Thursday, January 17

السقوط ف البرطمان الأوروبي


يا حلاوة يا ولاد! دا البرلمان الأوروبي طلع جامد أوي, وقلبه على حقوق الانسان أوي! إيه الاهتمام المفاجيء دا بمصر؟ اللهم أجعله خير. هو البرطمان فاضي قالوا يملوه بأي حاجة ولا إيه؟

بصوا بقى على بلاطة كدة.. أنا أشتم وأهزأ وأنتقد في حقوق الانسان في بلدي زي ما أنا عايزة. لكن لمؤاخذة مش مستنية سي البرطمان الأوروبي يحارب مكاني علشان حقوق الانسان في بلدي. معلش دي طلعت أوت. الظاهر نسيوا يألوظوا غطى البرطمان كويس.. منعطلكوش يا أمامير.. انتوا نسيتوا ان اللي كشف الانتهاكات دي وعرضها على الرأي العام هما المواطنين المصريين؟ انتوا لمؤاخذة جايين تاخدوا الكورة من رجلينا وأحنا منفردين قدام الشبكة علشان تجيبوا جون ع الماشي؟ انتوا مش عارفين ان المدونين المصريين هما اللي تعبوا وطلعت عينهم علشان يثبتوا انتهاكات حقوق الانسان اللي انتوا بسلامتكم جايين تتكلموا عنها دلوقتي؟

إيه؟ انتوا كنتوا نايمين ولا إيه؟ ولا الأعضاء بتوع البرلمان الأوروبي بسلامته برضوا بيروحوا علشان يناموا ف المجلس؟ هو جرى إيه ف الدنيا يا ولاد؟ إلا ما سمعنالهم حس لما كان مفيش حاجة اسمها حقوق انسان في مصر من أصله! إلا ما كلفوا خاطرهم يقولوا كلمة واحدة توحد ربنا وهما شايفين انتهاكات حقوق الانسان عيني عينك.. إلا ما شفناهم مرة بيدينوا أي ظلم عندنا؟

إيه اللي اتغير بقى؟ هو بعد ما بقى عندنا منظمات حقوق انسان, ومركز قومي لحقوق الانسان, وجمعيات مجتمع مدني بتشتغل في مجال تحسين حقوق الانسان, جايين دلوقتي محموءين أوي؟ كنتوا فين قبل كدة يا حلوين؟ مساء الفل يا برطمان. سلامات يا برطمان. ولله وفضحت نفسك يا برطمان! وفضحت ناس تانية معاك ف السكة

معلش يا جماعة.. دخلت ف الموضوع دوغري من غير مقدمات.. بس أصلها حاجة تحرق الدم. الواحد مش عارف يلاقيها منين ولا منين.. من البرطمان الأوروبي, ولا من الصهاينة, ولا من اللي بالي بالك

الموضوع وما فيه إن البشوات بتوع البرلمان الأوروبي قال إذ فجأتن اكتشفوا ان وضع حقوق الانسان في مصر مش ولابد. فراحوا امبارح عاملين قرار يدين وضع حقوق الانسان في مصر, وعرضوه للتصويت انهاردة.. قوم خير يا ولاد, الجلسة حضرها 59 عضو من 785! 52 منهم صوتوا لتأييد القرار, و7 خلوا عند أهلهم دم وامتنعوا عن التصويت! يعني مفيش ولا نفر واحد قال لأ. شوفتوا الديموقراطية حلوة إزاي؟

أنا طبعا برج من نافوخي كان هيطير! إيه التوقيت الغريب ده؟ إشمعزا يعني؟ ماحنا بقالنا ميت سنة بنلالي ومحدش سأل فينا! وكان الوضع أنيل بكتير من دلوقتي. يعني أول مرة نشوف ضابط بيتحاكم بتهمة تعذيب مواطن. لأ والمعجزة إنه طلع مدان وفعلا اتحكم عليه بالسجن! طيب لما كان موضوع التعذيب دا شيء مسلم بيه ف الاقسام, الباشا البرطمان كان فين؟ قبل ما المدونين المصريين يصوروا الانتهاكات اللي بتحصل ويكتبوا عنها ويعملوا حملات ضد التعذيب والتمييز على أساس ديني وحقوق المرأة وكل دا, كانوا البهوات فين؟ ما طول عمرهم عارفين اللي بيحصل. وطول عمرهم ودن من طين وودن من عجين. وكل تقارير حقوق الانسان كانت بتقول نفس الكلام. والمراقبين الدوليين برضه بيقولوا حقوق الانسان ف مصر زي الزفت. إيه اللي جد؟

اللي جد ان اسرائيل غضبانة على مصر.. خلينا نتكلم على بلاطة.. أصل السكوت والتلميحات معدتش تنفع. اشمعنى يعنى الصدفة الرهيبة ان الكونجرس لسة مطلع قرار ضد مصر, وقرر عقوبة مصر بخصم 100 مليون دولار من المعونة الأمريكية المخصصة ليها. والنبي محدش جاهل يطلع يقوللي وإيه يعني؟ علشان انا اتخنقت من الناس اللي عمالة تفتي وتفش غلها وخلاص. المعونة دي (حوالي 2 مليار دولار) بتدفعها أمريكا لمصر ضمن برنامج معونات موجه لكل دول العالم التالت. يعني مش علشان سواد عيوننا ولا علشان نسمع الكلام ولا الهجص دا. بدليل انهم كل سنة بيخصموا منها وبرضه مبنسمعش الكلام

المعونة دي معظمها عسكري. بنصرف منه ع الجيش. والباقي مش بيدخل جيب الحكومة زي ما ناس بتقول وهما مش فاهمين حاجة. هي امريكا بريالة علشان تروح ترمي فلوسها ف الأرض؟ الفلوس دي بتتصرف في مشاريع تنموية تحت إشراف خبراء من عندهم. ومرتبات الخبراء دول بتندفع من المعونة على فكرة.. يعني جزء كبير منها بيرجعلهم تاني. طيب يعني إيه الكلام دا؟ يعني الفلوس دي بتاعة الشعب المصري, كشعب من شعوب العالم التالت. المعونة مش صدقة, دي جزء من فلسفة السياسة الامريكية وليها نص ف القانون الامريكي. المهم ان اسرائيل لوحدها بتاخد تلت ميزانية المعونة المخصصة لدول العالم التالت كله. مع انها مش عالم تالت ولا حاجة.

المهم اسرائيل مع ذلك واخدة على خاطر أمها من الادارة الامريكية علشان منفضينلهم ف كام موضوع كانوا طلبين مساعدتهم فيهم, علشان عم بوش عايز يمشي من غير مشاكل. راحوا بشغل السوس بتاعهم قلبين عليه الكونجرس, وبالمرة قالوا اللي مايجيش من أمريكا ييجي من غيرها. عملوا حملة شعواء على مصر بيتهمونا فيها بتهريب سلاح لغزة. قالوا مصر متواطئة مع المهربين وسايباهم يعدوا الحدود. قلنالهم ما المعاهدة مخليانا ملتزمين بعدد جنود قليل بيحرسوا المنطقة دي, تعالوا نغير البند دا ف المعاهدة ونزود الجنود علشان نعرف نحرس الحدود كويس. قالوا لأ مش هتزودوا ودي مشكلتكوا انتوا, اتصرفوا. قلنالهم اخبطوا راسكوا ف الحيط احنا الحل اللي عندنا قلناه وانتوا اللي مش موافقين

راحوا قالولك بسك عليه.. قام اللوبي الصهيوني اللي ف الكونجرس قعد يلف على الأعضاء ويلم ف توقيعات على قرار معاقبة مصر لانها مش بتبذل مجهود كافي في حراسة حدودها مع اسرائيل وبتهرب سلاح لغزة.

نفس السيناريو دا حصل ف البرلمان الاوروبي. اللوبي الصهيوني قالك نتلكك لهم بحروق الانسان. ويلا يا عم امضي يا سيدي, شالوم يا خبيبي, مصل موس يخترم خكوك انسان, وهوب طلع القرار. يا حليلة! هي بقت كوسة دولية كدة؟ طيب سلامات يا بتوع حروق الانسان. معلش عنكوا انتوا والنبي.. احنا نقدر نقوم بالواجب وزيادة. دي حكومتنا واحنا نعرف نطلع عينها كويس. مش لازمنا خدماتكوا

الحكومة اتشمللت الحمد لله واديتهم على دماغهم. البرلمان بتاعنا قطع العلاقات مع البرلمان الاوروبي والبرلمان الأورومتوسطي. ودي خطوة ممتازة. أول مرة ناخد موقف حازم وقوي كدة! بجد فرحت وانا بسمع القرار ده. لكن يا فرحة ما تمت, خدها الغراب وطار.. لأ, غراب إيه؟ ما أنا قولت نظام السيكو سيكو معدشي ينفع. لازم نقول للأعور "أنت أعور" ف عينه. تخيلوا مين اعترض على القرار؟ الكلكيعة البرطمانية للاخوان الاوروصهيوكونجرسيين! البهوات بتوع الاخوان مش راضيين نقطع العلاقات مع البرطمان الأوروبي! البهوات اللي قوموا الدنيا على رجل علشان شوية شخبطة تافهة ف جرنال عرة بيوزع خمسين نسخة بالكتير ف الدنمارك!! مش عاجبهم ان مصر تقطع العلاقات مع البرطمان الاوروبي اللي بينفذ كلام الصهاينة! وقال إيه, أصل حقوق الانسان دي "حاجة عالمية"!!! على قلبهم زي العسل طبعا! مش مهم البلد تتحرق.. المهم ينتقموا من الحكومة اللي بتحاكم الناس اللي بيغسلوا الفلوس اللي جايالهم من برة محاكمات عسكرية. اصلهم فاكرين ان البرطمان الاوروبي هيفرج عن رجالتهم! ولا يكونوا فاكرين ان اسرائيل هتدفعلهم مكافأة تعوضهم عن الفلوس اللي راحت عليهم! ولا يكونوا فاكرين ان اسرائيل لما تضربنا, بعد الشر, مش هتلمس بيوتهم. يا نهار ندالة! إيه الفضايح دي؟

قال الاخوان بقوا بيحترموا حقوق الانسان.. ياخي هأأووو! دا انتوا مش مؤمنين بالمساواة بين المسلم والمسيحي, ولا بين الراجل والست المسلمين حتى! دا انتوا بتقولوا مفيش قبطي ولا مرأة يمسكوا مناصب قيادية ف الدولة! أصلها كانت بلد أبوكوا! حقوق انسان إيه ياللي الخليج بيصرف عليكوا؟ حقوق انسان إيه يا بتوع الست تقعد ف البيت؟ حقوق انسان إيه ياللي الانسان عندكوا ملوش غير تعريف واحد: "راجل مسلم سني اخواني" وبس! أهي دي أسخف نكتة قلتوها. بس كويس انكوا اتكشفتوا على حقيقتكم. بانوا يا إخوانجية على أصلكوا بانوا. دلوقتي عرفت ولاءكم لمين

انصحكم بحموم الانسان.. يمكن تنضفوا شوية

51 comments:

Hoda said...

عزيزتى فانتازيا


انا فعلا ادهشنى واسعدنى موقف البرلمان المصرى وحسيت لاول مره بنزاهته بس انا عايزه اقول حاجه ان احنا لو كان عندنا فعلا فى مصر حقوق انسان قويه وفعاله ولها صدى ماكنشى يقدر الاتحاد الاروبى يصدق على قرار بالشكل دا احنا عندنا ازمه فى بلدنا مصر تقريباً ما فيهاش اى منظمات تعرف بإنها منظمات حقوق انسان ولو كانت فعلا قايمه بدورها ما كنش كل من هب ودب يتدخل فى شئونا الداخليه بالشكل المستفز دا فى اختلال للاولويات اللى على غررها بتقوم تلك المنظمات على برامج خدميه مؤقته وذات طابع اغاثى وافكار تطوعيه وتهتم بمشكلات فرعيه وتترك المشكلات المهمه زى حقوق العمال والمرأه واطفال الشوارع والمعتقلين وعدم وجود قيادات بارزه لها دور فى المجتمع بل معظم القائمين عليها هم افراد غير قادرين على انتاج اى خطاب يتسم بالفاعليه والتجديد والتجاوب مع متغيرات الواقع ودا بسبب سيطرة قيم الثقافه الفرديه وانصراف الناس لحل ازماتهم الخاصه بنفسهم وايمانهم بإن هما اللى يقدروا يرجعوا الحقوق دى بنفسهم دا غير انهم ما عندهمشى ادنى فكره عن ثقافة او معرفة ماهية حقوق الانسان من المنبع حتى اسألى اى حد كده وقوليله قولى يعنى ايه حقوق انسان يرد عليكى ويقولك هو يعنى ايه انسان ولا ننسى رفض الموروثات الدينيه لاى مصطلح يدعوا الى حقوق للانسان الوافد الى المرجعيه العلمانيه ودا طبعا بيأثر بالسلب على وجود ما يسمى بمنظمات حقوق انسان فى مصر ، بجانب ضعف الثقه لان معظم هذه المؤسسات تحوم حولها الشبهات بالفساد وعدم الامانه والتراخى عن خدمة المجتمع ومعظم اللى بينشأوها لتحقيق اغراض شخصيه لاناس يرغبون فى الوجاهه الاجتماعيه وذيوع الصيت ،دا غير التنافس غير المنظم بين منظمات حقوق الانسان ، وخرق قواعد الشفافيه من عدم الالتزام بالاعلان عن مصادر التمويل للمراكز دى وخصوصا لو كان تمويل اجنبى على طول تزيد الشكوك حواليه ويتهم انه عميل وخائن ومتواطىء مع العدو ويقفلولوا مكتبه ناهيكى عن غياب الديقراطيه داخل هذه المنظمات ،وسيطرة نخب محدوده على السيطره واتخاذ القرار ونلاقى ان هناك تسييس لكل ما هو مجتمعى ولازم اى منظمه لحقوق الانسان تسخر للحكومه ويهيمن عليها السلطه الحاكمه حتى تأمن شرها او الانقلاب عليها يوما ما فبنلاقى ثقافة الهيمنه التى فرضتها الدوله والله لو الدوله كانت اعطت الفرصه كامله حقيقيه للمنظمات دى اكيد كانت هتظهر وتتفاعل ويكون نشاطها اكبر من كده ويظهر اثارها للعالم كله وما كنش اى كلب يستجرى ييجى ويملى علينا قراراته لكن طبعاً احنا ما نقدرشى نمول جمعيات ومراكز لحقوق الانسان لاننا بالكاد بنأكل الناس يبقى حنلاحق عليها منين عندنا ضعف فى التمويل المحلى وشبهات فى التمويل الاجنبى ومحدوديه فى التمويل وعلشان كده بيذلونا الكلاب بفلوسهم يأما يفرضوا علينا اجنداتهم واولوياتهم هما اللى بتخدم مصالحهم هما بالدرجه الاولى ولا تخدم المصالح الوطنيه باى شكل من الاشكال وفرض نواياهم الخبيثه اللى عايزين يبثوها فى بلدنا ودا خلى ناس كتير جداً احجمت عن فكرة انشاء مراكز ومنظمات حقوق انسان فى مصر من العراقيل والقيود الامنيه اللى بيشفوها والمفروضه على نشاط المجتمع المدنى ككل ورقابة الحكومه وصلاحياتها القانونيه الواسعه لمراقبة اعمال وتأسيس تلك المنظمات وامكانية حل وتجميد واقصاء اى مجلس اداره يهدد بقائها فى الحكم واثارة الرأى العام ضد النظام دا غير الفساد الداخلى والسرقات اللى مالهاش حصر فى المؤسسات دى والنهب والسرقات العلنيه ، الحل ان ما حدش يتدخل فى شئونا الداخليه ان احنا نقوى هذا المجال ونهتم بيه ونبدأ ببناء عقليات ونوجه السلوك الفردى والجماعى لاهمية وجود منظمات زى دى فى بلادنا عن طريق الاعلام ، وتدريب الكفاءات وبناء القدرات واختيار ناس بتحب البلد دى ونحرر بقى كل مجالات حقوق الانسان ومنظماتها يمكن نلحق نعمل حاجه



تحياتى

Fantasia said...

عزيزتي حنين
عندك حق طبعا. اكيد فيه مشاكل كتير على أرض الواقع بتدي فرصة لمثل هذه التدخلات السافرة في شئوننا الداخلية. وبرضه انا موافقة ان فيه بعض المنظمات الحقوقية, سواءا رسمية أو غير حكومية عندها مشاكل. فعلا في بعض منهم فيه سوء ادارة وغياب للشفافية وغياب للعمل المنظم بشكل إحترافي. لكن مش كل المنظمات والجمعيات سيئة أو مش بتقوم بدور فعال. وحتى اللي واقع وحاله تعبان ممكن مع الوقت يتصلح ويبقى أحسن. لو الوعي بقضية حقوق الانسان زاد, الجمعيات والمنظمات دي هتلاقي عناصر أفضل ينضموا ليها. المشكلة ف التمويل واللجوء للجهات الاجنبية هي غياب الوعي الداخلي. يعني مثلا مين رجال الأعمال المصريين اللي ممكن يدعموا حقوق الانسان؟ فين الجهة الحكومية اللي تفهم اهمية ملف زي دا وتقرر تتعاون مع المنظمات الموجودة من غير فرض سيطرتها عليها ووضعها تحت الوصاية؟ مفيش للأسف. لان ثقافة حقوق الانسان تكاد تكون معدومة عندنا. والثقافة الشعبية, لو وجدت في أحسن الاحوال, هي ثقافة مشوهة. طيب نعمل إيه؟
أولا انا شايفة ان الاول المفروض يكون فيه مبدأ موحد للعمل في كل المؤسسات دي. يعني مش عيب ان يكون فيه تمويل خارجي, دا شيء مسموح بيه في كل العالم. لكن لازم يكون فيه شفافية في الاعلان عن مصادر التمويل والاتفاقيات اللي بموجبها تم التمويل ده. دي حاجة. الحاجة التانية هي التأكيد على عدم السماح باستغلال التمويل أو أي دعم بتتلقاه المؤسسات دي في الضغط او التدخل في شئون هذه المؤسسات. يعني مش تفرض عليا أجندة عمل معينة في مقابل انك تساعدني. يبقى احنا عملنا إيه؟ طبعا الدولة عليها دور كبير. واذا كان فيه نوع من الاستجابة من جانبها مؤخرا, فهي استجابة بطيئة وفي أقل الحدود. مقدرش أقول ان العراقيل كلها مع سبق الاصرار والترصد. لأ فيه كتير منها له اعتبارات وبيخضع لحسابات وتوازنات معينة. لكن برضه معلش فيه جزء تاني كبير هو من سبيل الاستهبال وعدم القدرة على مواكبة العصر. يعني تلاقي الموظفين المختصين اللي بتعاملوا مع الجهات دي بيتعاملوا بنفس عقلية 20 سنة فاتت أو أكتر. أو تلاقي فيه باشا شايف ان حقوق الانسان دي لعب عيال فيروح موقف المراكب السايرة. دا غير ان الدولة نفسها خايفة من مواجهة الحقايق وكشف جوانب التقصير والفساد, حتى لو كان دا في مصلحتها
نيجي بقى لينا احنا كمواطنين ومدونين ومهتمين بالشأن العام
احنا كمان عندنا مشكلة
مش عارفين ننسق جهودنا زي ما انتي تفضلتي وقولتي. بنشتغل بمفهوم الجزر المنعزلة. وفيه كتير مننا بيرفضوا العمل الفعلي التطوعي ف المجال ده. وعلى فكرة دا بيزود من مشكلة التمويل. لان فكرة العمل التطوعي برضه مش موجودة في ثقافتنا. يعني انا مثلا بشتغل على ملف حرية المرأة من منازلهم. لكن لا حد بيستفيد من شغلي دا, ولا حماسي للقضية, ولا مجهودي بيتوظف في مكانه الصحيح
جزء من المشكلة لازم اتحمله أنا. والاعتراف بالحق فضيلة. الصراحة انا معنديش ثقة في جهة معينة ممكن اقتنع انها هتستفيد من مجهودي دا الاستفادة الأمثل. يمكن يكون بناء الثقة دي صعب في ظل المشاكل بتاعة مؤسسات حقوق المرأة وانها مش مفعلة بالقدر الكافي. بس برضة دا لازم أعمل مجهود أكبر ف البحث عن فرصة أقدر أساعد بيها, لان ممكن الجهة المناسبة تكون موجودة وتتمنى واحدة زيي تنضملها, لكن مش لاقيين. وامكانياتهم المحدودة أكيد مش بتمكنهم انهم يعلنوا عن نفسهم أو يبرزوا نشاطهم بالقدر الكافي. هنا تيجي مسؤليتي أنا كفرد, كواحدة عارفة المعوقات دي كويس, فمن واجبي اني انا اللي اتعب شوية ف البحث وف معرفة أكتر عن نشاط الجمعيات المختلفة
انا ليا خبرة ف العمل مع المنظمات الاهلية, لكن في مجال تاني. واعتقد ان التجربة اضافت ليا كتير زي ما انا ضفت ليها
اللي انا بشوفه دلوقتي للأسف ان كل واحد متحمس للعمل التطوعي في مجال معين يقولك انا هعمل جمعية! طب ليه؟ ما أكيد فيه ناس موجودة فعلا بتشتغل ف نفس الموضوع. ليه ما تنضمش ليهم؟
لكن كل واحد عايز يبقى هو رئيس نفسه, كأن هو اللي اكتشف حقوق الانسان, ازاي يروح يشتغل تحت قيادة ناس تانية؟ الانانية دي بتخلينا نبتدي كل مرة من الصفر. فتلاقي عندنا عشروميت جمعية وولا واحدة فيهم متفعلة بجد. لكن لو الجهود اتوحدت في جهات محدودة النتيجة هتكون أفضل مليون مرة
نفس المشكلة تلاقيها ف الأحزاب السياسية. الفردية الرهيبة وتضخم الذات اللي عندنا بيخللي العمل الجماعي الناجح شبه مستحيل. النتيجة ان الكل بيخسر. مفيش عندنا معارضة. مفيش حياة سياسية. مفيش تنافس حقيقي بين الأحزاب المختلفة. فطبيعي جدا اننا نلاقي نفسنا واقفين عند المربع رقم واحد, ولازم نخترع العجلة من أول وجديد
عندنا ميت حزب عبارة عن نكت, وف الأخر نلاقي مفيش عير حزب الحكومة هو اللي مسيطر على الحياة السياسية بالكامل, ورؤيته هو بس اللي تمشي, وهو اللي واخد الاغلبية ف البرلمان. يعني كأنك يا ابو زيد ما غزيت, كل الاحزاب دي ولا ليها قيمة. حتى اللي منهم له تاريخ وكان قوي في وقت من الاوقات, زي حزب الوفد, ظغت عليه نفس الثقافة وجابته الأرض. يبقى احنا اللي عايزين نفضل محلك سر. ونقعد نندب ونولول وخلاص. خلي بأة حد من المريخ ييجي يحللنا مشاكلنا. أو نستنى بسلامته البرلمان الاوروبي ولا الكونجرس ييجي يفرض ارادته علينا
دي خيبة والله! والخيبة الأكبر اننا حتى مش عارفين نتوحد في رفض فرض الوصاية الخارجية بالشكل المستفز ده. تلاقي اللي واجعين دماغنا ليل نهار وعمالين يشتموا الحكومة ويتهموها انها عميلة, هما أول ناس يجروا يترموا في حضن الغرب والصهاينة اللي بيكفروهم. اديهم باعونا على أول ناصية أهوه. فين أم الموقف بقى والشعارات والهتافات اللي دواشونا بيها؟ هي دي الوطنية بقى؟ يعني حتى لما وصلوا للبرلمان وخدوا 88 كرسي مكنوش يحلموا بربعهم, راحوا يتكلموا باسمهم هما مش بإسم الشعب اللي ادالهم صوته. باعوه الكلاب علشان اولياء نعمتهم يتبسطوا بيهم ويرمولهم الريالات اللي بيريللوا عليها
شوفتي خيبة أكتر من كدة؟ وبعدين يجولنا احنا يقولولنا قال الله وقال الرسول! ياعيني على التدين والورع! كأنهم هما اللي اكتشفوا الاسلام البعدا
فيه مشكلة كبيرة ف مصر يا حنين. مشكلة حقيقية في كل ناحية. على رأيك لما نبقى نتفق هو مين الانسان الأول نبقى نفكر ف حقوقه. دي أمراض هيكلية, مش ممكن تتساب كدة على ما تفرج

تحياتي واحترامي

Unknown said...

ستاذه فانتازيا عامله ايه
ربنا يهديكي
طبعا البوست واضح انه انفعالي جدا والحمد لله رب العالمين اني كشفت حضرتيك من اول بوست علقتي عليه عندي وقولتليك ان حضرتيك شخصيه انفعاليه
طبعا انا هبدأ معاكي من اساسيات مهمة في العقيده الفاسده بتاعتيك طبعا لان عقيدتك فاسده وهقوليك ليه براحه جدا
طبعا صورة الصليب اللي انتي حطاها في البوست اللي فات توضح وتبين فساد عقيدتك الشديد تخيلي الله عزوجل يقول (وماقتلوه وماصلبوه ولكن شبه لهم)
وان الصلب ده من اساسيات عقيدة النصاري المحرفه لان المسيح عيسي عليه السلام لم يصلب ولم يقتل ولكن رفعه الله طبعا انتي زعلتي جدا من كلمة نصاري وشوفت رديك علي عز في النقطه دي يااستاذه القرآن سماهم نصاري في جميع المواضع او اهل كتاب ولم يسميهم مسيحيين تماما والنبي سماهم نصاري متجيش تعيبي علينا ان احنا بنسميهم كده لان دي تسمية الله لهم
وهسأليك سؤال لو انتي عندك ذرة شجاعه تردي بوضوح واشك
يقول الله تعالي (لقدكفرالذين قالوا ان الله ثالث ثلاثه )
ويقول الله تعالي (لقد كفر الذين قالوا ان الله هو المسيح عيسي بن مريم)
طبعا اللي قالوا ان الله هو المسيح عيسي بن مريم طائفة الارثوذكس الموجوده في مصر انتي بقي بتقولي ايه فيهم ردي بوضوح لو عندك شجاعه يبقوا كفره ولا والايات واضحه0
عرفتي ليه بوضعيك الصور انمايدل علي فساد العقيده لديكي0
وطبعا الرسول يتشتم ولا ميتشتمش هي هتفرق معاكي كتير يااستاذه حتي لو الاخوان زي ماانتي بتقولي طيب علي الاقل الحاجه دي كانت صح بس هنعمل ايه بقي في ضيق الافق والكراهيه العمياء
بس يلاااااهي جت علي دي بقوليك حطه صورة صليب هو في كارثه اكتر من كده 0
وطبعا من الجهل الشديد جدا جدا انيك تقولي علي سب النبي شوية شخبطه تافه طب ماتصلي علي النبي كده وتوحدي الله
تخيلي واحده بتدعي الاصلاح وبتتكلم عن الاسلام بتقول علي سب النبي كده بس لو شتموه لينين ولاماركس ولاجيفارا تبقي كارثه
وللعلم الجريده تاني اكبر جريده بتوزع في الدنمارك مش خمسين نسخه ولاحاجه
وتعالي نحلل اخر سطور في كلام حضرتك الاول
_____________________
قال الاخوان بقوا بيحترموا حقوق الانسان.. ياخي هأأووو! دا انتوا مش مؤمنين بالمساواة بين المسلم والمسيحي, ولا بين الراجل والست المسلمين حتى! دا انتوا بتقولوا مفيش قبطي ولا مرأة يمسكوا مناصب قيادية ف الدولة! أصلها كانت بلد أبوكوا! حقوق انسان إيه ياللي الخليج بيصرف عليكوا؟ حقوق انسان إيه يا بتوع الست تقعد ف البيت؟ حقوق انسان إيه ياللي الانسان عندكوا ملوش غير تعريف واحد: "راجل مسلم سني اخواني" وبس! أهي دي أسخف نكتة قلتوها. بس كويس انكوا اتكشفتوا على حقيقتكم. بانوا يا إخوانجية على أصلكوا بانوا. دلوقتي عرفت ولاءكم لمين

انصحكم بحموم الانسان.. يمكن تنضفوا شوية
______________________________--
ههههههههههههههههههههههه
كلاميك بصرحه يضحك اوي
واضح ان حضرتيك بتتكلمي كده وخلاص للاسف تقريبا حضرتك معندكيش ثقافه عامه او مسمعتيش عن الاخوان خالص
ياريت تقراي شويه عنهم حتي علشان اما تهاجميهم محدش يضحك عليكي 0
اولا ان الاخوان مقالوش نفرق بين المسلمين والنصاري في المعامله نفس المعامله اللي للمسلم هي نفسها للنصراني ودي اللي قدمه الاخوان في مشروعهم الاصلاحي عام 2003
بس انتي لاتقراي للاسف والاكنتي عرفتي
انما لايجوز ان يتولي غير المسلمين بعض المناصب القياديه العليا داخل بلاد المسلمين
والدليل ان النبي لم يولي غير المسلمين مناصب قياديه رغم انه كان يوجد يهود ونصاري وكذلك فعل اصحاب النبي صلي الله عليه وسلم
لو كان النبي عليه الصلاة والسلام ولاهم كنا قولنا يجوز ولكن النبي لم يوليهم
ولم يواليهم
يقول الله تعالي
(ياايها الذين آمنوا لاتتخذوا اليهود والنصاري اولياء بعضهم اولياء بعض ومن يتولهم منكم فأنه منهم ان الله لايهدي القوم الظالمين0فتري الذين في قلوبهم مرض يسارعون فيهم يقولون نخشي ان تصيبنا دائره فعسي الله ان يأتي بالفتح او امر من عنده فيصبحوا علي مااسروافي انفسهم نادمين)
فعلا ان الله لايهدي القوم الظالمين وفعلا تري الذين في قلوبهم مرض يسارعون فيهم
هااااااااااا يااستاذه كلام ربنا اهو مش انتي طلبتي قبل كده ان كلام ربنا يحكم بنا والغريب
اني عمري ماشوفتك بتستشهدي بكلام ربنا حتي البوست التعبان اللي انتي كتبتي المره اللي فاتت عن الوحده الوطنيه لم تستشهدي بكلام ربنا ولامره المره الوحيده قولتي
المصحف اللي كانوا عارفينه في مصر كان بيحببهم في كل خلق الله. كان بيقولهم ان البشر كلهم واحد0
هههههههههههههههههههههه
طب فين الكلام ده هو انتي تقريبا واخده علي ضرب النار فين ياحجه الايات اللي بتقول كده
يعني هنساوي بين المسلم الموحد والكافر اللي بيقول ان الله له ولد والمنكر لوجود الله طب ازاااااااي
(مالكم كيف تحكمون)
برده مجتش علي دي يلااااااااا
ثانيا الاخوان الوحشين الرخمين بيقولوا الستات تقعد في البيت
ياحراااااااام ايه القسوه دي
ههههههههههه
طب بالله عليكي جبتيها منين انتي شكليك كده شوفتي فيلم اللمبي
يلاا محدش فاهم حاجه
يااستاذه مفيش ولا فتوي ولاكلمه خرجت من الاخوان قالت ان الستات تقعد في البيت قالوا تخرج بس بحدود واداب انه لايجوز اختلاط سافر مصداق لقوله تعالي (ولامتخذات اخدان)
وان الست تخرج للعمل لتساعد الزوج
وكان نساء النبي يخرجن معه صلي الله عليه وسلم ويمرضن الجرحي
يبقي انتي جبتي الكلام ده منين
يلاااااااااااااا مش مهم
هو يعني في في كلاميك حاجه منطقيه ماهو كله ضرب نار
الخليج بيصرف علي الاخوان
ههههههههههههه
ههههههههههههه
لالالا مش معقول صدقيني بتفرج علي فيلم كوميدي
طب جبتي الكلام ده برده منين شكلك شغاله في المخابرات ولا ايه اوعي تكوني رافت الهجان واحنا منعرفش
طب بقالذمه حاجه زي دي مش لازم ليها دليل مادي يلمس ولاكلام وخلاص علي العموم يلاااا حصل خير
الانسان عندنا مسلم سني
كمان المسلم السني مش عاجبيك
هو الانسان عندنا مش كده طبعا
بس مالهم السنيه
اه نسيت اصلهم ملتحيين زي النبي ودول بيصبغوا المجتمع صبغه اسلاميه هما والمحجبات والمنقبات ودي حاجه بتتعبكوا جدا معلش معلش ان شاء الله هيكتروا لسه كتير اوي
والبلد لابلد ابونا ولابلد ابوكوا الارض كلها لله يورثها من يشاء
وشضرع ربنا الفيصل بيننا
(افحكم الجاهليه يبفون ومن احسن من الله حكما لقوم يوقنون)
نشهد ونقر ان حكم الله الذي جاء في كتابه وسنة نبيه عليه الصلاة والسلام هو خير حكم للدنيا وماعليها
تمام يافندم
وبعدين احنا اللي بينضفنا مش حموم الانسان اللي بينضفنا التوبه والابتلاء والاستغفار
ولو انتوا عايزين تنضفوا توبوا واستغفروا برده
الحمد لله ان في حاجه بتنضفنا
والنظافه من الايمان
______________________
وعلي العموم الاخوان لو كانوا في حضن الغرب واسرائيل مكنش ده بقي حالهم دلوقتي ولكن الاخون في حضن خير وابقي في معية الله عزوجل هوغايتهم وهو موالهم
ينادون بتحكيم شرعه وتصادراموالهم في سبيله ويسجنون ويضهدون من اجله ومااحب ذلك اليهم
اما من يشمت ويضحك فله يوم قريب يجمع الله فيه الناس ويظهر النوايا ومافي الصدور وسيعلم الذين ظلموا اي منقلب ينقلبون
وهيجمعنا الله وهيجمع العلمانيين وسنري اي الفريقين اهدي سبيلا
______________________-
والحمد لله حركة حماس خير شاهد علي كذبكم وافترائكم عمالين يقتلوا ويذبحوا من اليهود اوليست حركة حماس اخوان مسلمين اوليس عملاء فتح الخونه الذين يضعون يدهم في يد اليهود ويعترفون بأسرائيل علمانيون
يبقي مين بقي اللي مع اليهود الاخوان المسلمين ولا العلمانيين
طب مش الاخوان اللي طلعوا وحاربوا في 48 بحوالي 10000 الاف مقاتل ضد اليهود
مين اللي بينادي بتغريب المجتمع واننا نمشي علي النموذج الغربي مش العلمانيين هو اصلا العلمانيه مش نموذج غربي بس هما العلمانيين كده(يلبسون الحق بالباطل ويكتمون الحق وهم يعلمون)
_______________________
وانتي رايحها تجيبي جون ازاي يعني شكليك كنتي بتلعبي ثبت صنم بدل الكوره بس تلخبطي
يااستاذه قبل انا تذكري المدونيين اذكري الصحفيين اذكري جريدة الدستور وافاق عربيه زمان قبل اما تتقفل وان في صحفيين اخوان اتكلموا عن الحكايه دي من زمان وبرده في مدونيين اخوان اتكلموا ونشروا كليبات تفضح الحكومه ومدوناتهم اتقفلت واللي يشوفيك كده يقول عليكي البطله اللي عملت كل ده وانتي اصلا كل موضوعاتيك جزافيه وبتقولي اي حاجه انتي بس عماله تهاجمي وخلاص وفي الاخر انتي اللي بتتكلمي بلسان المدونيين وكأنيك القائده اللي قاده الحركه المباركه وهما جايين يخطفوها منيك ياسلااااااااااااااام
ربنا يوفقك ده انتي ولا عرابي
__________________
وبعدين من الطبيعي ان البرلمان يقاطع البرلمان الاوربي لان معظمه من الحزب الوطني التابع للحكومه والحكومه هي اللي متورطه في قضايا الانتهاكات يبقي من الطبيعي يقاطع
وبعدين ممكن لو سمحتي تقوليلي ايه هي اوجه النشاط المشترك بين البرلمان المصري والبرلمان الاوربي ياسياده الناشطه المثقفه
وبعدين برلمان ايه ده بوش كان في القاهره ولحكومه متورطه في مؤتمر انابوليس الكارثه علي شعب فلسطين
يعني هو البرلمان الاوربي خرج المعتقلين ولاعمل حاجه اصلا هو كان بيعرض بس ولاحقوق الانسان ماهو مصر وتونس وكام بلد بيتصدروا دايما قائمة الانتهاكات لحقوق الانسان هو كان حاجه حصلت
اما الصهاينه ادي موقف حماس الاسلاميه الاخوانيه وادي موقف فتح العلمانيه يوضح الفرق بلا كلام
العلمانيون هم البلاء الاكبر في هذه البلاد والحمد لله نجح الاسلاميون في تحديدهم في كل الاماكن سواء في المدونات او في الحياه علشان كده روسيا وضعت الاخوان علي قائمة الارهاب في العالم وامريكا كذلك تضع الاخوان ضمن القائمه يااستاذه فمتقوليليش مع امريكا ازاي يعني
علي العموم زي ماقولت موضيعك مبهمه دائما وبلادلائل لامن وثائق ولامن القرآن والسنه
وتتهمي اتهامات جزافيه ليس لهامعني الا كراهيه وحقد علي الاسلاميين
علي العموم ربنا يهديكي
يقول الله تعالي (ان تصبك حسنة تسؤهم وان تصبك مصيبة يقولوا قد اخذنا امرنا من قبل ويتولوا وهم فرحون0قل لن يصيبنا الا ماكتب الله لنا هو مولانا وعلي الله فليتوكل المؤمنون0قل هل تربصون بنا الا احدي الحسنيين ونحن نتربص بكم ان يصيبكم الله بعذاب من عنده او بأيدينا فتربصوا انا معكم متربصون

Unknown said...

علي فكره انا الجعفري مش اليعقوبي اللي انتي فاهمه اكتر من نفسه علشان بس متتلخبطيش بينا تاني
انا قولت اقول الاول قبل ماتتلخبطي

مهندس مصري بيحب مصر said...

كلمة صغيرة بس على المحاكمات العسكرية
دا انتقاص لإستقلال القضاء الطبيعي حيث لا يجوز ان يحاكم المدنيين أمام قضاء عسكري مختص بالعسكريين أصلاً
و قد حوكموا أمام القضاء الطبيعي و أخدوا براءة من أول جلسة في محكمة الجنايات
ثم حوكموا أمام المحاكم الإستثنائية و أخدوا براءة من محكمة أمن الدولة العليا طوارئ
بتاعة قانون الطوارئ
ثم تم تحويلهم للمحاكم العسكرية بقرار جمهوري استثنائي بعد ثبوت برائتهم و بدون عرضهم على النيابة العسكرية في مخالفة قانونية واضحة
و تم تبرئتهم من تهم غسيل الأموال عن طريق تقرير جهاز الكسب غير المشروع
يعني براءة تالتة
رغم ان الجهاز المختص بجرائم غسيل الأموال هو وحدة غسيل الأموال في البنك المركزي و لكن الحكومة رفضت سؤاله لثقتها في تبرئته للمحاكمين و لكن جهاز الكسب غير المشروع خيب املهم و برأ المحاكمين أيضاً
و المتابع للمحاكمة العسكرية سيفاجأ بمهازل فكل المحاضر مزورة و مشكوك فيها و متضاربة
و الأحراز تمت سرقة بعضها و العبث بالبعض الآخر
و الشهود من ضباط امن الدولة زي شاهد ما شافش حاجة و ماسكين في كلمة كما بالمحضر أو لا اذكر
المحالين للمحاكم العسكرية و الحاصلين على البراءة 3 مرات محبوسين و مجمدة أموالهم و شركاته لمجرد تهم جزافية بدون دليل لما يزيد عن عام
انا لست من الإخوان المسلمين و لكن الله لا يرضيه الظلم
و هذه المحاكمات ظالمة ضد ناس أبرياء

Fantasia said...

أهلااااااااااا
ازيك يا شيخ جعفري؟
فينك يا راجل؟ الواحد مش بيشوفك ليه؟
مع ان باين عليك متابع كل حاجة بكتبها أهوه ما شاء الله
لأ يا فندم كدة تمام
اكيد طبعا انت الجعفري
وهل يخفى القمر؟
اسلوبك دايما سابقك يا حاج.. ولا لسة مش حاج؟
والنبي أنا راضية ذمتك, رغم كل حاجة يعني, مين اللي انفعالي؟
يا راجل دا انا كنت شايفاك وانت بتتنطط قدامي

شوف يا أخ
واضح اني عملتلك حالة ذعر من غير ما أقصد
أنا مش ف المخابرات ماتخفش هههه
بس اسمحلي يعني من غير زعل
كل الحكاية اني مش شايفة العالم من خرم ابرة ولا بدعي معرفة الغير وانا غرقانة ف الذاتية والأدلجة والنظرة الاحادية للامور
انا عارفة ان الكلام المجعلص دا بيضايقك
لكن اصل حتى الكلام العامي اللي بالبلدي منتش فاهمه, أو بمعنى أصح, بتدعي انك مش فاهمه

مبدئيا ربنا وحده يعلم ما فى الصدور, وهو سبحانه وتعالى اللي هيحاسبك على رمي الاتهامات والتشكيك في عقائد الغير بالباطل
لكن من ناحيتي انا مش مسامحة
حتى لو المستحيل ذات نفسه حصل وامتلكت شجاعة الاعتذار
لكن بجد, حقك عليا أمام الله انك تعلم اني لن أغفر لك هذا الخطأ في حقي
أدعوك أن تتأمل معي حديث الرسول الكريم "من رمى مؤمناً بكفر فهو كمن قتله
كما قال عليه الصلاة والسلام "ثلاث من أصل الإيمان: الكف عمن قال لا إله إلاّ الله، لا نكفره بذنب ولا نخرجه من الإسلام بعمل.." وقال أيضا "كفروا عن أهل لا إله إلاّ الله لا تكفروهم بذنب، من كفر أهل لا إله الله فهو إلى الكفر أقرب

أنا والله مقدرة ان دي الوسيلة الوحيدة اللي علموهالكم ف النقاش
انكوا تكفروا أي حد يختلف معاكم ف الرأي
لكن كنت أعتقد انك تملك الحد الأدنى من التمييز, أو تتحلى بأخلاق الكافر حتى, مش المؤمن ولا المسلم, لتدرك ان من لم يسيء لك لا يستحق إلا ان يعامل باحترام
و كالعادة, لا جديد
كلام حضرتك كله خارج الموضوع, وخارج السياق, وخارج المنطق, وخارج الدين, وخارج الأدب

للتوضيح أقول
الصليب هو رمز للديانة المسيحية
وقد استخدمته للغرض البصري, وهو المعادل الموضوعي للنص المكتوب
وليس ذنبي انك لا تفهم هذا
ولو أن كل من يستخدم صورة الصليب ليرمز للديانة المسيحية يعتبر فاسد العقيدة, كما استنتجت حضرتك بعبقريك الفاسدة.. أقصد الفذة
فمعنى هذا انك تتهم الازهر وشيوخه بفساد العقيدة حين خرجوا في مظاهرات الوحدة عام 1919 تحت شعار الهلال والصليب! وقد قام رجال الأزهر برفع هذا الشعار تعبيرا عن وحدة الوطن الذي أراد ان يفتته الاحتلال كما تريدون أنتم ان تفتتوه اليوم
اسمحلي أن استخدم صيغة الجمع, فأنت تؤكد اتفاقك وانضمامك إلى صفوف الفكر الطائفي

أنا أملك الكثير من الشجاعة التي لا يمكن أن يتحلى بها أي شخص مهزوز, ملقن, مبرمج, مدعي معرفة, لا يعرف لغة الحوار الحضاري ولا النقاش المنطقي, ويظن أنه يرهب الغير بطول اللسان دون بذل أي مجهود في البحث أو التمحيص
وانصحك بعدم محاولة ان تتحداني بهذا الاسلوب الصبياني غير اللائق
حيث انني أري انه الاجدر بك أنت أن تكون على المستوى المطلوب من الشجاعة

انت لا تستطيع ان تتصور ان هناك كارثة تضاهي أو تفوق كارثة وضع صورة الصليب
وانا أوكد لك أن كارثة عقلك المغيب والمعرض لعمليات غسيل مخ مكثفة أكبر بكثير

يا أخ جعفري
النبي عليه الصلاة والسلام تزوج من ماريا القبطية المصرية
وهي من الأقباط الارثودوكس الذين وصفتهم حضرتك بالكفر
وانت تعلم انه تزوجها وهي على دينها وانجب منها إبراهيم
فكيف بالله عليك يتزوج رسول الاسلام من كافرة؟
إذن: يستحيل أن تكون ماريا القبطية كافرة أو مشركة, فالله جل جلاله قد نهى نهيا صريحا عن نكاح المشركات: "لا تنكحوا المشركات حتى يؤمن ولأمة مؤمنة خير من مشركة ولو أعجبتكم ولا تنكحوا المشركين حتى يؤمنوا ولعبد مؤمن خير من مشرك ولو أعجبكم" (البقرة221

وللاجابة على سؤالك الذي يدل على ضعف فهمك للعقيدة, والذي لا يحتاج ف الواقع لأي شجاعة ف الاجابة عليه
يقول الله تعالى "ان الذين آمنوا(المسلمين) والذين هادوا (اليهود والنصارى والصابئين من آمن بالله واليوم الآخر وعمل صالحا فلهم أجرهم عند ربهم ولاخوف عليهم ولاهم يحزنون" البقرة62)
وقد أكد سبحانه نفس القول في سورة المائدة "ان الذين آمنوا والذين هادوا والصابئون والنصارى من آمن بالله واليوم الآخر وعمل صالحا فلا خوف عليهم ولا هم يحزنون" (المائدة 69

والآيتان اللتان ذكرتهما يا جعفري, بسم الله الرحمن الرحيم "لقد كفر الذين قالوا إن الله هو المسيح بن مريم" و" لقد كفر الذين قالوا إن الله ثالث ثلاثة" هما الآيتان 72 و73 من نفس السورة السابقة (سورة المائدة) ولا يمكن فصلهما عما سبقهما
هاتان الآيتان تدلان على أن الله يخص ولا يعمم الحكم. فقد أراد الله أن يوضح لنا أن هناك من يدعون ان الله هو المسيح الذي خرج من رحم السيدة مريم, وهذا يتنافى مع صفة الألوهية, كما أن هناك من قالوا أن الله ثالث ثلاثة, وهذا أيضا يتنافى مع صفة الألوهية

هل المقصود هنا النصارى؟ إذا فلماذا أكد الله على أن النصارى آمنوا به؟
يقول جل علاه في نفس السورة "ولتجدن أقربهم مودة للذين آمنوا الذين قالوا انا نصارى….منهم قسيسين ورهبانا وانهم لا يستكبرون" (المائدة 82
كما يقول سبحانه " إذ قال الله يا عيسى إنى متوفيك ورافعك إلى ومطهرك من الذين كفروا وجاعل الذين أتبعوك فوق الذين كفروا إلى يوم القيامة ثم إلى مرجعكم فأحكم بينكم فيما كنتم فيه تخلتفون" (آل عمران 55
لا يمكن أن تفهم المسيحية دون أن تقرأها. فإذا كنت تريد حقا أن تفهمها, رغم أني أشك في ذلك, فيجب أن تقرأ الانجيل, وأن تعرف ما هو التثليث, وما المقصود بالثالوث, ومن هو يسوع, والفرق بين الله والمسيح
لكن كلامك ينم عن جهل مطبق بالأديان الأخرى التي تهاجمها دون علم أو فهم لتعاليمها
كيف تكون مسلما حقا وأنت لم تقرأ باقي الأديان؟
يا سيدي أنت مسلم بالوراثة. أنت ولدت في هذه الدنيا وجدت نفسك مسلما. لم تتعب, لم تعرف, لم تتدبر في كتاب الله كما أمرنا. فكيف تجلس هكذا وتوزع من مقعدك الايمان والكفر على خلق الله؟ من أنت لتقول هذا كافر, وهذا مشرك, وهذا عقيدته فاسدة؟ ما هو التدين في هذا السلوك؟ أين هي الفضيلة؟ أين هو احترام ارادة الخالق في شئون خلقه؟
هل قرأت قول الله تعالى "والله أعلم بإيمانكم بعضكم من بعض"؟
هل تفهمت عظمة حكمته في " ولو شاء ربك لآمن من في الأرض كلهم جميعا"؟
أعتقد أن من يقرأ فقرة واحدة من كلامي لا يمكن أن يتهمني بأي من هذه التهم العارية عن الصحة التي نسبتها حضرتك إلي, والتي لا يوجد لها أي أساس في كلامي.
يا جعفري أنت أثبت للأسف أنك من هؤلاء الذين يرمون الناس بالباطل ولا يترددون في تحريف كلامهم لمجرد تشويه صورة من يخالفونك الرأي
وهنا وجب علي أنا أتأسف لليعقوبي علي خلطي بين اسلوبه في أبشع أشكاله وبين اسلوبك أنت المليء بالمغالطات والادعاءات
قل لي من أين أتيت بهذه الأقوال التي تنسبها إلي؟
إن كلماتي منشورة هنا أمام الجميع, ,وقد كتبتها بعناية.
ومع ذلك لا تسلم من حقود, مشكك, متعصب, من الذين يتلاعبون بالكلمات ويشوهون المعاني ينهش فيها ويسقط عليها أوهامه العدائية
أقول آتني بكلمة واحدة تثبت أي من التهم التي إتهمتني بها
آتني بجملة واحدة يتفق معناها مع المعنى المشوه القبيح الذي تلصقه بكل فجاجة بمحتوى مقالي
آتني ببينة وحيدة, أو شبه دليل, على صدق إفتراءاتك

أعجب كثيرا من تقسيمك بين من ينتمون ومن لا ينتمون للاخوان
كأن من هم خارج جماعة الاخوان ليسوا بمسلمين
وتقول لي "نحن" و"أنتم" طوال كلامك
من نحن ومن أنتم؟
أنا مصرية وأنت مصري
أنا مسلمة وأنت مسلم
من أنا ومن أنت؟
هل هذا ما أراده الله في قوله جل علاه "إن الذين فرقوا دينهم، وكانوا شيعاً لست منهم في شيء"؟
إني لآسفة أشد الأسف إلى ما آل إليه حال أبناء وطننا
آسفة أن أجد من يقذفون الأحجار على أخواتهم وأهلهم وناسهم
آسفة أن أقرأ مثل هذه الكلمات الفظة والتي لا تراعي حرمة الغير وتمس عقيدتهم تأتي من شاب يتكلم بإسم الدين
آسفة أن أرى يد التعصب تقتطف عقول أجيال كان الأجدر بها أن تفكر في خير هذا الوطن, لا أن تطعنه
آسفة أن أشهد تحجر الروح والقلب والضمير حين تتجمد الأذهان ويتحكم كهنوت التأسلم السياسي
أعتقد أن وضعك للعلمانيين في كفة الكفار يحسم العديد من الأشياء يا جعفري
ولن أزيد ولن أعيد ما قلته سابقا عن حرمانية مثل هذا الحكم المسبق
روحي ملك بارئها. فهي حرة من قيد أي بشري. ولن ينال من نقاءها وصفائها أي عداوة أو كره أو تشويه
روحي ملك خالقها. هو سبحانه زرع بها حديقة من الخير والجمال والتقوى والالهام
روحي ملك ربي. لن يلوثها ادعاء انسان, مهما يكن, ومهما يكن وراءه من اشخاص
يا جعفري, اتركك في عناية الله وهذه الكلمات العطرة من سنة المصطفى الذي لو كان فظا غليظ القلب لانفضوا من حوله عليه أفضل الصلاة والسلام
لعلك تعي أن عدوك هو نفسك التي تسوقك إلى معاداة الغير, والتفرقة بالافتراء, والكره لمجرد الاختلاف
قال رسول الله "والذي نفسي بيده، لا تدخلوا الجنة حتى تسلموا، ولا تسلموا حتى تحابوا، أفشوا السلام، تحابوا وإياكم والبغضة، فإنها هي الحالقة، لا أقول تحلق الشعر، ولكن تحلق الدين"

الفاتح اليعقوبي said...
This comment has been removed by the author.
الفاتح اليعقوبي said...

السلام عليكم استاذة فنتزيا عاملة ايه اتمني انك تكوني بخير


يااستاذة عند قراتي لمقالتك كل اللي انا حسيته انك فقط وضعت هذا المقال فقط للتجريح في الاخوان وكل من ينتمي للاخوان
يااستاذة البرلمان الاوربي حين تحدث عن انتهاكات حقوق الانسان تحدث عن من تحدث عن ايمن نور العلماني الليبرالي المشهور ومن الذي يدافع عن قضيته الان اليس هم الاخوان ليس لانه علماني ولكن لانه شخص ظلم ومن ديننا ان ندافع عن من ظلم ولا نظلم من نكن له عداء
يقول تعالي:(لايجرمنكم شناءن قوما علي ان تعدلوا اعدلوا هو اقرب للتقوي)0
ماشي دي حاجة
تاني حاجة
بلاش بالله عليكي الكلام عن المعونة الامريكية والكلام اللي حضرتك قلتيه ده يااستاذة الحداية مبترميش كتاكيت
امريكا مبتديناش حاجة ببلاش وبدون مقابل كل هذا من اجل قرض سيطرتهم علي البلد واحكام قبضتهم اقتصاديا وعسكريا عليها يعني السلام من امريكا والاكل من امريكا والحاجة الساقعة من امريكا والمعونات من امريكا فلو زعلنا امريكا او اسرائيل التي هي المحرك الاساسي لامريكا تقطع عنا كل اللي فات


حتي المشروعات اللي حضرتك بتتكلمي عنها ليسست الا لفرض السيطرة الفكرية واكبر توجيه للمعونة دي بيبقي للتعليم ولو معلوماتي غلط صحيحها عشان ايه التعليم يغيروه مش عشان سواد عيون اللي خلفونا ابدا عشان نشر ثقافتهم وتغيير المناهج بما يناسب اليهود يعني يطلعوا يقولوا الايات الفلانية دي لازم تتغيير عشان بتحض علي العنف والامثلة كتير والايات اللي شالوها برضه كتير يعني انا كنت فاكر في اية كنا بنحفظها زمان في العربي يقول تعالي:(واعدوا لهم مااستاطعتم من قوة ومن رباط الخيل ترهبون به عدو الله وعدوكم )الايات دي كنت باخدها في ابتدائي اختي الصغير دلوقتي في ابتدائي مبتخادش الكلام ده

يااستاذة المعونة ماهي الا فرض سيطرة
وجزء تاني من المعونة بيروح لبتوع حموم الانسان زي ماانت بتحبي تسميهم وخاصة بتوع حقوق المراة
وبالمناسبة العطرة دي كان لسه من كام يوم علي قناة الراسلة كان فيه برنامج اسمه الوسطية علي قناة الرسالة وكان عن حقوق المراة وكان قاعد جوز حريم مايعلم بيهم الا ربنا ستنا فريدة النقاش والمربية الفاضلة عزة كامل والاستاذ محمد عمارة واستاذة من حزب التنمية والعدالة المغربي
وبيقدمه الدكتور طارق السويدان والصراحة الجوز الاولانين كلوا من المنقي خيار يااوطة اتنفخوا الراجل الصراحة عمل معاهم الواجب التمام

فبالله عليكي بلاش تكلم عن التمويل الخارجي لان اغلب بتوع حقوق الانسان دول عايشين وكلين شاربين نايمين من فلوس امريكا والاتحاد الاوربي

اما الاخوان فاتحداكي ان تثبي هذا اما بتوع حقوق الانسان دول فدوري في كشوفهم جيدا وستجدي العجب العجاب زي المحروس ابن المحروسين سعد الدين ابراهيم ومركزه الرائع بن خلدون دور يعلي تمويله وانت تعرفي مين اللي بتمول منن بره




تالت حاجة
ايه اللي مزعلك من الاتحاد الاوربي دا حتي دول حبايبكم اللي ليل نهار تقولوا خلينا زيهم دا حتي افكارهم العلمانية صدرتوها لينا وعايزين المراة زي المراة الاوربية حرية وانطلاق وعمل مش دول حبابيكم اللي ليل نهار وجعين دماغنا وبتحاولوا تلعبوا فيها بالكلام ده
انا قلت لحضرتك البوست ده ليس الا شو حضرتك عملتيه عشان تشتمي في الاخوان وتلقحي عليهم كلام ملوش اي دليل





قال الاخوان بقوا بيحترموا حقوق الانسان.. ياخي هأأووو! دا انتوا مش مؤمنين بالمساواة بين المسلم والمسيحي, ولا بين الراجل والست المسلمين حتى! دا انتوا بتقولوا مفيش قبطي ولا مرأة يمسكوا مناصب قيادية ف الدولة! أصلها كانت بلد أبوكوا! حقوق انسان إيه ياللي الخليج بيصرف عليكوا؟ حقوق انسان إيه يا بتوع الست تقعد ف البيت؟ حقوق انسان إيه ياللي الانسان عندكوا ملوش غير تعريف واحد: "راجل مسلم سني اخواني" وبس! أهي دي أسخف نكتة قلتوها. بس كويس انكوا اتكشفتوا على حقيقتكم. بانوا يا إخوانجية على أصلكوا بانوا. دلوقتي عرفت ولاءكم لمين

انصحكم بحموم الانسان.. يمكن تنضفوا شوية
طبعا اسلوب حضرتك واضح انك انفعلتي جداا وانت بتتكتبي لدرجة انك قعدت تقول كلام من الشمال لليمين ومن اليمين للشمال
ومعلش الكلام ملوش اي دليل وبلاش كلام عن حقوق الانسان هما اللي عزبوا معارضينهم وصفوهم جسديا في الخمسينات والستينات ولا الاخوان اللي قتلوا المسلمين في افغانستان وداغستان وتركستان وكوسوفا والشيشان
ولا قصدك الاخوان هم اللي بقتلوا الان في مسلمي العراق وبيساعدوا اليهود الصهاينة في اسرائيل
الليس هذه الدول هي حملة فكركم العلماني وان اختلف مذاهبه بين شيوعيية ملحدة وليبرالية جشعة لاتكل ولا تمل من التهام الجميع وعندها حرية لكل شئ بدا من ممارسة الجنس مع الحيوانات الي الاقتصاديات المفتوحة
ماعدا الدين ده بقي لازم يتحارب

اما مسئلة القبطي والمراة فمش الاخوان اللي بيمنعوا توليهم الحكم الرسول صلي الله عليه وسلم هو الذي يمنع هذا والفقهاء المحدثين والقدامي يقولون هذا ياسيدتي المثقفة
وارجعي لاجتهادات العلماء في هذا الامر ستجدي كلامي صحيح ماعدا بعض المحدثين الذين لم تقف حجتهم امام حجة باقي العلماء

مسئلة بلد ابوكوا والاسلوب المبتذل الذي لم نتعوده الا من اصحاب الفكرالعلماني اللي كل مايتكبسوا يقعدوا يلوشوا شمال يمين ومن فوق لتحت عشان يداروا فقط فشلهم علي ارض الواقع وبدا اندثارهم امام اصحاب الفكر الاسلامي
ولو مش مصدقة انزلي الشارع كده وقولي الكلام اللي انت بتقوليه واراءك في الدين وشوفي الناس هتعمل ايه

اما باقي الكلام
اين دليلك علي اننا نجبرالمراة علي الجلوس البيت وان الخليج بيصرف علينا
عايزين ادلة او تصريحات او تقارير مخابراتية من اللي قالت لحضرتك ان الخليج بيصرف علينا




حقوق انسان إيه ياللي الانسان عندكوا ملوش غير تعريف واحد: "راجل مسلم سني اخواني" وبس! أهي دي أسخف نكتة قلتوها. بس كويس انكوا اتكشفتوا على حقيقتكم. بانوا يا إخوانجية على أصلكوا بانوا. دلوقتي عرفت ولاءكم لمين


مين قال لك الكلام ده بقي ولله الحمد يمكن الجزءية دي فلتت منك زي اللي قبلها الاخوان يمكن الجماعة الاسلامية الوحيدة اللي بتؤمن بالتعدد وان شاء الله هيكون تعدد اسلامي مش تعدد علماني
وشرف لاي شخص ان يكون مسلما سنيا ده شرف لينا انن نكون اهل سنة اللهم ادمها نعمة انما الناس تبقي اخوان او مش اخوان دي حاجة بتاعتهم ان كانوا كذلك فهي لهم اكيد هايستفادوا وان لم يكونوا كذلك فليس عليهم شئ ولا ضرر وقع عليهم الاخوان مجرد فكر اسلامي يري تطبيق الشريعة وعودة حكم الله باساليب باذن الله توافق القران والسنة

بس عجبني الفاصل الاعلاني بتاع سعاد حسني اللي حضرتك قدميته بانوا بانوا علي اصلكم بانوا
دي مواهب فنية كمان ماشاء الله ماشاء الله انا معرفش ان العلمانين عنهم مواهب فنية رائعة بالشكل ده برافوا صقف ياد ياجعفري ياارهابي ياللي مغسول دماغك

بالله عليكي ليه بتوصفيه اننا مغسول دماغني مايمكن انتم وده اكيد اللي مغسول دماغكم بل اسف ضربت عقولكم في خلاطات الغرب فاصبحتم اصحاب افكار مشوهة مابين انكم عرب ومسلمين ومابين انكم امنتم بافكار مستوردة من وضعها كانت ظروفهم غير ظروفنا وطباعهم غير طباعنا وشكالهم والوانهم وعاداتهم وتقاليدهم ودينهم 000الخ

يااستاذة انتم من غسلت رؤسكم بمياه العلمانية الفاسدة
عندما تحدثت البوست اللي فات معي وقعدتي تقولي يابني و شوية تتهمي بعدم الثقافة ولكلام اللي تقعدوا تقولوه لاي واحد يخالفكم
يااستاذة نحن والحمد لله علي درجة جيدة من الثقافة بالنسبة لمن هم في سننا وانا لاازكي احد ولكنك ايضا محتاجة ان تنظري للدنيا من منظرو اوسع فطبيعي انا اقرا مقلات لعلمانين واصطدم بكاترة لي في الجامعة اصحاب فكر علماني واتعرض لفكرهم الاقتصادي في الكتب واري اراء العلماء المسلمين فيهم لذا فاري اني رايت من العلمانين الكثيرين


ومسئلة كرهكم للاخوان او السلفيين او التيارات الاسلامية ده امر طبيعي ولو معملتوش كده متبقوش طبيعيين
ناس دحروكم في التنظير الفكري واجتثوا شئفتكم من البلاد والعباد ومازالوا يخسرونكم اراضي كنتم تقفون عليها فيما مضي فلم تجدوا شئ تفعلوه معهم الا الشتيمة والسب واللعن والاعتقال تارة والوقوف م عالحكم تارة اخري رغم معارضتكم لهم معلش يااستاذة هذه سنة الحياة
فماكان لله دام واتصل ومالغير الله انقطع وانفصل
ولله الحمد انتم تنقطعون يوما بعد يوم والاسلام الصحيح بدا يرجع وهذا مايغيظ نفوسكم فلو رايتم امراة منتقبة تشمئزوا من منظرها وهذا كلانم اسمعه ليل نها من اولئك يدعون حرية الاعتقاد والفكر واذا رايتم اخ ملتحي تتشنجوا كان كهربا لبست فيكم وتقعدوا تشتموا وتقولوا الكلام بتاع دول بيتسغلوا الحاجات دي عشان اغراضهم دول مش عارف ايه دول ايه
يااستاذة يقول تعالي:(والله حبب اليكم الايمان وزينه في قلوبكم وكره اليكم الكفر والفسوق والعصيان)0
يقول تعالي:(قل ان كنتم تحبون الله فاتبعوني يحببكم الله ويغفر لكم ذنوبكم والله غفور رحيم)0

ياسيدتي الله قال ان كنا نحبه كما ندعي فاتباع رسوله صلي الله عليه سولم هو الفيصل في مسئلة الحب هذه لو كان الرسول عليه الصلاة والسلام مبدائه وتصرفاته وحياته علمانية لصرنا علمانين ولو كان الرسول ملتحي لصرنا مثله ولعادينا من عاداه وحاربنا من يتجرا عليه

ونغضب اذا اعتدي عليه او سبه احد السفهاء المتخلفين بل ونحاربهم اذا لم يحاكموا من اخطئ في حقه
العالم كله اتقلب بسبب الرسومات وانت جاية تقولي جريدة مبتبعش خمسين نسخة يااستاذة وحدي الله واسكتي عشان محدش يضحك علي كلامك مظاهرات المسلمين كانت في العلم كله وانت تقولي خمسين نسخة دي تاني اكبر جرائد الدنمارك الرسومات التانية اللي اترسمت بعد كده الرسام الللي رسمها كان بغرض الشهرة
والايام بيننا وبين هؤلاء والله لنريهم عاقبة امرهم هذا والايام بيننا وبينهم
مش انت معانا برضه ولا معاهم





وبمناسبة الثقافة والحديث المطول عنها

في حديثك مع الجعفري
يااستاذة هو مكفركيش ان اقول لواحد انه عقيدته فاسدة مش معني كده انه كافر
فكل كافر عقيدته فاسدة وليس كل من عقيدته فاسدة كافر
الامر مختلف تماما فمثلا الشيعة قد يواجهوا فساد في عقيدتهم ولكن ليسوا كفار الا بعض الفرق منهم
ففساد العقيدة معناه اني فعلت امر مخالف للعقيدة ولم ارجع عنه

تاني امر في فرق بين فساد العقيدة ورمي احد بالتعيين بالكفر اي رمه بعينه بالكفر فهذا يحتاج الي عالم فالاامام الالباني رحمه بعد بحث دام ست سنوات في كتب الخوميني كفره بعد ست سنوات


يااستاذة هو الرسول صلي الله عليه وسلم كان معلق صليب وبيبعث وفد للاحتفال مع لنصاري او اليهود بعيدهم لو كان كده فاتني بدليل



هههههههههههه
حلوة دي السيدة ماريابنت شمعون القبطية عندما تزوجها الرسول صلي الله عليه وسلم كانت ارثوذكسية ههههههه
هي اسلمت اول مانزلت المدينة يااستاذة وارجعي لكتب السيرة وانت تعرفي
وقبطية هذه نسبتها الي اهل مصر وتاكدي من معلوماتك يااستاذة هذا تصحيح فقط




الاية
يقول تعالي:(ان الذين امنوا والذين هادوا والنصاري والصابئين من امن بالله واليوم الاخر وعمل صالحا فلاخوف عليهم ولا هم يحزنون)طيب انا مش شايف مخالفة خالص واستشهادك باطل يااستاذة عشان كده بقول لحضرتك اقرا القران وارجعي لتفاسير هل العلم
يااستاذ كل من الذين امنوا واليهعود والنصاري والصابئين وهم عبدة النجوم والكواكب
من يؤمن منهم بالله وماهو الايمان بالله ياسيدتي المثقفة الايمان بالله هو ان تؤمن بالله وملائكته وكتبه ورسله واليوم الاخر والقدر خيره وشره الاية 285 في سور ة البقرة توضح لك هذا الامر وحديث الامام البخاري بتاع اتاكم جبريل يعلمكم دينكم ثاني حديث في الاربعين النووية

النصاري لايؤمنون بكل رسل الله فهم لايؤمنون بسيدنا محمد رسول وبالتالي لايؤمنون بالقران وارجعي انت لعقيدتهم الفاسدة لتعرفي هذا الكلام واليهود مثلهم اذن انتفي عنهم امر الايمان بالله وانتقصوا من ايمانهم وخالفوا شروط الايمان التي وضعها الله وليس الاخوان ياسيدتي المثقفة
والصابئيين دول بقي لايمان بالله ولا ايمان باي حاجة دول شوية عبدة للكواكب والنجوم يدخلوا الجنة بقي علي كلام حضرتك
ولكن معني الاية ان من سيؤمن بالله حق ايمانه سواء كان مؤمنا او يهوديا او نصرانيا ويطبق شروط الايمان بالله كلها عليه هنا فقط سيؤمنه الله يوم القيامة




اما اية الذين فرقوا دينهم وكانوا شيعا لست منهم في شئ الاية تقصد يااستاذة اليهود والنصاري وارجعي للتفاسير ومن سيفعل فعلهم من المسلمين ويقصد االفرق التي خالفت القران والسنة وهم كثرين في الامة الاسلامية كالمعتزلة والمرجئة والقدرية والتكفيريين الخوارج

فما الجماعات من كان منها سيوافق القران والسنة الصحيحة فهو ليس مع هؤلاء باذن الله





قال رسول الله "والذي نفسي بيده، لا تدخلوا الجنة حتى تسلموا، ولا تسلموا حتى تحابوا، أفشوا السلام، تحابوا وإياكم والبغضة، فإنها هي الحالقة، لا أقول تحلق الشعر، ولكن تحلق الدين

معلش نصلح الحديث بس
قال رسول الله صلي الله عليه وسلم :(والذي نفسي بيده، لا تدخلوا الجنة حتى تسلموا، ولا تسلموا حتى تحابواواوا ادلكم علي شئ اذا فعلتموه تحاببتم أفشوا السلام، واطعموا الطعام وصلوا بالليل والناس نيام تدخلوا جنة ربكم بسلام )0

اما الحديث الاخر فيقول الرسول صلي الله عليه وسلم :(اياكم وخلاف ذات البين فانها الحالقة لااقول انها تحلق الشعر ولكنها تحلق الدين)وكان هذا مجرد توضيح

اعتقد بعد الرغي ده كله اعتقد يمكن تكوني عرفيتي من اللي بيتعمله غسيل مخ ومين اللي بيلعب الدين


وكويس ان حضرتك فهماني اكتر من نفسي لدرجة انك افتكرتيني الجعفري في اول تعليق البوست اللي فات ماشاء الله وعلي فكرة الجعفري مش قاعد يطنطط ي مابتقول يالواد ده انا عارفه كويس تلاقيه قاعد يضحك دلوقتي

بطل ضحك ياد كفاية كده

عشان متزعلش الناس مننا
ياارهابي يامتطرف يااخواني
يامسلم

وكل سنة وانت طيبة بمناسبة عاشوراء
والسلام

Empress appy said...

انا هقولك كلمه واحده بس العيب فى ده واللى اكتشفته مؤخرا ان حقوق الانسان هنا بتمول من امريكا وبتدار تحت اجندا امريكيه يعنى بمزاجهم من الاخر وبسسسسسسسسسسس
وفعلا سلم لى على حموم الانسان

egy anatomist said...

فانتازيا هانم
............

سيدتي الفاضلة.. أشكرك كثيرا على هذا المقال الممتاز الذي جمع وأوفى، وشرح كثيرا مما نعاني منه في مصرنا المنكوبة مرتين: مرة بغربٍ استعلائي عدواني، ومرة بإخوة - يظهرون وكأنهم إخوتنا في الوطن - يضربون الأشواك والرماح في ظهر هذا الوطن – بعلم أو بدون علم - فلن يرحمونه إلا وهو طريح الأرض نازف الدماء

اسمحي لي بعرض وجهة نظري في نقاط محددة، تشمل ما فهمته من مقالك، بالإضافة إلى رأيي، فضلا عن تعقيبي على ما قرأته في مدونتك الكريمة من تعليقات

1
تمتلئ مصر بانتهاكات متعددة وخطيرة لانتهاكات الانسان، ولا شك أن أكثر المتعرضين لذلك هم المنتمين لجماعة الإخوان المسلمين، وتصل الانتهاكات لذروتها في التعذيب الذي يلقاه البعض في السجون والمعتقلات، ثم تتعدد بين الملاحقات المالية والمحاكمات العسكرية، وهذا فضلا عما يتعرض له المواطن البسيط من انتهاكات مستمرة من أجهزة السلطة المختلفة

2
هناك بعض التحسن الطفيف والمبدئي فيما يتعلق ببعض الأمور بدأ يُرصَد مؤخرا – لا تستفيد منه جماعة الإخوان - بسبب ضغوط القوى السياسية المختلفة في مصر والمجتمع المدني والناشطين السياسيين، ولكن مازال الشوط طويلا


3
أي مصري محترم - أو غير محترم - لا يجب أن يتردد لثانية في رفض أي ضغط أجنبي على بلده سواء جاء هذا الضغط من أوروبا أو أمريكا أو من غيرهما


4
أوروبا - كأمريكا - لا تبغي أولا إلا مصالحها الذاتية ومن ضمنها المصالح الإسرائيلية، وفي هذا السياق خرج البيان الأخير للبرلمان الأوروبي. هل يعلم الكل أن البيان هاجم تهاون مصر في تهريب السلاح لغزة؟؟ ايه علاقة غزة بحقوق الإنسان؟؟ هل يوجد من يريد أن يفكر ويتفكر أم على قلوبٍ أقفالها؟


5
إذن، فإن الواضح أمامنا أن النشاط الإسرائيلي في أمريكا وأوروبا يسفر عن ضغوط سافرة - للمرة الأولى منذ زمن طويل - على مصر، وسبب هذه الضغوط ما تراه إسرائيل وغيرها من تعاون مصري - ضمني وغير مباشر - مع حركة حماس في غزة، وهي الحركة التي لا تتوقف عن الإشادة المستمرة بمصر وبالنظام المصري بل وبالرئيس المصري حسني مبارك


6
من يرحب بضغط أجنبي على بلده، لا أراه إلا واحدا من اثنين: إما مغرض خائن أو حمار يحمل أسفارا وهو لا يشعر، سواء كان الضغط في صالح الإخوان أو العلمانيين، لصالح أيمن نور أو العريان. يجب علينا جميعا أن نفهم جيدا أن أي دولة في العالم لا تعمل إلا من أجل مصالحها وأن ليس في السياسة الدولية ضغط من أجل أهداف نبيلة أو أخلاقية. ومن يشتري هذه الأوهام إنما يكون يبيع في لحم جسده بأرخص الأثمان

_______


لا أعرف هل أتجاوز حدود اللياقة بتعقيبي على ضيوفك أم لا. ولكن لتسمحي لي بتعليق - لا يتطاول ولا يذم - على الأخوين اللذين يتطاولا ويذما


الأخوان جعفر ويعقوب

يعتبر أهل الفضل وأصحاب الضمير أن الكتابة التدوينية مثلها مثل الكتابة الصحفية العلنية يجب أن تراعي نفس الأخلاقيات العامة التي تُراعَى في الكتابة المنشورة على نطاق واسع

فإذا كنتم تعتقدون أنكم راعيتموها فيما كتبتم.. فإناءكم نضح بما فيه

وإذا كنتم لم تراعوها فأرجو مراعاتها.. حيث لا يوجد أسهل - ولا أحط - من توزيع الاتهامات والشتائم والإساءات

هذه ملاحظة شكلية

أما المضمون

فلتسمحوا لي - أخ جعفر وأخ يعقوب- بأن أقول ما يلي


لا أرى مجالا للحديث عن أو تكفير النصاري أو المسيحيين أو للحديث عن عقيدتهم بأي شكل أو طريقة. فما هكذا تورد الإبل. ورجال الجماعة التي تنتمون إليها من العقلاء والسياسيين الدهاة يعرفون كيف يتحدثون في هذه الأمور ولا يجرؤ واحد منهم أن يتحدث - علنا - عن عقائد أتباع الأديان الأخرى


أنا مثلا واحد من الناس كان يمكنني التفاعل الإيجابي مع برنامج الإخوان. كان يمكنني مناقشته. دون حساسيات أو عقد. فأنا مصري مسلم. ولو كنت مسيحي حتى فأعضاء الإخوان أيضا مصريين. ولا يحكم بيني وبينهم إلا برنامجهم وما يطبقونه في أرض الواقع. خاصة أنهم يقولون أن برنامجهم للمسلم وغير المسلم


فعلى سبيل المثال: كنت مستعد لأن أصدق الكلام الوارد في برنامج الإخوان الذي يقول نصا
"
ونحب هنا أن نؤكد على أن الإسلام عقيدة وشريعة، وأنه لا إكراه فى الدين وأن الشريعة
الإسلامية تعنى بحقوق جميع المواطنين، وتضمن لهم حرياتهم فى الاعتقاد وفى كل أمور
الحياة بتوازن تشريعى متكامل ينظم كل شئون المجتمع والدولة، والإسلام ملك للجميع فلا
احتكار له، ولا تطرف فيه، كما أنه دين الوسطية ومنهج التسامح
"

فعلا واضح.. الأخوين يعقوب وجعفر أكدا ما سبق بوضوح.. فعلا خير دعاية للإخوان.. تستحقان تكريما من مجلس الإرشاد

كمان يقول البرنامج
"
مرتكزا على الشريعة الإسلامية بتاريخها ومدارسها وتطبيقاتها، والتي تمثل واحدة
من أهم المدارس في الفقه السياسي والدستوري، والتي تدرس في مختلف أنحاء العالم . وهي
تمثل اختيارنا الذي ندعو له المسلم وغير المسلم.
"

تدعو غير المسلم بالتشكيك في عقيدته ووصفها بالفاسدة؟؟ .. ونعم الذكاء والكياسة.. والله إن المسلم لكيس فطن.. ولكن هل الغر الإخواني أيضا كذلك؟


"
تطبق مرجعية الشريعة الإسلامية بالرؤية التي تتوافق عليها الأمة من خلال الأغلبية
البرلمانية في السلطة التشريعية المنتخبة انتخابًا حرًا بنزاهة وشفافية حقيقية دون تدليس ولا
تزوير ولا إكراه بالتدخل الأمني المباشر أو المستتر ، والتي تتم تحت رقابة المؤسسات المدنية
داخلية وخارجية وبعيدًا عن هيمنة السلطة التنفيذية
"

يعني مش رؤية الأخ الجعفري والأخ اليعقوبي هي التي ستطبق في مصر في حالة وصول الإخوان للحكم، بل يعترف البرنامج بحق كل الأطراف - العلماني منها والقبطي والكافر حتى - في مناقشة والاختلاف مع التفسير الإخواني للشريعة بشرط وصوله للبرلمان وتمثيله للأمة، ولا يطبق إلا ما تتفق عليه الأغلبية.. أنا ابتديت أشك أن الأخين جعفر ويعقوب هم مخبري أمن دولة يعملون على هدم الإخوان بالتظاهر بالانتماء إليها (دعابة بريئة) .. نشوف البرنامج أيضا بيقول ايه
"
ويقوم منهجنا الإسلامي لإصلاح الدولة وفق الخصائص الآتية :
أ - دولة تقوم على مبدأ المواطنة
مصر دولة لكل المواطنين الذين يتمتعون بجنسيتها وجميع المواطنين يتمتعون بحقوق
وواجبات متساوية، يكفلها القانون وفق مبدأى المساواة وتكافؤ الفرص."

مواطنة مع كافر؟ مواطنة مع فاسد عقيدة؟ مواطنة مع علماني؟ ازاي القانون هيساوي بين المسلم السني والمسلم الشيعي؟ بين المسلم والنصراني فاسد العقيدة؟ بين النصراني فاسد العقيدة وبين الكافر، هل يؤمن الإخوان حقا ببرنامجهم هذا أم إنه تزييف في تزييف وكذب في كذب والوجه الحقيقي هنا يظهره جعفر ويعقوب الأمين؟

أيضا يقول البرنامج
"
الدولة الإسلامية هى دولة مدنية بالضرورة،
"

وهو ما يريده الكل. علمانيون ومسيحيون وملحدون وإخوانيون ويساريون وكافرون وولاد ستين في سبعين حتى. لا يريد أحد إلا دولة مدنية. مبروك. أصبح الإخوان علمانيون وهو لا يعرفون، أم انهم عرفوا ولم يخبروا الأخ جعفر والأخ يعقوب


"
وللدولة وظائف دينية أساسية، فهي مسئولة عن حماية وحراسة الدين، والدولة الإسلامية يكون
عليها حماية غير المسلم في عقيدة وعبادته ودور عبادته وغيرها، ويكون عليها حراسة
الإسلام وحماية شئونه والتأكد من عدم وجود ما يعترض الممارسة الإسلامية من العبادة
والدعوة والحج وغيره ا. وتلك الوظائف الدينية تتمثل في رئيس الدولة أو رئيس الوزراء ط بقا
للنظام السياسي القائم . ولهذا نرى أن رئيس الدولة أو رئيس الوزراء طبقا للنظام السياسي
القائم عليه واجبات تتعارض مع عقيدة غير المسلم . مما يجعل غير المسلم معفى من القيام
بهذه المهمة، طبقا للشريعة الإسلامية، والتي لا تلزم غير المسلم بواجب يتعارض مع عقيدته.)"

والله كلام جميل وأقسم أن كثيرا من غير الإخوانيين كان يمكن أن يتفقوا معه ويصدقوا أن هناك نية صافية خالصة لوجه الوطن لدى الجماعة. ولكن

يا أخ جعفر

ويا أخ يعقوب

هل حماية غير المسلم في عقيدته تتضمن التشكيك وتوصيفها بالفساد؟؟
أدعو الله ألا يقرأ أحد من القيادات كلامكما هنا وإلا - في رأيي- ستتهمان - في أقل تقدير - بالسذاجة السياسية والانفعال الصبياني وبالإضرار بمصالح الجماعة ومخالفة برنامجها المعلن

يعني البرنامج بيقول.. رئيس الجمهورية أو رئيس الوزراء لا يصح أن يكون واحد منهما قبطي حسب نظام الدولة.. واحد منهما.. يعني لو دولة رئاسية يبقى الرئيس مسلم وممكن أي حد غيره يكون مسلم أو مسيحي. ولو دولة برلمانية يبقى رئيس الوزراء مسلم وممكن رئيس الجمهورية يبقى مسيحي

يعني الإخوان موافقين إن رئيس جمهورية مصر يبقى قبطي (نصراني) (عشان تنبسطوا وتشعروا بالانتصار) لو كانت مصر دولة نظامها برلماني يحكمها رئيس الوزراء.. وممكن يبقى رئيس الوزراء قبطي لو مصر دولة نظامها رئاسي يحكمها رئيس الجمهورية

أصدق مين فيكو؟ جعفر ولا المرشد العام

ازاي ياجعفر توافق ان رئيس وزراء مصر - أو رئيس جمهوريتها - يبقى نصراني فاسد العقيدة؟



"
عدم التمييز بين المواطنين فى الحقوق والواجبات على أساس الدين أو الجنس أو اللون
"

والله ده كلام أحسن من دساتير أوروبا العلمانية الكافرة.. بس للأسف باين ان محدش موافق على الكلام ده في الجماعة التي كانت يوما قوية متماسكة فأضحت هشة ممزقة يعيث فيها الصبية فسادا ويشوهونها



بيقول البرنامج ايه كمان عن "التدخلات الخارجية"؟

"
4 التدخلات الخارجية باستغلال أوراق الاختلافات المذهبية والقومية والدينية يكون له آثار
سلبية على الداخل المصري، وعلى العلاقات مع الجوار العربى والإسلامي والإفريقي.
"

واضح انكم رافضينها فعلا

لا وايه كمان

"
كما أن سياسات فرض الليبرالية الجديدة باسم حرية السوق والديمقراطية، وكذلك التدخل فى
الشئون الداخلية باسم حماية حقوق الإنسان، هى من أوجه التعبير عن الهيمنة السياسية
والاقتصادية والثقافية
"

التدخل في الشئون الداخلية باسم حماية حقوق الانسان مرفوض عندنا نحن معشر الاخوان والدليل هو ترحيبنا بالهجوم الاوروبي على مصر بسبب حالة حقوق الانسان.


وعندما نقرأ أيضا ما قاله برنامج الإخوان عن الأقباط وكنيستهم، نتسائل عن سر هذا الفرق الشاسع بين البرنامج الرسمي المعلن وبين الواقع المعبر عنه في تصريحات الأخوين؟ ايه الفرق بينهم وبين الحزب الوطني والحكومة؟ كله بيقول في العلن غير ما يضمر في نفسه

حقيقة.. أرى أن هناك وجوبا لاعتذار كل منكما لكل مصري قبطي ولكل مسيحي بوجه عام ولكل غير مسلم أيضا، هذا فضلا عن كل مسلم حتى لو كان يتبع مذهبا غير السني أو يختلف معكم في الرأي. إلا لو كنتم تعلمون - وأنتم أدرى - أن مواقف جماعتكم قد تغيرت من ناحية غير المسلمين ومن ناحية أقباط مصر تحديدا

..


أكتفي بهذه الاقتباسات القليلة من البرنامج الإخواني (128 صفحة).. وأعتذر ثانية لفانتازيا هانم صاحبة المدونة على تعقيبي – دون إذن - على ضيوفها الكرام


__

تحياتي واحترامي

Unknown said...

تصدقي بالله من غير مااشوف تعليق اليعقوبي وانا كده عمال اقرء تعليقك عمال اضحك
بس حلوه اسلوب صبياني كلمه ماسمعتهاش من ايام افلام الخمسينات
وانتي عارفه يعني ايه اصلا غسيل مخ
ده اللي هواحنا اللي بيتعملنا غسيل مخ
وعلي العموم الاسلوب اللي انا بتكلم بيه مش اسلوبي تماما والحمد لله انا بدخل اي مدونة واعلق علي اي موضوع بأسلوب مختلف تماما بس لان حضرتيك بتتكلمي بالاسلوب ده اتكلمت بنفس الاسلوب
وعلي فكره الحمد لله انا مبنفعلش تماما في الحوار معاكي ولاكنت باتنطط ولاحاجه بس حضرتيك نظريك ضعيف شويه
اما الكارثه الكبري انك بتستشهدي بشيوخ الازهر في ثورة 19 حضرتيك احنا مرجعيتنا الكتاب والسنة الصليب ده رمز لعقيده الصلب الفاسده عند النصاري اللي القرآن انكرها (وماقتلوه وماصلبوه ولكن شبه لهم)
يبقي ازاي يرفع واحنا ننكره ولانقره
ثانيا زي مارد اليعقوبي ربنا يبارك فيه ويعزه علي فكره توارد الافكار بينا عالي جدا الحمد لله
ان انا مكفرتكيش ولا يحق لي ان اكفر المعين بس انا قولت عقيدتك فاسده وذلك لرفعك صورة الصليب وابقي اساألي اهل العلم والعلماء وابحثي في الامر
ثانيا من المهازل الشديده في تعليقك استشهاديك بالايات في غير موضعها وده انما ينم عن جهل شديد جدا بالتفاسير لكتاب الله عزوجل وبترددي كلام المستشرقين الضالين واليعقوبي قد قال وافضي في هذه النقطه وطبعا عرفتي الصابئين اللي هما عبدة النجوم يااستاذي يبقي علي استشهادك هم بقي مؤمنون
بصي انا هقوليك حاجه الايات واضحه في حكم غير المسلمين
(وَمَن يَبْتَغِ غَيْرَ الإِسْلاَمِ دِينًا فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ )
في النهايه هو الاسلام دين الله الخاتم
والحمد لله الذي فطرنا عليه
وذلك نعمة من ربي
وطبعا قوليك ان النبي صلي الله عليه وسلم تزوج السيده ماريه علي ديانتها النصرانيه الارثوذكسيه
قد وضح لي الكثير جدا عن ثقافة حضرتيك وينم عن جهل فظيع بالسيره النبويه والتاريخ الاسلامي علشان كده لم اتعجب من تهجميك البشع علي اصحاب النبي عندما ذكر لكي اليعقوبي حادثة استخلاف ابي بكر رضي الله عنه وعن اصحاب النبي جميعا
لم اتعجب مطلقا وانتي تقولي هذه الكلمه السيده ماريه القبطيه اسلمت وانجبت للنبي ابراهيم وعندما مات ابراهيم ومات رسول الله قضت حياتها في العباده والصيام ولم تكن نصرانيه وده انما يدل علي عدم المامك بالتاريخ الاسلامي بس يلا مش غريبه
واتقي الله ولاتفسري القران عن جهل وتتبعي هواكي وارجعي لاهل العلم
يقول الله تعالي
هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ في قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ وَمَا يَعْلَمُ تَأْوِيلَهُ إِلاَّ اللّهُ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِّنْ عِندِ رَبِّنَا وَمَا يَذَّكَّرُ إِلاَّ أُوْلُواْ الألْبَابِ
واليعقوبي رد وافاض واحسن
ربنا يجزيه كل خير
ويمن علينا وعليكي ويهدينا ويهديكي
ويغفر لنا جميعا

Hypatia said...

عزيزتى فانتازيا

تحيه ليكى اولا على البوست
تحيه للاستاذ ايجى اناتومست اللى دايما بيبهرنى بثقافته من الاخر بيغسل اللى قدامه ومحدش يعرف يرد عليه

بالبلدى كده وببساطه اسمحيللى اقول رأيي المتواضع

فانتازيا حبيبتى غضب اسرائيل علينا سبب من اسباب صدور البيان ده من الاتحاد الاوروبى والسبب التانى ان بقعه الزيت طفت ع السطح يعنى الغسيل الوسخ اتنشر فى العلن فحفظا لماء الوجه الاتحاد الاوروبى بيبرأ زمته

والموقف المصرى برضه حركه عنتريه مؤقته بسبب ان القياده السياسيه مستفزه من اسراءيل اليومين دول

مقدرش ازيد اى حاجه على كلامك كان كافى جدا

لكن تعليق بسيط الاخوان عزيزتى فى الفتره الاخيره بيخرفو من الاخر وبيطلعو فى الروح وغير قادرين على انتاج اى خطاب فكرى الاخوان حفنه من كبار الجماعه كل اللى يشغلهم ان اسم الجماعه يفضل موجود وميهمهمش بقى اصلاح حقيقي ولا دور سياسي حقيقي ولا الكلام ده هما اللى يهمهم البقاء والبقاء فقط وحفنه اخرى من اصحاب الاعمال واللى يهمهم الحفاظ على اموالهم وحفنه قليله قليله قليله من الاصلاحيين بينادو بديموقراطيه وحبشتكنات كشعارات فقط لكن طبعا مش مؤمنين بقيم الديموقراطيه من حريه وعدل ومساواه وحفنه من شباب الجماعه واهى عينه معلقه عندك وواضح ان مفيش اى خوف منهم لانهم مش فاهمين حاجه اساسا
الجماعه الاخوانجيه فى خلال التلات سنوات اللى فاتو بتحاول انها تعيد تقييم دورها فى المجتمع لكن مقدرتش تعمل حاجه ودورها لم يتعدى انها جابتلنا صداع وشويه ظهور اعلامى على شويه تجمعات لصلاة العيد وخلاص

واى حد عاوز يفهم ديوقراطيه الاخوان يشوف طريقه معاملتهم للى بيختلفو معاهم من داخل الجماعه يعنى منهم وفيهم

اطلعى على شهادة الاخوانى السابق ثروت الخرباوى كمثال بسيط على الديموقراطيه الاخوانجيه

وارجوكى متنبحيش صوتك معاهم مفيش فايده معندهومش غير عقيدتك فاسده والكلام الفارغ بتاعهم ده وتكفيرهم لخلق الله حاجه مش عارفه مين اداهم الحق فى كده

يعنى سؤال البوست بيتكلم فى بيان البرلمان الاوروبى وموقف القياده السياسيه منه وموقف الاخوان
يعنى حضرتك مسالتيش ياجماعه ايه رايكم فى عقيدتى مين اداله الحق يشكك فى عقيدتك انا مش فاهمه مش لاقى حاجه يقولها يروح يلعب فى حته تانيه يمشي كده طوالى ويحود يمين ويدخل برجله اليمين اى مدونه لاخوان ولا لفاشيين ويرجع الكلمتين المحشورين بتوعه يعنى قرا البوست ولقى نفسه مش فاهم حاجه مافيهاش حاجه يمشي مش لازم يعلق ولا انتى عامله قانون ان اى حد يدخل عندك لازم يعلق

يعنى المره الجايه لو دخلت لقيت بوست انا مش فاهماه ادخل اكتب نكته ولا ايه الكلام


هم يضحك يا اختشى وهم يفطس من الضحك
:)
لول

سلام

Hoda said...

نقلا عن جريدة الفجر العدد 135 الاثنين

14يناير 2008 علناً ... الاخوان ينسقون مع جناح بالمجلس الملى لإنتخابات المحليات واقعه اخرى من لعبة المصالح السياسيه تكشفت بكل وضوح أثناء استقبال الانبا روفائيل - مندوب البابا شنودة الثالث - بضيوفه المهنئين بعيد الميلاد المجيد والذين كان على رأسهم اللواء عادل لبيب محافظ الاسكندريه ورغم ان نواب الاخوان المسلمين زاروا البطريركيه المرقسيه العام الماضى فى نفس المناسبة وهو ما اعتبره المراقبون مؤشراً لتحالف القوى السياسية فى انتخابات الشورى خاصة فى دائرة كرموز واللبان والذى نفاه أغلب أعضاء مجلس ملى الاسكندريه وقتها .. الا ان استقبال د. عيسى جرجس بالأحضان لمحمود عطيه نائب الاخوان عن دائرة كرموز فى مجلس الشعب وكذلك لصابر ابو الفتوح نائب الاخوان بدائرة باب شرق قد اعاد الى الاذهان التنسيق الخفى بين جبهة د.عيسى فى المجلس الملى وبين قوى الاخوان فى انتخابات الشعب عام 2000 ثم فى انتخابات الشورى عام 2007 هذه المره أضيفت الى حفاوة الاستقبال الكنسى للاخوان دعوة د. عيسى جرجس رئيس اللجنه الصحية بمجلس ملى البطريركيه المرقسيه ونائب رئيس مجلس إدارة كنيسة الملاك ميخائيل بمصطفى كامل - للنائب محمود عطية ليزوره فى المستشفى ورغم وجود عدد كبير من السياسيين المعارضين للتهنئه بعيد الميلاد المجيد منهم ابو العز الحريرى من حزب التجمع وعادل ضرغام من الاحرار وغيرهما ..الا أن السياسيين الاقباط يدركون قوة الاخوان خاصة فى دائرة كرموز والتى تعد معقلا لعدد من السياسين الاقباط بسبب كثرة الكنائس والمحلات التجاريه وهو ما جعل الحفاوه بالاخوان اكثر وضوحاً من الحفاوه بالسياسين الاخرين خاصة مع اقتراب انتخابات المحليات المتوقعه فى ابريل القادم .

اشطه يعنى الحكايه ماشيه زى السكينه فى الحلاوه بين الاقباط والاخوان ومفيش اى خلافات كلها مصالح يا عم صالح ولا الاخوان دول مش تبعكم يا استاذ يعقوبى والجعفرى ولا دول كمان فاسدين العقيده علشان بيعملوا مصالح مع الاقباط ويسلكوا امورهم المصيبه ان الدنيا كلها عارفه قصة الاخوان وانهم ممكن يبيعوا ابوهم علشان مصلحتهم هما وبس والاستاذه فانتازيا ما جبتشى حاجه من عندها بس هى قالت الحقيقه على المفتشر بالبلدى كده ولسه ياماا هنسمع وهنشوف معلشى يا فانتا يا حبيبتى اصل اللى يقول الحق يحصلوا ايه ... انتى اللى فتحتى النار وارجوكى بلاش تقفليها ويا ريت تعرفينا على ما خفى وكان اعظم

تحياتى واحترامى

Unknown said...

استاذه حنين
معلش هكمل الرد علشان انا فعلا تعبت جدا
بس كلاميك للاسف مرسل ومش محدد
اولا جريده الفجر احدي الصحف القذره الوضيعه في البلد يكفي انها سبت سيدنا ابوهريره وسيدنا عمروبن العاص والامام البخاري
ياريت تكوني عارفه الكلام ده علشان بس من العاراننا نستشهد بجريده زي دي
فاحضرتك بتقولي الكلام ده بفخروثقه وكأنك نزلتي بقران من السماء
لايافندم اتحداك ان جبتي الخبر ده من اي مصدر اخر ولو جبتيه هاتي اللينك بتاعه اتحداكي
ومين قال ان اصلا في مشكله من ناحيتنا اتجاه النصاري هوانتي فاكره علشان بقول عليهم كفره ابقي هقتلهم وهحاربهم ويبقوا اعدائي لاني انا مقولتش كده ده ربنا اللي قال والايات موجوده في التعليقات اللي انتي رده عليها لوزعلاااااااااااااانه اوي كده ابقي اسئلي ربنا ليه النصاري كفره
انما انا اعاملهم معامله حسنه يقول الله تعالي(لاينهاكم الله عن الذين لم يقاتلوكم في الدين ان تبروهم وتقسطوا اليهم ان الله يحب المقسطين )
وده نهج النبي اللي يتبعه اخوان او سلفيين اواي مسلم ملتزم
فمفيش مشكله مع النصاري
وبعدين الناس كلها عارفه ان الاخوان يبيعوا ابوهم علشان مصاحهم
اتقي الله وهذه شهاده تقفي بها امام الله عزوجل مين الناس كلها اللي عرفه هوانتي ومعارفيك تبقوا الناس كلها ايه الكلام المرسل المبتذل ده
اي مصالح يااستاذه دي رفد من الجامعات ومصادره اموال واعتقالات وتعذيب اي مصالح اللي انتي بتتكلمي عنها
علي العموم الله بينك وبينهم والله هوغايتهم والقران دستورهم وليست قوانين موضوعه والرسول قدوتهم وزعيمهم وليس لنين اوماركس او جيفارا
والموت في سبيل الله اسمي امانيهم وليس في سبيل العلمانيه
والله يعلم انك واستاذه فانتازيا لم تقولوا الحق .وابقي اكشفي انتي وهي براحتكم بس جيبوا مصادر موثقه ومحترمه بلاش الجرائد الصفراء مثل الفجر وغيره
ونسأل الله لنا ولكم الخير والتوفيق
وربنا يبارك فيكي ويعزك
وجزاكم الله خير

Unknown said...

فانتازاستاذه يا
ممكن ارد علي الاساتذه واحد واحد
واظن ان حضرتك هتديلي الحق في كده ولو مش موافقه ممكن تمسحي التعليق
اولا الاستاذ ايجي اناتومست انا رديت عليه في مدونته لانه فعلا راجل متزن في نقده وعرضه وده شيء انا احترمته فيه
وردي موجود علي مدونته
__________________________
الاستاذه نسرين
ربنا يبارك فيكي
بس هو حضرتك انا الحمد لله رديت علي الاستاذ ايجي اناتومست وخيبت ظنك متقلقيش
وثانيا انتي عماله تقولي حفنه من وحفنه من وحفنه من
وعماله تقسمي وترزعي حتي مجبتيش دليل واحد علي كلاميك المرسل ده انا حتي لما قولت عقيده فاسده جبت دليل وعلي فكره انا لم انطق بكلمة كافره مطلقا بس ياريت تركزي شويه وتلبسي نضاره وانتي بتقراي البوست
انما انتي بتخبطي من غير دليل
وبالله عليكي في ناس هتعيش علشان تحافظ علي اسم الجماعه بس هو انتي اصلا عارفه الاخوان المسلمين عددهم كام ولافي كام منطقه في العالم طبعا انتي فاكراهم في مصر بس لاياسيدتي الفاضله والناس الكبار دول مش هيتسجنوا وتتصادر اموالهم وهيتعذبوا علشان اموال ولادنيا زائله بمن فيها ولكن من اجل ان يحكم شرع الله
وطبعا لوانتي في جامعه كنتي عرفتي مين هما اللي حفنه شوفي الفرق بين اعداد طلاب الاخوان المسلمين وشوية العلمانيين علي الشيوعيين علي باقي المجموعات الاخري طبعا فرق شاسع وهو ده اللي يوضح مدي قبول الناس لاي فكر للفكر الاسلامي والفكر العلماني الوضعي
بين شرع الله وكتابه وبين قوانين ودساتير وضعيه
وبفضل الله عزوجل مسح الاخوان العلمانيين في السبعينيات والثمانينيات والان يخوضون المعركه من جديد ولكنها هذه المره ايسر بكثير لان الفكر العلماني وغيره خلاص اتحرق والصحوه الاسلاميه بفضل الله قادمه وبقوه سواء من اخوان اومن سلفيين
وبعدين انتي بتتكلمي عن واحد خرج عن فكر الاخوان ماهو الاستاذ خيرت الشاطر كان يساري وتاب الي الله من فكرهم
واننا حفنه مش فاهمه حاجه والله دي رؤيتك الخاصه التي لاتعنينا مطلقا
ولازم نكون بالنسبه ليكي مش فاهمين حاجه
ده حتي كلاميك كله غريب
يعني ايه يروح يلعب بعيد هو انا لازم ادخل اشكر وامدح يااروح العب بعيد
ماتخليكي موضوعيه في كلامك وتتكلمي زي الاستاذ ايجي اناتومست وتشوفي انتي عايزه ايه بالظبط
تاني هقولها انا لم اكفر احد واتهامكي بفساد العقيده للاستاذه كان ليه سبب من
وضعها صورة الصليب
والتاني انها بتفسر ايات الله بغير علم
والثالث انها تهكمت علي الصحابه في قضية الاستخلاف عندما كانت ترد علي اليعقوبي
انما لم اكفرها ابدا ولم اقل كلمة كافره وقولت البسي نضاره
الحمد لله الاخوان في زياده كبيره وانظري حتي الي عدد مدونات الاخوان وفي الجامعات والبلد بوجه عام لانفرح والله بزيادة الاخوان الا انها زياده للاسلام
ولكني اقول الكلام ده لانك بتقولي غير قادرين علي انتاج خطاب فكري
هو اصلا الاخوان عارفين يعملوا مؤتمر صغير لما يخرجوا بخطاب هو انتي مش عايشه في البلد ولاايه انتي مشايفه القوانين والتعديلات الدستوريه والمحاكمات العسكريه
وعلي كده يقفون كالجبال في كل وادي
حفنه تحارب من اجل الشريعه الاسلاميه
وحفنه تحارب من اجل الحريه الشخصيه
وحفنه تحارب العلمانيين وامثالهم
وحفنه تدعوا الي الله وتنشر دينه وتعاليمه
ووالله ياريت في حته فاهم ومش فاهمه تتكلمي عن نفسك بس ماكيش دعوه بينا
هو احنا اشتكيناليك
ياستي احنا فاهمين هي عايزه تقول ايه هي مكتبتش معادلات كيميائيه
وعلي العموم حصل خير
وده كان ردي علي حضرتك
ويسر الله لنا مايحبه ويرضاه
وعلي العموم اسف لوكان في كلامي حده بس لسخونة الموضوع
وربنا يبارك فيكي ويعزك
وجزاكم الله كل خير

Hoda said...

بعد أذن الاستاذه / فانتازيا تسمح لى ارد على الاستاذ / الجعفرى

يا استاذ جعفرى تسمح لى اقولك ان دى مش طريقة نقاش عقلانى دا انت جاى هنا تتخانق بجد وبعدين حاول تتكلم بأسلوب ارقى شويه حتى تحترم السن اللى بينا وانا فى ردى عليك رديت بمنتهى الهدوء وفى حدود اللياقه والادب فيا ريت لما توجه لى كلام يكون بنفس الاسلوب دا لو عايز تتناقش وترد بشكل حضارى لكل الناس اللى علقت بما فيهم الاستاذه صاحبة المدونه واحب اوضح لك ان اللى انت بتتكلم معاهم مش اعداء ليك احنا الحمد لله كلنا مسلمين زيك والحمد لله بنعرف ربنا زيك يعنى مش انت لوحدك اللى مسلم ويا ريت تعمل بقول رسول الله بأن المسلم هو من سلم الناس من لسانه ويده يعنى المسلم يقدر يعيش مع الكافر والملحد والمشرك والمنافق ويؤثر فيهم بأخلاقه ولا يتأثر بهم فما بالك بمسلم واخوانى وصاحب قضيه زيك وبيشهد زينا ان لا اله الا الله وان محمد عبده ورسوله وحتى لو انعدم التفاهم بيننا يجب ان يحترم بعضنا بعضاً حتى يا سيدى علشان نفوت الفرصه على اعداء الاسلام لما احنا يا مسلمين نختلف يبقى هنعمل ايه مع الناس التانين وما يصحش يحدث شقاق وخلاف فيما بيننا نحن المسلمين ننتقد بعض ونهين بعض فما بالك بغير المسلمين وانا بأكد جداً على دا
وبعدين انا ايه ذنبى ان انت ما بتعترفشى بكل جرايد المعارضه واقمت عليهم الحد وانهاجريده فجره ووضيعه وبتهين علماء المسلمين طيب ابقى قولى حضرتك بتقرا اى جرائد علشان ابقى استشهد بيها وبعدين انا مش فخوره وسعيده ولا بنزل قرآن ولا حاجه وبلاش طول ما انت بتكتب تصدر احكام باطله على الناس وخلاص انا برد بالخبر دا على كلامك اللى وجهته لفانتازيافى تعليقك الاول وهو" صورة الصليب اللي انتي حطاها في البوست اللي فات توضح وتبين فساد عقيدتك الشديد تخيلي الله عزوجل يقول (وماقتلوه وماصلبوه ولكن شبه لهم)
وان الصلب ده من اساسيات عقيدة النصاري المحرفه لان المسيح عيسي عليه السلام لم يصلب ولم يقتل ولكن رفعه الله طبعا انتي زعلتي جدا من كلمة نصاري وشوفت رديك علي عز في النقطه دي يااستاذه القرآن سماهم نصاري في جميع المواضع او اهل كتاب ولم يسميهم مسيحيين تماما والنبي سماهم نصاري متجيش تعيبي علينا ان احنا بنسميهم كده لان دي تسمية الله لهم مش دا كلامك طيب انت ما بتشفشى بقى لما الاخوان بيروحوا للاقباط فى الكنيسه وبيتعاملوا معاهم كده ما يبقوش من وجهة نظرك فاسدين العقيده وبيعملوا بيزنس ولا انت اللى محتاج نظاره ومش لاقى حاجه تقولها وبعدين بتقولى انتى زعلانه قوى انى بقول على النصارى كفره ابقى اسالى ربنا ليه قال عليهم كده انا اسألك انت الاول لما انت بتكفر المسلمين يبقى مش بعيد عليك تكفر غير المسلم وبقولها تانى ايوه الاخوان المسلمين بيبيعوا ابوهم علشان مصلحتهم واحنا ما شفناش منهم لغاية دلوقتى اى حاجه غير الكلام فى كلام ولا شفنا ليهم اى فكر ولا برنامج اتنفذ ولا حاجه ايجابيه اتنفذت على ارض الواقع غير ان هما عمالين يكفرونا فى عيشتنا واتقى الله انت فى اخوانك المسلمين وخللى كلامك حلو ولين علشان الناس حتى تقتنع بفكرك وكلامك دا حتى يا اخى ربنا قال ولو كنت فظاً غليظ القلب لانفضوا من حولك

على العموم انت بنفسك اديتنا فكره واضحه وكامله جداً عن اسلوب وفكر ومنهج الاخوان المسلمين تخلينا حتى لو كنا حنسمع لهم نجرى منهم

ربنا يهديك وينجحك فى دراستك جايز لما تتعلم الاعلام بتاع العلمانيين اللى مش عجبينك تقدر تتعامل معاهم بشكل احسن من كده

Fantasia said...

مهندس مصري
أشكر مروركم الكريم على المدونة والاهتمام بالتعليق
أنا متفقة معك سيدي الكريم أن مثول المدنيين أمام المحاكم العسكرية هو انتهاك لحقوق الانسان, وتعدي على اختصاصات الجهات الأخرى ذات الصلة بالقضية المطروحة
وأنا حين أدين موقف البرلمان الأوروبي, لا أدعي الموافقة على أي من الانتهاكات التي تحدث بالفعل. ولكني أعلم أن هدف البرلمان الاوروبي من التدخل في شئون مصر لا صلة له بتصحيح الوضع الداخلي أو برفع الظلم عن من يمثلون أمام هذه المحاكم أو غيرها.
هل ستلغى المحاكمات العسكرية في مصر بقرار من البرلمان الأوروبي يا سيدي؟ وإذا حدث, وتم ذلك بالفعل, هل هذا يسعدك كمصري؟ هل هذا هو السبيل؟ هل يبرر وجود أخطاء أن نسمح بمثل هذا التدخل الاجنبي السافر؟
أعتقد انه لا ينبغي أن نؤيد قرار خارجي يدين بلدنا.. خصوصا ونحن نعلم الاسباب الحقيقية وراء هذه الادانة والهدف من ممارسة الضغوط على الدولة المصرية, ألا وهو خدمة الكيان الصهيوني, الذي هو صناعة بريطانية في الأصل
أنا أيضا لست من الاخوان يا سيدي. كما أنني أكره الظلم. لكني لست على استعداد لوضع يدي في يد الصهاينة ظنا مني انهم يودون رفع الظلم عن ابناء بلدي

خالص تحياتي

Fantasia said...

appyالعزيزة
أرجو أن تراجعي ردي على التعليق الأول للأستاذة حنين, فبه إجابة وافية وتوضيح للنقطة التي أثرتيها
تحياتي

Fantasia said...

الأستاذ العزيز أناتوميست
أشكرك جزيل الشكر على هذا التعليق الرائع بحق وعلى تلخيص النقاط الواردة بالمقال, والذي أعتمدت في كتابته على أسلوب ساخر لبيان تهافت الادعاءات القادمة من الخارج والداخل

إسمح لى سيدي الفاضل أن أقوم بنشر رد الجعفري على تعليقك حتى تكتمل فصول هذه المهزلة, ويطلع كل المشاركين في النقاش على مدى سذاجة الفكر الذي نحاوره, ومدى تعصبه وجهله وبناء كل منهجه على مجموعة من المسلمات الرثة. أيضا أود أن أعتذر لك عن عدم وعي الذين تحاورهم بمحتوى تعليقك القيم وعدم استطاعتهم أن يكونوا على مستوى هذا الحوار الراقي والجاد

ولي عودة لمناقشة ما ورد من نقاط هامة

خالص تحياتي واحترامي

Anonymous said...

رد الجعفري على تعليق الأستاذ أناتوميست
.......................
السلام عليكم يااستاذنا
انا بس جيت ارد علي تعليق حضرتك عند استاذه فانتازيا هنا عندك تجنبا للدخول في اي مهاترات اخري
ولنتكلم بهدوء هنا
اولا :ان الاسلوب اللي انا اتكلمت بيه هناك مش اسلوبي تماما لولابحبه اوافضله وده يبان من البوستات والتعليقات الاخري في اي مدونه بس للاسف ده اسلوب الاستاذه اللي بتتكلم بيه وانا رديت تقريبا بنفس الاسلوب
وان حضرتك ارتضيت انك تعقب علي الاسلوب كنت اتمني من حضرتك انك تكون منصف اكتر من كده شويه وتعقب علي اسلوبها سواء في البوست او في التعليقات اما تغافلك المقصود او غير المقصود فهذا من عدم الانصاف في شيء
ثانيا اعقب علي الموضوع الرئيسي
__________________________
اولا هل تعلم حضرتك ان حركة حماس هي من الاخوان المسلمين هل تعلم ذلك وان الاخوان المسلمين في مصر هم اكثر من يساندون حماس في فلسطين ,وبعدين الحكومه المصريه بتهرب اسلحه لحماس!ازاي بس حضرتك تقول الكلام ده هو حضرتك عرفت منين بس ازاي ويد الحكومه المصريه لم تجف من حبر مؤتمر انابوليس 0
هو في الحقيقه كل الحكايه ان حماس عندما دخلت مكتب الامن الوقائي كشفت عن اوراق تؤكد تهريب فتح لعدد من الاسلحه للبدو داخل مصر وانها تهرب لهم المخدرات وغيره وانها تقوم لعمليات تجسس لصالح اسرائيل وهذا جعل مصر تأخذ جانب الحياد في القضيه بدل تحيزها لفتح انما قبل كده اسأل محمود الزهار لما جيه هنا ومحدش استقبله في المطار ولاحتي مقابله رسميه وكانت فضيحه
فضلا عن تعامل حكومة فتح المستمر مع الاردن فأرادت مصر ابداء التعاون مع حماس كنوع من الضغط علي فتح 0
________________________
في كلمات حبيت ارد عليهابرده في تعليقك عند الاستاذه
وإذا كنتم لم تراعوها فأرجو مراعاتها.. حيث لا يوجد أسهل - ولا أحط - من توزيع الاتهامات والشتائم والإساءات
لاحول ولاقوة الابالله
اولا احنا مبنشتمش تماما وهات كلمه واحده فيها شتايم قولناها اما الاتهامات انا قولت الدليل
وبعدين البوست نفسه بتاعها في توزيع اتهامات واساءات بالغه واسلوب شديد التهكم بس تقريبا حضرتك مخدتش بالك منه حضرتك مركز معانا احنا بس علي العموم الله المستعان
______________________________

لا أرى مجالا للحديث عن أو تكفير النصاري أو المسيحيين أو للحديث عن عقيدتهم بأي شكل أو طريقة. فما هكذا تورد الإبل. ورجال الجماعة التي تنتمون إليها من العقلاء والسياسيين الدهاة يعرفون كيف يتحدثون في هذه الأمور ولا يجرؤ واحد منهم أن يتحدث - علنا - عن عقائد أتباع الأديان الأخرى
اولا انا لما اتكلمت في النقطه دي كنت باارد علي الوست اللي فات ليها لاني ماردتش عليه ثانيا لكل مقام مقال يعني رجال الجماعه عندما يتحدثون يتحدثون في المعامله ومفهوم المواطنه وهوامر لايختلف عليه احد انهم يعاملون نفس معاملة المسلمين من حيث الواجبات الفروضه علي الدوله اتجاه مواطنينها
(ولاينهاكم الله عن الذين لم يقاتلوكم في الدين ان تبروهم وتقسطوا اليهم ان الله يحب المقسطين)
دي نقطه انما حضرتك لو قرات البوست اللي فات وذكرها الدكتور محمد عماره انه كفر النصاري وده اصلا امر بديهي جدا بصريح الايات والاحاديث
منها
وَمَن يَبْتَغِ غَيْرَ الإِسْلاَمِ دِينًا فَلَن يُقْبَلَ مِنْهُ وَهُوَ فِي الآخِرَةِ مِنَ الْخَاسِرِينَ )
علشان كده رديت عليها ولااجد عيبا اوحرج
وقد تكلم ربي سبحانه وتعالي في كتابه عن العقائد الاخري في سور كامله بكل وضوح وارجع الي سورة المائده تتكلم معظمها عن اهل الكتاب وخاصة النصاري وتكلم ايضا رسول الله بكل وضوح وهناك فرق بين التفريق في المعامله الانسانيه والتفريق في العقيده يعني مش علشان اعمل غير المسلمين معامله حسنه اروح اقول لهم عقيدتكم سليمه لالايجوز مطلقا
فرجال الاخوان لايتكلمون في هذا الحديث لانهم لم يتعرضوا له ولايجروء احد من علماء المسلمين ان يقول غير هذا حتي شيخ الازهر نفسه لايستطيع ان يقول ان غير المسلمين من اهل الكتاب مؤمنين وسيدخلون الجنه واتحداك ان تأتيني بقول عالم او حديث او ايه تخالف ماقوت
لذا كان ردي علي استاذه فانتازيا في هذه النقطه بلاحرج يعني هي متقعدش تقول استاذ محمد عماره قال وعاد وهي تقول براحتها في حكم النصاري مخالفه لقواعد معلومه في الدين بالضروره وعايزنا حضرتك نقعد كتومين منتكلمش اعتقد انه جانبك الصواب تماما في حكمك
__________________________
تطبق مرجعية الشريعة الإسلامية بالرؤية التي تتوافق عليها الأمة من خلال الأغلبية
البرلمانية في السلطة التشريعية المنتخبة انتخابًا حرًا بنزاهة وشفافية حقيقية دون تدليس ولا
تزوير ولا إكراه بالتدخل الأمني المباشر أو المستتر ، والتي تتم تحت رقابة المؤسسات المدنية
داخلية وخارجية وبعيدًا عن هيمنة السلطة التنفيذية
يعني مش رؤية الأخ الجعفري والأخ اليعقوبي هي التي ستطبق في مصر في حالة وصول الإخوان للحكم، بل يعترف البرنامج بحق كل الأطراف - العلماني منها والقبطي والكافر حتى - في مناقشة والاختلاف مع التفسير الإخواني للشريعة بشرط وصوله للبرلمان وتمثيله للأمة، ولا يطبق إلا ما تتفق عليه الأغلبية.. أنا ابتديت أشك أن الأخين جعفر ويعقوب هم مخبري أمن دولة يعملون على هدم الإخوان بالتظاهر بالانتماء إليها (دعابة بريئة) .. نشوف البرنامج أيضا بيقول ايه
"
ويقوم منهجنا الإسلامي لإصلاح الدولة وفق الخصائص الآتية :
أ - دولة تقوم على مبدأ المواطنة
مصر دولة لكل المواطنين الذين يتمتعون بجنسيتها وجميع المواطنين يتمتعون بحقوق
وواجبات متساوية، يكفلها القانون وفق مبدأى المساواة وتكافؤ الفرص."

مواطنة مع كافر؟ مواطنة مع فاسد عقيدة؟ مواطنة مع علماني؟ ازاي القانون هيساوي بين المسلم السني والمسلم الشيعي؟ بين المسلم والنصراني فاسد العقيدة؟ بين النصراني فاسد العقيدة وبين الكافر، هل يؤمن الإخوان حقا ببرنامجهم هذا أم إنه تزييف في تزييف وكذب في كذب والوجه الحقيقي هنا يظهره جعفر ويعقوب الأمين؟
_____________________________
نرد علي حضرتك في هذه النقطه
اولا يعني ايه شريعه اسلاميه يعني حضرتك قولتها كده بشكل مرسل وقمت حضرتك بنيت حكم غريب علينا معرفش بأي حق
اولا الشريعه الاسلاميه هي الاحكام التي جاءت في القران والسنه وهما اساس الشريعه ثم حدث بعد ذلك قياس واجتهاد وعرف ومصالح مرسله وغيره
تمام يعني اي حاجه بنرجعها للشريعه في اول الامر من كتاب وسنه وتجري حكمها سيفا فوق رقاب الاخوان المسلمين قبل اي حد لانها حكم الله عزوجل
ولكن هناك مساحه في الشريعه سكت عنها الشارع رحمة غير نسيان وهي قاعده فقهيه استند عليها علماء الامه قديما وحديثا وهي دي النقطه اللي نختلف فيها بدون مشاكل سواء مع المسلمين او النصاري اواليهود او حتي ولاد ستين في سبعين زي ماحضرتك قولت
علشان كده انا مش شايف في كلامي انا واليعقوبي مايناقض ذلك تماما
بس حضرتك لم توفق في التفرقه بين المعاملات وحكم الغير ودي مش مشكلتنا مطلقا
يبقي احكام الشرع تسري علي الجميع سواء اخوان اوغير اخوان اومسلمين او اي شخص تحت الحكم الاسلامي في الدول الاسلاميه
والله كلام حضرتك غريب جدا الحمد لله رب العالمين اننا بنفرق بين حقوق المواطنه والولاء والبراء
النبي عليه الصلاة والسلام اول من اقام حقوق المواطنه بين المسلمين وغيرهم وتحديدا كان اليهود عندما اقام عليه الصلاة والسلام الدوله الاسلاميه في المدينه المنوره
يااستاذحقوق المواطنه معروفه من اكترمن1429 سنه مواطنه كمايردها الله ورسوله لاكما يردها العلمانيين وغيرهم لاتأليف فيها لامن اخوان ولامن سلفيين ولااي حد هي موجوده ونأخذ بها ونمشي عليها
يعني لاتقال هكذا كما قلتها انت بشكل مطلق لا لكل شيء قواعد واصول
_________________________________
الدولة الإسلامية هى دولة مدنية بالضرورة،
"

وهو ما يريده الكل. علمانيون ومسيحيون وملحدون وإخوانيون ويساريون وكافرون وولاد ستين في سبعين حتى. لا يريد أحد إلا دولة مدنية. مبروك. أصبح الإخوان علمانيون وهو لا يعرفون، أم انهم عرفوا ولم يخبروا الأخ جعفر والأخ يعقوب


"
وللدولة وظائف دينية أساسية، فهي مسئولة عن حماية وحراسة الدين، والدولة الإسلامية يكون
عليها حماية غير المسلم في عقيدة وعبادته ودور عبادته وغيرها، ويكون عليها حراسة
الإسلام وحماية شئونه والتأكد من عدم وجود ما يعترض الممارسة الإسلامية من العبادة
والدعوة والحج وغيره ا. وتلك الوظائف الدينية تتمثل في رئيس الدولة أو رئيس الوزراء ط بقا
للنظام السياسي القائم . ولهذا نرى أن رئيس الدولة أو رئيس الوزراء طبقا للنظام السياسي
القائم عليه واجبات تتعارض مع عقيدة غير المسلم . مما يجعل غير المسلم معفى من القيام
بهذه المهمة، طبقا للشريعة الإسلامية، والتي لا تلزم غير المسلم بواجب يتعارض مع عقيدته
___________________________
طبعا والله صدقا انا مش عارف حضرتك بتبني كلامك علي اي اساس هو ده نوع من احلام اليقظه انامش عارف
هو حد حضرتك اتكلم عن قيام الدوله ودوله مدنيه او غيره
الاخوان اصبحوا علمانيين وهما ميعرفوش
ولم يخبروا الاخ جعفر والاخ يعقوب
ايه الكلام ده هو حضرتك عمال تدخل كله في بعضه كده وخلاص
انا معاك ان كل دول يريدوا دوله مدنيه بس برده متتقلش بالشكل المطلق ده لان الدوله اللي عايزها الاخوان المسلمون تختلف عن دولة العلمانيين تختلف عن دولة الملحدين يعني حضرتك جبت عناصر مختلفه تماما ووضعتهم مع بعض فلم يعطوا لك اي ناتج للاسف الشديد
ودولة النبي صلي الله عليه وسلم كانت دوله اسلاميه مدنيه واشرك النبي غير المسلمين في حماية الدوله(المدينه المنوره)
وعقد مع غير المسلمين معاهدات وترك لهم حرية العباده وامنهم علي انفسهم واموالهم وارواحهم ولم يولهم مناصب داخل الدوله وفرق بين المعامله الحسنه وبين الاعتراف بعقيده فاسده ولم يخلط صلي الله عليه وسلم بين اي من هذه المعاني
فليس معني ذلك ان الاخوان علمانيون او النبي علماني ولكن ان العلمانيون لايعرفون الكثير عن الدوله الاسلاميه لذا فأي فكر باسمها يقولون اذن فهي علمانيه ولكن في الحقيقه ياسيدي الفاضل هي اسلاميه وليست كذلك ولن يحيد الاخوان في يوم من الايام عن فكرتهم الدوله الاسلاميه فهذه رؤيتهم ومنهجهم الاصلاح علي الطريقه الاسلاميه
وياسيدي هما مش محتاجين يخبرونا احنا عارفين بس انت اللي مش واخد بالك
____________________________
عدم التمييز بين المواطنين فى الحقوق والواجبات على أساس الدين أو الجنس أو اللون
"

والله ده كلام أحسن من دساتير أوروبا العلمانية الكافرة.. بس للأسف باين ان محدش موافق على الكلام ده في الجماعة التي كانت يوما قوية متماسكة فأضحت هشة ممزقة يعيث فيها الصبية فسادا ويشوهونها
________________________
والله برده احنا موقلناش كلام مخالف هو انت ليه فاكر ان انا علشان بقول علي النصاري كفره يبقي هعذبهم وابهدلهم وهحرقهم
والله ابدا الحمد لله بفضل الله عزوجل معي زملاء في العمل غير مسلمين التعامل معهم في غاية الاحترام والود ولم يحدث في يوم اي تجاوز
بس احنا بنفرق ووالله برده ده مش كلام الاخوان المسلمين ده شرع الله عزوجل الذي استنبط منه الاخوان هذا الدستور لان ببساطه القرآن دستورنا بس
وطبعا احسن من دساتير اوربا العلمانيه العنصريه الكاذبه كعادتها
وبفضل الله عزوجل جماعة الاخوان بدا لم تكن هشه ممزقه بل هي رؤيتك القائمه علي اساس الكراهيه والامنيه التي لن تتحقق ابدا بفضل ربي
وياسيدي تهكم كما تحب قل صبيه كماتشاء
فالرجل ليس بالسن ولكن الرجل بالفعل
والله يعلم اننا لم نظهر فساد لافكرا ولاعمل لانخرج علي ماهو معلوم في الدين بالضروره ونعبث ونأول في كتاب الله بغير علم كما يفعل هؤلاء ولم ننادي بتبرج وسفور
الله يعلم ذلك واننا ابدا ماخرجنا علي اخواننا ولم نفرق في الجماعه ابدا ولوتكلمت مع اي من مدوني الاخوان لرايت نفس الكلام وشوف الفرق بين شباب الاسلاميين الرجال الصامدون سواء اخوان او سلف واي شباب اخر شتان والله الفرق
وعلي العموم الايام ستثبت لك كم كان هؤلاء الصبيه رجال يحملون هم امتهم ويدافعون عن كرامتها ويحمون دين الله من اي تعطيل اوتزييف لااتكلم عن نفسي ولكن عن اخواني جميعا
___________________________-
نعتذر عن ايه يااستاذ احنا حضرتك بنتكلم من ايات قرآنيه تقولي نعتذر هو حضرتك بتتكلم ازاي يعني عايزني اروح اقول لهم ان اسف ان القرآن قال (لقد كفر الذين قالوا ان الله ثالث ثلاثه)ولااتأسف ان الله قال (لقد كفر الذين قالوا ان الله هو المسيح عيسي بن مريم)معاذ الله صدق الله فيما قال وكذب كل من ادعي غير ذلك ومرده الي الله
____________________________
واخر حاجه واهم حاجه عايزك تعرفها اننا لانتكلم باسم الاخوان المسلمين ولا لنا ان تكلم الابتفويض رسمي منهم واننا عندما ندافع عن اخوانا ندافع بشكل عام ولكن للاخوان المسلمين متحدثين رسميين يتحدثون عنهم
واننا كمان لينا فكرنا المستقل وهو ده اللي علموهولنا اخونا اننا لينا فكرنا الخاص وممكن نتكلم فيه ونراجعه ونختلف كمان مع بعض الافكار داخل الجماعه وهو ده اللي نجح فيه الاخوان انك تلاقي بداخلهم مجموعه مختلفه من الاراء والافكار والتنوع اتفقت علي الاصول المتفق عليها كل مسلم واختلفت في الباقي كل له شيخه وطريقته
اما الاخوان فليسوا مذهب فقهي ياسيدي انما لهم منهج اصلاحي شامل فيه تربيه وسياسه واقتصاد وتعليم وغيره
يعني يرسموا الخطوط الاصلاحيه الاساسيه
وكل يؤخذ من كلامه ويرد الاالمعصوم صلي الله عليه وسلم هذا ماتعلمناه
________________________
وفي النهايه كماذكرت كنت اتمني من حضرتك الانصاف طالما ارتضيت لنفسك ان تحكم وكما هاجمت اسلوبنا كنت قد هاجمت اسلوبها ولكنك نظرت نظره مختلفه تماما ولم ترد الاصلاح والنصيحه ولكنك للاسف الشديد تعصبت لفكرتك ومنهجك الفكري
وايضا هب اننا صوره سيئه اوهذا يعطيك الحق ان ترمي مجموعه بأكملها بالباطل كما هو في اعتقادك الم يقل سيدنا علي (ياهذااعرف الحق تعرف رجاله ولاتقس الحق علي الرجال)
طب ماهو حضرتك الاسلام كله فضائل وتجد مسلمين يشربون الخمر وينكرون شرع الله وينكرون ماهو معلوم في الدين بالضروره ويفعلون جميع الموبيقات فهل هذا هو الاسلام حتي نحكم من الناس عليه0
كذلك انت حكمت علي الاخوان من وجهة نظرك وقطعت فيهم من خلالنا وابدا لم يعبر فرد او اتنين او 1000000000 حتي عن منهج
ولكني يااستاذي لااطالبك بالانصاف الان ولم تكن انت منصفا من البدايه ولكني اطالبك بالانصاف فيمابعد حتي لاتفقد مصداقيتك
_______________
وعلي العموم اتشرفت جدا بالمناقشه معك خاصة ويبدوا انك رجل متزن مرتب الافكار هاديء في كلامك
واسف جدا للاطاله وارجوا منك المعذره ان كان هناك حده في كلامي
وتمنياتي لك بالخير والتوفيق
وجزاكم الله خير

Fantasia said...

الجعفري واليعقوبي
واضح طبعا إن مستوى حواركما يتدني إلى ما لا نهاية
فلا يوجد حد للمدى الذي يمكن أن تصلا إليه من سوء الخلق
المناقشات المنطقية التي لا تعرفونها أيها الببغاوات
لا تدار بالتشنج وقلة الأدب
فما أسهل الخروج عن الأدب
وما أصعب الكلام المتعقل الواعي المبني على أسس فكرية سليمة

لقد نسيتما أنني لا أنتمي إلى جماعة مثل التي تنتمون إليها
فلا توجد جماعة للإخوان العلمانيين
وحتى إن وجدت, فأنا لا أنتمي إليها أو إلى غيرها
لذا فأنا أتحدث كفرد
أتحدث بصفتي الشخصية, وأعبر عن أفكاري الخاصة التي لا يمليها علي أحد
فلماذا الإصرار على مخاطبتي بصفتي المتحدث الوهمي لجماعة العلمانيين فاسدين العقيدة؟
أنا أملك حرية لا يمتلكها أي منكما
أملك حرية تشكيل الفكر وإبداء الرأي والاختلاف
لكن لو فيه راجل فيكم, يوريني هيختلف مع حد من الجماعة إزاي
لو فيه راجل فيكم يقولي رأيه الشخصي بصراحة وعلى بلاطة
لو فيه راجل فيكم يقول مبادئه صريحة كدة من غير لف ودوران
يعني بدل اللعبة الخايبة اللي حاولتوا تلعبوها ف الأول قبل ما تنهاروا بالشكل ده
كنتوا خللوا عندكوا شجاعة وقولوا أيوة إحنا بنكفر الاقباط, أيوة إحنا مش مؤمنين بالمساواة, أيوة إحنا ولاءنا مش لمصر, أيوة إحنا مع التدخل الأجنبي بدل في صالحنا, أيوة إحنا الانسان الوحيد اللي معترفين بحقوقه هو اللي زينا في كل شيء, أيوة إحنا بنكفر العلمانيين حتى اللي منهم بيقول لا إله ألا الله محمد رسول الله, أيوة إحنا ميهمناش حاجة غير أجنتدنا الخاصة, أيوة إحنا بنكدب وناخد الناس على قد عقلها لغاية ما نوصل لهدفنا, أيوة إحنا بنخون الشعب اللي وثق فينا وصدق أكاذيبنا (مستغلين احباطه الناتج عن الفقر والقهر), أيوة إحنا بنحتقر كل الناس اللي متتفقش معانا, أيوة إحنا بس اللي نعرف مين مؤمن ومين مش مؤمن, أيوة إحنا اللي نحدد مين مسلم ومين مش مسلم, أيوة إحنا أحسن ناس ف الدنيا ولازم نحكمكوا يا ضالين يا فاسدين, أيوة إحنا بنتهم السلطة الفلسطينية بالعمالة والجاسوسية وبنشغل نفسنا بمحاربتهم بدل ما نحارب إسرائيل, أيوة إحنا عايزين الجو يخلى لينا الأول ونسقط الانظمة الشرعية في مصر وفلسطين علشان معندناش مقدرة نواجه الصهاينة, أيوة المسلمين الشيعة عقيدهم فاسدة وإحنا ضدهم, أيوة ندعم مقاومة حماس الاخوانية لكن لا ندعم حزب الله الذي أخرج الصهاينة من أرضه لانه شيعي, أيوة إحنا نموذج للي بيحصل ف العراق وباكستان, أيوة إحنا بنكره العلمانيين وبندعي بس احترامهم لغرض محدد, أيوة إحنا خايفيين من أي حد عنده عقل حر علشان بيهدد مشروعنا السياسي, أيوة إحنا عندنا كل مؤسسات المجتمع المدني عميلة بما فيها اللي بيدعم حقوق المرأة والانسان, أيوة إحنا أي حد مش عاجبنا يبقى يا كافر يا فاسد العقيدة في أحسن الأحوال, أيوة إحنا تاريخنا يشهد علينا أننا نتلون كالحرباء (فمرة نبقى حبايب للملك, ومرة نقلب عليه, ومرة نبوس إيد السادات, واليوم اللي بعده نقطعهاله), أيوة معندناش هدف إلا الوصول للحكم ولو كان التمن ملايين المصريين والمسلمين غير الاخوانيين

متخلوا عندكوا شجاعة وتقولوها كدة بالفم المليان لو كنتوا رجالة. لازمته إيه اللف والدوران والتوهان والسرحان دا كله؟ ما كان من الأول, كنتوا وفرتوا الحبتين بتوع السماحة والاختلاف والمساواة وتمثيل الأدب اللي مش عارفين تمثلوه
ولا هما الستات بس اللي عندهم شجاعة وصراحة اليومين دول؟
بالذمة مش مكسوفين من نفسكوا؟ أديكوا أتفضحتوا وفضحتوا الجماعة معاكم
هيا دي الأشكال اللي بيعتمدوا عليها طبعا. ناس ممسوحة العقل والشخصية والهوية
دي الدبة اللي قتلت صاحبها كانت بتفكر على الأقل! إنما إنتوا ماحصلتوهاش

يا ابني دا إنت ساقط في إمتحانات الاخوان! دا انت حتى مش عارف تبقى اخواني
يا عم جعفري انت مش عارف ان الاستاذ اناتوميست مقتبس كلامه من برنامج الاخوان؟ الراجل حاطط علامات الاقتباس واضحة جدا, وكاتب وقال كذا مرة إن ده الكلام كما ورد بالنص في البرنامج السياسي للاخوان, اللي على أساسه هيتقدموا بطلب لتكوين حزب. انت يا أخ عار على الاخوان قبل ما تكون عار على البشرية

لأ بجد ضحكت أوي وانت بتقوله بكل ثقة "حضرتك جايب الكلام دا منين؟" يا لهوي على الكوميديا. دا انت وصل بيك الأمر انك تقوله يعني إيه شريعة إسلامية من غير توضيح المقصود.. وكأن هو اللي كاتبلكوا البرنامج بتاعكوا!! ونازل شلفطة وتقطيع ف البرنامج بتاعكوا وانت مش داريان. هو انت كنت شارب حاجة وانت بتكتب؟ هما حللوا الخمرة عندكوا ولا إيه؟
يا عم البرنامج دا اتنشر ف الدنيا كلها. هو انت ما تعلمش ولا إيه؟ نسيوا يقولوهالك دي كمان؟
ما انت معذور, هتعمل إيه ولا إيه؟ هتقطع نفسك؟

لكن على رأي الاستاذة نسرين, لما انت لا عايز تقرا البوست, ولا عايز تقرا للعلمانيين, ولا عايز تقرا عن الديانات التانية, ولا عايز تقرا كلام الاستاذ أناتومست, ولا عايز تقرا برنامج الاخوان, بتعلق ليه بسلامتك؟ هو انت عليك ندر؟ ولا فاكرنا فاضييين ومستنيين نقرا التخاريف بتاعتك؟

يا أخ انت فيه اختراع اسمه الامانة. سمعت عنه؟ ممكن تكون سمعت. خصوصا ان محمد عليه الصلاة والسلام كان يلقب بالصادق الأمين. لكن المؤكد ان حضرتك مش فاهم يعني إيه صادق ولا يعني إيه أمين. ولا يوجد أدنى صلة بينك وبين صفة الأمانة. فالأمانة تقتدي أن تقرأ وتتأكد من إستيعاب ما قرأت قبل أن تهم بالتعليق عليه. وتقتدي أيضا الأمانة في نقل المصادر والأمانة في طرح الموضوع


أنت تنسب أبشع وأقبح وأحط الصفات للدين الاسلامي. أنت مثال سيء للمسلم وللمصري عموما. أنت سبة في جبين هذا الوطن الذي دافع عنه أبنائه على مر التاريخ, وضحوا من أجله بكل عزيز وغالي. أنت لا تعلم عن الدين إلا قشوره, وتقوم بتشويه هذه القشور, بل والانقضاض على كل ما تحتويه من جمال وروعة وبلاغة

يا ساتر يا رب! دا انتوا مرض.. وباء يجتاح العالم الاسلامي مثل السرطان. فلا يوجد فرق بينك وبين الخلية السرطانية, التي توهم الجسد انها جزءا منه لتفتك به وتدمر خلاياه السليمة. لو كان الأمر بيدي لنزعت عنك الجنسية المصرية التي لا يستحق امثالك أن يحملونها أو ان ينسبون إلى هذا الوطن الذي لطالما عاش في وفاق وتجانس وتسامح وحب وسلام. اليوم تأتي أيها السرطان اللعين لتقضي على كل هذا.. وكيف؟ باستخدام دين الله السمح المنزه عن كل أحقادك وأوهامك المريضة! ربنا ولا تؤاخذنا بما فعل السفهاء منا. اللهم إحمنا من شر هذا الوباء وهذا الظلام الحالك الجاثم على صدر هذه الأمة. اللهم احمي مصر.. احمي أرض الكنانة والمحبة والسلام

اتحداك يا جعفري ويا يعقوبي ان تقفا وقفة صدق مع النفس.. أن يملك أيا منكما الشجاعة ليواجه حقيقة ذاته, ويعرف من هو وما هي أهدافه وأغراضه الحقيقية. أتحدى أيا منكما أن يستطيع وضع نفسه في ميزان هذا الحديث الشريف: "آية المنافق ثلاث إذا حدث كذب وإذا وعد أخلف وإذا اؤتمن خان" صدق رسول الله صلى الله عليه وسلم

انني الآن احدثكما باللغة التي تستحقونها. فالعين بالعين, والسن بالسن, والبادي أظلم. لن أطيل بالي على مثل هذه السفاهة والفجاجة والبذائة. فوالله ما تستحقون غير المعاملة بالمثل. فجزاء كل منكما لابد أن يكون من جنس العمل. ورغم شكري وامتناني وسعادتي بتأكيدكما لكل كلمة قلتها عن الاخوان, بسذاجة لا يحسد عليها كل منكما, بسبب الانهماك في الهجوم والتشويه الأعمى لذاتي, إلا انني لا أملك سوى أن أشفق على أمثالكما من شباب هذا البلد

أنتم قدمتم لي خدمة لم أكن لأحلم بها.. وأكدتما مصداقية كل حرف وكل شك طرحته في نوايا الجماعة المسمومة التي تنتمون إليها. وبدون خدماتكما لكان علي أن أقطع مشوار طويل وشاق لإثبات أني لا أزايد, أو أهول, أو أزور, أو أخمن, أو أتكلم من فراغ أو موقف شخصي أو تحامل غير مبرر. نعم, لقد قدمتما لي ولابناء هذه الأمة خدمة جليلة, ليتعرفوا على كذب ادعاءاتكم ووضاعة أغراضكم. النموذج المسموم والفكر المذموم والقول المشؤم الذي أفصحتم عنه, جعل إناء الاخوان ينضح بما فيه. فبين هروب ومراوغة وملاسنة ومداهنة وموالسة وادعاء التقوى والوطنية.. ومحاولة ارتداء قناع التحضر مرة, وسقوطه رغما عنكم مرات, ظهرت الحقيقة جلية, واضحة, ساطعة سطوع الشمس

اتدرون ما هو الخطأ الذي أدى بكما إلى هذا السقوط؟ هذا السقوط في التعليق على السقوط ف البرطمان الأوروبي (يالها من مصادفة)؟ ان الاغراق في الذاتية جعلكما لا تدركان انني لا أشرح الاسلام الذي تعتقدونه انتم, ولا ادافع عن رؤيتكم انتم أو فهمكم انتم للاسلام.. بل كنت اتكلم عن الاسلام كما أعرفه أنا.. إسلامي أنا.. صوت ربي الذي يملأ سمائي خيرا وحبا وجمالا. وهكذا شرع كل منكما يتنافس في نفي فهمي للاسلام باعتباري علمانية, أفصح عن نفسي بكل وقاحة وتبجح.. واستفزكم ان يخرج الاسلام من تحت عباءة الاخوان.. فجن جنونكم, وفقدتوا صوابكم.. وراح كل منكما يبرع في شرح وتفصيل وعرض المفهوم الاخواني المشوه للإسلام. إنه الاسلام السياسي.. السياسة البرجماتية حين ترتدي زي الدين.. إنه الاسلام الذي يفرق ويكفر ويحقر من شأن الآخر ويفشي الكره والبغضاء.. الاسلام الذي يحض على التفتيش في الصدور والعداوة بين اعضاء الجسد الواحد.. الاسلام الذي يشوه رسالة الاسلام, كما حملها بكل أمانة وقام بنشرها نبينا الكريم

يا جعفري, ويا يعقوبي.. يا من تنتمون لجماعة الاخوان.. لكم "إسلامكم" ولي إسلام

Unknown said...

شوفي يااستاذه فانتازيا
ماقل وكفي خير مما كثر والهي
الله يعلم اننا ماوصلنا حتي الي نصف طريقتك في الحديث ولن افيض فيها فهي بينه لمن يقرا
اما التجريح الشخصي فهو امر متوقع سامحك الله عليه
والله يعلم انك لم تقولي الحقيقه يوما ومابنيت انت افكارك الاعلي اتباع لهواك ومابنينا نحن افكارنا الا علي الكتاب والسنه حتي في المحاورات كنا نأتي بالايات والاحاديث
والله ايضا سبحانه عزوجل هومن اصدر حكمه علي النصاري وليس الاخوان اوغيرهم ولوسألتي اي عالم حتي شيخ الازهر لقال مااقول لان الامرليس بيده والامركله بيد الله , وان الشيعه يسبون ابوبكر وعمر رضي الله عنهما ويسبون امهاتنا عائشه وحفصه ويكفرون الكثير من اصحاب النبي وحكمهم ايضا الي الله ,ولكن من سوء تقديرك لما تكتبين ان الاخوان هم اول من نادي بالتقريب بين المسلمين والشيعه
________________________
والله يعلم ايضا اننا لم نبدا معكي بهذه الطريقه التي سميتها سوء ادب واسلوب غير لائق وحجات كده ويااستاذه وما الطريقه التي تكتبين بها انتي فهل هي من ذلك في شيء
___________________________
والحمد لله نختلف ونتفق مع اخواننا كما نشاء بلاقيد اوشرط وتصدقي اولاتصدقي امر يعنيكي انتي ويخصك انتي وحدك
واننا مااتهمناكي باطلا ولكن من كلامك وكلماتك وحتي عندما تحدثتي هاكذا ضاربه بعقيده الولاء والبراء عرض الحائط لم تأتي بأيه واحده او حديث واحد لاكل كلامك كعادتك مرسل بلا اي دلائل لامن كتاب ولامن سنه ومطالبين نحن ان نسير ورائك لانك انسانه متحرره حررتي عقلك من كل قيد وشرط تاركه هذه المجموعه الرثه من المسلمات كما وصفتيها انتي
ووالله ماهي برثه وانها لخير الدنيا والاخره ولكن كماقلت من قبل قال الله تعالي
هُوَ الَّذِي أَنزَلَ عَلَيْكَ الْكِتَابَ مِنْهُ آيَاتٌ مُّحْكَمَاتٌ هُنَّ أُمُّ الْكِتَابِ وَأُخَرُ مُتَشَابِهَاتٌ فَأَمَّا الَّذِينَ في قُلُوبِهِمْ زَيْغٌ فَيَتَّبِعُونَ مَا تَشَابَهَ مِنْهُ ابْتِغَاءَ الْفِتْنَةِ وَابْتِغَاءَ تَأْوِيلِهِ وَمَا يَعْلَمُ تَأْوِيلَهُ إِلاَّ اللّهُ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِّنْ عِندِ رَبِّنَا وَمَا يَذَّكَّرُ إِلاَّ أُوْلُواْ الألْبَابِ
_____________________________
علي العموم احنا لم نجرحك تجريح شخصي حتي وصفك بفساد العقيده لم يكن تكفير لكي ووصفها اليعقوبي لكي ولكنك استمريتي في افتراءاتك كالعاده والله يعلم اننا لم نكفر يوما من قال لااله الاالله والله يعلم ايضا ان ولاء الاخوان لعقيدتهم وامتهم ووطنهم هواساس وجودهم وان شكك الف مشكك فالله بيننا
________________________--
ووالله اقسم غيرحانث ان كلامك افتراء ثم افتراء ثم افتراء في مجمله
وانتي قد جرحتي تجريح شخصي وكل كلامنا معاكي حضرتك ويااستاذه وصدقيني والناس اللي بتقرا البوستات ويرجعوا للبوست اللي قبله ويشوفوا تعليقات حضرتك ويشوفوا ردودك وردودنا ويقارنوا بينهما ويضعوا انفسهم اماكنا ونحن نرد عليكي
وحتي لم اجرحك كشخص
علي العموم
جزاكم الله خير
وبعتذر لضيوفك الكرام وانا رحت اعتذرت عندهم في مدونتهم
وهقوليك كلمه واحده فكري فيها بجد مع نفسيك في لحظه بينك وبين ربك
اتقي الله

Fantasia said...

العزيز أناتوميست
أشكرك على توضيح الرسالة التي أردت أن أوصلها من خلال هذا الموضوع: "أي مصري محترم - أو غير محترم - لا يجب أن يتردد لثانية في رفض أي ضغط أجنبي على بلده سواء جاء هذا الضغط من أوروبا أو أمريكا أو من غيرهما
نعم سيدي, هذا هو ما وددت توصيله بالضبط. وللأسف لم يستطع المتحيزون من ضعاف العقول والوطنية أي يفهموا هذه الرسالة. وقد تأكد لسيادتكم أنه لا رجاء في أي خير يأتي من هؤلاء الجماعة
لم أقصد في هجومي على الاخوان أن أعمم.. ولكن كنت أخص موقف الكتلة البرلمانية التي وقفت ضد قرار رائع وتاريخي للبرلمان المصري بسبب أهداف خاصة. فهم لا يمانعون في وجود ضغوط خارجية, أو تدخل أجنبي, أو تدخل الشيطان نفسه, طالما هذا يخدم مصالحهم الشخصية. ولقد شرحت أن هذا الموقف الرسمي من قبل الجماعة, جاء ليعبر عن عدم الاكتراث بالوطن أو الشعب المصري. فكان من الطبيعي ان يشمل انتقادي هؤلاء الذين يتفقون مع مثل هذا الموقف المشين.. وإن كان هناك من الاخوان من لا يرضون بمثل هذا الموقف الخائن, فبالطبع أنا لا أوجه لهم أي انتقاد أو هجوم. لكن هذه الجماعة من أنصار الطاعة العمياء لا تفعل شيء سوى التأييد الأعمى لأي موقف إخواني
هؤلاء منهم كما تفضلت ورأيت من لا يعرفون شيئا عن برنامج الاخوان السياسي. لانه برنامج للدعاية الاعلامية والشعارات الكلامية فقط, بينما ما يتم تلقينه لهم في الواقع يتناقض مع كل المباديء الواردة فيه
فكان من الطبيعي أن يختلط عليهم الأمر, وألا يدركوا طبيعة ما يقرأون في تعليقك حضرتك الأكثر من رائع. ولا يستوعبوا ما قلته حضرتك عن الازدواجية بين قول الاخوان وفعلهم
فهم مبرمجون يا سيدي, لا يستطيعون الخروج عن النص المزروع داخل شريحة ادمغتهم المغسولة, الناصعة البياض
أرجوك لا تحزن أو تظن أن مجهودك في التعليق راح هباءا, فقد قدمت لنا جميعا خدمة عظيمة يا سيدي. ولو كان الاخوان قد سقطوا في اختبارك عن جدارة, فنحن نحمل لك كل التقدير والامتنان
هذا البرنامج الاكذوبة, الذي ما هو إلا خدعة للرأي العام, هو فقاعة فارغة, انفجرت فوق رؤوس من صنعوها, فأذابت عن وجوههم الاقنعة, وأظهرت حقيقتهم البشعة
شكرا سيدي الفاضل. لا حرمنا الله من تشريفكم واسهاماتكم القيمة

خالص تحياتي ومودتي

Fantasia said...

العزيزة جدا نسرين
أشكرك لهذا المزيج من الفكر المتعمق والتحليل الرائع وخفة الدم الاسكندرنية المذهلة
اتفق معك في كل ما تفضلتي به. وأنا أعرف أن موقف الحكومة الاستثنائي الغير معتاد إنما هو بسبب الاستنفار وضيق الصدر بألاعيب اسرائيل ومحاولتها المكثفة في الفترة الاخيرة لاحراج النظام المصري والضغط عليه
ولكن الحكومة في تهورها تكون ممتازة, بعكس ما تفعله من أفعال محسوبة تتفق ومنهجها المعتاد. وهذه القوة آتت ثمارها! لقد تراجع البرطمان بمنهى السرعة! مصر لها مكانتها, ولا يجب ان نتردد في استخدام القوة مع من يستخدمونها ضدنا. هذه هي اللغة الذي يفهمها القوي.. أو بمعنى أصح البلطجي الذي يستعرض عضلاته
عالله الموضوع دا يخلي الحكومة تتنحرر شوية وتتلحلح وتاخد ثقة أكتر في نفسها قدام المجتمع الدولي
يا شماتة أبلة ظاظا ف الاخوان ياختي, إللي كانوا مراهنين على سي البرطمان الاوروبي
يالهوي على الفضايح! ربنا يفرحنا فيهم كمان وكمان, قادر يا كريم
دايما تطلع منهم أوت. يتهوروا وبعدين يتعوروا
والنبي انتي بنت مجدع يا نسرين, وقولتلهم اللي فيه الشفا.. يسلم فمك يا شيخة

سلام يا قمر

Unknown said...

فانتا حبيبتي احلي كلام دايما عندك يا احلي فانتا

ايه الجمال ده يا جمالك في العربي بجد احسن حاجه انك بقيتي تكتبي عربي لا و ساخر كمان

بصي يا سيتي انا موافقه علي كلامك جدا جدا

علي فكره انا شايفه الموضوع من بدري و اتأخرت في التعليق علشان كنت بقرا التعليقات الي عندك و ردودك و متابعه المعركه

مع كل بوست ليكي احترامي ليكي و حبي بيزيد
مش انا طلعت عقيدتي فاسده زيك انا كمتان حاطه صليب في البلوج عندي

هو ايه العيب في وضع الصليب مش ده شعار الدين المسيحي هما حريين يختاروا الشعار الي يعجبهم

انا حطا الهلال و الصليب تحت مسمي الله محبه و مقتنعه بده جدا
تفتكري كده هادخل النار ؟؟

نيجي للبوست انا شايفه ان في ازمه في الاحزاب الكل بيلعب من تحت الترابيزه
من اول الوطني للوفد للناصري مرورا بالمحظوره

حقوق انسان ايه هو يعني ايه انسان

الانسان الي بالنسبه لناس دقن و نقاب ولا يضرب باجزمه و هو ساكت ولا يتهتان و يشوف الذل جوا البلد و برا

بصي يا فانتا علشان مارغيش كتير انا موافقه جدا علي كلامك و بوست فعلا جميل

انا معجبه اوي بأسلوبه لانه جديد عليكي و بسيط اوي

الفاتح اليعقوبي said...

السلام عليكم
استاذ انا تومسيت
طبعا دعني احي في حضرتك اسلوبك المحترم في الوار بدلا من اسلوب الكلام المرسل الذي بدون دليل فقط كلام تحكمه اهواء اصحابها



1
يااستاذي عندما تقسم الشريعة فهناك
عقائد وهذه العقائد لاجدال فيها او لعب وهي من العلوم الشرعية التي قلما قلما تجد فيها اجتهاد العقيدة الاسلامية هي هي منذ رسول الله عليه الصلاة والسلام الي يومنا وكنا نوضح فقط موضوع جدالي دار بينا وبين استاذة فنتزيا التي عذرا تدعي الثقافة والله مارايت منها ذلك وكان الموضوع حول النصاري وحكمهم في الاسلام او في العقيدة الاسلامية وهنا كنت اتكلم كمسلم غيور علي عقيدته اري احدهم يتكلم في العقيدة ويعطي بها امور واحكام لاعلم له بها وبدون سلطان من اية او حديث صحيح

وعلي فكرة نفس الامر بالنسبة للنصاري فهم لايؤمنون بديننا من الاساس ولا يعتبرون محمد صلي الله عليه وسلم رسولا وهذا ثابت في عقائدهم فلما الغضب هذه عقائد وانا مش هارفع عليهم سيف عشان يدخلوا ديني او يؤمنوا بعقيدتي ولا انا مطالب اني اؤمن بعقيدتهم صح ولا غلط


وعلي فكرة استاذة فنتزيا هي اللي فتحت الموضوع ده عندما ذكرت لها الدكتور محمد عمارة فقالت ده كفاية انه بيكفر النصاري فوضحتلها ان مش هو اللي كفر النصاري الله هو اللي كفرهم مش الاخوان ولا اي احد اي كان تياره واعطيتها ادلة من القران علي كلامي فلم اجد منها الا كلاما مرسلا لا دليل ولا حجة عليه من الدين وكان استشهادها بالايات في غير موضعه



2
تاني امر هناك في الاسلام جانب المعاملات يعني معاملتي مع اصحاب الاديان الاخري او اهل الكتاب غير معاملتي مع الملحد المنكر لوجود الله فهم رغم اي شئ يؤمنون بوجود الله ولكن ادعو ان له ولد وثقافة الثالوث وكل هذه الامور الخاصة بعقيدتهم والتي لاتوافق شرع الله تماما وانكرهم لسيدنا محمد وبالتالي للقران


فمعاملتنا معهم لا تكون الا بالحسني ولا نكرهم علي ديننا وهذا ماتعلمناه من الاسلام وليس من الاخوان يااستاذي اعتقد تعرف الامام البنا وتعرف انه لما مات مشي في جنازته ست فقط منهم رجل نصراني اكيد طبعا تعرفه
لاننا لم نعامل احد الا بالحسني ولهم حقوهم المدنية مثلهم مثل المسلمين من مرافق وخدمات ووالوقوف امام القضاء سواء بسواء اذا اختصم مع مسلم هذا ماتعلمناه من رسولنا صلي الله عليه سلم ومن الخلفاء الراشدين ولكن شرعنا يقول انه طالما هذه البلاد بلاد مسلمين فلايجوز لمراة او صاحب اي دين اخر تولي الحكم وده برنامجنا اللي قعدتم ترزعوا فيه

واللي عايز ينتخب ينتخب واللي مش عايز هو حر مش هنضرب حد علي ايده وده مش تفسير اخواني للشريعة ده تفسير فقهاء الامة منذ قرون الي الان استنباطا من الاحاديث والصحيحة والقران والعقيدة الاسلامية


وبعدين الدول التي يدعي انها دول متقدمة ومتحضرة وكذا وكذا والكلام الانشا اللي بنسمعه كل فترة من رعاة حقوق الانسان في مصر واننا يجب ان نحتذي بهم يعيشون علي عنصرية هل رايت يوما احد ينادي بترشيح مسلم لرئاسة امريكا او لرئاسة وزراء بريطانيا
ياسيدي نحن مسلمون وانتم مسلمون الحكم بيننا هو كتاب الله والسنة وليس فكر الاخوان او الفكر العلماني
___________________________________
3
يااستاذي انت عبت علينا الاسلوب الغير حضاري في الحوار ولم اراك منصفا في حكمك يااستاذي اقرا بوست الاستاذة ده واللي فات
البوست اللي فات كانت بتناقش الفتنة الطائفية واسبابها بكلام مرسل وقعدت تقول الجماعات الاسلامية هي السبب وهي اللي فسدت العلاقة بين اهل مصر ومش عارف ايه
وكان الجانب الاخر او اقباط مصر لم يفعلوا شئ واهم مجموعة من الملائكة واحنا اللي ولاد ستين 000والدنيا خربت بسبننا وهو تعليق غير منصف اطلاقا

مش الجماعات الاسلامية اللي قلبت القطر وهو جي من الصعيد وفيه بعض رجال الدين المسيحي في مصر ايام عبد الناصر ومش الجماعات الاسلامية هي اللي بدات اداث الزاوية الحمرا ومن المعروف ان كان بتخطيط مخباراتي اه الجماعات الاسلامية كانت مشاركة في الاحداث بس برضه الطرف الاخر لم يكن مجموعة من الملائكة
يعني مش موضوعنا وبمناسبة انصاف حضرتك عايز رايك في الكلام ده
__________________________

قال الاخوان بقوا بيحترموا حقوق الانسان.. ياخي هأأووو! دا انتوا مش مؤمنين بالمساواة بين المسلم والمسيحي, ولا بين الراجل والست المسلمين حتى! دا انتوا بتقولوا مفيش قبطي ولا مرأة يمسكوا مناصب قيادية ف الدولة! أصلها كانت بلد أبوكوا! حقوق انسان إيه ياللي الخليج بيصرف عليكوا؟ حقوق انسان إيه يا بتوع الست تقعد ف البيت؟ حقوق انسان إيه ياللي الانسان عندكوا ملوش غير تعريف واحد: "راجل مسلم سني اخواني" وبس! أهي دي أسخف نكتة قلتوها. بس كويس انكوا اتكشفتوا على حقيقتكم. بانوا يا إخوانجية على أصلكوا بانوا. دلوقتي عرفت ولاءكم لمين

انصحكم بحموم الانسان.. يمكن تنضفوا شوية
______________________________

بالله عليك وانا حلفتك بالله ده اسلوب حضاري في الكلام مبيفكركش بحاجة اسلوب الكلام ده والله كاننا في الشارع

ياخي هأأووو

انصحكم بحموم الانسان.. يمكن تنضفوا شوية

ده كلام وحدة بتدعي انها مثقفة وانا رايت علمانين كثيرين وتحاورت معهم ولم يصل نقاشي معهم الي هذا الحد ابدا لاننا كنا نتناقش بادب واحترام لكل منا للاخر
وهم انفسهم زملائنا العلمانين في الجامعات الذين نقف بجانب بعضنا البعض اذا شطبنا من الانتخابات واذا اعتقل منا طالب واذا استدعي طالب منا لامن الدولة لماذا نقف بجانب بعضنا لاننا شركاء في الوطن والجامعة وما سيضر وطني فبالتالي يضر وطنه لذلك نقف بجانب بعضنا واذا تحاورنا في الغالب يكون بادب الحوار ذلك لاننا بدانا لنتحاور وليس بكلام مرسل


ولك ان تتخيل انها تصف الاخوان بالاتي
الكلكيعة البرطمانية للاخوان الاوروصهيوكونجرسيين!

يعني احنا اللي بنوالي وبترمي في حضن الاوربين والصهاينة والكونجرس

بالله عليك كلام مرسل ولا
مش لقية غير الاخوان اللي تصفهم الوصف ده ده اكرهه ماعلي البشر دي التيارات الاسلامية
وهو برضه صحيح الاخوان اللي مرمين في حضن الصهاينة في فلسطين ولا الاخوان هما اللي بيقولوا انهم بتوع انسان وبياخدوا علي س الكلام ده تمويل من بره

قلت لحضرتك كلامها مرسل كده اللي بيطلع من البوق بيكتب وخلاص علي الكيبورد بدون ان يعقل



ويااستاذي الفاضل فقط كنت اوضح لك ملابسات الامور واذا اردت ان تحكم فلتحكم بالعدل وتقيم الامور من اولها الي اخرها نحن لم نتعامل بهذا الاسلوب الا بعد ماهي تعاملت به وتمادت فيه


يااستاذي السيدة التي اتهمتنا في وطنيتنا وقعدت ترزع في اللي خلفونا بتتكلم عشان هي قاعدة في بيتها معززة مكرمة
لاجوزها اتاخد من جنبها في نص الليل ولا امواله اتصدرت ولا اعتقل بدون سبب ولا اتحرم من عياله وهما اتحرمه منه اكتر من سنة ولا ليل نهار دولة عمالة تقطع فيها وتبهدل فيها

ولا اكيد وهي طالبة اتسحلت او اتعملها استدعي امن دولة واتحداكي لو خدتي قلم في امن الدولة يااستاذتي الفاضلة واستحملتي

يااستاذة اقولك التحقيقات اللي بتجيلينا في الكلية نوعها ايه اصلك بتاعة حقوق انسان والمفروض تدافعي عننا

قراءة قران في المدرجات
حض البنات علي لبس الحجاب
تعليق لوح تحث علي الاخلاق الحميدة
الاعتراض علي الشطب من الانتخابات

يااستاذة ياحقوقية
انت بتسمعي عن التعذيب والفساد انما ماشوفتوش بعيينك الاتنين وستي بيه وحستي بمعني الظلم
يااستاذة واحنا طلبة لما يتخطف امامي زميل واخ لي من ظباط مباحث وحرس جامعة وامن دولة والظابط يرفع الطبنجة علينا وكل ده بتنسيق من ادارة الكلية
وزميلي ده يقعد يضرب وهو صايم في رمضان حوالي ساعاتين ويحاول يدخل الحمام ميعرفش يعمل حمام لامؤاخذة يعني

انا بحكيلك موقف امام عيني ويعلم الله كم اوذيت انا من اجل كلمة الحق التي اقولها في جامعتي وساقولها اينما ذهبت

يااستاذة الاخوان لما عملوا كده في مجلس الشعب مش استقواء بالخارج لاننا نستقوي بالله هو مولانا وعليه توكلنا وله بايعنا علي نصرة دينه اينما كان وقول الق ولو كلفنا ذلك اعمارنا وكل مانملك

مجلس الشعب سخن بس عشان ملف البلد مليان لما في مدنين بيحالوا لمحاكمات عسكرية وتثبت برائتهم ويخرج لهم ثلاث اكام براءة ويحيلهم رئيس ةدولتهم الي محاكمة هزلية الغرض منها ازلالهم واركاعهم
طب اشتكي مين الريس طبعا

لما يااستاذة وزارة الداخلية الموكلة بتنفيذ الاحكام بتمنع تنفيذ الاحكام واقولك عن ارقام المعتقلين بدون اقضايا واللي خدوا احكام براءة ورفضت الداخلية تنفيذها وبتماطلهم بعد ماخرجوا علي مبالغ التعويضات بعد ماشردوهم بدون ذنب او قضية

ولا دول مش علي اجندة حضرتك الحقوقية

اخواننا رفضوا قطع العلاقات البرلمانية مع البرلمان الاوربي بس لان وبعدلك تاني من شروط التوامة وارجعي لمصادر الاخبار في كل الجرايد مناقشة حقوق الانسان في البلد

ومش عارف اوضحلك ايه بس حطي نفسك مكان اي حد من اللي ذكرتهم لكي وانت تحسي بمعني الظلم




دي حاجة

تاني حاجة وده المهم ويااستاذة ايجيبت انا توميست

ليه يااستاذة متكلمتيش عن قضية ايمن نور رغم ان القضية دي كان بيحصل ضغوط علي مصر بسببها من الكونجرس ومن الدول الاوربية والرجل لم يرد دفاع الامريكان عنه وحزب الغد كذلك


ولا عشان بس تعملي بوست وتشتمي في الاخوان يبدو ان ميزان عرضك للقضايا مختل كثيرا



بس حاجة بسيطة بمناسبة كلام حضرة الاستاذة المثقفة اللي كانت المفروض تلم الموضوع كله قبل التحدث فيه

يااستاذة من شروط اتفاقية التوامة اللي بين البرلمان المصري والبرلمان الاوربي هي مناقشة حقوق الانسان يعني احنا اللي جبناه لنفسنا



و
______________________________

الاستاذة نسرين بسيوني

شكرا علي تعليق حضرتك المهذب وانا رديت علي الاستاذ ايجيبت اناتوميست عشان مزعلكيش بس
ويااستاذة مش عارف حضرتك جبتي كلامك منين
ده اكبر دليل علي اننا جماعة داخلها ابداء راي اننا مختلفون عن بعضنا ولسنا قالب واحد وكل منا لديه فكره ورايه وهذا يثري الجماعة
اما مسئلة الكلام اللي حضرتك قلتيه عادي ده رايك والواقع يبدو شئ اخر


والاستاذ ثروت الخرباوي
يااستاذة في فرق بين اننا نعرض راي علي الجماعة وبين اننا نفرض الراي علي غير راي الغالبية



وفي الاخر شكر علي تعليق حضرتك المهذب
_________________________________
الاستاذة حنين

معلش انا اسف ان كان حصل تجاوز من الجعفري مع حضرتك ولم يراعي السن

بس القصة ان حضرتك جايبة جريدة زي ماقال لك الجعفري سبت بعض الصحابة والازهر نفسه هو من هاجمهما وشككت في الامام البخاري من بعض الجهال الذين لم يصلوا لا الي علم ولا مكانة رجل مثل البخاري فنحن لانقدس احد ولكن اعطوا لكل قدره
(بره الموضوع في كتاب رائع اسمه سير اعلام النبلاء)للامام الذهبي في قصة حياة الامام البخاري وانظري وقارني بين اصحاب الجرديدة ماذكروه وهذا خارج الموضوع عذرا



يااستاذة احب اقول لحضرتك امر بسيط للغاية نحن لانوالي ولا نتبرا للاخوان بل لله عقيدتنا ناخذها من القران والسنة وليس هناك عقيدة تسمي عقيدة الاخوان فعقيدتهم هي القران والسنة


وان كان الاستاذ محمود عطية فعل هذا ففي وجهة نظري فقد اخطا ولكن الخبر اللي حضرتك ذكرتيه بيقول ان الرجل زارهم لتهنئتهم بالعيد وعيادة احدهم الذي كان مريض
ويذكر ايضا ان هذا كان من اجل تربيطات انتخابية

طيب اما مسئلة التهنئة بالعيد فقد ذكرت فتاوي تبيح هذا وانا من النسا التي لاتاخذ بها ولكن هذه افتاوي لعلماء كبار وايضا هناك فتاوي لعلماء كبار ووجدت ان في راي الشخصي ان الراي المخالف لهذه الفتوي هو الذي اقتنعت به




ويااستاذة
وما في التربيطات الانتخابية فيها ايه كتلة انتخابية موجودة في هذه المنطقة وكتلة اخري بينهم مصالح ال

الرسول كان يقيم علاقات مع ملوك دول اخري منها النصرانية في وقته كمصر والحبشة



وفي فرق يااستاذة بين راي العقيدة الاسلامية في النصاري وراي المعاملات الاسلامية معهم
فمش معني ان القران بيعتبرهم كده اننا ندبح فيهم عشان هما في راي عقيدتنا كفار

وبعتذر لحضرتك عن اي اساءة

ومحدش يزعل من كلمة كفار لما عرضنا وجهة نظر القران في هذا الامر

معني كلمة كفر اي انكر او جحد او في معني اخر غطي الشئ

هم منكرون لديننا وعقيدتنا اذن فلنسمي الامور بمسمياتها

______________________________
تعليق الاستاذة فنتزيا


انا مش هرد بنفس الاسلوب المبتذل والمرسل ده لان واضح تماما مين اللي عنده الحد الادني من الثقافة ومن اللي بيقول كلام مرسل وكلام مثتثقفين


ومش هقول لحضرتك الاكلمة واحد


سلاما

تبقي حضرتك مثقفة لو عرفتي معناها
بجد

والسلام

Fantasia said...

العزيزة الجدعة حنين
والله مش عارفة أقولك إيه.. أشكرك الأول ولا أتأسفلك على الرد البايخ التلم اللي كتبوه على كلامك القيم؟
بيتهيألي أشكرك الأول. تعليقك يكشف جزء من الاتفاقيات السرية التي يعقدها الاخوان مع الكنيسة القبطية.. وكلها هدفها التطمين وكسب الوقت, خاصة أيام الانتخابات. ومفيش أبلغ من اللي قولتيه واللي عمرهم ما هيعرفوا ينكروه مهما قالوا وعملوا:"المصيبه ان الدنيا كلها عارفه قصة الاخوان وانهم ممكن يبيعوا ابوهم علشان مصلحتهم هما وبس
أيوة والله الدنيا كلها عارفة ما عدا هما.. أو يمكن الاتنين دول بالتحديد, اللي عمالين يضحكوا عليهم ويقولولهم انهم "بيكسبوا أرض" وعمالين ينشروا ويتسربوا ويتوغلوا ولا الفليت ف زمانه! لكن الكل عارف تاريخهم الاسود, هيروحوا منه فين؟ هيداروا فضايحهم إزاي؟ كل اللي ف إيدهم يعملوه هو شوية الالبندا وحلق حوش اللي إنتي شوفتيهم دول. بس كدة. متعرفيش توصلي لجملة واحدة مفيدة, أو موقف واحد محدد, أو مبدأ بيلتزموا بيه. هما البهوات كل اللي عليهم يمشوا كلامهم على خلق الله.
بس العيال دول مشكلتهم انهم فاكرين ان اللي بيعملوه دا هيخليهم يلمعوا في سماء الاخوان في يوم من الايام.. مش عارفين انهم ابعد ما يكون عن المعلمين الكبار اصحاب الدهاء اللي بيحركوهم زي عرايس الماريونيت. دول أقسى ترقية ممكن تحصلهم جوا الجماعة انهم يلاقوا نفسهم في يوم مشحونين على معسكرات القاعدة لغاية لما يموتوا هناك ولا حد يحس بيهم. لكن الناس اللي ليها مستقبل ف الاخوان من عينة تانية خالص. مش ممكن يقعوا في هذه الاخطاء الساذجة
والله يا حنين هما فعلا صعبانين عليا, بس أعملهم إيه وهما مش عايزين يساعدوا نفسهم؟ دول عاملين زي الريكوردر, يشغلوا الشريط وخلاص.. لا عايزين يسمعوا ولا يقروا ولا يفهموا ولا حتى يبطلوا تكفير الناس والتشكيك في إيمانهم

جزاكي الله كل خير يا حنين. مشاركتك كانت قيمة بالفعل ومهمة في كشف ما خفى من هذه المهزلة المؤسفة

كل تحياتي وتقديري

Fantasia said...

الجميلة إيمي
الله يخليكي يا قمر.. دا بس من ذوقك. أشكرك على تشجيعك والتعبير عن اعجابك بكتابتي بالعربي.
سعيدة جدا إن البوست عجبك وانك تابعتي الحوار اللي دار هنا. شوفتي ياختي مش طلعنا فاسدين احنا الجوز! لأ وبيقولولك مفيش مصيبة ف الدنيا أكتر من حكاية صورة الهلال والصليب دي! تلاقيها من الكبائر واحنا مش عارفين
طبعا مصيبة, علشان حمت مصر من الفتنة اللي كان عايز ينشرها الاحتلال وسطينا. دلوقتي الفتنة بقت صناعة محلية خلاص! شوفتشي التكدم اللي بأينا يا إيمي؟ يادي الهنا, معدناش محتاجين نستورد الفتنة خلاص. مش مهم نستورد كل حاجة تانية.. هو حد فاضي لللتنمية والتصنيع ووجع القلب دا؟ خلينا نقضيها كدة.. نمسك فلاية ونعدي على الناس نفرز الاخواني من اللي مش اخواني, والسني من اللي مش سني, والمسلم من اللي مش مسلم, وأهم حاجة فاسدين العقيدة الزنادقة عليهم اللعنة.. يا فديحتشي يا فديحتشي. اوري وشي للناس ازاي بعد ما الفلاية المحلي طلعتني فاسدة العقيدة؟
أهي دي الاختراعات ولا بلاش.. قمة التقدم العلمي ف الألفية التالتة. هو دا اللي هيخلينا نودع الفقر يا شعب: فلاية اخوانجية تطلع فاسد العقيدة من وسط مية

يلا, وماله.. اللي يعيش ياما يشوف

منوراني دايما يا إيمي يا غالية

Fantasia said...

دا إحنا رجعنا مؤدبين أهوه
سبحان الله! هو فعلا الأدب بيجيب نتيجة عكسية ولا إيه؟
طب نمسح الكلام اللي فات يعني ولا إيه العمل؟
طب هي دي حالة فصام ولا نظام تمثيل برضه؟
أصل لو حالة مرضية, يبقى ميصحش حد يتريق. والشفقة واجبة يعني
لكن إزاي دي؟ تعقل إزاي؟

أبلة فانتازيا باين عليها سرها باتع
بس الصراحة درس الأدب دا مش من اختراعي
أنا قلت العين بالعين والسن بالسن والبادي أظلم
والناس دي أكتر ناس عارفة كويس إن اسلوبي غاية ف الاحترام
لكن اتلككوا علشان بنتقد الكتلة البرطمانية بتاعتهم, وفاكريني هقتنع ان دا يبرر اسلوبهم معايا, بالرغم انه لم يحتوي على أي تجريح ولم يكن موجه لشخصهم
ومع ذلك رديت عليهم بمنتهى الأدب والذوق
راحوا تمادوا ف قلة الأدب عليا وعلى ضيوفي
المفروض بقى اكمني من ضمن "الحريم" زي ما بيحبوا يسمونا (راجع تعليق اليعقوبي عن "جوز الحريم" اللي "كلوا من المنقي خيار يااوطة"), أستسلم للاسلوب المتدني والتريقة اللي زي السم ومفيهاش ريحة خفة الدم حتى

أنا لمؤاخذة مقتنعة ان المؤمن لازم يكون قوي ولا يتردد في ان يجازي الناس من جنس عملهم. وانا اسلوبي الطبيعي ف الحديث خسارة ف اللي مايستهلوش ومايحترموش. أنا أصلي إنسان نوعه انثى, مش حريم.. أنا حرة الحمد لله, لا عبدة ولا جارية ولا ملك يمين حد
والناس كلها عارفة كويس أنا مين, وعارفين ان لساني ميطلعشي منه العيبة
ف والنبي بلاش شغل التحريض وادعاء الأدب دا, أصل عدة الشغل اتحرقت خلاص
موضوع التلت ورقات دا راحت عليه

قال مش عاجبهم سعاد حسني! طب خلينا ف الفن الرجالي
على رأي الله يرحمه عبد المنعم مدبولي "كل شيئن انكشفن وبان

بس بجد حلوة كوميديا الموقف دي. قال فجأة كدة الأدب نزل عليهم
والله بمناسبة اني علمانية وفاسدة وبتفرج ع التلفاز
فالأعمال الفنية عمالة تهف عليا
مش عارفة ليه افتكرت فيلم قديم للمرحوم حسن عابدين, فاكرينه؟
لما كان مرشح نفسه ف الانتخابات وعمال يتكلم عن الاخلاق والفضيلة
وبعد ما يقول الكلمتين دول يروح مكان مشبوه ومعاه طبلة وصاجات
ويروح متحزم ويقول "أنا عايز واحدة تهزأني تهزأني تهزأني" علشان كان عنده عقدة من ان الناس كلها بتحترمه, وهو عارف انه مايستهلش الاحترام دا.. لانه ف الحقيقة كان لا بتاع أخلاق ولا فضيلة
كلها كانت شعارات للاستهلاك المحلي

هييييييه.. الله يرحمه

دا بس كان فاصل فكاهي كدة علشان افرفش معاكو.. فاصل ونواصل

Unknown said...

بفضل الله عزوجل احنا ناس محترمه والناس المحترمين برده بيحترمونا والاسلوب بتاعنا اكثر احتراما من اسلوبك واللي يقرا بعين الانصاف يشوف
ولن ادخل معكي في اي مهاترات اخري
وردينا عليكي بمافيه الكفايه وهي كلمه واحده قالها محمود وهقولها لكي
سلاما
سلاما

egy anatomist said...

فانتازيا هانم
..............

مرات أخرى، أقرأ إسمى يتردد على صفحات مدونتك الكريمة.. فلتسمحين لي ثانية ببعض التعقيبات.. أكتب كل منها في جزء مستقل

ولنبدأ بحضرتك أولا

أشكر كلماتك الرقيقة في حقي. وأعبر عن اعجابي بمقالاتك كلها، سواء منها الذي تكتبيه بأسلوب ساخر بسيط في هذه المدونة، أو ما تتألقين به في مدونتيك الإنجليزيتين. وأؤكد لحضرتك – سيدتي الفاضلة – إنني أقف بين أيديكم فيما تكتبينه في الأدب والإنسانيات والتحليل الاجتماعي موقف المتعلم الشاكر لك وقتك ومجهودك وكرمك

فيما يتعلق بما كتبتيه عن جماعة الإخوان، فسوف أفصل فيه رأيي عند تعقيبي على الأخوين الإخوانيين جعفر ويعقوب

..

تحياتي واحترامي

egy anatomist said...

نسرين هانم
.............

ذهلت عندما تصفحت مدونتك

وجدت أمامي حالة فريدة على شكل مثلث ذي أضلاع ثلاثة

أما الأول فهو فتاة راقية متعلمة تعليما رفيعا – يبدو لي فرنسيا، تتميز بالذوق الرفيع والأدب السامي والفكر العميق

وأما الثاني فهو – مع كِبَر عقلك وأفقك – سنوات عمرك الإثنين وعشرين، تضيف مغزى ودلالة لما حظيتي به من طيبِ نشأة، وإعداد فكري متميز

وأما الثالث، فهو خفة دمك، التي لا تتواجد في ربوع المحروسة كلها إلا في سكان عروستها الإسكندرانية البيضاء الشمالية الجميلة التي طال اشتياقي لها – وللمحروسة – كلها

لكل هذا؛ فأشكر لكِ – من قلبي – تحيتك وأردها بمثلها وأفضل منها لو استطعت


..

تحياتي واحترامي

egy anatomist said...

حنين هانم
...........

أعبر عن اعجابي بكتاباتك واهتماماتك بالشئون العامة. وأعتذر لعدم قدرتي – مؤخرا – بسبب ظروف العمل – على التعليق المستمر في كل المدونات التي أحبها، ولكن يغفر لي متابعتي المستمرة لكِ ولنضج منطقك المتوازن في الحكم على الأمور

..

تحياتي واحترامي

egy anatomist said...

السيدان جعفري ويعقوبي

بعد التحية الطيبة

والله يا سيداي إن صمتي لأفضل لكما. والله إن فورة شبابكم لهي مما يجب عليكم أن تجمحوه وتعقلوه. فالرسول الكريم كان سياسيا ماهرا بارعا يكسب بالسياسة مَن هو مغلقٌ قلبه عن القرآن

اسمحا لي أن أعقب على تعليقاتكما مرة واحدة، حيث يبدو أن هناك تشابها كبيرا في طريقة تفكير كل منكما، وكذا في الأفكار التي تفضلتما بطرحها


1
لا أعرف هل قرأ أحدكما كتاب الوليد ابن رشد "تهافت التهافت" والذي كان يرد فيه على كتاب الإمام الغزالي "تهافت الفلاسفة"؟ استخدم ابن رشد هذه الطريقة المدرسية "الرد الحرفي النصي" في تعقيبه على كتاب الغزالي. وكانت النتيجة جدال عقيم لا يفيد ولا يثمر. أرى أن التعامل مع الأفكار والرؤى أفضل وأفيد


2
أرى افتراضا مسبقا لديكما بإنني في موضع الحَكَم! أو إنني أقوم بتقييم ما كتبه كل من حضراتكما وما كتبته فانتازيا هانم. وهذا غير صحيح. تعليقي أظنه كان واضحا وضوح شمس أغسطس. علقت على التناقض الذي رأيته بين ما تفضلتما بذكره بخصوص معتنقي الديانة المسيحية وبين البرنامج المعلن لجماعة الإخوان المسلمين. أنا لست حكما ولا يعنيني أن أقيم البشر وأعطيهم دروسا في كيفية الحوار والألفاظ المستخدمة. أنا رأيت خللا بنيويا في خطابكما لا يستقيم مع أدبيات الخطاب الإخواني، فعبرت عن دهشتي من ذلك – بأرق العبارات وأكثرها موضوعية – وبأسلوب اعتبرته هادئا محترما يحترم شخصيكما ويختلف مع أرائكما. لذلك لا يعنيني خلافكما مع فانتازيا هانم من قريب أو بعيد. أنا أتحدث عن الجماعة وفكرها وشبابها ومنهجهم في التناقش والدعوة والتحاور


3
نتفق – ثلاثتنا – على أن لا عصمة لمخلوق إلا المعصوم صلى الله عليه وسلم

ونتفق أيضا – فيما أظن – على أن القرآن حمال أوجه، وأنه لا ينطق إنما تنطق به الرجال

ونتفق أيضا حول أن التفسيرات القرآنية لها مناهجها المتعددة على سبيل الأمثلة لا الحصر: المنهج اللغوي، والمنهج القرآني، والمنهج الفلسفي، والمنهج العقائدي، والمنهج الموضوعي، والمنهج العلمي، والمنهج التأويلي، وغيرهم كثير مما يطول مقام وصفهم وشرح معانيهم

ونتفق أن هناك اختلافات – كبيرة أحيانا – بين المفسرين والشراح وفقا للمنهج المستخدم. وأن الاستخدام السياسي للتفسير – والفقه – يركز على منهج أو مناهج ويتجاهل مناهج أخرى وآراء أخرى

ونتفق أيضا – تأكيدا – في توكيد الدين الإسلامي على حتمية الاعتماد الذاتي على العقل والتفسير الشخصي لتعليمات الخالق ورسوله الكريم، وأن الأولوية لإعمال العقل الموجود في ذلك الجزء أعلى الجسد المسمى بالرأس، والأفضلية لمن يجتهد بشرط توافر النية الصافية الحسنة بداخله وتقييمها عند الله وحده


4
نتفق أيضا حول أن لكي يقدر شخص ما على تفسير كتاب الله العزيز وسنة رسوله، أو على تقييم التفسيرات الأخرى، فيجب عليه الإحاطة بالكثير من العلوم والمعارف، على رأسها علوم اللغة والبلاغة والنحو والصرف، وإلا بات الشك والتشكيك في تفسيره البشري غير المعصوم واجبا شرعيا في رأيي، مهما علت مكانته وارتفعت هامته، وإلا نصبح – بتقديس آرائهم وتعصيمهم – كمن قالوا: حسبنا ما وجدنا عليه آباءنا. ويرد عليهم الله بنفسه قائلا سبحانه: أو لو كان آباؤهم لا يعقلون شيئاً ولا يهتدون؟

ومن هذه الزاوية، فعذرا.. ولكن لا أراكما تحيطان بالحد الأدنى اللازم لكي يصح معكما نقاش يفيد ويهدي ويثمر. وأرجو ألا يأخذ أحد منكما كلامي على المحمل الشخصي، فوحده الله يعلم احترامي لكل كائن من كان، ولكني أتحدث هنا عن حديثكما وليس شخصيكما الكريمين

فمثلا.. هذه بعض الاقتباسات القليلة من حديث كل منكما.. وأسألكما أنتم شخصيا.. هل لو وجدتما داعية أو شخص ما يتحدث معكما عن القرآن العظيم الذي له حلاوة وعليه طلاوة بمثل هذا الأسلوب وبكل هذه الأخطاء التي تدل على عدم معرفة – لا أقول جهلا - بأبسط قواعد اللغة العربية، هل تعطون له من وقت حضراتكم الثمين ولو جزءا بسيطا؟

نقرأ سويا بعض أخطاءكما التي لا يستقيم معها نقاش أو حوار إلا بعد أن تمر بعض السنوات من دراسة اللغة العربية كي يكون لكلامكما عن القرآن جدوى أو محل من الإعراب، فخطأ واحد أو اثنين أو ثلاثة لا مشكلة فيهما ولكن عشرات الأخطاء تجعل القراءة صعبة وسخيفة بعض الشئ. وهذا بالمناسبة لا علاقة له بالحديث بالفصحى أو بالعامية

اقتباس من تعليقات مختلفة لكل من حضراتكما

والحمد لله رب العالمين اني كشفت حضرتيك ((الصحيح: حضرتك من غير ياء))

أساسيات مهمة في العقيده الفاسده بتاعتيك طبعا لان عقيدتك فاسده وهقوليك ليه براحه جدا ((الصحيح: "عقيدتك" من غير ياء، و"بتاعتك" من غير ياء، و"هقولك" أيضا من غير ياء))

هسأليك سؤال لو انتي عندك ذرة شجاعه تردي بوضوح واشك. ((الصحيح: هسألك من غير ياء))

وطبعا من الجهل الشديد جدا جدا انيك تقولي علي سب النبي شوية. ((الصحيح: انك من غير ياء))

ياريت تقراي شويه عنهم حتي علشان. ((الصحيح تِقري أو تقرأين))

بس انتي لاتقراي للاسف ((نفس الخطأ السابق))

طب بالله عليكي جبتيها منين انتي شكليك كده شوفتي فيلم اللمبي ((شكلك من غير ياء))

اه نسيت اصلهم ملتحيين. الصحيح ملتحين بياء واحدة وليس اثنتين

وانتي رايحها تجيبي جون ازاي يعني شكليك كنتي بتلعبي ثبت صنم بدل الكوره بس تلخبطي ((جملة لا تنتمي للغة العربية))

وبالمناسبة العطرة دي كان لسه من كام يوم علي قناة الراسلة كان فيه برنامج اسمه الوسطية علي قناة الرسالة وكان عن حقوق المراة وكان قاعد جوز حريم مايعلم بيهم الا ربنا ستنا فريدة النقاش والمربية الفاضلة عزة كامل والاستاذ محمد عمارة واستاذة من حزب التنمية والعدالة المغربي وبيقدمه الدكتور طارق السويدان والصراحة الجوز الاولانين كلوا من المنقي خيار يااوطة اتنفخوا الراجل الصراحة عمل معاهم الواجب التمام
((مستوى حواري لا يقبله أحد من مدعي الانتماء لجماعة لها تاريخ طويل – بعضه وطني عظيم – كجماعة الإخوان))

اما مسئلة القبطي والمراة فمش الاخوان ((مسألة بالهمزة فوق الألف))

مسئلة بلد ابوكوا والاسلوب المبتذل الذي لم نتعوده الا من ((نفس الخطأ السابق))

ان كانوا كذلك فهي لهم اكيد هايستفادوا ((هيستفيدوا وليس هيتسفادوا))

وغير ذلك كثير من أخطاء – لا تحصى تقريبا – تسد الشهية عن النقاش وتجعله ظالما ولا يتسم بالتكافؤ المطلوب

وبالنسبة للمنطق.. فأنه يظهر - أول ما يظهر - في ترابط الأفكار وتماسك الحجج وتدفق الحروف وسلاسة المعاني. ولا يبدو أن لكما – للأسف – في أي من ذلك نصيب أو حظ

وأسئلتي هي.. كيف يتحدث عن تفسير القرآن العربي المبين من يحتاج دروسا لسنوات في قواعد لغة القرآن؟. كيف يفسر القرآن من يكتب العربية كأنه طالب ابتدائي؟. كيف يتبع الناس تفسيرات من يسموهم بالفقهاء والشيوخ والعلماء بينما هم أصلا لا يقدرون – لغويا – على تقييم أطروحات هؤلاء العلماء والشيوخ؟


5
تفسرون ما بأسلوبكم من تجاوز، وما بحديثكم من حدة، بتطاول سيدة عليكما أو على جماعتكما. أين أنتم من رسول الله الذي جاء عنه في البخاري أن رجلا – عفوا - بال في المسجد. نعم. بال في المسجد. لم يقل رأيا مثلما فعلت سيدة مسلمة لها مثل ما لكم وعليها مثل ما عليكم. بال الرجل في المسجد. فقام الناس ثائرين عليه، فقال الرسول – الذي لا تقتدون بسلوكه العظيم – دعوه وأريقوا بعض الماء على بوله فقد بعثنا ميسرين لا معسرين. أضرب هذا المثال بالذات لكي تتعلما من سلوك محمد ابن آمنة بينما هو نبي ورسول وليس ضعيفا مستضعفا


6
سمعت كلاما غريبا عن حماس وتهريب الأسلحة. يقول السيد الجعفري إنني أقول أن الحكومة المصرية تهرب الأسلحة إلى غزة! في حين إنني قلت ما يلي
إذن، فإن الواضح أمامنا أن النشاط الإسرائيلي في أمريكا وأوروبا يسفر عن ضغوط سافرة - للمرة الأولى منذ زمن طويل - على مصر، وسبب هذه الضغوط ما تراه إسرائيل وغيرها من تعاون مصري - ضمني وغير مباشر - مع حركة حماس في غزة، وهي الحركة التي لا تتوقف عن الإشادة المستمرة بمصر وبالنظام المصري بل وبالرئيس المصري حسني مبارك
واضح إنني أقول ان سبب الضغوط هو [[ما تراه إسرائيل وغيرها]]
ويذكرني هذا التفسير للسيد الجعفري بما ذكرته عن مستوى سيادته في اللغة العربية


7
الولاء والبراء؟ يبدو لي أنكما لا تفهمانه جيدا. لماذا توسعون على أنفسكم يا سيداي دوائر قد تتسع حتى تلتهمكما. ألا تبغيان مناصبا عالية داخل الجماعة حتى تقدرون أن تخدما الدعوة؟ ألا تتعلمان من الأساتذة أبو الفتوح والشاطر والعريان وحبيب وعزت؟

طيب.. ذكرنا سابقا ما ببرنامجكم عن المواطنة وحقوق المواطن المصري. وقلنا أنكم تقولون أن لا تفرقة بين المصريين على أساس اللون أو الدين أو حسب نص برنامجكم [[ مصر دولة لكل المواطنين الذين يتمتعون بجنسيتها وجميع المواطنين يتمتعون بحقوق وواجبات متساوية، يكفلها القانون وفق مبدأى المساواة وتكافؤ الفرص]]

وقلتما سيداي من قبل إن كَوْن المسيحيون كافرين – في رأيك وحسب اعتقادك فيما تفهم عن الله – لا يؤثر على المعاملات والجانب الدنيوي من الشريعة الإسلامية، حيث أن هناك تفرقة بين حقوق المواطنة وبين الولاء والبراء

تعالى سيدي نقرأ فضيلة الشيخ عبد الرحمن بن عبد الخالق يتحدث ويشرح الولاء والبراء، فماذا يقول
[[
كل من والى كافراً وأعانه وظاهره على مسلم فقد كفر ونقض هذا الأصل ‏"‏الموالاة‏"‏ وخرج من دين الله سبحانه وتعالى

الأمر الثالث الذي تقتضيه البراءة من الكافر وعدم موالاتهم هو عدم جواز إعانتهم على المسلم بحال

الأمر الرابع‏:‏ الذي نهانا الله عنه تجاه الكافرين واخبرنا أنه من جملة موالاتهم هو اتخاذهم بطانة أي وزراء وعمالا في الأمور الحساسة من أمور الدولة والحكومة الإسلامي

عرفنا أن البراءة من الكافرين تعني أن لا نتنازل لهم عن شيء من الدين، وأن لا نحبهم فنحب ما هم عليه من كفر، وأن لا نساعدهم على مسلم قط، وأن لا نتخذ منهم بطانةً وأعواناً في أماكن يطلعون منها على أسرار المسلمين وينفذون من خلالها إلى إضعافهم وتفشيلهم

لا شك أن الكتابي يهودياً كان أو نصرانياً هو ممن حكم الله عليهم بالكفر والخلود في النار إذا سمع بالإسلام ولم يدخل فيه
]]

هل هذه دولة الإخوان؟ كيف يعيش الأقباط فيها؟ كافرون مواطنون من الدرجة العاشرة؟ هل يعتبر تعيين القبطي رئيس وزراء اعانة على مسلم أم لا؟ هل يمكن أن يكون قائد الجيش قبطي؟ هل يمكن أن يكون وزير المالية قبطي؟ هل يتمتع القبطي بحقوق المواطنة المتكافئة المتساوية التي يتحدث عنها برنامج الإخوان أم ان النصب السياسي بات شعارا لجماعة بدأت كحركة وطنية جليلة وانتهت لما نراه


8
بخصوص حديث السيد جعفر حول الدولة المدنية، فللأسف يبدو أن حضرتك لم تلاحظ إن من ذكر إن دولتكم مدنية هو برنامجكم! وهو من لم يفصِّل ما هو المقصود بهذه الدولة المدنية. حضرتك وضحتها تماما. أشكرك. دولة إسلامية لا يتولى الأقباط بها مناصب داخل الدولة. شكرا سيدي على صدقك. أنا سعيد أنك لا تعلن اسمك الحقيقي وموقعك. أظنك تخشى الجماعة الآن وليس أمن الدولة. فحقٌ على أمن الدولة أن يبعثوا بخطاب شكر إليك


9
بخصوص حقوق الإنسان في مصر، والتعذيب الذي يتعرض له السيد اليعقوبي في أمن الدولة وغيرها من آلات التعذيب المصرية. فقد أدنت من قبل هذه الأمور وقلت إن البطش الأمني لا يفرق بين معارضيه ويبطش بعنف بأخطرهم. ولكن إذا أتى الاوروبيون يا سيدي فستذيق من العذاب ما يجعلك تحلم – صاحيا – بأمن الدولة وعذابها الذي سيبدو لك لذيذا طيبا حانيا. وما معتقل أبو غريب عنا ببعيد


10
بخصوص ما يتعلق بحق الاتحاد الأوروبي في مناقشة حقوق الإنسان مع مصر، فالمناقشة تعني الحوار بين الأجهزة الرسمية في كل من مصر والاتحاد الأوروبي وليس إصدار البيانات أو القرارت. أرجو منك – في حالة إجادتك لأي من اللغات الأوروبية – زيارة موقع البرلمان الأوروبي على هذا الرابط
http://www.europarl.europa.eu/
أو موقع المفوضية الأوروبية على هذا الرابط
http://ec.europa.eu/index_en.htm


11
لدي الكثير حول تاريخ الجماعة. وحول علاقتهم بالشيعة. وحول تسييسهم المطلق واستغلالهم للدين مثلهم مثل عتاة المستعمرين. وحول – يا أسفي – طاعة الشباب التابع للفكر الشاذ. وحول فساد فكر ابن تيمية وردود شيوخ أفاضل كثيرين عليه وتفنيدهم لأفكاره منهم الشيخ اسماعيل الأزهري، والفقيه أبو القاسم الشيرازي، والقاضي كمال الدين الزملكاني، وقاضي قضاة المدينة المنورة بن مالك الحنبلي وغيرهم عشرات. وحول شذوذ فكر سيد قطب وتأثره بالتعذيب البشع الذي لاقاه في السجون الناصرية. وبالمناسبة هذه الأمور – سيداي – لا تحتاج لتقارير مخابراتية أو غيرها إذ أن الكتب والدراسات الأكاديمية تملأ المكتبات والجامعات الإسلامي منها والعلماني.


12
اكتفي بهذا القدر وأشكركما على سعة الصدر والصبر على القراءة المتأنية الواعية

..

تحياتي واحترامي

الفاتح اليعقوبي said...

السلام عليكم
استاذي الفاضل ايجيبت انا توميست

دعني احي في حضرتك روح النقاش الحضاري فلطالما( واقولها بكل صراحة)احرجني بعض العلمانيين بادبهم في الحوار رغم اختلافنا معهم في الفكر


تحياتي واحترامي مقدما

1
عن اسلوب الرد الحرفي النصي فدعنا منه فلطالما اصاب امما بالعقم الفكري
الجدال والنقاش لمجرد الجدال والنقاش

2
يااستاذي عندما تحدثت اردنا فقط ان تكون منصفا في نقضك فانت فندت الموضوع او البوست ورديت عليه باسلوب محترم بالفعل ونقضت في اسلوبنا وهذا جميل ولكنك لم تنقض اسلوب الاستاذة فنتزيا الغير لائق في عرضها للبوست
وياسيدي دعنا من هذه الامور التي لاطائل من ورائها سواء اخطانا في اسلوبنا او اخطئت هي
فاللهم اغفر لنا جميعا
اميييييين

3


يااستاذي انا معك فيما قلت واعتقد اننا لن نختلف كثيرا في هذه النقطة
حيث يقول تعالي علي لسان اهل النار :(وقالوا لو كنا نسمع او نعقل ماكنا في اصحاب السعير فاعترفوا بذنبهم فسحقا لاصحاب السعير)

هههههههههه
وجامدة حصة الاملاء اللي حضرتك عملتها دي

ياسيدي عندما تحدثنا اوردنا اراء علماء افنوا اعمارهم في طلب العلم ولم نكن ناتي بالكلام من رؤسنا ولم نتاول في علم التفسير بل عرضنا الايات الواضحة كوضوح شمس اغسطس كما تحب تسميتها

وحتي الاية التي استدلت بها الاستاذة كان استدلال فاسد ووضحت لها معني الاية

وهناك ياسيدي الكثير من كتب التفاسير والتي يمكن الرجوع لها في الايات ورؤية تفسير العلماء بها

وفي كتاب الاتقان ولست متذكرا الان لكاتبه (ساذكره لك بعد قليل ولكني لست متذكر اسم الكاتب الان عذرا)اورد صاحبه مايحتاجه المفسر لتفسير القران
واورد فيه 12علما واخذ يطيل شرحه للعلوم هذه
بل وزاد عليها علما اخر وهو الموهبة فليس كل منا يتمتع بنفس الموهبة في العرض والسرد او نفس القدرة


يااستاذي هو ليس كهنوت ولكن دعنا نعقلها
عندما ياتي اي شخص ويفسر علي حسب عقله صار عندك مليار واتنين من عشرة تفسير للقران

بسيطة
حضرتك مثلا طبيب وجاء لك مريض واعطيته دواء فجاء صديق له مهندس وقال له لا خد الدوا ده احسن
تقول انت وايش فهمه في الطب البني ادم ده
ده بتاع مساطر وروسومات هندسية ومونة وكده


طيب ليه في العلوم الشرعية بنتدخل فيها باسلوب غريب بالشكل ده
ليس معني هذا اننا نصبح كهنوت يتحكم بنا رجال الدين كما حدث مع النصاري في اوربا في العصور الوسطي
فنن نناقش وكل ياخذ منه ويرد عليه

ولكن من ياخذ ومن يرد
صعب ان دكتور يرد علي مهندس شكل الرسم بتاعه
ولكن قد يناقشه في ضوء علمه ومعلوماته عن الهندسة التي من الممكن ان يكون اطلع عليها عن طريق قراته ولكنه
بالتاكيد لا يستطيع رسم تصميم هندسي الا لو درس الهندسة خمس سنوات كما في جامعاتنا

واتمني ان يكون المعني وصل وده وجهة نظري وان حر فيها ولكن كل يقدر بمقداره


ونحن كنا ناقلين ولم نتاول وارجع الي كتب التفاسير الكثير التي تزيد عن 30 كتاب

وعلي فكرة الاخطاء الاملائية دي بسبب الكتابة علي الكيبورد فانا لااجيد الكتابة عليها جيدا وفقط اكتب بسرعة عشان انا مطحون في الامتحانات
وان كان هناك خطا فمن انفسنا ومن الشيطان
وغفر الله لنا ولكم

4
يااستاذي لن نجادلك في هذا الامر امر الرد
ولكن عاملوا الناس علي قدر عقولهم ياسيدي وممكن ةتلاقي تعليقاتنا في المدونات الاخري العلماني منها وغيره ممن نختلف معهم بهدوء ولكن ايضا والله واقسم علي هذا ان الرسول صلي الله عليه وسلم
لو قرا كلامها لغضب
وهي تتحدث عن صحابة الرسول بطريقة لاتليق عندما كانت تتحدث عن امر الاستخلاف بعد موت الرسول صلي الله عليه سلم وارجع لتعليقها في البوست اللي فات وتقول خناقة ولولا ان الانصار لايموها ووصفها للامر بالمهزلة يااستاذة هم ليسوا اصحاب مناهج عقيمة لاتعرف الا المادة مثل ماتؤمنين به وده كلام اترد فيه بدل المرة الف ومن علماء المسلمين الذين وقفوا في وجه مروجي الشبهات في الدين

وكلام كثير من هذا القبيل


ويااستاذي الفاضل الرسول اسمه محمد بن عبد الله بن عبد المطلب (صلي الله عليه وسلم)0
ولم يكن اسمه محمد بن امنة
فالذرية تكني باسماء ابائها
مينفعش اني اقول لحضرتك انك فلان بن فلانة وهي والدة حضرتك
صح (ادعوهم لابائهم)0
مش عارف هي مقصودة ولا زلة كيبورد


اما عن الاخوان في داهية الاخوان لن اجادلك فيهم كثيرا الامام البنا عندما كنا نهاجم في وقته فيقول دعكم من هذه المهاترات فلنرد علي ارض الواقع ودعنا من الكلام فهذا زمن الفعل والشعب يختار اما المثقفين او الهمجيين الاسلاميين
صح دعنا نكون عمليين


5
اللي جاية دي بتاعة الجعفري هيرد هو

6

الولاء والبراء
باختصار شديد كما تعلمناها من كتب العقيدة لسلفنا الصالح
حبيب حبيبي حبيبي وعدو حبيبي عدوي

ده باختصار شديد واتمني ان يكون المعني وصلك
فحبيبك هو الله ومن يعادي ويخالف ويدعي علي الله مالم يقله فهو عدوي
يقول تعالي:(وقالوا اتخذ الرحمن ولدا لقد جئتم شيئا ادا تكاد السموات يتفطرن منه وتنشق الارض وخر الجبال هدا ان دعوا للرحمن ولدا وما ينبغي للرحمن ان يتخذ ولدا ان كل من في السموات والارض الا اتي الرحمن عبدا)0
ان كنت تغيير علي زوجتك وده اكيد طبعا فلما لاتغيير وتغضب اذا رايت كلام ربك يحرف ويقال عليه ما لم يقله


وياسيدي الفاضل نحن لسنا نريد مناصب عليا في الجماعة انخدم الدعوة ولكننا نريد ان يرضي الله عنا ويغفر لنا خطايانا عسي ان نلقاه وهو راضي عنا
يقول الرسول صلي الله عليه سولم :(طوبي لعبد اخذ بعنان فرسه ان كان في الساقة كان وان كان في الحراسة كان)0
مش مهم فين ومع مين
المهم خدمة دين الله فولاءنا وبراءنا ياسيدي لله عز وجل وليس لجماعة بعيينها


يااستاذي في الجماعة رجال سياسة هم ادري بدروبها اما نحن فلسنا رجال سياسة ياسيدي الفاضل

نسال الله ان نكون من جنده

اما مسئلة رد الشيوخ علي الامام بن تيمية عليه رحمة الله فطبيعي جداااا ان حضرتكم تعرضوا هذه الاراء لان الرجل كان سيف سلطته الله علي اهل البدع واصحاب العقائد المدلسة والفاسدة

ياسيدي ايضا هناك عشرات من العلماء ردوا علي هذا الكلام وخاصة علماء السعودية وهم علماء افاضل وكبار واهل علم ايضا فدعنا من الحديث في هذه النقطة فهذه النقطة هي ماتداولته بعض الجرائد الصفراء في الفترة الماضية ليس بغرض النقد والتحليل ولكن بغرض التشكيك في الرجل ولكن بغرض دس الشبهات في الدين والعقيدة
ياسيدي الفاضل اقرا انت لابن تيمية رحمه الله وان كان اتي بادلة فنعم هو وناخذ منه وان لم ياتي فمن حقك رده في فهمه
فهو ليس برسول
اللي ردوا علي المشككين في الامام بن تيمية كثيرين جدا ولكن اعطي لنفسك فرصة



وثاني امر اعيده عليك هناك في الاسلام عقائد وهناك معاملات والمعاملات مرتبطة بالعقائد


وقلت لك مش معني ان ربك بيكفر النصاري في كتابه يبقي ارادها الله لنا حربا في هذه الدنيا
بل اوصانا بهم خير وان نعاملهم بكل معروف وكل احسان والكلام الكتير اللي بلاش نعيده

اما تولي الاقباط المناصب القيادية
كالرئاسة ورئاسة الوزراء والمحكمة الدستورية العليا فهذا برنامجنا

كيف بلد يفترض ان المصدر الرئيسي للتشريع فيها الدين الاسلامي ويحكمها رجل غير مسلم
طب ازاي
لما الحزب الجمهوري او الديمقراطي في امريكا يعملوا كده فنحن من الممكن ان ننظر في امر برنامجنا الخاص بنا

ياسيدي امريكا الي الان راعية الديقراطية التي لاطالما تغتنيتم بها رئيس دولتها يكون من احد الامور المؤثرة في اختياره هي المؤثرات العرقية سواء كان كاثوليكيا او بروتسنتيا او مسلما
او ابيض او اسود صح ام خطا فدعنا ننفض امريكا الان وهي حاكمة الضعفاء في العالم ثم نتكلم عن الاخوان

وبعدين انتم محسسنا ان بقينا في الحكم وبقيتم انتم المعارضة لنا في الدولة
ياسيدي دعنا لانسبق الاحداث ولا نحلل علي الاسلوب النصي الذي تحدثت ورفضته مقدما

ليس مواطنا من الدرجة العاشرة اذا كان اليهود في عهد الرسول صلي الله عليه سلم في حالات عدم غدرهم اما عندما غدروا وخانوا كلوا في دماغهم وذلوا نتيجة فعلهم


يااستاذي نروح بعيد الله احدي اكبر الدول العلمانية في العالم في وقتها تركيا النموذج العلماني الرائع وكما رايت احد الكتاب يقول وهو يصف اتاتورك بانه الفاتح او العظيم اتاتورك

هل هناك حرية الا للجنس والدعارة وكل شئ الا الاسلام وشعائره
رد علي ياسيدي
امريكا وهو احدي راعيات الحرية والليرالية في العالم ماذا يفعلون الان بالعالم


عشان نقفل موضوع البرنامج ده
ببساطة ده كلامنا وحضرتك اقرا في فقه المعاملات في الاسلام وحكم اهل الكتاب وتفسير الايات ونحن نرضي بالشرع والدين حكما بيننا


في احدي المرات اتهم امير المؤمينين علي بن ابي طالب رضي الله عنه رجل يهودي بانه سرق سيفه في المعركة
ووقفا امام القاضي سواء بسواء رئيس الدولة ولا اقول مواطن مسلم وخصمه في القضية رجل يهودي وحكم القاضي لليهودي وقتها لعدم كفاية ادلة سيدنا علي رضي الله عنه رغم انه غير كاذب



وبمناسبة ابن تيمية عليه رحمة الله عندما هاجم التتار احدي البلدان الاسلامية وحبسوا اهل جزء من اهل المدينة من مسلمين ونصاري وافرج القائد التتاري عن المسلمين واستمر حبس النصاري فوقف بن تيمية امام هذا القائد وقال له لانرضي ان نخرج واهل ذمتنا ليسوا معنا ولم يتركه الا عندما افرج عن الجميع

لو مصري قبطي اهين واوذي خارج مصر فالخارجية مهمتها انها ترجع له حقه حتي لو كان من السعودية نفسها لانه مصري واهانته تعني اهانة مصر


وده فرق بين العقائد وبين المعاملات لانه من العقائد ايضا ان نحسن معاملاتهم ولا نجادلهم الا بالتي هي احسن




7
الدولة المدنية
دولتك المدنية في رؤيتك لها مرجعية علمانية ليبرالية او اشراكية

اما دولتنا فهي دولة مدنية ذات مرجعيية اسلامية والمصدر الرئيسي للتشريع فيها هو الشريعة الاسلامية

ستختلف الرؤي ولا مجال الان لشرح او توضيح الفرق بين تلك الدولتين لان هذا يحتاج الي كتب منفصلة


اما ذكرك للجعفري

أنا سعيد أنك لا تعلن اسمك الحقيقي وموقعك. أظنك تخشى الجماعة الآن وليس أمن الدولة. فحقٌ على أمن الدولة أن يبعثوا بخطاب شكر إليك


يااستاذي انت لم تعلن اسمك الحقيقي
واما اذا كنت تعجر عن معرفة موقع الجعفري

فيمكنك اتباع الاتي:
1
ضع سهم الماوس علي اسم الجعفري
2
اضغط عليه ضغطتان سريعتان
دبل كليك
3
سيظهر البروفايل الخاص به ستجد في الاسفل مدونة تسمي يارب ثبات علي طريقك وشريكه فيها احدهم ويدعي الفاتح اليعقوبي
4
اذا واجهت صعوبة في الضغط سريعا علي الماوس فبامكانك الضغط علي الزر الايمن في الماوس ستظهر لك بعدها قائمة مكتوب اعلاها بالانجليزي
open
اضغط عليها ستجد نفسك في مدونة اليعقوبي والجعفري الخاصة بهما


وصفة سهلة اوي فقط اتبع الارشادات بدقة وستجدنا مرحبين بك علي احسن مايكون الترحيب



اما مسئلة تشويه الاخوان من عدمه والكلام الكتير ده كله
يااستاذي لن اعيد وازيد الفيصل بيننا الشارع والناس وبالتالي صناديق الانتخاب فالناس تختار التنورين ولا تختار الظلامين

اعتقد الشارع يرد عليك
فنحن لم نتفلسف علي الدين



8
انا مش كنت بتكلم مع حضرتك في اللي بيحصلي عشان استقوي بالخارج
انا كنت اوضح للسيدة الفاضلة ان هناك ايضا بشر بني ادميين محرومين من اقل اقل حقوهم في الدولة وكنت بوضحلها انها بتتكلم جنب التكييف وايدها في لاالميه البردة زي مابيقولوا


ووضحتلها بس عدم اتزانها في عرض القضايا وانا معترضتش مع حضرتك نهائيا علي عرضك لقضية حقوق الانسان في مصر


وانا طبعا عارف من هم اهل الغرب ومافعلوا بنا وبامتنا

واول من يرفض تغريب الامة ويحاربه هم الاخوان واعتقد انك تري ذلك بعينك
ولكن المسئلة كلها ومافيها انهم
اعترضوا علي قطع العلاقات الدبلوماسية مع البرلمان الاوربي ولم يقولوا لهم اضغطوا واخرجوا ايمن نور من معتقله او تعالوا وانقذوا الاخوان

فليس الاخوان الذين يصفون الاحتلال الفرنسي في بعض كتبهم بانه جاء ليصحح مسار المصريين وكان ثورة تنورية في مصر

بل جاء هذه الوصف للسيد مصطفي الفقي في كثير من مقالاته وهو رجل علماني الفكر نوعا ما
والكثير من الكتاب الذين ينادون بالاقتداء بالغرب
ورايت احد السادة المحترمين العلمانين وهو من الشخصيات التي احترم ادبها الشديد واحراجه لي بادبه
يقول دعونا نغرد لفجر الاتحاد الاوربي والصين
قصده الاقتداء بهم

فانا ارفض التدخل الاجنبي في مصر ايا كان هذا التدخل

والكتلة الانتخابية لم تقصد ان تقول لهم تدخلوا في شئوننا ولم تطلب من اي جهة خارجية العون واغاثتها من ظلم النظام لنا

ولكن الجهات الاجنبية هذه تضغط علي مصر باوراق الظلم وانتهاكات حقوق الانسان في مصر للمعارضين




10
اللينك اخوك ثقافتوا هيروغليفي وشوية انجليزي مكسر شغال يعني بنحاول ننمي نفسنا الفترة الجاية اكتر واكتر ادعيلنا بس


النقطة الاخيرة
نعم ياسيدي الكتب تملا الجامعات والبحوث والدراسات الاكاديمة التي قدمت بهذا الشان اما عن الامام بن تيمية فردي فوق حضرتك قراته مشكورا اعتقد

واما الشيخ سيد قطب
فعندنا اراء وكتب ايضا من غير الاخوان تقول انه كان رجل يحمد علي جهاده ولا نزكيه علي الله وليس تاثره بالتعذيب في عهد عبد الناصر

واكيد انت قرات كتاب الظلال هل هذا كتاب شخص مختل متاثر بالتعذيب ام شخص ذو فكر ورؤية فنية وذوقية لغوية؟؟؟؟؟؟؟؟؟؟؟؟؟


يعني كل يحكم بمقداره


وان سعيد جدا والله بالنقاش مع حضرتك واسف علي الاطالة وشكرا لاهتمامك وردك


والسلام

Hypatia said...

ياااااا روحكم الطويله لا بجد انتم عندكم فراغ مش طبيعى

كلام فانتا وايجى يعنى كافى مفيش حاجه تانيه ممكن تتقال

باشكر فانتازيا اوى اوى
استاذ ايجى اناتوميست
حنين

استمتعت واستفدت من كل كلمه قلتوها اتاكدت من صحه افكارى وعرفت حاجات كتير كنت جاهله بيها

اشكرك فانتازيا على سعه صدرك لكل ده وقوه احتمالك وصبرك وقدرتك الهايله على ترويض اعصابك والفاظك

استاذ ايجى اناتوميست
الكلام ده كبير قوى عليا بجد انا لسه يادوب باتعلم من الناس اللى زيكم انت خلتنى ادمع من الكلمتين دول والله

تحيه و ود

Fantasia said...

الأستاذ الفاضل أناتوميست
أحيي فيك سعة الصدر وسعة الأفق
ليس غريبا على شخصكم المستنير أن تأتي كل كلماتك هادفة, مفيدة, و دائما في صلب الموضوع
وأشكر كلماتك الرقيقة التي تدل على أدب جم وتواضع لا يتحلى به سوى أصحاب العلم والفكر
أكرر أسفي لك عن عدم استيعاب الأخوة لمضمون تعليقكم القيم
وأشكرك على وقتك الثمين الذي أؤكد لك ثانية أنه لن يضيع هباءا
فوالله كل لبيب بمجرد الأشارة يفهم
وأنا لن أطمع في المزيد من كرمك للرد على على هذا الكلام الذي يرد على نفسه بنفسه
ولكن لك تقدير ذلك, وسأسعد كثيرا وأستمتع بأسلوبك ومنهجك الرائع في الطرح في حالة تنازلت وقررت الرد
شكرا يا سيدي
وأسمح لي أن أتولى أمر ما نسب إلي وتناول نقدا لي أو لآرائي

تحياتي وإحترامي

Fantasia said...

الأخ الجعفري وتابعه

أنا سأترك للأستاذ أناتوميست الرد على تعليقكما المشترك
لكني سأتحدث فيما يخصني مما ورد في حديثكما
وأرجو أن تنضبط لغة الحوار منذ هذه اللحظة, وألا يدفعكما الشيطان في نفس الطريق الغير لائق الذي سلكتموه من قبل

أولا
يقول يعقوبي "يااستاذي عندما تحدثت اردنا فقط ان تكون منصفا في نقضك فانت فندت الموضوع او البوست ورديت عليه باسلوب محترم بالفعل ونقضت في اسلوبنا وهذا جميل ولكنك لم تنقض اسلوب الاستاذة فنتزيا الغير لائق في عرضها للبوست"

الأستاذ الجليل قد عقب على أسلوبي بالفعل. وليس معنى أنه لم يجد فيه ما يستوجب الانتقاد أن تصرا على إدانته لي, رغم علمكما أنني لم أوجه أي إساءة لأشخاص بعينها. فقط انتقدت الاتجاه التي سلكته كتلكم البرلمانية. وأرى أن هذا من حقي. وأنتم أول ناس تشتمون وتهينون وتكفرون كل من يختلف معكم ف الآراء, بل وتعممون الحكم على الجميع. وخير دليل على ذلك هو ما تكتبونه على مدونتكما. فكل العلمانيون ملحدون وفاسدون والغرب قبلتهم كما تناولتوهم في كتاباتكما.
إذن فأنا قد إعتمدت أسلوب ساخر ف الطرح, انتقدت فيه هذا الموقف المشين من قبل كتلكم "الانتخابية" كما وصفها الجعفري: "والكتلة الانتخابية لم تقصد ان تقول لهم تدخلوا في شئوننا ولم تطلب من اي جهة خارجية العون واغاثتها من ظلم النظام لنا" هي بالفعل كتلة انتخابية, هدفها جني الأصوات فحسب. وإذا كنتما حقا ضد التدخل الأجنبي في شئون مصر, فلما إعتبرتم أن هناك إساءة تمسكما في كلامي عن هؤلاء الذين يدعمونه؟
لقد خرجتم عن حدود اللياقة أكثر من مرة في حديثكم معي ومع الآخرون ممن لا تعرفونهم, على أساس أن هناك إهانة لا تغتفر في انتقادي لكل من يدعم هذا التدخل. وهذا في مصر يقابله المثل الشعبي القائل "إللي على راسه بطحة

ثم نأتي إلى التمادي ف الخطأ, حتى بعد أن تلقيتم مني رد في غاية الإحترام والتهذيب, وهذا تطاول مع سبق الإصرار والترصد. وكان كل هدفكما أن تهاجماني وتنالوا من صورتي أنا شخصيا, وليس انتقاد أفكاري, لا الوارد منها في المقال ولا التعليق. وهنا أضع بعضا من هذه الأمثلة

"ايه اللي مزعلك من الاتحاد الاوربي دا حتي دول حبايبكم اللي ليل نهار تقولوا خلينا زيهم دا حتي افكارهم العلمانية صدرتوها لينا وعايزين المراة زي المراة الاوربية حرية وانطلاق وعمل مش دول حبابيكم اللي ليل نهار وجعين دماغنا وبتحاولوا تلعبوا فيها بالكلام ده

"فكركم العلماني وان اختلف مذاهبه بين شيوعيية ملحدة وليبرالية جشعة لاتكل ولا تمل من التهام الجميع وعندها حرية لكل شئ بدا من ممارسة الجنس مع الحيوانات الي الاقتصاديات المفتوحة
ماعدا الدين ده بقي لازم يتحارب

"بس عجبني الفاصل الاعلاني بتاع سعاد حسني اللي حضرتك قدميته بانوا بانوا علي اصلكم بانوا
دي مواهب فنية كمان ماشاء الله ماشاء الله انا معرفش ان العلمانين عنهم مواهب فنية رائعة بالشكل ده برافوا
صقف ياد ياجعفري

"يااستاذة انتم من غسلت رؤسكم بمياه العلمانية الفاسدة

"ولله الحمد انتم تنقطعون يوما بعد يوم والاسلام الصحيح بدا يرجع وهذا مايغيظ نفوسكم

"يااستاذة وحدي الله واسكتي عشان محدش يضحك علي كلامك

"والايام بيننا وبين هؤلاء والله لنريهم عاقبة امرهم هذا والايام بيننا وبينهم, مش انت معانا برضه ولا معاهم

"انا قولت عقيدتك فاسده" (مع عدم التراجع عنها

"ثانيا من المهازل الشديده في تعليقك استشهاديك بالايات في غير موضعها وده انما ينم عن جهل شديد جدا

"وبترددي كلام المستشرقين الضالين

"اتقي الله ولاتفسري القران عن جهل وتتبعي هواكي

إذن فالبادي أظلم وأظلم وأظلم

ثانيا
لقد وجه إليكم الاستاذ الفاضل دعوة لمراجعة النفس والرجوع للحق, ولكنكم أبيتم. تماما مثلما أبيتم أن تتراجعوا عن وصفي بفساد العقيدة. ورحتم في الخفاء تطرقون أبواب من تطاولتم عليهم, ظنا منكما أن في الاعتذار العلني ما يحرجكم ويصفي ماء وجهكم
الأستاذ أناتوميست ضرب لكم مثلا عظيما من السنة النبوية المشرفة, فماذا كان الرد؟ "ياسيدي دعنا من هذه الامور التي لاطائل من ورائها سواء اخطانا في اسلوبنا او اخطئت هي, فاللهم اغفر لنا جميعا

ثالثا
تقولون "وحتي الاية التي استدلت بها الاستاذة كان استدلال فاسد ووضحت لها معني الاية" بالرغم من أن استدلالي ليس فاسدا والله يعلم

ليس معنى انكم تتبعون النقل وليس العقل, وأنكم تختارون مصادر بعينها في هذا النقل, أن يصبح إستدلالي فاسدا
بالضرورة. لقد أوردت عدة آيات, وليست آية واحدة كما تزعمون. (وحقا لا أعلم لماذا الاصرار على زعم الباطل بينما كلامي منشور على الملأ ومن السهولة التأكد من عدم صدق ما أوردتموه.) المهم

تعالوا نتأمل الآية الكريمة:" ان الذين آمنوا والذين هادوا والصابئون والنصارى من آمن بالله واليوم الآخر وعمل صالحا فلا خوف عليهم ولا هم يحزنون

تقولون أن هذه الآية لا تصلح لبيان أن المؤمنين من الديانات الأخرى لهم ثواب عند ربهم وهم ليسوا بكفار, لأن على حسب زعمكم "النصاري لايؤمنون بكل رسل الله فهم لايؤمنون بسيدنا محمد رسول وبالتالي لايؤمنون بالقران وارجعي انت لعقيدتهم الفاسدة لتعرفي هذا الكلام واليهود مثلهم اذن انتفي عنهم امر الايمان بالله وانتقصوا من ايمانهم وخالفوا شروط الايمان التي وضعها الله وليس الاخوان ياسيدتي المثقفة. والصابئيين دول بقي لايمان بالله ولا ايمان باي حاجة دول شوية عبدة للكواكب والنجوم يدخلوا الجنة بقي علي كلام حضرتك. ولكن معني الاية ان من سيؤمن بالله حق ايمانه سواء كان مؤمنا او يهوديا او نصرانيا ويطبق شروط الايمان بالله كلها عليه هنا فقط سيؤمنه الله يوم القيامة

مما يعني, أنكم عن عدم وعي وعن غشاوة, تتهمون الله بالنصب والاحتيال والكذب. فكيف يقول الله أن الصابئون من عبدة الكواكب والنجوم هم مؤمنون ويعدهم بالثواب ويطمئنهم, ثم تأتون أنتم لتقولو أنهم غير مؤمنين من الأصل؟

من الطبيعي ألا يؤمن أصحاب الديانات الأخرى برسالة محمد. فإذا كانوا يؤمنون بها, فلماذا بقوا على دينهم؟ وإذا كان الاسلام كما جاء به محمد عليه السلام هو الشكل الوحيد المقبول للإيمان, فكيف يقول الله "والمؤمنون كل آمن بالله وملائكته وكتبه ورسله, لا نفرق بين أحدا من رسله"؟ لماذا قال الله أنه لا يفرق بين من اتبع الرسل السابقين ومن اتبع محمد, ثم يضع شرط الإيمان في أن يتبع المؤمن رسالة محمد فقط؟
أتدرون ماذا تقولون؟ أتدرون مدى بشاعة ما تزعمون؟

الاستاذ الفاضل اناتوميست له كل الحق. من لا يعرف اللغة العربية, لابد وأن يختلط عليه الأمر. يا أخان, الاسلام كما ورد في القرآن الكريم معناه التسليم لوجه الله. أي الايمان بإله واحد أحد خالق بيده كل شيء وهو على كل شيء قدير. لكن نحن نستخدم اللفظ اليوم لنشير إلى دين بعينه. فنقول أننا مسلمون, بمعنى أننا مؤمنون موحدون بالله. وننطق الشهادتين لبيان أننا نتبع الرسالة التي جاء بها محمد عليه أفضل الصلاة والسلام

والحديث الشريف الذي أيضا أختلط عليكم الأمر في تفسيره يؤكد نفس المعنى. قال رسول الله "والذي نفسي بيده، لا تدخلوا الجنة حتى تسلموا، ولا تسلموا حتى تحابوا، أفشوا السلام، تحابوا وإياكم والبغضة، فإنها هي الحالقة، لا أقول تحلق الشعر، ولكن تحلق الدين" وهي إحدى الروايات الصحيحة الواردة في الأدب المفرد للبخاري

وهنا الفعل "تسلموا" بمعنى تكونوا مؤمنون.. فلا يمكن لشخص أن يتحلى بالإيمان الصحيح دون أن يفشي الحب والسلام, فالبغضة "تحلق الدين" أي تمحوه وتقضي عليه

فليس معنى الحديث أن من يتبعون دين الاسلام هم وحدهم من سينعمون بالجنة. الرسول يقسم بالله أن الجنة لا يدخلها سوى المؤمن المتحاب الذي يهدف إلى نشر السلام والمودة والحب بين الناس

تأملا معي الآن الحديث الشريف "من رمى مؤمناً بكفر فهو كمن قتله".. لقد استخدم الرسول كلمة "مؤمنا", وهي تعم ولا تخص. أي تشمل كل من أنعم الله عليهم بصفة الإيمان, بما فيهم اليهود والنصارى والصابئين

أرجو أن تعملا على تعلم اللغة العربية, فهي لغة القرآن والسنة وكتب التراث والتفاسير والشريعة
فالأمر يلتبس عليكم بشكل معيب بسبب عدم الالمام بأصول اللغة وقواعدها ومعاني مفرداتها
أذكر على سبيل المثال لا الحصر ما ورد في نفس التعقيب الأخير لكما على الاستاذ اناتوميست: "وانا طبعا عارف من هم اهل الغرب ومافعلوا بنا وبامتنا.. واول من يرفض تغريب الامة ويحاربه هم الاخوان واعتقد انك تري ذلك بعينك

بصرف النظر عن صدق المقولة من عدمها, لقد استخدمتم كلمة "تغريب" بمعنى "اتباع الغرب" وهذه الكلمة بهذا المعنى لا تمت بصلة للغة العربية إطلاقا. فالتغريب فاللغة العربية معناه "النفي عن البلد" أي الابعاد, وهو من الغربة, ولا يوجد علاقة بينه وبين اتجاهات البوصلة. ف التغريب يقع شرقا أو غربا أو شمالا أو جنوبا
وفي الحديث: أَن رجلاً قال له: إِنَّ امرأَتي لا تَرُدُّ يَدَ لامِس، فقال: غرِّبْها أَي أَبْعِدْها؛ يريدُ الطلاق

وإذا طبقنا المعنى الصحيح للكلمة في سياق الجملة الواردة فيها, يصبح المعنى "وأول من يرفض إبعاد الأمة ويحاربه هم الاخوان
وأعتقد ان هذه جملة بلا معنى! فمن قال بنفي الأمة أو إبعادها؟ هل زعم أحد أنه ينوي تهجير المصريين؟ هل تستطيع قوى العالم أجمع أن تحرك مصر من مكانها على الأرض وتضعها في مكان آخر, حتى ترفضوا ذلك أو لا ترفضوه؟

فلنجرب المعنى المجازي أو البلاغي.. يصبح لدينا معنى آخر, وهو الإبعاد المعنوي. وأنا أرى ان جماعة الاخوان بما تنشره من قيم هدامة, إنما تدفع في سبيل هذا الابعاد ولا تمنعه. وهذا حقي في إبداء وجهة نظري

رابعا
ورد بالنص فى ردكما "ولكن ايضا والله واقسم علي هذا ان الرسول صلي الله عليه وسلم لو قرا كلامها (كلامي أنا) لغضب
على أي أساس تقسمون نيابة عن الرسول? إنني حقا أتعجب من هذا الاصرار الغريب على وضع انفسكم مكان الله ورسوله والتحدث بالنيابة عنهما.. أستغفر الله العظيم. هل هذا بإسلام؟ هل هذا بإيمان؟ هل هذه تعاليم ديننا؟ أشققتم عن صدر الرسول عليه الصلاة والسلام أيضا لتقسموا بالله أنه سيغضب إن قرأ كلامي؟ أستغفرا ربكما عله يلمتس لكما عذرا
أما أنا فأشهد الله أنني لا أتهاون في حقه وحق نبيه الكريم

ثم تقولان "وهي تتحدث عن صحابة الرسول بطريقة لاتليق عندما كانت تتحدث عن امر الاستخلاف بعد موت الرسول صلي الله عليه سلم وارجع لتعليقها في البوست اللي فات وتقول خناقة ولولا ان الانصار لايموها ووصفها للامر بالمهزلة يااستاذة هم ليسوا اصحاب مناهج عقيمة لاتعرف الا المادة مثل ماتؤمنين به وده كلام اترد فيه بدل المرة الف ومن علماء المسلمين الذين وقفوا في وجه مروجي الشبهات في الدين.. وكلام كثير من هذا القبيل

أي كلام كثير؟ ومن أي قبيل؟ ألا تخجلا من كثر الإدعاء الكاذب؟ ألا تملا من الاصرار على المزايدة ومحاولة إدعاء أنكم وحدكم من تغيرون على دين الله؟ ألا تراعيا أن هناك الكثيرين ممن قرأوا نفس الكلام ولم يروا فيه أي تطاول أو تجاوز أو عيب مما تدعونه؟

هل الصحابة أنبياء؟ هل هم معصومون؟ هل ورد عنهم أنهم لهم صفات إلهية؟ هل ما فعلوه يوم موت الرسول الكريم كان صواب؟ أننسى جسد الرسول المتروك ونفكر في شكل الصحابة الذين لم أعب فيهم من الأصل؟ ما هذا الإرهاب بالله عليكم؟ أيجب علي أن أصفق للصحابة لانهم أهملوا دفن جسد رسول الله؟ هل أمور الحكم أهم من تكريم أشرف الخلق وحامل القرآن الكريم, هادي البشرية؟؟ إنكم انما تحرجون انفسكم بالاصرار على هذا الادعاء وترهيب الناس من مجرد التفكير السليم ووضع الأشياء في نصابها الصحيح

خامسا
عيب عليكما أن تتحدثا لشخص يملك من العلم والثقافة والأدب مقدارا لا يصبوا إليه أيا منكما بهذا الاسلوب الصبياني المنفر: " يااستاذي انت لم تعلن اسمك الحقيقي
واما اذا كنت تعجر عن معرفة موقع الجعفري

فيمكنك اتباع الاتي:
1
ضع سهم الماوس علي اسم الجعفري
2
اضغط عليه ضغطتان سريعتان
دبل كليك
3
سيظهر البروفايل الخاص به ستجد في الاسفل مدونة تسمي يارب ثبات علي طريقك وشريكه فيها احدهم ويدعي الفاتح اليعقوبي
4
اذا واجهت صعوبة في الضغط سريعا علي الماوس فبامكانك الضغط علي الزر الايمن في الماوس ستظهر لك بعدها قائمة مكتوب اعلاها بالانجليزي
open
اضغط عليها ستجد نفسك في مدونة اليعقوبي والجعفري الخاصة بهما
وصفة سهلة اوي فقط اتبع الارشادات بدقة وستجدنا مرحبين بك علي احسن مايكون الترحيب

ما هذا الأسلوب السخيف الذي يفتقر إلى أبسط قواعد التهذيب؟ ومع من؟ من شخص كريم, أكبر منكم سنا وعلما وثقافة وأرقى خلقا؟ حدثكما بكل ود وإحترام, أفهذا جزائه؟

أنا لا أسمح بإستخدام هذا الأسلوب ضد ضيوفي الأعزاء المحترمين. كل ذنبهم أنهم يتحاورون بأسلوب راقي متحضر مع صبية لا يقيمون وزنا لأي شيء ولا يراعون مشاعر الآخرين. وهذه المرة أنا أحذر تحذير مباشر وأمام الجميع, أن من يعيب في هؤلاء لن يستحق أن يكون ضيفا مرحبا به. فلا يمكن ان يتساوى من يحترم ذاته والآخرين مع من لا يأبه بإلتزام حدوده

سادسا
التناقض الحاد والفج والصارخ في كلامكما لا يستطيع أن يقنع دابة. فالأخ الجعفري مشكور وصف من ينتمي إليهم بأنهم "حفنه تحارب العلمانيين وامثالهم" وكان في كلامه تعميم واضح, بتسق مع كل ما سبق ولحق, ما عدا الادعاء بأنكم تستثنون البعض, واصفين إياهم ب"السادة المحترمين العلمانين".. حقيقة هذه مداهنة تصيب بالغثيان, خاصة بعد قراءة كل ما قلتوه وتقولونه عنهم. وهذا ليس بغريب عن الاسلوب النمطي الاخواني في الحوار. ولا أجد أبلغ من جملة الجعفري الخالدة لتصف السياسة التي يتبعها الاخوان: " حبيب حبيبي حبيبي وعدو حبيبي عدوي". لكنكما للأسف لا تستطيعا التمييز بين العدو والحبيب

سابعا
يجب أن تشكرا كل من تابعوا فصول هذا النقاش الذي أحلتموه إلى مهزلة, على سعة صدرهم ونواياهم الطيبة. فليس بينهم من يضمر لكم شرا, أو يخطط ضدكم في الخفاء.. وكلنا وبصدق نشفق عليكما ونعتبركما من دمنا ولحمنا رغم كل شيء. الإعتراف بالحق فضيلة, بينما المكابرة في الباطل .. ليست فساد عقيدة.. وإنما فساد فكر وبصيرة

والسلام ختام

Fantasia said...

عزيزتي نسرين
يجب أن أشكرك أنا على وجودك الكريم
وآسفة على أي كلمة غير مناسبة إتوجهت ليكي هنا من الناس دي
معلش دي ضريبة لازم ندفعها
المهم ان اللي حصل دا أفادك ف الآخر
أرجو أن تثري الحوار دايما بتعلقاتك الجميلة,
وأتفق مع الاستاذ أناتوميست فيما قاله عنك وعن مدونتك

كل تحية وود

Hoda said...

سيدى الفاضل الاستاذ/ المشرح المصرى

اشكر لك ثناءك على كتاباتى ومدونتى التى تفتقد حقاً لمستك الساحره بمشرطك الحساس والتعبير والتحليل الذى طالما ما استمتعنا به منك ومعك ومجرد وجود شخصيه زى حضرتك فى اى مدونه يزيدها بالقطع شرف وعزه وفخر فأنت لنا يا سيدى بمثابة كنز صعب العثور على مثله فى عالمنا هذا الملىء بأصحاب العقول الفارغه والتافهه والتائهه ونحن جميعاً نستقى من افكارك وتجاربك وتشريحك لواقعنا المؤلم ونأخذ منه العبره والحكمه والمعرفه فهنيئاً لنا بك لانك افضل نعمه انعم الله بها على كل المدونين

اشكرك مره اخرى كما اشكر الاستاذه الغاليه صاحبة المدونه لاتاحة الفرصه لى والسماح لى بالمشاركه فى هذا الحوار الممتع على الرغم مما حدث فيه من سوء فهم واشكرها ايضا على كتابة هذا البوست القيم الجميل وسعة صدرها المعهوده عنها دائماً واشكر نسرين وكل من شارك فى الحوار لكم منى جميعاً كل موده واحترام

حنين

Samir Saad said...

فانتازيا والفاتحين

لمتابعتي مما دار بينك وبين الجعفري واليعقوبي أود أن أقول:

حين تتبنى أطرافا ما أوجه نظر متضادة مستندين على ذات المرجع - القرآن والسنة - وحين يفترض كلا منهم أنه على دراية جيدة بالمرجع وتفسيراته. فإن أصابع الإتهام تتجه مباشرة نحو هذا المرجع - القرآن والسنة - على أنه مليء بالتناقضات والثغرات. فهو المهاجم وهو المدافع، وهو اليمين وهو اليسار، وهو صالح جدا لفتح خلاف لا يمكن حسمه إلا بالتخلي عنه مرجعا.

تحياتي

Anonymous said...
This comment has been removed by a blog administrator.
إضراب said...

أولا أود تسجيل اعتلراضي على الطريقة التي تتعاملين بها مع من يعارضك
وعلى فكرة أنا من الإخوان وانتقدت تقرير البرلمان الأوربيلمزيد من التفاصيل ادخلي مدونتي (إضراب

The Alien said...

متهيألي الإتفاقيات بينا وبين الإتحاد اﻷوروبي فيها بنود متعلقة بحقوق الإنسان
ودا يديهم الحق يعلقوا علي اللي بيحصل ف مصر

موضوع التوقيت ف أنا معاكي فيه
الموضوع واضح إنه ضغط من إسرائيل
زي ما حصل ف أمريكا

مش فاهم إنتي مبسوطة بموقف الحكومة ليه؟
دا هما اللي مدانين ف القرار دا مش إحنا
يبقي طبيعي يدافعوا عن نفسهم ويعملولهم منظر لإن أي كلام عن حقوق الإنسان ف مصر أكيد مش بيكون ف صالحهم. الواقع اللي إحنا عايشينه بيقول إن الحالة زفت وإن الحكومة بتتعامل مع الشعب بمنطق .. محدش ليه عندي حاجة .. وكإن مصر مش موقعة علي إتفاقيات ومشاركة ف مجالس لحقوق الإنسان

الإخوان بقي دول قصة كبيرة
والتاريخ معروف وفيه تفسير لكل تصرفاتهم

أنا رأيي إن محدش بيعمل حاجة لحد
يعني م اﻷخر محدش هيخلصنا من اللي إحنا فيه
ولو فضلنا مستنيين "المعونة" - من أي حد - يبقي هنفضل مستنيين

تحياتي

Fantasia said...

إضراب
أهلا وسهلا
واضح إن حضرتك مضرب عن القراءة كمان. ولكن في حالة أن هذه هي النتجة التي توصلتم إليها بعد قراءة كل ما ورد في النقاش, فهذا حق أصيل لك.. لكن إسمح لي ألا أجده مبرر
ومن دواعي سروري إعلان حضرتك عدم دعمك لقرار البرلمان الأوروبي
ولو أني لم أجد أي كلمة في مقال حضرتك الذي أشرت إليه بخصوص من يدعمون موقف البرلمان الأوروبي من مصر ويرفضون قطع العلاقات مع هذه الجهة التي يشوب نزاهتها الكثير
فيا ترى, ما رأي سيادتكم في موقف كتلتكم البرلمانية من هذا القرار في ظل التطورات الأخيرة في غزة؟ وخاصة بعد تراجع البرلمان الأوروبي؟

خالص تحياتي

Fantasia said...

العزيز ألين
أنا مبسوطة طبعا. علشان ف الآخر قرار الحكومة دا في مصلحة بلدي. طيب مين في إيده السلطة إنه يصدر قرارات بإسم الدولة المصرية؟ هو يعني علشان الحكومة بنت ستين في سبعين, يبقى كل حاجة تعملها لازم تبقى غلط؟ هنستورد حكومة يعني علشان نفرح لما ياخدوا قرارات صح؟
يا عم والله أنا بعد الكلام اللي قريته هنا بقيت بحب الحكومة
شوفت وصلونا لفين؟
على الأقل الحكومة دي ف الآخر مش عميلة
يسرقوا, يفسدوا, يرتشوا, بس ما يجيبولناش الاحتلال لحد عندنا.. ومايوقعوش الشعب ف بعضه, ولا يكفروا الناس. دي الحكومة بقت على قلبي زي العسل بعد الكلمتين بتوع الفاتحان دول
دا أنا نسيت الضرب اللي هرا جتتي ف المظاهرات. ونسيت الغلب اللي بشوفه كل يوم. ونسيت الفساد والقمع الأمني. ونفسي أكتب قصيدة غزل ف عساكر الأمن المركزي اللي ضربوني
على الأقل كانوا بيضربوني علشان فاكرين إني من أعداء الوطن. يعني ف الآخر ناس بتحب بلدها. أو حتى يا سيدي خايفين من الرتب بتوعهم. لاكن ف الآخر ولا كفروني, ولا فرضوا عليا حاجة. وأدينا لسة لساني طويل وعمالة أنتقد ف الحكومة واللي جابوها أهوه
لكن يا فرحتي لما الحكومة دي تغور ويجيلي اللي يطير رقبتي علشان مثلا مش عاجبني الشيخ الفلاني
يا عم دا إحنا طلعنا ف نعمة ما نستاهلهاش. والله لو عندنا دم نروح نتشطر على الخيبة اللي بقينا فيها. دا إحنا مش عارفين نتوحد على إدانة التدخل الأجنبي في بلدنا! مع إننا كلنا واثقين إن إسرائيل هي اللي وراه
شوفت خيبة أكتر من كدة؟

يا عم ألين فوكك بس. ما كله بتاع مصلحته. ونظام حبيب حبيبي حبيبي دا شغال الله ينور. المهم نشوف حبيبهم مين, علشان نعرف نعمل إيه. وبعدين هي الحكومة دي مش ناس مننا؟ يعني الموظف اللي بيعاملك بمنتهى الإحتقار وهو فاتحلك الدرج كأنه بيلم جباية, دا مش راجل مصري عادي؟ مش ممكن تلاقي نفس الراجل دا بدقن وزبيبة تسد عين الشمس على قورته؟ متقوليش أصل الكبير بيسرق. دا مش مبرر. ولعلمك معظم الفساد اللي بيهدر المال العام, وبالأرقام بسبب ال 4 مليون موظف اللي قاعدين على المكاتب ومش بيقوموا بواجبهم. يعني دول لوحدهم بيخسرونا كل سنة مليارات
إنما الكام الواحد اللي ف الوش دول لازم يسرقوا. وف كل بلد هتلاقيهم بيسرقوا. وف البلاد الغنية برضه بيسرقوا. دول بشر ف الآخر, مش ملايكة. لكن الدول الغنية, مهما يتسرق منها برضه فيها اللي يكفيه ويفيض. إحنا مشكلتنا الفقر وغياب التنمية
يعني إنت عايز تفهمني إن اللي بيتسرق من مصر قد اللي بيتسرق من السعودية؟
ولا يعني حكومة مصر علاقتها بالغرب أقوى من السعودية؟ ولا مطيعة ويمين يمين. شمال شمال أكتر من السعودية؟
يا ألين والله السعودية دي شايلة إقتصاد أمريكا على كتافها. إتفرج على فيلم مايكل مور فهرنهايت 9/11
كل الناس عارفة, والمصالح ماشية عيني عينك
لكن السعودية مهما طلعت فلوس منها برضه هتفضل غنية. إستنا بقى لما يخلص البترول من عندهم.. وإتفرج. هييجوا هما يشحتوا مننا
دا لو إحنا ما خبناش أكتر من كدة يعني. لازم نفوق ونعمل تنمية بجد, وبحث علمي بجد, وتطوير بجد
لكن هنقعد نشتم ف الحكومة مليون سنة.. وبعدين؟ مشاكلنا هتتحل؟
الغريبة أنا عمري ما شوفت حكومة ف العالم التالت مش كدة. هو إحنا ليه فاكرين حكومتنا دي حاجة شاذة أو فريدة من نوعها؟ هي أوروبا بقت ديمقراطية الأول وبعدين اتطورت, ولا اتطورت الأول وبعدين بقت ديموقراطية؟ إشمعنا إحنا اللي عايزين نحط العربية قدام الحصان؟

كويس إني فضفضت معاك يا عم.. أحسن أنا معبية ع الآخر. هههههه
شوف يا بيشوي, طول ما في ف مصر ناس متعلمة وفاهمة وقلبها على بلدها, أكيد كل الظلم دا هينتهي. شوف بس الناس لما فاقت شوية وعملت إعتصامات وكتبوا على البلوجات وإبتدوا يهتموا بالسياسة, حصل إيه. دا كله حصل في يا دوب أربع سنين! إنت فاكر كنا عاملين إزاي من أربع سنين بس؟
لازم نفضل نضغط لو فعلنا عايزين الأوضاع تتحسن. الحكومة مقدور عليها صدقني. لانهم مننا فينا. لكن الغريب لو دخل, ولا الطبل البلدي هيطلعه

تحياتي يا زميل الكفاح الثوري

Fantasia said...

العزيز انوسنت
أردت تأجيل ردي على تعليقك القيم حتى يهدأ الضجيج

فأنا أؤيد كلامك العقلاني المستند على منطق
وأنا هنا لن أبني نقاشي على خلفية قناعتكم الشخصية يا سيدي. لكني أود أن أفند المنطق الوارد في تعليقكم من الناحية العقلية البحتة وفي معزل عن أي مرجعيات أخرى

لقد أوجزت فأفدت يا سيدي. قلت "حين تتبنى أطرافا ما أوجه نظر متضادة مستندين على ذات المرجع - القرآن والسنة - وحين يفترض كلا منهم أنه على دراية جيدة بالمرجع وتفسيراته. فإن أصابع الإتهام تتجه مباشرة نحو هذا المرجع - القرآن والسنة - على أنه مليء بالتناقضات والثغرات. فهو المهاجم وهو المدافع، وهو اليمين وهو اليسار، وهو صالح جدا لفتح خلاف لا يمكن حسمه إلا بالتخلي عنه مرجعا"

أود هنا أن أركز على فكرة جعل الدين مرجعا. فهنا يكمن مربط الفرس. فحين يكون الدين مرجعا روحانيا, تعبديا, أخلاقيا, ذاتيا.. أرى أنه من الإجحاف والخطأ التخلي عنه. فالأنسان لابد له من روحانيات تعادل وتوازن وجوده المادي, وإلا سيغرق في دوامة من الوحشية والهمجية والعبثية

نعم, هناك من يستعيضون عن المرجعية الدينية بمرجعيات أخرى, روحية أخلاقية, تعلوا بالانسان من مرتبة الوجود الحيواني إلى مراتب أسمى وأعلى
وأنا أزعم أن هذه المرجعيات لا يمكن أن تكون قد أتت من فراغ. فالأفكار الأساسية والصور الذهنية والأنماط الأخلاقية التي تعتمدها, كلها مستمدة من الأديان

الأشكالية تأتي حين يدفع فئة من البشر بالإكتفاء بالمرجعية الدينية, كأساس واحد ووحيد لكل جوانب الحياة الانسانية. أو كأن يأتي من يدعوا إلى جعل الدين مرجعية سياسية. هنا ينشأ الجدال العقيم, الذي يشوه الدين (كنص مقدس وكفلسفة نقية ومرجعية روحية). فهو بذلك ينال من الدين ويضره, كما يضر البشر المعنيين بدعوته ويدمر مجتمعاتهم

ولنا في التاريخ عبرة لمن يعتبر

إذن فبينما أنا أؤيد سيادتكم في حتمية كف يد الإنسان عن العبث بالأديان وما وجدت لأجله.. فأنا أؤكد على ضرورة الإبقاء على الدين كمرجعية وسجل روحاني.. يدعم النسق الأخلاقي الذاتي للإنسان, فينتج عن ذلك اتفاقا جماعيا على أطر لصياغة فلسفة المجتمع في إدارة شئونه ومعاملاته

من هنا يأتي الاتفاق والتجانس والارتقاء بالمجتمعات البشرية ككل. ولكن غياب المرجعيات يا سيدي, لن يسبب سوى الفوضي والتخبط والضياع وفقدان الهدف. إن الإنسان في مراحل تطوره البيولوجي والعقلي, يحتاج إلى نسق محدد, يربطه بماضيه ومستقبله. بحيث يتمكن من المضي في مسيرة الأرتقاء, وبحيث يستفيد من البيئة الآمنة (نسبيا) والمستقرة, في تطوير فكره ووعيه وعواطفه

أشكرك على هذه المداخلة الهامة

خالص تحياتي وتقديري

Samir Saad said...

أقدم لك خالص الأحترام لأجل عقلانيتك الهادئة. بالفعل تكمن المشاكل في فكر من جعلوا من الدين المرجعية الوحيدة، وأنا أتفق معك تماما في هذا.

أما بخصوص أن الدين هو من يعطي سموا للنفس وبعدا غير مادي لأفعالها، فدعيني أقبل بهذا على أن الدين أحد الأمور التي تمنح النفس سموا، ولكنه ليس الوحيد، وليس الفريد، وليس الأسبق. وحين يُضفي الدين سموا على حياتنا تكون الفرصة سانحة جدا ليأتي من يستغل ثغرات الدين وضعف عقولنا ليقدس الهلاك والتخلف والجهل، فاعلا بنا شر الفعال ولابسا زي العفة والكمال.

أنا لست متشددا ضد الدين، ولكن هل من شيء سامي يفعله الدين ولا نفعله نحن؟ هل من منطق يبرر به الدين وجوده وفرضياته وتوصياته أقوى حجة من منطقنا في تبرير وجودنا وفرضياتنا وتوجهاتنا؟

إن الصراع الفكري الذي تخوضينه بمنتهى الحرية وأحترام العقل والفكر مع أناس لا حرية لديهم ليعطونها للآخر ولا عقل لهم ليضعوا أنفسهم محله، لهو الدليل القاطع على خلط الأوراق الذي قد يجعل من سمو الدين - كما ترينه - سجنا وقهر للآخر - كما ينادون.

أحترم عقلك وحريتك

عميق تحياتي واحتراماتي

Fantasia said...

الأستاذ العزيز انوسنت

أشكر لكم ردكم الكريم وثناءكم المشجع
أرى أننا نتفق على معظم النقاط رغم إختلاف المنظور. وهذا يدعم محاولتي وغاية تجربتي التي وددت أن أنشرها من خلال هذه المدونة

فالانسانية تتفق في الاساس, رغم وجود أي اختلافات سطحية بين أفرادها. هذه الاختلافات التي تطفو على السطح قد تخدع بعض بني البشر, لتجعلهم يظنون أن الاصل يكمن في التصنيفات والفروق والصراع. وأنا ضد نظرية الصراع في تفسير الغاية من الوجود البشري ونشأة مجتمعاته

الانسان يرتقي بذاته ويسمو بنفسه مع تقدم الزمن. ومن الظلم أن نسجنه في حتمية ثبات دوافعه وأهدافه منذ مراحل تطوره الأولى على وجه الأرض

فالانسان المتحضر دائم البحث عن التكامل والتوافق ومد الجسور للتواصل مع الآخر. خوفه البدائي أخذ ينحسر مع الوقت, ليبشر بنشأة مجتمعات أكثر سلاما وتعاونا وايجابية, تسعى في سبيل التطور الجماعي, وتبعد شيئا فشيئا عن الصراع من أجل البقاء الفردي

أنا أؤمن أن ذلك هو مستقبل البشرية. ليس في حياتنا, ولا حياة أجيال قادمة بعدنا, لكنها المرحلة القادمة في سلسلة تطور الانسان. وقتها, سيتغير شكل المجتمع البشري وتفاعلاته تغيرا جذريا
ومن هنا أردت التعقيب على جزئية صغيرة في رد سيادتكم, أرى أنها ستفتح الباب لمزيد من الاتفاق. وهي تساؤلكم الوجيه: "هل من شيء سامي يفعله الدين ولا نفعله نحن؟ هل من منطق يبرر به الدين وجوده وفرضياته وتوصياته أقوى حجة من منطقنا في تبرير وجودنا وفرضياتنا وتوجهاتنا"؟

ولمحاولة الإجابة لابد من طرح السؤال: من نحن؟
هل "نحن" كيان واحد يتمتع بنفس القدرات والخبرات والوعي والادراك؟
هل "نحن" بمعناها الأكثر تفصيلا وتقيدا بعوامل الزمن والجغرافيا, أي "نحن الآنية المكانية", تعبر عن "نحن" الواردة في السياق التركيبي المنهجي للنظرية المطروحة أعلاه؟

أعتقد أن هناك فرقا شاسعا بين المدلول الفعلي للفظ "نحن" في الحالة النظرية المثالية عنه في الحالة الآنية المكانية الفعلية

ومن هنا يأتي المنطق الذي يبرر وجود اطار أخلاقي نظري يقبل التطبيق, ينتظم فيه البشر. وبهذا يتغلب المجتمع البشري على معضلة تنوع سلته وتحدي إيجاد الإجماع اللازم لخلق كيان منظم, قادر على المضي قدما باتجاه التطور الانساني المنشود

وهكذا فمن البديهي أن يكون هناك شريحة ممن قاموا بصياغة اطار موازي, وهم بنتمون لنفس الكيان الهيكلي, وينضمون لصفوف المسيرة ذاتها من منظور تجريدي إيماني بما هو سامي وأخلاقي. هذه الشريحة بما تمثله من تحدي للاطار التقليدي, ترى من خلال منظومتها الفكرية واجب انساني في المشاركة والتفاعل مع كل النسق البنيوية الموازية. وهكذا فان النزعة البشرية والاشكال الهيكلية المختلفة لتنظيم البنية المجتمعية, تتلاقى فى طريق واحد. لا يحيد عنه إلا القلة, التي تنزوي وتنعزل وتندثر بالضرورة

أشكر لكم اتاحة الفرصة لهذا النقاش الممتع

كل تقديري واحترامي

Alexandrian far away said...

أتفق معاكي تماما
فعلا الموضوع ليس لوجه الديموقراطيه أو حقوق الانسان
وأوروبا قارة عديمة الشرف والمصداقية في هذا الموضوع تحديدا ومستعدة للتعامل مع أسوأ وأبشع ديكتاتوريات في العالم طالما تحقق مصالحها وتملأ خزائن شركاتها، وصفقات السلاح للسعوديه مش بعيده
هذه القارة المنافقه العنصريه فعلا لازم حد يقول لها أتلهي
أنتم من صنعتم هؤلاء الطغاه والقتله وأنتم من دعمتموهم وهم يسحقون حقوق الانسان بالأحذيه وما زلتم تدعمونهم
وأتهزأت حقوق الأنسان معاكم وبقت وسيلة ضغط ولعب قرود ونسانيس
ومجرد ورقه بتستخدموها لتحقيق مزيد من المكاسب والأمتيازات

أما افاعي الأخوان
فهم راس النفاق وأس الكذب والخديعه
كأي قوه فاشستيه ظهرت في تاريخ البشرية
وكأي قوة فاشستية مصيرهم قمامة التاريخ أيضا
تحياتي ولي جلسات مع هذه المدونه المثيرة للإهتمام

Fantasia said...

alexandrian far away
سعيدة بمروركم الكريم وشاكرة لتعليقكم الرائع
لقد كان هذا من حسن حظي لأطلع على مدونتكم الثرية
والتي أرى أنها تستحق أن أخصص لها وقت للدراسة والتمتع بمحتواها الفريد
اتفق معك سيدي الكريم في رؤيتك الصائبة
وأرجو أن تتخلص البشرية من جميع أشكال القوى الفاشيستية التي تعيث في الأرض فسادا

خالص تحياتي واحترامي