Sunday, February 10

ملوك الجدعنة.. مبروك عليكم وعلينا


مبروووووووووووووووك.. ألف مبروك لمصر.. ألف مبروك يا كل حبايب مصر.. ألف مبروك لكل مصري.. وكل مصري الله عليه

يا سلام يا ولاد.. دي الفرحة دي حلوة بشكل! وأحلى فرحة هي فرحتنا كمصريين.. فرحتنا بالنصر.. فرحتنا بولاد مصر.. بملوك الجدعنة المصريين.. فرحتنا بفريقنا كلنا.. منتخب مصر.. فريق كل المصريين.. أنا وأنت وهو وهي كلنا ف نفس اللحظة بنصرخ نفس الصرخة.. كلنا فرحانين.. عشان كلنا مصريين


يا سلام يا ولاد.. ايه الروح الجلوة دي! ايه الاصرار والعزيمة والهمة دي!.. بحبك يا مصر.. بحب روحك الحلوة.. بحب ولادك وبناتك الجدعان.. بحب اللي يحبك.. وبحب فرحتك.. بحبك وانتي فرحانة.. بحبك وانتي فخورة بولادك.. بحبك وانتي منورة.. بتبقي جميلة أوي با بهية.. بتبقي زي القمر.. وأهلك بيبقوا زي العسل


أنا فرحانة.. بجد قلبي طاير من السعادة.. سادس بطولة.. رقم قياسي افريقي بإسم مصر.. أحسن فريق هو فريق مصر.. احسن لاعب من مصر.. والخبرا قالوا كلمتهم, الفريق الافريقي النموذجي لازم يكون اكتر من نصه مصريين.. يكون فيه سبع لعيبة من مصر

يا رب كتر افرحنا وعلى قد نيتنا ادينا

حسن شحاتة يا معلم, خليت العالم يتكلم.. كدت العوازل يا ابو علي.. ربنا نصفك على كل حاقد وكل شامت وكل صاحب مصلحة.. حسن شحاتة يا مدرب يا خطير.. رفعت راسنا يا معلم يا كبير.. مدرب مصري, هزم كل المدربين الخواجات المستوردين.. يا ابن مصر يا غالي, يحميك ربنا م العين


وانت يا حضري يا بطل.. واقف زي الاسد ف عرينه.. حارس مرمى مصري بمستوى عالمي.. وابتسامتك السمرة فيها كل الفرحة.. ارقص يا حضري دا من حقك, دا انت فرحت كل اهلك


أقول مين ولا مين؟.. حسني عبد ربه, عمرو زكي, ابو تريكة, احمد حسن, زيدان, محمد شوقي, وائل جمعة, أحمد فتحي, سيد معوض, هاني سعيد, عماد متعب, شادي محمد

تحية لكل الفراعنة الجدعان, اللي خلوا كل بيت في مصر بجد فرحان


وكمان كل عيد حب وكل المصريين طيبين

11 comments:

Coca said...

فانتااا

صحيح مصر كلها فرحانه ومبسوطه وانا كنت اعده علي اعصابي
رغم اني كنت دابه خناقه لرب السما بس متابعه الماتش اسعدتني جدا

الفرحه خصوصا الجماعيه بجد من احلي انواع الفرح فيها روح تانيه

مبروك مبروك مبروك مبروك علينا وبدو وعلينا

بس علي راي مني الشاذلي الله يمسيها بالخير بحبها انا البني ادمه دي اوي
وهي بتقول الناس نسيت مع الفرحه هموم كتيره
هو يمكن فرحتهم دي بتخفف الالام الواقع مسكن ليها
تحياتي يا قمر

Hypatia said...

مبروووووووووووووووووك

القطى البوسه ديه
:)

kafrawy said...

الله عليكى يا مصر


ميروك ليكى و لمصر

Samir Saad said...

الف مبروك يا فنتازيا

Anonymous said...

هاى
هذه اول زياره لى هنا اتمنى نكون اصدقاء
اما عن البوست فهو مبروك لسعاده الناس
لكن انا راى انه كان هيبقا الف مبروك لو انتصرنا بالعلم وبالانسانيه مش بالكره

علمانى ملحد

Empress appy said...

مبروك عليلكى وعلينا يا فانتا
عارفه الاجمل ايه الروح اللى الواحد شفها فى الشوارع من او وسط البلد لغايه عباس العقاد والقاهرة الجديدة بجد المصريين شعب هايل عامل زى الورد الجميل اللى محتاج حد يجمعه فى بوكيه واحد

Anonymous said...

mabroukkkkkkkkkkkkkkk ya MASR ya om elduniya mabroukkkk Fanta goooooooooooooo

mohand said...

السلام عليكم

مبروك علينا
مبروك لكل المصريين

ومبروك لكل اللي فرح لنصرنا في كل بلدان العالم


عظيمة يا مصر


شوفتي بنكون حلوين ازاي لما بنلعب لعب جماعي؟

يا رب الشعب كله يتعلم من المنتخب ومن المعلم حسن شحاته

تحياتي

MerMaid said...

فانتازيا

:)
مبروك يا قمر للمصريين كلهم الفوز بالكاس
تحياتي ليكي
:)

WAMA Global Store said...

مبرووووووووووووووووك

Fantasia said...

الاعزاء كوكا, نسرين, كفراوي, انوسنت, مثلي, آبي, مجهول, مهند, ميرميد, أحمد

مبروك على الجميع.. تحيا مصر وتدوم فرحتنا بانجزاتنا في كل المجالات ان شاء الله.. تحياتي لكم جميعا