Tuesday, May 27

بلاوي الفتاوي


نص المكتوب أعلاه من الموقع الأصلي والجواب قبل وبعد تعديله

السؤال
انا فتاة ابلغ من العمر15عام ابى رجل متدين جدا وانا البس الحجاب الكامل خارج المنزل والحمد لله ولكن ابى يقبلنى كثيرا بين ثديى او فى فمى او يأتى من خلفى ويحتضنى ويقبلنى فى نحرى فأقول له أليست هذة الأفعال حرام فيقول لى انها حرام اذا كانت بشهوة لكن انا افعل معك ذلك بعاطفة الأبوة وان الرسول محمد كان يقبل ابنته السيدة فاطمة من نحرها وبين ثدييها وفى فمها ويمص لسانها فهل الرسول كان يفحش فى ابنته لا واذا الرسول فعل ذلك فهذة رخصة لأى اب ان يفعل مع ابنته ذلك ويقول لى اننى لا المس العورة وهى القبل والدبر وكل ما ليس بعورة مصرح برؤيته او لمسه او تقبيله وانه يفعل هذا أيضا من خوفه على من اغراءات الشباب فالفتاة التى تسلم نفسها لأى شاب تكون مفتقدة لمشاعر الحب والحنان داخل المنزل فهل ما يفعله ابى معى حلال ام حرام واذا كان حرام كيف كان الرسول يفعل هذا مع ابنتة السيدة فاطمة الزهراء وشكرا على هذا الموقع المفيد


الجواب قبل التعديل

وعليكم السلام ورحمة الله وبركاته. إن فعل والدك جائز بالشرط الذي هو يقوله وذلك في قلبه ولا تظني به السوء. أهلا بكم


الجواب بعد التعديل

راجعي الي مرجع تقليدك و استفتيه

...................................................

هو فيه إيه؟ أهلا بيك انت يا بابا.. ما تظنش به السوء؟؟ وتستفتي مرجع تقليدها؟ هو إيه النظام بالظبط؟

دي مصيبة إيه السودا دي؟ البت أبوها بيتحرش بيها يا شيخ!.. يا شيخ ياللي بتفتي في الدين

إيه هو اللي في قلبه وفي رجله وما تظنيش فيه سوء يا بنتي وسيبيه يلعب زي ما هو عايز؟
وبعدين ما هي بتستفتي جنابك.. لما جنابك مكسوف من نفسك وغيرت الفتوى.. بتقولها تستفتي حد تاني ليه؟ ما البركة فيك يا مفتي يا عظيم .. يا عالم يا علامة.. ياللي فاتح دكان فتاوي ببلاش كدا ع النت
وإيه السبب يا ترى في نشر هذه الفتوى العبقرية على النت؟ هل هي محاولة لتحليل زنا المحارم مثلا؟ هل هي رخصة للتحرش بالبنات؟
بجد أنا هأطق.. مش فاهمة حاجة!.. هي الناس دي بتعمل في الاسلام كدا ليه؟ ولمصلحة مين؟
إيه التشوهات النفسية والاخلاقية اللي عندهم وعايزين يعمموها ع الناس باسم الدين دي؟
حد يفهمني قبل ما اتجنن يا ناس.. إللي أنا شايفاه دا اسمه إيه؟

40 comments:

Egyptian Feminist Chic said...

ya tara elly beye7sal lelbent deeh mametha betshoofoh we beteskot??? walla El2om maghlooba 3ala 2amraha we mate2darsh tenta2?? beyethaya2ly heya 3arfa en dah ghalat we khayfa men el2ab... we beyethaya2ly el2om mate2darsh ta3tared, aw gheer mawgooda, 3alashan keda elbent deeh ba3atet elso2al. Heya sa2alet abooha sara7atan we e3taradet... we 2ay wa7da fi elsen dah sa3b 3aleeha fat7 mawdoo3 zay dah ma3a el2ab. elmoseeba en el2ab beybarar fe3lo, we bey7awel yeshoflo 7aga teqaneno!!!!

elbent deeh la2et elshaga3a enaha teb3at tes2al 3ala fatwa.... ma3a enaha mesh mestaraya7a lelly beye7sal.... deeh khatwa kebeera awy, we kan momken wa7da gheerha mate3melhash... elmofty kan men bab awla ye2olaha en kol bany2adam loh khosooseyat, we 2en law dee 7aga meday2aha, yeb2a akeed mesh sa7. we en el3orf fee elmogtama3 elly e7na 3aysheen feeh mabeyqanensh elaf3al deeh. we 2n el7aga elly mate2darsh te3melha 2odam elnas, teb2a akeed 7aga ghalat. Elmafrood yewagehha enaha tela2y 7ad yesa3edha fi elmawqef el7areg dah. we ye7awel yeshooflaha makhrag badal may2olaha, sebeeh ye3mel elly howa 3awzo. begad rad mo2ref. we ba3deen leeh mafeesh qanoon ye7my elbanat elly fi wad3 zay dah men elta7arosh elgensy men aqrab elnas leehom?? rabena yekoon fee 3oon elbent deeh. we yarab tela2y elshaga3a elkafya enaha te2ool la2!!!

Egyptian Feminist Chic said...
This comment has been removed by the author.
Nsreen Bsunee said...

يا مهااااااااااار اسود
يالهوي
مش الغريب ان اب يعمل كده مع بنته كلنا عارفين انها بتحصل وان اغلب الاطفال فى العالم كله بيتعرضو لتحرشات جنسيه فى صغرهم من القرايب او اصدقاء العيله جوز الخاله ابن العم او غيره ده شئ وارد وربنا زى ما خلق نفوس بشريه ضعيفه ومريضه خلق نفوس مستقيمه ومتزنه الحمدلله
ده موضوع ممكن نتناقش فيه بعدين التحرش بالاطفال من الاقراب موضوع كبير
________
الكارثه انهم يحللوها بالدين ده مفيش دين ولا عرف ولا شريعه فى الدنيا تحلل كده
موجود آه بس مرفوض من كل الاديان والشرائع والاخلاق وكله كله
انا حاتجنن والله مش عارفه انا باكتب ايه
يعني هما يحرمو ان راجل يأتى زوجته زوجته حلاله يحرمو انه يمارس معاها اوضاع معينه ويحللو ان اب يعمل كده مع بنته ويقولو المهم النيه
احيه ومش عاوزه اقول كلمه تانيه
يعني لما الباحث المجتهد البنا يقول ان القبله بين الحبيب وحبيبته لا تعتبر زنا وانها فى زمانا ده مع ظروفنا ديه ممكن تكون غير مكروهه مقالش غير كده الراجل مقالش حلال ولا حاجه ده قال ان الظروف بتختلف والقبله ان كانت لمحبوب ياخدها بدال الواحده الوف والراجل معترف انه مجتهد بس مش مفتي ولا كلامه فتوى ده مجرد اجتهاد وقامت الدنيا عليه ومقعدتش واعتبرو كلامه ده شرك بالله وانه راجل مجنون وأهدرو دمه
وده بقي عشان مفتي ولابس عمه وكلامه جاي على هواهم يبقي حلو ومحدش يتكلم فى الموضوع ولا حد يحس بيه وطبعا الطفله الغلبانه اللى بعتت السؤال ده وشافت الاجابه الاولى واحتمال كبير تكون مشافتش التعديل طبعا حتعتبر كلام الشيخ صحيح ولو واحده صاحبتها قالتلها ان ابويا بيعمل فيا كذا وكذا حتقولها ده عادي ومش حرام والرسول كان بيعمل كده وديه تقول لديه وديه تقول لديه وكلهم لما يتجوزو لو واحده شافت جوزها بيعمل كده فى بنتها حتقول ده عادي ده الرسول كان بيعمل كده
استغفر الله العظيم الرسول برئ منهم ومن امثالهم ولاد الكلب دول
يالهوي انا حاتجن والله حاتجنن

احساس لسه حى said...

فانتازيا هانم

انتى مالك ومال فتاوى الشيعة

ما الشيعة عندهم فتاوى من دى كتير وافتراءات على الصحابة كلهم

هتجيبى بقه كل فتواهم تعرضيها

وحتى لو شيخ سنى اللى افتى بكدة

يعنى الناس بالجهل ده ومش عارفه الحلال من الحرام

متخفيش على مصر وبنات مصر

عدد الشيعة فيها اقل من الملحديين

سلام

احساس لسه حى said...

معلش بقه يا فانتازيا

انا علقت قبل ما اشوف شرشحتك وكلامك اللى قولتيه

بس ممكن قبل ما تطردينى من جنتك

تقوليلى انتى بتخدى امور دينك منين بالضبط

والمرجع لكل تشريع بتؤمنى بيه ايه

اصل السؤال ده سألتهولك

وهربتى منه

الوعى يكون الشيخ الشيعى اللى حطه صورته

بكره كمات تجبلنا فتوى من راهب بوذى ولا هندوسى ةتعرضيها هنا

سلام يا موزة

Nsreen Bsunee said...

موزه فى عينك وعين اهلك يا سافل يا منحط هى حصلت تقولها موزه
انت يا كائن انت معندكش دم ولا كرامه
انت مالك مدونه مشبوهه ومش عاجباك بتيجي ليه وتهزق نفسك انت غاوي تهزيق ياد انت ولا ايه مش عاوز تجيبها البر ليه يعني لازم توصل الواحد انه يخرج عن شعوره يعني ويغلط فيك بالشكل ده انت مريض يعني وبتحب تتشتم وتتهزق وتبقي منبوذ والناس تحتقرك وكده
يا شاطر اتعالج روح اى عياده نفسيه انت حالتك صعبه جدا جدا جدا
مش عاوزه اشوف وشك هنا تانى ولا في مدونتى هنا برضه مدونتى وانا باكرشك وباطردك شر طرده غووووووور من هنا

رئيس جمهوريه نفسى said...

العزيزه فنتازيا
الى بيحصل ده اسمه استهبال والى انتى شايفاه ده اسمه اتجار بالدين وبيع الفتاوى من قبل من لايملكون القدره على الفتوى حالة تحرش وهتك عرض كاملة وفى عرف القانون فى اى مكان مصير الاب السجن
كل ما فى الامر انه افتراء على الرسول فى فتواه فالرسول امر بمبداعبه الاطفال وملاعبتهم ولا يامر بانتهاكهم جسديا
بس فى المجتمعات العربيه ولسهولة الاتجار فى الدين وبيع الفتاوى ولانها بتعتبر المراءه جسد مجرد من اى تفكير او احاسا او شعور فيجب ان يتم انتهاكها بكل الصور والسبل علشان ذكورية الرجل تعيش
وبتفق مع نسرين فى التعليقين بس بتفق بخصوص انى التحرش بالاطفال وزنا المحارم موجود فى كل مكان فى العالم والدليل الى حصل فى النمساء الشهر الماضى البنت الى اغتصبها والدها 25 سنه تقريبا
فهى مساله نفوس مريضه مش مسالة اديان او فتاوى

Migo Mishmish said...

صباح الخير يا فانتا
انا مش هاقدر اقول حاجة على موضوع الفتوى علشان الموقف هيبقى محرج. بس انا اللي مضايقني البنت الصغيرة بقي عندها مشلكة مخليها بين نارين. هي شايفه باباها اللي هو مثلها الاعلى اكيد بيوعظ عن الدين والاخلاق والجنيه والحرمانيه بيقول ان ده مش غلط. وبين فطرتها ان اللي بيحصل ده مش طبيعي بس يا ريته بيحصل معاها من حد من برة ده ابوها
كمان العالم ديه وصلت لدرجه من العجز الفكري لدرجه ان البنت اختلت عندها موازين الصح والغلط
والراجل المفتي اللي قالها ان كانت نيته صافيه مفيش مشكله. نفسي بقه حد يسأله ايه هي الطرق العلمية لتحديد النيه يعني إزاي نعرف ان الراجل ده نيته صافيه ولا عيان
وبعدين صحيح ام البت ديه فين؟ ده المنظر ده لو كان قدامي وانا لا امها ولا قربتها كنت مسكت اوسخ شبشب عندي ونفضته على دماغ البغل ده.
وبعدين حتى لو سلمنا ان الرسول كان بيعمل كدة. كل وقت وليه ظروفه يمكن سلو بلدهم كان كدة ما هو كمان كان بيركب جمل يعني صاحبنا ده رابط جمل تحت بيته
استمري في فضح الهطل العرعري مع الاعتذار لحسن الهلالي
Love,
MishMish

ابو احمد said...

العزيزه فانتازيا
قبل مانعرف هو سنى والاشيعى
عايزين نعرف نوع الحشيش اللى بيشربه ايه واضح انه نوع عالى اوى والحشيش مش حرام لانه نبات وربنا خالقه عشان اللى عاوز يفتى فتوى زى دى يكون محشش تمام
معلش يافنتا اصل الفتاوى اللى زى دى والأخ اللى احساسه لسه حى ميتردش عليهم غير بالشكل ده
هم مرضى
وفتواهم مريضه وقلوبهم مريضه الكبت يحركهم وينهكهم ويجعل كل تفكيرهم من اسفل وليس من اعلى
تحياتى لكى ياابنتى

Fantasia said...

Dear EFC,

We will see more and more of these strange fatwas as the fatwa business expands and its markets flourishes. Strange and sick fatwas like breastfeeding adults and abusing one's own daughter will increase as well, because they are turning our society into a sex-repressed/obsessed crowd. The result will be more and more halal adultery to please this masculine society and feed its madness. you know that whole villages in lower Egypt make a living out of selling their daughters in the "zawag elmot3ah" market to Arabs? A girl who is only 17 there can be married as much as 5 or 6 times, with marriages that can last only a couple of days or a week. And the are convinced that it is totally halal.
So, what we're witnessing how is a new form of legal prostitution.. It's time to move to the legal incest.. and more will follow.

Regards.

Fantasia said...

العزيزة نسرين

بعد الشر عليكي من الجنان. دا انتي ست العاقلين
المصيبة في حاجة أكبر من كدا بكتير يا نسرين. فيه كذا نقطة في الموضوع دا وعلى صلة بيه يخلونا قدام كارثة أكبر بكتير

أولا: فكرة ان الشيوخ هما الوحيدين اللي على دراية بالدين وان حتى لو اللي بيقولوه متناقض مع الفطرة والمنطق لازم نقبل بيه لأن الفكر السائد بيدعم موضوع ان الحلال والحرام مالوش دعوة لا بضمير ولا بفطرة ولا باخلاق.. انما يحدده الدين من خلال الشيوخ اللي هما المفروض أدرى الناس بيه ومحدش يفتح بقه ويناقشهم, كأنهم يعني عارفين الغيب أو اسرار محدش عارفها

ثانيا: من خلال ارساء القاعدة الأولى تم وضع سلطة في يد فئة تتحكم بسلوك وحياة الناس بشكل مطلق, فقد اعطوا لانفسهم حصانة ضد النقد والمراجعة, واللي يجي يتكلم يقولوله هو انت شيخ؟ لو مش شيخ يبقى تحط جزمة لفي بقك وتسمع الكلام من سكات. كأن المسلم عليه انه يكون أعمى وأخرس وأطرش, يا إما كدا يا إما يكون كافر أو بيفصل دين على مزاجه. مع انه ما عندوش السلطة دي.. بينما اللي فعلا بيفصلوا الدين على مزاجهم وبيفرضوا التفصيل ده من خلال سلطتهم محدش بيعترض عليهم.. مش كدا وبس.. دا التسامح معاهم ليس له آخر لو حتى ثبت أنهم مخطئين

ثالثا: بالنسبة للحالة اللي انا عرضتها هنا هي واحدة من مئات أو آلاف. وزي ما انتي قولتي, عادي وبتحصل.. لكن بيكون معروف انها مجرمة وانها شذوذ نفسي وفساد اخلاقي. لكن لما أنا اديها غطاء شرعي أو حتى اتغاضى عنها من غير تجريم, يبقى احنا هنا قدام كارثة. كارثة ادت زي ما أنا قولت في التعليق السابق لاننا بقى عندنا في البلاد العربية أشكال وانواع من الدعارة والتحرش والاغتصاب والاعتداء على الاطفال الشرعية! اللي القانون ما يقدرش يجرمها ولا حد يقدر يمنعها

بقى عندنا في مصر قرى بكاملها تتكسب من بيع بناتها القصر في سوق زواج المتعة للعرب. تلاقي البنت منهم ماكملتش 20 سنة واتجوزت 10 أو 15 مرة, ويقولوا دا حلال! تلاقي التحرش بقى ظاهرة عامة في المجتمع ومافيش يوم يعدي عليكي من غير ما تتعرضي لنوع أو آخر منه وتلاقي المجتمع متغاضي عن ده ومطنش, ولو انتي اعترضتي يغلطوكي انتي. تلاقي واحد يرفض يساعد واحدة مغتصبة بتستغيث بيه ويقولك أصلي متدين ومقدرش أمسك ايدها وهي السبب في اللي حصل لها. واحد يقتل مراته عشان يورثها أو أخ يقتل أخته عشان الميراث ويقولولك أصلها جريمة شرف, أصله سمع انها مش تمام, وياخد 6 أشهر وبالسلامة. تلاقي واحد بيخون مراته ويقولك أحسن ما اتجوز عليها. أو يتجوز عليها فعلا وفي السر على عكس الشرع ويقولك للضرورة ولعدم هدم الأسرة. أو يتجوز ويطلق ويجمع بين كذا زوجة زي الساويركي ويقولك أنا راجل مقتدر والشرع محللي. وتلاقي شيخ يقول الست لازم ترضع السفرجي والسواق وزمايلها في الشغل عشان تحرم عليهم ويشوفوها من غير حجاب. قال يعني بعد ما ترضعهم 4 رضعات هتفرق معاهم بعد كدا تحرم ولا ماتحرمش! تلاقي واحد بيجوز بنته العيلة اللي عندها 14 سنة وبيسننها بأكبر من سنها ويقولك بسترها في الحلال. وبعدين تلاقي عادي جدا ان واحدة ابوها يتحرش بيها عشان خايف عليها من اغراءات الشباب اللي برة ويقولها دا حلال يا حبيبتي دا أنا معنديش شهوة وبدل ما لمستش عورتك يبقى أي حاجة أعملها معاكي حلال. وعلى نفس الوتيرة تلاقي ان 80% من العاهرات ومن سجلات الآداب عذراوات, وفاكرين انهم ما بيعملوش حاجة حرام, لأن الزنا عشان يحصل لازم الإيلاج يكون كامل.. قيسي على كدا بلاوي كتير من الجواز العرفي على الاعتداء على الأطفال الذكور بحجة ان مالهمش عرض ممكن يهتك وبلاوي كتير

الخلاصة.. البنت دي سؤالها معناه انها حاسة من جواها ان فيه حاجة غلط. فطرتها خلتها ما تقتنعش بكلام والدها. ومع ذلك اللي بيعملوه بعض الشيوخ انهم بيكبتوا الفطرة والضمير داخل الانسان, وبيحولوا الاخلاق والحلال والحرام لشيء خارجي, حتى يمتلكوا هم زمام الحقيقة المطلقة, والنتيجة هي الفحش الحلال والقتل الحلال والغش الحلال والتآمر الحلال

خالص تحياتي

على باب الله said...

ده يا ستي اسمه هذيان

ناس تعاطت جرعات قويةو لفترات موغلة الطول من أفيون الشعوب

و كأي نوع آخر من المخدرات .. غاب العقل و الإدراك

لذلك نحن نتوقع منهم الكثير من العربدة و الأفعال غير العقلانية و غير المفهومة

Fantasia said...

عديم الاحساس

لأ بجد تناحة بالشكل دا أنا ما شفتش. أنت معندكش ذرة كرامة مستخبية في أي حتة؟ إيه ده؟ انت بجد عديم الاحساس, عشان كدا عندك عقدة نقص في الحتة دي بتحاول تعوضها باسمك المستعار

يا ابني أنا واحدة فاسقة وفاسدة ومنحلة حسب كلامك, وقلت فيا اللي قلته. مالك انت ومال مرجعيتي؟ هو انت اللي هتقيمني على آخر الزمن؟ وبعدين انت فاكر ان الشيعة دول بينتموا لدين تاني عشان تجرح فيهم وفي عقيدتهم هما كمان؟ مش دي ايران اللي بتتغنوا بيها وبتقولوا انها مثال وقدوة للنظام الاسلامي؟ بقوا كخة دلوقتي وشيعة وياي؟ إيه التناقض ده؟ انت ذات نفسك مش عارف انت عايز إيه ولا بتهاجمني ليه ولا الاسلام هو إيه من أصله. أي هبل وأي هجوم وأي حوارات فارغة تضيع فيها وقتك ووقتنا

شوف بقى. بما أنك عديم الكرامة, فأنا لن أحافظ على شعورك اللي مالوش وجود. وأعلم إن أي تعليق لك تاني هنا هيتمسح

Fantasia said...

الاستاذ العزيز رئيس جمهورية نفسي

أتفق معك تماما فيما ذهبت إليه من تحليل. لكن الفرق بين ما حدث في النمسا وبين ما يحدث لهذه الفتاة, هو أن حادث النمسا أجمع الجميع على أنه جريمة وتم وضع الجاني خلف القضبان واذاعة الخبر على العالم أجمع حتى تكون الأدانة علنية والتنديد عالمي. أما ما يحدث لهذه الفتاة المسكينة, التي لا أعلم موطنها, فقد تستر على الجريمة التي تنتهك جسدها وطفولتها وآدميتها شيخ دين! لم يتستر فقط وانما اجازها شرعا! وهذا هو قمة العار الانساني والديني والاخلاقي

كيف نتوقع الاحترام من العالم في المقابل؟ لماذا لا أرى ثورة يقوم بها المسلمون للتنديد بمثل هذا الشذوذ؟ لماذا لا أرى مظاهرة تندد باستخدام القاعدة للدين الاسلامي كستار لجرائمها ومدابحها؟ لماذا لا نثور على هذه الاهانة للدين الاسلامي وللرسول عليه الصلاة والسلام؟ أليس الصمت هو نوع من التواطؤ والايجازة الضمنية؟

خالص تحياتي

haneen said...

عزيزتى فانتا

طبعاً مافيش اى شىء يسىء للاسلام والمسلمين غير منتظر من شعب زى الايرانيين وعقيدتهم المخرفه هو دا المتوقع منهم دايماً ،دول ناس اساساً خرجوا عن دين الاسلام بمعتقداتهم المريضه المؤمنين بيها وما زالوا بيعتنقوها لغاية دلوقتى ،دا انا قريت كتاب عن عقائدهم واحده بس منهم تطلعهم من دين الاسلام بلا راجعه، منها مثلا عقيدة مخالفة ختم النبوه لسيدنا محمد صلى الله عليه وسلم
وعقيدة قولهم بأن القرآن اللى نزل على سيدنا محمد وبين ايدينا دلوقتى محرف ومبدل وفيه نقص ، واهانة الرسول واهل بيته ،ومثلا عقيدة جواز استعارة الفرج ، واللواطه بالنساء عندهم كل شىء مباح وجائز ناس مخرفه وبيألفوا الدين فى خليط كامل من الخزعبلات والخرافات والمسلم اللى يعرف دينه بحق عمره ماياخد بفتوى واحد شيعى ايرانى احنا بناخد بقول رسولنا الكريم صلى الله عليه وسلم لما الانسان يحتار فى أمره ويتملكه الشك " استفت قلبك ولو افتوك" وهو دا بقى عين العقل والحلال بين والحرام بين والواحد يقدر بفطرته زى ما قولتى يميز بين الحق والباطل اما ياعينى بقى البنت دى وكل البنات اللى فى ايران وافغانستان الله يكون فى عونهم بجد لانهم تحت امارة ناس مضلله وافاقه زى الشيوخ دى وللاسف بيسموا نفسهم آية الله والله ورسوله برىء منهم ومن فتواهم ربنا يرحمنا برحمته الواسعه

الفقير الى الله said...
This comment has been removed by the author.
الفقير الى الله said...

هههههههههههههههههههههههههه
يعني متخيلة من ناس بيقولوا الله يلعن ابوبكر وعمر وان جبريل نزل على الرسول صلى الله عليه وسلم غلط وكل يوم الصبح في اذكار الصباح والمساء اللهم اللعن عائشة
ليهم قران لوحدهم زايد عليه 4 سور
وفضايح مزودين على اركان الاسلام ركن سادس عندهم حوارات كتيرة لو قلتهالك هيغمى عليكي وبعدين احنا بنخاف من ايران اكتر ما بنخاف من اسرائيل عارفة ليه روحي اسرائيل وقولى انا مسلمه سنية وشوفوا هيعملوا معاكي ايه اللي هيعملوه فيكي حطي عليه 10 مرات واكتر ده اللي هيتعمل معاكي في ايران وبعد كده بتقولي على اية الله شيخ
والله حراااام على العموم بكل الصفات ده هما كفرة لان سب الصحابة كفر والمشكلة انهم بيقولوا ان كل ما دون اهل البيت كفره عندهم مقولة اسمها التسعة من العشرة يعني العشرة المبشرون بالجنه كلهم كفرة وفي النار الا على رضي الله عنه
يعني كده كل الصحابة كفرة اذا كنت عاوزه تحطي ده شيخ فانت حره
طبعا المفروض الاب ده يتعدم في ساحه عامه علشان يكون عبرة وعظة
ده نصيحة مش جدال

Fantasia said...

العزيزة مشمش

لأ لا موقف محرج ولا حاجة؟ محرج ليه ولمين؟ هو فيه أي انسان سوي على وجه الأرض ممكن يرضى بفتوى زي دي؟ وبعدين دي جريمة,من حقك انك تديني الجريمة دي زي ما احنا بندينها. انا لا أعترف بموضوع ان انتقاد الممارسات الخاطئة من اتباع دين معين يجب ان تكون حصرية على أصحاب هذا الدين, لأن الاديان كلها بتدعوا لنفس القيم الاخلاقية في النهاية, وأي انتهاك لهذه القيم هو في عرف الجريمة, ولا علاقة له بالدين

يعني أنا لو تحرجت من نقد رأي غير أخلاقي لرجل دين مسيحي فهذا لن يفيد الدين المسيحي, بالعكس, لأني بتحرجي قد أعطي الانطباع أنه ربما هذا الرأي له أسس في المسيحية, وهذا يسيء إليها. نفس الشيء هنا. هذه جريمة لا علاقة لها بأي دين, فمن الواجب على الجميع استنكارها واستنكار استغلال أي دين مهما كان في اعطائها صفة الشرعية

وبعدين بما أنك مصرية, ومصر بها أغلبية من المسلمين منهم أقلية شيعية, فمن حقك أن تديني هذه الجريمة, لأنها جريمة قد تمس المجتمع الذي تعيشين فيه. هو لو واحد مسلم سرق, هتسيبيه ولا هتبلغي البوليس؟ ينفع تقولي لأ أسيبه عشان هو مسلم وأنا مسيحية ولو بلغت عنه الموضوع هيبقى فيه احراج؟ ولا لو كانت البنت دي جارتك, كنتي هتقولي بلاش احراج؟ أعتقد واحدة جدعة زيك ولا كان هيهمها حتى لو أبو البنت جابلها فتوى من المفتي ذات نفسه

خالص تحياتي

Fantasia said...

الاستاذ العزيز أبو أحمد

والله عندك حق.. بس ما افتكرش الحشيش ممكن يعمل الدماغ العالية دي.. ولا الهيرويين حتى. دي أمراض نفسية مستعصية

صحيح.. مثل هؤلاء تفكيرهم كله يتركز في الأسفل, وللأسف فهناك العديد من الابرياء يدفعون ثمن مرضهم وتصنم عقولهم

خالص تحياتي

Fantasia said...

الاستاذ العزيز على باب الله

هذيان, لكن له مشجعين وله خاضعين وله ضحايا, لذا آن الآوان أن يتوقف مثل هذا الهذيان وأن نتصدى له بكل قوة

الهذيان مكانه المصحة النفسية والعصبية, وليس ساحات الافتاء الديني. لا أستطيع أن أتصور ما هو أسوأ من ذلك, لكني أتوقعه طالما الهذيان أصبح وسيلة للتربح الحلال في هذا الزمان

خالص تحياتي

Fantasia said...

العزيزة حنين

أولا أنا لا أكن سوى كل تقدير واحترام للمذهب الشيعي رغم أختلافه في بعض النقاط مع المذهب السني, لكن معظم ما يحكى عن المذهب الشيعي والمعتمد على بعض الفتاوى الصادرة عن شيوخهم لا صلة له بالمعتقدات الأصلية للشيعة. الشيعة قبل كل شيء هم مسلمون, ولا ينبغي التجريح في عقيدتهم أو الحكم العام على مجمل معتقداتهم من خلال بعض الفتاوي المختلة التي قد تصدر عن شيوخهم. فما هو الحال إن تم الحكم على السنيين باستخدام نفس المنهج؟ كفتوى أحد أساتذة الأزهر بخصوص إرضاع الكبير مثلا؟ أو شرب بول الرسول؟ أو تكفير من يقول أن اللأرض كروية وليست مسطحة؟ هل هذه الفتاوى تدل بأي حال من الأحوال على معتقدات متبعي المذهب السني؟

اختلاف السنة عن الشيعة جوهره سياسي وليس عقائدي. فلولا أحداث الفتنة الكبرى لما وجد هذا التقسيم في الاسلام من الأساس. لذا فهذه الفتوى يجب أن ينظر إليها في سياق فوضى الافتاء عامة, وما يمكن أن يذهب إليه بعض المفتون من شطط يدفع ثمنه الأبرياء

خالص تحياتي يا عزيزتي

EmY said...

واحد ان الشيخ كان محشش و هو بيفتي و مش شايف قدامه

يعني واضح انه راجل مريض و بيستهبل علي بنته و الاسوأ انه بيقنعها انه مش غلط تحت ستار الدين

بجد ده راجل غبي و مستفز يعني بدل مايشجع البنت و يفهمها علشان غيرها ممكن يكون بيتعرض لالعن من كده و مكسوف لا يقول جايز

تحياتي يا فانتا يا قمر

عم مينا said...

حرام عليكي يا فانتازيا
عكننتي عليا الليلة

haneen said...

والله يا فانتا انا زيك اكن كل احترام وتقدير لكل العقائد والديانات على وجه الارض .. لكن فى حالة اذا وصل الامر للتحريف والصاق التهم وما ليس فى الدين للانبياء والافتراء والتطاول على الصحابه وآل البيت يبقى لازم يكون لينا وقفه معاهم ولا ايه وسيدنا على برىء من كل ما ينسبوه اليه من افتراءات زى ما رسولنا الكريم برىء من الفتاوى اللى انتى ذكرتيها دى اللى افتوها ناس لا يقلوا تخريف وسطحيه وتخلف عن هذا الشيخ
وانا معاكى انهم مسلمون صح لكن المسلم اللى يؤمن بكل ما نزل فى القرآن ويؤمن بالوحى ويؤمن فى الاساس برسول الله سيدنا محمد فكيف يكونوا هؤلاء مسلمين ،وحتى الان الاختلاف الجوهرى لكل من السنه والشيعه عقائدى وليس سياسى وحسب كما ذكرتى وفرق كبير يا فانتا بين العقائد اللى بيؤمنوا بيها واللى انا ذكرتها والفتاوى اللى انتى قولتيها ايهما ابشع من وجهة نظرك؟ انا عارفه ان دا خارج سياق موضوعك بس حبيت اوضح وجهة نظرى

خالص تحياتى وتقديرى

احساس لسه حى said...
This comment has been removed by a blog administrator.
Migo Mishmish said...

الجرئية فانتا
الموقف محرج علشان انتي عارفه ان مش كل اللي حوالينا عاقلين. واطن انتي فاهمة
وعلى فكرة انا في حياتي ما سلمت دماغي لحد لا رجل دين لا رجل شرطة. طالما محدش هيتحاسب مكاني يبقى هاجرب حظي وهاغلط واتعلم من اخطائي مش محتاجة حد يخططلي حياتي.
وزي مانتي قولتي بغل ذي ده انا مش مستنيه فتوى ولا اذن من حد علشان ابهدل امه. وعندي استعداد اوصلها لأكبر كبير سواء ان كان الراجل ده من عندنا او من عندكوا. برضه بغل وعايز تربية
Love,
MishMish

Desert cat said...

ده الدين على الطريقة الحديثة يا فانتا
الرسول كان بيقبل بنته بين ثدييها الراجل ده مريض ولا ايه جايبين مفتى من العباسية .... مادمنا فى زمن اصبح كل من لبس عمة وجلابيه مفتى ويحلل ويحرم بمزاجه و الراجل ده شكله مفتى من اما كازينو
تحياتى

رئيس جمهوريه نفسى said...

العزيزه فتنازيا
عارفه ليه مش حتقوم ثورة فى العالم الاسلامى لانى الشعوب الاسلاميه اتفرقت شيعة وسنه وسلفيين وقيسى على ذلك كتير وكل فرقه من دول بتحاول تهدم غيرها من افكارها وفتوى زى دى حيتم استخدامها من قبل البعض يعنى لو سنى حيستخدمها الشيعة والعكس
وكمان محدش حيثور على الى بتعملة القاعده لانى الحكومات العربية فرحانه بيه وهى بتورث حكم وتمرر طؤارى والشعوب مغيبه والمنظومه كلها فاسده
محجش حيثور لانى محتاجين فى حياتنا فتاوى لما نصحى الصبح نعمل بنشرب المياه بفتوى وناكل بفتوى ونضحك بفتوى محتاجين راى رجال الدين فى كل حاجه انا مش بنكر دور رجال الدين بس الى يكون بمرجعيه فقهيه وعلى علم بالعلوم الشرعيه واساس الاجتهاد والتفكير انما الى بيحصل لا كل الى قرى ليه كتاب بيفتى
للاسف الشديد احنا بقينا فى العالم الاسلامى والدول العربيه زى اوروباء فى العصور الوسطى بننتظر الفتاوى كل يوم الصبح وخايف ننتظر فيما بعد صكوك الغفران من المشايخ

أنا حر said...

هههههههههههههههههه
كلماتك وانت متعصبة كالعادة جميلة جدا وتعبيراتك هي سبب الضحك معلش والله مقدرتش امسك نفسي

اللي بيحصل ده مش طبيعي ان الاب يعمل كده شيء مش طبيعي والدليل على كده ان البنت بتسأل عنه يعني لو كان طبيعي كانت البنت اتعاملت معاه عادي
المصيبة الاكبر كمان الشيخ اللي مكسوف يفتي اللي بيفكرني بأغنية المطربة الكبيرة مروى مع اختلاف اسم الاغنية ( الشيخ حمبولي ) مش عارف الدين بيقول ايه
وبيفتي
الله يخرب بيت المشايخ الحمبولي سبب تدهورنا
تحياتي

واحد مصرى said...

ابوها متدين...ترتدي الحجاب الكامل خارج المنزل...هذه الضحيةو التي ليس لها اي يد فيما وصل اليه عقلها الصغير المسكين كنتيجةحتمية للادمان كعرض اساسي لتعاطي الافيون الديني بكافة انواعه الشيعية و غيرها انها تعجز عن معرفة ان ما يقوم به ابوها المريض هو صورة مغرقة في التطرف و الجموح من مرض التحرش الجنسي...و كمان بتوجه سؤالها للمرجعية ...امام منزه في مرتبة تقترب من الانبياء و هو مصدر التشريع و الافتاء الوحيد طبقا لتعاليم الشيعة الامامية سواء كانوا اثنا عشرية او جعفرية


اما رد المرجعية فلا تعليق عليه سوى سؤال بسيط...يا تري ايها الامام هل تفعل ذلك بابنتك ايضا؟

خالص تحياتي

Fantasia said...

العزيزة إيمي

معاكي حق تتنرفزي. حاجة تثير التقزز والأرف فعلا.. إذا كان أبو البنت ولا كلام الشيخ ده.. مش عارفة شيخ من أنهي ناحية, لكن أسمه شيخ, وهيفضل شيخ وهيفضل يفتي رغم أنف الجميع.. ودي هي المأساة بقى

تخيلي لما الناس ترضى على نفسها إنها تمشي ورا مفتي زي ده! طب الناس دي بتعمل كدا ليه؟ مش عشان غاويين على فكرة.. إنما عشان فاكرين إن هو دا الدين, وإنهم لازم يلغوا عقلهم ويمشوا ورا شيخ لابس عمة, ولو حد مش لابس عمة قالهم الشيخ دا بيقول كلام غلط هيقولوه يا جاهل انت إيش فهمك في الدين؟ ويرفضوا يسمعوا كلامه من أصله أو يمرروه على عقولهم

البنت دي مش ضحية أبوها ولا ضحية الشيخ بس.. دي ضحية المجتمع اللي هيا نشأت فيه, وهيفضل فيه غيرها ضحايا كتير طول ما احنا شايفين ديننا بيتقتل قدام عينينا وساكتين

خالص تحياتي

Fantasia said...

العزيز عم مينا

معلش, حقك عليا. أعمل إيه؟ ماهو بدل ما أطق أنا لوحدي. قولت يمكن اللي أنا شايفاه دا تهيؤات ولا حاجة, حبيت أتأكد إني نايمة مش صاحية.. لكن طلعت صاحية للأسف

خالص تحياتي

Fantasia said...

العزيزة حنين

أنا متفهمة وجهة نظرك بالفعل وعارفة إنها بدافع غيرتك على دينك. لكني فقط أردت أن أوضح الفارق بين العقيدة الشيعية وبين ما يلصق بها من أقاويل. فالفارق بين السنة والشيعة ليس بالحجم الذي يتصوره معظم الناس والسبب فيه هو الطائفية الموجودة حاليا في بعض البلدان الاسلامية بكل أسف. هذه الفتن كلها محركها سياسي قبل أي شيء, كما أن ما يبدو من اختلاف عقائدي بين السنة والشيعة جاء لاحقا لأحداث الفتنة الكبرى التي كانت حدث سياسي أيضا. فما قصدته بجوهر الخلاف هو منبعه ومغذيه

خالص تحياتي

Fantasia said...

العزيزة مشمش

كلامك صح.. مش كل الناس عاقلة, لكن لازم نعقلهم, ما ينفعش اللي مش عاقلين هما اللي يمشونا على مزاجهم ونعملهم حساب. ما هو إحنا لما بندي المجانين قيمة بتكون النتيجة هي اللي انتي شايفاها دي

أنا مش جريئة ولا حاجة, أنا حقانية وبس. وإنتي من حقك تقولي رأيك زي ما أنتي عايزة, خصوصا عند أختك فانتا

خالص تحياتي

Fantasia said...

العزيزة قطة الصحراء

هههههه.. لأ كازينو إيه.. دي الكازينوهات محترمة يا شيخة, حرام عليكي تبوظي سمعتهم
حاجة آخر ترالالي يا قطة.. شوفتي شيوخ آخر زمن؟ لأ أنا اللي غايظني إن البنت بتقول على أبوها متدين! هو المتدين دا بيبقى بالشكل بس؟ خلاص بقت رسمي يعني؟
أبوها متدين, والشيخ متدين.. باين إحنا اللي هنطلع فاسقين في الآخر

خالص تحياتي

Fantasia said...

الاستاذ العزيز رئيس جمهورية نفسي

هي صكوك الغفران ابتدت تظهر بالفعل, لكنها صكوك شفوية.. ناقص تتحول لصكوك مكتوبة
المشكلة في حالة الكسل والاعتمادية اللي بيغذيها الشيوخ دول وسط الناس
يعني الحكاية بقت إنهم بيخوفوا الناس من الاجتهاد في تفسير الدين وبيقولوهم إنهم لو أخطأوا هيشيلوا ذنب خطأهم, بينما لو سألوا مفتي والمفتي هو اللي أخطأ يبقى اللي مشي على كلامك متأمن وفي السليم وما يشيلش وزر!.. مع إن الإسلام مفيهوش كدا أبدا.. بالعكس.. دا ربنا قال وعد المجتهد بأجر حتى لو أخطأ, وأجرين لو أصاب. نفسي أفهم الناس بينضحك عليها بسهولة كدا ليه؟ ولا هما اللي فعلا كسلانين ومش فارقة معاهم صح من غلط؟
هي فعلا المنظومة كلها فاسدة.. من فساد سياسي, لفساد أفراد, لفساد مجتمع, لفساد ثقافة.. شيء يجيب إحباط
إمتي هنفوق؟ إمتي التور هيرفع الغمامة ويرفض يلف زي ما قال عم جاهين؟

خالص تحياتي

Fantasia said...

الاستاذ العزيز أنا حر

هو كان مطرب حمبولي ولا شيخ حمبولي؟ ع العموم شيخ حمبولي لايقة عليه فعلا
لأ وغاظتني أوي أهلا بكم اللي بيختم بيها كل فتوى دي! دا انت لو دخلت ع الموقع بتاعه مش هتقدر تمسك نفسك. بيتكلم بمنتهى البرود ولا على باله إنه بيتحكم في مصاير ناس حوجهم الزمن المهبب إنهم يعتمدوا على كلامه. كأنه واقف في كشك والناس بتعدي عليه طابور ياخدوا بركة الحاج نادي.. وكل اللي معدي يقوله أهلا بكم, أبقى تعالى تاني! حاجة بجد يعني تفقع المرارة

خالص تحياتي

Fantasia said...

الأستاذ العزيز واحد مصري

تصدق نفس السؤال دا سألته وأنا بشوف الفتوى دي؟ هل يا ترى اللي يحلل حاجة زي كدة يكون بيحللها لنفسه أيضا؟ ولو ما يقدرش يعمل كدا, يبقى بأي منطق بيحللها لغيره؟ يعني كدا نيلة وكدا أنيل

البنت فعلا مسكينة. يا ريته كان كتب إزاي الرسالة وصلته حتى, لو ليها إيميل كان ممكن حد يتدخل ويساعدها. لكن للأسف مكتوب عليها تروح ضحية لضمائر ميتة, وفيه غيرها كتير بيحصلهم نفس الشيء وما يقدروش يتكلموا حتى. كل دا بيحدث تحت السطح في مجتمع يطلق على نفسه مجتمع متدين ويأخذ من الدين ستارا للحكم وبسط النفوذ واستغلال البسطاء. تراجيديا مأساوية متعددة الفصول

خالص تحياتي

عاشور الناجي said...

فانتا أنا بعد إذنك نشرت تدوينتك بس أزيدك معلومة الخميني نفسه كان يستمتع بالرضع رضيعة موش طفلة و كاتب ده كفتوى في أهم كتبه و ده حقيقة للأسف الطمي بق

some one said...

فى حاجه مهمه كمان لازم مننسهاش
ان الرسول صلى الله عليه و سلم معملكش كده مع السيده فاطمه رضى الله عنها
و دى كذبه طبعا
من كذب الشيعه الأثنى عشريه

و تأليفه من تأليفاتهم و كذبه من كذباتهم التى لا تحصى و شكرا