Sunday, June 29

فرحة ما تمت



دا تحديث على التحديث اللي نشرته بخصوص البوست اللي فات

بركولنا يا حبايب
لولولولولولولولولولولييييييييييي

المنتدى بتاع عمرو خالد كله اتقفل بالضبة والمفتاح

قال إيه يا سيدي

السلام عليكم و رحمة الله و بركاته .
نعتذر المنتديات مغلقة للصيانة و التطوير .
سوف نعود قريباً إن شاء الله
مع تحيات إدارة المنتديات

والله زي ما بقولكم كدا، وشوفوا بنفسكم هنا

أشكر صديقتي العزيزة المدونة حنين خالص الشكر على جهودها المتواصلة في الاتصال بادارة موقع عمرو خالد
والتي أجزم بأنها كانت السبب الأساسي وراء "الصيانة والتطوير"

طبعا اللي مستني تفسير ولا اعتذار ولا حتى أي اشارة للموضوع.. احب اهديله أغنية "في المشمش يا سي مشمش"

لكن كفاية علينا هذا الانتصار الكبير.. وانتظروا المزيد من الانتصارات على خفافيش التطرف والفتن بإذن الله
-----------------

تحديث رقم 3

يا فرحة ما تمت
معلش.. الظاهر الموضوع أصعب مما كنا نتخيل

دلوقتي احنا اتأكدنا بما لا يدع مجالا للشك إن الرسالة إياها مش مدسوسة على موقع المدعي عمرو خالد
بعد يوم كامل من "الصيانة والتطوير"، يعود المنتدى لتطل علينا نفس الرسالة الحقيرة التي كانت قد اختفت مع كل المنتدى بالأمس

مازلنا نبعث الرسائل للباشا وادارة موقعه اللي مطنشين ع الآخر
ويوجد تحت أيدينا الآن ما يثبت علم الموقع بما هو مكتوب على المنتدى

مش هنستسلم .. وهنفضح الداعية المدعي ده وموقعه الذي تديره عصابة من مشعلي الفتن الطائفية
همتكم معانا.. اللي يعرف محامي يا ريت يقولنا الاجراء القانوني اللي ممكن يتاخد
ويا ريت اللي يعرف يحذر بريطانيا قبل ما عمرو باشا يروح هناك هو والكام عيل اللي لاممهم عشان يعملوا مخيم صيفي في بلاد الكفار يقولهم موقع الأستاذ بيروج لأفكار عاملة ازاي

والتحديثات مازالت مستمرة

13 comments:

abderrahman said...

قفلتي المنتدى يعني؟؟
:-)
حرام عليكي.. ده قفلوه لأسباب تقنية
عموما انا فيه كام موقع فعلا عايز اقفلهم منهم واحد كنت بشتغل فيه
اذا ممكن تساعديني؟

Hoda said...
This comment has been removed by the author.
Wandering Scarab said...

Can anyone in the UK help? I'm assuming that since Amr Khaled lives in the UK, the site must be maintained there. Is it possible for one of the readers from the UK to perhaps contact the internet provider or the company that hosts the site? It's possible that they might be amendable to the idea of sending a written document. He may ignore pleas from the readers, but he will not be able to ignore requests from a legal representative.

Unknown said...

لو كان الكلام دا صدر فعلا من موقع عمرو خالد فهو دعوة صريحة للتفريق بين وحدة الشعب المصري ودا يستحق اننا نتوقف عندة كتير علشان نشوف دور الدين الحقيقى فى المجتمع هل هو اصلاح الاخلاق ام التحريض على البغضاء وذلك فى الجانبين القبطى المسلم والقبطى المسيحى

عم مينا said...

ولله يا فانتازيا الموضوع ده غريب قوي
أنا مش من محبي عمرو خالد بس أشهد بصراحة انه الرحل عمره ما جاب سيرة المسيحيين بطريقة وحشة و علشان كده أنا مستغرب من الفتوي دي و انا بحييك علي محاولتك الوصول للمسئولين عن الموقع علشان يوضحلنا الحوار

أنا حر said...

ياريت ما يتقفلش ويفضل مفتوح علشان نقدر نعرف وجهة نظرهم ونرصد سلبياتهم ونرد عليهم
تحياتي

some one said...

ههههههههههههههه
ياه انتوا لسه عايشين حلم العلمانيه
على العموم انا عاوز اطمنكم بس فى حاجه
انا مصر كلها فهمت اللعبه بتاعتكم و بقت اول متلاقى كلام من بتاعككم ده بيتفهم على طول و بيتعرف مين اللى وراه
يعنى انتوا خلاص كعلمانيين اتحطيتوا عندنا فى مصر فى مزبله التاريخ بجد
و براحنكم خالص من بعد النهارده
عشان القافله تسير و الكلاب تعوى مع الأعتذار يعنى


للكلاب طبعا

human said...

اقتباس
حد يفهمني قبل ما اتجنن يا ناس.. إللي أنا شايفاه دا اسمه إيه؟

دى كلمتك
بس مستغرب اوى
لسة مش عارفه معقول
دة اسمة جذور قبلية فى الاسلام

^ H@fSS@^ said...

فانتا يا ريت بجد تقدروا توصلوا كلام موقع الباش افندي للهيئات المختصة في بريطانيا
انا نفسي بجد يتمنع معسكره المزعوم و يتقفل
و لما يقول انهم بيضطهدوه نشوف بقى مين لالي اعتدى على التاني الاول
هو بكلامه المحرض المثير للفتن و لا الناس اللي قاعدة في حالها و مالهاش دعوة بحد
و يار يت لو نفاقه و تحريضه ده كمان يوصل للقنوات و البرامج و الاعلام و يتشهر بيه

Unknown said...

عد الى رشدك ولا تستهزء بالأنبياء فإنك مخلوق ضعيف ومكانك تحت التراب، ثم الحساب، فشغل عقلك الذي أودعه الله فيك ولا تشغل أهواءك وشهواتك بدلا من عقلك... وأتنى لك السعادة في دين ربك..

مصر يا موكوسه .....يا مزارع الكوسه said...

السلام عليكم ورحمة الله وبركاته
حملة كى يكونو حقا احياء
لمساعدة اطفال الشوارع ستبدا هذا الاسبوع
باقى التفاصيل هنا
http://awraqwasrar.blogspot.com/
للاشتراك يرسل الى
quloobrhema@yahoo.com
لنقم بالاتفاق على تحديد مكان وزمان
اللقاء
يسعدنا اشتراك الجميع

مصر يا موكوسه .....يا مزارع الكوسه said...

عارفه
ده يستاهل وليعه بجاز وسخ مش يتقفل بس
بس فى ناس(مش انا خاااااااااالص)بتحب عمرو خالد
وممكن تزعل

Hossam said...

سلام عليكم
مدونتك لذيذة اوى
تصدقى بموت فى الاغنية بتاعت فى المشمش يا سى مشمش دى
رائعة بجد وبدل على كل حاجة بتحصل فى مصر
اقصد اللى بيروح
تقبلى مرورى
سلام