Monday, April 7

هي حقيقي فوضى

حزر فزر الصورة دي منين؟


لسة ما عرفتش؟

طب ودي؟

طيب دي؟
برضه مش عارف؟
لأ مش العراق
لأ ولا فلسطين
بص كويس
لأ لا فيه اسرائيلين ولا أمريكان
دول بيحدفوا القطر بالطوب
أظن دلوقتي عرفت الصور دي منين
المكان: مصر المحروسة

الزمان: 6 أبريل 2008

هذا هو الإضراب الذي طال انتظاره

ياخي بلا وكسة









16 comments:

وجهة نظري said...

المشكلة إن هوا دا إلي كان مطلوب بالظبط، أهي شرارة حتشبك في حتة تئرف الحكومة والشعب، وبعدين الأمن يلطش في الرعاع يقوموا يطلعوا الناس غلابة والأمن بيقهرهم.... مين عمل إية محدش عارف. دا حتي محدش في إلي دعوا للإضراب جاب سيرة المحلة، كلوا غسل إيدة منها وروح بيتة. نفسي أخنقهم

بحبك يامصر said...

انا عايز اعرف يا فانتا الوكسه اللى انتى تقصديها لمين بالظبط لينا احنا ولا لمين للامن؟ ولا لحسنى وحاشيته ولا للاخوان اللى مرضيوش يشتركوا فى الاضراب
انا عايز اقولك يا فانتا ان التخريب ده الزمن والتجربه اثبتت لينا ان اللى بيقوم بيه الامن عن طريق بعض البلطجيه والمسجلين خطر تحت حماية الامن والله التجربه اثبتت لينا ده ولا ناسيه حادثة الاستفتاء واحداث نقابة الصحفيين واحداث انتخابات مجلس الشعب السابقه كلنا كنا عايشيين وشوفنا ايه اللى بيحصل محدش هيجامل حد
اشهد الله انى رأيت هذا بنفسى ان الامن يحمى البلطجيه ويتركها تتحرش بالناس ويتركها تخرب حتى يكون لقمعه للمتظاهرين والناخبين مبرر
ده حصل كتير وياريت متحمليش الناس اكتر ما هى شايله الناس تعبانه بتموت من الجوع عيزاها تعمل ايه تموت وهى ساكته حتى متصرخش وهى بتموت طبعا انا مش هنكر ان فى شباب انساقوا وراء البلطجيه فى بعض الاعمال زى اللى بيحدفوا القطر بالطوب بس ده بعد الناس اللى ماتت والضرب اللى حصل وقمعهم
واسف على الاطاله

Migo Mishmish said...

فانتا طالما الصور ديه اتخدت ميتهيأليش انتي لوحدك اللي كان عندك علم بيها
انا مبحبش نظرية المؤامرة لكن محدش بلغ ولا قال اي حاجة للشرطة مجوش ليه؟ يا بنتي داحنا كان عندنا في الشارع خناقه من اسبوعين الناس ضربت بعضها بالسيوف وازايز الببسي وواحد معروف انه صايع وبلطجي طلع بيته وعايز يرمي انبوبه بوتاجاز من الدور التاني الخناقه فضلت من 12 بالليل لغايه الساعه 2 ولما اتصلنا بالبوليس قال اه عندنا اخباريه مش الحناقه اللي فيها فلان وفلان اللي في شارع كذا قلنا اه قال عربية الدورية جايه استونها
عارفه عربيه الدوريه جت الساعه كام؟؟؟؟ ماجتش اصلاً اللي جه ميكروباص الساعه 5 الفجر لم الناس عاطل على باطل وطبعاً اللي اتخانق واللي ضرب كان روح بيته اتخمد. وعلى فكرة السادة الضباط اللي بيجوا عندنا من قسم البساتين لازم يتظبطوا سواء ان كان اللي مبلغ مجني عليه او جاني. ابو الوادب البلطجي ده جلف من الصعيد كان جاي مصر بشوال بصل وربنا فتحها عليه بقى عنده نص عمارات المنطقة وطبعاً لان اسم معروف عشان بلطجي يجي البيه الظابط بعد الخناقه بـ 3 او 4 ساعات بتظبط وبعدين طبعاً بيبقى الواد فوق ويقولوا انه مش هنا حد تاني هو اللي عمل كدة او متعرفيش ايه اللي بيحصل اهو قاعد زي العمل الرضي وظباط قسم البساتين بترزقوا برضه
اه طبعاً الصورة ديه غلط والناس اللي بتتصرف كدة لازم تتحاكم بس لو مكانوش عارفين انها خربانه خربانه ومحدش هيسال مكنش حد عمل كدة
love,
MishMish

Amr said...

شعب مقهور و جعان و عدمان و معندوش اي أمل في اي حاجة في الدنيا

حضرتك تفتكري ايه الحلول التانية اللي ممكن الناس تعملها؟

hui mu han said...

لا مفتكرش ان الاهالي الوحشين هما السبب بصي من جميع الاتجاهات

ابو احمد said...

الواحد مش بيؤيد التخريب ولا معاه
لكن برضه نشوف التعامل الامنى مع ثقافه الاحتجاج شكله ايه
الخلل على الجانبين والفجوه متسعه...متسعه جدا
اخشى غلى من يدينون التخريب ان يوسعوا الدائره ويدينوا ثقافه الاحتجاج ايضا
الوضع اصبح مرا والاحتقان بلغ مداه لهذا الشعب الصابر الصامت
فلنتبه جميعا...فلينتبه كل مخلص فى هذا البلد ايا كان موقعه

Anonymous said...

http://www.elaph.com/ElaphWeb/AkhbarKhasa/2007/10/270464.htm


I can't belive this is happening now in our days !

Fantasia said...

الأستاذ العزيز وجهة نظري

ومين سمعك؟ أنا نفسي أعرف مين اللي كان ورا اللي حصل في المحلة.. دول بقى لازم يتفضحوا.. ويا ريت لو الأمن ما يكتفيش بتلفيق التهم للناس اللي لمهم من الشوارع ويبحث عن المحرضين الأصليين ويكشفهم للرأي العام


خالص تحياتي

Fantasia said...

الاستاذ بحبك يا مصر

لأ هي الوكسة لمصر.. للشعب الغلبان اللي في الآخر دفع التمن برضه.. وللحركة الشعبية اللي هتموت بفعل التخبط وغياب الهدف والهمجية وسوء التنظيم

أنا موقفي من الاضراب دا كان واضح من قبل ما يحصل, ومش محتاجة اتكلم فيه تاني.. لاني قولت اني مش ضد الاضراب من حيث المبدأ, لكن ضد الهمجية في الدعوة للاضراب

الناس اللي انساقوا ورا البلطجية أيا كانوا البلطجية دول مين.. ناس مش بتكره الحكومة.. دول ناس بتكره البلد وبتخدم الحكومة.. ممكن عن جهل وممكن عن غير قصد.. لكن دا اللي حصل. شوهوا صورة الحركة الشعبية وحولوها لمهزلة

ماحدش يقولي أصلهم جعانين.. هما كلوا كدة يعني؟ أكلوا ولادهم؟ انتحروا حتى؟ لأ.. دول خربوا وعن عمد.. لان الموضوع كان كله فوضى.. لا ليه هدف ولا ليه شكل محدد, فكان الطبيعي انه يتسبب في مأساة زي اللي حصلت دي

خالص تحياتي

Fantasia said...

العزيزة مشمش

حتى لو هي خربانة خربانة, نقوم نولع فيها؟ للأسف أنا كان نفسي ألاقي أي مبرر للناس دي يا مشمش, بس فعلا مافيش

لا الفقر ولا اليأس ولا الإحباط يبرروا التخريب والترويع وتهديد سلامة الناس. الفوضى بتخلق فرصة للبلطجية والصيع والمنحرفين انهم يطلعوا في حركة جماعية حتى لو غير منظمة ويستغلوا حالة الفوضى دي لصالحهم

أنا مش بدافع عن الامن أو الطريقة اللي اتعامل بيها مع الناس, سواءا اللي في المحلة أو اللي حركوا الموضوع على الانترنت أو اللي اتظاهروا في القاهرة.. طبعا شيء في غاية السوء وتكريس للقهر والقمع.. لكن نفسي نقدر نميز بعد كدة بين الحركة الشعبية اللي تجيب نتيجة ايجابية وبين الفوضى والهرجلة اللي أكيد نتيجتهم هتكون كارثية

خالص تحياتي

Fantasia said...

عمرو

فيه حلول كتير للي عايز يحل فعلا.. لكن طبعا اللي مش عايز غير انه يفش غله مالوش غير طريق واحد.. يخبط راسه في الحيط.. زي اللي عملوا الاضراب كدة

Fantasia said...

هوي مو هان

أهالي وحشين؟ مين اللي جاب سيرة ان الأهالي هما اللي وحشين؟؟

Fantasia said...

الأستاذ العزيز أبو أحمد

اطمئن يا سيدي, فأنا حريصة على ألا أوسع دائرة ادانة الافعال, وأؤكد دوما أن المبدأ لا يشوبه التنظيم السيء أو غيابه

الاحتجاج السلمي حق أصيل للشعوب, ولا يمكن أن يصادر أحد على هذا الحق

خالص تحياتي

Hassan El Helali said...

رعاع ورعاع ورعاع ورعاع
يا خساره يا مصر

Fantasia said...

العزيز حسن الهلالي

الصور فيها رعاع فعلا.. لكن الرعاع دول هما مجرد يد لجسد مخرب.. هذا الجسد هو الذي ينخر في هذا البلد ويدمره من الداخل

ألف خسارة.. لكن ممكن نعوضها لو فوقنا الناس قبل فوات الآوان

خالص تحياتي

Hassan El Helali said...

فانتا العزيزه

أرجو أن تكوني قد لاحظتي
رعاع (و) رعاع (و) رعاع (و) رعاع
مش بس إللي في الصور