Sunday, March 16

مولد مجلة مصر الجديدة



مجلة مصر الجديدة هي مجلة اليكترونية تصدر شهريا, في الخامس العشر من كل شهر. يقوم بتحريرها باقة من ابرز المدونين المصريين والمهتمين بالشأن المصري

المجلة تهدف الي تحليل المشهد المصري الحالي وتقديم رؤية عصرية لكيفية التعامل مع المشاكل التي بيمر بها المجتمع المصري الآن. كما يقوم كل كاتب من كتاب المجلة بطرح وجهة نظره الخاصة واقتراحاته فيما يتعلق بالتغلب على هذه المشاكل وما قد يساهم في تنمية المجتمع وافراده
يعني بالبلدي كدة, لو عايز تعرف ايه مشاكل مصر, وليه, والحل ايه, تعالى كل شهر في نصه بالتمام, واقرا الناس دي بتقول ايه. أكيد هتلاقي حاجات كتيرة تهمك وافكار كتيرة تنفعك

لو انت مصري بتحلم ان مصر تبقى أحسن
لو انتي مصرية عايزة بكرة يبقى اجمل من النهاردة
لو انت عربي ومهتم ان مصر تنهض ويبقالها دور فعال في المنطقة
لو انتي عربية وحاسة ان اللأمل في وطن عربي متطور ومتقدم بيبدأ من مصر
يبقى المجلة دي هي اللي انت وانتي بتدوروا عليه

هتلاقونا دايما معاكم باقتراحاتنا واراءنا وتحليلاتنا ودراساتنا.. كلنا عندنا نفس الحلم.. كلنا بنحب مصر وعايزينها تبقى أم الدنيا بحق وحقيق. عايزينها تطلع من مشاكلها وتقوم من غفلتها وتتقدم بولادها. عايزين بكرة يبقى أحسن للأجيال اللي جاية. عايزين الأطفال بتوع انهاردة يفتخروا بينا وباللي حققه جيلنايلا ايديكم ف ايدينا.. نبني سوا مصر الجديدة

لقراءة أول أعداد المجلة: اضغط هنا
شكر كبير لكل من ساهم في ان تخرج هذه المجلة إلى النور

30 comments:

MerMaid said...

العزيزة فانتازيا

الف الف مبروك علي صدور المجلة
و ان شاء الله نتابعها كل نص شهر
تحياتي ليكي يا فانتا

:)

ومبروك مرة تانية

Unknown said...

فانتا العزيزه جدا

ألف مبروك وكلي غيره من عدم وجودي علي أول عدد... ولكن الظروف لم تسمح ولكني أعدك بالتواجد قريباً جداً... كل التوفيق

Egyptian Feminist Chic said...

Wow fanta!!! Congrats:) I just looked at the new mag.. great work everybody:)

ألِف said...

هاها..إيه يا فانتوم دا!
أنت مع القفا دا و لا إيه!

Fantasia said...

العزيزة ميرميد

الله يبارك فيكي يا قمر
يا ريت تتابعي مقالاتنا دايما وتقولولينا رأيك إيه

خالص تحياتي

Fantasia said...

الاستاذ العزيز حسن الهلالي

كدة يا أبو علي تبخل علينا بحتة مقال صغير؟
الله يبارك في حضرتك.. بجد افتقدنا وجودك معانا
أنا عارفة انك كنت مشغول.. براءة المرادي. وكويس انك غيران
:)
في انتظار مشاركتك في العدد الجاي

خالص تحياتي

Fantasia said...

Dearest EFC,

Thanks a lot for your warm congrats. Hope that you enjoyed reading our first issue. Waiting for your detailed feedback on e-mail.

Fantasia said...

الاستاذ ألف

ايه ده؟ يطلع مين الأخ؟ لأ يا عم ألف احنا مالناش دعوة بالشخص دا بتاتا

انت عرفت طريقه فين ده؟ دا مسكين أوي
اقرا انت بس مجلتنا وقولي رأيك إيه

خالص تحياتي

-_- said...

مبروك
متابع ان شاء الله

اجري على الله said...

السلام عليكم
الاستاذه فانتازيا
اولا الف مبروك على المجله

ثانيا انا مش عارف ليه انت زعلانه اوي كده من الاخوان
على فكره انا من الاخوان
وجيت مدونتك وقريت اللي انت كتباه
مش عيب ولا حرام ان احنا نختلف
مش عيب ان يكون ليكي فكر ولي قكر
لكن العيب اننا نرفض بعض
بالنسبه لموضوع الهلال والصليب انا اقول لحضرتك ان الامام البنا مؤسس جماعة الاخوان كان اعز اصدقاءه هو الاستاذ مكرم عبيد القبطي المصري المعروف والاستاذ مكرم هو الوحيد الذي سار في جنازة البنا رحمه الله
نجن لانرفض المسيحين بل نعتبرهم اخوه في الوطن لهم مالنا وعليهم ما علينا
وانصح حضرتك انك تقرأي كتاب الدكتور القرضاوي خطابنا الاسلامي في عصر العولمه والدكتور القرضاوي هو من المرجعيات الفكريه عند الاخوان
وليتك تقراين كتاب الاستاذ البنا الرسائل حتى تتعرفي على فكر الاخوان اكتر

صدقيني انا من الاخوان لكني لا اكره احدا داخل حدود هذه البلد على الاطلاق حتى هؤلاء الذين يضربونا و يطاردونا ويعتقلوننا لا اكرههم ولما وصلني خبر السياره التي قتل كل من فيها من سيارات الامن المركزي ترحمت عليهم وسألت الله لهم ان يغفر لهم ما سكبوه من دموع الامهات والابناء والبنات وما ظلمونا
هذا هو فكري وما تعلمته من الاحوان

وفي الختام مبروك مره تانيه على المجله وانشاء الله نتطلع عليها

اتمنى ان نتواصل دائما
الشاعر لن هلال

أنا حر said...

الف مبروك على صدور المجلة
من نجاح الى نجاح
تحياتي

Hoda said...

فانتا الجميله

مبروك يا حبيبتى على المجله ويا رب تكون فاتحة خير عليكى يا رب ومجهودك يكلل بالنجاح. وكل سنه وانتى طيبه بمناسبة المولد النبوى الشريف

خالص تحياتى ومودتى

Fantasia said...

العزيز شارم

الله يبارك فيك
أشكرك على تهنئتك الرقيقة وسعيدة بحرصك على متابعة المجلة

خالص تحياتي

Fantasia said...

اجري على الله

وعليكم السلام ورحمة الله

أتمنى أن يقرأ الإخوان تعليقك لعلهم يرجعون عما اتهموني به زورا وبهتانا

أيها الأخ الكريم, صدقني أنا لا أحمل كرها لأحد, وموقفي من الإخوان ليس موقف شخصي ولا خصومة بيني وبين أعضاء الجماعة. أنا فقط انتقد فكر اللإخوان وممارستهم على الساحة السياسية والإجتماعية, وهذا بناءا على مواقف تتبناها الجماعة وتصريحات معلنة من قبل قياداتها توضح الإتجاه الذي تتبناه الجماعة.. من هنا فأنا أحلل هذه المواقف وانتقدها بالعقل, وأعتقد ان هذا حق أصيل لي كمواطنة مصرية, بما أن الجماعة تقدم نفسها باعتبارها حركة سياسية, وهو ما لا يمت بصلة للكيان الأصلي الذي أسسه الشيخ حسن البنا رحمه الله

صدقني أنا أقدر الشيخ حسن البنا ورأيي فيه قد يدهشك أنت شخصيا, وقد أكون ممن يقدرونه أكثر بكثير من قيادات الإخوان الحالية التي تسير عكس نهجه, والتي يوجد من بينها من يهدم فلسفة البنا, بل ومنهم من يكرهه ويود محو اسمه من الوجود, لكنه لا يجرؤ على ان يعلنها صراحة.. فقيادات الجماعة تحرص أن يكون لها جذور تربطها بالبنا لاستمداد نوع من الشرعية

أنا يا سيدي ضد التأسلم السياسي كمنهج, ولست ضد أفراد أو مجموعات بعينهم. وما تعرضت له من اعتداءات متكررة من قبل بعض اعضاء جماعة الإخوان لم يغير من الأمر شيء, فأنا أحترم من يستحق الإحترام, وأناقش من يعرف لغة الحوار, وأوقف المتجاوز عند حده.. لكني أبدا لا أسعى لتصفية حسابات شخصية في شكل هجوم عام

اعضاء الإخوان, خاصة الشباب, هم مفعول بهم وليسوا فاعلون.. هم الأدوات التي تستغلها وتستخدمها العقول المدبرة وهم الأيادي التي تمول الخزائن العامرة وهم المتحمسون لحلم لا وجود له إلا في أذهانهم.. حلم تستغله هذه القيادات الشرهه للمال والسلطة وتحركه على هواها مستغلة براءة النوايا وطهارة قلوب أصحاب هذا الحلم

أنا صديقة ولست عدوة. أنا أحلم بما تحلم به أنت تماما, لكني لا أقبل أن يتم استغلالي من قبل أي تيار سياسي يعمل تحت أي عباءة. أنا أعرف ديني وألتزم بتعاليمه, ولا أحتاج في ذلك مرشدا عاما ولا شيخا مرتزقا يملي علي ما أرسله الله للبشر أجمعين ويجندني لخدمة مجموعة من أصحاب المصالح, بدلا من أن تنتفع البشرية كلها من علمي وعقلي الذي أنعم الله علي بهما وحملني بذلك أمانة يجب أن أصونها وألا أفرط فيها

أنا وأنت نتطلع لغد أفضل, لحياة أكرم, لوطن أقوى, لمجتمع أصلح.. فلتكن هذه أرضنا المشتركة وليحترم كل منا اختلاف الأخر في سبل التطبيق. لكن العداء ومحاولة إلغاء الأخر لن تؤدي إلى أي شيء إيجابي, بل إلى الدمار والحسرة. يا ليت الإخوان يفهمون ذلك

خالص تحياتي

Fantasia said...

الأستاذ أنا حر

أشكرك على تهنئتك الرقيقة
وأتمنى أن تكون المجلة قد حازت على اعجابك

خالص تحياتي

Fantasia said...

العزيزة حنين

أشكرك جزيل الشكر, وسعدت جدا بتعليقاتك على المجلة ومقالي المنشور فيها. تشجيعك يعني لي الكثير

خالص تحياتي

Hypatia said...

مبروك يا فانتا
العدد تحفه تحفه ماشاء الله بالذات مقال ابوفارس عجبنى اوى حاله التسامح اللى هو وصفها بتخللى الواحد عنده لسه امل

منتظره العدد الجديد حيكون اجمل ان شاء الله ويارب ناجحه ومتميزه علطول يا فانتا
:)

بحبك يامصر said...

مبروك يا فانتا
وان شاء الله هنتابعها كل نص شهر
تحياتى ليكى وكل المشاركيين بالمجله

ابو احمد said...

العزيزه فانتا
انا معجب بنشاطك وهمتك
الواحد بيشوف فيكى انت وامثالك من شباب المدونين الامل اللى كان قرب يضيع
على فكره انا وابو فارس والاستاذ شريف الصيفى ومدون اسمه على باب الله كتبنا عن احداث18و19يناير ورأيك يهمنى

اجري على الله said...

السلام عليكم
الاستاذه فانتازيا شكرا لردك واعتقد ان هذا يتيح مساحه من الحوار
واسمحيلي في البدايه اقول اني كتبت تعليقي كله لم اذكر كلمه واحده قد يعتبرها اي احد على انها سباب
لكن حضرتك استخدمتي كلمات مثل شرهه للمال .. مرتزقه ..وخلافه واعتقد انه من الاجدر ان نبتعد عن هذه الالفاظ في اي حوار بناء هذه مجرد ملاحظه ليتك تقبليها مني

طبعا انا حارد على موضوع الشباب انا من هؤلاء الشباب المنتمين للاخوان ولا اجد ماتفولينه ابدا
موضوع الشراهه للمال اسمحيلي يثير ضحكي قليلا لان احد اساتذتي دخله في الشهر 700 جنيه
واخر بيقضي الشهر بالعافيه وهؤلاء على فكره من القيادات المعروفه في حيز الاخوان
موضوع الخزائن العامره مش موجوده لانها لو موجوده كان زمان الامن مسحها وسيقها من زمااااااان

موضوع الشباب المغرر بهم غير وارد اكتر شباب الاخوان هم ابناء الكليات والجامعات هندسه وطب وتجاره وحقوق واداب وتربيه وغيرهم يعني من الصف المتعلم المثقف وكمان بيدخلوا على النت وعندهم مدونات وبيعملوا شات مع كل الدنيا يعني ماهماش مجرد شوية عيال يتضحك عليهم وزمن التغرير راح من زمان

يبقى السؤال هو ليه الشباب بيلتحق بالاخوا رغم الظروف العصيبه والاعتقالات والاذي منه وعلى فكر الحمد لله العدد كل يوم بيتزايد
لان ببساطه داخل الاخوان هناك جو من الحب والصدق والشفافيه والشورى او ممكن تسميها الديموقراطيه
لايقطع رأي داخل الاخوان في اي مكان الا بالتصويت واغلبية الاصوات
احترام عقليات الناس هو مايجعلهم يقبلون على الاخوان هذا هو مربط الفرس
او على الاقل هذا ما اجده انا وما اشعر به وما يجعلني ادعو ليل نهار لمن عرفني بالاخوان

موضوع حسن البنا رحمة الله عليه نحن لنا الظاهر ولله عز وجل الباطن
وحسن البنا ليس ملاكا لكنه هو شيخنا وا ستاذنا الذي نحبه ونحترمه ونسأل الله ان يجمعنا به هو وكل سلفنا الصالح

وموضوع ان جماعة الاخوان لم يكن لها صله بالسياسه ايام الامام البنا خطأ كبير لان الامام البنا نفسه كان سيترشح في الانتخابات وقته وتدخل النحاس باشا لمنعه
والامام البنا في اصول الفهم العشرين في الاصل الاول يقول
والاسلام نظام شامل يتناول مظاهر الحياة جميعها
فهو دولة ووطن او حكومة وامه
وهو ثقافة وقانون او علم وقضاء
وهو خلق وقوه او رحمة وعداله
وهو مادة وثروه او كسب وغنى
وهو جهاد ودوعوه او جيش وفكره
كما انه عقيدة صادقه وعبادة صحيحه سواء بسواء

يعني مافيش حاجه اسمها اسلام سيااسي في حاجه اسمها الاسلام نظام شامل لكل حاجه في الدنيا ممكن تكون مهمه لحياة المسلم

بالنسبه لموضوع عدم استخدام القدرات العقليه اكتر الاخوان هم اساتذة جامعات وباحثون واعضاء في هيئات التدريس لو كنت الاخوان بتحجر على عقل الناس طيب ازاي دول طلعوا وبرزوا في مجالاتهم

موضوع المرشد او اي مسؤل اداري داخل الاخوان وجوده للتنظيم يعني لتنظيم سير الاعمال لان التجربه اثبتت ان لو مافيش حد بتتجمع عنده الخيوط حايكون عمل فاشل تمام فده للنظام
طيب المرشد ليس هو من يقود الاخوان من يقود الاخوان مكتب اسمه مكتب الارشاد مراقب من هيئه اسمها الهيئه التأسيسيه او مايسمى بمجلس شورى الاخوان وهذا المجلس مكون من اكبر الاخوان في كل المحافظات
يعني الموضوع مش هو واحد وماشي على مزاجه لا دي منظومه متكامله

واسمحيلي ان اختم كلامي بكلامك انت
أنا وأنت نتطلع لغد أفضل, لحياة أكرم, لوطن أقوى, لمجتمع أصلح.. فلتكن هذه أرضنا المشتركة وليحترم كل منا اختلاف الأخر في سبل التطبيق. لكن العداء ومحاولة إلغاء الأخر لن تؤدي إلى أي شيء إيجابي, بل إلى الدمار والحسرة.

ياليتنا جميعا نفهم ذلك ونحوله لواقع عملي

تحياتي المتتاليه واسفي البالغ للاطاله

الشاعر بن هلال

اجري على الله said...

الاشتاذه فانتازيا
عذرا اني رجعت تاني
لكني لم اكن قرأت كل التدوينات الموجوده حاليا على المدونه قرأت بعضها فقط
لكن بعد ماقراتها الحقيقه شعرت بالصدمه الشديده لكمية الالفاظ والشتائم التي تسيء لكي انت اولا قبل ان تسيء لاي احد تاني
ولو كان الموضوع ان احنا نشتم بعض كان يبقى الموضوع سهل
رغم اني لم اتربى على هذا في الاخوان
انا اتمنى ان يكون حوار الناس المثقفين اللي زي حضرتك مع غيرهم بشكل غير كده
هذا رجاء شدييييد
واسمحيلي ايضا اني اقول اني حاسس اني اتجرحت فعلا لانك بتوجهي شتائمك للاخوان اللي انا منهم واي واحد منهم عندي هو في مرتبة نفسي بل اكثر من ذلك
عذرا على عودتي مره اخرى

سلام عليكم
الشاعر بن هلال

Anonymous said...

http://hoda3lmany.blogspot.com/

Fantasia said...

عزيزتي نسرين

اشكرك جدا على تهنئتك الرقيقة.. الله يبارك فيكي.. سعيدة أوي ان العدد عجبك وان شاء الله العدد الجاي يعجبك أكتر. يا ريت تساهمي معانا في العدد الجديد

خالص تحياتي

Fantasia said...

الاستاذ العزيز بحبك يا مصر

الله يبارك في حضرتك. يا رب تكون المجلة حازت على اعجابك وتتابعنا دايما

خالص تحياتي

Fantasia said...

العزيز أبو أحمد

اشكرك جزيل الشكر على تشجيعك وكلامك الجميل. ان شاء الله أكون دايما عند حسن ظن الجميع. تشجيعكم دا هو اللي بيديني دافع قوي وبيخليني رغم كل مشاغلي أصر على اكمال المشوار وتحمل مما به من صعاب

يا ريت تبعتلي اللينك عشان أستمتع بقراءة العمل الجماعي ده, اللي أكيد هيكون أكثر من رائع

خالص تحياتي

Fantasia said...

الاستاذ أجري على الله

كنت أعتقد ان غرضك هو التواصل ومد جسور الحوار والود رغم اختلاف الرؤى, لكن اتضح لي ان هذا فقط ما كنت أتمناه, وهو بعيد عن الواقع مع كل أسف

ايها الأخ الكريم, أنا أبدا لم أوجه أي شتائم أو اهانات لاشخاص, وانما اعتمدت في نقدي لفكر الاخوان على اسلوب ساخر وربما لم تخل لغته من اللذوعة بسبب حبي لوطني وغيرتي على ديني. لكني أبدا لا أهين ولا أوجه الشتائم لأحد

أنت تحسب نفسك من هؤلاء الذين انتقدهم رغم نفيك للاسباب التي أوردتها, وهي كلها موثقة وليست من نتاج خيالي كما سبق وأوضحت

أخي الكريم, تحاملك علي وتحيزك ضدي يتضحان في اغفالك التام لوابل السباب والاهانات والاتهامات واللعنات التي أمطرني بها زملائك في الجماعة, واكتفائك بنقدك للغة التي استخدمها في اطروحاتي وقولك أنك صدمت من ألفاظي! اذا كنت ترى أن في هذا انصافا, فاسمح لي ان أكون أنا المصدومة

خالص تحياتي

Fantasia said...

المخفي

نعم يا سيدي. خير؟ انت مش هتبطل بقى؟ يا ابني التخاريف دي ماعدتش تخش على عيل في ابتدائي. ما أنا رديت على خزعبلاتك دي قبل كدة ووضحتلك انها فضيحة على طريقة الدبة اللي قتلت صاحبها. وبرضه مفيش فايدة, عامللي كوبي وبيست ومغير اسم المدونة, قال يعني دا الجديد. بطلوا شغل البغبغنات ده, دي كوميديا. عشان كدة هسيبلك اللينك ده, أهو الناس تخش تضحك شوية بدل الغم والكآبة اللي احنا فيها. وينوبني ثواب. يا ابني اقرا, عيب عليك كدة. والله العظيم الخزعبلات بتاعتك دي مالهاش وجود غير في التموين اللي بيمسحوا بيه عقولكم. اطلع وشم الهوا بتاع ربنا, الله يرضى عليك. شوفلك مرجع محترم بدل ما انت عمال تخرف ومش عارف ان اللي بيفهم ويقرا كلامك هيضحك عليك. والله انا بنصحك لوجه الله تعالى
اللهم اني قد بلغت, اللهم فأشهد

Anonymous said...

احبه لانه بستحق ان احبه
ذهبت بعيدا ولكن رجعت اليه
اخذتني الدنيا ولكن رجعت لاني احبه
عرفته بالحب عدت بالحب
هل تحبه هل تسمعه ,الك قلب
ان كان لك قلب ستسمع
حتما ستسمع ,
الم يان للذين امنوا ان تخشع قلوبهم لذكر الله وما نزل من الحق ولا يكونوا كالذين اوتوا الكتاب من قبل فطال عليهم الامد فقست قلوبهم وكثير منهم فاسقون
اياك ان تذهب اياك ان تمضي ارجع فقط ,ارجع فحسب ,ارجع ان كنت تحب
ارجع قبل ان يأتي يوم ولاتستطيع الرجوع ,
الك اله سواه الك رب غيره ,ماهذه الدنيا ومن فيها ومن عليها ,
يا حسرتى على ما فرطت في جنب الله وان كنت لمن الساخرين
يا حسرتى على ما فرطت في جنب الله وان كنت لمن الساخرين
يا حسرتى على ما فرطت في جنب الله وان كنت لمن الساخرين
العائد الي النور

Anonymous said...

http://hoda3lmany.blogspot.com/

Migo Mishmish said...

مش هتكتبي عن اضراب 6 ابريل ولا ايه يا فانتا
يلا بسرعه علشان نعرفهم اننا مش هنسكت
love,
MishMish