Sunday, January 27

فنجري البق


وتستمر مغامرات اللي بالي بالك ف الشارع المصري بفشل ساحق! عصابة عاكف وشركاه قررت انها تعمل شبورة مظاهرات علشان تستغل الوضع في غزة في تهييج الرأي العام. وكالعادة طلعت منهم أوت.. لانهم مكنوش متخيلين ان النظام المصري هيساعد الفلسطينيين في غزة بالشكل اللي كلنا شفناه ده
وواضح ان البعدا مابيتعلموش ولا بيتكسفوش على دمهم. يعني مش يلموا نفسهم ويقولوا يا حيطة داريني بعد الفضيحة بتاعة البرطمان الأوروبي؟ لأ.. دول راحوا سايقين فيها. وتمادوا كمان في رفض الموقف المصري من البرلمان الأوروبي. والكلكيعة البرطمانية بتاعتهم قعدوا يجعروا ف الجلسات ويعترضوا على أي حد يفتح بقه

عضوين من الكلكيعة البرطمانية قاعدين يغلوا ف نفسهم ولا قاسم السماوي


أنا الصراحة جالي انتعاش الاسبوع اللي فات وأنا شايفاهم بيتغسلوا من كل الجرايد وكل الصحافيين الوطنيين, بتوع المعارضة قبل بتوع الصحف الرسمية. يا شماتة أبلة ظاظا فيكو ياللي ماتتسموش! تستاهلوا. يلا خلوا ريحتكو تطلع علشان نخلص من كتمتكم على نفسنا والصداع اللي انتم عاملينهولنا ع الفاضي
الا عمرنا ما شفنا منكم غير كلام وبس. دوشة دوشة وزعيق وصويت ونواح وولولة زي الولايا.. وعلى طول مش عاجبكم حاجة. طب ورونا أمارة للفتونة دي؟ هو الموضوع خدوهم بالصوت يعني؟

المهم يا سادة يا كرام, لما اسرائيل فرضت الحصار على قطاع غزة, الغربان اياهم قالولك لازم طبعا نولعها حريقة
ماشي.. وماله؟.. كويس.. هات الولاعة يا عم.. يلا بقى على اسرائيل
قالك لأ.. اسرئيل دا إيه؟.. مين جاب سيرة اسرائيل؟
طب نروح على غزة يعني؟.. قصدكو نعمل حريقة تنور الضلمة بعد الصهاينة ما قطعوا عليهم الكهربا؟
قالك لأ برضه.. لا هنور غزة, ولا هنولع ف الصهاينة
الله؟؟ أمال عايزين إيه يا بعدا؟
قالك نولع ف مصر طبعا
لييييييييييييه؟ هي مصر مالها؟ عملت إيه مصر؟ ما التحذير بتاع الحصار وقطع الكهربا دا اسرائيل اعلنته رسمي من شهرين. وقالت ان مفيش تراجع عنه طول ما الصواريخ الصفيح بتاعة حماس نازلة عليهم. وحماس هي اللي أصرت تفضل تفرقع الصواريخ اللي عمرها ما عورت صباع واحد اسرائيلي دي. وف اليوم المشئوم دا رموا على اسرائيل 7 صواريخ حتة واحدة, وهما عارفين اللي هيحصل. مصر مالها ومال الموضوع بقى؟
قالك ما هو لازم مصر تبقى هي السبب وخلاص.. يعني معقول نسيب فرصة زي دي من غير ما نستغلها؟
يا نهاركم اسود! طب يعني هتعترضوا على إيه؟
قالك أهم حاجة نستغل كره الشعب المصري للحكومة, وكرهه لاسرائيل, وتعاطفه مع الفلسطينيين علشان نبان ف الصورة. قال يعني احنا اللي بنساعد الفلسطينيين وبنحارب اسرائيل. ونطلع مصر دولة عميلة ومتعاونة مع الصهاينة على تجويع الفلسطينيين
هههههههه.. إيه كلام المجانين ده؟ طب إزاي يخش العقل يعني؟ دا إحنا واقعين مع اسرائيل وقعة كحلي ومنشفين دماغنا على الآخر. دا حتى البرلمان الأوروبي قلبنا عليه الترابيزة وقاطعناه. وبوش زيارته فشلت واتبهدل واتهزأ في مصر, دونا عن الدول اللي زارها ف المنطقة كلها, اللي خدته بالحضن وغرقته احتفالات وهدايا.. إيشي دهب, وإشي ياقوت, وإشي مرجان.. بركاتك يا عم بوش. يبقى ازاي يعني تطلع مصر هي اللي عميلة وشريرة ومطنشة؟
برضه مفيش فايدة.. اللي ف دماغهم ف دماغهم. قاللك أهو احنا نقول كدة وخلاص. هو حد هيدور ورانا؟ يا عم احنا نطلع بالشويتين بتوعنا دول, وكلام من اللي يقطع القلب, على شوية دين, وأهي تمشي الحكاية زي الفل

ف الآخر عملوا اللي ف دماغهم. راحوا طالعين في ميت مظاهرة مع بعض (اصحوا للون بقى, ما هو تنظيم سري) وراحوا رافعين المصاحف, وهاتك يا هتافات.. إشي شتيمة ف العرب, على شتيمة ف الحكومة, على تكبير, على أوامر بفتح المعبر اللي كان بيتفتح فعلا وهما فاتحين الجعورة ولا داريانين.. ونسيوا بقى اسرائيل, والغارات اللي بتعملها ف عز ما هما بيصوتوا.. لأ, وأحلى هتاف عاجبني أوي بتاع "سلحونا ودربونا وعلى غزة ودونا" هههههههه
ما تتفضلوا ياخويا منك ليه! ما هو المعبر مفتوح أهه.. روحوا ورونا نفسكوا.. يلا حاربوا يا حلوين وانصروا أهلكم ف فلسطين. مستنيين إيه؟ خدوا جيش صامدون بتاعكو وهوونا يلا.. اعملوا حاجة مفيدة بدل الصويت والردح والكلام الفارغ.. ما يلا! اتلحلحوا. هرررررررر. يا لهوي ع اللزقة! يا لهوي ع التلامة! يا لهوي على منظركم اللي يكسف

والنبي عايزة أعرف مال المصحف ومال المظاهرات يا كباتن. يعني لو حد فيكم كدة يشرحلنا الموضوع. أكون شاكرة أفضاله. يعني إحنا كلنا مؤمنين الحمد لله. والمصريين كلهم, مسلمين ومسيحيين طول عمرهم واقفين واقفة مجدعة مع اخواتهم ف فلسطين. المصحف بقى ماله ومال الموضوع؟ يعني دا كتاب مقدس. رايحين تبهدلوه ف المظاهرات وشغل الجلا جلا والتلت ورقات بتاعتكم ليه؟ مش دا حرام؟
إيه الرمز يعني؟ علشان الناس تعرف ان المظاهرة عاملينها الاخوان؟ طب ما هما هيعرفوا من الهتافات الفارغة بتاعتكم. وبعدين شكلكو بيفصح عن نفسه يعني, أشهر من النار على علم!.. عايزين تقولوا إيه يعني من حركة رفع المصحف دي؟ ان اللي ف غزة مسلمين؟ طيب ما غزة فيها مسيحيين برضه! ولا ناويين تكفروهم هما كمان؟ ولا حماس هي كمان ناوية تخليهم مواطنين درجة عاشرة؟
بجد مش فاهمة قصدكو إيه؟ يعني مثلا لو الفلسطينيين دول مكنش فيهم مسلمين, مكنتوش اهتميتوا بيهم؟ يولعوا يعني ساعتها؟ ولا تكونوا فاكرين ان إحنا اللي مش مسلمين علشان مش رافعين المصاحف ف الشارع؟


عيب أوي الحركات العرة دي يا كباتن! عييييييييييييييب. اختشوا. بلاش استغلال الدين ف السياسة بالشكل المهين ده. يعني انتوا هينوا نفسكم زي ما انتم عايزين. لكن كلام ربنا طلعوه برة الموضوع.

وبعدين هو حزب الكرامة أحسن منكو؟ ما حمدين صباحي راح غزة! أمال الحج مهدي عاكف قاعد ليه؟ بيدفا تحت البطانية؟ بس كان باين عليه في غاية النشاط والحيوية ما شاء الله وهو عمال يشتم ف البلد ف المؤتمر الصحفي بتاع التضامن مع غزة! خير يعني ماحدش بيشوفه ليه؟
دوشتونا بس ع الفاضي. وهاتك يا شعللة ويا شتيمة ف موقف مصر. قرفتونا على البلوجات يا فنجرية البق. وآخر حاجة واحدة من الأخوات قاعدة تلف على البلوجات تكتب "غزة حررت مصر"! إيه الهبل ده؟ ههههههههه


العاكف على شتيمة مصر.. قمة الحماس ف الردح والشتايم.. وطظ يا عم ف مصر

مصر طول عمرها شرف للعرب. طول عمرها أكتر دولة بتدعم القضية الفلسطينية. طول عمرنا حاطين اللاجيئين العرب ف عنينا وبنعاملهم أحسن معاملة. أنا لسة فاكرة أيام غزو الكويت, لما المدارس المصرية فتحت أبوابها للطلبة الكوايتة, ودخلوا قعدوا جنبنا ف الفصول اللي كانت سايعانا بالعافية. وكنا مبسوطين ومرحبين ومتعاطفين. واحنا برضه اللي دلوقتي بنضم العراقيين والفلسطينيين. مفيش حد يقدر يزايد على مصر. مفيش حد يقدر يزايد على الشعب المصري الأصيل الجميل المضياف. مفيش حد يقدر يزايد على تعاطف المصريين الفطري مع جيرانهم العرب, بحكم الدم قبل أي اعتبارات تانية. مش بفنجرة البق هتعملوا نفسكوا أبطال. مش بالصوت العالي هتسرقوا اللي الشعب كله بيعمله بتلقائية ومن غير انتظار مقابل. مش بالتخوين واتهام بلدكم بالعمالة هتبقوا مسلمين

اتقوا الله يا اخوان.. اتقوا الله في بلدكم. اتقوا الله ولا تجعلوا مصالحكم الشخصية تعميكم أكثر من ذلك. اذا كنتم تريدوننا أن نصدق اقوالكم, فالأجدر بكم ان تثبتوا ذلك بالفعل.. الأجدر بكم أن تهبوا لمساندة وطنكم الذي يرفع رأس كل العرب. الأجدر بكم ان ترجعوا للحق, وأن تعترفوا ان التضحيات التي تقوم بها مصر الآن لا يمكن لأي دولة أخرى أن تقوم بها. نحن أكثر بلد ضحى بدمه وماله في الحروب مع إسرائيل. نحن البلد العربي الوحيد الذي يتحدى اسرائيل ويصمد أمام ضغوطها ومخططاتها. أم ترى كل ما تريدونه هو سقوط بلدكم, حتى لو كان ذلك على أيدي الصهاينة؟

انتم تعلمون الضريبة التي تدفعها وستدفعها مصر بسبب تحديها القوي للارادة الاسرائيلية. اسرائيل ممكن ان تتدخل عسكريا في أي لحظة بحجة عدم احترام مصر لاتفاقية المعابر. الجندي الاسرائيلي ممكن يدخل بيوتكم غدا أو بعد غد. فافيقوا من غفلتكم. وهبوا لتوحيد جبهة وطنكم وحماية اهلكم قبل فوات الأوان

يا عالم اصحوا .. فوقوا .. اقروا .. فكروا .. الاخوان مش فارقة معاهم مصر ولا فارق معاهم فلسطين .. كل همهم يوصلوا للحكم, حتى لو في ظل احتلال اسرائيلي, ولا تفرق معاهم. وحماس واخدة الشعب الفلسطيني رهينة علشان تتغلب على فتح. الشعوب هيا اللي بتدفع التمن ف الآخر. 150 صاروخ ضربتهم حماس على اسرائيل اصابوا 2 مدنيين! وف المقابل كام واحد فلسطيني مات؟ كام واحد فلسطيني اتشرد؟ كام واحد فلسطيني اتصاب؟

اسرائيل بتخطط جديا انها ترمي مسئولية قطاع غزة على مصر! يعني عايزين يصفوا القضية الفلسطينية. مش هيتبقى من فلسطين غير رام الله! حد متخيل؟ خشوا شوفوا الخطط الاسرائيلية المنشورة ف الجرايد بتاعة الصهاينة .. اقروا اللي بيقولوه وشارحينه بالخرايط .. يا ناس بلدنا بتضيع مننا وأحنا عاملين زي العيال اللي بيجروا ورا عربيات الرش!! يا ناس خافوا على بلدكم شوية. لو كانت هزيمة العدو بالكلام والشعارات كان زمان اسرائيل دي مالهاش وجود من زمان! يا سلام, دا إحنا أحسن ناس كلمنجية.. هو احنا فالحين غير ف الكلام؟ والكلام الفارغ تحديدا.. بس يا ريت! مكنش حد غلب

لو عايزين نهزم اعداءنا بجد, يبقى لازم نكون إيد واحدة, وندي اللي بيفرقونا وبيهدونا بالشلوت. لازم نتعلم ونعرف, ننتج ونطور, نقف على رجلينا ونقضي على مشكلة الفقر اللي ناحلة وبرنا. لازم نتوحد في موقفنا ضد عدونا الخارجي, عدونا الحقيقي.. مش نتخانق مع بعض زي العيال! لازم نبطل نتخدع في أي حد يخش علينا بالحنجل والمنجل علشان يسلك مصالحه. يا ناس احنا مالناش غير مصر, ومصر مالهاش غيرنا. لو طعناها ف ضهرها, نبقى بنطعن نفسنا. بصوا حواليكو.. وفتحوا عنيكو قبل ما ييجي علينا الدور

شوية لينكات ع الماشي.. ممكن تفوق اللي عنده غيبوبة .. مقالات من الصحف الاسرائيلية
ثبوت البديل المصري



وأخيرا, أوامر مشعل لعاكف باشعال المظاهرات في مصر
.. إللي عمرهم ما ضربوا بمبة ف اسرائيل

117 comments:

Unknown said...

عيب علي مصلر التخلي عن دورها التاريخي و الريادي
ازاي مصر تجوع غزه
مصر هي السبب في خروج السعوديه من كاس العالم

متعرفيش مصر هاتعمل ايه ولا ايه الي يشوف كده يقول مصر هي الي كانت بتضرب الصواريخ الخيخه دي علي اسرائيل و هي الي حاصرت غزه

متفهميش عايزين ايه يعني نلغي اتفاقية السام و ندخل ولادنا في دوامة الحرب

بوست جميل اوي يا فانتا كالعاده
ايمآ متميزه يا فمر

Hypatia said...

فانتا حبيبتى
مشكله البلد دى ان اللى قادرين على تغييرها مش بيحبوها قد ما بيحبو مصالحهم
زى ما الحزب الوطنى ورموزه مش بيهتمو غير بمصالحهم الاخوان مش بيهتمو غير بمصالحهم
وللاسف الناس البسيطه واثقه فى الاخوان وبتنتخبهم وكره الناس للحزب الحاكم بقى بيصب فى مصلحه الاخوان مش مصلحه البلد
ورغم عدم استغلال الحكومه لظروف غزه لتكسب بعض الشعبيه-اطلعى على التدوينه الاخيره لرامز الشرقاوى-الا ان الاخوان استطاعو انهم يستغلو الظروف اللى فى غزه لمصلحتهم لو انا وانتى فاهمين فا فى ناس كتير مش فاهمه وفاكرين ان الاخوان هما الخلاص وطوق النجاه والاخوان زمان كان طموحهم المادى طاغى على طموحهم السياسي لكن مع تدهور حال البلد ابتدى الناس تتجهلهم فا ابتدو يطمعو وياملو فى السلطه السياسيه

زى بالظبط المنتخب
مكانش فيه امل قبل البطوله انهم ياخدوها لكن لما كسبو اول مباراه طمعو ومستوى طموحهم ارتفع
لكن ان شاء الله المنتخب حياخد البطوله والاخوان لا
:)

تعرفى يا فانتا ايه اللى حيظهر الاخوان على حقيقتهم للناس البسيطه
ان مصالحهم تتفق مع مصالح الحزب الحاكم ساعتها حيبقو سمن على عسل والوجه القبيح للاخوان حيظهر

بالنسبه لغزه بقى
انا رغم التعاطف الشديد مع الاخوه فى غزه لكن انا معترضه على انتهاكهم لحرمه الحدود المصريه بالشكل ده والتمادى فى كده لدرجه انهم واقفين للعساكر بتوعنا بالسلاح وبيهدو الخط الحدودى بالجرافات
يحضرنى للاسف تاريخ الفلسطنيين فى الاردن فاخاف على مصر



فانتا مسؤوليه اللى حصل فى غزه متساويه بين حماس واسرائيل وعباس
واعتقد ان مصر عملت اللى عليها والجمعيات الحقوقيه ورجال الاعمال الشرفاء والنقابات المهنيه على راسهم نقابه الاطباء قامو بالواجب وزياده وكل واحد مصري بسيط فى ايده حاجه كان حيعملها بدون جعجعه وشعارات


اهم حاجه بقى ان فى عز ازمه غزه سامى الجابر اتعمل ماتش اعتزاله اللى تكلف ما يعادل الاربعين مليون دولار
واحلى سلام للسعوديه
تراترا تا تررا راراتا

Samir Saad said...

أولا كلام جميل وزاويه جديدة للرؤية.
ثانيا بخصوص أن نرى من الإخوان فعل بدل الكلام، ياريت تحددي الفعل دا -إيجابي ام سلبي - لاننا شفنا منهم فعال سودا ومواقف سلبية بكفاية.
أيضا بخصوص تعاطفنا مع العرب بحكم الدم، فأنا عايز أقول انه مفيش دم يربط بين المصري ابن الفراعنة وبين العربان.
ثالثا شكرا على اللينكات اللي بالبوست
رابعا أنا حابب أكرر كلام الدكتور فرج فودة عن الناس دي: "إن أعجزهم الاجتهاد الملائم للعصر رفضوا العصر، وإن أعجزهم حكم مصر هدموا مصر."

تحياتي واحترامي

Empress appy said...

والله بعد كلامك مش عارفه اقولك ايه بس اقولك على حاجه فلوس الاخوان للاخوان مش لمصر بس ودى كفايه ولما يمسكو ا الحكم فى المشمش اذا كانوا هما 8مليون فباقى ال80مليون ضدهم هما بس يبطلوا غسيل مخ للشباب او حاجه تانيه يعدلوا من نفسهم شويه يا ريت احنا مش ضد ان الدوله يحكمها ناس كويسه بس برضه افكارها نظيفه

Alexandrian far away said...

العزيزه فانتازيا
مقال جميل فعلا
والروابط جيدة جدا وتدل على شخص متابع بشكل مميز
لكن أسمحي لي يوجد جزء بالتدوينه أستعصى على فهمي ولو تكرمت علي ببعض التوضيح أكون شاكر لك والجزء هو:

لو عايزين نهزم اعداءنا بجد, يبقى لازم نكون إيد واحدة, وندي اللي بيفرقونا وبيهدونا بالشلوت. لازم نتعلم ونعرف, ننتج ونطور, نقف على رجلينا ونقضي على مشكلة الفقر اللي ناحلة وبرنا. لازم نتوحد في موقفنا ضد عدونا الخارجي, عدونا الحقيقي.. مش نتخانق مع بعض زي العيال! لازم نبطل نتخدع في أي حد يخش علينا بالحنجل والمنجل علشان يسلك مصالحه


تحياتي وشكري

على باب الله said...

أنا كمان حابب أكرر كلام الدكتور فرج فودة عن الناس دي: "إن أعجزهم الاجتهاد الملائم للعصر رفضوا العصر، وإن أعجزهم حكم مصر هدموا مصر."

هو ده ببساطة هدف الإخوان

فيها ... لأخفيها

---

و علي فكرة كتائب ( صامدون ) بتاعة الأخوة الأعداء دول .. أسكتي .. مش طلعوا عيال بيعملوا عرض مسرحي

زي ما قال عكفكف

و طبعاً أحنا داقين عصافير و داقين حمير كمان .. و ها نصدق

و لا حتي ما نصدقش .. إنشلا عننا ما صدقنا

مش عكفكف ده قال طز في مصر

يعني طز فينا بقي

إنشلا ما صدقنا

---

Fantasia said...

ايمي العسل
دا مصر دي طلعت شريرة أوي يا ايمي ومحدش عارف
دي مصر طلعت شريرة اكتر من اسرائيل نفسها
شوفتي الهنا اللي احنا فيه
على رأيك, مش بعيد تلاقيهم طالعين علينا بقصة من بتوع شاوشاو ناوناو اللي بيطلعوا بيها كل شوية, علشان يقنعونا ان مصر هي سبب كل البلاوي اللي بتحصل ف العالم

يا حبيبتي هما لا عايزين سلام ولا عايزين حرب
هما عايزين الكرسي
قعديهم انتي بس ع الكرسي وهما ينبطوا ولا يطلعلهم حس غير على الشعب الغلبان

ما كل الدول اللي حصل فيها انقلاب وجه فيها نظام اسلامي حكامها كانوا بيقولوا نفس الكلام
وأول حاجة عملوها كلهم بعد ما قعدوا واترستأوا انهم جريوا على اسرائيل يطمنوها انهم مش ناويين يحاربوها ولا يحزنون.. وان الشعارات اللي وصلوا بيها للحكم كانت كلها للاستهلاك المحلي

يا بنتي دول بيلبسونا الطاسة
فاكرنا معاتيه البعدا

خالص تحياتي يا احلى ايمي

Fantasia said...

العزيزة نسرين
والنبي انتي جبتي اللي فيه المفيد
هو كدة بالظبط
مش قالولك بالفم المليان: حبيب حبيبي حبيبي
أهو أي حبيب لمصلحتهم هيجروا وراه بالمشوار

يا ريت يا نسرين تبعتيلي اللينك بتاع التدوينة اللي حكيتي عنها, أكون شاكرة
انا فعلا حزينة جدا ان فيه ناس كتير مش حاسة بالمصيبة اللي مصر فيها
وكل همهم يشمتوا ف الحكومة وخلاص
يخرب بيت ابو كدة
هي البلد لما تغرق هيفضل حد فينا سليم؟
ما كلنا ف مركب واحدة
الحكومة زفت.. نعمل إيه؟ نولع ف البلد علشان الحكومة تولع معاها؟
وبعدين الحكومة اداءها ف السياسة الخارجية مش بنفس سوء ادارة المشاكل الداخلية. يعني المفروض الواحد يقول اللي ليه واللي عليه

يعني الظباط اللي اتصفى دمهم على الحدود, واتضرب عليهم نار من الحمساوية
ومع ذلك التزموا بالاوامر انهم ما يستخدموش السلاح مع أي فلسطيني حتى لو هاجمهم.. الناس دول مش مصريين؟ الناس دول مالهمش أهل قلبهم اتوجع عليهم؟
الناس دول يروحوا فطيس علشان احنا بنكره الداخلية وأي حد بيلبس ميري؟
مش ممكن! دا يبقى جنان. يبقى احنا ماعندناش ريحة التمييز

ولا الأخ اللي رايح بسلامته يرفع علم فلسطين فوق سنترال ف الشيخ زويد!! والفلسطينيين اللي داخلين بسلاح وقنابل
جايين يجاهدوا عندنا دول ولا إيه؟
الواحد يقول إيه ولا إيه
دي جزاة مصر؟ الواحد بعد كدة يقول أخرة خدمة غزة ..... ربنا يستر وتيجي على قد علقة

منوراني دايما يا نسرين بتعليقاتك الهايلة
وسمعيني أحلى سلام للسعودية يا أوختي
شيك شاك شوك

تحياتي يا قمر اسكندرية كلها

Fantasia said...

الاستاذ العزيز انوسنت
اتفق معك في ضرورة تحديد الفعل الذي نود أن نراه من الأخوان
فعلا.. كل فعلهم اسود ومنيل

هما يرفضوا العصر بمزاجهم.. اياكشي يرفضوا المغرب والعشا.. ولا يطلعلهم صبح قادر يا كريم
لكن يهدوا مصر؟ دا اللي مش لازم نسمح بيه ابدا. مش ممكن نلطخ ايدينا بدم بلدنا ونضربها ف ضهرها زي الناس الجبانة فنجرية البق ماهم عايزين

اللي عايز عيشة الكهوف, يتفضل يروح يترمي ف أي كهف ضلمة هو عايزه. الكهوف على قفا من يشيل. يروح بألف سلامة ع الصحرا بتاعة العربان على رأيك, ينقيله كهف بمنافعه
ويقعد ف الضلمة لحد ما تطلع العفاريت الزرق على جتته حتى
لكن يهدلنا بيوتنا بتاع إيه؟
يفرض علينا كلنا نعيش ف كهوف ليه؟
احنا مبسوطين كدة. ومش عايزين نسيب بيوتنا المهكعة. ولازم نحافظ عليها لغاية آخر يوم ف عمرنا

أما بخصوص صلة الدم, فلا استطيع ان انكر ان الدم العربي واحد. لا علاقة لذلك بالعنصر الثقافي والحضاري. ولكنه حقيقة, وواقع لا يمكن الفكاك منه

خالص تحياتي وتقديري

Hypatia said...

فانتا ده اللينك بتاع تدوينه رامز بخصوص غباء الحكومه وعدم استغلالها موضوع غزه لكسب بعض الشعبيه حيعجبك رامز اساسا دماغ

http://charkawy.blogspot.com/2008/01/blog-post_24.html

Samir Saad said...

يا فانتازيا المصريين أولاد الفراعنة. ودخولهم الإسلام لا يجعل منهم عرب. وإن تحدثوا العربية لا يكمن أن نطلق عليهم عرب. وفكرة القومية العربية أنا آراها وهما، حتى على المستوى الثقافي، فلكل بلد ثقافته ولكنته وعاداته وتاريخه. الإشتراك بالدين واللغة، لا يمنح صله الدم. نحن جيران، نحن شرق أوسطيون، نحن من ثقافات متجاوة. لكننا لسنا مرتبطين بدم.

تحياتي

The Alien said...

واضح إنك جايبة أخرك من الإخوان
معاكي حق

الغريب إن الناس مضحوك عليها مع إن الموضوع واضح
يعني مثلا جيش صامدون بتاع الإخوان دلوقتي عرفنا إنه كان خدعة وكلام فاضي وكل اللي بيقولوه عن الجهاد والحرب والمقاومة طلع كلام ف الهوا وطلعوا بتوع كلام وبس. ومع ذلك الناس لسه مش شايفة .. مش عارف ليه

أنا فيه حاجة مموتاني من الضحك
دلوقتي حماس فجروا السور وكسروه بالجرافات علي الحدود مع مصر .. يعني عندهم متفجرات وجرارات وبيعرفوا يهدوا أسوار. طب ليه مفيش حد منهم لغاية النهاردة قدر يشيل ولو متر واحد من الجدار العازل ف الضفة الغربية؟ ولا هما مش بيتشطروا غير علي مصر وكإنها هي السبب ف كل اللي بيحصلهم

أساسا إحنا ف موقف منيل بستين نيلة
الناس هناك ف غزة غلابة وملهمش زنب ف دا كله وحماس برضه متنحين وكإن ملهمش ذنب ف اللي بيحصل ومش هما السبب فيه. ومصر ملتزمة بإتفاقات مع إسرائيل مينفعش نكسرها وف نفس الوقت عايزين نساعدهم.
موقف صعب ومحدش عارف اللي حصل اﻷيام اللي فاتت هيكون نتيجته إيه

شكرا علي اللينكات
تحياتي

مصطفى اسماعيل said...

بوست رائع فعلن
وكتير شكرا ما تكفيش عالمجهود

بس حابب اكرر طلب Alexandrian far away
فى شرح النقطة دى

Fantasia said...

العزيزة appy
مصر مش عايزة فلوسهم أصلا. وبعدين دي مش فلوسهم.. متخلوناش نتكلم بقى
هما بس يحلوا عننا وهي تعمر
وبعدين 8 مليون ايه اللي معاهم؟ دول كبيرهم أوي يلعبوا ف مليون أو مليون ونص
مصر ما باظتش أوي كدة يا آبي
احنا لو عندنا أمل انهم يتعدلوا نبقى بنخدع نفسينا. الناس دي ليها أهداف واضحة ومفيش حاجة هتخليهم يتنازلوا عنها. ما يغركيش الحبتين بتوع التدين اللي بيداروا بيهم على بلاويهم

خالص تحياتي

Fantasia said...

الاستاذ alexandrian far away

اشكرك سيدي الفاضل على اشادتك للموضوع, وسعيدة انه حاز على اعجابك

اما بخصوص الجزء اللي حضرتك أشرت إليه
فما قصدته هو ضرورة العمل على اصلاح بلادنا حتى نتمكن ان نكون ندا لاعدائنا الذين يفوقونا في كل شيء من التعليم الابتدائي, للبحث العلمي, للتكنولوجيا, للقوة الاقتصادية -بالرغم من حالة الحرب الدائمة في اسرائيل, للنظام السياسي, للمستوى الثقافي والمعيشي للفرد, للقوة العسكرية, الخ
فلا يمكن ان يكون هناك سلاما أو حربا تصب نتائجها في صالح مصر طالما ان ميزان القوى يرجح كفة اسرائيل
الفقر يا سيدي الفاضل هو العدو الأسوأ والأخطر على مصر. الفقر يصيب الشعوب بالعجز, ويشل حركتها فيجعلها تتخبط وتفقد الاتجاه. الفقر يخلق الجهل, والجهل يخلق التعصب, والتعصب يخلق التطرف, والتطرف يخلق العنف والفتنة والتمزق. وكل هذا يؤدي للمزيد من الضعف والمزيد من التأخر والمزيد من القهر والمزيد من الفقر. هذه الدائرة الجهنمية تبتلع مصر وتهدد وجودها. لذلك فأنا أرى أنه يجب أن تقتلع المشكلة من جذورها, لا أن نبدد جهودنا طوال الوقت في وضع العربة أمام الحصان

لكن إلى ان تحل مشكلة الفقر, يجب ان نركز على الحفاظ على وحدة جبهتنا الداخلية وان نحميها من التفتت على ايدي البعض ذوي المصالح والمغرضين. يجب ان نبقي على وطن متماسك وأرض واحدة ودولة مدنية, فهذا هو الاساس الذي يتيح لنا امكانية الاصلاح والتطوير والتقدم. فلا يوجد أمل في غد أفضل لمصر إذا خسرنا مصر. هذا ما قصدته يا سيدي, وهذا هو ندائي: الحفاظ على مصر يجب ان تكون له الأولوية القصوى

خالص تحياتي ومودتي

Fantasia said...

العزيز على باب الله

يا سيدي بعد الشر علينا من دق العصافير أو الحمير
وعكفكف هو وعصابة الاخوة الاعداء دول هما اللي مصيرهم يكونوا نكتة التاريخ

مع ذلك الاغلبية اللي ممكن تصدق معذورة
يعني هما كان قدامهم اختيار انهم يفهموا وفضلوا بمزاجهم انهم مايفهموش؟
ما هو الغلب والفقر وقلة المعرفة هي السبب. أنا مقدرشي ألوم الناس دي
الناس البسيطة المهمشة مسحوقين تحت ظروف معيشية صعبة

أنا اللي ألوم عليهم هما مدعي التعليم
الناس اللي بتنيمي للطبقة الوسطى ومع ذلك شغالين نفاق وراكبين الموجة, مع انهم مش بيعانوا بالقدر اللي بيصوروه, ولا ربعه حتى
يعني فيه من المدونين ناس كتير مش مهتمة تعرف حاجة
الناس دي منسوبة لجيل الانترنت, كلهم متعلمين ف الجامعات المصرية
ومع ذلك تلاقيهم مش مهتمين بالشأن العام ولا حاجة
وتلاقيهم متعاطفين مع الاخوة الاعداء وبيتكلموا كأنهم فقرا ومطحونين! حاجة غريبة
كأن التدين معناه اني اسقف لأي حد يتكلم باسم الدين وخلاص
كدة الواحد يكون أثبت انه متدين
والناس دي المصيبة انهم مش عارفين انهم بالنسبة للاخوان شوية فاسدين عقيدة ومالهمشي أي لازمة
ممكن يبيعوهم كلهم بكرة الصبح لو مصلحتهم ف كدة

الناس التانية اللي تتلام برضه هما الصفوة المثقفة
اللي عازلة نفسها عن فئات الشعب وبتتكلم من برج عاجي

لازم نلاقي حل

خالص تحياتي واحترامي

Fantasia said...

الجميلة نسرين

شكرا على اللينك يا قمر
فعلا مدونة هايلة وشاكلي هازورها كتير
مش عارفة الواحد هيلاحق على ايه ولا ايه

تحياتي وامتناني

Fantasia said...

الاستاذ العزيز انوسنت

أنا مش معترضة على مبدأ الخصوصية الثقافية وتفرد الهوية, ودا شيء أساسي لأي شعب متحضر
لان الكيان المستقل عنصر اساسي في دفع الشعوب للتطور والسعي للتقدم. دي مفيهاش كلام. ومتفقة معاك ان الاصول العرقية مختلفة, وعلم الاجناس بيثبت ده. لكن اختلاط الدم بين شعوب المنطقة أصبح أمر واقع لا يمكن اغفاله. كما ان المنطقة العربية يجمعها تاريخ مشترك ومصير مشترك ايضا. مصر الآن لا يمكن بأي حال من الأحوال عزلها عن المنطقة العربية والهوية العربية والمصير العربي

أنا أعلم ان الاعباء الملقاة على عاتق مصر كبيرة. لكن هذا وضع فرضته ظروف التاريخ والجغرافيا, وأنا أضيف اليهما عنصر الموارد البشرية التي تتمتع بها مصر

في رأيي الخاص
ما ينقصنا هو تحديد الهوية المصرية ورسم حدودها وصياغة شخصيتها المستقلة في داخل هذا الكيان الكبير. لا نريد مصر ان تصبح مجرد سمكة في بحر, أو ان تصير فريسة سهلة لحيتان البترودولار, أو ان تتحلل تماما في المياه المالحة. وفي نفس الوقت لا نريدها ان تكون جسما غريبا, لايرتبط بمحيطه, فيعيش في عزلة وضياع

يجب ان نعي معنى الهوية المصرية, ما معنى ان نكون مصريين, ان ننتمي للثقافة المصرية والجذور المصرية, ان نعبر عن الحضارة المصرية. كما يجب اعادة صياغة هذه المفاهيم بما يتناسب مع الواقع الحالي

تحياتي واحترامي

Fantasia said...

العزيز ألين

هو موضوع يضحك طبعا
بس بعد ما تضحك تبقى عايز تعيط

مصر ف موقف لا تحسد عليه فعلا
لان للأسف اللي جوا بيضغطوا عليها زي اللي برة
فالنتيجة هي قلة الحيلة والبهدلة

انت اكيد طبعا عارف حماس ماستخدمتش المتفجرات والبلدوزرات دي على المعبر اللي بين غزة واسرائيل ليه
بس مش عايز تقول يا لئيم
لكن خلاص وقت السكوت انتهى
هنستنى إيه تاني
إذا كان أخرتها واحد أهبل جاي يرفع علم فلسطين فوق سنترال في مصر! يبقى احنا نسكت ليه؟ هو حد له عندنا حاجة؟
الباشا اللي عمل كدة ما يقدرش يرفع علم فلسطين جوة غزة أصلا, اللي هي تحت سيطرة حماس
لكن بسلامته جاي يرفعه ف مصر, فاكرها سايبة

يا ألين الموضوع كله سيناريو مترتب
ومصر هي المقصودة
دول داخلين عندنا باحزمة ناسفة ومتفجرات واسلحة! تخيل؟
شوفت البجاحة وصلت لغاية فين؟
واحنا مقطعين قلبنا عليهم وعمالين نعيط

التجار بتوعهم فضوا المحلات اللي ف رفح والعريش, الناس اللي هناك مش لاقية تاكل. ماسابولهمش كيس رز ولا عدس واحد
حتى هدوم الناس كانوا بيشتروها منهم علشان يملوا بيها دكاكينهم
أنا مش ضد انهم ياخدوا اللي عايزينه
لكن بالعقل, هي نهيبة؟
أنا نفسي كنت كل سنة بتبرع بهدومي لفلسطين
لكن بعد المنظر اللي حصل دا, بجد ولاد بلدي أولى

لما تبقى حماس تفجر معبر كرم أبو سالم
يبقوا يقولوا اسطوانة الجهاد دي
على الاقل الغزاويين يروحوا شغلهم ويشوفوا أكل عيشهم
ما سكان غزة معظمهم بيشتغل ف اسرائيل
هما كانوا بيشتغلوا عندنا إحنا؟

تحياتي وتقديري

Fantasia said...

الاستاذ مصطفى اسماعيل

سعيدة بمروركم الكريم
وشاكرة على تعليقكم واشادتكم بالموضوع

لقد وضحت النقطة المشار إليها بشكل أكثر تفصيلا في ردي على الاستاذ Alexandrian
وأرجو ان يكون ما قلته وافيا

خالص تحياتي

Drop of the Ocean said...

فانتازيا الفيمينست الجميلة

بجد مبسوطة اوى عشان لقيت مدوناتك

"لأ, وأحلى هتاف عاجبني أوي بتاع "سلحونا ودربونا وعلى غزة ودونا" هههههههه
ما تتفضلوا ياخويا منك ليه! ما هو المعبر مفتوح أهه.. روحوا ورونا نفسكوا.. يلا حاربوا يا حلوين وانصروا أهلكم ف فلسطين. مستنيين إيه؟ خدوا جيش صامدون بتاعكو وهوونا يلا.. اعملوا حاجة مفيدة بدل الصويت والردح والكلام الفارغ.. ما يلا! اتلحلحوا. هرررررررر"
عندك حق والله ، فتح رفح فضح كل فنجرية البق اللى بيقولوا : "افتحوا الحدود بس وسيبونا نجاهد" اتفتحت اهى ، روح جاهد ياخفيف

والله مصر صعبانة عليا اوى ، متقطعة بين الاخوان والحكومة ، كل الناس عندها يمين ويسار ووسط احنا عندنا فوق وتحت بس .. مش عارفة هنخرج من اللى احنا فيه ده ازاى

حكاية ان غزة تبقى تبع مصر حاجة مش مضايقانى بصراحة ، ماهى كانت تبع مصر .. وبصراحة بدأت افقد الامل فى حلم دولة فلسطين .. يعنى مين هيمسكها؟؟؟؟ اهى اسرائيل انسحبت من غزة الفلسطينين قطعوا بعض عليها ومش عارفين يخرجوا م الازمة .. محدش يفهمنى كلامى غلط ، بس عمر ماكان فى حاجة اسمها دولة فلسطين وعمر ماكان الفلسطينين جنسية قبل ماتطلعلنا اسرائيل ف البخت الاسود، الفلسطينين كيان وهوية بس مش دولة ، ومش باينلها دولة للأسف ، ازاى دولة تبقى بالضعف ده مقسومة جغرافيا لنصفين ومعندهاش جيش وشعبها متغذى افكار جهادية ومش هيبطلها هتعيش بسلام جنب دولة مفترية وحشية زى اسرائيل عندها هوس امنى وعبط ف استخدام القوى ... انا يأست من الحلم ده
:(
:(
انا متضايقة من كلامى اوى ...والنبى حد يدينى امل ويفوقنى

Anonymous said...

حبيبتي فانتازيا

تصدقي بالله ؟؟
انتي صحيتي فية حبي للبلد دي من تاني بعد ما غاب عن بالي
بس فعلا انتي عندك حق في كلامك ده :
من اول ما قلتي يا عالم اصحوا فوقوا
لغاية اخر البوست
والله انتي بجد كلامك نفس كلامي اللي بقوله لصحابي و بردده في بالي
فعلا..انتي جبتي المفيد و لو كان بالكلام بس كان زماننا بقينا دولة عظمي و حررنا فلسطين من زمان قوي
وبرضه معجبنيش سلوك بغض الفلسطينيين لما دخلوا مصر وكانوا بيضربوا نار
ليه؟؟؟
انا مش بمن عليهم ولا حاجة
بس فعلا دي مش جزاة حرس الحدود ولا ده نصيبهم من حماية الحدود معاهم
بجد اتضايقت منهم في النقطة دي
و ياريت لو شرفونا تاني يبقي بلاش ضرب نار
احييكي يا فانتازيا علي كلامك
بجد ابدعتي
:))
تحياتي ليكي و ياريت تتكرر الزيارات زي زمان
سلام يا قمر

احمد الجيزاوى said...

الأخت الكريمة فانتازيا
كثروت طلبوه منى إن ازور مدونتك
وفعلا مدونه رائعة ربها مجهود رائع وجعلي اتهمنه إن أتعرف على حضرتك
وهذا اميلى ارجه مراسلتي لو حبيتي تكسبي صديق
Ahmedgazaye2007@yahoo.com

الأمر الثاني هو هجومك على الإخوان المسلمين بصراحة انا شيف انه هجوم مرتب مميز محترم ولكن لا يفيد في شي لأنه هجوم من برج عالي ليس عن تجربه من ارض الواقع
لهذا إنا أريد إن أثقل لكي تجربتك عن قرب وادعوكى إن تشاركين قافلة الاغاثه التي سوف تصل إلى غزة يوم الأحد إن شاء الله ولتكون لكي تجربه واقعيه وملمسه للإخوان المسلمين وتعرفي من هم واطلب منك إن تكتوبى فقط السلبيات لا الايجابيات لان الاصلى في هولاء البشر الملتزمين على العموم هو ان العمل لوجه الله لا يريدة اجر من احد غير الله ويتجنبه الرئا
لهذا اكرر الدعوة لسيادتك لتشاكينا الحمله
لتتعرفى على شباب يحلم بموت من اجلك واجل الامه الاسلاميه كامله
اريدك ان تتعرفى على شباب لا يطمع فيكى بل يحافظ عليكى ويحميكى اعرفك على شباب سوف يجعلوكى تامى وانتى متمائنه على نفسك وعرضك
واتحدة ان تجدى اى فكر او جماعه او حزب فى مصر سيحافط عليكى ولا يطمع فيكى مثل شباب الاخوان
بعد هذة الرحله الى غزة ادعوكى الى زيارة مكتب الارشاد وفقط اريدك ايضا ان تكتوبى السلبيات لا نريد اجابيات ثم بعد ذلك سوف نذهب الى الجمعيه الشرعيه وجمعيه انصار السنه المحمديه وانتى تعرفى انه هؤلاء سلفين اكثر تشدد من الاخوان ايضا اثقلى تجربتك من ارض الواقع واكتبى فقط السلبيات
بعدة التجربه التى اطلبه منك انا متاكد انك سوف يكون لحوارك الذى تجريه من برج عالى مسار اخر

لكى طبعا حق القبول والرفض
ولكن احب اوضح امرين الامر الاول انا لست عضو فى جماعه الاخوان المسلمين انا عضو حزب العمل الاسلامى
الامر الثانى كنت لا احب وانا استمتع بمقالك الرائع ان اجد فيه هذة الكلمات
*عصابة
*بيتغسلوا
*يا شماتة أبلة ظاظا فيكو
*تطلع علشان نخلص من كتمتكم على نفسنا والصداع اللي انتم عاملينهولنا ع الفاضي
*الغربان
*سلحونا ودربونا وعلى غزة ودونا" هذا الهتاف لم يهتف نهائيا
*الهتافات الفارغة
*الحركات العرة
لانه من حقك ان تنتقدى ولكن ليس من حقك ان تسبى وتشتمى الاخر
انا لا اريد ان اطول فى تفصيل على البوست الرائع لحضرتك
بس حبيت اوضح انى الحكومه المصريه لم تفتح المعبر بل الاخوة فى غزة همه من فجر سغرة فى السور فقط وبعد ذلك تركهم الامن المصرى يعبرة الى العريش هذا لتوضيح
انا فى انتظار قرارك بتجربه المدنيه واعتقد انه افضل بكثير من النقد من برج عالى ولو فى حاجه عوزة تفهميه انا تحت امرك
احمد الجيزاوى

Alexandrian far away said...

الصديقه العزيزه فانتازيا
مبدئيا أشكرك جدا على تفضلك بالرد والتوضيح
ثانيا : ما الذي جعلني أطلب التوضيح
الحقيقه أن تعبيرات مثل (وحده الجبهه الداخلية) و(أتحاد) و(توحد) و(تماسك) تصيبني بالقلق وتطلق جحافل من الفيران لتلعب جمباز في عبي فمثل تلك التعبيرات توصل ببساطة شديدة وتلقائية اسرة إلى تعبيرات من نوع ( شعب واحد..حزب واحد..رئيس واحد) وهو الكابوس الأكثر رعبا وبشاعة، الحفاظ على الجبهة الداخلية تعبير سىء السمعة في رأيي وأستعمل عادة وغالبا للتعتيم على اي تناقضات يعيشها المجتمع وتغطيتها ودفعها للتحول لأنفجار مدمر فيما بعد، طبعا لا أحد ضد وحدة الجبهة الداخلية، لكن كيف تكون تلك الوحدة؟
برفض تقسيم المجتمع طائفيا ودينيا وعرقيا؟
بأعطاء كل أفراد الشعب كافة الحقوق دون تفرقة على اساس الدين أو العقيدة أو العرق أو الجنس؟
أكيد
لكن ماذا عن التناقضات الرأسية وليست الأفقية، ؟
هل نوقف ونقمع الصراع الطبقي مثلا؟
هل نوقف صراع الطبقات المكافحة ضد اوزلاد الأفاعي الذين يريدون أن يأكلوا البلد والعه وملهلبه؟
هل نتوقف عن رفض تلك الحكومة العميلة الخائنه المدمره للوطن؟
هل نتوقف عن النضال ضد الطبقات الطفيلية التي تمص دمائنا وتفرغ الوطن من مضمونه؟
هل نتوقف عن النضال ضد جهاز الشرطة الفاسد المفسد المفسود؟
أسئلة عديدة؟
لكن المفهوم كبير جدا
الحفاظ على الجبهة الداخليه

طبعا اكيد
لكن اي جبهة داخليه
الجبهة التي تجمعني مع أحمد عز وحبيب العادلي ونجيب ساويرس مثلا؟

ما يفعله افاعي الأخوان الفاشيين هو تشويه للصراع الحقيقي
وضرب للحركة الحقيقية
الحركة ضد الطغيان والديكتاتوريه وسيطرة راس المال على الدوله

الحفاظ على وحدة الجبهة الداخلية؟
وأطيعوا الله وأطيعوا الرسول واولي الأمر منكم - هذا هو ما يطلقه الأخوان في نفس الأطار
أطيعوا
أتحدوا
تماسكوا
تحت قيادة رئيسكم الواحد الملهم وحزبه العظيم وابنه العبقري ووزرائه الجهابذه وظباطه الملائكه
بصراحه تفجير الجبهه الداخليه ارحم بكتير

النقطه الثانية هي : الفقر
أنا لا أؤمن بهذا التعبير الخرافي
الفقر
الذي يطرح كأنه قوة من قوى الطبيعة أو قانون من قوانين الفيزياء
كأنما يحدث وحده ويأتي من تلقاء نفسه كالأوبئة والعواصف
لا وجود لما يسمى فقر
الفقر عرض لسوء توزيع الثروة
العدو هو سوء توزيع الثروة
وإلا كيف سنقضي على الفقر؟
بأقناع السادة بالقاء فتات موائدهم للعبيد مثلا؟
لا حل سوى إعادة توزيع حقيقية للثروة
حينها يصبح الوطن حقا وفعلا وطن الجميع
وحينها ستتماسك الجبهة الداخلية وتتحد فعلا، شعب واحد لوطن واحد

تحياتي واسف للأطالة وشكري مره أخرى

Alexandrian far away said...

طبعا يا فانتازيا انا لا أحبذ كثيرا موضوع تعليق شخص على تعليق في مدونة غيره
لذلك أرشح لك هذه التدوينة المتواضعه تعليقا على أحد التعليقات

http://awayofalexandria.blogspot.com/2007/12/blog-post.html

Alexandrian far away said...
This comment has been removed by the author.
Fantasia said...

drop from the ocean
سعيدة جدا بتشريفك ليا واتمنى دوام التواصل
بصي موضوع ان غزة تبقى مسئولية مصر دا مش ممكن يحصل لأسباب كتيرة أوي
والمشروع الصهيوني عايز يزيح غزة ويرميها على مصر علشان يضعف مصر أكتر ويخلص هو من مسئوليتها ويصفي القضية وخلاص. أوعي تفتكري انهم عايزين سلام
اسرائيل بتحول حالة الحرب اللي هي فيها لمكاسب لا تحصى
يعني زي اللي بيعرفوا يحولوا التراب لدهب
واحنا للأسف بنساعدهم على ده

أنا معاكي ان فلسطين لم يكن لها وجود بالمعنى السياسي بسبب تناوب الاحتلال عليها, لكن هذه المنطقة معروفة ومحددة تاريخيا, لها شعبها وجذورها التاريخية, لكن حدودها السياسية كانت دائمة التغير حتى صارت غير محددة في وقت الاحتلال البريطاني قبل وعد بلفور اللعين, عندما اهداها من لا يملك لمن لا يستحق. واسم فلسطين موجود في كل المخطوطات القديمة, وقد أطلق عليها اليونان اسم
Palaistina
في القرن الخامس قبل الميلاد

وادعوكي لقراءة رواية باب الشمس لالياس خوري حتى تتعرفي أكثر على الفترة التي سبقت دخول الكيان الصهيوني الى داخل فلسطين, فالتاريخ السياسي يتجاهل الشعوب

الدولة هي الشعب الذي يعيش على الارض
لذلك تفرض اسرائيل امرا واقعا جديدا كل يوم بانشاء المستوطنات وتسكين المواطنين الاسرائيلين فيها

هل ستحل قضية فلسطين يوما ما؟
اذا قضينا على وجود الدولة نهائيا لن تحل بالطبع
واذا استمر الاصرار على وجود السلطة المتنازع عليها الآن بين فتح وحماس دون ارض أو شعب بالتأكيد سيخسر الجميع
شعب فلسطين مقهور, مظلوم, واقع بين مطرقة التمزق الداخلي وسندان الاحتلال الصهيوني. ولا يمكن ان يوجد دولته قبل ان يتوحد ويصير له صوتا واحدا
ان حماس الآن تخدم اسرائيل وتعجل بالمشروع الصهيوني ف المنطقة, كما ان السلطة الفلسطينية التابعة لحركة فتح تغلق سبل الحوار المباشر وتسعى لفرض سيطرتها على الامور, مستغلة فشل ادارة حماس وتخبطها التي تسبب خسائر هائلة للشعب الفلسطيني وتهدد قيام الدولة الفلسطينية ككل

وأنا اشفق على مصر من الزج بها داخل هذه الدوامة المدمرة

خالص تحياتي

Fantasia said...

العزيزة ميرميد

بجد اسعدتيني بتعليقك
ويا ريت حبك للبلد يفضل صاحي على طول
البلد عايزاكي وعايزة كل الناس اللي بيحبوها
اديكي شايفة اللي بيحصل وبيهددنا كلنا
مصر فيها أمل كبير لو فصلنا بينها وبين الحكومة وبين الظروف الصعبة اللي بتمر بيها
اما عن الفلسطينيين اللي ضربوا نار على حرس الحدود
فدول للأسف مغيبين من قبل حركة حماس اللي صورتلهم الموضوع على انه ثورة
وان مصر عدوتهم وان من حقهم استخدام العنف ضد ناسها
والفلسطينيين اللي داخلين باحزمة ناسفة وقنابل ومتفجرات
فاكرين انهم رايحين يجاهدوا
ف الآخر بتلاقي نفسك قدام شعب بيضرب شعب
والبشوات اللي بيحركوا كل دا قاعدين يتفرجوا ولا حد لمس منهم شعرة
شوفي اولمرت كان سعيد ازاي وكل دا بيحصل على حدودنا
أنا متخيلاه وهو عمال يقول لنفسه الناس دي لقطة, دول بيعملوا اللي انا مكنتش احلم بيه

اشكرك على اشادتك بالموضوع وارجو انه يدق جرس الانذار لناس كتير

خالص تحياتي

Fantasia said...

الاستاذ أحمد الجيزاوي

يا ألف خطوة عزيزة
أشكرك على أدبك الجم وثناءك على المدونة
بس يا ريت كنت تقولي مين اللي طلبوا منك زيارتي علشان أشكرهم

واضح انك بنيت تصورك ليا من خلال اللي كتبته أنا في ردي على على باب الله, وتخيلت طبعا اني بعتبر نفسي من الصفوة اللي بقيت في قعر المصفاة
أو تخيلت اني بنت منعمة مدللة فافي من بتوع مامي ودادي علشان عندي مدونات بالانجليزي
لكن أحب أقولك اني بنت بلد قوي وجدعة قوي
لا أنا ف برج عاجي ولا برج صفيح ولا أي برج من اساسه
يعني أنا عايشة ف وسط الناس وبتكلم لغتهم وعارفة مشاكلهم وأعرف اخوانيين كتيييير أوي
وهدفي من المدونة مش الهجوم, لكن التحليل والنقد الموضوعي

أما بخصوص الاخوة الملتزمين, فمعتقدش انهم هيهتموا بواحدة فاسدة العقيدة زيي
مش هقولك يموتوا من اجلي ولا حاجة, أنا بس عايزاهم يبطلوا يكفروني ويشككوا ف عقيدتي
لكن أنا والحمد لله أعرف أحمي نفسي وعرضي كويس قوي
مش محتاجة الوسادة الخالية بتاعة الاخوان علشان أعرف أنام وأنا مطمنة

هو حضرتك فاكر ان مهمة الحزب السياسي انه يبقى بودي جارد للبنات؟
ولا حضرتك فاكر ان لو الاخوان مسكوا الحكم الرجالة هيبطلوا يبقوا رجالة ويزهدوا ف الستات؟
يعني أنا أروح أنتخب واحد علشان مش طمعان فيا؟
طيب ومين اللي قال ان اللي مش اخواني هيطمع فيا؟
طيب ما أنتخب واحدة ست, إيه رأيك؟

يا سيدي الفاضل الكلام اللي انت قولته في حد ذاته مشكلة كبيرة
يعني انا مش محتاجة أروح مكتب الارشاد ولا أتعرف على المزيد من شباب الاخوان وحزب العمل الاخواني
أنا مش هدفي الهجوم.. أقول كمان؟ أنا مش بهاجم حد
أنا بوضح ان التأسلم السياسي دا مجرد وهم
ملوش علاقة لا بالسياسة ولا بالاسلام
وحضرتك ضربتلي مثال واضح على صحة موقفي
حضرتك بتقولي مفيش حزب يخاف عليا ويقطع نفسه علشاني ويحميني غير الاخوان
طيب ممكن لو سمحت تبعتولي حراسة لاني خايفة الاخوانجية يقتلوني بعد ما طلعوا عليا فتوى اني فاسدة العقيدة؟
ممكن أعرف ازاي ممكن الكلام الكبير الجميل المؤثر دا يتحول لفعل؟

هو دا اللي بتكلم فيه. كله كلام وبس
نيجي نطبقه مانلاقيش حاجة.. هوا.. كله كلام ف الهوا
ولا فيه رؤية واضحة, ولا برنامج سياسي واقعي, ولا افعال تؤكد صدق الكلام, حتى لو دول مجموعة أفراد, لا ليهم علاقة بحزب ولا حركة ولا تيار

طبعا لازم اشكرك على الدعوة للرحلة المجانية دي
عايزة بس اراجع معاك خط سير الرحلة
هنطلع على غزة وبعدين مكتب الارشاد وبعدين الجمعيه الشرعيه وجمعيه انصار السنه المحمديه
هنروح بالاتوبيس مثلا؟ طيب ما أنا مش محجبة والاخوة أكيد هيضايقوا من وجودي
وبعدين هو مكتب الارشاد مفتوح لأي حد يحب يزوره؟ يعني لو أنا مش مع حضرتك, هيسمحولي أدخل وأقابل الناس هناك؟

على العموم كويس اني عرفت مقدما ان موضوع غزة مش هيتحل من هنا ليوم الحد
واكيد مش ممكن يتحل اليوم اللي بعد القافلة على طول
هو سيد مشعل ماقلكوش هما ناويين يحلوه امتى؟

يا استاذ جيزاوي أنا عايزة أعرف حضرتك بتتبرأ من الاخوان ليه؟
مش الاخوان حلوين وطيبين وملتزمين وأحسن ناس ف الدنيا؟
طيب ليه التوضيح انك مش اخوان؟
وبتروح مكتب الارشاد ليه طالما حضرتك مش اخوان؟
وعارف كل الهتافات اللي اتقالت في مظاهرات الاخوان كلها اللي طلعت ف وقت واحد؟
وبعدين هو حزب العمل دا حزب أصلا؟
مش دا اللي كان اشتراكي, وبعدين مصري, وبعدين اسلامي, وبعدين اخواني؟
مش الحزب دا بيدخل الانتخابات تحت شعار الاسلام هو الحل؟
يبقى إيه الهدف من ان حضرتك تقولي أنا مش عضو في جماعة الاخوان؟
دول حتى الناس اللي يعرفوا حضرتك شخصيا مش عارفين انك مش اخوان

أقولك السبب من غير زعل؟ شكلك هتزعل.. بس صدقني والله أنا مش قصدي أي اساءة أو تجريح

السبب ان كل الجماعات الاسلامية, خلينا واضحين بقى, بلا أحزاب بلا بتاع, بتتبع سياسة حرامي الحلة
يعني الاخوان بيتلزق ف اللي مش اخوان علشان يوهم الناس انه مش بيتبع اجندا معينة, واللي من العمل بيتلزق ف الاخوان علشان ياخد أصوات, وكلهم بيتلزقوا ف الشعب اللي مش منتمي لأي تيارات علشان يكسبوا شعبية

فتلاقيهم طالعين مع أي حزب أو حركة مدنية معارضة وماشيين في كل مظاهرة
زي الناس اللي بيوقفوا ورا لعيبة الكورة بعد الماتش علشان يتصوروا ويطلعوا ف التليفزيون
والنتيجية انهم ضربوا المعارضة كلها وخربوها وقعدوا على تلها
يعني حركة كفاية جابوها الأرض
الاحزاب المعارضة التانية بقت بتنش
وأي انجاز من أي نوع, سواءا شعبي أو حكومي أو معارض
تلاقيهم يجروا عليه ويتلزقوا فيه علشان ينسبوه لنفسهم بالكلام والهتافات والتكبير وشغل الجلا جلا
لو الحكومة طلعت قرار كويس, يقولولك أصل احنا اللي ضغطنا عليهم
ولو الناس متعاطفة مع شعب غزة اللي الصهاينة محاصرينه, يقولولك احنا اللي خليناهم يتعاطفوا
ولو النقابات والجمعيات والاحزاب عملوا مظاهرات, يقولوا احنا اللي خلناهم يتظاهروا
ولو الشعب فتح دراعاته للفلسطينيين علشان جدعنة المصريين واداهم اكله وشربه ولبسه وبنزينه, يقولولك احنا اللي عاميلين حملة اغاثة
ولو مصر فتحت معبر رفح, يقولوا دا حماس اللي تابعة للاخوان المسلمين هي اللي فجرت الحدود
ولما المصريين الغلابة يتبرعوا بفلوسهم وياخدوا من قوت عيالهم, علشان الشهامة والمجدعة المصرية, يلموا التبرعات ويروحوا يودوها باسمهم هما علشان يوهموا الناس ان دي تبرعات الاخوان, مش تبرعات شباب الجامعة والنقابات والهيئات والمدرسين والدكاترة والمهندسين وحتى طلبة المدارس.. خلاص بقت تبرعات الاخوان مش تبرعات المصريين.. المصريين المشتومين المضروبين المتبهدلين.. المصريين العملا الخاينين.. المصريين اللي بيحبوا الاسرائيليين.. اللي ف حضن امريكا مرميين.. المصريين الضالين الفاسدين.. اللي عن دينهم تايهين

هو دا شغل حرامي الحلة اللي أنا أقصده. وأنا حلتي مش هادي للاخوان منها ولا فتفوتة
ولا هسمحلهم انهم يحاولوا يوهموا الناس اني مجرد بكرهم وبهاجمهم وبكتب السلبيات بس علشان الناس تتعاطف معاهم على قفايا
لأ مش على قفايا.. ولاعلى جثتي كمان

اعنقد مش أنا اللي ف البرج. ولا أنا اللي بحاول اعزل الناس عن الواقع

اشكرك يا سيدي الفاضل على تعليقك, ودعوتك الكريمة. ولا أشكك ف صدق نواياك. وأرجو ان تعتبرني صديقة بالفعل. على رأي المثل, يا بخت من بكاني وبكا عليا, ولا ضحكني وضحك الناس عليا

خالص تحياتي

MerMaid said...

طيب هقولك علي حاجة
علي الجزيرة...عارفة انك مش بتحبيها
كان في مؤتمر لاولمرت و عباس تقريبا بعد الازمة دي
مش قادرة اقولك وش اولمرت و وش عباس كنت حاسة انهم مش هيرجعوا طبيعيين تاني
من كتر الضحك والابتسامة من الودن للودن معرفش يعني االاخ عباس ميعرفش اللي بيحصل للشعب بتاعه ولا ايه؟
بجد مجموعة كلاب بيتحكموا في مصير الشعوب
وكمان تعليق بيشوي شدني قوي وعجبني كلامه وكلامه فعلا صحيح
المهم يا ستي
انا كمان سعيدة بيكي و بحب اعلق عندك
تحياتي ليكي يا جميلة
:))
عارفين انك جدعة و بنت بلد مش لازم تاكدي
تحياااااااتي

mohand said...

السلام عليكم

احب اقول بس اولا
ان اسرائيل متقدرش تدخل في حرب علي مصر

ودا شئ مهم لازم نعرفه
هتقوليلي دا كلام بنقوله لبعض بس

لكن انا اكتشفت ان ده حقيقة واقعيه

لانهم لو فتحوا علي نفسهم جبهة مصر
هيخسروا كتير قوي

مش من قوتنا التكنولوجيا والدبلوماسية
لاء من قوتنا الالجسدية والفكرية

دا غير ان تسليح جيشنا انا واثق انه كويس
ومحترم ويقدر يدخل اي حرب
-------------
مهما حصل شعب فلسطين شعب شقيق ودا من وجهه نظري ومش شعارات ولا غيره

انا شخصيا كواحد من الشعب شايف كده
-----------------
هجومك علي الاخوان مستمر
بس هو مفيش غير الاخوان في البلد
انا شخصيا انا شايف الكل مالوش اي لازمه

---------------
هو مصر فيها يمين صحيح

عاشــــــ النقاب ـقــــة"نونو" said...

الاستاة فانتازيا
اولا احب اشكرك على تلقيبي بالحاجة واتمنى انها تكون بشرة خير علي
ثانيا اعتذر عن تعليقي اللي فات اللي الظاهر اخدتيه بمحمل شخصي لمجرد اني استعنت برد الاخ الجعفري بس فعلا ماكنتش اعرف ان فيه معارك بينك وبينه والاخوان على مدونتك الا لما قريتها امبارح عندي من الهيستوري
بس انا كان قصدي فقط انك تقراي كفاية عنهم وعن كتاباتهم واللي تقوليه هاتي ادلتك عليه
اظن ان البوست دة بيرد على بعضه يعني انتي بتطلبي برده من الاخوان يعملوا حاجة او يبطلوا هتافات على حد قولك
طيب ايه دليلك انهم ما عملوش حاجة اعرف ان الاخوان وغيرهم ارسلوا اغاثات وقابلوا موفد الاخوان
طيب هي البلد ما فيهاش غير الاخوان نحاسبها ولا ايه
على فكرة بسببك وبسبب كتاباتك الهجومية الانفعالية على الاخوان واي حد ينتقد كلامك ومنهم انا واللي مش اخوان
هقرا عنهم واشوف هم مزعلينك اوي كدة ليه
وكل واحد له صبغة دينية ملتحي او منتقبة زي حالاتي ليه على طول وبدون مقدمات تهاجميه وتبداي في السخرية والمشكلة انك ترجعي تطلبي من الناس الرقي في الحديث وللاسف موضوعاتك لا تخلو من الفاظ اسمحيلي ساخرة زيادةتصل لانها غير لائقة من غير زعل يعني بتطلبي حاجات ما بتعمليهاش اصلا
طب هم ما بيعملوش حاجة خالص وفنجرية بق زي ما بتقولي طب انتي شايفة ان ناس زي دول كل شوية في المعتقلات لمجرد القول قال الله والرسول وانتي عارفة هيعملوا برنامجهم امتى بس انا هقرا برامجهم فعلا واعرف عنهم وعن باقي الاحزاب الكثير عشان اعرف ادخل اقول رايي لو مش هتضايقي وتفتحي مدونتك بس للي متفقين معاكي وتقفيليها في وش اللي عاوزين يعرفوا ويتناقشوا معاكي زيي كدة
بس باطلب منك تفهميني ايه فكرك يعني انتي تفكيرك ازاي طب وعملتي ايه لاثبات انه هوالصح ويا ترى انتي ومتبنيين هذا الفكر عملتوا حاجة مؤثرة ولا برده بق زي الاخوان دة

احمد الجيزاوى said...

رائع واشكرك على عدم الاهانه فى الرد
ولكن فقط احب ان افهم
هل اصدقائق من الاخوان كما تقولى هم فقط مصدر معرفتك عن الجماعه اعتقد انه غير كافى
ثانيا ما علاقه كل ما قلته بى انك بنت بلد او بنت خوجات
النقد من برج عالى يعنى انك غير ملمسه لواقع وغير معايشه لى الاخوان
ثالثا ايوة مكتب الارشاد وجمعيه الشرعيه بيرحه اى حد حتى المسحين عادى لانى مكتب االرشاد دة اساسا معمول كمتب اعلامى لجماعه ليس اكثر ولا اقل يعنى مش مركز قيادة الجماعه
ولا غرفه عمليات

ثانيا انا بصراحه شيف انك غلطى غلطه كبيرة جدا تدل وانا اسف مقدمنا تدل على انك عندك جهل بين الاحزاب والجماعات السياسيه
لانك خلتى بين حزب العمل وجماعه لاخوان المسلمين
هناك فرق السماء والارض

ثانيا انا لم اطلب لحضرتك بوتجرد او حراسه خاصه من شباب الاخوان
لان من تحتاج بتجيه وحراسه هى الراقصه وانتى والحمد الله افضل من ذلك بكثير حسب معلوماتى
ولان حضرتك لستى راقصه ولان الاخوان ايضا ليسو بلطجيه اذا انا لم اتكلم عن بتجرد لحراسه حضرتك
انا تكلمت عن شباب يجاهد العدو الاسرائيلى من يموت من اجل الامه الاسلاميه التى انتى منهم

اهم شى واهم من كل الحوار اى ضار دة لانى انا فى اعتقادىالشخصلا
انا اى تنظيم او جماعه بنسبه لى هى وسيله وليس غايه لهذا انا ادافع عن وسائلى من اجل ان اصل الى الغايه وهى صلاح حال الامه لاسلاميه

لهذا اهم عندى من هجومك على جماعه الاخوان لانى فى اعتقادى انه لن يضر الاخوان ولكن سوف يفيك انتى
الاهم عندى عو حكايه فساد العقيدة دة
له لان الاصل هو الاسلام وليس جماعه الاخوان فالاخوان وسيله لصلاح حال الاسلام
رغم تعجبى الشديد انك تهاجى جماعه الاخوان دون باقى الجماعات الاسلاميه
ولكن دعينى اعود الى فساد عقيدة
او تكفيرك انا فهمت انه تم تكفيرك قبل ذلك
احب اوضح نقاط اساسيه
وهذة النقاط تعلمته من جماعه الاخوان على فكرة
اولا :لا تكفير لا بدليل
ثانيا : اقامه الحجه
ثالثا :البينه على الحجه
رابعا : مراجعه البيه
خامسا : تفصيل وتوضيح الكفر من انه كفر اصغر غير مخرج من المله ام كفر سريح بواح مخرج من المله
السوال الهام الان



هل مر عليك كل هذا المراحل لكى تكفرى انتى مسكتى كلمه لى اخ وهى (فساد عقيدة) وعملتيه حكايه بصراحه عيب انا بقول انك عقله وتعرفى معنه الحوار وانك تمسكى فى كلمه دة اسلوب اليهود
ملحوظ اوعى تروحى تقولى الجيزاوى قال عليه يهوديه ههههههههه
فساد العقيدة يكون فى جزاء من الولاء او البراء
صحيح قبل مخش فى شرح كبير
اوى لو تعرفى الولاء والبراء قولى علشان توفرى عليه كلام كتير لو متعرفيش قولى اقولك ايه هوة


انا هستنه ردك
لسببين هو انى ولا مستمتع بحوار البسط العاقل الهادء مع حضرتك بحاول اطوله
ثانيا ليكون الحوار موضوعيى وعاقل لزم اولا نبحث عن المتفق عليه ثم نناقش فى المختلف فيه
من اجل ان استفيد من الحوار معك وايضا تستفيدى انتى ايضا لان الحوار ان لم يكن بفائدة وافضل منه السكوت لانه سوف يتحول وقته الى لغو وعبث
صحيح اى قلك على مدونت حضرتك
ابى وميرمريت
تحياتى
ومستنى ردك
احمد الجيزاوى

Fantasia said...

الاستاذ العزيز Alexandrian

اشكرك على اللينك والبوست الرائع اللي فعلا أمتعني
وسعدت بطرحك لوجهة نظرك في موضوع الاتحاد, فقد خمنت شيئا من هذا القبيل حين طلبتم التوضيح
اتفق معك في جوهر ما تفضلت به سيدي, لكن اسمح لي أن اوضح أين اختلف ولم

بداية, هناك فرق كبير بين الاتحاد أو الوحدة والتوحد أو الاحادية. فاتفاقنا على مبادي عامة مثل أمن الوطن وحريته واستقلاله, لا تنتزع من حق الاختلاف وتباين وجهات النظر, ولا تهدد التعددية والتنوع
واذا وضعنا مرجعيات كلا منا جنبا إلى جنب, فمن البديهي أن اكون أنا الطرف الاكثر حرصا على التعددية والاختلاف. فاطمئن يا سيدي ولا تدع الفئران اللعينة تشاكسك في هذه الناحية


نأتي لموضوع الجبهة الداخلية. ما معنى أن نكون جبهة؟ أنا أصورها كحائط من اللاعبين يصطف أمام المرمى حين يوجه له لاعب من الفريق الخصم ضربة حرة مباشرة
هل معنى هذا أن جميع من يقفون كتفا بكتف لتكوين هذا الحائط هم اشخاص متطابقون في كل شيء؟ هل معنى هذا أنهم جميعا راضون عن اداء المدرب أو الجهاز الفني؟ هل معنى هذا انهم كلاعبين لا يوجد تنافس فيما بينهم؟ هل معنى هذا انهم جميعا يحملون نفس الأفكار ونفس الآراء ونفس الاهداف ونفس الموهبة؟
بالطبع لا
لكنهم يشتركون في انتمائهم لنفس الفريق, وجميعهم يرى مصلحته في فوز هذا الفريق, وجميعهم موافقون على ضرورة صد الهجمة الموجهة الى مرماهم. ولو اختلف لاعب منهم على ذلك فمعنى هذا انه لا ينتمي للفريق. ولو سمحوا لاختلافاتهم الشخصية ان تتدخل في هذه اللحظة فلن يتمكنوا من تكوين حائط سليم, فيصبح به العديد من الثغرات, ومع اتساع الفجوات يتلاشى وجود أي دفاع.
وقتها تتحول الضربة المباشرة إلى ركلة جزاء, وهو جزاء عادل لتسيب هذا الفريق وتمزقه وعدم حرصه على الفوز.. مما سيسبب خسارة للفريق ككل.. الصالح والطالح

أيوة فيه جبهة بتجمعك بأحمد عز وحبيب العادلي وساويرس رغما عنك
لانهم ف الآخر مصريين, ومصلحتهم جوا البلد زيك بالظبط. ممكن تتضارب المصالح في وقت من الاوقات, لكن لما حاجة تهدد أمن البلد كلكم هتكونوا ف مركب واحدة
مش معنى كدة انك موافق على كل افعالهم او متعاون معاهم
يعني لو حصل أي حاجة تهز أمن مصر, الاقتصاد هينهار, وساعتها الكل هيشحت, احنا واحمد عز

بس خليني أقولك اني كنت ف وقت من الاوقات متأثرة بالماركسية جدا. وبالرغم من ان المرحلة دي انتهت من زمن طويل, إلا اني مقدرش أقول اني شفيت منها تماما. أصل الفكر الماركسي دا عامل زي البحر, ما ينفعش حد يعدي عليه ولا يتبلش. فأنا متفهمة وجهة نظرك جدا. لكن بالنسبالي الراديكالية مش ان الواحد يقلب الترابيزة ويضرب كرسي ف الكلوب علشان محتج على الوضع. الراديكالية هي تغيير الواقع, وان يكن جذريا, دون هدمه

نيجي لنقطة الفقر.. حتى لو التعبير خرافي, ف الفقر واقع ملموس ومحسوس وعلى مرأى ومسمع من الجميع.. من أين يأتي وكيف يمكن القضاء عليه, دا موضوع تاني ممكن نتكلم فيه كتيييير أوي. لكن لازم الأول نعترف انه موجود, لان مفيش داعي نشوفه جاي منين ورايح فين وهو مالوش وجود أصلا

بجد الحوار معاك ممتع يا استاذي الفاضل. وأرى ان أوجه الاتفاق بيننا لا حصر لها, بعكس نقاط الخلاف البسيطة. فالمهم هو اننا نعمل لمصلحة الوطن ككل, ليس لمصلحة فئة معينة, أو أفراد بعينهم

خالص احترامي وتقديري

Fantasia said...

العزيزة ميرميد

أنا صحيح ليا مآخذ كتير على قناة الجزيرة لكن باتابعها
وليهم حق أولمرت وعباس انهم يضحكوا
واحد شمتان والتاني فرحان
احنا اللي لازم نعيط

اشكرك يا ميرميد. ألين صديق عزيز وزميل كفاح وعقل رائع
ارائه فعلا تستحق كل اهتمام وتقدير
وبعدين دا شريكي في مدونة عالم فانتازيا وليه جمايل عليا كتير
لكن والله انا مش بجامله وهو عارف

أهلا بيكي في كل وقت

تحياتي

Fantasia said...

الاستاذ مهند

يا سيدي انتوا هتخلوني بهاجم الاخوان بالعافية
قلنا مش هجوم واللي عنده رد على كلامي يتفضل أهلا وسهلا
لكن موضوع ماتقدرش دا واسع شوية
بيفكرني بمسرحية الهمجي
يعني ايه قوة جسدية دي؟ احنا هنلعب معاهم مصارعة روماني؟
ولما كل الناس عند حضرتك مالهمشي لازمة ماعدا الفلسطينيين والاخوان, حضرتك حاطط صورة الاهرامات ليه؟
ممكن تحط علم فلسطين أو شعار الاخوان

تحياتي

Fantasia said...

الحاجة نونويم

حضرتك ان قلت كل حاجة ومفيش ولا كلمة قلتها من غير دليل. استهدي بالله كدا واعمليلك كباية شاي بحليب وتعالي اقري وانتي تلاقي كل اللي انتي عايزاه
اللي عنده دليل ينفي بيه الكلام دا يتفضل
أنا مش بمنع أي تعليقات

نفسي أفهم حضرتك ليه فاكراني مهتمة ان الناس تتفق معايا؟ اللي مش عايز يتفق هو حر. هأعمله إيه يعني؟
وأنا محدش زعلني, ولا أنا زعلت حد
ليه مصممين تقلبوا الموضوع لعداوة شخصية؟ مش قادرة أفهم
لو مفلسين للدرجادي ومفيش حاجة تقولوها بلاش تحرجوا نفسكوا وتعلقوا على كلامي. لكن ليه محاولة الايحاء ان الموضوع فيه عنصر شخصي؟

هو انا اعرفك يا حاجة؟ طيب انتي تعرفيني؟
طب هعرف منين ان حضرتك منقبة علشان اهاجمك بسبب الموضوع دا؟ واللي مربي دقنه دا هشوف دقنه ازاي؟ هتطلعلي من الشاشة؟
انتي يا حاجة مش قولتيلي سلاما المرة اللي فاتت؟ بتقري كلامي ليه تاني؟ وايه سر اهتمامك الغريب بيا؟

يا ستي ارسيلك على بر.. انتي عايزة تفهمي فكري, ولا عايزة تتخانقي معايا, ولا عايزة تفارقيني؟

Fantasia said...

الاستاذ الجيزاوي

معلش أنا مش فاهمة ولا جملة من تعليق حضرتك
أنا اللغات اللي اعرفها عربي وانجليزي وفرنساوي وحبة ايطالي
ومعتقدش ان دي واحدة منهم, ولا حتى فارسي

يا ريت يا رفاق اللي يقدر يفك الشفرة دي يساعدني وينوبه ثواب

عاشــــــ النقاب ـقــــة"نونو" said...

الحاجة ان شاء الله نونو واي ام ام
تاني برده
بقى هي دي الجدعنة اللي بتقولي عليها
بقى لما حد يجي بيتك تتكلمي معاه كدة
انا يا استاة مش مهتمة بيكي كشخص خالص زي ما بتقولي
انا ما اعرفكيش بالمرة
انتي ليكي مدونة دخلتها لقيت فيها شوية كلام افكار مع شوية سخرية على شوية شتيمة على شوية هجوم على مجموعة من الناس بتشكر في الافكار والحاجات دي وبتقولي عليه فكرخاص بيكي
حبيت افهمه
انتي اللي حولتيه
انا عاوزة افهم الفكر الغريب علي دة مش يمكن يكون صح واطلع منه بحاجة ولا يطلع فكر خاطيء بجد واستفيد برده من اخطاء الاخرين
لو كلامي للدرجة دي تقيل عليكي خلاص
بس هدخل اقله اشوف بتكتبوا ايه والا امنعيني من دخولها للابد لو تقدري

احمد الجيزاوى said...

هو دة اى انا عوز افهمهموك يا فنتازيا
انك مش فهمه عقيدة صح ومش درسه صح
وهذا لا يعنى ان بكفرك
لا
بس انتى لو كنتى درسه الاسلام فعلا وعرفه عقيدتك كمسلمه كنتى فهمتى كلامى
ومباش ردك انك بتعرفى
عربي وانجليزي وفرنساوي وحبة ايطالي
ومعتقدش ان دي واحدة منهم, ولا حتى فارسي

انا مبكلمش لغات انا بكلم بقلبى عن اسلامى
لو مش فهمه انزلى الى اى حد من صحابك الاخوان اى بتهجميهم وهو هيفهمك
او انزلى الى اى حد مسلم فى الشارع وهو هيفهمك
ماشى
معلش انا بنكشك بس متزعليش منى خلى نفسك طويل معايه علشان توصلى ان شاء الله

المطلوب منك الان رد على السؤال واحد
تعرفى حاجه عن عقيدة الولاء والبراء
وشكرا
احمد الجيزاوى

Anonymous said...

فانتازيا

سورى عشان المقاطعة

انا قريت البوست اللى انتى قولتيلى عليه ، وبوست جر بوست لحد يعنى قريت خمسة كده

دلوقتى الواجب بتاعى فى الاجازة دى انى اقرا كل حاجة كتبتيها

واعتقد هيبقى فى تعليق مبدئى واحد باى ديفولت عليهم كلهم
:
عـــــايزة احضنـــــــــــك
:):):)

بعد اذنك هحط لينك مدونتك عندى
تحياتى لأحلى فيمينست فى عالم البلوجنج

Fantasia said...

الحاجة نونو
كلاكيت تالت مرة
يا افلاسك يا هولندا
ههههههه
يا ستي اقري زي مانتي عايزة
بس ف سرك والنبي
بلاش تسيحي لنفسك لحسن بجد اتكسفتلك

Fantasia said...

يا عم جيزاوي
انت بتكتب هيروغليفي؟
ايه ده؟
طيب اقرا اللي انت كاتبه واتحداك تفهم جملة واحدة
دا مفيش كلمة مكتوبة صح
انت بتكتب عربي من الشمال لليمين ولا ايه دا نفسي أفهم؟
انا كل اللي فهمته اخر كام سطر بتقولي فاهمة الولاء والبراء
ايوة يا سيدي.. باين عليكوا انتوا اللي مش فاهمين
حود على تدوينة البرطمان الاوروبي وشوف شيخ جعفري شرحها ازاي.. قالك حبيب حبيبي حبيبي وعدو حبيبي عدوي
ههههههههههههههههه
فيه مسخرة اكتر من كدة؟
هو دا اللي انتوا فاهمينه عن الولاء والبراء؟
هي دي اللي معلمينهالكم تدخلوا بيها على اللي مختلف معاكم لما تتزنقوا وتعلنوا افلاسكم؟
والله انتوا صعبانين عليا
ايه دخل الولاء والبراء ف اللي احنا بنتكلم فيه؟ يا عم جيزاوي انت سرحان ولا ملخبط بيني وبين حد تاني؟

الله يرضى عليك انا عايزة ترجمة فورية للتعليقين 2 و3, انا فكيت التعليق الاول بالشبه. بس ماليش ف الهيروغليفي دا
هما الاخوان كلهم ضعاف ف العربي ولا ايه؟ ما تقولوا للجماعة تديكوا كورسات لغة عربية

وشكرا

Fantasia said...

drops from the ocean
يا عزيزتي يا ريت تقاطعي.. انا عايزة فاصل علشان ينسيني الهم اللي انا فيه

بجد مش عارفة اشكرك ازاي
اخجلتيني بشعورك الجميل
اتمنى اكون دايما عند حسن ظنك
ويا ريت لو عندك تعليق على اي تدوينة قديمة تكتبيه
هاكون سعيدة جدا بمناقشته معاكي

دا انا يكون ليا عظيم الشرف يا فندم انك تضيفي مدونتي عندك

خالص تحياتي ومودتي

عاشــــــ النقاب ـقــــة"نونو" said...

انا قلتلك
اقتباس
ايه فكرك يعني انتي تفكيرك ازاي طب وعملتي ايه لاثبات انه هوالصح ويا ترى انتي ومتبنيين هذا الفكر عملتوا حاجة مؤثرة ولا برده بق زي الاخوان دة

ما تجاوبي]
وانتي قلتي
اقتباس ]
بلاش تسيحي لنفسك لحسن بجد اتكسفتلك

انا نفسي طويل ومش بتكسف وما تتكسفيليش
بس جاوبي
ولا فنجري بق
ههههههههههههههه

Hoda said...

يا طولة بالك يا فانتا

يا حبيبتى انتى لسه فى حرقة الدم اللى انتى فيها دى من ساعة ما سبتك آخر مره يا فانتا احنا محتاجينك بجد ومش ناقصين انتى كمان يجرالك حاجه بسبب الناس اللى لسه عايزاكى تعلميها دى وتفهميها المراره اتفقعت والنعمه يا اختى خلاص بقى شىء لا يطاق ريحى نفسك يا شابه مفيش فايده من المناهده دى كلها معلشى يا فانتا اتأخرت شويه فى قراءة ومتابعة موضوعاتك اللى ادمنتها كان ورايا شوية حاجات كده بخلصها بس رجعتلك تانى يا قمر بس بجد كل اما ادخل المدونه دى بالذات بيتقلب عليا المواجع وافتكر اللى بيحصل دلوقتى فى بلدنا واللى ممكن يحصل بعد كده واحزن واكتئب ليه مصر ما بقتشى صاحبة العزه والكرامه كده زى اما كنا زمان وطول عمرنا .وليه بقينا حيطه واطيه كده بجد وبقينا ملطشه للى يسوى واللى ما يسواش يا ريت صرخاتك تفوقهم بجد يا فانتا يا ريت حد يعقل ويفهم قصدك النبيل من ورا كلامك دا يا ريت الناس تصحصح شويه بقى وكفايه نوم ربنا معاكى يا اجدع فانتا ويقويكى على اللى انتى فيه استمرى يا حبيبتى هو كده طريق المناضلين اللى زيك دايماً ملىء بالصعاب وكان نفسى اقول كلمه تانيه بس حيائى منعنى واكيد وصلتلك
:)

سلام يا اشجع فانت

بحبك يامصر said...

معلش جاى متأخر
عايز اعلق على نقطتين
اول حاجه
انا شايف فعلا يا فانتازيا انك مهتمه بمهاجمة الاخوان لان اكيد الاخوان عندهم حاجات كتير ينفع تنتقديهم فيها بس مش شايفك بتنتقدى غيرهم ولا باقى المجتمع كله مظبوط ومفيهوش سلبيات تستحق النقد؟
تانى حاجه
ان الفلسطينين والمصريين اخوات بحكم الدين
لان ربنا سبحانه وتعالى اللى وصفنا باننا اخوه ونصرتهم فرض علينا احنا مش بنمن عليهم بمساعدتهم ده فرض علينا

انا بقه عايز احييكى على حبك لمصر وياريت المصريين يبقوا زيك كده
حتى لو بنختلف فى اتجاهتنا وارأنا المهم يجمعنا حب مصر ومصلحتها

Unknown said...

فانتا

نقول كمان؟

حماس ليست "مرتبطة أيدلوجيا بالإخوان"
حماس هي الإخوان

mohand said...

السلام عليكم


اوبز
دا انتي دخلتي شمال من غير اي اشارات اساسا

وقضتيها هجوم


يالا مش مهم

بس فين بالظبط انا قولت الناس مالهمش لازمة ؟


يا سيدي انتوا هتخلوني بهاجم الاخوان بالعافية
قلنا مش هجوم واللي عنده رد على كلامي يتفضل أهلا وسهلا
لكن موضوع ماتقدرش دا واسع شوية
بيفكرني بمسرحية الهمجي
يعني ايه قوة جسدية دي؟ احنا هنلعب معاهم مصارعة روماني؟
ولما كل الناس عند حضرتك مالهمشي لازمة ماعدا الفلسطينيين والاخوان, حضرتك حاطط صورة الاهرامات ليه؟
ممكن تحط علم فلسطين أو شعار الاخوان

مش دا نص كلامك ولا انا جالي ضعف نظر شديد علي غفلة كده


الغريب في الامر اني مش بدافع عن الاخوان واني مش اخواني خالص

بس سبحان الله
عيون حضرتك مش شايفه غير الاخوان

وبعدين متزايديش علي حب مصر
يعني لا انتي بتحبيها اكتر مني ولا اكتر من اي حد

اعتقد يعني

وبعدين هو عيب ولا حرام احط صورة الاهرامات
دا انا تخصصي اثار


بس الصراحه

انتي عايزه تهاجمي وخلاص

لاني مهاجمتكيش اساسا وانتي عايزه هوب ترمي القنابل بتاعتك وخلاص

علي فكرة شعب فلسطين شعب شقيق
وهيفضل شقيق

-------------------
اه صحيح
اسرائيل متقدرش تدخل في حرب ضد مصر
واتحدي رئيس وزراهم نفسه

الا بقي لو بوش بوش حبيب الملحيس قال بسك علي مصر عندهم رؤوس نووية

بكده هتبقي قوات تحالف

-----------------
مردتيش علي سؤال
هو في يمين في مصر؟

Fantasia said...

الحاجة نونو

فين السؤال؟ انا أحط ايدي ع السؤال تلاقيني لبلب
فين السؤال؟
فيه سؤال ف الدنيا بالمنظر ده؟
ههههههههههه
روحي يا شيحة الله يحظك

Fantasia said...

الجميلة حنين

اعمل ايه يا حنين ياختي؟ وقعوا ف غرامي كلهم
عمالين يدخلوا يجروا ف شكلي واحد ورا التاني
الغريبة ان كلهم عندهم مشاكل جوهرية ف التركيبة المخية
مش ممكن تكون دي صدفة
اكيد الصابون اللي الجماعة بيعملولهم بيه غسيل المخ صلاحيته انتهت من ايام السلطنة العثمانية
مش عارفة مين اللي عمال يصدرهملي
طيب قوليلي أعمل ايه؟ الغي موضوع التعليقات دا واخلص؟
هو انا غاوية وجع قلب يعني؟
لأ وغلويين غل! عندهم كمية حقد ع البشرية ما وردتش
بجد ايدي على كتفك. قوليلي أعمل ايه
انا مش باكتب عشانهم اصلا. انا بكتب للناس اللي عايزة تفهم. انما دول عمرهم ما هيفوقوا.. دول ف غيبوبة مزمنة. الظاهر عكفكف بيستورد دبان ماركة تسي تسي

شكرا يا حنين على التعليق الجميل اللي هون عليا الغلب اللي انا فيه

خالص تحياتي

mohand said...

اوبز دا انا لاقيت كلمة مالوش اي لازمة

:D:D:D:D

ههههههههههههههههههههههههههههههههههه

دا انتي بتحبي قوي انك تلخبطي في الكلام وتاخدي من كل بستان زهره

يعني انا بقول هجومك علي الاخوان بس وهو مفيش غيرهم
الكل مالوش لازمه اقصد الاحزاب المختلفة

ولو انتي تتبعي حزب معينه
حزب حضرتك مالوش لازمه برضه

انا بتكلم علي كل نواحي المجتمع

يعني اي حزب هاتيلي له حسنه كده وانا اشكر فيه يا ستي



نقطة مالوش لازمة دي كانت في موضوع الاخوان مش فلسطين

ابقي خدي بال حضرتك من المسافات والخطوط

اه صحيح
لو عايزه الناس تتقبل رأيك ومتتعاملش معاكي بسخرية

حاولي انتي كمان تتقبلي الاخر ومتتعامليش معاه بسخرية

لان الردود عندك نوعين
نوع تايدي تام
ودا اللي انتي فاتحاله ذراعيكي

ونوع تاني انتقاد واختلاف معاكي
ودا بتقابلية بتهكم وسخرية وبهريز

زي انا مثلا البوست اللي فات رديتي علي تعليقي حلو قوي

عشان فهمتي اني متفق معاكي

انما المره دي بقي مختلف معاكي
لازم اورية العين الحمراء عشان يخاف ويكش

هههههههههههههههههههه

شدي حيلك وربنا ما يقطعلك نفس

شدي شدي


سلام

Fantasia said...

بحبك يا مصر

اشكر حضرتك على اشادتك بحبي لمصر, لأن هذا هو الدافع الاول والاخير لكتاباتي

يا سيدي الفاضل انا لا اهاجم شخص الاخوان, بل افند واحلل فكرة التأسلم السياسي ككل
والاخوان هم ابرز جماعة تتبع هذا التيار الفكري في مصر, فمن الطبيعي ان اذكر مواقفهم واحلل كلامهم وفكرهم
وليس معنى انتقادي لهذا التيار انني راضية عن كل الباقين

هذه المدونة حديثة
وانا لم اتطرق لكل المواضيع التي ابغي الحديث عنها

لكن هناك اولويات كما وضحت في مقالي
التأسلم السياسي يهدد الكيان المصري ويقوي الكيان الصهيوني يا سيدي
كل ما فعلته حماس هو تعجيل بالمشروع الصهيوني ف المنطقة, ولا يخدم مصالح فلسطيني أو عربي أو مسلم

وكما قلت سابقا, اذا هدمت مصر فلا جدوى من أي اصلاح
يجب ان نبقي على مصر ثم ننظر في خلافاتنا الداخلية
لكن من الغباء ان نساعد القوي الامبريالية والصهيونية بالنزاع الداخلي دون الالتفات الي الخطر الذي يحدق في وجهنا

خالص تحياتي

Fantasia said...

حسن الهلالي

والله مهما قولنا كمان وكمان وللمرة المليون
ماحدش عايز يفهم
وانا مش هقعد اتفرج عليهم لحد ما يخربوها ويقعدوا على تلها

الناس اللي بتنتمي للتيار دا بالنسبالهم الاخوان وحماس اهم من مصر
مش كبيرهم قال طظ ف مصر؟
يبقى ايه اللي احنا متوقعينه منهم؟

خالص تحياتي

Fantasia said...

الاستاذ مهند

قلت في تعليقك الأول: "هجومك علي الاخوان مستمر
بس هو مفيش غير الاخوان في البلد
انا شخصيا انا شايف الكل مالوش اي لازمه

---------------
هو مصر فيها يمين صحيح

شكرا على ذوقك

احمد الجيزاوى said...

يا بنتى
انتى ادعيتى انى فى اخوة كفروكى
وانا شيف انه محصل
وانه ادعاء كاذب منك
حلو الكلام
تمام
انا كنت عوز افهمك انه لا يكون لاحد حق تكفيرك الا بدليل
حلو كدة فهمه
وعوز افهمك انى الراجل قلك انك عندك فساد فى العقيدة وليس كفرة
فهمه كدة
يا رب تكونى فهمه
يـــــــــا رب
وكلام عن عقيدة الولاء والبراء كان علشان افهمك انه الفساد والمشكله عندك ف جانب دة بس
فحولى تصلحيه

بس انا بوضح حاجه انا غير مهم عندى تكون اخوان او تهجمى الاخوان من عدمه
المهم عندى انى اسعدك تكونى مسلمه حقيقيه

وعلشان نفس حضرتك يكون طويل ومتزعليش منى عوز
اولا اشكرا على انك حتى الان لم تمسحى اى تعليق من تعليقاتى رقم انى كتير قالى انك هتعملى كدة

بس ليه ملحظات
يا رب تفهميه
فهمه يا رب تكونى بتفهمى

اولا له بتحبى تطلعى صورتك انك مستهترة وقليله الادب وبنت مش محترمه
مع انى انا متاكد انى حضرتك انسانه كويسه جدا

ثانيا :احنا صميم موضوعنا هو عقيدة الولاء والبراء وليس الهجوم على لاخوان لسبب واحد انى الجماعه وسيله لتحقيق دوله الاسلام على الارض وهذة الغايه
فهمه حاجه
سعتات بحس ادعائك انك مش فهمه دة ناتج عن افلاس فى الحجه عندك

صحيح انا عوز نفسك يكون طويل اوى معايه ماشى

سؤال اليوم ويا رب توجبى عليه متعمليش عبيطه زى الى قبله
هل رسول الله الله عندما اقامه دوله فى المدينه كانت
اختار من بين الاقواس
دوله اسلاميه – دوله شيوعيه – دوله لبراليه
اجب مع التعليل
احمد الجيزاوى

mohand said...

العفو
بعض ما عندكم

احمد الجيزاوى said...

احب اعرفك
كمان علشان ميطلعش عندك جهل سياسى

حزب العمل مختلف ومنفصل نهائيا عن جماعه الاخوان المسلمين

وانا حزب عمل
يــــــــا رب تكونى فهمتى

حولى تثقفى نفسك شويه وتعرفى الفرق

صحيح هو انتى عرفتى عقيدة الولاء والبراء دة من كلام الاخ لكى وله من القرائه عنه ولو القرائه عنه ممكن اعرف قرائتى كتب ايه ؟
السؤال دة مهم جدا جدا جدا جاا
فممكن تجوبى عليه
وله نقول تانى
احمد الجيزاوى

Fantasia said...

الجيزاوي

تصدف انت اللي طلعت مش محترم وقليل الأدب وعبيط
وما سمحلكش تجيب اسم الله والرسول على لسانك وتكتبه ف تعليق بالحقارة دي
خسارة فيك أي كلام بجد

اتقي ربنا يا أخي, بلاش تخلي الكره يعمي قلبك وضميرك كمان

MerMaid said...

كان الله في العون

:)

عاشــــــ النقاب ـقــــة"نونو" said...

فانتازيا شكرا على طولة بالك
بس افرحك من خلال مدوناتك اتضح فكرك وبلاش ربنا يهديكي لسواء السبيل بتاعة المتاسلمين اللي بتزعلك انتي والشلة
ربنا يهديني انا
والاستاذة المحترمة حنين خلاص يا نور عين الشابة فهمت كتير اوي
دة كلامك طبعا مش كلامي بس باستعين به انسبلك
خلاص اتعلمت يا شابة وعرفت العلمانية دي ايه والشيوعية ايه والاخوان ايه كمان وربنا يخلي المدونات فيها اغلب المعلومات المطلوبة وجوجل طبعا والمواقع الاسرائيلية اللي انتي بتحطيها يا فانتازيا
ومانساش اني احييكي انك السبب يا فانتازيا في الحاجات الغريبة العجيبة
اللي بعرفهامعلش اصل ثقاقتي كانت وردية شوية ما كنتش اعرف ان بقى فيه افكار طالحة شويتين كدة
معلش انتي قضيتك كبيرة والظاهر انتي االلي مش واخدة بالك مين اللي مخك بيتغسل بالصابون اللي مدة صلاحيته انتهت
ويا ترى مش هتسكتي وقلبك على اللي بيتغسل دماغهم اوي كدة وهتلحقيهم بايه بالكلام بردة في المدونات يعني
ولا فنجري بق
واوعدك ان زيارتي ليكي بعد كدة هتبقى علشان اعرف الفكر بتاعك وصلك لحد فين وكان الله في العون
بس يا ريت بلاش التمسح في الدين اللي انتي برده بتطلبيه
اسم الله والرسول واللبيب بالاشارة يفهم

Unknown said...
This comment has been removed by the author.
Unknown said...

فانتا

إسمحي لي بالرد علي الجيزاوي في نقطه واحده

-------------------------
سؤال اليوم ويا رب توجبى عليه متعمليش عبيطه زى الى قبله
هل رسول الله عندما اقامه دوله فى المدينه كانت
اختار من بين الاقواس
دوله اسلاميه – دوله شيوعيه – دوله لبراليه
اجب مع التعليل
-------------------------

الرسول أسس دوله إسلاميه في المدينه مبنيه علي التشريع اليهودي أو الموسوي وال"جاهلي" المعدل بالقرآن
والتعليل بسيط: لم يكن هناك متاح غير هذا وكانت الحياه بسيطه ولا يشوبها أي تعقيدات

فالتشريع الديني نظم المعاملات البسيطه هذه في الزواج والطلاق والمواريث وبسيط التعامل التجاري ولم يكن هناك دستور ولا قانون محدد ومكتوب ولا كليات حقوق وقوانين يضعها ويرتضيها ممثلو الشعب وتتطور مع تطور الحياه

فالتعامل الإقتصادي كانت تسوده المقايضه ولا توجد مؤسسات صناعيه أو إقتصاديه ولا بورصه ولا نسبة تضخم ولا معدل نمو إقتصادي ولا كليات إقتصاد وتجاره

والسياسه الدوليه كانت غزو (أو فتح لو حبيت) واحتلال وجزيه أو قتل وسبي فلم يعرفوا التمثيل الدبلوماسي والمعاهدات الدوليه والسفارات

والزراعه كانت نخلتين وبس ورعي الغنم والإبل علي أقصي تقدير

وكان واحد أو إتنين في كل قبيله يفك الخط والباقي ميح ولا كتب ولا ثقافه ولا علم إلا العلوم التي تسمونها أنتم العلوم الشرعيه... ولا فن إلا الغوازي صاحبات الرايات الحمر وأغانيهم الخليعه وموسيقاتهم الماجنه

لم يكن هناك طب إلا الحبه السوداء وبول البعير ولا كان من الممكن أن يتخيلوا الطب الحديث ونقل الأعضاء وتخليق الخلايا

لم يكن هناك من الإتصالات إلا رسول يحمل الرساله وينهب رمال الصحراء نهباً ليصل بعد أيام وشهور إذا وصل.... لا بريد ولا إنترنت ولا تبادل معلومات بين شرق الأرض وغربها في جزء من الثانيه

لكل هذا (علي سبيل المثال وليس الحصر) لا يجوز إقامة دوله إسلاميه الآن لاختلاف الظروف إختلافا كليا وجزئيا إلا إذا تم إزالة الحضاره الإنسانيه بالكامل وعدنا للحياه في الصحراء ومحونا كل ما قدمته البشريه من تقدم وتطور وهو ما ينادي به الوهابيين والسلفيين والأخوان وغيرهم من المتخلفين عقليا

أخيرا... تقول ((انا كنت عوز افهمك انه لا يكون لاحد حق تكفيرك الا بدليل )) لا يا سيدي ... لا تستطيع تكفير أي أحد بدليل أو بغير دليل فهذا ليس من شأنك ولم نسمع عن أحد وكله الله في الإطلاع علي قلوب البشر ولا علي عقابهم حتي لو كفروا

عذراً لتدخلي ولكنك تجاوزت حدود الأدب مع أختي الفاضله فوجب الرد

Hoda said...

الحاجه نونى عينى ياما انتى

افتكر انك ممافهمتيش حاجه ومش هتفهمى حاجه اصلا لانك اساساً داخله تستظرفى وترمى سمجتك على الناس اللى محترمين غصبن عنك وايوه بيفهموا اكتر منك واظن الواحد لازم يبقى عنده حساسه ودم مش برود وسخافه واكيد انك حسيتى من اول تعليق ليكى هنا انك ضيف اساساً ضيف غير مرغوب فيه انتى واتباعك اللى اساساً مش قادرين يكتبوا لغه عربيه سليمه فى الاساس يبقوا هيعلمونا ازاى بس اتعلموا انتوا الاول اساسيات الحوار المتحضر وخلق الاسلام بدال العبط الفكرى اللى انتوا فيه دا ضحكتوا علينا الناس جتها نيله اللى عايزه خلف والله ليهم حق العرب والخلايجه يفكروا هما كمان يحتلونا ويخلونا مماليك عندهم زى زمان ما هو من العقول اللى زيكوا رجعتونا لورا روحوا اعملوا حاجه تنفعكم احسن طالما فاضيين كده طول النهار وعمالين ترخموا على خلق الله وكل واحد حر فى افكاره وارائه واللى مش عجبه يشرب من اقرب بلاعه

Fantasia said...

العزيزة ميرميد
كويس انك جيتي عشان تشوفي بعينك
الله يكون ف عون مصر, مش ف عوني أنا

تحياتي

Hoda said...

فانتازيا

لقيت لك حل يخلصك من العالم دى نهائى ابقى حطى كل وولف على باب المدونه وابقى شمميه ريحتهم علشان لو حد هوب منهم تانى هنا يقرموا ونخلص من الاشكال دى بقى

وبتأسف لك لو كنت اتصرفت من غير استئذان بس واضح ان الواحد لازم يبقى وقح فى تعاملاته مع الناس اللى ما بتحترمش الاخر ولا بتتقبله دى

Fantasia said...

الاستاذ حسن الهلالي

اشكرك سيدي الفاضل لتكرمك بالرد على المدعو الجيزاوي

ان كلماتك العميقة ومنطقك السليم اغلى بكثير من ان يهدروا على مثل هذه النوعية الطفيلية من زوار المدونات. ولكن عزائي ان هناك الكثير من القراء المحترمين, المخلصين في سعيهم للفهم, والذين سوف يستفيدون من ردكم الرائع الذي اوفى الموضوع حقه

انت تعلم سيدي الكريم والجميع يعلمون مدى سعة صدري وتحملي للسخافات باشكالها. لكن هذا الشخص الذي للأسف خدعت في رسالته الأولى وظننه جادا ولم اشكك في نواياه, كشف عن وجهه الحقيقي بسرعة مذهلة, ونضح اناءه سريعا بالقبح الذي يملؤه

لقد اعتدت على سخافاتهم وسماجتهم وفكرهم الضحل وهجومهم العنيف حين يفلسون في الحوار.. وهذا طبيعي ومتوقع ممن لا يعرف لغة الحوار و يدرك معنى احترام الفكر المختلف. واعرف ان غزوهم لمدونتي هو فقط لاستفزازي واستدراجي للشجار وطمس معالم الموضوع الاساسي, الذي يفرض نفسه ببراهينه الدامغة وحجته القوية ومنطقه السليم

لكن هذا الكائن تعدى كل الحدود, وتطاول علي بشكل شخصي, اقل ما يوصف به انه سافل وحقير. وكم اتعجب من ان يأتي ذلك بعد ان بدأ كلامه معي في مدح الاخوان والشباب التابع للتأسلم السياسي بقوله انني لن اجد من يحميني ويضحي في سبيل الحفاظ علي مثل هؤلاء! وها هو ذات الشخص يرميني بابشع واحط الألفاظ

انه لم يستطع ان يحميني من نفسه.. لم يستطع ان يرقى لمستوى الدين الذي يتمسح به.. لم يستطع ان يكف عني اذى لسانه وبذاءاته اللعينة

تبا لهذا السلوك القميء.. تبا لهذه الوقاحة.. وتبا لهذا التبجح بالأصرار على التمسح بالدين الاسلامي وادعاء اتباع سنة المصطفي الكريم

ما هذا؟ اين تربى هؤلاء؟ من علمهم الدين؟ من اعطاهم الحق ليشوهوا الاسلام بهذا الشكل؟ ألم يكفيهم ما ألصقوه بالاسلام من سمعة سيئة بافعالهم اللعينة؟ ألم يكفيهم الخراب والدمار والعار الذي حل بالمسلمين جراء ادعائهم ان سلوكهم هو الاسلام ولا اسلام غيره؟ اعوذ بالله.. يتمسحون بالدين والدين منهم براء.. ان أي دين سماوي, أو حتى بشري, يتبرأ من هذا السلوك المشين

هذا الشخص اتى لإلقاء قمامته في وجهي ووجه الجميع من زواري الكرام. لم يأت لالقاء تساؤل.. ولم يأت للنقاش.. ولا يهمه ان يعرف او يعي أي شيء. لذلك رأيت انه لا يستحق جوابا أو نقاشا. فاهدار الوقت على مثل هؤلاء سيحاسبني عليه الخالق جل جلاله

اشكرك مرة اخرى يا سيدي. وتقبل اعتذاري للسماح بنشر مثل هذه القاذورات هنا. لكني اتركها لعلها تبرهن على قبح من ينتمون لهذا التيار وتكشف وجهه الحقيقي امام الجميع

خالص تحياتي وتقديري

Fantasia said...

الاخت الغالية حنين
اعتذار بعد اعتذار.. وكل املي ان تصبري على دفع ضريبة كونك انسانة محترمة وسط الرعاع. فبين الجهل وسوء الخلق رباط وثيق.. وبين الفكر المتطرف والبذائة علاقة نسب.. وبين عمى البصيرة والاسفاف شراكة ازلية

اعذريني يا عزيزتي اني لا املك ان احميكي أو أحمي نفسي من هذا الهجوم الغوغائي. وألتمسي العذر لمن اعماهم الكره والحقد وجعلهم يسيئون للأخرين دون وعي ودون قدرة على التمييز. انهم مبرمجون, مدربون على افتراس كل ذي عقل. لقد سلبهم التعصب الاعمى القدرة على التمييز. فلا هم يعرفون كم انت انسانة محترمة, ملتزمة, مدافعة عن دينك؛ ولا هم يعطون الفرصة لأنفسهم ليروا مني أي شيء غير اني علمانية. فكلمة علمانية لديهم موازية للكفر. هذا ما تم تسجيله وغرسه داخل عقولهم. وايضا عدم قدرتهم على التمييز تمنعهم من ان يدركوا الفرق بين سعة الصدر والاستباحة. فالشخص الذي يتسع صدره لمشاكساتهم يعتبر مسباح, وفريسة تغري بالانقضاض عليها لاهانتها وتجريحها. فلا هم يميزون بين المشاكسة والاساءة, ولا هم يميزون بين الاسلوب الساخر واللغة المتدنية ف الحوار

ارجع واقولك بالبلدي ان جه العيب من اهل العيب... ماتزعليش نفسك. اللي بيعمل كدة بيسيء لنفسه قبل ما يسيء لحد. ومهما قالوا حنين هتفضل حنين, محدش هيقدر يمسها

حقك على راسي بجد

Hypatia said...

ايه ده
ايه اللى بيحصل ده

اولا انا بجد مصدومه من كلام الجيزاوى لانى رغم انى معرفهوش بشكل شخصي ابدا لكن فكرتى عنه كانت جيده وانه انسان دثم الخلق
لكن هو انكر انتمائه للاخوان ودى حاجه عجيبه لانه فى مجتمع التدوين معروف جدا انك اخوان يا استاذ جيزاوى يبقي ليه التبرأ من الاخوان

واحب اوضح لحضرتك حاجه غلطاتك اللغويه كتير وفعلا فيه كلام كتير مش مفهوم عشان كده الاستاذه فانتازيا طلبت التوضيح ولسبب تانى ان كلامك مكانش واضح منه انت عاوز توصل لايه


فى اخر تعليق بقي وضح جدا انت عاوز توصل لايه
انتى بنت مستهتره ومش محترمه وقليله الادب

هو ده بقي شباب الاخوان اللى هما اكتر شباب فى مصر حيحافظو على عرضك ومش حيبصولك نظره مش تمام

المره اللى فاتت واحد يقولها عقيدتك فاسده والمره دى حضرتك تقولها ان انتى بنت مش محترمه وقليله الادب ومستهتره

لا بقي اسمحللى فيه فى مصر شباب انضف منكم مليون مره وبيحافظو على بنت بلدهم زى احتهم ولا ليهم فى الاخوان ولا غيره وممكن شاب مسيحي مصرى كمان يقف جنبي لو محتجاله ويكون راجل معايا بدون اى غرض

مشكلتكم انكم شايفين انكم انتم بس اللى محترمين والناس كلها وسخه شباب الاخوان رجاله وباقي مصر مش رجاله بنات الاخوان فاضلات وغير الاخوان ساقطات لا يعرفون دين او اخلاق

انتم قلبكم على البلد والناس التانيين بيكرهوها
جيزاوى للاسف انتم اللى حطيتم نفسكم فى مكان غير مكاننا وفصلتو نفسكم عننا خليكم بقي فى اللى انتو فيه ومتتهموش الناس بفساد العقيده وقله الادب والاستهتار لان ابسط شئ ان الواحد يشتم صدقنى سهله جدا ان فانتا تشتمك بشكل شخصي زى ما انت شتمتها

الخلاف والجدال كان فى الافكار والانتماءات وحتى لو كان فيه اتهامات متبادله كانت فى نفس الحدود لكن انت شتمتها بشكل شخصي عارف يعنى ايه مستهتره وقليله الادب ومش محترمه عارف معنى اللى انت قلته عارف حاجه اسمها حد القذف ولا متعرفهوش


انا بجد مش لاقيه شئ اقوله غير تحيه حاره جدا لابن بلدي وصديقي اسكندرانى اللى وصفكم خير وصف فعلا افاعى
تتلونون على كل لون ولا تتغيرون

ياريتك كنت اتكلمت فى صلب الموضوع وناقشت وحاورت واخدت واديت كنت حتجبر اى حد حتى لو مختلف فكريا معاك انه يحترمك لكن انت تعديت حدود الاحترام وقال كنت عاوزها تروح معاكم غزه
ليه كنتم ناويين ترجموها لو اختلفت معاكم او قالت كلمه مش على هواكم

كمان مش الموضوع هنا انك تعرفها دينها ممكن تكون هى عارفاه احسن منك الدين مش كلام يتنقل فى المدونات ومش موضوعنا انك تختبرها فى الدين وتدخل عليها بكلمتين"مش مكتوبين صح"كبار شويه بالنسبالك وفاكرهم بقي حاجه جامده تروح هيا مخضوضه وتقولك نورنى يا سيدنا الشيخ عرفنى ديني يا مولانا

انت اثبتت ان انت اللى متعرفش حاجه عن الادب والاحترام للاسف

بالنسبه لسؤالك فا حسن الهلالى رد عليك خير رد اعتقد انك مش حتعرف ترد

انت حولت المناقشه من سياسات الاخوان ومظاهراتهم وغيرها الى حديث عن العقيده ليس هذا مجاله وياريت اتكلمت صح وياريت اتكلمت باحترام

عيب اللى حصل ده

عاشــــــ النقاب ـقــــة"نونو" said...

قولي لنفسك كل كلمة وحرف انتي والاستاذة حنين
والحمد لله لم اتفوه باي كلمة خطاولم اسب او اسخر من احد زيك وزي كل الشلة اللي بتتبعك وتتبعيها

للاسف كل اناء ينضح بما فيه
ولا املك سوى الدعاء لكما بان لا تفتنوا غيركم
بس اوعدك بجد\ اني لازم يكون لي دور في مقاومة اي فكر متخلف شاذ هدفه هدم الدين بدعوة الحرية بكل اللي اقدر عليه
انتي فاتحة مدونتك للاسف للي يحيوكي اما اللي يدخل يسال او يتناقش انتي بتهربي بالسخرية والشتيمة والهجوم ودة شيم كل اللي من الشلة
اما ادعائك في اللي عاوز يفهم معلش دة بق وادعائك هقاوم وهقول برضه بق
الله يعينك على نفسك الاول

Hypatia said...

السيده نونو واى واى ام

حضرتك من تعليقك اللى فات بانت العدائيه رغم انك باعترافك متعرفيش كل شئ عن الاخوان غير الظاهر فقط ومع ذلك ميلتى لكفتهم لذلك كان الرد عليكي عدائي لانك مقولتيش رأي جاد فى الموضوع سواء اللى فات او ده ومقولتيش اى اضافه او شئ يدل على انك فاهمه احنا بنتكلم فى ايه مجرد كلام مرسل وهجوم ساذج يدل على عدم فهم وعدم المام بالاحداث لذلك النقاش مكانش ليه فايده يااستاذه وولا انا ولا فانتا كنا نعرف ان سيادتك منتقبه وصدقينى لا اكن عداء شخصي لاى شخص لا اكن عداء للاقباط واحترمهم فا تفتكرى حاكن عداء للمسلمين المصريين مثلى ولا يهمنى انك منتقبه او محجبه او لا كل اللى يهمنى تفكيرك حتى لو مختلفه معايا وبتعرضي رأيك بشكل واضح للمناقشه فا ده شئ يحترم لكن مفيش ولا حرف فى كلامك ليه صله بالموضوع انتى دخلتى بتلومى فانتا عاى اسلوبها وكلامك كله واضح منه تحيزك للاخوان"انتى حره طبعا"يبقي ايه لازمه ان الواحد يكلمك عن الليبراليه او غيره انتى ممكن بكل بساطه انك تدورى فى المكتبات الالكترونيه وتعرفى اى شئ انتى حابه تعرفيه وتكونى رأيك الخاص لكن الكلام المرسل المفلس للاسف هو اللى اجبارنا ان تكون ردودنا كده



واتفضللى اللينكات دى لو تحبي تطلعى على وجهات نظر مختلفه


http://www.almasry-alyoum.com/article.aspx?ArticleID=85723



http://www.alasr.ws/index.cfm?method=home.con&contentid=9514



http://www.arabrenewal.org/articles/10848/1/aON-CaENaCaI-CaIOEi-aaAIaeCa-CaaOaaia-Eia-CaIia-aeCaOiCOE/OYIE1.html

عاشــــــ النقاب ـقــــة"نونو" said...

شكرا اثريتي افلاسي يا انسة نسرين
بجد اشكرك واتمنى استفيد منها

Hypatia said...

السيده nonoyym


انا كتبت تعليقي اللى فات قبل ما تعليقك الاخير يظهر

يا استاذه براحه كده ومن غير سخريه

ازاى تحكمى على فكر انه شاذ واننا بقي ان شاء الله بندعو لهدم الدين بداعى الحريه

اهو ده بقي اللى بيفرس وبيستفز وبيخللى الواحد تفلت اعصابه

ياستى اطلعى"من الاطلاع"واقرى واعرفي وبعد كده اتكلمى وكونى رأى ورأيك يكون بعيد عن الدين والعقيده خالص لانك عمرك ما حتعرفي مهما عملتى علاقه الانسان بربه ولا انا عمرى مهما عملت حاعرف اللى فى قلبك وضميرك فا ياريت نحكم فى حدود معرفتنا ومنتهمش حد كده واحنا قاعدين ورا الكيبورد ومنعرفش حياته وبيته عاملين ازاى

حد فينا اتهمك فى دينك لا سمح الله كل يبقي ليه بتتهمي"الشله"اننا عاوزين نهدم الدين"ديننا"لاننا مسلمين وموحدين بالله وحتى لو مش مسلمين فا مش معنى كده اننا عاوزين نهد دين ده اتهام محتاج تفكير شويه


وايه الشذوذ فى اننا نقول ان الاخوان المسلمين غلط وسياستهم غلط ايه الشذوذ اننا نقول افصلو الدين عن السياسه حمايه للدين مش اكتر ببساطه كده لو عاوزه تعرفى معنى الكلام

حضرتك شايفه الازهر ومفتى الجمهوريه بيفصلو فتاوى على مقاس الحكومه وبقي مشكوك فى نزاهتهم طيب ده سببه ايه مش سببه هو انهم عايشين فى جلباب الحكومه احنا بقي مش عاوزين كده المؤسسه الدينيه لازم تكون مستقله وقويه بعيدا عن السياسه والحكومه لانها طول ما هى بتستمد قوتها من الحكومه حتفضل بالبلدى كده تحت طوعها

ايه بقي المشكله فى كده ايه الشذوذ فى كده وايه اللى يهد الدين فى الكلام ده ويا ستي الاسلام اقوى من انه يتهد انتم ليه فاكرين الدين هش وضعيف للدرجه ديه الاسلام اقوي من الاخوان وغيرهم ومفيش شئ يهده انتم بس اللى عندكم وسواس ان اى كلام مش على هواكم يبقي فاسد وشاذ وعاوز يهد الدين


اطلعى ولو عاوزه كتب او لينكات انا ممكن افيدك لو عاوزه تفهمى التيارات اللى فى مصر

Hypatia said...

يا ستى لا شكر على واجب

Hypatia said...

حبيبتى فانتازيا


متزعليش من حاجه ابدا ارجوكى دى اشياء عاديه وافتكر اننا مطالبين بتوضيح فكرنا اكتر عشان مفيش حد يتصيدلنا ويسقط علينا ما ليس فينا


انا وصلتنى دعوه مصر الجديده وقبلتها بس عاوزه اعرف تفاصيل اكتر يا فانتا

mohand said...

:(:(:(:(:(:(:(
حاولوا تعملوا حالة حوار وتتقبلوا بعض يا جماعة
مش معقولة كده استفدتم ايه بقي من هجوم بعضكم علي بعض

يعني بالظبط اللي بيعمله العلمانيين بيعمله الاخوان بيعملة اي تحزب


انا مش هقول اني مش اخواني

لاني فعلا مش اخواني نهائي وليا اراء فيهم بيزعلوا منها اصحابنا الاخوانجية


بس انا شايف ان كل الحروف اللي وقعت من الجيزاوي

كانت سقطات كيبورد

مش عيب في لغتة يعني


اه قبل ما اقفل تعليقي

مش عايز اي محامي يتكلم
انا بتكلم بشكل عام ولصاحبة المدونة كمان

اي محامي عايز يتكلم يوفر كلامه لاني مش هرد عليه

تحياتي

Unknown said...

mohand

سمحت لنفسك أن تكون للجيزاوي محاميا
وأردت أن تكون أنت لنا هاديا
زرت موقعك "الباحث عن الحقيقة" فوجده خاليا
إلا من هجوم علي العلمانيه قاصيا ودانيا

Hypatia said...

مهند

ايه التناقض الغريب ده
يعني عينت نفسك محامى للجيزاوى ردا على تعليقنا بخصوص غلطاته اللغويه وبعدين عامل الواد الشرز قليل الذوق اللى مش حيرد على حد

لاحول ولا قوه الا بالله
طيب مش من حقك يا شاطر تقول مين يرد ومين ميردش صاحبه المدونه هى اللى تحدد

mohand said...
This comment has been removed by the author.
mohand said...

السلام عليكم

ايه ده دا انتوا الاتنين

اولا مكنش دفاع يا اعزائي

انا بقول انا شايف ااسقاطات كيبورد

يعني مش دفاع يا جماعه مالكم خدتوها دفاع ومحامي ليه

طيب نرد بقي علي ابو زيد الهلالي

انت يا ابو زيد دخلت شوفت اخر بوست انه هجوم علي العلمانية
ما انا بقول حد علماني يفهمني

متبرعتش سعادتك ليه وشرحت وجهه نظر المجتمع العلماني المتقدم في الموضوع ده

انا مش هستني ان في يوم يحكمني علمانيين بالشكل ده
ويمنعوا اختي او امي او زوجتي او بنتي من دخول المصالح الحكومية والمدارس

زي احبابكم تركيا وتونس

وبعدين فيها ايه لما اهاجم العلمانيه
الله هو ده مش اتجاه وانا بنتقد حاجات غلط فيه


الله بقي هو مش من حقي ولا ايه ؟

غريبه قوي دي يا جماعه
حلال لكم وحرام علينا

شوفت التناقض يا هلالي ؟

يعني محدش افضل من حد
عايزين تنتقدوا الاخوان ومحدش ينتقد العلمانيه

غريبه يا جماعه فعلا

وعموما انا كمان بنتقد الاخوان انهم بيمشوا ورا مصالحهم

زي العلمانيين بالظبط
محدش بيحب البلد اكتر من نفسه

الناس دي ماتت في الحرب

خلاص يا هلالي

---------------

نسر اس اتنين


ايه ده هو انتي بتقولي لا حول ولا قوة الا بالله زينا؟


امال لما عاشقة النقاب قالتلك انا لله وانا اليه راجعون
قولتي ليه هو في حد مات

اقولك انا بقي نفس الرد

هو في حد مات

انت لو يعني بتعرفي تقري قرآن

الله اعلم طبعا انا مش بحكم علي حد

بس هتلاقي الاية بتقول

وبشر الصابرين الذين اذا اصابتهم مصيبة قالوا انا لله وانا اليه راجعـون ) صدق الله العـظيم

يعني اللي يصيبة مصيبة يقول كده
المصيبة ايه بقي

ربنا محددش

يمكن انا شايف ان رؤيتي لشخص معين دي في حد ذاتها مصيبة

اقول بقي وربنا يجعلنا من الصابرين

قبل بقي ما تعملي الاخت الشرزه
واللي قاريه وفاهمه كل حاجه

وشغاله تقولي للناس اقروا

اتثقفي حضرتك الاول

وعموما انا لو قليل الذوق فعلا

غيري قليل الادب
------------------
ابو زيد يا هلالي
ابقي اقري باقي البوست يمكن ينفعك

تحياتي


اتقدم بخالص اسفي لحنين لاني ادخلتها في التعليق السابقي الذي تم حذفة ظنا مني او قصر نظر ورايت اسمها بدلا من اسم حسن الهلالي

انور وجدي سابقا

Hypatia said...

على فكره بقي انا حاسه بقرف جدا

واحد بيقول انا عاوز اخليكي مسلمه حقيقيه
خلاص هو خلاها مسلمه مزيفه

وواحد خفيف اوى بيقول مش عاوز اى محامى يتكلم
هو انت من اول تعليق ليك حد علق على كلامك التافه اساسا بس لازم تجر شكل عشان تلاقي حد يعلق على كلامك
ده انت او الاستاذ الجيزاوى مقلتوش كلمه ليها علاقه بالموضوع لا وبتقول ايه انا واثق ان جيشنا يقدر على مش عارف ايه واسرائيل مش حتقدر على قوتنا الفكريه والجسديه
ده كلام ده يارب محدش فى اسرائيل يدخل يشوف تعليقك حيضحك علينا والله

فكريه ازاى يعنى حتحاربهم بالتنويم المغناطيسي وجسديه ازاى برضه حتلاعبهم كيك بوكسينج

توب علينا يارب
هنا التعليق مش اجبارى والله يعني مش فاهم متعلقش وتحرج روحك وتضحك الناس عليك

فانتازيا حاولى توضحى ان التعليق عندك مش اجبارى لو سمحتى

mohand said...

:D:D:D:D


هرد عليكي بكره اصل انا عندي شغل الصبح بدري


اعذريني مش عاطل ولا صايع كنت قعدت بقي للصبح

تحياتي الحاره

مش عارف ليه مش مصدق ان حد ضحك عليا

Hypatia said...

والله عمرى ما قلت انى فاهمه اكتر من غيرى بس فيه اشكال شبهك كده الواحد لما بيشوفها بيحس ان حماده هلال عبقري اساسا

وياسيدي عرفنا انك بتقرا قرأن ربنا يزيدك بس متفتكرش انى حاكون ساذجه زيك واقول انا باقرا قرأن انا كمان وحياة ربنا وادبدب فى الارض وانت يا استاذ يا غير محترم مستغرب انى باقول لا حول ولا قوه الا بالله زيكم
زيكم مين يعنى

هو انتم مسلمين وغيركم كفره شفت بقي مخكم المحدود المتخلف بيخليكم تلفو فى نفس الدايره المغلقه

وقله الادب انت اللى ابتديت بيها يا شاطر ومن غير اى لازمه قلت مش عاوز حد يتكلم
يعني منتهى قله الادب والذوق وانت اساسا محدش كان بيعلق على ردودك خاااالص يعني مفيش سبب لكلامك غير قله الذوق وجر الشكل

Hypatia said...

اصل انا باقرا قرأن
اصل انا مسلم
اصل انا باقول لا حول ولا قوه الا بالله ايه ده انتم بتقولوها زينا
اصل انا مش صايع وعندى شغل

انا انا انا

اوووووووووووف
يا بابا لو مشغول اوى مكنتش ترد خالص قلنا الرد مش اجبارى ولا لازم تعرفنا خط سيرك
وعامه مش منتظره رد اساسا وحاستأذن صاحبه المدونه فى انها تمسح كل ده عشان الكلام مفيش منه فايده اللى حنعيده حنزيده وبرضه مالوش لازمه وجع قلب وخلاص

تفكيركم والله عمره ما حيتغير اتعاملت مع اخوان كتير وهو هو نفس التفكير بتمجدو فى نفسكم وتقللو من غيركم خليكم عايشيين الوهم

Hypatia said...

عزيزتى فانتازيا
طبعا مقدرش امسح تعليقاتى من غير اذنك فا ياريت تمسحيها عشان انا معنديش خلق لمناقشه مش حتوصل لحاجه ده مجرد طلب وانتى ليكي الحريه الكامله اكيد

تحياتى

Fantasia said...

الولية الشلأ اللي معندهاش احساس وعارفة نفسها كويس

كويس انك معترفة انك مفلسة, لدرجة انك بتستعيري كلامي.. كلام العلمانية فاسدة العقيدة اللي فكرها شاذ ومتخلف

لو عندك ذرة احترام لنفسك, مش لغيرك, بطلي سفالة. الشتيمة مفيش اسهل منها, وصدقيني انتي اللي هتخسري. العين بالعين والسن بالسن والبادي اظلم

Hoda said...

استاذ مهند

انا بس عايزه اسالك انت الباحث عن الحقيقه اللى كنت انت وابن حجر العسقلانى عاملين استراحة الكاشفه ولا انت شخص تانى دا بس استفسار وبعدين لو سمحت عايزه اعرف بالظبط ايه التعليق اللى كتبته ظناً منك انى انا اللى كتبت تعليق حسن علشان يهمنى جداً اعرف رديت قلت ايه واظن دا من حقى ويا ريتك ما كنتش مسحت التعليق لانى عايزه اعرف رأيك ايه بقى فيه وكنت عايز تقولى ايه مش عجبك فى كلامى ان واضح من انك حذفته انه فى اهانه ليه ولو انت الشخص اللى اعرفه يبقى عارفه انت كنت كاتب ايه يا ريت لو سمحت ترد على سؤالى دا بعد اذن فانتازيا طبعاً

Fantasia said...

العزيزة نسرين

اشكرك يا نسرين على محاولة التفاهم مع هذه الاشكال الضالة

احنا يا عزيزتي كلامنا واضح ولا يحتمل أي لبس. متخليش الافترا بتاعهم يخليكي تشكي في ان كلامنا مش مفهوم بالقدر الكافي. هو دا اسلوبهم دايما. صدقيني لو احنا بنقول أي كلام فارغ مكانوش كلفوا نفسهم وكتبوا كلمة هنا. لكن لانهم حاسين بالضعف والافلاس ومش عارفين يلاقوا اي رد منطقي, اتسعروا زي ما انتي شايفة. اول مرة يدخلوا باسطوانة الادب واحترام الفكر المختلف, لكن لما يترد على كلامهم ويبان قد ايه هو هش وملوش معنى, يبتدوا يسفلوا زي ما انتي شوفتي كدة. خليهم يكشفوا نفسهم. احنا مش خسرانين حاجة. هيقولوا عني ايه تاني أكتر م اللي قالوه. خالي الناس تشوفهم على حقيقتهم اللي بيداروها ورا الكلام بالدين. هي دي الاشكال اللي عايزة تحكم مصر. هي دي الاشكال اللي بتدعي التدين وانهم هما بس اللي مسلمين والباقي فاسدين. خاليهم يضربوا راسهم ف الحيط

لازم التعليقات دي تفضل موجودة. هي دي السجل الاسود اللي مش هيقدروا يداروه. هي دي المراية اللي كشفت وشهم الحقيقي. هو دا الدليل على كذب كل ادعاءاتهم. خليها كدة علشان يبقى كل اسم مقترن باخلاق صاحبه

الكلام والاقناع العاقل المتحضر مش لغتهم يا نسرين. ما تزعليش. وانا بعتذر عن كل كلمة مؤذية قرتيها هنا

خالص تحياتي

Anonymous said...

تعليق مهند المحذوف
_______________________

السلام عليكم

ايه ده دا انتوا الاتنين

الاختين الحلوين دبل حن ونسر اس اتنين

اولا مكنش دفاع يا اعزائي

انا بقول انا شايف ااسقاطات كيبورد

يعني مش دفاع يا جماعه مالكم خدتوها دفاع ومحامي ليه

طيب نرد بقي علي حونين

انتي يا حونين دخلتي شوفتي اخر بوست انه هجوم علي العلمانية
ما انا بقول حد علماني يفهمني

متبرعتيش سعادتك ليه وشرحتي وجهه نظر المجتمع العلماني المتقدم في الموضوع ده

انا مش هستني ان في يوم يحكمني علمانيين بالشكل ده
ويمنعوا اختي او امي او زوجتي او بنتي من دخول المصالح الحكومية والمدارس

زي احبابكم تركيا وتونس

وبعدين فيها ايه لما اهاجم العلمانيه
الله هو ده مش اتجاه وانا بنتقد حاجات غلط فيه


الله بقي هو مش من حقي ولا ايه ؟

غريبه قوي دي يا جماعه
حلال لكم وحرام علينا

شوفتي التناقض يا اخت حونين ؟

يعني محدش افضل من حد
عايزين تنتقدوا الاخوان ومحدش ينتقد العلمانيه

غريبه يا جماعه فعلا

وعموما انا كمان بنتقد الاخوان انهم بيمشوا ورا مصالحهم

زي العلمانيين بالظبط
محدش بيحب البلد اكتر من نفسه

الناس دي ماتت في الحرب

خلاص يا حونين
علي فكره احسن تفتكريها غلطة كيبورد او اني ضعيف في اللغة

انا بحب اكتبها كده
حريتي بقي
---------------

نسر اس اتنين


ايه ده هو انتي بتقولي لا حول ولا قوة الا بالله زينا؟


امال لما عاشقة النقاب قالتلك انا لله وانا اليه راجعون
قولتي ليه هو في حد مات

اقولك انا بقي نفس الرد

هو في حد مات

انت لو يعني بتعرفي تقري قرآن

الله اعلم طبعا انا مش بحكم علي حد

بس هتلاقي الاية بتقول

وبشر الصابرين الذين اذا اصابتهم مصيبة قالوا انا لله وانا اليه راجعـون ) صدق الله العـظيم

يعني اللي يصيبة مصيبة يقول كده
المصيبة ايه بقي

ربنا محددش

يمكن انا شايف ان رؤيتي لشخص معين دي في حد ذاتها مصيبة

اقول بقي وربنا يجعلنا من الصابرين

قبل بقي ما تعملي الاخت الشرزه
واللي قاريه وفاهمه كل حاجه

وشغاله تقولي للناس اقروا

اتثقفي حضرتك الاول

وعموما انا لو قليل الذوق فعلا

غيري قليل الادب
------------------
حونين ابقي اقري باقي البوست يمكن ينفعك

تحياتي

Fantasia said...

مهند

انت شخص غير محترم ووجودك غير مرغوب فيه

اذا قبلت على نفسك انك تعلق هنا تاني بعد ما الرسالة دي وصلتك, ماتلمش غير نفسك

Hypatia said...

حونين

نسر اس اتنين

ده اللى قدرت عليه يا خفيف يا تافه
ما هو ممكن لو الواحد تافه زيك يقولك يا ام هند مثلا

Hoda said...

مهند

بعد اما شفت تعليقك عرفتك وبعدين عيب عليك لما تنكر انك اخوانى لانى فقستك يا حلو الاخوان مش مرض او حاجه وحشه يعنى تتبرا منها لو صحيح منهم او بتقتنع بفكرهم وبعدين ايه حونين دى يا ظرفتك حقيقى لطيف وعلى رأى قناة ميلودى ايه البياض والصفار اللى انتى فيه دا صحيح العيب مش عليك العيب على جوجل والمدونات ويا حلو بانت لبتك اول ما دابت قشرتك

Alexandrian far away said...

الصديقة العزيزة فانتازيا
والصديقة العزيزة نسرين
لا أخفي عليكما أنني أتابع هذا الحوار بشكل وقتي تقريبا حيث أتلقى التعليقات الجديدة أولا بأول على أيميلي
والحقيقة أنني كنت أنوي تعميق حواري مع فانتازيا حول قضية الجبهة الوطنية ومساحات التحالف الإجتماعي والسياسي
لكنني وللأسف أرى أن الحوار كله يغرق في مستنقع عميق من اللجج واللامعنى واللامضمون، وأرى أن الصحبة قد تجمعت بقيادة مهند الذي كان لنا صولات وجولات معا من قبل والذي يدهشني أن يكون متأسلما ثم يضع رمزا وثنيا كصورة لمدونته، وزادت المصائب كارثة بوصول الأخ أحمد الجيزاوي للحلبه وأنضمامه للحاجه ألي بتحب الحجاب
وتلك صحبة حقيقة لا تصلح لوجودي لأني عشت تجربة تلك الحوارات العقيمة كثيرا، عشتها بالواقع أواخر الثمانينيات وأوائل التسعينيات لكن بتنوع أكبر حيث تواجد وقتها الجماعه الأسلاميه والسلفيين، وهم رغم لزوجتهم وتحجرهم الفكري وضيق أفقهم مثلهم كمثل الأخوانجيه إلا أنهم كانوا أقل لزوجة وميوعة وأقرب للتصادم والوضوح
الأخوانجيه والمتأسلمين الجدد - جيل دعاة الفضائيات- حالة ميئوسة منها، فهم يجمعون إلى الصفات الكلاسيكيه من تحجر فكري وضيق أفق وضعف ثقافة وغرور وتعالي وثقة مطلقة بصوابيتهم مميزات جديدة كالليونة المفرطة وميوعة الأفكار والعجز عن صياغة جمل لها معنى أو أفكار قابلة للتحليل

الحقيقه قلبي معاكي يا فنتازيا أولا
ومعك يا نسرين ثانيا
شدوا حيلكم
وأنا متابع إلى أي عمق سيصل المستنقع

تحياتي

Alexandrian far away said...

الصديقه العزيزه فانتازيا
تحياتي مره أخرى
يا ترى ممكن ولو فيها رزاله أحط عندك حاجه للأخت نونو يمم (يخرب بيت ده أسم)
لو معارضه ممكن ما تنشريهوش

هذا التعليق تركته على تدوينة عاشقة النقاب وأظنها لن تنشره
قلت أنشره هنا للأستفاده

الأخت نونو
تحية طيبة وبعد
أنا جئت لأرد زيارتك لمدونتي
وعلى الصبح كده صدمت بتدوينتك دجي ألي تعل وتهيج القولون
عموما ما علينا دي مدونتك وأنتي حره فيها ومحدش ضربني على أيدي عشان أدخلها
المهم يا ستي
مدونتك من بابها مستفزه
من أول صورة البنت الصغيره المقموعه بكيس المخده ألي على راسها، وطبعا محتاج وقت طويل أقول لك البنات ألي بتقمع من السن ده بتطور نفسيا بشكل سلبي قد أيه
ما علينا برضه
وبعدين أسم المدونه
عاشقة النقاب
فيه حد برضوا يعشق حتة قماش؟
طيب أنا بحب ألبس جينز دايما
أسمي مدونتي عاشق الجينز مثلا؟
أيه ضعف الخيال والقدره على الأبداع دي؟
ثم جملة التعريف
أتمنى أن يسود المسلمين العالم
أيه العنصريه والميول الأستعماريه دي؟
عايزه المسلمين يستعبدوا العالم ويبقوا أسياد عليه؟
هو ده هدفكم؟
أستعباد العالم؟
ثم حالة البراءه اللزجه أللي في مدونتك عجيبه خالص وخاصة أنها لا تتسق مع الكلمات المشحونة بالأشواك السامة التي تركتيها عندي في المدونه أو عند فانتازيا
وألي هي كان ناقصها شويه وتتحول لردح صريح
أخيرا أبقى بصي للكلام شويه عشان تعرفي صاحب التدوينه جنسه أيه وهو مين
ولا النقاب مش مخليكي شايفه كويس

تحياتي وأنا أهو رديت الزياره
أبقي شرفيني تاني
عندي بن محوج يجنن

احمد الجيزاوى said...

الجيزاوي

تصدف انت اللي طلعت مش محترم وقليل الأدب وعبيط
وما سمحلكش تجيب اسم الله والرسول على لسانك وتكتبه ف تعليق بالحقارة دي
خسارة فيك أي كلام بجد

اتقي ربنا يا أخي, بلاش تخلي الكره يعمي قلبك وضميرك كمان





دة ردك يعنى برضه حتى الان انتى لم تجاوبى على اى سؤال من الاسئله التى وجته لك نهائيا كل حجج الهروب والمرواغه فقط وكلام المرسل الذى لا يحمل اى دليل

عموما المثل بيقول علم فى البتبلم يصبح

وله اقولك خلى نفسى معاكى طويل

وهكرر الاسئله كله وانتى لكى حق الاجابه ويارب متهربيش زى كل مرة وتطلعى عيله انا بجيب المدوني اويهم ردودك بيضحكه بصراحه بيكون رد هزلى بس الميزة بتعته انه بخلى الواحد انه يحمد ربنا على نعمه الاسلام


الاسلئله واتمنه من الله عدم الهروب منه

اولا دعوة الى المحاكه والتعامل المباشر مع الاخوان ؟

لم تقبلى ورفتى بشياكه


ثانيا سؤال عن الولاء والبراء طلع ههههههههههههه
معلوماتك كله عن الموضوع من كلام الاخ وزعلانه انه قلك عندك فساد عقيدة ههههههههه

ثالثا لم نسمع منك تعليق لمه فسرت ليكى الفرق بينفساد العقيدة والكفر
واثبتلك انى الاخ متهمكيش بكفر مثل ادعئك له لا حس ولا خبر
ههههههههههههههه

سؤال الاخير

هل رسول الله الله عندما اقامه دوله فى المدينه كانت
اختار من بين الاقواس
دوله اسلاميه – دوله شيوعيه – دوله لبراليه
اجب مع التعليل

يا رب اسمع اجابه
غير مش همه
او دة اى قدرت تقوله
او تشتمينى وتقولى عليه انى قليل الادب طيب له هو انا كلمتك
يــــــــا ريت اشوف اجابه مبشرة وصريحه لانى شكلك بقه وحش اوى اجابتك لمه بخدة كوبيى وبست وانشرة على الجروب الناس بتتعامل على انه نكت
هههههههههههههه ونصيحه خلى بالك طويل معايه
احمد الجيزاوى

Hypatia said...

استاذ alex far away
يا صديقي حضرتك بالذات ميستاهلوش من وقتك ثانيه واحده وانا اسفالك جدا جدا واتمنى حضرتك تكمل مناقشتك مع فانتازيا انا متبعاها وانا متنحه صحيح الكلام كبير شويه عليا :)) لكن انا منتظره تكملو المناقشه حضرتك كل كلمه بتقولها قيمه وثريه وباستفيد منها بدون اى مبالغه واى كلام مش حيوفيك حقك يا ابو اسكندر

احمد الجيزاوى said...

Hassan El Helali
احب اعرفك انك محامى فاشل عن فانتازيا
لانك بكلمك دة ورتكه اكتر بكتير جدا

اولا اثبت انك لا تفقه شى نهائنيا لانى كل كلام يدمرة من الاساس
وثيقه المدينه هذة الوثيقه التى اعتبرة انه اول دستور لمسلمين
تعرفه لوه اديك درس فيه ههههههههههههه

عموما علشان متعكش زى فانتازيا وتتحرج زى مطلعت مش فهمه حاجه فى موضوع الولاء والبراء احب اديك لنك يمكن ينفع

http://www.hiramagazine.com/archives_show.php?ID=47&ISSUE=3

اقرائه على الله تفهم

احمد الجيزاوى said...

صحيح يا فنتازيا
انتى مبتحبيش تسمعى لا نفسك عرفه له لانى لمه قلتلك انى مدونتك حلو كنت حلو وامور وبسكر


الان ههههههههههههههه
لمه كشفتك امام نفسك وعجزتى ان تجوبى عن اسئلتى بقيت مدعى ووحش وكخه


هههههههههههههههههه
يا ريت تبطله نفاق وتكونه صرحه مع نفسكم انا مليش مصلحه مع الاخوان انا فكر وهمه فكر بس انا بقول كلمه حق
بس واضح انك مش وخدة على كلمه الحق
احمد الجيزاوى

Hypatia said...

رد هزلى بس الميزة بتعته انه بخلى الواحد انه يحمد ربنا على نعمه الاسلام




يعني ربنا انعم بالاسلام عليك انت بس وعلى اللى انت تحددهم وترضي عن تعليقاتهم ولا ايه

وهو انت عاملاها امتحان قدرات يعني وعمال تعيد وتزيد فى الاسئله طيب ليه ماعتبرتش ان عدم ردها عليك استهزاء بيك وباسألتك ليه اعتبرتها عيله وفاسده العقيده ومسلمه مزيفه ومش محترمه وكل الكلام الفارغ بتاعك وبعدين ترجع تقول ان نفسك طويل

لا ده مش نفس طويل ده شويه غرور على غتاته على قله ذوق على تقل دم

وصدقنى المناقشه كان ممكن تكون ارقي من كده رغم الاختلاف لو انت كنت واضح فى كلامك وكلامك ليه معنى او هدف محدد عاوز توصل ليه
لكن انت متوقع ايه من واحده انت بتقولها انا همى انى اخليكي مسلمه حقيقيه كلام مبطن ومستفز ورد فانتازيا كان اقل من اللى انت تستحقه

Hypatia said...

محدش بيفهم غيرك يا عالم زمانك انت مدون من اشجع المدونين

مدون من اعظم المدونين

انت العالم الفاهم لكل شئ

حل عننا بقي

وراجع كلامك وتعليقاتك مفيش فيهم كلمه مفيده او حتى معلومه الواحد يستفيد منها ولا حتى قول مأثور

سبنالك الثقافه والفهم اللى من النوع ده حلال عليك كلها كلها مش عاوزين منها حاجه

mohand said...

السلام عليكم

تقريبا اخر تعليق هعلقه

لتوضيح بعض النقات البسيطة بس

----------------
فانتازيا انتي اللي اخدتيني في نعسكر الاعداء من البداية وهاجمتيني

وكان لازم ارد عليك

ردودك انتي كمان مستفزه واعتقد انه كان واضح في استهزائك

دا غير انك بترحبي بس بالمتفقين معاكي انما المختلفين لاء

-----------------------
اسكندراني

طبعا مش غريب انك تقول الكلام ده لان لينا صولات وجولات سوا

واعتقد انك عارف كويس اني مش متأسلم

واتكلمنا في النقطة دي واتناقشنا بعد موضوع حنين المزيفه اعتقد انك متذكر

وعموما تعليقك بالنسبة لي شبه متوقعه

اشكرك علي تعليقك المتميز
;)
---------------------------
حنين

انا اسف لاني انا اللي كتبت تعليق ودخلتك في الموضوع غلط
عموما انا متقبل كلامك رغم اني اتاسفت قبل ردك

بس هعتبر برضه انك اتضايقتي من التعليق

بس عايز اقولك اني مهند
غير الباحث عن الحقيقة
الباحث عن الحقيقة دي مدونتي
لكن في واحد اسمه الباحث عن الحقيقة كاسم

واعتقد ان مفيش مكان كتبت فيه اني اخواني

ولو انا اخواني مش هتكسف لانها مش مرض زي ما قولتي

لكن انا شخصيا ضد العلمانية وضد الاخوانية

وشايف اخطاء دي واخطاء دي

كونك شايفاني اخواني شئ يرجعلك
اشكرك عموما لوقتك الثمين في كتابة التعليق
-------------------
نسر اس اتنين

انتي متخيله انتي عاملة زي ايه ؟

زي بالظبط اللي ماشي في الشارع ولاقي خناقه دخل يتفرج رمي نفسه في النص

يعني بتقولي ان كلامي مالوش لازمة وتافهه وقليل الادب وكلام من ده كتير

بصيتي لكلامك؟

بتقولي اني شايف نفسي بفهم والجيزاوي
ومتصورين كلنا اللي انا معرفش مين كلنا اننا بنفهم احسن من الناس

رغم انك شخصيا بتعملي كده ومتصورة انك عرافة زمانك


انتي عارفه انا عملت ايه ؟

انا عملت بالظبط اللي بتعملوه في الناس

استفزاز
وشتيمة
وتشتيت مواضيع
ودخول في مهاترات

دا اللي انتوا بتعملوه

بتحاربوا عشان حرية الراي - او دا اللي ظاهر - ولما يجيلكم الفرصة انكم تقتلوا راي
تقتله بسكين بارد وبدون شفقة ولا رحمة

انا مش بعمل محاضرة عشان محدش يقول دا هيدينا دروس ومواعظ

بس كنت عايز اوضحلكم انتم بتتصرفوا ازاي

كل واحد في موقفة بيشوف انه اللي صح والباقيين كلهم ماشيين غلط

عموما انا عملت اللي انا عايزه ووصلت للي انا عايزه
واثبت لنفسي اللي انا عايزه برضه
او بلاش اللي انا عايزه ده
نقول اللي كنت متوقعه

وكسبت معرفة اربع مدونين دفعة واحده ومن مدونة واحده

-------------------
فانتازيا متزعليش نفسك سواء انا قليل الذوق او مش مؤدب او كل الشتيمة اللي انتي عايزه تقوليها واللي قولتيها

دا شئ مياثرش في اقتناعي بنفسي وقناعتي الشخصية بنفسي


اه لو دخل حد منكم عندي يعني في اي مدونة

مفيش منها مدونة بتتكلم بلسان اسلامي

يعني اتجاهي مش اسلامي

بس عيشوا وخلوا غيركم يعيش


تحياتي الشديدة

يا تري الكومنت دا هيخرج للنور؟

أنا حر said...

كلام فارغ كل اللي بيقوم بيه الاخوان المسلمين في الشارع المصري كلام فارغ
المصحف ملهوش علاقة بالسياسة والكورة ملهاش علاقة بالسياسة وعاكف يروح يشوف جامع يقعد فيه احسن ما بياخد المصحف هو واتباعه في مظاهرات الشوارع
مصر اتعاطفت مع غزة لأن مصر كبيرة بغض النظر عن مشاكلنا الداخلية وده خلى كل واحد عنده كلمة يحطها في لسانة ومايزايدش علينا تاني
العلمانية هي الحل لفك الاشتباك اللي حاصل في الشارع المصري من تشابك التيارات المتداخلة
تحياتي

MerMaid said...

تقبل الاخر و مناقشته و التحاور معاه للوصول الي قرار موحد يخدم مصالح الشعب والبلد دي هو الحل
الحب هو الحل
التسماح هو احل
التقبل هو الحل
التحاور هو الحل
الديموقراطية هي الحل
حرية التعبير هي الحل
لكن الحجر علي الافكار و اتهام الاخر بالباطل و اتهامات بفساد عقيدة وكفر برضه مش حل
الحقيقة انا بقيت حاسة ان الديكتاتورية اللي عايشين فيها نستحقها طول ما احنا لسة مش عارفين نتحاور مع بعضنا باسلوب راقي و عاقل و هادف
مش حزب واحد او اتجاه واحد هو الحل
الوحدة هي الحل
لما نتوحد ونحب ونتقبل بعض و نبطل نتهم بعض بهتان و زور يبقي ساعتها هنبقي ناس محترمة و ممكن نتناقش مع بعضنا ونجيب نتيجة
لكن اسلوب الاستفزاز و تلقيح الجتت و مهاجمة الراي المخالف لينا مش حل ابدا
و انا مش شايفة ان اننا ممكن نتقدم خطوة واحدة او نتحسن طول ما في ناس بتفكر تهدم اللي قدامها....لو انت شايف ان مدونة معينة مش بترتاح فيها وان افكارها متنيلة زي مانت شايفها خلاص محدش اجبرك انك تدخلها
لكن الدخول لمجرد الهجوم والشتيمة ده مش سلوك ناس راشدة..عاوز تتناقش اهلا بيك مش عاوز خلاص براحتك

اعتذر لكن التعليقات بجد اصبحت دون المستوي اللي متعودين عليه هنا

--------------------------
تحياتي للجميع
اولهم فانتازيا طبعا

فانتازيا حاولي تكتبيلنا حاجة جديدة ارجوكي نتناقش فيها
تحياتي

Alexandrian far away said...

تحياتي يا عزيزتي فانتازيا
بجد يا نسرين أنتي بتخجلي تواضعي بمجاملاتك الرقيقه واتمنى أني أكون أستحقها وأكون عند حسن ظنك
والحقيقه أنا اضم صوتي لصوت ميرميد لأن الموضوع غرق خلاص وعليه العوض

تحياتي

Fantasia said...

العزيزة حنين

معلش يا حبيبتي هنعمل ايه.. لازم نستحمل سخافات الاخرين
اعتذر ليكي مرة تانية يا حنين

تحياتي

Fantasia said...

الاستاذ أنا حر
صحيح يا سيدي.. المصحف كتاب مقدس, لا يصح الزج به واستغلاله بهذا الشكل المهين في لعبة سياسية, اقل ما توصف به انها غير شريفة
لكن هؤلاء الاخوان المخربون لا يعنيهم أي شيء ولا يوجد مقدس في معجمهم الرديء
لقد افسدوا الحياة السياسية واضروا الدين بالغ الضرر

خالص تحياتي

Fantasia said...

الاستاذ Alexandrian
والعزيزتان نسرين وميرميد

اتفق معكم وأويد ضرورة انهاء هذه المهزلة التي يستعد اصحابها للاستمرار في السقوط الاخلاقي الي القاع
اعتذر لكم عما نشر من تعليقات خارجة عن السياق وخارجة عن الادب

العزيز اليكزندريان
اود فعلا تكملة النقاش معك سيدي الفاضل, لعل الجميع يستفيد ويرى روعة الاختلاف العقلاني المحترم

عزيزتي ميرميد
ما تفضلتي به يرقى ان يتوج مدونتك كتدوينة مستقلة

الغالية دوما نسرين
لا جدوى من الحوار مع هؤلاء يا عزيزتي
اتفق مع الاستاذ اليكزندريان في كونهم ميؤس منهم

شكرا لكم جميعا
خالص تحياتي

عباس العبد said...

ايه يا بشمهندسين
انا جيت متأخر و لا ايه؟
معلش كنت مسافر و لسه جى
بوست جميل و اللينكات قوية جدا
...
معتقدتش انهم حيروحوا غزة رغم ان الحدود مفتوحة
فنجرية بق و طق حنك و هجايس ذات صبغة و كله فى الكلتش و كلشنكان
و لو سئلتيهم ودانك دى ؟
حيقولك لأ ودان الى جنبى
ربنا يعوض علينا

Fantasia said...

الاستاذ رامز

دا انا لو كنت اعرف ان حضرتك هتكتبلي تعليق كنت اخرت البوست
احنا اللي جينا بدري يا فندم

صدقني انا مشفتش منهم كلمة واحدة عن البوست دا غير نظام دي ودن اللي جنبي.. أي هجايص وأي بتنجان.. يعلق ويسأل سؤال, ترد ع السؤال وتسأله رأيك ايه ف الكلام دا يا اخينا, يروح على ودن اللي جنبه ويطلع برة الموضوع.. تقوله يا عمي مال دا ومال اللي احنا فيه.. يشتم ويقل ادبه

غزة ايه دي اللي هيروحوها؟ هو احنا دقين عصافير؟ دول كبيرهم يروحوا مكتب الارشاد ياخدوا البركة. وقال ايه عكفكف يقولك مستعد ابعت عشر تلاف يحاربوا ف فلسطين! عشر تلاف حتة واحدة؟ الا ما شوفنا منهم ولا واحد.. ولا دول حاططهم ف التلاجة لغاية ما فلسطين تتنقل عندنا هنا؟

خالص تحياتي

Anonymous said...

لا يا مقدسة فانتازيا
هم ماعندهومش البركة اللي بتاخديها م الكنيسة اللي انتي تبعها انتي وشوية البلوجرية الخيال دول
وبعدين ما تقولوا انكم شوية مسيحيين على شوية ملحدين وبلاش تخفي وتمسح فيهم
ولا اقولهم اصلكوا وفصلكوا
اصلي كنت معاكوا وربنا تاب علي منكوا فاكراني ولا اييييييييييه

Fantasia said...

يا ولية يا هبلة.. بطلي غل وحقد بأة
دانتي عار ع البشرية بتخلفك ده.. هتكتشفي ايه ياللي ربنا تاب عليكي؟ هو ربنا تاب عليكي من ايه بالظبط؟ عقبال ما يتوب عليكي م التخلف اللي انتي فيه

Anonymous said...

بصي خدي راحتك وانتي بتتكلمي ع الاخوان ..
عشان يمكن انتي تعرفيهم واحد واحد
او ع الاقل من بلدهم
بس بلاش تنطي في نص الحمساوية
عشان انتي متعرفيش الناس دي
كل اللي تعرفيه بتشوفيه في الاخبار .. دا لو فاضية او ع النت
بس مش عايشة بينهم وتعرفي طباعهم

اوك يا جميل ؟

Anonymous said...

Hassan El Helali said...

يا عم .. اذا متفهمش في الدين .. اوقف ع جنب
متقعدش تقول اصل الدين بس فيه معاملات بسيطة ومعرفش ايه
انتا مش عارف انو بيشمل كل حاجة دي مشكلتك
متعممهاش لو سمحت
اصل في ناس ممكن تصدقك بدون تفكير يا باشا

Fantasia said...

كابشتينوو

ايه يا عم القهوجي انت؟ هي وكالة من غير بواب؟

انت بقى اللي من بلد الحمساوية؟ اللي هي ايه بقى ان شاء الله؟ حماسستان؟
طب يا ريت تقولهم يخلوهم ف واكستهم ويبطلوا يلقحوا جتتهم علينا

مالكش دعوة بضيوفي يا عم انت
روح اسرح بعيد
واذا كنت فاهم دينك صحيح فيا ريت تتكلم باسلوب محترم

ماشي يا عم القهوجي؟
يلا بقى عشان فيه زباين بيسقفوا عليك هناك

Anonymous said...

مش عارفة يكون ازاى الرد على واحدة
بتضحك على نفسها وتقول انها بتكتب نقد موضوعى مع انها مقاضياها شتيمة واسلوب مبتذل من اول المقال

واذا كنتى زعلانة قوى من صواريخ المقاومة وشايفة ان هى السبب فى المجزرة اللى حصلت فاحب اقولك ان على مدار الخمسين السنة او اكتر اللى احتلت فيها اسرائيل فلسطين ..كان فى فترات طوويلة جدا من الهدنة من جانب المقاومة ومع كدة لم يتوقف القصف ابدا ولا الاجتياحات

لو فاكرة ان صواريخ القسام هى السبب فاقرى عن مجزرة جنين ومذابح دير ياسين وقصف مطار غزة منذ سنتين
وقوليلى بالذات على مجزرة جنين ..هل كان فى قصف قبلها ؟ او فى فترة الزمنية بتاعة المجزرة
يعنى طالما كدة كدة بيموتوا وفى قصف واغتيال مانرد بقى ..مانقاوم ونموت واحنا بندافع عن ارضنا

زعلانة قوى على الناس اللى اتاذت فى اسرائيل من الصواريخين؟
ولا فاكرة ان الصواريخ دى مالهاش لازمة وماتبتعملش حاجة
احب اقولك ان اسرائيل عندها تعتيم اعلامى رهيب على خسائرها بسبب صواريخ حماس
وده كان كلام احد الاعلاميين الكبار فىالجزيرة اللى قال لما نقولك اهم اعلنوا ان فى اتنين ماتوا يبقى اضربوا الرقم ده فى عشرة
لانهم مش بيعلنوا عن خسائرهم الحقيقية

اما كلامك عن الاخوان اللى بيهتفوا بس من غير عمل
فياريت تروحى عن المعابر وتسألى الامن المصريين اللى هناك كم قافلة اغاثية ارسلت الى غزة من نقابات الاطباء التى يشرف عليها الاخوان
والنقابات الاخرى

لو شايفة ان المرشد ماراحش
فادخلى مدونات شباب الاخوان وشوفى كم منهم دخل هناك وحكى ما رأى
ودول الشباب اللى راحوا مع ناس كبيرة ومع قيادات
فماتقلقيش حضرتك القيادات برضه راحوا ودخلو س مش لازم يعنى يعمللوا هولليلة وزمبليطة عشان مايحصلش قلق اكتر عند المعابر

اه بالمناسبة مصر مافتحتش المعبر الا لما اهل غزة فجروا ثغرة وانطلقوا منها لداخل مصر فمبارك اتزنق فى الموقف ده لانه لو كان رجعهم وقفل المعبر ف وشهم كان منظره هيبقى سئ جدا
(وومش هقول كلمة عرة زى ما اتسعملتيها مع الاخوان)
ومع كدة اول ما الرئيس مباك اخد الموقف ده واعلن ترك المعبر مفتوح الاخوان كانوا اول من شكروا الرئيس على هذا الفعل واشادوا به علنا
كون انك مابتقريش الموقع الرسمى للجماعة اخوان اون لاين
او مابتسمعيش كلامهم فى المجلس لما كتلة الاخوان فى البرلمان شكرت الريس على هذا الفعل
فدى مشكلتك انتى

ومصر اللى حضرتك شايفة انها بطلة الابطال وقدمت كتير للقضية الفلسطينية
فانا هسألك عن تطورات القضية الفلسطينية منذ 50 سنة فى ظل جهود مصر اللى اكلمتى عليها
هل التطورات دى كانت للاحسن ولا الاسوأ
يعنى هل وضع الفلسطينين اتحسن فى ظل جهود مصر الرائدة ولا ايه اللى حصلهم
وطبعا كلمة مصر هنا اقصد بيها الحكومة المصرية مش مصر نفسها اللى هى الشعب لاصيل اللى نفسه فعلا يساعد اخوانه الفلسطينين

فى نقط كتير كنت عايزة ارد عليكى فيها
لكن مبدأيا هنهى دلوقت كلامى وافكرك بس ان على مدى كلامى كله ماغلطتش فيكى او اسأت لشخصك
لانى برفض شخصنة المواضيع
انما كنت عايزة اناقشك فى صميم نقط اثرتيها فى كلامك

وربما يكون لنا عودة

وشكرا جزيلا
تحياتى

Shady Shrif an Egyptian Software engineer said...

يا نهار

و الله انا مش عارف اية الي جابني هنا اصلا انا جيت غلط بجد

لأن الكلام دة المفروض ميتطلع من ناس مثقافين

المهم

حضرتك قولتي

عيب أوي الحركات العرة دي يا كباتن! عييييييييييييييب. اختشوا. بلاش استغلال الدين ف السياسة بالشكل المهين ده. يعني انتوا هينوا نفسكم زي ما انتم عايزين. لكن كلام ربنا طلعوه برة الموضوع

اولا حضرتك كنتي بتسألي اية لازمة المصحف في الموضوع

حلو اوي

1- انا مكنتش اخوان لحد ما ربنا من عليا و دخلت مدونت حضرتك العزيزة و شوفت الهجود البشع علي الاخوان ساعتها بس روحت دورت علي الاخوان و لله الحمد بقيت واحد منهم و افتخر ان الله غايتنا و الرسول زعيمنا و القران دستورنا و الجهاد سبيلنا و الموت في سبيل الله اسمني امنينا

2- المصحف هو الشريعة الاسلامية التي يجب ان نحيا بيها علشان بنرفعوا في المسيرات لأن المصحف عقبال عند حضرتك كدة بينص علي حاجة اسمها الجهاد و احنا بنطالب بية الحكام الخونة

ايوة بقولها تاني

الخووووووونة

انهم يطبقوه بس كدة

.............
Innocent باشمهندز
بجد انتا كلامك بخصوص الدم دة بيدل انك متعرفش
a b c
في الدين

انا معاك ان القومية العربية دية ولا حاجة

بس اوعاك تنسي ان في حاجة اسمها اسلام و في الاسلام كلنا اخوة

..................

حكومتنا الخاينة بقي

حضرتك هتموتي اوي من الظابط المصري الي مات علي الحدود

ماشي

اية احساس سعدتك جتجاة الناس المصرييييييين الي بيوتهم اتكسرت من القصف الاسرائلي

و عساكر الامن المصريييييين المركزي اتصابوا علي الحدود

و الكلام دة ناتج عن اختراق طائرتين صهيونتين للحدود المصرية اكثر من مرة

ها عاوز تعلقك علي موقف الحكومة

ولاااااااا حاجة

تبقي حكومة اية ؟؟

بس كدة

و اكيد الي رضيتوا علي ولادها هترضاه و اكتر منه علي ولاد الفلسطنين

................

كلمة جابت لي شلل بقي

قال اية المعبر مفتوح و احنا بنعمل مظاهرات

هههههههههههههه

الي قال لحضرتك كدة يبقي ....... لية بقي ؟؟

يا افندم حكومة مصر بتتلكع

يعني اية يدخلو الشاحنة في 3 ساعات

يعني اية يمنعوا اطباء انهم يدخلوا غزة و مدخلهوهمش غير لما الجزيزة جابتهم

يعني اية يقفلوا المعبر يوم بحجة ان هيبقي في توغل بري؟؟

يعني اية اصلا مش عاوزين يفتحوا الحدود جمركيا من سنة و نص

في حاجة الظاهر انها اكبر من عقل حضرتك

الحاجة دي اسمها

ان احنا و الفلسطنين اخوات و اليهود اعدئنا

لما اليهود يمعنوا عنهم الاكل و الشرب دة شئ طبيعي

انا لما احنا نقفل المعبر تبقي خيانة

بس كدة

و اروجو عدم الحذف

و اتمني بقي الرد و عم الهروب

و السلام علي من اتبع الهدي

Shady Shrif an Egyptian Software engineer said...

كلامك مش واقعى ونقدك مش موضوعى


كلامك تمام جدا

..........

اة صحيح يا فناتزيا حضرتك عملتي اية

لما كل الاخوان عملوه ده مش عاجبك و زعلانة اوي من سلحونا و دروبونا

حضرتك ايش سويتي

طبعا غير المقاله الوطنية في حب الاخوان دي ؟؟؟