Wednesday, February 13

طنط فانتا, هو يعني ايه علمانية؟


ازيكم يا حبايب.. بعد فرحتي معاكم بفوز منتخبنا القومي وحصوله على كاس الامم الافريقية, قولت أخد اجازة من الهم اللي انا فيه.. قولت اروح ازور واحدة صاحبتي وزميلتي ف الشغل بقالي كتير ما زورتهاش.. والصراحة كانت وحشاني القهوة بتاعتها وحكايتها.. لكن لقيت الهم والغم بيجروا ورايا برضه.. الست بخير الحمد لله, وقضينا وقت جميل خلصنا فيه كل الكلام اللي كنا محوشينه.. بس يا خسارة, الحلو ما يكملش

صاحبتي عندها طفلين, كريم ومريم.. كريم دلوقتي ف اولى اعدادي, ومريم ف أولي ابتدائي.. قعدت يا عيني تشتكيلي من المناهج الصعبة والهوم وورك اللي ما بيخلصش. أنا الصراحة سعيدة اني فلت من نظام التعليم بتاع دلوقتي ده.. مع ان على ايامي كان التعليم زفت برضه.. لكن زفت عن زفت يفرق كتير. هيهات بين الزفت اللي كان على ايامنا والزفت بتاع دلوقتي

ما علينا.. كريم بقى واد لمض وزي العسل.. بيحبني موت وبيسمع كلامي دايما عشان بديله برستيجه.. كان مبسوط أوي اني اخيرا جيت زورتهم بعد فترة طويلة من اخر زيارة. المهم كنت قاعدة بتكلم مع ام كريم, وكريم كان قاعد ف اوضته وطالع عينه ف الواجب.. مامته انتهزتها فرصة وقالتله لما تخلص الواجب هخليك تقعد براحتك مع طنط فانتا تحكيلها كل اللي نفسك فيه. الولد طبعا زي كل الاطفال المصريين الاذكيا, طالع اروبة من يومه.. معلم ف فنون التزويغ.. كان كل شوية يعمل نفسه رايح يشرب أو داخل الحمام عشان يرمي ودن ويعرف احنا بنرغي ف ايه.. وبعدين فجأة لقيته جاي من قدام التلاجة وازازة الميه ف ايده, وراح قايلي "طنط فانتا, هو يعني ايه علماني ملحد؟".. انا طبعا ذهلت, وحسيت اني من شدة الصدمة حواجبي طارت وطلعت على جبيني زي بتوع افلام الكرتون

وقت ما كريم قاطعنا كنت بتكلم مع مامته عن العلمانية ف العالم العربي, وازاي ان حملة التشويه اللي بيشنها التأسلم السياسي بتخدع ناس كتير.. لدرجة ان واحدة قريبتي قالتلي "يا فانتا بطلي تصرحي بانك علمانية, انتي مش ناقصة وجع دماغ"! كأن العلمانية دي حاجة عيب أو مشينة

الولد أول ما سمع الكلمة ما قدرش يقاوم رغبته انه يسألني.. بس السؤال هو اللي خوفني وجابلي صدمة فظيعة.. ومين اللي بيقول كدة؟ كريم؟ ماله هو ومال العلمانية؟ دا واد عنده 11 سنة.. انا لما كنت ف سنه ولا كنت اعرف ان فيه حاجة اسمها علمانية من اصله! ومين اللي اتكلم مع الولد ف موضوع زي ده؟ وكمان يقوله "علماني ملحد"؟ لأ . جامدة أوي دي.. جديدة عليا.. لكن لما استرديت الوعي, قولت يا بت خليكي كوووووول.. عادي يعني, مفيش مشكلة, كويس ان الولد بيسأل وعايز يعرف.. قولتله, يا كريم يا حبيبي العلماني حاجة والملحد حاجة تانية.. انت سمعت الكلمة دي فين؟

كريم: عمر زميلي ف المدرسة هو اللي قالهالي

طبعا ام كريم خدت وقت أطول عشان تستوعب الموقف.. سألته, "ولما قالك كدة ما جيتشي قولتلي ليه؟ اشمعنا طنط فانتا اللي بتسألها؟" الولد قال بمنتهى الصراحة "أصل طنط فانتا دايما بتجاوبني على كل الاسئلة اللي بسألها, ومش بتضحك عليا

ابتسمت لأم كريم وسألته سؤال عشان اشاكسها شوية: "امال ماما بتعمل ايه لما بتسألها على حاجة يا كيمو؟".. قالي " ولا حاجة, بتتوه الموضوع وتقولي نبقى نتكلم ف الموضوع دا بعدين.. وبعدين دا عمره ما بيجي".. طبعا الست ام كريم وشها جاب ألوان و راحت زغراله وقالتله "ولد! أنا برضه بعمل كدة؟".. هديتها وقولتلها الولد بينقدك نقد بناء.. اسمعيه وشوفي الموضوع من وجهة نظره. هو شايف انك بتهربي من انك تجاوبي عليه, فلا يمكن هيقتنع ان دا مش صحيح الا لو فعلا جاوبتيه على اسئلته

المهم قولتلها روحي اعمليلنا دور شاي وسبيني اتكلم مع كريم شوية.. وبعد السؤال عن احواله والمدرسة والنادي.. قولتله يحكيلي موضوع عمر دا بالتفصيل.. والصراحة اللي قاله الولد يخلي الجنين يشيب ف بطن امه

كريم: اصل عمر باباه قاله ان المسلم مش لازم يصاحب غير المسلم اللي زيه.. وقاله كمان ولا حتى يصاحب ولد باباه علماني ملحد

أنا: وعمر بقى فاهم يعني ايه علماني ويعني ايه ملحد؟

كريم: لأ.. هو فاهم ان ملحد معناها كافر.. مش مؤمن بربنا.. لكن مش عارف يعني ايه علماني ملحد

أنا: طيب هو كان بيقولك الكلام ده بمناسبة ايه؟

كريم: عشان رفيق صاحبي كان بيعزمني على عيد ميلاده

أنا: ورفيق صاحبك دا مسيحي؟

كريم: أيوة.. بصي يا طنط أنا عارف كويس ان كلام بابا عمر غلط.. بس طبعا مقدرشي أقول له كدة.. أنا بس عايز اعرف معني علماني ملحد دي

أنا: برافو عليك يا كريم.. كدة انت عملت الصح, ما عارضتش صاحبك وانتهزت الفرصة عشان تسأل حد كبير. ربنا يحميك يا حبيبي

أم كريم: هاه؟ وصلتوا لغاية فين؟

أنا: انتي لحقتي تعلقي ع الشاي؟ أقولك؟ ما تعمليلنا كيكة جنب الشاي؟

أم كريم: ماشي يا فانتا.. معلش ما هو الباشا الغلباوي دا لازم يتعب الناس معاه

أنا: مفيش تعب ولا حاجة.. كريم ولد ممتاز وانا مبسوطة من اللي بيعمله ده.. يا شيخة دا ولد عبقري, انتي بس اللي مش عارفة قيمته. شوف يا كريم.. انت عارف ان دلوقتي مفيش حاجة اسمها كفار بيعادوا المسلمين صح؟

كريم: صح.. الكفار دول كانوا زمان ايام الجاهلية

أنا: تمام كدة.. احنا دلوقتي مسلمين ومسيحيين.. وف بلاد تانية فيه ناس بتؤمن بديانات تانية كمان.. زي اليهود والبوذيين والهندوس وغيرهم.. وفيه ناس برضه اختاروا انهم ما يؤمنوش بالديانات كلها.. دول بقى يا حبيبي مش بيعادوا المسلمين أو اصحاب الديانات التانية زي الكفار بتوع الجاهلية.. الحروب دلوقتي بتحصل بين دول مش بين اديان.. يعني هما مجرد ناس مش مقتنعة بالانتماء لدين محدد

كريم: اللي كدة بقى, يبقى ملحد؟

أنا: أيوة يا كريم. لكن مش لازم يا حبيبي عشان هو ملحد يكون علماني.. العلمانية دي فكرة سياسية, ملهاش دعوة بالاديان.. يعني ممكن يكون فيه ملحد يميني أو يساري أو مش منتمي لتيار سياسي من اصله.. مش انت تسمع عن حاجة اسمها حزب سياسي.. زي الحزب الجمهوري والديمقراطي ف امريكا؟

كريم : أيوة.. اوباما وهيلاري كلينتون

أنا: ايه الشطارة دي؟ برافو عليك.. لكن اوباما وهيلاري الاتنين من حزب واحد, وهيختاروا منهم واحد بس يترشح للرياسة قدام مرشح من الحزب الجمهوري, غالبا هيكون اسمه ماكين.. لكن هل دا ليه علاقة هما دينهم ايه؟

كريم: لأ.. مش الناس بتنتخب الاحسن ف شغله؟

أنا: يا ريت انتوا اللي تمشوا العالم يا ابني, كان زمانه بقى حاجة تانية. ع العموم هو حاجة زي كدة.. السياسة حاجة والدين حاجة تانية

كريم: طيب ليه بابا عمر قال ان العلماني ملحد؟ هو مش عارف الكلام دا يا طنط؟

أنا: لأ يا حبيبي باين عليه مش عارف.. باين عليه عمره ما شاف علمانيين ف الحقيقة. وبعدين دا بيقول لعمر ما يصاحبش مسيحيين يا كريم. انت يرضيك كدة؟

كريم: لأ طبعا ما يرضينيش.. هو احنا مالنا؟ احنا بنروح الجامع وصحابنا المسيحيين بيروحوا الكنيسة.. لكن ف المدرسة وف الحوش كلنا بنكون مع بعض وكلنا اخوات

أنا: الله عليك يا ابني.. سامعة يا أم كريم؟ انتي ربيتي راجل لازم تفتخري بيه

أم كريم: طبعا يا بنتي.. دي تربية ايديا وحياة عينيا. بس الواد دا لو يبطل لماضة وافترا! دا انا بالي طويل معاه موت

أنا: أكيد يا ست الكل.. من غير ما تقولي.. بس ابنك ناصح من يومه وعنده فضول كبير.. لازم تطولي بالك اكتر معاه.. الكلام دا أهم من المذاكرة.. هي المذاكرة هتطير يعني؟

كريم: طنط فانتا, هو يعني ايه علمانية؟

أنا: العلمانية يا كريم هي ان سياسة البلد تتحدد على اساس ان اهل البلد يكون كلهم ليهم نفس الحقوق وعليهم نفس الواجبات, بصرف النظر دينهم ايه. يعني انتوا ف الفصل مش كلكم بتدرسوا نفس المنهج وبتاخدوا نفس الواجب وتمتحنوا نفس الامتحانات؟ هل تفرق انت مسلم ولا مسيحي؟

كريم: لأ.. تفرق بس ف حصة الدين, وف امتحان الدين بيخلوا المسيحي يرفع ايده عشان يدوله ورقة الاسئلة بتاعة الدين المسيحي

أنا: تمام كدة.. يعني فيه فصل بين الدين وبين المواد التانية.. يعني لو بتمتحنوا امتحان حساب أو عربي, حد بيقول للطالب المسيحي يرفع ايده؟ هل اللي بيوزع الورق مهتم يعرف مين فيكم المسلم ومين المسيحي؟

كريم: لأ طبعا.. مال الحساب ومال الدين؟ الحساب حساب.. ما تفرقش يعني.. يخللوا المسيحي يرفع ايده ليه؟

أنا: أهي هي العلمانية كدة يا كريم.. زيها زي الحساب.. واحد زائد واحد يساوي اتنين. مالهاش دعوة الناس اللي ف البلد ديانتهم ايه, عشان اهل مصر كلهم مصريين.. ليهم نفس الحقوق وعليهم نفس الواجبات.. لكن دينهم دا اللي هيحاسبهم عليه ربنا وبس

كريم: يعني انا لو موافق ع الكلام دا أكون علماني؟

أنا: لأ يا حبيبي انت لسة بدري عليك لما تقول علماني ومش علماني.. لكن تقدر تقول ان كل الكبار اللي موافقين ع المباديء دي اسمهم علمانيين.. يعني أنا علمانية, وماما وبابا علمانيين.. وف نفس الوقت احنا مسلمين ومؤمنين وملتزمين.. كل المسلمين بيصلوا ويصوموا زي بعض, بغض النظر هما علمانيين ولا لأ

كريم: طيب ليه بابا عمر قاله كدة يا طنط؟ ليه مش عايزه يصاحب مسيحيين وعلمانيين؟ مش دا حرام عليه؟

أنا: مش عارفة أقولك ايه يا كريم.. بس انت اكيد شوفت ناس كبار بتفكر غلط أو بتعمل تصرفات غلط.. مش كل الكبار عندهم نفس المعرفة يا حبيبي. وبابا عمر فاكر انه كدة بيعمل حاجة كويسة, يعني نيته مش وحشة.. لكن طبعا اللي بيعلمه لابنه دا غلط

كريم: طيب ما تروحي تتكلمي معاه يا طنط فانتا.. ممكن يقتنع انه غلطان ويعرف انه فاهم غلط

أنا: ...... ازاي يعني اتدخل ف حياة الناس يا كريم؟ اروح اكلمه بصفتي ايه؟ وبعدين مفيش داعي تعمل مشاكل مع صاحبك

كريم: بس يا طنط هنسيب عمر كدة؟ يعني لو انا سكت ما هو هيفضل مصدق كلام بباه. يا طنط طيب قولي لماما تروح تكلم مامته

أنا: آخ بقى.. ابتدينا التدبيس. طب ماما تعرف مامته؟

كريم: أيوة.. مامته تبقى مس صفاء, مدرسة العربي


وهنا بقى بلمت.. ماعرفتش أعمل ايه.. وحواجبي اتشعلقوا ف الهوا اصلا.. مدرسة العربي ابنها مش بيصاحب اطفال مسيحيين؟!! يا نهار اسود! طب ازاي يعني؟ يا أم كريم.. تعالي يا ختي.. أنا بايني هاقع من طولي. شوفي يا ختي المصايب اللي نازلة ترف علينا. الله يكون ف عونك يا حبيبتي.. دي مصيبة ايه السودة دي؟ يادي النيلة ع المدارس واللي فيها.. دا الواحد يعلم عياله ف البيت احسن

62 comments:

mohand said...

السلام عليكم


اسمحيلي اضحك الاول علي اخر جزء في الموضوع

هههههههههههههه

------------------
اللي لفت نظري ان الطفل بيقول كلام مش عارف ليه انا مش مستوعب انه يخرج من طفل

تحسي انه زي اطفال التلفزيون اللي بيكونوا حافظين الكلام

--------------
تاني نقطة

موضوع الملحدين اليمينيين

يميني وملحد

طيب بيستند علي اديان ايه بالظبط

عموما الاختلاف موجود في كل الدنيا ومش كل علماني مسلم ومش كل مسلم علماني

وكويس انك بتتحاوري مع طفل

تحياتي

تــــايه ومش تـــايه said...

علمانى ملحد.اه فى ناس ملحده .الهندوس ملحدين اكيد والهندوس زيهم.واللى مش بيؤمن باله زيهم.كل دول اكيد كفره.يبقى حضرتك متفتكسيش وتقولى مفيش ملحدين.كمان محدش ينكر عداء اليهود لينا والمسيحين كمان اه مش الكل بس الاغلب وده واضح جدا.على اساس انتى بقيتى علمانيه.انتى مسلمه صح.لو انتى مسلمه مش محتاجه علمانيه ولا ليبراليه .لان اسلمنا مش صلاه وصوم وزكاه وحج بس .اسلامنا قواعده مفيهاش عيوب .ولو احنا اتعاملنا باسلمنا فى كل مجلات حياتنا .كان زمان وضعنا افضل من كده كتير .والتاريخ يشهد بكده.اسلامنا حطيلنا قواعد نتعامل بيها فى كل تعاملتنا .قواعد متسامحه لابعد الحدود.كمان بتنظلمنا امور حياتنا بطريقه جميله جدا.
بس هتعملى ايه فى الدماغ.وعجبى على رأيك

Soooo said...

من اجمل البوستات والتدوينات اللي قريتها في عالم التدوين الحقيقه
لدرجة اني في بعض اللحظات كنت حاسس اني قاعد معاكم وبقول لكريم اتاخد كده عشان اعرف اقعد كويس


بجد اسلوبك في التحاور مع طفل اسلوب جميل جدا
واسلوبك في الاقناع كمان هايل جدا جدا
صحيح باختلف معاكي في بعض الحاجات
لكن انتي عاجباني جدا جدا جدا



سلامووووووووووووز

على باب الله said...

فعلاً العلمانية أصبحت تترجم علي إنها كفر إلحاد مش عارف ليه ؟

و الحساسية الدينية أخطر حاجة فيها هو أن الآباء بينقلوها للأبناء

فيتغذون علي لبن ممزوج بالكراهية

----

أصابني حزن عميق بعد قراءة هذا البوست

و خوف كبير من حصاد تلك البذور الشيطانية التي يغرسها الجهلة في قلب الوطن

---

egy anatomist said...

فانتازيا هانم
............

أن تكون إنسانا فأنت علماني

لكي لا تكون علمانيا يجب أن تكون إلها

وحيث أن لا إله إلا الله .. إذن فكلنا علمانيون

العلمانية هي اعترافنا بأننا بشر نخطئ ونصيب ولا يفضل أحدنا أحدا إلا بالعمل الصالح المفيد (التقوى).. وما غير ذلك فهو النصب والاحتيال والتزييف .. أو في أفضل الأحوال: الجهل والعياذ بالله

نحن علمانيون لأننا نحترم بشريتنا وإنسانيتنا ونقدس الله سبحانه وتعالى ونحب إسلامنا حتى أننا لا نرضى له أن يمتهن في ساحات الجدل وميادين النقاش الأجوف

نحن علمانيون لأننا لسنا الله الذي يملك الحقيقة الوحيدة المطلقة.. أنا مسلم أؤمن إن الحقيقة المطلقة هي إسلامي ولا شك عندي في ذلك.. لكن ماذا أفعل في جاري المسيحي الذي يظن أيضا أن الحقيقة المطلقة معه؟ وماذا نفعل لو كنا هنودا في الهندوسيين؟ والبوذيين؟ والملحدين؟ بل ماذا نفعل في الشيعة؟ وماذا نفعل في آلاف الطوائف والأديان والمذاهب الذي يظن كل منهم أن الحقيقة معه هو فقط والآخرون في ضلال؟

أقول لك ماذا فعلت أوروبا؟ تحاربت قرونا. هل يعرف الكثير أن ثلث سكان أوروبا المسيحية قتل خلال الحروب الدينية؟ هل يعرف الجميع أن علمانية أوروبا لم تأت إلا فوق الجثث والأشلاء؟ هل يعرف الجميع أن إصرارنا على تطبيق نسخة محددة من الشريعة الإسلامية يعني الحرب ؟ نطبق الشريعة عندما نتفق جميعا على إسلام واحد. هل إسلام مصر مثل إسلام ماليزيا؟ هل هي نفس الفلسفة وطريقة تطبيق وفهم النصوص؟ هل هو إسلام المغرب العربي؟ هل هو نفس إسلام باكستان؟

..

والله العظيم. العلمانية حتى لو كره البعض إسمها هي فقط تعني حقن الدماء والاحتكام للعقل والاتفاق والمفاوضات في حكم شؤون حياتنا. ألم يكن عمر علمانيا عندما عطل حد السرقة نتيجة ظروف الواقع المتغير؟ ألم يكن أبو بكر علمانيا وهو يحارب أهل الردة عندما منعوا الزكاة وهي الحرب التي لم يرض عنها علي وعمر؟ ألم يكن الرسول نفسه علمانيا وهو يعاهد اليهود ويمارس السياسة والذكاء ويخطط ويستشير فيما لم يوحي الله فيه ويأمر؟

..

كل تحياتي سيدتي وكل تقديري واحترامي

وإعجابي بشجاعتك وعمق رؤاك

الفاتح اليعقوبي said...

السلام عليكم
استاذة فانتا
طبعا من الخطا ان يحد يكلف طفل صغير فوق طاقته وحد يكلمه عن علمانية او حتي عن جماعة اسلامية دول اطفال في الاول والاخر وميفهموش حاجة وحاسس ان كريم كان بيرد الكلام عليك وخلاص وده كلام يتقال لعيل يمني ملحد ويساري مش عارف ايه واخوان وتيارات سياسية دعونا جميعا نترك الاطفال في حالهم وندعهم يتعملوا دينهم ثم يحكموا هم من صح ومن خطا



بس الاستاذ ايجيبت انا توسمت
يااستاذي ايه اللي انت حضرتك بتقوله ده

يااستاذي كلنا مسلمون وليس كلنا علمانيون قد تتفق بعض مبادئ العلمانية مع الاسلام فناخذ بها ومايخالف ديننا نلقيه وراء ظهورنا


في بعض الكلام حضرتك قلته



يعني ايه الاسلام في ماليزيا غير الاسلام في مصر غير الاسلام في الهند
ياسيدي كله اسلام وكله دين الله ولكن يختلف فقه التعامل من بلد الي بلد وحسب الظروف الواقعة

فمثلا انا لي فهمي للدين وانت لك فهمك للدين وغيرنا له فهمه للدين والشيعة لهم فهمهم صحيح

ولكن الفيصل بيننا جميعا كمسلمين هو الدليل الذي معه دليل اصوب هو يكون وقتها صاحب الفهم الصحيح وقد تتعدد الادلة وهذه مسشاحة الاختلاف فتجد مثلا الرسول صلي الله عليه سلم اذا ساله احد عن شئ قال له شئ وياتي اخر ويساله عن نفس الشئ فيقول له شئ اخر
هذا ليس تضاد ولكن الفتوي تختلف مع اختلاف الاشخاص وظروفهم المحيطة بهم


ولكن ياسيدي اصول الدين واحدة وثوابته واحدة لاتتغير بزمان ولا مكان كالعقائد لاتتغيير بالزمان او المكان



وبعدين ايه كلام الم يكن الرسول صلي الله عليه وسلم علمانيا وابو بكر وعمر

ياسيدي رسولك لم يكن علمانيا نهائيا ولا ابو بكر ولا عمر
ياسيدي كانوا مسلمين لم تكن العلمانية ظهرت في هذا الوقت وبدلا من ان تقول هذا الكلام فقل ان العلمانين مبادئهم المحترمة اخذوها من الاسلام او كانت تشابه مبادئ في الاسلام والاحق للعلمانين بدلا من ان ياخذوا اوربا ومفكريها مرجعية لهم كانوا اخذوا الرسول صلي الله عليه سلم مرجعية لهم
من الاول الدين الاسلامي ام العلمانية
طبعا الاسلام
العلمانية نظام اثبت فشله ولا
اثبت فشله وضرره بالعالم بالفعل

انظر الي امريكا العلمانية ومافعلته بالعالم الاسلامي والبشرية عامة مش دول برضه سياستهم علمانية

روسيا الشيوعية القذرة التي لم تجد احد تحاربه الا الله فاذلها الله واذل اهلها ومذابحهم ضد المسلمين مش دول كانوا علمانين


برضه
تركيا الم تكن علي وشك انهيار اقتصادي بسبب فساد العلمانين فيها ولولا ان زب العدالة والتنمية صاتحب الجذور الاسلامية ارجعها الي وضعها الصحيح
الم يضطهد الاسلام في تركيا من قبل العلمانين في الوقت الذي كان يسمح فيه بتمثيل افلام جنسية


فرنسا العلمانية ماذا تفعل الان في افريقيا رد انت ياسيدي

انجلترا العلمانية وماتفعله في العراق
والامثلة اكبر من انها تعد

عندما كان المسلمين يسودون العالم لم يصبح العالم بهذا الشكل ولم يتم هذا الجور الفظيع علي المستضعفين في العالم


في النهاية
كل يحارب من اجل ليلاه


ونحن نحارب ونناضل من اجل الاسلام ومن اجل الا يلعب به اشخاص ضربت رؤوسهم في خلاطات الغرب ففتنوا به


ياسيدي والله والله والله خلافتكم مع الجماعات الاسلامية لم تكن كلها موجهة للجماعات بل كانت موجهة للدين في ذاته
في غالب خلافكم معنا لم تتختلفوا معنا ولكن اختلفتم في الدين لهذا لفظ المواطن البسيط هذا الكلام بل انه ايضا بيواجه من قبل بعض المسحيين


وفي النهاية اقول لك

لم يكن الرسول علمانيا ياسيدي لانه لم تكن هناك علمانية
بل كان مسلما لله عز وجل مؤمنا به
وبدلا من ان نكون علمانين او اخوان او اي شئ يجب ان نكون مسلمين بحق ولاناخذ جزء ونترك جزء اخر
يقول تعالي:(افتؤمنون ببعض الكتاب وتكفرون ببعض)0
مينفعش اقطع في الدين وبعدين اقول انا بحب الدين وفي المقابل باخذ باراء ناس لم يفعلوا الا كل معاداة للدين

والسلام

The Innocent said...

العيب. لما يكون عندنا كلمة تحت خانة العيب، نشير إليها بكلمات أخرى. وبعدين الكلمات الأخرى تصير عيب، ونذهب للبحث عن كلمات جديدة. العلمانية حاجة من الحاجات اللي الاسلاميين شوهوا سمعتها ووضعوها تحت بند العيب. في ناس بتتخض من مجرد سماعها. وللأسف ماعندناش حد يسأل زي كريم. الناس بتثق في مصادر ليست أهلا لأي ثقة. وغير العلمانية توجد الليبرالية، وقد تم تشويهها رسميا. وأي حاجة تدعو إلى الفكر تتحول بجهل الاسلاميين إلى كفر. دي طريقة فعالة لتأمين مصالحهم. هنيئا لهم شعب غبي.
زمان سألت واحد صاحبي، الناس دي بتفكر ازاي؟ صاحبي قال لي الناس دي مبتفكرش اساسا.

تحياتي

Anonymous said...

سيدنا عمر لم يعطل حد السرقة يا استاذ
وانما رفعه في هذا الوقت للظروف الاقتصادية لمن سرق للطعام مثلا
وحرب الردة التي قام بها سيدنا ابو بكر كانت للحفاظ على هيبة الدولة الاسلامية وعدم التفريط في حدود الله يا استاذ
يعني كان فيه دولة مقامة بحكم كتاب الله وسنة نبيه ولها هيبة
اقروا الدين الاسلامي كويس وبطلوا تاليف
والعلمانية اللي عاوزينها تقوم وتنحي الدين جانبا
تقدروا تقولولي ازاي هيتحكم فيها بما يرضي الله
يا عالم العلمانية اللي انتوا عوزينها عاوزين تقفوا فيها ند لله تحكموا فيها بما يرضي البشر
اقوا الله بقى

Fantasia said...

مهند

وعليكم السلام ورحمة الله

كريم طفل حاد الذكاء, تربي في بيئة فاضلة يملؤها الحب والصراحة والحرية. من الطبيعي ان تكون النتيجة هي طفل مميز, واثق من نفسه, لديه حب وشغف للمعرفة

الملحدون مثلهم كمثل اتباع أي دين.. انتماءهم الفكري والسياسي ممكن ان يأخذ مكانه في أي نقطة بين قطبي اليمين واليسار. والشيوعيون ليسوا ملحدين يا استاذ

تحياتي

Fantasia said...

تايه

اهلا ومرحبا بك. كنت اتمنى ان توجه خطابك لي بطريقة اكثر احتراما, حتى على سبيل احترام فرق السن. اذا اردت المعرفة, فصدري رحب كالبحر. ارحب بكل تساؤل واستفسار مهذب.. اما اذا اردت السخرية, فانصحك بالتحلي بالعلم حتى تصبح سخريتك ذات معنى, ولا تجعل من نفسك اضحوكة. وكما قال تعالى "يا أيها الذين آمنوا لا يسخر قوم من قوم عسى أن يكونوا خيراً منهم" صدق الله العظيم

من الخطأ وصف اتباع الاديان المختلفة, حتى غير السماوية منها, بالملحدين. الملحد هو من لا ينتمي لأي دين. اذا فهناك فرق في اللفظ ومدلوله بين كلمة هندوسي وكلمة ملحد.. والاثنين لا يلتقيان, فاذا انت وصفت الهندوسي بانه ملحد, اذن فانت تعطيه الحق ان يصفك بالمسلم الملحد, لانك لا تتبع دينه

اما كلمة علماني, فلا علاقة لها بالانتماء الديني, مثلها مثل ليبرالي أو يساري.. فمن الممكن ان يكون الشخص العلماني مسلم أو مسيحي أو بوذي أو سيخي أو ملحد أو من عبدة النجوم. هنا لا يوجد تناقض بين ان تصف شخص مسلم بانه علماني.. لكن الخطأ في القصر, أي في ان تجعل من العلماني مرادفا للملحد.. وهذا هو ما حدث من قبل والد عمر, زميل كريم. فهو يشوه الحقائق, ويوحي لابنه بان كل العلمانيين ملحديين.. وهذا تعميم خاطيء ولا يمكن ان يسكت عليه, لانه يمزق اهل الدين الواحد على اعتبار ان العلمانيين منهم ملحدين. فحتى اذا نظرنا للموضوع من وجهة نظر الاسلاميين البحتة, فانك ستجد المسلم يكره اخيه المسلم ولا يصادقه أو يوده. فوالد عمر اصدر امرا لابنه بعدم مخالطة ابناء العلمانيين على اساس انهم ملحدين.. أي ان عمر وكريم لا يمكن ان يصبحوا اصدقاء.. فما هذا الفكر المسموم؟ وكيف يمكن لمجتمع ان يعيش في سلام وامان في ظل هذا الجو من الكره والبغضاء؟

لقد قلت انت "يبقى حضرتك متفتكسيش وتقولى مفيش ملحدين. كمان محدش ينكر عداء اليهود لينا والمسيحين كمان اه مش الكل بس الاغلب وده واضح جدا.

هل لي أن اسأل من اين اتيت بهذه المجموعة من المسلمات التي تؤكد صدقها؟ ما هو دليلك؟

فاما عن افتكاساتي, فانا لم اقل بانه لا يوجد ملحدين, العكس هو الصحيح. لقد اكدت فكرة وجود الملحدين حول العالم مع توضيح معنى الالحاد. لكنك تخلط بين من لا ينتمي الي دين الاسلام وبين اعداء البلاد التي يعيش فيها المسلمين.. تعمم ان كل اليهود اعداء, بالرغم من ليس كل من يحمل الجنسية الاسرئيلية يهودي, ولا كل يهودي يحمل الجنسية الاسرائيلية, ولا كل يهود العالم صهاينة.. لقد امرنا الله ان نؤمن بني اليهود موسى وان نحترم دينهم, والا نعاديهم الا لو بدأوا هم بالعدوان. والعداوة الآن هي بين العرب واسرائيل, وليست بين المسلمين واليهود. الا يقتل الجيش الاسرائيلي المسيحيين الفلسطينيين؟ ألا يهدم ديارهم؟ ألا يشرد اطفالهم؟ ألم يعتدي على كنائسهم؟ لماذا فعل ذلك اذا كان يعادي المسلمين فقط؟ ولماذا لا نذكر الضحايا المسيحيين في فلسطين كما نذكر الضحايا المسلمين؟ الا يستحقون ان نتعاطف معهم؟ اليسوا بشرا يعانون من نفس الاحتلال ونفس البطش ونفس الجرائم؟

لقد قلت انت ان اغلب المسيحيين هم اعداء لنا! ما هذا الكلام؟ اتعرف عدد المسيحيين حول العالم؟ اتعرف ان مصر كانت بلد مسيحية بالاساس وان ذكرها ف القرآن جاء في وصفها وقت ان كانت مسيحية؟ كيف تقول هذا الكلام وانت تعيش اليوم مع 9 مليون مسيحي مصري؟ هل اغلبهم اعداءك؟ وما هو دليلك؟

ان تخلط بين العديد من الامور, كأن تقول ان المسلم لا يحتاج افكار مثل العلمانية والليبرالية. لا يحتاجها في ماذا؟ لا يحتاجها في ممارسة شعائر دينه بالطبع. فليس هناك صلاة على المذهب الليبرالي! ولا يوجد شيء كهذا من الاساس, لان الليبرالية منهج فكري سياسي, لا علاقة له بالدين. فما التناقض بين ان اكون مسلمة وان اكون ليبرالية؟ ما وجه التناقض بين الاسلام والليبرالية؟ وهل معنى انني مقتنعة بالفكر الليبرالي انني انتقص من الاسلام؟؟ ما هذا الكلام؟ هل معنى ان تحب قراءة روايات نجيب محفوظ انك غير مسلم؟ هل يجب ان تكتفي بالقرآن فقط ولا تعرف غيره في الحياة حتى تثبت انك مسلم؟ هل يجب ان نلغي كل انجازات البشر حتى نصبح مسلمين, والا خرجنا عن الاسلام؟

قل لي كيف ستتعامل باسلامك في امتحان الكيمياء.. كيف ستتعامل باسلامك في ادارة شركة, في برمجة كمبيوتر, في بناء منزل, في علاج مريض, في ادارة الاقتصاد, في رسم لوحة, في تصليح تلاجة؟ ما معنى ان نتعامل باسلامنا في كل شيء وأي شيء؟ كيف؟ وأي تاريخ هذا الذي تتحدث عنه؟

Fantasia said...

سوووووووو

اشكرك جزيل الشكر.. اسلوبي في هذا الحور يرجع فيه الفضل لكريم بالمقام الأول, فلا يمكن لأي شخص يتحاور مع هذا الطفل النبيه ان يملك سوى ان يحترم عقله وسعيه وراء المعرفة

يا عزيزي الاختلاف لا يفسد للود قضية. ارجو ان اكون دائما عند حسن ظنك

تحياتي

Fantasia said...

العزيز على باب الله

لقد اصابني الرعب يا سيدي الفاضل بعد ان سمعت عن هذه المأساة. حتى انني لا أقوى على تصور المستقبل. كيف سيصبح هذا الولد حين يكبر؟ كيف سيتعامل مع الناس؟ هل يمكن ان يصير رجلا ذو نفسية سوية؟ هل سيستطيع الانسجام مع محيطه؟ ماذا سيفعل مع هؤلاء الذي يظنهم كفرة؟ كيف سيعيش مع اهل بلده بينما يظن ان اكثرهم من اعداءه؟ ان والده لم يترك له حتى حرية التجربة, ان يتعرف على هؤلاء البشر ويرى من هم وكيف يفكرون ويتعاملون. هذه جريمة يرتكبها الاباء في حق ابناءهم وفي حق اللأطفال الاخرين وفي حق المجتمع ككل. لماذا يزرع هذا الاب روح الكراهية والرفض داخل ابنه الصغير البريء؟ لماذا يشوه له الواقع بهذا الشكل؟ ما هو الهدف؟ كيف سيؤدي ذلك لغد افضل؟ ام ان هذا الاب يسعى لتدمير بلده ويستخدم فلذة كبده كقنبلة لهذا الغرض؟

لقد اجهدني التفكير واعياني احساس الحسرة والالم. مع ذلك اعتذر لك عن ما اصابك من حزن بعد قراءة هذا الموضوع

خالص تحياتي

Fantasia said...

الاستاذ العزيز اناتوميست

ما اروع كلماتك يا سيدي! وما اروع فكرك المستنير. لقد قلت كل ما كنت أنوي ان اقوله في العديد والعديد من المقالات

نعم, الله وحده هو الذي يملك الحقيقة المطلقة.. الله وحده هو المقدس.. الله وحده الذي يعلم ما في الصدور.. الله وحده الذي يملك محاسبة البشر على معتقداتهم. وهذا بالفعل ما قاله تعالى لنبيه الكريم في سورة الغاشية "فذكر إِنماأَنت مذكر. لست عليهِم بمسيطرٍ. إِلا من تولى وكفر. فيعذبه اللهُ العذاب الأكبر. إِن إِلينا إِيابهم. ثم إِن علينا حسابهم" صدق الله العظيم

فلو اراد الله ان يضع السلطة في يد نبيه ليسيطر على البشر في الارض, لكان جل جلاله قادرا على ذلك. لكنه اكد ان الحساب في يده وحده وفي وقت يحدده هو رب العالمين. لا يمكن لبشر ان يؤدي هذا الدور في الدنيا. لا يوجد بيننا قديسا أو معصوما. اننا امام الله سواء, كلنا يعلم ما له وما عليه, وكلنا مسؤلون امام الله

نعم يا سيدي, لقد كان محمد عليه الصلاة والسلام علمانيا, يفصل بين شئون الدين وشئون السياسة, ويحتكم الي العقل فيما لم يصله فيه تكليف الهي. لقد كان يؤكد انه من الممكن ان يخطيء كما يصيب, وكان يأخذ بالمشورة, مع انه نبي الله. كان يستشير البشر, كل حسب تخصصه.. فكان في الحرب يأخذ الرأي الاصوب والأحوط, بالرغم من انه كان يأمل في نصر من عند الله. فقد كان يعلم عليه السلام ان النصر يتحقق على ايدي البشر الذين يحاربون في ميدان القتال. لم نسمع عن ملائكة نزلوا من السماء ليحاربوا مع جيش المسلمين. لقد كان النصر لمن يفكر ويخطط ويعمل. وكان كل ذلك اجتهاد بشري يكلله الله بنصره العظيم

نعم كان الرسول يعقد العهود ويمارس السياسة العلمانية ويستخدم ذكاءه في تحقيق المكاسب للمسلمين. لم يختار من يخلفه, ولم يضع أي ضوابط للدولة الاسلامية لكي تتبع من بعده, ولم يفرض رؤية واحدة على البشر. ولذلك تشجع من جاء من بعده وتدخل ليعمل ما يراه صوابا بحسابات العقل والمنطق, حتى مع ورود نص في القرآن. من يستطيع اليوم ان يفعل ذلك؟ لقد تقهقرنا الي الخلف بسبب هذه القوى الظلامية الرجعية العابثة التي تريد فرض سيطرتها على البشر واستعبادهم بالتمسح في الدين, والدين منهم ومن افعالهم براء

الاسلام دين علماني بالدرجة الاولى, وهذا كان سر قوته ونجاح المسلمين في مجالات الحياة المختلفة. عندما قضت الدولة الدينية على اوروبا, كان الاسلام يشع حضارة وجمالا بالفكر والفلسفة والعلوم والرياضة والفنون ايضا. لانه كان الاسلام العلماني, قبل ان تعبث به ايادي العابثين اصحاب المصالح, الذين شوهوه والصقوا به كل افكارهم الظلامية القبيحة. فاين اصبحنا اليوم؟ اين اصبحنا بعد ان حرم المتأسلمون العلمانية باعتبارها صناعة غربية اوروبية, بالرغم من اننا نحن من صدرنا الفكر العلماني للغرب ليخرج من ظلامه الدامس الذي نرقد نحن فيه الآن على ايدي المستشيخين والدجالين والمنتفعين. هؤلاء لا يريدوننا ان نخرج من هذا الخندق المظلم, بل يدفعوننا دفعا الي الخلف حتى تحلك الظلمة ولا يبقى امامنا سوى ان نسلمهم امرنا. خطة حقيرة واساليب وضيعة تهين الدين وتهين الاسلام والمسلمين

اشكرك سيدي الفاضل على هذا الطرح الممتاز. وارجو ان يقرأ ويعي كل ذي عقل ما احتوى عليه تعليقك القيم, حتى لا يصير كالحمار يحمل اسفارا

خالص تحياتي واحترامي

تــــايه ومش تـــايه said...

اولا شكرا ليكى على ردك عليا .وانا مقصدتش انى اهين شخصك .ولو كان ده حصل منى فاكيد من غير قصد.واسف لو كنت دايقتك.
المهم فى موضوع ملحد دى انا مقصدتش ان كل العلمانين ملحدين انا قولت فى علمانين ملحدين .وبعدين انا كنت معتقد ان كل اللى مش بيتبع ديانه سماويه يبقى ملحد.فانا سالت فى الموضوع ده وعرفت ان الملحد هوه اللى مش بيؤمن بألهه خالص .كمان مقصدتش ان كل المسيحين بيعادونا او كلهم اعدائنا .انا عن نفسى اللى كان بيقعد جنبى فى الفصل اسمو مينا وكنا اصحاب وكنت بحترمو جدا لانو كان شخص طيب.وهوا كان بيحبنى .
كمان موضوع ان احنا نتعامل باسلمنا انا مقصدتش ان حياتنا كلها هتبقى صلاه وصوم وندرس فقه وبس انا قصدى يبقى عندنا مرجعيه اسلاميه .ولو احنا التزمنا بقواعد دينا صدقينى هنبقى احسن انشاء الله.انا مش اقصد انك تغيرى فكرك .ده فكرى الشخصى .على فكره انا مش بنتمى ولا هنتمى لاى تيارولا حتى ملتزم دينيا بس شايف ان هوا ده الطريق الصح .لانى مبحبش موضوع الانتماء ده انا بنتمى لدينى ولوطنى ولانسانيتى
وبما انك الكبيره فانتى مضطره تستحملى غلاستى

Tamer said...

زيزتي فانتازيا

مقال شديد الخفة و التميز

أحييكي

أتعجب ممن يعلم بوجود الشيعة كمذهب رئيسي معتمد حتى من الأزهر ثم يأتي ليقول بكل تبجح أن الإسلام واحد و أصوله واحدة و سنة نبيه واحد و تقسير آياته واحد

لا يوجد شيء واحد و مشترك عند كل الطوائف الإسلامية سوى الشهادة و ماسوى ذلك محل خلاف حتى الصلاة و الصوم


كيف يمكن لنا أن نحكم بلد كالعراق أو لبنان أو السودان بغير العلمانية أو بالسيف و والنبي بلاش لما كان و لما كنا

تحياتي لأسلوبك الرشيق

تــــايه ومش تـــايه said...

ممكن سؤال. يا فانتا ليه مش رديتى على الفاتح اليعقوبى؟!

Fantasia said...

وعليكم السلام ورحمة الله يا يعقوبي

ما أجمل الصورة الجديدة التي اخترتها لنفسك على المدونات! هي فعلا انسب بكثير, واكثر صدقا واتساقا مع فكرك وشخصيتك. احييك على حسن الاختيار

انا لم اكلف هذا الطفل النبيه فوق طاقته. ولأنه هو الذي بادر بالسؤال فمن الواجب احترام فضوله واجابته على تساؤلاته. لم يكن موضوع هذا الحديث من اختياري أو بناءا على قراري أنا. لقد حدد كريم الموضوع والزمان والمكان. فلا داعي لهذه الاساليب الملتوية في توجيه الاتهامات جزافا

ثم أنا لم اذكر اسم الاخوان ولا مرة واحدة في حديثي معه! من اين اتيت حضرتك بهذا الحوار التخيلي الذي تم زج الاخوان بداخله؟ هل هي البطحة يا أخ يعقوبي؟ أم انك تظن انك تعرف والد عمر أو انه زميلك في الجماعة المحظورة؟ هل انتم من يبث هذه السموم في رأس الاطفال الصغار؟ هل انتم من تروجون لهذه الافكار في المدارس؟ هل انتم الذين تتهمون العلمانيين بالالحاد؟ اذا كانت الاجابة بلا, فكيف بالله عليك ظننت انني ذكرت اسم الاخوان في حديثي مع كريم؟

الاستاذ ايجي اناتوميست استاذ فاضل, لا يقول كلاما دون سند أو دليل. فما معنى ان تستنكر أنت ما قاله دون سند واحد؟ وما معنى مقولتك الغريبة "كلنا مسلمون وليس كلنا علمانيون قد تتفق بعض مبادئ العلمانية مع الاسلام فناخذ بها ومايخالف ديننا نلقيه وراء ظهورنا"؟ كنت أظن من رفضك القاطع للعلمانية انك ترفض الأخذ بأي من مبادئها. لقد قلت أكثر من مرة وعلى مرأى من جميع الزوار الكرام هنا انه لا يوجد أي أوجه للاتفاق بين الاسلام والعلمانية. والآن تنقض هذا الكلام كأنك لم تقله, لمجرد ان الاستاذ اناتوميست أثبت ان العلمانية كانت تمارس في الاسلام

دعني اتذكر اقوالك واقوال الجعفري عن العلمانية هنا على هذه المدونة, ولتقل لي بعدها ما هي المباديء العلمانية التي ترون انها تتفق مع الاسلام
.....................................................

"وما وجدت العلمانية اساسا الا لالغاء الدين سواء كان مسيحي او اسلامي"

"والمشكلة مع اولئك النفر (العلمانيين) انهم ليسوا الا بعض المتفذلكين الذين سقطوا في الواقع واصبحت ايامهم معدودة باذن الله في هذه البلاد"

"الاسلام مشتمل علي كل مناحي الحياة من اول دخول الفرد لدورة المياه والاداب الواجب اتباعها الي علاقة الرجل بزوجته والاده في البيت الي السياسة وعقد الاحلاف والمعاهدات وعمل علاقات سياسية
وهذا كلام واضح في السيرة النبوية وفي القران تماما ولا يتسع المجال لذكر كل هذا
فالاسلام دين شامل"

"مين اللي بينادي بتغريب المجتمع واننا نمشي علي النموذج الغربي مش العلمانيين؟"

"العلمانيون هم البلاء الاكبر في هذه البلاد والحمد لله نجح الاسلاميون في تحديدهم في كل الاماكن سواء في المدونات او في الحياه"

"هذه الدول (الاوروبية) هي حملة فكركم العلماني وان اختلف مذاهبه بين شيوعيية ملحدة وليبرالية جشعة لاتكل ولا تمل من التهام الجميع وعندها حرية لكل شئ بدا من ممارسة الجنس مع الحيوانات الي الاقتصاديات المفتوحة"

"يااستاذة انتم من غسلت رؤسكم بمياه العلمانية الفاسدة"

"الدوله اللي عايزها الاخوان المسلمون تختلف عن دولة العلمانيين تختلف عن دولة الملحدين"

"نحن حفنة تحارب العلمانيين وامثالهم"
................................................

هل تريد ان انقل لك ايضا اقوالكم الكاذبة عن العلمانية من مدونتكم؟
..................................................

"العلمانيه مناقضه للاسلام ويرفضها الاسلام بجميع اشكالها"

الاسلام شريعه شامله ومنهج متكامل شامل لكل نواحي الحياه من معاملات وتشريعات وغيره "وطبعا العلمانيه لاتستمد احكامها ومعاملاتها من الشريعه الاسلاميه اذا فهي تعطل الشريعه الاسلاميه
وهنا عندما اتكلم" عن العلمانيه اتكلم عن العلمانيه بجميع اشكالها

"يصطدم الاسلام بالعلمانيه وفي اكثر من مجال يصطدم بها في كل شعبه من شعب تعاليمه, العقائد والعبادات والتشريعات والاخلاق"
........................................

أعتقد انه لا داع لي ان اقول المزيد. لقد طلبت منك ومن الجعفري قبل ذلك ان تضعا انفسكم في ميزان الحديث الشريف: "آية المنافق ثلاث إذا حدث كذب وإذا وعد أخلف وإذا اؤتمن خان" صدق رسول الله صلى الله عليه وسلم.. وانتم كذبتم لتنافقوا من لا يعرفون نواياكم الحقيقية. وتخونون ابناء هذا الوطن الذين لا يعرفون انكم تضمرون لهم شرا وانكم تتهمونهم بالكفر وتقذفونهم بالفساد

أتريد ان أقول لك المزيد؟ احقا تريد ان افضح ما يخبئه كلامك هنا؟

لقد اعترفت انت انه لا يوجد فهم واحد مشترك بين المسلمين. كل فرد ممن ينتمون للدين الاسلامي له فهمه الخاص وقناعاته الخاصة, لكنك تقول "ياسيدي كله اسلام وكله دين الله ولكن يختلف فقه التعامل من بلد الي بلد وحسب الظروف الواقعة". أي انك تجزم بان الحكم بالشريعة الاسلامية ليس له وجها واحدا, وانما يحدده البشر الذين يحكمون بلد معين, حسب ظروفهم وحساباتهم وعاداتهم وثقافتهم. انك الآن وهنا وأمام الجميع تعترف انه لا يوجد شيء اسمه الحكم بالقرآن, فالقرآن واحد, انما البشر المتأسلمون الذين يدخلون السياسة من ابوابها الخلفية متمسحين بالدين يحكمون حسب فهمهم هم للدين ويفرضوه على الجميع باعتباره هو الحقيقة المطلقة, باعتباره الاسلام الوحيد الصحيح, بزعم انهم وحدهم عالمون بكل الأمور, باستغلال ضعف الوعي وظروف الفقر والقهر الذي يعيشها هذا الشعب الطيب المغلوب على امره

يا سيدي كله اسلام, كله دين.. خلينا نممشي حالنا. هو حد هيراجع ورانا؟ ما أحنا اللي عارفين كل حاجة. احنا بس اللي مسلمين, احنا بس اللي ملتزمين, احنا بس اللي نعرف الشريعة, واحنا بس اللي نقول للناس ايه هي الشريعة وايه هو الاسلام... اليس هذا ما تريدونه؟ اليس هذا هو وجهكم الحقيقي الذي تخفونه وراء ألف قناع؟

تقول" الفيصل بيننا جميعا كمسلمين هو الدليل الذي معه دليل اصوب هو يكون وقتها صاحب الفهم الصحيح".. من هو هذا الشخص العالم العلامة؟ من هو هذا الدليل صاحب الفكر الصحيح؟ مهدي عاكف؟ اهذا هو الدليل العالم بكل شيء الذي يجب ان نتبعه جميعا كقطيع الخراف حتى نثبت اننا مسلمون؟

انك تتحدث عن بشر.. بشر.. لسنا ملائكة.. ولا يوجد بننا من لا يخطيء.. ولا يوجد بيننا من ليس في نفسه غرض.. المعيار هنا هو قدرة المجتمع على تقييم الامور ومحاسبة المخطيء.. لكن اذا ادعى هذا البشري انه يحكم بالدين وان كلامه منزل من عند الله, فكيف نواجهه بخطأه؟ كيف نحاسبه؟ كيف نقول له انت مخطيء دون ان يصدر علينا فتوة باننا كفرة نعترض على حكم الله وندعي ان الله مخطيء؟

ألا ترى المجازر والمذابح والارهاب والتصفية العرقية التي جرت في كل مكان اصابه فيروس التأسلم السياسي ووصل فيه للحكم؟ ألم تر افغانستان وما حدث فيها؟ أليست هذه بلد المجاهدين التي ذهب اليها شبابنا ليجاهدوا الروس الشيوعيين اعداء الله؟ ماذا حدث بعد ان حكمتها طالبان؟ ما التنمية التي جاءوا بها؟ ماذا فعلوا بهذه البلد غير القهر والبطش والقتل؟ ماذا انجزوا غير هدم التماثيل الاثرية وفرض الشادور على النساء وضربهم بالعصا في الطرقات؟ ماذا انتجوا؟ ما الذي فعلوه بالاقتصاد الافغاني؟ لقد اعتمدوا على تجارة الافيون ليشتروا بثمنه الاسلحة ويرهبوا الناس. هل تريد هذا المستقبل لمصر؟
افق يا أخي بالله عليك.. لا يوجد بيننا أعداء ولا كفار ولا زنادقة.. كلنا اخوة وكلنا على قلب انسان واحد وكلنا مؤمنون نخاف الله. ما العيب في مصر؟ ماذا تحاربون في مصر؟ تحاربون العلمانيين؟ تحاربون اناس مثلكم من أهلكم من دمكم؟ تحاربونني أنا وأنا أقول لا إله إلا الله محمد رسول الله؟ افق يا أخي.. انني لست عدوة ولا احمل منك ضغينة.. انت واصدقائك من تهجمتم علي ووصفتوني بفاسدة العقيدة ووجهتوا لي الوانا من الاهانات والشتائم. أفق يا أخي قبل ان نضيع جميعا ولا ينفع الندم

الله جل جلاله لا يرضيه ان تكذب وتذم الآخرين لمجرد اختلافهم معك ف الرأي.. ما قالوه لك عن العلمانية كله كذب في كذب, وانت لا تقوم بادنى مجهود لكي تتحرى الحقائق بنفسك. ترفض ان تقرأ غير كتبهم أو تسمع غير صوتهم أو تتكلم بغير لسانهم. يا أخي اقرأ.. "اقرأ باسم ربك الذي خلق. خلق الانسان من علق. اقرأ وربك الأكرم. الذي علم بالقلم. علم الانسان ما لم يعلم" صدق الله العظيم

الله علم الانسان ما لم يعلم ليستفيد ويفيد البشر. علمه ليؤدبه ويرفع من شأنه, حتى لا يصير مثل البهائم أو الوحوش التي تتصارع لترضي جوعها. العلم يا أخي هو أصل العلمانية.. العلم لا يتناقض مع الدين الصحيح. العلم يؤدي نفس رسالة الدين ويقويه ويعلي من شأنه. العلمانية هي ان تصبح انسان نافع لدينك ولوطنك. لا تجور على الآخرين ولا يجورون عليك. تصبح حرا لتدير شئون حياتك بما يرضي الله وبما يفيد البشرية. العلمانية ليست الحادا, ليست فسادا, ليست بعدا عن الدين, ليست تقليلا من شأن الدين. العلمانية تكريم للدين, رفض لان يصبح الدين سلعة يتاجر بها ذوي المصالح والمنافقين والمنتفعين والمتسلقين

العلمانية هي تحكيم العقل بما لا يتعارض مع الدين. العلمانية هي روح الاسلام الصحيح, الرسالة التي جاء بها محمدا للبشر. حين رأى البشر يعبدون اصناما لا تضر ولا تنفع, جادلهم بالعقل, اقنعهم بالحجة والدليل. ولو كان فظا غليظ القلب لانفضوا من حوله

لقد اوحوا اليك منهم لله ان العلمانية هي اختراع غربي, بينما هي اسلامية بالاساس. لقد كانت محاكم التفتيش في العصور الوسطى تتهم المفكرين بالهرطقة وبالاسلام. لان الاسلام هو الدين الذي يحض على التفكير. تماما كما تتهمون العلمانيين اليوم بالفساد والالحاد. العلمانية ليست كلمة "العلمانية" بل مباديء العلمانية وافكارها. انها أفكار ابن رشد.. ابن رشد الذي استوحاها من الاسلام وكتبها بشكل فلسفي منطقي في اعمال فكرية, هي التي وضعت اسس العلمانية في العالم واضاءت الظلام الذي كان يسود اوروبا. انهم يخدعوك ويخدعوا غيرك. ألا تفهم؟ ألا تعي؟ ألا ترى ما صنعوه بالناس؟

انك تظن ان كلامك له معنى, وتصر أن تأتي الي كل مرة على امل ان تكتم افواه الناس هنا, ظنا منك انك تملك الحقيقة وهم على ضلال. لكنهم جميعا يبتسمون ويشفقون عليك وعلى كل من وقع في ايدي هؤلاء ممن ليس لهم ضمير ولا يخشون الله. استغلوا براءة الشباب وطهر قلوبهم العامرة بالايمان ليعبثوا بعقولهم ويملؤها بافكار مغلوطة وادعاءات ساذجة. كل كلامك للأسف ليس له معنى ولا صلة له ببعضه البعض. كلها معلومات خاطئة واستنتاجات فادحة السذاجة صدقني

المشكلة انك لا تعرف ما هي العلمانية.. تستخدم الكلمة في غير موضعها.. تعرف لها معنى مشوه ليس له وجود في الواقع.. ليس له وجود سوى في الكتب التي تقرأها جماعتك والتي لم يكتبها علماني. هل ستصدق كتاب عن الاسلام كتبه ملحد؟ هل ستصدق كتاب عن النبي محمد عليه الصلاة والسلام كتبه صهيوني؟ لماذا لا تقرأ عن العلمانية بتعريفها العلمي وتعرف ما هي؟ لماذا لا تعرف الحقيقة وتسعى وراءها بنفسك؟ انا لا اقل لك اتبعني, فليس لي مذهب أو هدف سياسي. انا اقول لك اتبع عقلك وقلبك. لقد خلقك الله وكرمك بعقلك, فلا تهينه باتباع ما يملى اليك من أي مصدر, سواءا أنا أو غيري. اتبع حدسك وايمانك بالله, سترى الحقيقة. انت ما زلت شابا والحياة امامك. اذهب وابتغي المعرفة. اذهب واقرأ واطلع. اترك عالم المدونات المليء بالكذب والادعاءات والتحيز.. اذهب الى المكتبات والمراجع العلمية الاكاديمية المحايدة. اعرف اكثر عن العالم وابحث عن اجابات لكل الاسئلة التي تجول بخاطرك. اجتهد وابحث واتعب واقضي وقتك في المعرفة بدلا من الهجوم على الناس في المدونات. ستعرف وقتها ان العالم اكبر بكثير وارحب بكثير ومختلف كثيرا عما قالوه لك

الاسلام لن ينتفع بشخص يهاجم امرأة تقول رأيها على مدونتها, بل سينتفع أكثر بشخص متطلع, مثقف, واعي, يدرك كيف يخدم دينه ووطنه. اذا لم تدرك حتى الآن انني انصحك لوجه الله تعالى وبنية صادقة, فلا أمل من أي حوار بيننا. اللهم اني قد بلغت اللهم فاشهد

mohand said...

السلام عليكم

لان ببساطه تعليق اليعقوبي رد علي حد تاني غير فانتازيا

سابت للشخص ده الرد علي اليعقوبي


رغم اتفاقها مع الشخص ده اساسا


فهمت يا تايه

----------------
فانتا زيا

هرد عليكي بس مش دلوقتي

Fantasia said...

الاستاذ انوسنت

صاحبك للأسف عنده حق. هؤلاء يكلفون نفسهم عبء التفكير. يكتفون باتباع اي شخص يحمل طبلة ويكتب عليها اسم الدين. العيب هو السكوت على هذا الوضع المشين. نحن المصريون أول من دونوا تاريخهم وعلمنا البشرية الكتابة والعلم. لا يجب ان نهوى الى هذا المنحدر السحيق من الجهل والتخلف. الغباء آفة تصيب الجاهل الذي لم يتلقى لقاح العلم والمعرفة. فاين هما الآن؟ طبيعة البشر هي الكسل, والكسل عسل كما نقول في مثلنا الشعبي. فلا يمكن ان نتوقع من الناس الذين يحملون هذه الثقافة الشعبية ان يبادروا الى المعرفة. هم معتادون على وجود مرشد, قائد يقودهم ويدلهم على ما يقرأون وكيف يفكرون. ولا يوجد على ساحة القيادة الآن سوى اصحاب المصالح والانتهازيين والجهلاء والمرتزقة من المتأسلمين

يجب ان يكون هناك بديل حتى نتوقع شيئا مختلفا عما نراه الآن. ولكن أين هو البديل؟

خالص تحياتي

Fantasia said...

المجهول

ترى ما هو الفرق الشاسع بين عطل ورفع؟
ثم انت تبرر ما فعله ابو بكر بالعقل وليس عندك سند من القرآن أو السنة. أي انك تتبع المنهج العلماني
واذا كان حكم البشر للبشر لا يصح, فماذا نفعل؟ نحضر الجن لكي يحكموننا؟ ام نسأل الله جل علاه ان ينزل الى الارض؟
اتقي الله انت

Fantasia said...

تايه

اشكرك على ردك المهذب. وصدقني انا لا اضيق بالاختلاف اطلاقا, شرط ان يكون اختلاف محترم وليس غرضه الهجوم الشخصي. وانا سعيدة انك سألت عن معنى الالحاد وتأكدت من صحة كلامي. فليس لي غرض من وراء ما أطرحه من أفكار ولا اريد لأحد ان يتبعني. لن تجدني في يوم ارشح نفسي في مجلس الشعب ولن تجدني اجندك لهدف معين. فما اطرحه هنا هو رؤيتي الخاصة. اعرضها للناس كي نتناقش ونفكر سويا فقط لا غير. انا ايضا لا انتمي لأي تيار ولست منضمة لأي حزب. فكن متأكدنا من حياديتي التامة. أما موضوع عدم الالتزام, فلا اشجعك عليه. لقد ظننت من كلامك عن العلمانية وعن الاديان الاخرى انك متشدد.. فكيف تغفل التزامك بدينك وتقفز لمقاعد المتشددين؟
لكني اعرف ان الذنب ليس ذنبك, ولكن ذنب هذا المجتمع الذي يبدي اشياء على اشياء ويصنع مقدسات جديدة لا تمت للدين بصلة

مرحبا بك في أي وقت. وأرجو ان تكون قد رأيت ردي على اليعقوبي

Fantasia said...

الاستاذ العزيز تامر

تحية لفكرك الجميل يا سيدي. لقد قطعوا الاسلام ومزقوه بتهم التكفير والفساد بين المذاهب المختلفة, وبعد ذلك يزعمون ان الاسلام واحد! اتعجب من هؤلاء الناس وقدرتهم العجيبة على الجهر بما هو غير صحيح وملفق. كيف يخدمون دينهم بهذه الوسائل والاساليب؟ هل يصدقون انفسهم وهم يقولون هذا الكلام؟

ألا يكفيهم المقصلة الدائرة في العراق التي يقصف فيها المسلمين بعضهم البعض؟ ألا يكفيهم ان ضحايا الغزو الامريكي لم يتعدوا نسبة ضئيلة من ضحايا المجازر والابادة بين السنة والشيعة؟ ايوجد عار بعد هذا العار؟

اشكرك يا سيدي على ثناءك الرقيق

خالص تحياتي

الفاتح اليعقوبي said...

السلام عليكم
السيدة الفاضلة فانتازيا
طبعا الصورة اللي حاططها تدل علبي شخصيتي وعلي فكري كذلك صورتك فوضع امراة معرية كتفها ولا تلتزم بزي اسلامي هو ايضا يدل علي شخصيتك التي ستاخذ من الدين مايوافق هواها وترمي خلف ظهرها ماترفضه فبالتاكيد هناك فرق بين من يضع صورة امراة شبه عارية وبين من يضع صورة مجاهدين مرابطين يدحورا في اليهود ويرضوا للمسلمين بعض كرامتهم
فعلا فرق


يبدو انك لم تفهمي كلامي كويس ومش بطحة ولا حاجة
انا اقصد انه مينفعش نكلم طفل صغير عن العلمانية او غيرها من اي مذهب فكري من ناحية حضرتك ومينفعش برضه ان اي حد برضه يكلمهم عن الاخوان والكلام ده واقصد هنا من يحملون فكر الاخوان ولا اقصد حضرتك
واعتقد ان كلامي كان مفهوم ان ندع الاطفال في حالهم ونعلمهم الدين ببساطة شديدة كاي طفل ثم نتركهم ليعرفوا الحق من الباطل وده كان كلامي واظن انه كان واضح



تاني امر وبلاش القص واللزق اللي حضرتك بتعمليه ده دعي الكلام والجمل كماهي



والله قلتها وهاقولها تاني ياريت كل العلمانين يبقوا زي حضرتك كانوا انتهوا فعلا وفعلا حضرتك بتثبتي لي يوم عن الاخر انك تنقصك بعض الثقافات وكنت اعلم عندما دعاك الجيزاوي لنتقالب علي البورصة انك لن تاتي لانك وقتها لن تتحملي هذا النقاش الجاد رغم ان جاء اناس محترمين جدا وعلمانين وتناقشنا في هدوء وادب ولك يحدث



ياسيدتي الفاضلة
لااعلم اهو قصور في الفهم ام ماذا الذي يحدث لكلامك
عندما اقول دليل فانا اقصد القران والسنة الصحيحة ثم ياتي اجتهاد العلماء
وساعطيك مثال لمعني اختلاف الظروف والاحوال من شخص لشخص

في رجل جاء للشيخ القرضاوي في مرة وساله عن فتوي فكانت اجابة الشيخ انه يصور الرجل زوجته وهي عارية
(طبعل اللي يقرا الكلام كده يزهل ازاي شيخ يقول لحد كده)"
قصة الفتوي ان الشخص ده مصاب بمرض نفسي لايمكنه من ممارسة حياته الجنسية مع زوجته فنصحه طبيب ان يشاهد فيلم جنسي وجاء الرجل للشيخ وهو شخص يخاف الله ويابي علي نفسه ان ينظر الي مثل هذا العهر فقال له الشيخ فتواه اللي انا ذكرتها وقال له بعد هذا اعدم هذه الشرائط مباشرة وذهب الرجل وسال الطبيب فقال له من الممكن ان يفعل ذلك
ده مثل لعلك تعرفي مقصدي




ومش هاجدلك كتير لان من الواضح انك معقدة من الاخوان اسف من المتاسلمين اللي انت بتحبي تسميهم كده وفعلا يوم ورا التاني بتثبتي لي شئ واحد ان حضرتك مثتثقفة ولست مثقفة



وكلامي كان واضح جداااا واللي عايز يقرا كلامنا يرجع من الاول تاني ويقرا التعليق بتاعي وبتاع حضرتك عشان بس يعرف الفرق



اخر حاجة واهم حاجة بالنسبة للنفاق يااستاذة نحن اصحاب ذنوب نسال الله ان يغفرها لنا ويتوب علينا جميعا

فقط لكي يعرف اي شخص محايد يقدر دينه من منا المنافق والمدعي حب هذا الدين

في الوقت اللي انت بتختلفي فيه معنا علي طول بطريقة متطرفة

كنت بترحبي بالسيد انونست
الملحد ولمن يريد التاكد من هذا عليه ان يذهب الي مدونته
هذه واحدة
الثانية
الاستاذ برضه المحترم حاطط شعار للتعاطف مع الدنمارك في قضيتها في حرية الراي وهي تسب رسولك


فين حميتك علي الدين
في الوقت اللي انت بتهاجمي فيه الاسلاميين بترحبي فيه بملاحدة مشركين بالله

ياسيدتي ان كنت تحبيهم هكذا فادعو ربك ان يحشرك معهم ويبعدك عن هؤلاء المتاسلمين في الاخرة



بحترك بعض العلمانين بس حضرتك علمانية متطرفة وياريتك قارئة انما انت للاسف مثتثقفة انت ياسيدتي علمانية متطرفة زي مافي اسلاميين متطرفيين حضرتك علمانية متطرفة وتحاورت كثيرا مع من يختلفون معي في الراي لكني لم اري مثلك


بمناسبة القرائة انا اقرا وعندي 8سنوات يعني من كثير جدااا وجميع انواع الكتب ولله الحمد

عامة ربنا يهديكي ويبعدك عن الغلط وادعي وانا كمان هادعي لنفسي
ان يرنا الله الحق حقا ويرزقنا اتباعه ويرنا الباطل باطلا ويرزقنا اجنتنابه


ومتتعبيش نفسك في الرد انا كنت عارف انك هاتردي بس برضه كنت عارف انه هايبقي رد طويل مضلل كما تعودت من حضرتك



واخر حاجة احبك تعرفيها عني انا محظور اي نعم ولكني مسلم اولا واخيرا وولاائي اولا للاسلام ثم لبلادي ثم لاي كيان اخر وبيننا كما قلت لك سابقا الناس نري من سيتبع الناس الجهلة ام المثقفين




ومن الغريب بالفعل اني لم اراك تردين علي السيد المحترم انونست وهو يصف شعبك الذي تناضلين من اجله بانه شعب غبي


اعتقد ان كل ظهرت واصحاب النوايا السيئة ظهروا ايضا ومن يدعون حب البلد ايضا ظهروا



والسلام

Fantasia said...

اليعقوبي

وعليكم السلام ورحمة الله

هذا هو الفرق بيني وبينك, انا افند افكارك وانت تتهجم على ذاتي. أنا احدثك عن فلسفة جماعتك وهدف تيارهم, وانت لا ترى سواي انا كشخص.. تصر ان تفتعل خصومة شخصية بيني وبينك

ويا ليتك تملك أي ادوات تساعدك على خلق هذه الخصومة او تجعلها ذات معنى أو مغزى. تتحدث معي باسلوب الصبية الذين يدارون غيظهم بالتهجم على من انتقدهم بشكل غير لائق

وكالعادة مفلس, ليس لديك حجة ولا منطق.. تهرب وتناور وتخرج عن الموضوع. تقول ان هناك اوجه اتفاق بين الاسلام والعلمانية, ثم اريك ارائك السابقة, فترجع لتهاجمني أنا ولا ترد على سؤالي. كأن أنا السبب في انك مهزوز متذبذب مرتعش. لا يوجد لديك منطق ولا تقف على أرض صلبة. ماذا يفيدك ان حتى اثبت انني اسوأ امرأة في الدنيا؟ هل يشفي ذلك غليلك؟ هل هدفك هو هدمي أم اثبات صحة موقفك؟ لماذا تكرهني بهذا القدر؟ لماذا تصر على ذمي واتهامي بالباطل بالرغم من اسلوبي المهذب وكلامي العقلاني معك؟

انك تجعل من نفسك مثال سيء للجماعة التي تنتمي اليها. بل وتقول للجميع انك مثال سيء للمسلم الذي لا يراعي الآداب العامة أو يحترم الاختلاف أو يملك الحجة ليتصدى للفكر بالفكر

كل كلامك هجوم علي أنا.. كأنني العلمانية التي علموها لك متجسدة في امرأة. تحقد علي وعلى ثقافتي بالرغم انني لا احتكر الثقافة كما تزعم انت احتكار الاسلام والفضيلة. تكره كلامي المنطقي العقلاني وترحب بالهمجية والسباب والارهاب

اذا كنت تفزع من اسلوبي المتحضر وثقافتي, فلابد ان اصبح بالنسبة لك مجرد كابوس مزعج, تريد الخلاص منه ولا تقوى على مواجهته. تراه وترتعش, ثم تفسره على انه من عمل الشيطان. ففي هذا راحة لك لا تكلفك عناء الاجتهاد ولا التفكير

كما قلت لك.. اذا كنت لا تستطيع ان تميز بين الخير والشر, بين العدو والصديق, بين الذي يستغلك والذي يمد يده ليساعدك, فلا يوجد أمل ولا جدوى من حوارنا

الاستاذ انوسنت حر فيما يعتقد. ولك ان تخجل من نفسك لانك لا ترى الفرق بينك وبينه. فان كان هو ملحدا, فانه مهذب ومحترم, يعرف حدود اللياقة ويختلف مع افكاري بالعقل. بينما انت يا من تدعي انك متدين اكثر من أي شخص آخر, لا تملك سوى الهجوم الهمجي والادعاءات الكاذبة والافتراءات المشينة لتداري على عدم قدرتك على المناقشة وافلاسك الفكري.. فاضفت اليهما افلاسا اخلاقيا

لقد اعماء حقدك عن رؤية ردي على هذه النقطة التي استفزتك في حواري معه. العين المبصرة تعمى حين يعمى القلب بالكراهية والغل. واذا كنت تريد تشويهي فوالله لن تستطيع, ولا ألف من جماعتك يستطيعون

انت شخص مهووس بالجنس والحكايات الجنسية. لاترى في صورتي سوى الملابس, ولا ترى في الغرب سوى الدعارة, ولا ترى في العلمانية سوى انها تتبع في البلاد المتحررة جنسيا, ولا ترى في الدين سوى الفتاوى الجنسية. ما علاقة هذا الفكر الجنسي المشوه, بحديثي البريء الراقي مع طفل يسأل سؤال بريء؟ سؤال دفعه ان يتخطى سنوات عمره القليلة, لان والد زميله لم يحترم برائته ولا يحترم المجتمع الذي يعيش فيه. فانت نسخة من هذا الاب, وانا اشفق على اطفالك مقدما

يا يعقوبي هذا فراق بيني وبينك. مادمت لا تحترمني ولا ترى مني سوى امرأة عارية فاسدة لا تعرف دينها, فلا تستحق سوى أن احتقرك. أسفة, ولكنك لم تترك لي خيارا اخر. لقد اعطيتك انت ورفاقك اكثر من فرصة لان تكونوا على مستوى الحوار, وانتم مصرون على الوقاحة ورميي بالباطل. اذا كنت انا جاهلة كما تقول, فانصحك الا تقرأ لي حرفا بعد اليوم حتى لا تصاب بالعدوى من جهلي. لا تأتي الي بيتي لتسبني وترميني بافظع التهم وابشع الاوصاف. هذه ليست اخلاق مسلم ولا بوذي ولا ملحد ولا انسان

سامحك الله, لكني لا اسامح.. وغفر لك الله, لكني لا اغفر. انا بشر, واعترف انني بشر. واعترف ان قدرتي على التسامح لا تتعدى ذلك. ومنذ هذه اللحظة, فانت شخص غير مرحب بك, ولا اريد ان اشوه مدونتي بكلامك المسف

اقولها لك الآن, وكلي يقين انني على صواب.. سلاما

اليعقوبي said...

السلام عليكم
مش هرد علي كلامك طبعا لانه ميستحقش اني ارد عليه

فقط اقول لكي حديث رسولك صلي الله عليه وسلم :(المرء علي دين خليله فلينظر احدكم من يخالل)0
اصحابي ولله الحمد من حفظة القران ممن يحملون هم هذا الدين
اصحابي الله غايتهم والرسول زعيمهم والقران دستورهم

وليسوا احاب اخلاق فاسدة كما تدعين وليسوا جهال وليسوا بظلامين وليسوا بمهاويس جنسيا كما تدعين



فقط انظري الي اصحابك لسنا افضل من احد كلنا بشر واصحاب ذنوب ولكننا لم نتجرا علي دين الله ولم ننكر وجوده كما فعل البعض ولم نلعب بدينه كما تلعب الصبية بالكرة ولم ندعي ان الرسول كان علمانيا ولم نتهجم علي الصحابة بجهل ولم نلعب في العقائد لخدمة مبدئنا الفكري


وبعدين ايه هذا فراق بيني وبينك يايعقوبي دي
هو كان فيه اجتماع اساسا عشان يحصل فراق


عامة ربنا يهدي الجميع واسال الله لي ولكي ان يغفر لنا جميعا مااخطائنا وما ااسرفنا وماهو به اعلم
غفر الله لي ولكي ولسائر المسلمين

والسلام

Anonymous said...

i have seen your web page its interesting and informative.
I really like the content you provide in the web page.
But you can do more with your web page spice up your page, don't stop providing the simple page you can provide more features like forums, polls, CMS,contact forms and many more features.
Convert your blog "yourname.blogspot.com" to www.yourname.com completely free.
free Blog services provide only simple blogs but we can provide free website for you where you can provide multiple services or features rather than only simple blog.
Become proud owner of the own site and have your presence in the cyber space.
we provide you free website+ free web hosting + list of your choice of scripts like(blog scripts,CMS scripts, forums scripts and may scripts) all the above services are absolutely free.
The list of services we provide are

1. Complete free services no hidden cost
2. Free websites like www.YourName.com
3. Multiple free websites also provided
4. Free webspace of1000 Mb / 1 Gb
5. Unlimited email ids for your website like (info@yoursite.com, contact@yoursite.com)
6. PHP 4.x
7. MYSQL (Unlimited databases)
8. Unlimited Bandwidth
9. Hundreds of Free scripts to install in your website (like Blog scripts, Forum scripts and many CMS scripts)
10. We install extra scripts on request
11. Hundreds of free templates to select
12. Technical support by email

Please visit our website for more details www.HyperWebEnable.com and www.HyperWebEnable.com/freewebsite.php

Please contact us for more information.


Sincerely,

HyperWebEnable team
info@HyperWebEnable.com

أنا إنسان said...

أنا عايز افهم حاجه
أنا والله مش اخوان ولا بانتمي لاي جماعه
بس ليه كده
ليه حضرتك بتهاجمي الاخوان علشان موقف من ناس معينين منهم
وبعدين هوه مش حضرتك ليبراليه
طب معترضه على ايه بقى
؟؟؟؟؟؟؟؟؟؟؟؟؟؟؟؟؟؟؟
حاجه غريبه والله

Fantasia said...

انسان

انا اللي عايزة افهم ايه موضة الناس اللي بيتبروا من الاخوان؟
لما اخوان وحشين اوي وحضرتك حريص على انك لا تحسب منهم, بتعلق على شيء خارج موضوع التدوينة ليه؟
حضرتك عندك تعليق على الموضوع المطروح؟
حضرتك قريت الموضوع طيب؟
لم تذكر فيه كلمة الاخوان ولا مرة واحدة! يبقى بهاجمهم ازاي يعني؟
ولا حضرتك قصدك انهم هما اللي بيدخلوا كلام الكفر والالحاد والفتنة الطائفية في دماغ الاطفال؟
يا ريت يكون عند حضرتك دليل ان الاخوان هما اللي بيعملوا كدة
انا دلوقتي اتأكدت من تعليق الاخ الاخواني وتعليق حضرتك ان الاخوان ليهم علاقة بالموضوع. بس عايزة دليل يثبت ده

تــــايه ومش تـــايه said...

فانتا شكرا ليكى على ردك عليا للمره التانيه .بس فى حجاه انا موضحتهاش ان عدم التزامى ده بسب قناعه شخصيه منى .لا انا فى الموضوع ده مقصر وانشاء الله التزم .بس انا عندى قناعه ان هوا ده الطريق الصح

mohand said...

السلام عليكم

معلش يا فانتازيا بس انا عندي ظروف كده بتخليني مش بقدر اطول علي النت

بس حبيت اتابع الحوار ومردتش بالامس عشان بس كنت داخل دقائق


مال الشيوعين اللي ملحدين او غير ملحدين

بصي مش عارف معلومات القليله في الموضوع ده بتعترض تماما علي فكره اني يكون واحد يميني ولحد

اللي اعرفه ان احزاب اليمين او فكرهم الاساسي انه بعتمد علي جزء ديني

ولذلك اي حزب يطلق عليه يمين في اي دولة بيكون منطلق من قاعدة دينية اساسية

اينعم مش لازم يكون ديني بحت
بس بيكون الدين عنده مهم ضمن مبادئة

الملحد بقي
مالوش دين اساسا
طيب هيروح لليمين ليه اساسا

هتقوليلي دا فكر سياسي ودا ديني

بس هنا الدين بيكون مختلط

يعني الاحزاب اليمينية في اسرائيل هي اللي بتنادي بدولة اسرائيل الكبير من الفرات للنيل
استنادا للتوراه

الاحزاب اليمينية في اوربا مسيحية

غالبا

ولما سالتك عن مصر هي فيها يمين ولا لاء

علي اساس ان مصر كلها يسار تقريبا

مفيش غير المحظورة


الشيوعية بقي مالهاش تصنيف

لا يمين ولا يسار

حكم شمولي


تحياتي
اتمني اكون فهمت حضرتك مقصدي
والمعلومة اذا كانت غلط ولا صح

The Alien said...

هي إيه الحاجات اللي الدين بيختلف فيها مع العلمانية؟
نفسي حد يقلها عشان نتكلم
لإن العلمانية مفيهاش حاجة وحشة يرفضها الدين
العلمانية هي خلاصة التجربة الإنسانية

تشويه المصطلحات دا اسلوب بيستخدموه كتير
ومش العلمانية بس اللي إتعرضت للموضوع دا
عندك كمان فيمنيست

اﻷطفال هم المستقبل
ولكن مع اﻷسف .. اللي بنعمله لأطفالنا يخلي المستقبل مظلم

تحياتي

Migo Mishmish said...

المشكله يا فانتا يا اختي اننا معندناش نظام في اي حاجة حتى دمغتنا بقئت عشوائية
يعني تشوية العلمانيه واللبيراليه جه نتيجه جهل اللي بشتموها لانهم مش عارفين يهزموها فكرياً فيرحوا يوقولك ديه كخه محدش يجي ناحيتها لاحسن تنهده النداهه
اديكي شايفه حال اصحاب العمم وصل لايه بفتوى ارضاع الكبير. قال علشان واحدة تقدر تقعد مع واحد في مكان عمل وما يبقاش في مشاكل وتكشف شعرها قدامه تروح مرضاعاه قال تكشف صدرها الاول ومفيهاش حاجة قال علشان يشوف شعرها
ما ان شالله مع عنه شاف شعرها ولا نيله ما تحلقه وتمشي زلابطة طالما محيرنا بشعرها
طبعاً محدش من اصحاب العمم الافاضل قالوا ان الاخلاق في الدماغ مش في الاعضاء يعني لو البني ادم مخه نضيف هيبقى محترم انما لو مخه قذر والله لو قاعد لوحدة في صحرا ما هتفرق معاه
والدوله برضه بكيانها المتهالك وسياسه الجردل اللي بتبعوها مشجعه الوضع لان الناس محتارة في انهم يخشوا الحمام باليمين ولا الشمال عيد الحب حرام ولا حلال ولا نص نص
انما لو الناس صحيت من الغيبوبة هايسألوهم هو ايه اللي بيحصل
تشوية العلمانيه واللبيراليه جريمة اشترك فيها الجميع

Love,
MishMish

Tamer said...

معلش يا فانتا يا جميلة بس أنا عندي تعقيب على تعليق محمد في تصنيف اليسار و اليمين علشان التصنيف اللي هو عامله مش تمام

باختصار يا محمد قد يكون الدين أحد مكونات الفكر اليميني في بعض البلدان لكنه ليس جزءاً من التعريف الثابت لليمين السياسي بأي شكل من الأشكال

اليمين بشكل عام يتميز بميله الطبيعي للركود و بنفوره من الحرية المفرطة و ضعف هيبة الدولة و نفوره أيضاٌ من الإفراط في المساواة تحت زعم محاربة طبيعة الأشياء

كما يتميز اليمين بالاهتمام المفرط في فرض احترام القانون و يميل كذلك لخطابات وطنية تتعدى حدود الدولة الوطنية لما يعرف بالطموح الإمبريالي التوسعي و مثال على ما سبق الأحزاب الفاشية و الأحزاب النازية و الأحزاب الشعبوية و كذلك الأحزاب الدينية العربية و الإسرائيلية و الحزب الجمهوري الأمريكي

يعني ممكن يميني ملحد مافيش مشكلة

أما العلاقة بين اليسار و الشيوعية فهي علاقة أقل ما توصف به أنها بديهية و لا علاقة لها بالدين أيضاً

تحياتي لك و لصاحبة الدونة العزيز

Fantasia said...

تايه

اتمنى لك التوفيق

خالص تحياتي

Fantasia said...

مهند

وعليكم السلام ورحمة الله

كلامك عن اليمين واعطائه الصبغة الدينية, يدل على انك تعتقد ان الملحد لابد وان يكون يساري أو شيوعي. لهذا اردت التوضيح ان ليس كل الملحدين يساريين أو شيوعيين. وان اقتران الشيوعية بالالحاد في فترة سابقة كان خطأ جسيم. يقع فيه نفس من اتبع هذا الفكر في السابق اليوم مع العلمانيين. فبعد انحسار الفكر الشيوعي, اصبحت العلمانية هي هدفهم الجديد

لقد تكرم الاستاذ تامر وقام بالرد على سؤالك. اليمين السياسي لا علاقة له بالدين, ولكن افكار اليمين المتطرف تلتقي مع افكار المتطرفين دينيا. وينطبق هذا على مثال الاحزاب اليمينية في اسرائيل كما اشرت انت

اليمين هو الفكر التقليدي, الذي يرفض التغيير ويرفض الاتجاهات الراديكالية التي تعمل على تقدم مجتمعاتها. يرفض الاختلاف ويكرس الواقع بكل الوسائل الممكنة. فالرأسمالية هي اليمين الاقتصادي على سبيل المثال, وقد استغلت الدين لتبرر ممارستها وظلمها وجرائمها اثناء الثورة الصناعية. كما استخدمت الدين في تبرير تبني الفكر الاستعماري واحتلال بلاد الاحرار وخطف اهلها لاستعبادهم والتفرقة بين الاسود والابيض.. فالدين ليس له وجه واحد. الدين في المجتمع البشري هو ما يمارسونه من سلوك وما يعتقدون فيه من افكار. وقد تم استغلاله من البشر على مر التاريخ وتطويعه لخدمة مصالح معينة, يحددها اصحاب النفوذ والمال

هذا هو ما يحدث حين يختلط الدين بالسياسة

والملحدون بشر.. منهم من هو يميني الهوى في السياسة.. ومنهم من يتفق مع نفس المباديء التي ينادي بها المتطرفون دينيا. عندما تلتقي المصالح يتلاشى الفرق بين اتباع الاديان والملحدين. الدين هو اعتقاد روحاني, لا دخل له بيمين ولا يسار

وبعدين فين اليسار اللي في مصر ده؟ اذا كان الاخوان كانوا بيحاربوا اليساريين ويكفروهم! هو عاد فيه يسار في مصر؟ ارجع لتعليقات الاخوان اللي منشورة على بوست الوحدة الوطنية وحضرتك تتأكد من صحة كلامي

حضرتك جبت منين موضوع ان مصر مفيهاش يمين وان اغلبها يسار؟ تقصد ايه؟

يا ريت بس نتفق على التعريفات الأول وبعدين نتناقش زي ما انت عايز

تحياتي

Fantasia said...

العزيز الين

اين انت يا صديقي؟
اشكرك على اثارة هذا السؤال الهام
وانا معك, اتحدى ان يجد أي شخص عاقل, ليس في نفسه غرض ولا مصلحة ما, أي تعارض بين الديانات والعلمانية, والدين الاسلامي خاصة. وانا أعي ما أقول جيدا

الدين في شكله النقي, المنزه عن الاغراض الدنيوية والاطماع البشرية, لا يتعارض اطلاقا مع الفكر العلماني. بل بالعكس, يشجعه ويحض عليه ويثيب الناس عليه

هذه الافكار المشوهة, لم تتسرب الى مجتمعنا الا مع بزوغ اطماع الجماعات المتأسلمة في السلطة. وبما انهم لا يملكون أي شيء يميزهم عن غيرهم. ولا أي كفاءة سياسية أو اقتصادية, فقد قرروا ان يشنوا هذه الحملة لتشويه الفكر العلماني وكل من يقتنع بمبادئه. يريدون ارهاب الناس واجبارهم على اختيارهم هم كسبيل وحيد لتحقيق حلم المدينة الفاضلة

ضحك ع الدقون م الاخر

اشكرك يا عزيزي على توضيح هذه النقطة الهامة. فالمفلسون دائما يكتفون بسب العلمانيين دون الاكتراث بتوضيح أي تناقض منطقي بين العلمانية والدين

خالص تحياتي

تــــايه ومش تـــايه said...

ميجو
بعد ازنك يا فانتا انا عندى تعقيب على كلام ميجو .
موضوع فتوى ارضاع الكبير دى صدرت من شخص غير مسؤول واحيل لمجلس تأديب وأقيل
ثانيا الموضوع المتعلج بالزى الاسلامى للمرأه فالموضوع ده مفيهوش كلام لا ن الحق احق ان يتبع
ثانيا اى مشكله بتثار حولين فتوى ده شئ كويس .علشان طالما فيه مشكله يبقى لازم الناس تتكلم علشان نوصل للصح.مهما كان الموضوع ده فى نظرك صغير.بس اى مشكله انت شايفها صغيره ممكن تكون سبب لمصايب بعد كده.يبقى لازم التصدى لاى خلاف او لاى مشكله

Fantasia said...

مشمش

سعيدة بتشريفك للمدونة, وسعيدة باطلالتي على بلكونتكم الجميلة

تشويه قيم انسانية جميلة كالعلمانية والليبرالية هو بالفعل جريمة. والتحايل بالصاق معنى غير صحيح لهذه الكلمات هو نوع من التزوير الوضيع الذي لا يمت بصلة للدين, أي دين

فما بالك بتحريض الاطفال على تبني هذا الفكر المسموم وتلقينهم معلومات مغلوطة بهدف استخدامهم كوسيلة دعاية في هذه الحملة المشبوهة؟ انهم يفعلون كبعض مقاتلي طالبان الذين يخطفون الاطفال من الطرقات ويلبسونهم حزاما ناسفا ليفجروهم ف الابرياء

لم اصدق عيني حين رأيت طفلا في السابعة, شاء القدر ان ينقذه من هذا المصير الاسود, ليهرب بعدها ويعترف كيف تم استدراجه. لقد اوهموه انه حين يجذب طرف الحبل المتلي من الحزام, ستنطلق مئات الزهور ف الجو! لقد اوهموه ان الحزام الناسف هو لعبة جميلة, تنشر الزهور من حوله

وعندنا هنا يضحكوا ع الستات ويقولوهم اللي مش عايزة تاخد زنوب في الشغل ترضع زميلها! فيه سذاجة وقبح اكتر من كدة؟ ويا ريت واحد مجنون اللي بيتكلم! دا واحد المفروض انه عالم ديني, مربي اجيال, استاذ ف الجامعة. شكله كان عايز واحدة من الطالبات ترضعه, فراح مطلع فتوى عشان يرضي هوسه الجنسي
ده بقى واللي زيه اللي المفروض نسيب البلد ف ايديهم ونلغي عقولنا عشان نبقى مسلمين ومتدينين. يا اما نبقى علمانيين فاسدين ونروح نتشوي ف جهنم

تحياتي ليكي

Fantasia said...

العزيز تامر

اشكرك على هذا التعقيب والتصويب
واتمنى ان يستفيد منه الجميع

المشكلة يا عزيزي مشكلة تعريفات. الناس تستخدم الكلمات دون ان تعرف معناها

اتمنى ان يصبح هناك مشروع قومي تحت شعار "قاموس لكل مواطن", لعل وعسى ينصلح الحال

خالص تحياتي

عم مينا said...

يا تري كريم بعد ١٠ سنين هيبقي لسة بيفكر كده و لا هيقابل في حياته ١٥٠ واحد زي ابو عمر و تبقي اخرته زي عمر؟؟

الأستاذ said...

ياااااه؟
هو فيه كدة؟
في أولى إعدادي وفهيم أوي كدة مش فاهم يعني لأ ده فهيم عنده إستعداد يفهم وبيفهم فعلاً وقلبه أبيض ونفسي يطلع حاجة كويسة يارب
بس ألا فعلاً والدة عمر مدرسة عربي؟؟
دي مصيبة فعلاً لما تكون هي المدرسة بتاعتهم
مع أطيب تمنياتي إنهم يشيلوها من المدرسة دي علشان متعملش فتنة طائفية
تحياتي

أنا حر said...

اولا انا بقدملك التحية على البوست الرائع ده وعلى قدرتك انك تتكلمي مع طفل بالصورة السهلة دي
تاني حاجة انا علماني ومش بتكسف من حاجة زي كده بالرغم من المشاكل اللي بتسببهالي الفكرة دي بس لازم نعتز بمنهجنا الفكري وإلا مش هنكون نستحق اننا ننتمي ليه
ثالث حاجة والاخيرة علشان مش أطول عليكي انا شايف ان لازم ندخل الافكار السياسية دي في المدارس الثانوية بالتحديد علشان نخرج شباب عارف يعني ايه سياسة ويعني ايه تيارات سياسية احسن ما بيضحكوا على الشباب ويفهموهم ان كل علماني ملحد
تحياتي ليكي بشدة

البدراوى said...

انتى وأبو عمر وجهين لعمله واحدة
انتى علمانية متطرفة وهو مسلم متطرف

مش قادر أفهم ولا أستوعب ازاى نقدر نكلم أطفال فى اولى عدادى عن العلمانية والإلحاد والكلام ده كله
انتوا عندكم حالة هوس انتوا الاتنين!!!!!!!!!!!!!!!!
انتوا بتقتلوا كل شيئ جميل فى الطفلين سواء كريم أو عمر .. على الأقل بتضيعوا حقهم فى أنهم يفهموا ويختاروا معتقداتهم فى الحياة وده بسبب تأثيركم عليهم
عمر بيحب والده وبيسمع كلامه وبيطبقه بدليل انه قاله لكريم .. وكريم بيحب حضرتك لانك بتعامليه كويس وبتديله برستيجة لدرجة انك مقربة منه عن والدته فعلشان كده هايسمع كلامك ويقتنع بيه كأنه مسلمات
يبقى النتيجة الطبيعية ان عمر هايطلع مسلم متطرف وان كريم هايطلع علمانى متطرف برضه


تحياتى ليكى والاختلاف لايفسد الود

Fantasia said...

العزيز عم مينا

ربنا يدي والد كريم ووالدته طول العمر. هما دول الحصن اللي هيحميه, وهما اللي بيزرعوا فيه كل المشاعر الانسانية الجميلة اللي ابتدت تثمر من دلوقتي

المشكلة ان ف الوقت اللي كريم معندوش مشكلة انه يكون صديق عمر, بالرغم من افكار والده المتطرفة, إلا ان والد عمر هيمنعه من انه يكون صديق كريم على اعتبار ان أهله المسلمين بيؤيدوا الفكر العلماني

خالص تحياتي

Fantasia said...

الاستاذ

الحمد لله فيه كدا كتير كمان. فيه اطفال غاية في الذكاء والنباهة وعندهم حب للمعرفة

كريم فهيم فعلا. انا عمري ما هأنسى لما كلمني ف السياسة لأول مرة وكان عايز يعرف اكتر عن نظام الحكم في مصر ومجلس الشعب والانتخابات والفرق بين الانتخاب والاستفتاء وحاجات تانية كتير.. بجد كنت مذهولة. بس كنت في غاية السعادة. خصوصا ان الولد عنده نية صادقة انه يعرف ويفهم

موضوع ان المدرسة تمشي دا مش هو الحل. محدش عارف فيه كام مدرس ومدرسة بيفكروا زيها. انما الحل هو الوعي, واننا نحاول اصلاح المشاكل اللي كلنا اتسببنا في وجودها انهاردة

خالص تحياتي

Fantasia said...

الاستاذ أنا حر

عنك حق طبعا. لازم يبقى فيه ولو تعريف سطحي بمناهج التفكير والمدارس المختلفة في الفكر والسياسة. انما الجهل الفظيع اللي موجود دا احد اسبابه الاساسية هي ضعف التعليم. يعني عمر دا والدته مدرسة! ومع ذلك لا هي ولا جوزها عارفين يعني ايه علمانية. لأ وبيكفروا العلماني من غير ما يعرفوا هو مين اصلا! المهم ان فيه حد بطيخة برضه قالهم ان العلمانية دي زيها زي الالحاد, راحوا مشيوا وراه وهما مغمضين وخلاص

هي دي المشكلة. أي واحد ماشي بطبلة بيقول أي حاجة الناس هتمشي وراه, لانهم لا عارفين حاجة ولا عايزين يعرفوا حاجة

لنا الله يا عزيزي. هنعمل ايه؟

خالص تحياتي

Fantasia said...

البدراوي

اولا الاختلاف ف الرأي حاجة والاتهامات حاجة تانية
يعني من حق حضرتك تعتبرني متطرفة.. وجهة نظر
لكن ليه كلام زي عندي هوس وباقتل كل شيء جميل في كريم وباضيع حقه انه يعرف؟
حضرتك قريت البوست كويس؟

ممكن أعرف الكلام دا حضرتك قولته على أي أساس؟

التطرف المفروض بيبقى ليه مظاهر معينة تخلي حضرتك تقول عليا اني متطرفة في تحيزي للعلمانية مثلا. ممكن اعرف ايه هي المظاهر دي؟ يعني ايه اللي يخلي حضرتك تفترض فيا التطرف؟ هل انا منعت كريم من انه يكون صديق عمر؟

انا بحق وبصدق معنديش أي مشكلة مع وجهة نظرك. فليكن اني متطرفة. بس أعرف ليه. على الاقل عشان انا استفيد واعرف حاجة جديدة عن نفسي

تحياتي

MerMaid said...

فانتا العزيزة جدا علي قلبي
----------------------------
انا مش ضد العلمانية ابدا ولا ضد اي حد علماني
طالما العلمانية لا تتعارض مع مبدأ الدين
و عامة انا بقول دايما ان الخطاب القراني للمسلمين كافة و للمؤمنين كافة وللناس كافة
لم يتم تخصيص علماني او اخواني او سلفي او ملحد غيره

انا عن نفسي مش عارفة ايه مصير البلد هيكون لو مسكها اي حد غير حسني مبارك
يعني كله سواء
علماني ولا اخواني ولا اي حاجة مش فارقة معايا
بس انا ضد ان الحجاب يختفي لو تم حكم الدولة حكم علماني
كل واحد حر في نفسه

بس كدة
انا اعتقد ان الفتره القادمة هتكون صراع فكري و صراع ع السلطة زي بتاع كينيا كدة
بس يعني خلال العشر سنين القادمة
المهم يا ستي
انا حلمت ان انا خارجة معاكي
ههههههههههههههههههههههه
بس والله كان حلم جميل
تحياتي ليكي يا قمر ومنورة دايما و اسلوبك جميل
:)

Fantasia said...

العزيزة ميرميد

لعلمك بقى بدل حلمتي بيا يبقى خير
ابشري
اكيد فيه حاجات كويسة جايالك ف السكة
قولي يا رب

كويس والله يا ميرميد انك فتحتي موضوع الحجاب دا عشان اوضحه هو كمان للي عايز يعرف. اصل ولاد الايه البعدا عمالين يروجوا لكلام من نوعية ان البلاد اللي فيها نظام علماني بتمنع الحجاب وكلام فارغ زي ده

يا حبيبتي كل بلاد العالم نظام الحكم فيها علماني, ما عدا بلاد نظامها بيقول انه اسلامي زي ايران والسعودية, ودول بقى بيفرضوا الحجاب بالقوة, ومنهم اللي بيفرض النقاب كمان

يعني من بين اكتر من 130 دولة نظامها علماني, مفيش غير تركيا فقط اللي مانعة الحجاب في اماكن العمل الرسمية والدراسة. وحتى دلوقتي سمحوا بالحجاب في الجامعات. دا حتى زوجة الرئيس عندهم محجبة! يبقوا مانعين الحجاب ازاي بس؟ حد هيروح يشيل الحجاب من على راس الستات؟

تركيا ليها وضع خاص, مش هي النموذج العلماني يعني. ما تنسيش انها كانت عاصمة الدولة العثمانية لفترة طويلة, وان الثورة اللي قام بيها اتاتورك كانت بالاساس على نظام الدولة المركزية الدينية اللي كانت السبب وقتها في تأخر المنطقة. وهو ببساطة خلط بين الحجة اللي كانوا العثمانيين بيحكموا من خلالها وبين نظامهم السياسي. عكس دا حصل في ايران. ثورة الخميني انقلبت على نظام الشاه بحجة انها ثورة اسلامية وفرضت الحجاب على الستات كلهم

انما هاتيلي دولة علمانية بتمنع الحجاب

الحجاب ملوش دعوة بالسياسة, لكن لما بيحصل خلط بين الدين والسياسة الحجاب بيستخدم كورقة ف اللعبة للاسف. لان الستات سهل التلاعب بيهم. ودا يرجعني لقضية المرأة. يعني اللي عايزة تتحجب او ما تتحجبش مالها ومال النظام السياسي؟ علماني, اسلامي, بوذي, هتفرق ف ايه؟ ما امريكا علمانية ونظامها عمال يدبح ف المسلمين يمين وشمال, ومع ذلك مش بتمنع الحجاب عندها. وفرنسا اللي مانعة الحجاب في المدارس الحكومية اتقلبت عليها الدنيا, مع ان الحجاب مسموح بيه في كل فرنسا, وفيه كمان مدارس عربية واسلامية هناك, دا غير المدارس الخاصة. ومع انهم برضه منعوا ارتداء الصليب ونجمة داوود والطاقية اليهودية واي ملابس او شعارات تدل على دين صاحبها

السياسيين عندنا للأسف بيضحكو على الستات ويستخدموهم لمصلحتهم. زي الستات اللي حماس وقفتهم ع الحدود عشان يحرجوا مصر, كأن مصر هي اللي مجوعة غزة وقاطعة عنها الكهربا مش اسرائيل

مفيش حاجة اسمها نظام علماني بيمنع الحجاب, كان زمانه اتمنع ف العالم كله. اللي بيمنع ارتداء الحجاب في الاماكن الرسمية نظام سياسي بيخرق قواعد العلمانية وبيتعدى على الحريات. واللي بيفرض الحجاب على الستات المسلمات وغير المسلمات دا برضه مش نظام اسلامي, دا نظام بيستغل الدين عشان ياخد شرعية تخليه ف الحكم

يعني الاتنين مش بيحترموا حقوق الانسان

خالص تحياتي

Hassan El Helali said...

فانتا

أعتقد أنه جاء الوقت لنشر التعريف الحقيقي لكلمة علماني
فالمتأسلمين والمتعرعرين يخدعون البسطاء ويربطون بين العلمانيه والكفر ربطا مباشراً

دعينا نصل المعني العلمي الحقيقي للكلمه لمحدودي الفهم حتي نختصر الطريق

Rania said...

عزيزتى اول زيارة للمدونه
و حقيقه سعدت بها بشدة
تكلمت قبل ذلك عن الملحدين و عدهم المتزايد هذه الايام و دعواهم
لفكرهم الفاسد
و لكن ما يخلط الامور بين الالحاد و العلمانية ان الاثنين ارتبطوامع بعض
للكثير من الناس
فالملحد علمانى
و العلمانى ملحد
و هناك الكثير لا يعلم ماهى العلمانيه من الاساس
اعجبتنى ردودك على هذا الطفل
و اعجبنى اكثر ما تحدثتى عنه من نشر الوعى
لابد ان ننشر الوعى كى لا نخلق جيل جديد لا يدرى عن امورة الكثير
لا عن امور بلادة و لا عن امور ايضا دينه
فلابد من نشر الوعى و معرفة الفرق بين علمانى و علمانى ملحد
و علمانى مسلم
و مسلم اخوانى ..... الخ

تحياتى و مودتى و احترامى

Alexandrian far away said...

الأستاذة العزيزه فانتازيا
مساء الخير
الحقيقه أنا معجب جدا بمداخلتك مع ذلك الولد الرائع الذي أتنمى أن يحتفظ بهذا العقل المتوهج الطازج وألا تدمره وتقمعه فكريا السياسه التعليميه في مصر
والحقيقة أن درسك الرائع له عن العلمانيه يصلح كبذرة لكتاب

laicism for dummies
طبعا تابعت الردود وردودك على الردود
والحقيقه أنا معجب جدا بكل هذا القدر من الصبر والجلد والإصرار
والرغبه الحقيقيه في أقناع الناس والوصول لأرضية مشتركة معهم
رائع
نموذج للسلوك الليبرالي الحقيقي
لكن لأنني لست ليبراليا
فأنا لا أوافق عليه وإن كنت أعجب به حقيقة

على فكره ما زلت بأنتظار تعليقك المطول على تدوينة العصافير
تحياتي وأحترامي

Fantasia said...

العزيز حسن الهلالي

اتفق معك تماما.. وقد قررت ان اخصص تدوينة كاملة لتعريف العلمانية وما تقوم عليه من مباديء

خالص تحياتي

Fantasia said...

العزيزة رانيا

اود ان ارحب بك واشكرك على زيارتك لمدواناتي المتواضعة وتعليقاتك الرائعة
لقد قرأت بالفعل تدوينتك عن مدونات الملحدين على الانترنت وما قد تحتويه من هجوم واهانة للاديان ومساس بالمعتقدات. وارى ان هذا التطرف في طرح وجهة النظر التي ترفض الاديان هو حلقة في سلسلة رفض الاخر ونزعة التطرف التي تعاني منها مجتمعاتنا حاليا. فالملحد انسان, وهو ابن مجتمعه. وحين يسود في المجتمع مبدأ عدم احترام الاخر ورفض الاختلاف فمن الطبيعي ان تجدي بعض الملحدين يميلون للتطرف في افكارهم ورفضهم للدين يتحول الى هجوم عليه وتشويه لصورته

والعلمانية ايضا تتعرض للتشويه على يد المتطرفين المتمسحين بالدين, فهم يدعون عليها ويشوهونها بغرض جعلها عدوا للدين, بينما هي العكس من ذلك تماما. لكن هذا هو منهج المتطرف. يريد ان يمحو الاخر من الوجود بدلا من ان يواجهه مواجهة شريفة. يرفض ان يضع يده في يد من يختلف معهم ويفضل قطع يدهم. فقيم مثل التسامح والتفاهم وقبول الاخر لا وجود لها في الفكر المتطرف

لهذا فالوعي هو الحصن الذي يقي البشر من آفة التطرف ويجعلهم يرون الاشياء على حقيقتها. لكن في غياب الوعي, تنتشر الصور المغلوطة التي يروجها المتطرفين على الجانبين, وتضيع الحقيقة, فتسود الفرقة والانقسامات والعداوة والكره

اشكرك يا عزيزتي واتمنى دوام التواصل

خالص تحياتي

Fantasia said...

الاستاذ العزيز اسكندراني

بما انك مش ليبرالي فلازم ما تحرمنيش من تعليقاتك وطرحك المتميز. يا سيدي انت تعلم انني انتظر ردودك وحريصة على معرفة رأيك فيما أكتب, فلا تطيل الغياب ارجوك

سعيدة انك استمتعت بحواري مع كريم. انا فعلا مشفقة على كل اطفال مصر من نظام التعليم البائس الذي يؤدي لضمور في خلايا المخ.. نظام التعليم الذي أخذ من عمري سنوات, ثم تلتها سنوات اخرى قضيتها وأنا احاول ان انسى ما تعلمته وان اتعلم من جديد

سلوكي الليبرالي دا بجد بيكلفني كتير من وقتي واعصابي. انا كمان مش موافقة عليه وعايزة اتمرد. بس أعمل ايه؟ على رأي كريم, ما احنا لو سكتنا الناس اللي زي عمر هيفضلوا معتقدين ان التطرف هو الحل. لازم ابطل افكر في نفسي واصبر, واصبر جامد أوي, لو كنت فعلا عايزة اعمل حاجة مفيدة للناس. ما انا كنت ف حالي وآخر روقان قبل التدوين, بس ايه النتيجة؟ ما اللي فاكرني كافرة هيفضل فاكرني كافرة, ومش انا بس, دا البلد كلها بقت متقسمة.. لو انت مش اخوان تبقى يا كافر يا فاسد يا ضعيف الايمان. احنا داخلين كدة على نفق العراق, دا اللي هيبقى بدل نفق شبرا. منهم لله بقى. هما يرموا اللي يرموه واحنا ننضف وراهم ونتبهدل كمان

خالص تحياتي

Dr. Diaa Elnaggar said...

عزيزتي فانتازيا هانم

ربنا يقويك ويهدي جميع الناس.

وبمناسبة علمانية الرسول صلعم احب اسأل الأستاذ اليعقوبي سؤالا صغيرا جدا: لما الرسول أمر المسلمين بالهجرة الأولى إلى الحبشة وهو يعلم أن من يحكمها ملكا مسيحيا، أي أنه لم ير غضاضة في أن يكون جماعة من المسلمين تحت إمرة ملك مسيحي، وقال مقولته المشهورة عن عدل هذا الملك وأنه لا يظلم عنده احد، ألم يكن هذا السلوك سلوكا علمانيا محضا؟ مع اقرارنا طبعا أن الرسول لم يكن علمانيا لأن هذا المصلطح لم يكن معروفا على أيامه، عشان بس ما تزعلش، لأن الواضح أن الهام بالنسبة لك هو الشكل وليس المضمون، أليس كذلك؟ !!!!!!!!! 0

وبالمناسبة يا استاذ يعقوبي: يا ريت مستقبلا لما تستشهد بالرسول صلعم تتأكد أولا من صحة الحديث من عدمه، واقصد بالطبع حديث "المرء علي دين خليله فلينظر احدكم من يخالل". أرجوك تراجع صحة اسناده!!!!0

واصلي يا فانتازيا رسالتك التنويرية، وفي ذلك فليتنافس المتنافسون.

عميق تحياتي وخالص مودتي

ضياء

Fantasia said...

العزيز الدكتور ضياء النجار

افتقدت اطلالتكم الكريمة وتعليقاتكم المتميزة يا استاذي الفاضل. ارجو ألا تطيل الغياب علينا وألا تحرمنا من مساهماتك القيمة في النقاش

لقد سعدت جدا بتعليق حضرتك وبتشجيعك لي, واعدك ان أكون دائما عند حسن ظن الجميع

المثال الذي ذكرته حضرتك لا يدل فقط على علمانية فكر الرسول, بل على سماحته ونبذه للفكر العنصري والطائفي. والرسول بشهادته في حق ملك الحبشة, وقوله انه عادل ولا يظلم عنده أحد, انما يؤكد الثقة في نوايا هذا الملك المسيحي, وانه لن يتخاذل في مساعدة المسلمين الضعفاء وتوفير الحماية لهم. وقد كان عليه افضل الصلاة والسلام على صواب. فحين أرسل بنو سخينة بعثة بقيادة عمرو بن العاص تحمل الهدايا السخية له وللبطاركة في الحبشة في مقابل ان يطرد هؤلاء المسلمين المستضعفين, رفض وصاح فى عمرو بن العاص ومن معه "لو أعطيتمونى جبلا من ذلك ما سلمتهم اليكم

ليس هذا فحسب, بل ان كرم هذا الملك وحسن ضيافته للمسلمين المهاجرين جعلهم يريدون ان يردوا له الجميل ويعبروا عن امتنانهم له باشتراكهم في جيشه لصد هجوم الاعداء من المتمردين عليه, لكنه شكرهم ورفض ان يقاتلوا مع جيشه. فهذا الملك عاملهم واكرمهم كضيوف, ولم يستغلهم في حربه رغم حاجته لصد هذا الهجوم الذي شن عليه من قبل بعض بني وطنه

اشكرك يا دكتور ضياء على ذكر هذا المثال العظيم, وتذكيرنا بسيرة هذا الرسول الكريم, التي لا تمت بصلة لسلوك المتأسلمين الجدد, وما يروجون له من تعصب وتطرف وطائفية ونبذ للعلمانية. فالامثلة والادلة على اسبقية الاسلام في تبني الفكر العلماني عديدة ولا يمكن انكارها ولا الالتفاف حولها. وسوف اتكلم اكثر عن هذه الجزئية بالتحديد, لان فيها دواء وشفاء مما نعاني منه الآن من مزايدة وادعاء ونفاق وتمسح بالدين ينال من نقاء الدين نفسه في مقابل تحقيق بعض المكاسب السياسية والمصالح الشخصية

خالص تحياتي

Dr. Diaa Elnaggar said...

العزيزة فانتازيا

سعيد بتعليقك جدا وسعيد بمجهوداتك التنويرية أيما سعادة. ومن الواضح أن الأخوة المتأسلمين أو الإسلامويين كما يطلق عليهم احيانا لا يقرأون التاريخ جيدا. ولذلك اسمح لنفسي أن ازيدك من الشعر بيتا كما يقول العرب. لنتذكر مرة أخرى مواقف من سيرة الرسول صلعم ونرى إن كانت تصب في خانة العلمانية من عدمه:

أولا: عندما توفى إبراهيم ابن النبي صلعم - وكان في سن الطفولة الباكرة- حزن النبي صلى الله عليه وسلم عليه حزناً شديداً، وفي ذلك اليوم كسفت الشمس فأراد الناس أن ينظروا إلى كسوف الشمس على أن السبب فيه هو موت إبراهيم ولكن حتى في هذا الموقف شديد الحزن على قلب الرسول أبى الرسول صلعم إلا أن يرد الناس إلى العقل والتفكير العلمي، إلى العلمانية، بعيدا عن اقحام الدين في ظاهرة طبيعية مثل الحياة والموت، فقال لهم: (إن الشمس والقمر آيتان من آيات الله لا يخسفان لموت بشر ولا لحياته، فإذا رأيتم ذلك فادعوا الله وكبروه)

ثانيا: في غزوة بدر سأل الحباب بن منذر الرسول عن مكان التعسكر الذي اقترحه الرسول صلعم وقال له: "يارسول الله .. أهو منزل أنزلك الله إياه ؟ أم هو الرأي والحرب والمكيدة ؟". فرد عليه الرسول " لا بل هي الحرب والرأي والمكيدة " .. وعندها قال له الحباب :" إذاً ليس هذا بمنزل" وأشار الحباب على النبي بمكانٍ آخر. وبقية القصة معروفة. إنه موقف جديد يدل على "علمانية" الرسول، ولولا أن الصحابة كان يعرفون عن الرسول أنه "علماني" في توجهاته الحياتية لما طرحوا سؤالا يفصل بشكل واضح الدين مثل الوحي عن الأمور الدنيوية مثل امور الحرب. وهناك مواقف اخرى في السيرة النبوية تدل على تلك التوجهات "العلمانية" في الإسلام وفي حياة الرسول.


سأكتفي بهاتين الواقعتين ولعل الاخوة الأفاضل رافضي مقولة العلمانية أن يقرأوا هاتين الواقعتين ويتدبروا معانيهما.

عميق تحياتي

ضياء

bassim said...

فانتا
باختصار شديد هدف الفاتح اليعقوبي انه يثبت صحة وجهة نظرك و نظرنا نحو المتأسلمين.

Fantasia said...

العزيز الدكتور ضياء

اشكرك على اثراء النقاش واضافتك لهذه الامثلة الجلية التي تثبت تبني الاسلام للفكر العلماني. يا سيدي ان المتأسلمين حين يعجزون أمام علمانية الرسول ولا يجدون أي سند لتطرفهم وتشددهم وفكرهم الشاذ من السنة النبوية, يلجأون للسوابق التاريخية وسيرة الصحابة بعد موت الرسول الكريم

فمثلا هناك من جاء هنا وعلى هذه المدونة يدافع عن الخلافة ويدلل على قدسية الفكرة بذكر واقعة غاية ف البشاعة, وهي ترك جسد الرسول دون دفن لأكثر من يومين بسبب النزاع على الخلافة! تخيل يا دكتور عندما يؤدي التشوش الفكري لهذه المصيبة! حين تعلو قيمة النزاع على السلطة فوق اكرام أكرم الخلق. وعندما هممت بتوضيح ان هذا المثال يسيء للذين قاموا بالفعل ولا يمجدهم أو يمجد فعلتهم, اتهمني بالاساءة الى الصحابة, واخذ يقدسهم كأنهم ليسوا بشرا وكأنهم معصومون من الخطأ. فهذا الشخص لا يوجد لديه منطق ديني أو اخلاقي, وانما هو مؤدلج لخدمة اهداف جماعته, حتى لو كان هذا عن طريق رفع الصحابة فوق النبي عليه الصلاة والسلام

يا دكتور هناك محنة فكرية حقيقية وازمة عقول وتغييب تام للوعي. فحين تدعو شخصا الآن الى استخدام المنطق في الاستدلال على جوهر الامثلة التي ذكرتها حضرتك هنا, فانه يسعى لنفي الفكرة فورا دون تكليف نفسه عناء التفكير من الاصل. حتى ان تقديم النقل على العقل اصبح له مفهوم شديد الضيق في ادبياتهم, كالنقل عن مصادر شيوخ معينين, ومنهم من ثبت انه كان يعاني من امراض عقلية وعصبية! فكيف يمكن ان تناقش هؤلاء؟

خالص تحياتي وتقديري لمجهوداتكم التنويرية

Fantasia said...

بسيم

صدقني انا شكرته فعلا عشان هو واصحابه وفروا عليا وقت ومجهود كبير جدا في اثبات انهم فعلا عقلياتهم متحجرة لهذه الدرجة. يعني تخيل لولا تطوعهم بالتعليقات المذهلة دي, لو كنت قولت ان الاخوان بيفكروا كدا فعلا, محدش كان صدقني. كان كل الناس هيقولولي مش ممكن, انتي مزوداها, انتي بتبالغي, انتي بتتبلي عليهم.. لكنهم اثبتوا ان عندهم ذكاء لا يحسدوا عليه, عاملين زي الدبة اللي قتلت صاحبها بالظبط

تحياتي

محمد نصر said...

الحقيقة انني استمتعت بالنقاش الذي جرى في التعليقات أضعاف ما استمتعت بالتدوينة نفسها ..

وبالرغم من مرور ما يقرب من عامين على هذه المناقشة .. فاني أرى أن من واجبي أن أسجل رأيي - المتواضع - كي ينتفع به غيري ممن يأتي الى هنا فيما بعد.


فانتازيا :
بالنسبة للمدونة :
أسلوبك خفيف .. المضمون جميل .. ردود (كريم) أرى فيها مبالغة فعلاً .. اينشتين ذاته لم يكن ليتحدث بهذه الوعي في هذه السن :) .. واظن انك استخدمت خيالك لتعديل لغة الفتى حتى يصل المعنى العام للموضوع .. ولا مشكلة عندي في ذلك.
بالنسبة لردودك في التعليقات:
اسجل اعجابي الشديد باسلوبك في الحوار (وربنا يديكي علي قد نيتك) التي احسبها نية نبيلة ومهمة شاقة كذلك.

فاتح اليعقوبي :
انت لم تكن موضوعياً في ردك على فانتازيا .. وبالفعل أخذت تحاول تشويه صورة (شخص) محدثتك .. بدلاً من أن ترد الفكرة بالفكرة والمنطق بالمنطق .. نتيجة النقاش من وجهة نظري المتواضعة - كقارئ لا يعرف كلاكما - تصب في غير صالحك .. وفي غير صالح من ترى انك تمثلهم.

د. ضياء النجار :
مشاركاتك ملهمة فعلاً وفي الصميم.

للجميع:
شكراً على النقاش الممتع والمفيد جداً لي.
وعذراً لحذف الألقاب وكامل الاحترام والتحية للجميع