشاوي
مش عايزين إعتقالات
مش عايزين تلفيق قضايا

بالذمة دي مطالب واقعية؟ عمركم شوفتوا اضراب في أي بلد محترمة تكون مطالبه بالمنظر ده؟ دا انتوا كأنكم بتقولوا للحكومة احنا مش عايزين منكم حاجة, احنا بنتلكك عشان نقعد ف البيت وخلاص! حد يعمل اضراب ويقول أنا عايز أغير الكون؟ طب ما أكيد ما حدش هيسأل فيك

يا ناااااس يا هوووه.. الاضرابات في العالم كله بتبقى لسبب محدد, وبيكون فيه مطالب محددة واقتراحات واقعية لتنفيذها. انما مش عايزين البلد يتقلب حالها في يوم وليلة, ويلا صحة على تعليم على اسعار على مرتبات على قضايا على فساد على سمك لبن تمر هندي. دا كدة اسمه استهبال. يبقى احنا مش عايزين حاجة تتغير. طب لو الحكومة ما استجابتش, ودا أكيد اللي هيحصل.. هنعمل ايه؟ هنضرب تاني؟ وبعدين؟ نفضل مضربين على طول لغاية لما نموت م الجوع ولا حد يسأل فينا برضه. هو جنان؟

احنا عايزين نضرب زي العالم المتحضر عشان تحصل استجابة لمطالبنا ولا عايزين نبقى همج وخلاص؟ مش نخطط للموضوع صح الأول قبل ما نقول للناس اعلنوا العصيان المدني؟ أيوة دا اسمه عصيان مدني مش اضراب. الاضراب ده بيقوم بيه فئة معينة وبتنظمه نقابات أو مؤسسات للمطالبة بحقوق الفئة دي. لكن الاضراب العام دا اسمه عصيان مدني. ودا المفروض يكون آخر كارت الشعوب تلوح بيه للنظام مش تبتدي بيه؟ احنا كدة بنحرق نفسنا ع الفاضي. بنوصل للحكومة رسالة مضادة. اننا شعب أي كلام ولا عايزين حاجة ولا نعرف نعمل تحرك صح, مش عايزين غير نجعر ونفضفض ونشد شعرنا ونمسح عليهم السيدة وخلاص

خلونا نتكلم بالعقل شوية.. احنا عايزين ايه؟ عايزين نعاقب الحكومة مثلا؟.. عايزين نريحلنا يوم زيادة في البيت؟.. عايزين نعمل دوشة ع الفاضي؟

ولا عايزين حال البلد يتصلح؟.. عايزين النظام يعرف ان فيه حركة شعبية؟.. عايزين نشارك في صنع القرار؟.. عايزين نضغط ضغط مدروس عشان نوصل لنتيجة تحفزنا اننا نستمر ونطالب بحاجات أكتر واحنا عارفين ان هيكون فيه استجابة, بدل ما نروح نخبط راسنا ف الحيط ويجيلنا احباط ونتكلكع زيادة والحكومة هي اللي تشمت فينا؟

الاضراب له قواعد وأصول.. مش فوضى وأي هرتلة وخلاص. لازم يكون فيه تنظيم جيد. لازم نعرف بالظبط احنا هنشارك ليه, وايه اللي ممكن يتحقق من ورا الاضراب ده. لكن مش نمشي كدة ورا أي حد بيقولنا يللا اضراب ونقول هيييييييييييه

الاضراب دا فاشل مع كل أسف. ومعمول لخدمة مصالح ناس معينة, بيستغلوا الحالة اللي وصلنا ليها عشان يضغطوا هما بينا على النظام ويحققوا مصالحهم. قال يعني هما اللي بيحركوا الشارع. شوفوا والنبي مين اللي بيدعوا للاضراب
حزب العمل المصري- الإخوان المسلمين - حزب الكرامه - حزب الوسط - حركة كفاية - حركة موظفي الضرائب العقاريه - عمال غزل المحلة - حركة إداريي وعمال القطاع التعليمي - نقابة المحامين - حركة أستاذه الجامعات

إلا ما فيه حزب منهم عنده برنامج أو تصور لحل مشاكل البلد أصلا.. احزاب متأسلمة (العمل والاخوان) واحزاب الشرشحة من غير فعل الكرامة والوسط).. كلها احزاب تتبع نظام اخربها واقعد على تلها

وبعدين راحوا على الناس اللي فعلا عملوا اضرابات واعتصامات عشان ليهم مطالب محددة. وكلها مطالب مالية.. لا ليها دعوة بصحة ولا تعليم ولا اقسام ولا كرامة المواطن ولا اي حاجة. وقالولهم احنا هنجيبلكم حقكم بس ما تنسوناش.. وطبعا كله على قفا الشعب اللي هيعمل اضراب عشان يطالب باصلاح الكرة الأرضية, وهو مجرد ورقة في لعبة عشان الاحزاب دي تاخد شعبية بين الناس اللي عايزة مرتباتها تزيد واللي عايزة تدخل الكادر الخاص بتاع المعلمين بالعافية

أيوة اديكوا فهمتوا أهوه.. ايوة البلد حالها لا هيتصلح ولا الاضراب ده هيعمل أي حاجة. هنفضل احنا زي ما احنا. احنا مجرد عرايس ماريونيت بيعلبوا بينا الاخوان والمعارضة الحنجورية عشان يكسبوا شعبية بين الموظفين والعمال والاساتذة اللي الحكومة فعلا ابتدت تستجيب لمطالبهم لما عملوا اضرابات واعتصامات بجد. يعني هو هو اسلوب حرامي الحلة بتاع الناس دي. مش هيبطلوا لعبة انهم يكسبوا على قفانا

يا جماعة الاضراب والاعتصام وحتى العصيان المدني له أصول. لازم يكون فيه حركة شعبية بجد, مالهاش أي غرض أو مصالح أو بتتبنى اجندة خاصة. لو عايزين نسترد حقوقنا يبقى لازم نخطط مظبوط لأي تحرك شعبي, ويكون عندنا مطالب محددة, ورؤية واضحة.. بلاش اسلوب البليد اللي لما افتكر يذاكر قعد يقرا الكتاب م الآخر

مولد مجلة مصر الجديدة

2008-03-16T16:13:00.002Z

تعريف بالمجلة

مجلة مصر الجديدة هي مجلة اليكترونية تصدر شهريا, في الخامس العشر من كل شهر. يقوم بتحريرها باقة من ابرز المدونين المصريين والمهتمين بالشأن المصري

المجلة تهدف الي تحليل المشهد المصري الحالي وتقديم رؤية عصرية لكيفية التعامل مع المشاكل التي بيمر بها المجتمع المصري الآن. كما يقوم كل كاتب من كتاب المجلة بطرح وجهة نظره الخاصة واقتراحاته فيما يتعلق بالتغلب على هذه المشاكل وما قد يساهم في تنمية المجتمع وافراده
يعني بالبلدي كدة, لو عايز تعرف ايه مشاكل مصر, وليه, والحل ايه, تعالى كل شهر في نصه بالتمام, واقرا الناس دي بتقول ايه. أكيد هتلاقي حاجات كتيرة تهمك وافكار كتيرة تنفعك

لو انت مصري بتحلم ان مصر تبقى أحسن

لو انتي مصرية عايزة بكرة يبقى اجمل من النهاردة

لو انت عربي ومهتم ان مصر تنهض ويبقالها دور فعال في المنطقة

لو انتي عربية وحاسة ان اللأمل في وطن عربي متطور ومتقدم بيبدأ من مصر

يبقى المجلة دي هي اللي انت وانتي بتدوروا عليه

هتلاقونا دايما معاكم باقتراحاتنا واراءنا وتحليلاتنا ودراساتنا.. كلنا عندنا نفس الحلم.. كلنا بنحب مصر وعايزينها تبقى أم الدنيا بحق وحقيق. عايزينها تطلع من مشاكلها وتقوم من غفلتها وتتقدم بولادها. عايزين بكرة يبقى أحسن للأجيال اللي جاية. عايزين الأطفال بتوع انهاردة يفتخروا بينا وباللي حققه جيلنايلا ايديكم ف ايدينا.. نبني سوا مصر الجديدة

لقراءة أول أعداد المجلة: اضغط هنا

شكر كبير لكل من ساهم في ان تخرج هذه المجلة إلى النور

كلية المتطرفين: دار العلوم سابقا

2008-03-08T16:48:00.004Z

جماعة الأمر بالحجاب والنهى عن التعليم فى دار العلوم

اسماء نصار - هاني الوزيري

سبق أن نبهنا فى «روزاليوسف» من الخطر الكائن فى كلية دار العلوم والتى تحولت إلى بؤرة للتطرف يتصارع فيها السلفيون والإخوان، ويتسابقان فى استقطاب الطلاب والطالبات.. ومع ذلك لم ينتبه أحد! ما توقعناه، حدث بالفعل، فما جرى من اشتباك الطالبات المنتقبات مع طالبتين غير محجبتين لإجبارهما على ارتداء الحجاب سوى شرارة لما حذرنا منه، ويبدو التحقيق التالى أن هناك ما يشبه التواطؤ بين أصحاب الأفكار المتطرفة من الطلاب وأعضاء هيئة التدريس، وهو ما ينذر بكارثة أكبر، وهذه المرة ندق ناقوس الخطر، على أمل أن ينتبه أولو الأمر!

الأجواء السابقة لتلك الأزمة، كانت تنذر بوقوعها بعد تعمد الطالبات المنتقبات فى كلية دار العلوم التعامل بجفاء مع زميلتيهن «نيرفانا هاشم» و«سارة محمد».. - الصف الأول - لأنهما لا ترتديان الحجاب، وأصبحتا فى نظر الطالبات المنتقبات متبرجتين وترتكبان المعصية لمجرد كشف شعرهما، وأنه لا يليق أن تضمهما نفس الكلية! المشكلة تفجرت هذه المرة يوم الاثنين الماضى فى محاضرة د. طه الجندى فى مادة النحو والتى امتلأت بالطلاب والطالبات، وكما هى العادة فى هذه الكلية التى اتخذت من التطرف سبيلا فصل الطالبات عن الطلاب، وكل منهم فى صف منعزل، إلا أن الطالبتين «نيرفانا» و«سارة» جلستا فى الصف الأمامى بجانب الطلاب، مما أثار غضب الطلاب والطالبات المنتمين لجماعة الإخوان : الواقعة كما يرويها د. «طه الجندى» بصفته شاهد عيان وأحد المشاركين فيها أنه أثناء قيامه بإلقاء محاضرته، وصلت إليه ورقة من أحد الطلاب يقول فيها إنه لا يستطيع التركيز والاستيعاب بسبب جلوس زميلتين أمامه. د. «طه» لم يرد عليه وأكمل محاضرته وإذا بورقة أخرى تصله تطلب استبعاد الطالبتين لأنهما مصدر فتنة فى المكان

أستاذ النحو رد هذه المرة قائلا : الطالبتان من المفترض أنهما أختان لكم وأنهما محترمتان وتنصتان للدرس ولا داعى لمثل تلك الأقوال عند ذلك قامت إحدى الطالبتين غير المحجبتين تطلب الاستئذان بالخروج فمنعها الدكتور، وقال إنه قد تكون هناك طالبات متبرجات ومحترمات وطالبات منتقبات ومحجبات ولهن سلوك سيىء! بعد المحاضرة حاصرت الطالبات المنتقبات السلفيات والإخوانيات الطالبتين، وبدأن فى قذفهما بالسب واتهامهما بإثارة الفتنة بين الشباب، وأنهما من «بنات خليعات» ودار شجار طويل بينهن، وقالت الطالبة «أسماء محمود» - منتقبة - لزميلتها «سارة السيد» الطلاب بالكلية يتمسكون بالله وبالدين، وأنت بتبرجك تضيعين عليهم كل هذا، «حرام عليكى اتقى الله»!! وردت «سارة» مدافعة عن نفسها بأنها ترتدى زيا مناسبا ومحترما ولا يظهر منها إلا شعرها! وبعدها انهارت «سارة» وقالت «لسنا حيوانات ونحن فى جامعة وليس فى غابة ومن لا يعجبه يغض من بصره»

الطالبة المنتقبة توجهت للدكتور «طه الجندى» تنهره وتقول له: كيف تدعى أن هناك منتقبات سيئات السلوك، فرد عليها بأن النصيحة يجب أن تكون بالحسنى. الغريب أنه على الرغم من معالجة د. «طه» الموقف بشكل متوازن إلا أنه يرى أن ما فعله الطلاب والطالبات كان من منطلق الإخلاص والغيرة والخوف على طالبة مسلمة غير ملتزمة!! موضحا بقوله : أنه من منطلق خبرتى أعرف أن الجو العام سيفرض على تلك الفتيات ارتداء الحجاب عاجلا أم آجلا لأنهن لن يطقن أن يتجنبهن الطلبة والطالبات بسبب شكلهن الذى لا يعجبهم لأنه لا يتماشى مع ما تعلموه وتربوا عليه!! الطالبة «سارة السيد» والتى أثيرت بسببها الأزمة قالت لنا: إن هذه المشكلة لم تكن الأولى التى تتعرض فيها لتلك المضايقات والتى تجعلها تشعر أنها أقل من زميلاتها، وأنه بسبب ذلك رسبت العام الماضى لما كانت تتعرض له مما جعلها تشعر بكراهيتها للكلية ورفضت أن تذهب إليها، وكانت تذهب فى الامتحانات فقط حتى إنها كانت تفكر أن ترتدى نقابا أثناء ذهابها للجامعة حتى لا يتعرض لها أحد، ولكنها عادت وقررت الامتناع عن الحضور أفضل من مخالفة اعتقادها أن الدين لا يمكن أن يقاس بالحجاب، ورفضت أيضا أن تخضع للقهر، وتضطر لعمل شىء غير مقتنعة به

من المهم أن نشير إلى أن «سارة» طالبة متفوقة فهى خريجة مدرسة الأورمان الثانوية للغات ودخلت الجامعة واختارت كلية دار العلوم، حسب كلامها، وتمنت أن تصبح أستاذة فى الشريعة الإسلامية، وليس لديها مانع أن ترتدى الحجاب إذا درست وفهمت واقتنعت، ولكن هذا الأسلوب لم يترك لها متسعا أو موضعا لحرية الدراسة والفهم والاعتقاد! «سارة» واجهت مرة أخرى نفس الأساليب التى رفضتها العام الماضى، واصطدمت بنفس الأفكار المتطرفة موضحة بقولها هؤلاء البنات لسن يرفضن كشف الشعر فقط، وإنما يعتبرن كل ما فى الأنثى عورة يجب أن تختفى

وأضافت كاشفة: أنها اضطرت للغياب من الجامعة طوال شهر رمضان لأنها خافت أن تتعرض للإيذاء والتجاوزات، ومحاولة الاستقطاب الدائمة لجماعات وتيارات لا ترغب فيها لدرجة أنها أصبحت تعرف السلفيات من لبسهن النقاب الأسود والأخوات المسلمات من خمارهن الطويل والبنات المحجبات العاديات اللاتى يرين أنها خارجة عن الدين يجب الابتعاد عنها وتجنبها! من يعايش قليلا الطلبة والطالبات فى كلية «دار العلوم»، كما لاحظت فى زيارتى هناك يدرك أن هناك حرب استقطاب شرسة بين تيارات إخوانية وسلفية تختلف قليلا فى التفاصيل، ولكنها تتفق تماما فى الرجعية والتطرف، فتأتى مثلا الفتاة السلفية تقول للمتبرجة «لا تسمعى لكلام الإخوانية لأن الإخوان لديهم أخطاء قاتلة فى فهم الشريعة، حيث يبيح الفكر الإخوانى الأغانى والأناشيد فى حين أنه لا يوجد فى الإسلام ما يسمى أناشيد أصلا، فى حين تأتى الطالبة الإخوانية لتحذر المتبرجة من اتباع السلفية لأن فكر الإخوان أكثر رحابة وتسامحا ومع ذلك فإن المرأة عورة

الطالبة الثانية «نرفانا هاشم» التى اشتعلت الأزمة بشأنها هى الأخرى تعرضت لمحاولة استقطاب من قبل الطالبات الإخوانيات لحثها على ارتداء الحجاب، وبالفعل قامت بارتدائه لمدة أسبوعين، ولكنها شعرت بالضيق لأنها مجبرة على الوضع فخلعته مرة أخرى، وهنا عانت الأمرّين حيث تضاعف ذنبها أمام الطلبة والطالبات، وكأنها ارتدت عن الإسلام! قد يكون وصف المعاملة السيئة التى تعرضت لها الطالبتان مبالغا فيه، لذك حرصنا على حضور محاضرة معهما، وأثناء دخول الطالبتين انفجر الطلاب والطالبات بالضحك، وكذلك أستاذ التاريخ الإسلامى والملاحظ أنه أثناء المحاضرة كان هناك الكثير من البنات يتحدثن إلى بعضهن فترك الدكتور الذى وضح من لهجته الاستياء من كل البنات ونادى قائلا : «البنت إللى كاشفة شعرها دى تسكت وإلا هطردها» فى حين طلبت طالبة منتقبة تجلس خلف إحدى البنات غير المحجبات أن تغير موضعها بحجة أنها لا ترى الدكتور، وأثناء نزولنا إلى جامع الكلية، والذى علمنا من مصادرنا أنه أصبح لديه برنامج يومى لدروس طلبة وطالبات الإخوان، حيث مواعيد لدرس الفقه ومواعيد العقيدة وللتنمية البشرية وللتجويد، وهى أنشطة تقوم بها طالبات الإخوان لنشر فكرهم، والتى وضعت عميد الكلية الدكتور «محمد الطويل»، والذى يرفض ما يحدث فى موقف صعب لأنه لا يمكن للرجال الدخول إلى مسجد البنات لمعرفة ما يحدث. وعندما مررت مع الطالبتين غير المحجبتين من أمام مسجد البنات فى اليوم التالى للواقعة تعرفت الطالبتان «سارة» و«نيرفانا» على الطالبات المنتقبات اللاتى تعرضن لهن، ودارت مشاجرة كبيرة بينهن مرة أخرى، وعندما عرفت إحدى الطالبات المنتقبات أنى صديقة لـ«نرفانا» طلبت منى بصوت عالٍ أمام المسجد أن أوصل لها أنهن لن يتركنها تفسد إيمان الشباب وأن دورهن النهى عن المنكر ولن يهدأ لهن بال قبل أن يغيروها، وبعدها أعطتنى مصحفا وقالت لى إنها تتمنى لو زرتهن كثيرا فى كلية دار العلوم. تصرف البنات المنتقبات بدا من منطقة الاستقواء مما دفعنا للحديث مع مزيد من الطلبة لمعرفة ما يجرى داخل الكلية منهم الطالب «أحمد سالم»، والذى قدم نفسه لنا على أساس أنه طالب منتمٍ لجامعة الإخوان، وذلك دون أن أساله عن هويته السياسية، وتكلم بنفس القوة التى تحدثت بها الفتاة المنتقبة، وقال إننا ندرس فى مادة الشريعة أن الحجاب فرض والبنت غير المحجبة تعد شاذة ومخطئة فى حق نفسها، حيث إنها جوهرة لابد أن يُحافظ عليها ولا تكون رخيصة يرى شعرها كل من هب ودب!!

«وأضاف أن هناك خوفا كبيرا من البنت غير المحجبة أن تكون أول من اتبع بدعة اللا حجاب، وتضطر البنات لتقليدها، وهنا يكون حرص من الطالبات الإخوانيات والملتزمات على محاولة جعلها تعدل عما هى عليه حتى لا يقلدها الآخرون، وتحمل هى الوزر الأكبر، أما الشباب فيكون لهم دور آخر، ولكن بشكل غير مباشر، حيث يدخل شباب الإخوان المحاضرات ليتحدثوا عن التبرج وعواقبه ويكون قصد الشباب الفتيات غير المحجبات. أخطر ما قاله الطالب الإخوانى أن الأمر بالمعروف والنهى عن المنكر فرض كفاية إذا لم يقم به أحد فى كلية دار العلوم تكون الكلية بأكملها آثمة ومن لا ينصح البنت غير المحجبة يكون آثما

وفى أثناء حديثه عن الأساتذة كشف تعاطف بعضهم مع الإخوان مثل د. «محمد المنسى» ود. «أحمد يوسف» ود.«محمد غنايم» ود. «عبد الحميد مدكور» ود. «حمدى شاهين» إلا أن منهم من يعد ويخلف، فمثلا حسب كلام الطالب أن «إبراهيم عبد الرحيم» وكيل الكلية وعدهم بأن تكون هناك أسر للإخوان المسلمين. ولكنه يضيق عليهم فى بعض الأحيان بحجة أن الأمر ليس بيديه ولكنها أوامر عليا!! اللافت أن الطلاب يتحدثون عن ذلك وكأنه حق مغتصب منهم، ويعكس السياسة المتبعة مع الإخوان داخل الحرم الجامعى، والتى جعلتهم أقوى من أن يستطيع أحد أن يمنعهم منعا باتا من إزالة ملصقاتهم وإعلاناتهم داخل الجامعة! طالب إخوانى اسمه «عماد» - ولم يكشف عن باقى اسمه اعتبر دار العلوم كلية إسلامية تمنع الطلاب غير المسلمين بالدراسة فيها، وروى واقعة أخرى حيث وجد طالبة غير محجبة تقف مع طالب أمام الكلية، فأمرهما بالكف عن ذلك، وقام بتصعيد الأمر إلى وكيل الكلية، والأخطر أن الطالب الإخوانى يرى ضرورة وجود جماعة أشبه بالأمر بالمعروف والنهى عن المنكر فى الجامعة تقوم بمتابعة الطلبة ولا مانع من الاختلاط الشرعى أى أن يعطى ولد محاضرة للبنت ولكن فى حال إذا وجد طالب جالسا مع طالبة بالساعات أو غيرها تتم معاقبتهما. «عماد» اقترح أن يتولى طلاب من الكلية مسئولية اللجنة التنفيذية، لأنهم يعانون من طريقة نصح زملائهم فى أنهم ليسوا جهة تنفيذية، وتقوم إدارة الكلية بمعاقبتهم، ولولا تعاطف البعض فى إدارة الكلية معهم لوقعوا فى مشاكل كثيرة. أما الطالب «تامر حسن جمال» الذى تواجد فى مقر الإخوان المسلمين بالكلية وصف الفتاة غير المحجبة بأنها مثل «الطعام المكشوف الذى يعف عليه الذباب». وأضاف: لا يوجد فى كل الدفعة أكثر من 3 أو 4 بنات غير محجبات، ومع الصف الرابع يكن قد ارتدين الحجاب جميعهن

نقلا عن روز اليوسف

.............................................................

دا اسمه ايه بالذمة؟

دا مالوش غير اسم واحد.. ارهااااااب. بلاش بقى نضحك على نفسينا ونقول ان مفيش فكر ارهابي ومتطرف في مصر. ويا ريت الناس المتطرفين الظلاميين اللي محموءين أوي بسبب الرسوم الدانماركية يعرفوا انهم هما اللي اساءوا للاسلام ولرسوله قبل أي حد تاني.. هما اللي شوههوا سمعة المسلمين كلهم وخلوا اسم الاسلام مقترن بالعنف والارهاب والتطرف والدم

دول طلبة دول ولا خلية ارهابية؟ وازاي أي جامعة محترمة ف العالم تسمح بالكلام دا داخل الحرم الجامعي؟ دي مهزلة

التواطؤ واضح ومفضوح وريحته بقت تزكم الانوف. منهم لله, سايبين مجموعة من المرضى النفسيين يحتلوا الجامعة بدل ما يترموا ف مستشفى المجانين! والبلد تخرب مش مهم. هو فيه تعليم من أصله؟ ايه يعني لما الاساتذة والطلبة يسلوا وقتهم.. ما هي كدة كدة خربانة. خليهم يقلبوها طالبان عشان يستريحوا. وبكرة يجيبولهم بن لادن يديلهم محاضرات كمان.. ع الأقل الخريجين مش هيعانوا م البطالة, هيجيلهم عقود عمل في افغانستان وباكستان والعراق

الاخوان الخرعين اللي مش منتحرين

2008-02-28T12:28:00.007Z

قياديون في الإخوان: لن نخوض الانتخابات الرئاسية المصرية حتى لو حصلنا على الشروط القانونية

القاهرة: عبد الستار إبراهيم وعبده زينة

بينما أكدت جماعة الإخوان المسلمين في مصر أمس أنها لن تخوض الانتخابات الرئاسية «حتى لو حصلت على النصاب القانوني للترشح قبل عام 2011»، موضحة على لسان نائب مرشدها العام، الدكتور محمد حبيب، أن «ما يهم الإخوان في المرحلة الراهنة هو العمل مع الجماهير لتكون قادرة على التغيير، واختيار من تريده لحكم البلاد بإرادتها»، قال أحد أعضاء كتلتها النيابية في البرلمان، النائب صبري عامر: لا نريد الرئاسة ولسنا مستعدين لها معتبرا من يخوضها «انتحارياً».

وحول التخوف من اقتراب الجماعة من تحقيق ثاني شرط من ثلاثة شروط دستورية للدفع بمرشح لها لخوض أي انتخابات رئاسة مقبلة، حال فوزها بـ140 مقعداً في انتخابات المجالس المحلية المقرر لها شهر أبريل (نيسان) المقبل، قال «عامر» إن الإخوان لن يتقدموا لانتخابات رئاسة الجمهورية، و..«لسنا مستعدين لهذا الأمر، ولا نريده، لأن مَن يتحمل مسؤولية البلد (مصر) في هذا الوضع، يكون منتحراً.... نحن، في هذه الفترة، نقف موقف المعارض المسالم الناصح..».

وعن السبب وراء إعلان الجماعة خوض الانتخابات المحلية إذا كانت لا ترغب في الوصول إلى الحكم، قال «عامر»: «سبب مساهمتنا في الانتخابات المحلية هو لأنه: لا يصح أن نترك الساحة».

ويخوض مرشحو الجماعة الانتخابات تحت لافتة «مرشحون مستقلون». وبدل تعديل دستوري اقترحه الرئيس المصري حسني مبارك عام 2005 وأُقرَّ في استفتاء عام، طرح نظام اختيار رئيس للبلاد من الاستفتاء على اسم واحد يختاره البرلمان، إلى المنافسة في انتخابات عامة من بين أكثر من مرشح. لكن جماعة الإخوان، التي لم توافق على صياغة التعديل في حينه، قالت إنه (التعديل) يضع شروطاً صعبة أمام المرشحين المستقلين الذين قد يرغبون في التقدم للمنافسة على منصب رئيس الدولة. وبحسب التعديل الدستوري فإن الإخوان، الذين فازوا بـ88 مقعداً في مجلس الشعب (المجلس الأول في البرلمان) الحالي يحتاجون، على الأقل، إلى تزكية من 140 من أعضاء المجالس المحلية في 10 محافظات (قد يحصلون عليها في انتخابات أبريل المقبل)، و25 عضواً بمجلس الشورى (المجلس الثاني في البرلمان، ولا يوجد لهم أي نائب فيه، وانتخاباته المقبلة عام 2010)، و65 عضواً في مجلس الشعب (وهو شرط متحقق حتى الآن).

نقلا عن جريدة الشرق الأوسط

.............................................

الله يخيبكوا يا بعدا! لما انتوا مش قد المسئولية وعارفين انكم متقدروش تصلحوا حال البلد ولا زفت, قارفينا ليه معاكم وعمالين تتكلموا عن حال البلد والديموقراطية والاصلاح والاسلام هو الحل والحجاب هو الحل لغاية ما طهقطونا في عيشتنا؟

نعم يا خويا؟ دوركم تقفوا موقف الناصح ولا موقف أحمد حلمي؟ إيه النطاعة دي؟ ناصح ايه؟ هتنصحوا مين ان شاء الله؟ تنصحونا احنا ولا تنصحوا النظام؟

آه يا شوية مرتزقة يا بتوع التلت الورقات.. منكم لله.. بوظتوا السياسة وبوظتوا الدين وبوظتوا سمعة المصريين

لما انتوا معندكوش حاجة تعملوها, ومستصعبين مشاكل البلد أوي وعارفين انكم ما تقدروش تحلوا حاجة.. لأ وكمان بالنسبالكم تحمل مسئولية مصر دا عمل انتحاري!!.. قارفينا ليه وداوشين دماغنا ليل نهار؟ طلعنا احنا اللي شعب وحش واخلاقه فاسدة ومش عارفين دينا ف الأخر؟ وانتوا بقى اولياء الله الصالحين؟ انتوا بقى الخلفاء غير الراشدين؟ تقعدوا توعظوا فينا وتفرقوا بينا بالفلاية بتاعتكم وخلاص؟ دا اللي ربنا قدركوا عليه؟

طب لما مسؤلية مصر صعبة أوي عليكم وعمل انتحاري, وانتوا طبعا خايفين على نفسكوا يا أمامير يا ننوس عين مامتك منك ليه.. أمال مين الانتحاري اللي هيتحمل مسؤلية البلد؟ أروح أنا طيب؟ هتسيبوني طيب؟ ولا هطلعوني كافرة وفاسدة ومنحلة وانتوا قعدين على دكة المتفرجين عشان تنصحوني يا حلوين؟

يخرب بيت كدة.. ويخرب بيت أبو الزمن الاسود اللي خلاكوا تتنططوا على رقبينا. دا ايه الهم دا يا ربي؟ فيه كدة ف الدنيا بالذمة؟ ناس متخاذلة وجبانة وقمة ف الانانية والاستغلال اللي ربنا خلقه, ويقولولك احنا المسلمين ومفيش مسلمين غيرنا.. اوعى يا كافر منك ليه عشان نحكمكم.. يلا ادونا اصواتكم يا بقر ف مجلس الشعب والمحليات والنقابات عشان نلبسكوا السلطانية ف الاخر ونطلعلكوا لسانا. صحيح ان لم تستح فافعل ما شئت. هأقول ايه؟ هي الندالة طبعكم ولا هتشتروه؟ دي ف دمكم لمؤاخذة

ما تتركوا الساحة للي قلبه ع البلد ومستعد ينتحر عشانها يا خرع منك له؟ ما تخلوا عندكوا شوية دم وتبطلوا مزايدة فارغة واستغلال للدين ياللي بتاكلوا على كل الموائد.. إشي تمويل بالجنيه, وإشي تمويل بالريال, وإشي تمويل بالدولار

دول عاملين فورتينة مع النظام كجزء من تسليك حالهم. اسمهم المفروض يكون "الاخوان المنتفعون".. عايزين أي حاجة يطلعوا بيها والسلام. عاملين زي الجراد. تمويل وتبرعات بالجنيه من الداخل, رضا.. تمويل بالريالات, قشطة.. تمويل بالدولارات, معدن.. امتيازات وتسهيلات من الحكومة, وماله.. صفقات واتفاقات مع النظام, عز الطلب.. صفقات مع المعارضة, ما يضرش.. شغل جلا جلا على المنظمات الدولية, يا عيني عليه.. واللستة طويلة, وأهو كله سبوبة ومصلحة

نفسي افهم السيد عاكف دا بيجيب بدله الشيك دي منين؟ هو البعيد بيشتغل ايه؟ يعني بياخد مرتب كام؟ ومنين؟ وف مقابل ايه؟ ف مقابل انه يعمل مؤمرات يعني ولا انه يطلع يغني علينا ف الفضائيات كل شوية؟ بجد عايزة اعرف ازاي الناس مش شايفة ان الجماعة المحظوظة دي عبارة عن عصابة؟ يعني غسيل الاموال اللي بيعملوه ده كله مش ممكن هيغسل كل فلوسهم اللي معروف مصدرها كويس. واضح للأعمى حتى ان الفلوس اكتر بكتير من المصادر المعلن عنها. دول كانوا عاملين مؤتمر صحفي ولا بتاع البيت الابيض. وكلهم لابسين بدل مستوردة ونضارات فيليب شاريول وسبح باحجار كريمة ما شاء الله. طب منين كل ده؟

وبعد كدة يقولولك يا حرام دول بيعتقلونا, دا احنا مدتهدين. طب يا ربت نبقى احنا كمان مضطهدين لو الاضطهاد بيجيب دا كله. حد طايل؟ وف الاخر نسلت ايدينا ونقول "لا يا عم, مسؤلية مين؟ دا احنا حلوين أوي كدة بالصلاة ع النبي.. خلينا نتفرج واللي يعمل حاجة مش عاجبانا نحدفه بالأوطة" دا ايه الهنا اللي انتوا فيه ده؟

المشكلة ان الواحد عنده ضمير ويعرف ربنا بجد.. بالكم لو أنا من بتوع الدجل والهجص والضحك ع الدقون, كان زماني بقيت قائدة الأخوات عندكم. السبوبة اصلها كبيرة أوي والواحد حالته ضنك اليومين دول. ما تشوفولنا شغلانة عندكم بس ما يكونش فيها حاجة تغضب ربنا؟ ولا حتى لو فيها, ما انتوا هتطلعوا فتوى تخليها حلال. انتوا هتغلبوا يعني؟

وسلام كبير أوي لعكفكف شيخ المنصر.. تا تاتا ترارتا تاتا

اقلعلك عين وتقلعيلي عين.. ونعيش عور احنا الاتنين

2008-02-24T09:50:00.011Z

أنا اتفرجت على فيلم عنترة ابن شداد يجي خمسين مرة, ودا يرجع لعشق والدي لهذا الفيلم. من صغري وانا بتفرج ع الفيلم باشوف عنترة, اللي عرفت بعد كدة انه ممثل واسمه فريد شوقي بس كان داهن جسمه اسود. وكنت معجبة جدا بشجاعته وحبه لعبلة. بس اللي كان مجنني ف الفيلم هو شيبوب. شيبوب كان أخو عنتر ف الفيلم وكان بيحب يعزف ع الربابة ويغني.. لغاية هنا مافيش مشكلة. لكن اللي كان محيرني أوي ان شيبوب رغم انه واد رومانسي وحبيب زي عنتر, إلا انه لما كان يحب يغازل واحدة يخش عليها بجملة غزل غريبة جدا. كانت لما واحدة تعجبه يروح داخل عليها برقة وخفة دم كدة و يقولها بكل ثقة: "تيجي اقلعلك عين و انتي تقلعيلي عين ونعيش عور احنا الاتنين؟"! غريبة دي.. مش كدة؟

طبعا البنت كانت تسمع الكلمتين دول وتبصله كدة كأنها بتقوله "يا سم" وتطنشه. طبيعي يعني, امال هو فاكر ايه؟ فيه واحد يغازل واحدة كدة؟ بس ليه شيبوب الرومانسي اللي بيحب المغنى وبيألف اغاني جميلة وفيها حرفية عالية, يقول كلام زي الدبش كدة؟ يعني شوف مثلا لما حب يبشر عبلة (اللي استعبدوها عشان مارضيتش تتجوز الامير) ان عنتر حبيبها جاي وجايب معاه الجمال الحمر, قال ايه؟ "ألا يا حامل الجرة.. جميع اخبارنا سارة.. وجايبين الجمال حمرة.. لاحبابنا واهالينا". معقولة شيبوب الفنان ده, يقول اقلعلك عين وانتي تقلعيلي عين؟ .. هو الصراحة كان دمه خفيف ما انكرش, بس لو حد قالي كدة اكيد يعني هاقوله انت اهبل ولا شكلك كدة؟

المهم تروح السنين وتيجي السنين, واذ فجأتن ألاقيلك عمك شيبوب بتاع اقلعلك عين ونعيش عور احنا الاتنين دا موجود فعلا ف الدنيا. قابلته وجها لوجه, ومش مرة واحدة.. لأ.. كذا مرة. انا الاول ما كنتش فاهمة. كنت الاقي واحد كدة بيجر شكلي من غير داعي وبيستفزني من غير سبب. يا عم هو حد داسلك على ديل؟ انت بتعمل كدة ليه؟.. وبعدين ولاد الحلال رسوني ع الدور.. قالولي دا فلان دا شكله معجب بيكي وعايز يلفت نظرك! رحت أنا قولت "آه.. على طريقة شيبوب يعني".. طبعا ما حدش فهم أنا قصدي ايه. بس أنا ساعتها عرفت ان السلوك اللي يبان غير مبرر لازم يكون وراه سبب

زي بالظبط الناس اللي بتيجي تجر شكل البنات ف المدونات الحريمي.. تلاقي واحد هوايته التعليق على مدونات البنات. والبنت من دول يا عيني تلاقي واحد لا تعرفه ولا يعرفها وعمال يتبلى عليها ويقولها كلام هي ما قالتوش, أو يفسر كلامها تفسير غريب كدة عن طريق رأس الرجاء الصالح عشان يطلعها غلطانة وخلاص. أو تلاقي واحد مثلا عايز يسأل سؤال بس الجلالة واخداه, فيروح مخبط ويقوللها "تلاقيكي مش عارفة كذا". المفروض طبعا بعقلية شيبوب انها هتنهار بقى ويحصلها عملية استنفار وتستموت في انها تثبت انها عارفة الشيء الفلاني. دا على اساس ان أي واحدة هي عبارة عن عيلة بضفاير بتلعب الأولى ف الشارع

المهم الموضوع دا ابتدا معايا أنا شخصيا من أول ما ابتديت ادون خالص واكتشفت أنه متكرر على معظم مدونات البنات. زي مثلا انك تكتبي تعليق عادي خالص عند حد, فتلاقي واحد داخل يعلق على تعليقك انتي ويطلع فيه القطط الفاطسة عشان يجر شكلك. وبعدين تلاقيه داخل عندك على مدونتك وسايبلك تعليق غريب كدة, تقريبا على كلام تاني انتي ماكتبتيهوش. أنا لما حصلت الحكاية دي معايا ما حطتش ف بالي ف الأول, بس لما الموضوع اتكرر, قولت لأ بأة. هي موضة ولا إيه؟ لما أروح أشوف كدة هما بيردوا على المدونات الرجالي ازاي. وخير اللهم اجعله خير الاقيهم بيتكلموا مع الرجالة بمنتهى الأدب والاحترام. حتى لما يختلفوا معاهم يختلفوا بأسلوب تاني خالص. ولو اتريقوا أو قالوا حاجة ماتصحش, برضه بيبقى ف حدود.. مفيش نظام الاتهامات والتخبيط والتلكيك وقلة الأدب اللي بتحصل لما بيكتبوا لواحدة ست.. أو بمعنى أوضح بنت. ما هو أنا لو قولت اني متجوزة وعندي عيال مثلا, المعاملة هتختلف. لان المدونة اللي قايلة انها متجوزة بيحترموها حتى لو اختلفوا فعلا معاها, ولو حتى قالت ريان يا فجل يقولوها "يا سلام. ايه العظمة دي؟" طب ما اللي بيعاكسني ده عمره ما هيعرف أنا متجوزة ولا لأ.. يبقى ليه الاسلوب بيتغير حسب الحالة الاجتماعية للست يعني؟

بس ان عرف السبب بطل العجب.. افتكرت طريقة شيبوب ف المغازلة. خصوصا لما كذا واحد منهم كان مصر بعد كل الخناق والبهدلة اللي بهدلهالي انه يقابلني!.. نعم؟ بقى انت مطلعني اسوأ واحدة ف الدنيا, وبعدين عايزنا نتقابل ونبقى صحاب؟ طب مش خايف على نفسك من الفتنة يا أخي؟ مش خايف من أصحاب السوء اللي زي حالاتي لحسن يفسدوا اخلاقك؟ عايز تعرفني ليه انشاء الله؟ طب وازاي يعني نبقى صحاب بعد ما قليت ادبك عليا وغلطت فيا وف عقيدتي وف اخلاقي كمان؟ يعني ما ينفعشي يا كابتن. لو اللي بيتكلم مجنون ف المستمع عاقل. ولما تلاقيني واحدة محترمة ومهذبة وصريحة وأقولك عيب ما يصحش وكلامك غلط, المفروض تفهم اني واحدة بنت بلد وحرة ومش على راسي بطحة. يعني بالذوق كدة يا تحسن اسلوبك ف الكلام يا انت ف حالك وانا حالي وتفارقني من سكات. لكن الالحاح الرهيب انك تيجي برضه وتقل ادبك.. سوري يعني, دي مش شهامة ولا رجولة ولا ممكن الاسلوب دا هيوصلك لحاجة يا ابو الكباتن

النظام التصادمي بتاع شيبوب دا ممكن كان ينفع من ألف سنة ف الصحرا, لما كانت القبايل بتهجم على بعض ويروحوا خاطفين ستات القبيلة بالعافية. لكن دلوقتي ما ينفعش نظام تدبحلي القطة فاخاف واكش واحس برجولتك. لأ دلوقتي الموضوع مش بالعضلات ولا طول اللسان, الموضوع بالعقل. والبنت زيها زيك. انسانة. ما ينفعشي تيجي تقتحم بيتها وتشيلها على كتفك وتجري. وما ينفعش تستعرض عضلاتك عليها عشان ترهبها. السيناريو القديم اللي في دماغك بتاع "دي طلعت ولا نزلت اخرها بنت", يا ريت تشيله من دماغك خالص وترميه على باب المدونة وانت داخل. انا بنت صحيح بس بمليون راجل بعون الله. وما اسمحش حد يغلط فيا ولا يقل ادبه عليا ولا يتبلي عليا بالكدب. هي مش سبهللة

وبدل ما اقلعلك عين وانت تقلعلي عين, ما نعيش مفتحين احنا الاتنين يا عم! هو لازم التصادم الدموي دا؟ ما الكلمة الطيبة صدقة وعربون محبة برضه. يعني ما نتفاهم احسن ونحترم بعض. ازاي اتنين خزأوا عنين بعض هيعرفوا يتفاهموا يعني؟ واحد قلعلي عيني, هاستفيد ايه انا لما اقلعله عينه ولا عينيه الاتنين حتى؟ سيبك من حكاية اننا نتعايش مع بعض خالص.. لأ برضه مش خالصين, لان البادي أظلم. ولاني عمري ما هابتدي واروح لحد اقلع عينه, ف كدة مش عدل. لازم شوية كياسة.. شوية حساسة.. شوية مفهومية. خصوصا انها مش هترسي على اننا نعيش عور احنا الاتنين. لأ, هتاخد شلوت يطيرك فوق برج القاهرة. وانت عارف بقى اللي فوق برج القاهرة. يعني انت اللي مش هتنفع بعدها

الله يرحمك يا شيبوب, بوظت دماغ الرجالة. ما كنت اتعلم من اخوك عنتر. بلاش يا عم تبقى شجاع وقوي زيه, كنت اتعلم من شعره وجمال الفاظه. الله يسامحك يا عم.. فضلت انت بعنيك الاتنين وشغلتلنا مكن تقوير عينين. قال نعيش عور احنا الاتنين! لأ يا عم.. يفتح الله

طنط فانتا, هو يعني ايه علمانية؟

2008-02-13T12:50:00.003Z

ازيكم يا حبايب.. بعد فرحتي معاكم بفوز منتخبنا القومي وحصوله على كاس الامم الافريقية, قولت أخد اجازة من الهم اللي انا فيه.. قولت اروح ازور واحدة صاحبتي وزميلتي ف الشغل بقالي كتير ما زورتهاش.. والصراحة كانت وحشاني القهوة بتاعتها وحكايتها.. لكن لقيت الهم والغم بيجروا ورايا برضه.. الست بخير الحمد لله, وقضينا وقت جميل خلصنا فيه كل الكلام اللي كنا محوشينه.. بس يا خسارة, الحلو ما يكملش

صاحبتي عندها طفلين, كريم ومريم.. كريم دلوقتي ف اولى اعدادي, ومريم ف أولي ابتدائي.. قعدت يا عيني تشتكيلي من المناهج الصعبة والهوم وورك اللي ما بيخلصش. أنا الصراحة سعيدة اني فلت من نظام التعليم بتاع دلوقتي ده.. مع ان على ايامي كان التعليم زفت برضه.. لكن زفت عن زفت يفرق كتير. هيهات بين الزفت اللي كان على ايامنا والزفت بتاع دلوقتي

ما علينا.. كريم بقى واد لمض وزي العسل.. بيحبني موت وبيسمع كلامي دايما عشان بديله برستيجه.. كان مبسوط أوي اني اخيرا جيت زورتهم بعد فترة طويلة من اخر زيارة. المهم كنت قاعدة بتكلم مع ام كريم, وكريم كان قاعد ف اوضته وطالع عينه ف الواجب.. مامته انتهزتها فرصة وقالتله لما تخلص الواجب هخليك تقعد براحتك مع طنط فانتا تحكيلها كل اللي نفسك فيه. الولد طبعا زي كل الاطفال المصريين الاذكيا, طالع اروبة من يومه.. معلم ف فنون التزويغ.. كان كل شوية يعمل نفسه رايح يشرب أو داخل الحمام عشان يرمي ودن ويعرف احنا بنرغي ف ايه.. وبعدين فجأة لقيته جاي من قدام التلاجة وازازة الميه ف ايده, وراح قايلي "طنط فانتا, هو يعني ايه علماني ملحد؟".. انا طبعا ذهلت, وحسيت اني من شدة الصدمة حواجبي طارت وطلعت على جبيني زي بتوع افلام الكرتون

وقت ما كريم قاطعنا كنت بتكلم مع مامته عن العلمانية ف العالم العربي, وازاي ان حملة التشويه اللي بيشنها التأسلم السياسي بتخدع ناس كتير.. لدرجة ان واحدة قريبتي قالتلي "يا فانتا بطلي تصرحي بانك علمانية, انتي مش ناقصة وجع دماغ"! كأن العلمانية دي حاجة عيب أو مشينة

الولد أول ما سمع الكلمة ما قدرش يقاوم رغبته انه يسألني.. بس السؤال هو اللي خوفني وجابلي صدمة فظيعة.. ومين اللي بيقول كدة؟ كريم؟ ماله هو ومال العلمانية؟ دا واد عنده 11 سنة.. انا لما كنت ف سنه ولا كنت اعرف ان فيه حاجة اسمها علمانية من اصله! ومين اللي اتكلم مع الولد ف موضوع زي ده؟ وكمان يقوله "علماني ملحد"؟ لأ . جامدة أوي دي.. جديدة عليا.. لكن لما استرديت الوعي, قولت يا بت خليكي كوووووول.. عادي يعني, مفيش مشكلة, كويس ان الولد بيسأل وعايز يعرف.. قولتله, يا كريم يا حبيبي العلماني حاجة والملحد حاجة تانية.. انت سمعت الكلمة دي فين؟

كريم: عمر زميلي ف المدرسة هو اللي قالهالي

طبعا ام كريم خدت وقت أطول عشان تستوعب الموقف.. سألته, "ولما قالك كدة ما جيتشي قولتلي ليه؟ اشمعنا طنط فانتا اللي بتسألها؟" الولد قال بمنتهى الصراحة "أصل طنط فانتا دايما بتجاوبني على كل الاسئلة اللي بسألها, ومش بتضحك عليا

ابتسمت لأم كريم وسألته سؤال عشان اشاكسها شوية: "امال ماما بتعمل ايه لما بتسألها على حاجة يا كيمو؟".. قالي " ولا حاجة, بتتوه الموضوع وتقولي نبقى نتكلم ف الموضوع دا بعدين.. وبعدين دا عمره ما بيجي".. طبعا الست ام كريم وشها جاب ألوان و راحت زغراله وقالتله "ولد! أنا برضه بعمل كدة؟".. هديتها وقولتلها الولد بينقدك نقد بناء.. اسمعيه وشوفي الموضوع من وجهة نظره. هو شايف انك بتهربي من انك تجاوبي عليه, فلا يمكن هيقتنع ان دا مش صحيح الا لو فعلا جاوبتيه على اسئلته

المهم قولتلها روحي اعمليلنا دور شاي وسبيني اتكلم مع كريم شوية.. وبعد السؤال عن احواله والمدرسة والنادي.. قولتله يحكيلي موضوع عمر دا بالتفصيل.. والصراحة اللي قاله الولد يخلي الجنين يشيب ف بطن امه

كريم: اصل عمر باباه قاله ان المسلم مش لازم يصاحب غير المسلم اللي زيه.. وقاله كمان ولا حتى يصاحب ولد باباه علماني ملحد

أنا: وعمر بقى فاهم يعني ايه علماني ويعني ايه ملحد؟

كريم: لأ.. هو فاهم ان ملحد معناها كافر.. مش مؤمن بربنا.. لكن مش عارف يعني ايه علماني ملحد

أنا: طيب هو كان بيقولك الكلام ده بمناسبة ايه؟

كريم: عشان رفيق صاحبي كان بيعزمني على عيد ميلاده

أنا: ورفيق صاحبك دا مسيحي؟

كريم: أيوة.. بصي يا طنط أنا عارف كويس ان كلام بابا عمر غلط.. بس طبعا مقدرشي أقول له كدة.. أنا بس عايز اعرف معني علماني ملحد دي

أنا: برافو عليك يا كريم.. كدة انت عملت الصح, ما عارضتش صاحبك وانتهزت الفرصة عشان تسأل حد كبير. ربنا يحميك يا حبيبي

أم كريم: هاه؟ وصلتوا لغاية فين؟

أنا: انتي لحقتي تعلقي ع الشاي؟ أقولك؟ ما تعمليلنا كيكة جنب الشاي؟

أم كريم: ماشي يا فانتا.. معلش ما هو الباشا الغلباوي دا لازم يتعب الناس معاه

أنا: مفيش تعب ولا حاجة.. كريم ولد ممتاز وانا مبسوطة من اللي بيعمله ده.. يا شيخة دا ولد عبقري, انتي بس اللي مش عارفة قيمته. شوف يا كريم.. انت عارف ان دلوقتي مفيش حاجة اسمها كفار بيعادوا المسلمين صح؟

كريم: صح.. الكفار دول كانوا زمان ايام الجاهلية

أنا: تمام كدة.. احنا دلوقتي مسلمين ومسيحيين.. وف بلاد تانية فيه ناس بتؤمن بديانات تانية كمان.. زي اليهود والبوذيين والهندوس وغيرهم.. وفيه ناس برضه اختاروا انهم ما يؤمنوش بالديانات كلها.. دول بقى يا حبيبي مش بيعادوا المسلمين أو اصحاب الديانات التانية زي الكفار بتوع الجاهلية.. الحروب دلوقتي بتحصل بين دول مش بين اديان.. يعني هما مجرد ناس مش مقتنعة بالانتماء لدين محدد

كريم: اللي كدة بقى, يبقى ملحد؟

أنا: أيوة يا كريم. لكن مش لازم يا حبيبي عشان هو ملحد يكون علماني.. العلمانية دي فكرة سياسية, ملهاش دعوة بالاديان.. يعني ممكن يكون فيه ملحد يميني أو يساري أو مش منتمي لتيار سياسي من اصله.. مش انت تسمع عن حاجة اسمها حزب سياسي.. زي الحزب الجمهوري والديمقراطي ف امريكا؟

كريم : أيوة.. اوباما وهيلاري كلينتون

أنا: ايه الشطارة دي؟ برافو عليك.. لكن اوباما وهيلاري الاتنين من حزب واحد, وهيختاروا منهم واحد بس يترشح للرياسة قدام مرشح من الحزب الجمهوري, غالبا هيكون اسمه ماكين.. لكن هل دا ليه علاقة هما دينهم ايه؟

كريم: لأ.. مش الناس بتنتخب الاحسن ف شغله؟

أنا: يا ريت انتوا اللي تمشوا العالم يا ابني, كان زمانه بقى حاجة تانية. ع العموم هو حاجة زي كدة.. السياسة حاجة والدين حاجة تانية

كريم: طيب ليه بابا عمر قال ان العلماني ملحد؟ هو مش عارف الكلام دا يا طنط؟

أنا: لأ يا حبيبي باين عليه مش عارف.. باين عليه عمره ما شاف علمانيين ف الحقيقة. وبعدين دا بيقول لعمر ما يصاحبش مسيحيين يا كريم. انت يرضيك كدة؟

كريم: لأ طبعا ما يرضينيش.. هو احنا مالنا؟ احنا بنروح الجامع وصحابنا المسيحيين بيروحوا الكنيسة.. لكن ف المدرسة وف الحوش كلنا بنكون مع بعض وكلنا اخوات

أنا: الله عليك يا ابني.. سامعة يا أم كريم؟ انتي ربيتي راجل لازم تفتخري بيه

أم كريم: طبعا يا بنتي.. دي تربية ايديا وحياة عينيا. بس الواد دا لو يبطل لماضة وافترا! دا انا بالي طويل معاه موت

أنا: أكيد يا ست الكل.. من غير ما تقولي.. بس ابنك ناصح من يومه وعنده فضول كبير.. لازم تطولي بالك اكتر معاه.. الكلام دا أهم من المذاكرة.. هي المذاكرة هتطير يعني؟

كريم: طنط فانتا, هو يعني ايه علمانية؟

أنا: العلمانية يا كريم هي ان سياسة البلد تتحدد على اساس ان اهل البلد يكون كلهم ليهم نفس الحقوق وعليهم نفس الواجبات, بصرف النظر دينهم ايه. يعني انتوا ف الفصل مش كلكم بتدرسوا نفس المنهج وبتاخدوا نفس الواجب وتمتحنوا نفس الامتحانات؟ هل تفرق انت مسلم ولا مسيحي؟

كريم: لأ.. تفرق بس ف حصة الدين, وف امتحان الدين بيخلوا المسيحي يرفع ايده عشان يدوله ورقة الاسئلة بتاعة الدين المسيحي

أنا: تمام كدة.. يعني فيه فصل بين الدين وبين المواد التانية.. يعني لو بتمتحنوا امتحان حساب أو عربي, حد بيقول للطالب المسيحي يرفع ايده؟ هل اللي بيوزع الورق مهتم يعرف مين فيكم المسلم ومين المسيحي؟

كريم: لأ طبعا.. مال الحساب ومال الدين؟ الحساب حساب.. ما تفرقش يعني.. يخللوا المسيحي يرفع ايده ليه؟

أنا: أهي هي العلمانية كدة يا كريم.. زيها زي الحساب.. واحد زائد واحد يساوي اتنين. مالهاش دعوة الناس اللي ف البلد ديانتهم ايه, عشان اهل مصر كلهم مصريين.. ليهم نفس الحقوق وعليهم نفس الواجبات.. لكن دينهم دا اللي هيحاسبهم عليه ربنا وبس

كريم: يعني انا لو موافق ع الكلام دا أكون علماني؟

أنا: لأ يا حبيبي انت لسة بدري عليك لما تقول علماني ومش علماني.. لكن تقدر تقول ان كل الكبار اللي موافقين ع المباديء دي اسمهم علمانيين.. يعني أنا علمانية, وماما وبابا علمانيين.. وف نفس الوقت احنا مسلمين ومؤمنين وملتزمين.. كل المسلمين بيصلوا ويصوموا زي بعض, بغض النظر هما علمانيين ولا لأ

كريم: طيب ليه بابا عمر قاله كدة يا طنط؟ ليه مش عايزه يصاحب مسيحيين وعلمانيين؟ مش دا حرام عليه؟

أنا: مش عارفة أقولك ايه يا كريم.. بس انت اكيد شوفت ناس كبار بتفكر غلط أو بتعمل تصرفات غلط.. مش كل الكبار عندهم نفس المعرفة يا حبيبي. وبابا عمر فاكر انه كدة بيعمل حاجة كويسة, يعني نيته مش وحشة.. لكن طبعا اللي بيعلمه لابنه دا غلط

كريم: طيب ما تروحي تتكلمي معاه يا طنط فانتا.. ممكن يقتنع انه غلطان ويعرف انه فاهم غلط

أنا: ...... ازاي يعني اتدخل ف حياة الناس يا كريم؟ اروح اكلمه بصفتي ايه؟ وبعدين مفيش داعي تعمل مشاكل مع صاحبك

كريم: بس يا طنط هنسيب عمر كدة؟ يعني لو انا سكت ما هو هيفضل مصدق كلام بباه. يا طنط طيب قولي لماما تروح تكلم مامته

أنا: آخ بقى.. ابتدينا التدبيس. طب ماما تعرف مامته؟

كريم: أيوة.. مامته تبقى مس صفاء, مدرسة العربي

وهنا بقى بلمت.. ماعرفتش أعمل ايه.. وحواجبي اتشعلقوا ف الهوا اصلا.. مدرسة العربي ابنها مش بيصاحب اطفال مسيحيين؟!! يا نهار اسود! طب ازاي يعني؟ يا أم كريم.. تعالي يا ختي.. أنا بايني هاقع من طولي. شوفي يا ختي المصايب اللي نازلة ترف علينا. الله يكون ف عونك يا حبيبتي.. دي مصيبة ايه السودة دي؟ يادي النيلة ع المدارس واللي فيها.. دا الواحد يعلم عياله ف البيت احسن